تانيتك عمر يمك ردت ارتاح
لكيتك واحه ميته ترابتك تذري
تانيتك تجبره لخاطري المكسور
جبرته بدمع بس ماجبر كسري
ليش تغيظني وأحجي الحجي المضموم
وتكول الناس عني مسودن يهذري
اذا تدري بعذابي وتدري اللي صار
لا تسأل عليه شباقي من صبري
خلصت العمر مابين جويه وآه
ومكالب بروحي وناركم حدري
ستوني الحزن مو كافي طفي النار
تبخر ماي صبري ونزرف جدري
رانيه___ شهر من الألم ماتمنا لعدوي
اغفه وافز من الوجع اعصر وجهي بلمخده
ماعندي غير وسيله امي ورنيم يمي
يفزن على ونيني افحط من البجي يحيرن
شيردن يسون ويشيلن الوجع التجئ للقران
اردد شكو سوره حافظتها لحد مااتعب
اصفن شلون التحرك نفسها كلبي يكوم
يوجعني
كاعده طب فضل صيح باااااعي يام
اشششش صوتك ماما
_خالو جابها
عيب فضل ليش تطلب
_مو اريد العب ماتي نسيتها
ميخالف ماما بعد لسويها
هز راسه
فضل والله اجويك اذا سمعتك طالب
اكدتها رافعه اصبعي برطم
ديله روح للحديقه العب ولتطلع للشارع
تقرب مدنك اباوعله باسني بسرعه وطلع
يركض
طبت وداد بيدها ماعون فواكه ابتسمت
درت وجهي ماابلع لسانها ويه امي وتجاوزها
فورتلي دمي وهي تبجي منها ونطرت مره بكد
امها مكدرت تتحملها مهما يكون هي ام
شكد تحملت من خالتي وعبرت اكول مره
جبيره رنيم من جانت يم عيالها تخابرني
تبجي من عجوزها مااحرضها اصبرها
تحملي ولصيرين لسان
ماانكر غلطنه من خليناها مدافع عن نفسها
واخذت الامور فطاريه
الامور متاخذ بطولت السان والعرامه
تضيع تعب اهلها وتربيتها لابد تحكم
الامور وتاخذها بعقلانيه
امي موفقيره ولا كليلة السان بس تبقه
ام تريد جنتها على بالها هاي حد عقلها
ماخذه الامور بلضواهر متحسب لبعدين
والعشره واخويه شنو يريد المهم هي
التريد بجرها وتتمنه الزينه
تورجت على وداد ربت وكبرت تصرف
بنفعال بساعت العصبيه تنكر شكو احد
كدامها المهم تفرغ غضبها
عدائيا والتكرها تنطها اله بوجها وتبين
بتصرفاتها انو اني مااحبك وهذا سوته
وياي سنين كبل لحد مخلتني انفر منها
لكن بعد مطابت وشافت اهتمامنه رجعت
العقله ومشت الامور عادي ورجعت المي
المجاريها شنو التغير
معافتني من احتركت لحد هسه جهالي كله
يمها حتى رقو متعوده عليه من جنت يمهم
هي تلبس وترتب تحير شسويلها وشتلبس
طلعها لعابه تخليني صافنه تلزم شعرها سوي
ضفاير ضفاير وتربط شي بشي صفني
ضحك عليها طلع بليوتيوب وجرب براس
بنتي وتجي بيدها عدله
اتمناها لامين بس خوفي لبعدين عواقبها
اخذت الصحن اشكرت منها راحت
حتى مشيتها بيها ثقه الله يصلحج
بارق حاول يرجعني ابويا وجدي
مقابلين اجت امها بيومها مطلعت
ماكدرت امشي امي وبيبي ممقصرات
وياها خالتي رعنه بس مااعرف الدافع
الخلاها تدفعني متقصده لو لا
طبت للغرفه بوستني وتبجي وتعتذر
_خاله عيوني والله ماادري بيج حاميه
الزيت الشيطان عمه عيوني
كتلها خاله لو مشوها وطايع على جسمي
لو مطفر على وجهي شيفيد الاعتذار
تدرين لو ما لابسه الروب ثخين جان
هسه اني رجليه بلكامل مصلوخه
منو يتحمل الالم غيري
شمسويتلج واجيتيني تردين ضربني
عمري مااذيتج شكد متحملتكم من جان
نصير عايش لهذا يومي
_نبت غير انتي مبوكتني
صفنت شنو اني شوكت
_وازه بارق وكايلتله خالتي تاخذ مصرفنه
ومتنطينه شي هوه يايوم منطيني بس اول
اشهر وكطع
ضيقت عيوني هاي متوب بعده جذب وتريد
تبرر فعلتها اذا اضل ارادد تنكر ومتسكت
انوب دكب مشكله لاخ
سكتت عنها قبل متطلع بوستني وخاله انتي
مثل بنيتي والام تمون على بتها متدرين بيه
كلبي نشلع من اخذوج للمستشفى
بارق لليوم ميحاجيني مقاطعني حتى مصرف
هل شهر كطعه عني واني امه ويعاملني هيج
طلعت اهز بيدي عرفتها جاي واعتذرت
علمود الفلوس
سمعت من رنيم ابويا محذرهم اخر نوبه
اذا تكررت يطلكني منهم بس المافهمته
منها كالت بارق نز نزه كلنه انتبهنه عليه
خابر اطمان كال يومين واخذج
شويه صرت احسن بده الحرك يطيب
القاهرني اثر يضل ضاهر كف قدمي كله
منصلخ الطبيب كال تجميل وليزر يروح
حضرت نفسي مشيت شويه شويه
امي وبيبي ماقبلن على طلعتي
متحملت اريد غرفتي على الاقل جهالي
يمي بارق ماخذ ويه نزلته اجازه كوه
مدبرها
وصلت نزلني شويه شويه لحد مطبيت
بس عبرت باب الشارع الجهال كدامي
يتراكضوني سد الباب حسيت ايد
على حصري
مااشوف نفسي غير مشيوله باوعلي جلبي
ضليت اباوعله مصدومه وخجلانه
تلكنه البنات وخرن كبل فوك كتله لا
عفيه عيب منهم فضل بلهول الفوك
يريد ينزل بايسكله صاحه تعال بابا
افتح الباب
طببني نزلني قريب يم السرير
فحط ضحكت
_باوعلي شبيج
ثكيله شورطك
_تمونين
سكتت افتر خله جهازه عشحن جر تراكه
من الزاويه بدل درت وجهي صح يفتر
كدامي بطرك الشورت والفانيله اضطر اسكت
ونومه بيهن بس يبقه الخجل بيناتنه واحنه
وحدنه
دفعت الباب رقوو بيدها تفاحه شافه صاح
تفاح ياكل تفاح منعولت الوالدين جره
يعضعض وهي تخرب ضحك يدغدغها
الجهال يصيحوله بابا وخصوصاً رقو فتحت
عينها عليه كبرت وهوه وياها بنزلاته يطلعهم
ياخذهم مطاعم مرات البنات يجلبن وياا
اني الوحيده الماكلي تعالي مدري يخجل مدري
ميريد يحرجني ويحرج نفسه من ارفض يكتفي
بلجهال وهذا العندي الاهم
اني اتونس من اشوفهم فرحانين الحلو بي
مينساهم وكانو ابوهم وهذا الاستغربه
علاقته كانت قويه بنصير مرات اكول لهذا
هيج يحبهم دينفذ وصية اخوو
يحز بداخلي من اكون سبب بعدم زواجه وفرحته
والاحضه بين فتره وفتره يطلب مني اكويله
قاطه يحضر اعراس جماعته هم هوه شاب
ويحب يفرح حاله حال اصدقائه
واني محاجيه خالتي اذا يريد يزوج اله مطلق
الحريه مااقيده مكتفيه بهتمامه بجهالي هذا
عندي يسوه كلشي
سبق وكتله بيوم العقده مجرد زواج على ورق
يريد يزوج مااعندي مانع وهوه هم اقتنع بطلبي
مااكدر اكون زوجه والبي طلباته بس خوفي
من الجاي التاخذه تتقبل وضعي تقتنع مجرد
كان الي سند للجهال وهذا الاجهله
اخذها ونزل مددت متكسره متعوده افتره انضف
ااصعد وانزل راح يصيرلي شهر واني مسطحه
مشتاقه للمي ماتكدر اسبح خلف الله على رنو
ليفت جسمي ومسحته بوضله مبللها ونجانه
هنا منو يسويلي شويه طب بيده الصينيه ورا
الجهال فد خجلت وجهي صار طماطه
كال يله يابه جر الطبله خله عليه الصينيه
الجال عدهم كراسي جايبتلهم على كدهم
طب فضل يركض بي شايله وكفت رقيه تبجي
وتاشر على كرسي وهذا يضحك
بارق كله فضل ليش تحرك كلبها امشي
جيبه الها
_مأ هي جيبه كل واحد يجيب مالته
امشي اختك ازغير متكدر شيله
_اووو بابا هي تمشي
امشي حبيبي ميخالف لتعثر بي جبير
عليها
طلع مغندب كعد مقابيلي ايي شلون عشه
يخبل
اباوع تكه لحم ودجاج ومعلاج شياش
لافهن بخبزه وطماطه شاوي وبصل
وزلاطه
_همست ليش كلفت نفسك
شمسوي هنه البنات كصكصن واني شيشت
وعلمنقله اشوي واحط
شلون لحم تازه يخبل اكلي اكلي واشبعي
كعدو الجهال جر رقيه بصفه كعدها من غير جها
ينطيها بله خبز مباوعلي خلاني براحتي
فضل يلفله بخبزه
_عوفه اكل انت اني اوكله
مالج غرض بيهم شمسويلهم
اكلت صدك طيب شيشين وشبعت
وخرت ارتجيت على التاج
صاح هاا شنو شبعتي
خليت ايدي على بطني شبعت
_هوه هذا هم اكل ارجعي اكلي بله
خبز قوي روحج
لا والله شبعت بطني انترست ودي
الخاله والبنات
_لتخافين عليهن شويتلهن ب 10 شياش
طبنتهن طبن
ابتسمت يحجي وايده بحلك الجهال وبحلكه
طبيعته ميخجل طبيعي كدامي
جريت كلنس مبلل مسحت ايديه
كمل جر الجهال يله للمغسله شويه وطبو
شال الصينيه فد خجلت يربي شوكت
اطيب عمره مشال ضينية اكل لو سوه الروحه
شي معتمد علينه واول مره يسويها
ممتعوده عليه لهذا مستثكلتها
ساعه الجهال يمي يلعبون وشويه يباوعون
تلفزيون دايرته على افلام كارتون
نفتح الباب طبت نور شافتني فارشتلهم
كالت عود صعدت انيمهم
لا مينامون هسه يتعبون فد شويه وانيمهم
كالت ديله من تحتاجين شي دكي عليه
مشكوره عيوني
لا عادي
ماصعد بعد لل12 طب الغرفه ضلم
بيه مابيه كمت طفيت الكلوب وغطيتهم
نزعت فضل تراك سوده ثخين يعرك
ويكعد الصبح يضربه الهوى يمرض
رقيه هم دفيتهم الصبوه الكهربائيه
زينه دفي اذا الباب مسدود والكهرباء
مستمره مرات طكنه البرده الزينه
حتى الصوبه الزيتيه مدفي وذوله
يطبون يطلعون الباب مشرعي
ضوه الصوبه يبين كلشي توجه لمكانه
على بالي ينام بلكاع مثل قبل نزع حسيت
الجربايه نزلت ضليت على وضعي
مدد سحب بطانيه بجهته عرفته حينام
بصفي ضليت بحيره لا اكدر انزل يم الجهال
يتنحس ولا اكدر انزله
احجي بنيني وبين نفسي حاولت اغفه لحد
مااجاني النوم ساعه
لنص اليل نزيت نلجمت رجليه مطلعتهن
خارج مااكدر ادخلهن انلجم من الغطه
كعدت فازه درت وجهي بارق بوجهي
نفسه بوجهي مداري بروحه كالب يمي
رجلي فوك رجليه
حاولت ادفعه ماكدرت رجلي اذتني
مديت ايدي ندهته ماكو رايح بلنوم
حاولت لحد ماكال اممممم
بارق
بارق
بارق
_شاااكو يجرها جر
بس رجلك لجمتني
_كلتها كعد فاز شنو شبيها رجلج
على كيفك ماكو شي بس بنومك متدري
وتحركت واجت يم رجلي
_فرك وجها اسفه ماادري
لا عادي بس خلي حاجز حتى متعبر
_ باوعلي عاكد حاجبه لا هسه انزل افرش
بلكاع
لا لا موقصدي والله بس اقصد علمود متعبر
ومتدري بروحك ورجلك تضرب رجلي
_كام ادري بس اني حرك بنومي ميفيد
الحاجز
سكتت شفته فرش يم الجهال حصره
وكفر عبر للجهه الاخ متكفي بسبب الميز
خليته وخاله عليه الديباجات
ميكدر ينام يم الجهال يخاف يخنكهم
وهوه نايم ميدري
حار خطيه
كتله مو بارق ارجع المكانك وخلي مخدتين
صدك بعد متكدر طخني
ضل يتلفت يريد مجال الغرفه رغم كبرها
الغراض البيها هواي غير غرفة الخشاب
لوكرات الجهال ميز البلازمه كنتور صغير ابو
بابين لملابسهم الشتويه والصيفيه والطلعه
ميز ابو خانتين للفراشات مرحمتها شي
بصف شي المجال ضل بين السرير والكنتور
ينامون بي الجهال
رجع نام كال اذا لجمتج لو تحركت كعديني
هزيت راسي لف راسه وانام
رجعت نمت ماكعدت غير شي حضني
حركت ايديه هاي ايدي جمدت عمري
ماشفت كلبي هيج يدك مرعوبه
مدري صار بيه بدي ابتعد فد مية متر
حسيت نفسي الهث تحركت وخرت الغطه
الدنيا صبح كاشف الجو باوعت ب 7 الصبح
الشي الخله دموعي تنزل نفسه بركبتي
دحس راسه بين كتفي وركبتي جسمه
ملاسق الجسمي مقيدني حركته
مال واحد كاعد مو نايم بس ثكل نفسه
مال واحد غاط بنوم عميق لحد ماهمس
سيدي هجوم هجوم يدوي
اكعد لك لتخربط بلرمان شيل .....
حاولت افكه ايديه وادفعه ثكيل شنو
بلوكه
كام يخربط بلحجي كلمات مفهومه
ومرتت بس اول حرفين
لحك ماكلب اختنكت حاولت امشي
عبرت الجهال عدلت رقيه مكشفه طلعت
غسلت الهول ثلج محد شاعل الصوبه
وهوه مفتوح على الجوه مامحكوم ويدفه
مديت راسي من المحجر محد كاعد منو
بيهن تكعد هسه يجرنها ل12
حاولت انزل بايتين القدم ويه الساق
العكفه مالت الرجل تأذيني محتركه
رجعت شويه شويه روحي شاغت
طبيت قتحت الثلاجه مطفيتها
شفت بيها حلويات الجهال جريت كيكه
اسد جوعتي
ورد__ مشاكل عيالي متخلص لكو امير
يلعب ويه ابن جيرانهم بلبيت
خالتي سكتت وهاجر هدئة بعد مكانت
تلوب لليل خابرها حميد كلهم جايين بلطريق
ساعه عبرت ال11 كمت حضرتله عشه اكيد
طريق ومماكلين شي وحميد يتخبل من اكل
المطاعم
انتضرنه لل1 سمعنه محرك سيارته خالتي
ركضت للمطبخ تلكتهم طب حميد جنت
لابسه عبايه خليجيه خالتها وره الباب وشال
طب نهاد وياا طفل شايله نايم
ليت مضفصفه خالتي كالت انطينيا يمه
اخذتها نسيت حميد نسيت منو كدامي
عيني صارت على ابنه النايم على جتف
بيبيته نزيت من صوت حميد وهوه يسلم
خجلت رديت السلام طبت هاجر بوست
اخوها وسلمت على حميد
خالتي كالت طبو يمه ارتاحو
وخرت سويتلهم طريق حميد كدامه يمشي
نهاد فات ورا مباوعلي وجها تعبان
حميت الاكل والخبز طلعت الزلاطه من الثلاجه
خاله الاجنحه شاويتهن بلمايكرو شغلته
كعدت منتضره محضره البن وكلشي
شعجب جاب ابنه
بين صفنتي اجاني صوته ورد التفتت واكف
بلمرر مقابيل بابا المطبخ صاح ملابس
صعدت جبتله وخليتهن معلكات يم المغسله
حضرت كلشي يصينيه وياه كبه كليته
شلتها حميد مدد رجليه شالهن اي بعد اخوج
طب نهاد الخاولي على راسه بارده وبطرك
البدي تقربت يمه واكفه وهوه مقابيل
مراية الكنتور ينشف
همست البس السويتر تتمرض
_جسمي حار من ابرد البس
نهاد موزين عليك مصل ذيج المره صخنت
وحرت بيك
_دنك يم اذني باس طرفها اروحلج فدوه
وخر كعد ياكل
سويت جاي ورجعت فرشتلهم بلصاله
طبيعتهم ونهاد ماخذها منهم باي مكان
يلتمون ينامون الزلم وحد والنسوان
وحد
ماكو بغرفته مدام خطارك حتى لو اخوك
موجود بدالك يلتمون يكضوها ضحك وسوالف
لنص اليل لهذا اعرف من يجي احد من طرفهم
افرش النهاد يمهم
خالتي حايره بحفيدها غطته نايم
يومين حميد يمنه واني ساكته ماحاجيته
ولا افتهمت منه شي غير سحر متخبله على
ابنها
الماكان بلحسبان قرار نهاد ياخذ ابنه
خلاهم يترادمون عمامه يخابرون عليه
يردون امه خطيه مفرفحه عليه
شكد حجو يلزم التلفون ساعه وره ساعه
همه يحاجو ومن واحد المواحد اشوفه
ينصطر وجوابه بله نقاش لا
من ابوها يخابر اسمع صوتها يمه نهاد
فاتح مايك ونزل الجهاز على زره
بجيها وحركتها خلتني انقهر خالتي كالت
لتدخلين بس تحجين وهوه منا متحمل منهم
طيحين بيها
صدك شفته مو مال ادخل عصبي عمامه
معافو ولا يكولون عيب كلساع داكين
اب واخذ ابنه من حقه بس همه الماقتنعين
نهاد يعارضهم ويصر على رائيه زوجت حميد
من خابرت خالتي تطمن عليه كالتلها انتطيني
ورد
حجيت وياها كالت هذا حميد شكد عنودي
ومن يريد شير ضل مصر عليه بس من زنهم
وملحتهم بلاخير يسوي اليردوو
امير وكح اليشوفه ميكولون هذا ابو
حتى شكله على امه وملامحها
كسر كلاصات طلع جابله بايسكل يلعب بي
بلطرمه طلعت لكيته مخرب سندانه من
الفخار شايلها من المساند للكاع رادمها
مسويها قطع قطع فد نقهرت متت
مضطره اسكت لخاطرها اتحمل جريته
اخسله مااحس غير عضني
شبيك غير تغسل ايديك بيها طين
_اتفاجئ برده تف عليج
ضليت فاتحه عيوني خالتي بلمطبخ
وهوه قريب يم الباب من سواها
سمعته صاحت ولك امييير
طب يركض هزيت ايدي من اولها هيج
خالتي صاحت بسيطه يجي ابوك
واكله باوعتلي تكلب بلتمن خاله حسبيه
عليه بعده جاهل
لا خاله شنو السالفه سكتت عرفت سحر
مربته والدليل من رحت جهالهم كله بره
بلشارع يم البساتين وجهال المنطقه
ملتمه واكيد يلكط
خلصن اليومين رجع حميد للناصريه هوه نهاد
ورجع بنفس اليوم خاصمها وياهم امير بعد يربه
يمه
من هنا بلشت معاناتي
دور الام عظيم لهذا مثلوها الشاعر حافظ
ابراهيم بلمدرسه ان اعدتها اعدت شعب
طيب الاعراقي دورها كبير بتنشئة الطفل
يوم عن يوم احاول وياا ولو بشي بسيط
علمود نهاد اشوفه تعبان وهوه يلحضه
همش ميكعد بلثانيه الف حركه يتحركها
من غير الغراض اليلعب بيهن ثريه ارضيه
يلعب بلصاله طوبه وضربه وحده فلشها
خله خالتي تلطم غاليه وزينه للصاله
حاجت نهاد كلها شسويله يمه مايتعلم
بيوم ليله يراد تعب وياا وصدك اشوف
نهاد يكعده بحضنه يحجيه وياا مد ايده
بجيب ابو جر الفلوس اخذ خمسه
اخذها وطلع يركض ضلينه صافنين
فرك وجها صاح هاجر جيبي
كلها شوفي بت..... شمعلمته ام التخايم
اجت هاجر جرجر بي وهوه يعيط ويبجي
منحس غير ترس وجها تفال هي بحركت كلب
ضربته راشدي
هي ضربته لو نجلب قرد مومثله طفر عرت
بشعرها جر وجر لحد ماكام نهاد لزمه شاله
يغلط حقير كواده لحد مكال ام الع......
نهاد هي شيله هي ضربه خنس
ضل يناشخ
خالتي صاحت لا يمه على بختك
نهاد _عيونه نطن منو معلمك تربيتها
ولك منين سامعها كلك اربع سنوات تعرف
شنو الغلط بكد اصبعي ولسانك رشاش
جرتها خالتي دعوفه شوفه شلون بهت الولد
نهاد_انعل ساسه وساس امه اذا مربيته من
جديد
صاح يمه انتي ورد مسؤليتجن وايدجن الجن
اريده يتأدب من هسه الفشار من يكبر يطلعلي
....... الصاق..... وين عنه
خالتي_دكافي ولك الولد يرجف
نتر يمه عيدي تربيه زمخ بي لك اذا بعد
غلطتةعلى اي واحد هذا الراشدي قليل
اسكطك افتهمت
نط من البجي اجيت ابجي على شكله وهو
خايف من ابو عافنه وصعد
خالتي اخذته غسلتله رجعته تنومه نام يناشغ
ضليت اباوعله حتى ضعيف وحاله حال
صعدت لكيته يدخن بدلت واجيت يمه
قربت روحي اعرفه من يضوج ميحب
يحجي بس اني عودته افتح اي موضوع
وانسي
فتحت ايده باوعلي بتعب خليت راسي
على صدره حضنته مدده بجانبه
همست دريت برانيه بت عمي حتركت
_كال لا شلون
مكلوب عليه زيت الطاوه
_وهسه شلونها
لا زينه اخابرها بين فتره وفتره
نهاد تره اجه عليه ايسر رحت
شفتها ورجعت نفس اليوم
سكتت يدخن
مراح تعترض تحجي لان بدون علمك
_ادري حبيبي ملتهي
رفعت وجهي دنك عليه لهذا احبك واحب
عقلك من تتفهمني
_ورد تعبان
ادري عمري وحاسه بيك ابنك متعبك
ودااشوفك تعاني بس يرادله وكت
نهاد خصوصاً التربيه مو بسهوله تغيره
قبل ايام جان عايش حياته يم امه وهوه
هيج صعبه بيومين يتعلم ويغير نمط
تصرفاته
يرادله تعب واني وياك نتعاون وخالتي
موجوده ميضل على حاله بس انطي كوت
خلي يتعود على الهدوء على النظام
تره ملاكي هيج شي وين جان بجو غير
عن هنا اطفال وهوه وناس طب وتطلع
واعتقد محد يحكمه عايفي على راحته
وهوه طفل شيفتهم لو يعرف هذا الشي
غلط يسوي وينضرب اكيد ميسوي
ومحد طلع من يمنه يميز بين الصح والغلط
_ امه عمري سنين اني احجي واكلها عينج
علي اجي اشوفه طبيعي ممعاشره لو ادري
بي اخلي يمها والله اسحبه منها
سحبت نفس حبيبي تريد الصراحه لو
اجاملك
_احجي ورد اريد ارسي على بر وياا
انت هم غلطان وكلك قصور
_شلون
عندك مشكله ويه امه ليش تهمله بلشهر
مره شوفه ويوم واحد وترجع محاولت
اجيبه يم اهلك على الاقل سبوع وارجعه
جان لاحضت ويمكن يتعلم منك من خالتي
_ شتحجين اني هم عشت مثل العالم
كضيته بلعسكريه انزل عشرة ايام اصعد
عشرين يوم بلفلوجه
اريد بس انزل والزم المخده
سنين اركض والهط لحد ماالله فرجه عليه
صاحبي اقترح ادرس كليه
التهيت ادرس واداوم جبها بوكت الله ينطي
الاساتذه يمتحنوني وكت نزولي من غير
مانسيك استاذ نص راتي عزومات في
سبيل ميحسبولي الغياب
شفتها صعبه باخر مرحله بطلت بعت سيارتي
وتخرجت
كتله احجيلي مااعرف شي عن ماضيك
_ماضيي مو مشرف حبيبي يله دني خل نام
لا نهاد سولف
_شكو عمري هي هاي هيه
لا بعد شلون عشت شلون كملت ماستر
_لدوخين روحج حبيبي
لا والله سولف احب اعرف
_اهووو راح تلزك شوفي من كملت رابعه
واني ذكي المراحل عبرتها وكلها امتياز
مااكلج الاستاذه ساعدوني لا مالهم
دخل بس ساعدوني بلغياب
جنت بس يوم الامتحان اقره اول مرحله
درجاتي صفاره اسطرهن
كتله ههههه عادي جنه من ناخذ صفر ولا جن
مصفرين فخر للطالب
_اي اني كلبي حركني كمت اخذ الملازم ليكدام
وياي بلمقر جماعتي السرسريه يكضوها مخابرات
واني لازم المحاضرات ودراستي كلها عربي
مو شي علمي واواج صعوبه ادرخ بس اغمض
عيني اخرطهن الج
هذا الشي ساعدني كمت احفظ مجرد يجي
الامتحان اراجع واروح مفول الاساتذه شكو
كامو يخبثون لو يجيبوها من بين الاسطر
لو يطولها
عبالهم البنات يساعدني ضجت شلت ستولي
وخليته اول واحد بلسره وبعد مسافه
امتحن واطلع
همست نهاد هم صادفتك بنيه عجبتك
_ضحك والله جنت مااشوف كدامي
سحر صاطرتني من شافتني دخلت
كلي كرهتني بروحي جنت امتحن وسيده
للبيت ارتاح والتحق
وهاي هيه
كتله لا نهاد كمل والاماستر وليش بطلت
_ولج تعبت وراي محاضرات
عادي كلبي محاضرتك ب10
_شمدريج
حافظه جدولك
_جرني لمني بحضنه لوتيه
كمل لتتهرب
_ شعجبج بحياتي ورد تعبان كليبي
نصيت وجهي بصدره حاضنته احب
اعرف كلشي لليوم مسائلته شلون طلكت
ولا عرفت تفاصيل
_شي وله وراح
ادري بيك متحب تذكره بس فضول
مني
_ كملت جامعه وزامن وياها طلاكي من
سحر
بدون سبب
_هواي اسباب متراهمنه هي وكحه
واني احب العاقله صوته يرج البيت
رج كم مره امشي بلشارع اسمع صوته
ويه امي لو هاجر وجامعتي وياي
يامن يخفي جامعتي والزمها
تنكتل يومين وترجع
امير طفل سنه وطلكتها
صار همي الشهاده صاحبي
اسعد مكمل كال نقدم سوه
واني معدلي عالي قدمت
وامتحنت تنافسي اقبلت
وبلشت ذبيت جهدي عليها
لحد مااتخرجت بدرجة امتياز
وهذا الاهلني وتعينت وره سنه
هسه رتاحيتي ام لسان
اااا اني ام لسان
_اكتشفت كلجن عدجن لسانات
ههههه لعد بيمن نحجي
ابتسم تغير مزاجه سكتت دقايق
من السكوت غفه
وداد_ امين ميباوعلي احس بنضراته
من جوه الجوه واني المحتركه وحاركني
باهماله احسه ضحك عليه بيوم السلب مني
هلحب واملني
وارجع للغرفه الوم روحي اني الصعدت مله
دخل اني الرحتله برجليه وانطيته اشارة
القبول وهوه سوه باول شي ضربتي
اريد انتقم ومااعرف شسوي اسالبي خلصت
وبقيت مكشوفه كدامه يعرف شنوي لهذا
مغلس اعرف طبعه سنه كامله نسولف بلتلفون
حجالي كلشي علمني عليه كشف كل نقاط القوه
والضعف وصل الغايته
ذكي بحيث يعرفني من نضرتي شريد سنين
اني كدامه محاول يعترف بحبه الي يعرف
ردي ويعرف شخصيتي
اكثر من حاول يزوجني من قيس عقليته
جبيره واستنتج مااكدر احبه والمرحوم
بحياتي
ولا يوم حاول يدنالي بس ذاك اليوم شاف
الحب بعيوني لهذا اجرء وباسني شاف استجابه
مني ميخطي خطوه بدون دراسه
استغل كل فرصه كدامه واليريده وصله
وخلاني احس بدكات كلبي من يمر من يمي
ولهذ ديلعب بأعصابي واني مو صبوره
يريد نتائج هل حب شنو
تصرفه وعدم اعتذاره مني خلاني اصر
على موقفي ثنينهم مقاطعتهم
ايام مرت نفس الحال لحد بيوم كعدت
جدي انطي علاجه وس يتله لفه كلي
جوعان
بيبي كاعده سوي بدكم دشداشتها
كعدت بصفها جريت الريمونت درته
على برنامج
طبت مرت عمي بيدها صينيه الجاي
كعدت كالت عمه بليل اروح اشوف
رانيه تخابرني بعده حركها
بيبي_ ماطابت هاي البنيه لان متروسه
مرت عمي _اي شويه تارسه لهذا مجاي
طيب بسرعه
ييبي_ خل يجي باقر بلكت يزتنه عليها
مرت عمي _ وره العشه ماعدنه شي
ضلن يسولفن مره اذاني يمهن ومره
يم التلفزيون
لحد ماكال جدي ابنج وين من امس
مشايفه
خفر عمي عنده واليوم رد الصبح
هسه هوه فوك
جدي _طليله جدك يريدك اشو حاجاني
ومارد
ليش شكو بيش حاجاك
جدي _هاي البنيه مو ردو جواب موافقين
كلي ياخذ رايي وبعد ماشفته
التفتت بسرعه مرت عمي ضحكت
كالت صدك عمي يمته هل حجي
بيبي_من سبوع
مرت عمي _ ليش ماكلي وضام عني
بيبي_ولد يفكر بس يكلج تصرعي وتثولي
تخلي مايندل دربه
شربت استكانه وصعدتله
بيبي تهز بيدها
اله اني كلبي مدري شصار بي
شويه وطلعت صاحت بيبي
بدربج مي بارد
التفتت بي دنيه ثلج يا مي
بارد
ردت الج حبوبه بردي كليبج
عكدت حواجبي طبيت
للغرفه هيج مفضوحه
مرات الوجع الجرح اهون من وجع الكلب
سبوع اراقب الوضع واتحركن رنيم
ساكته مجرد تنضف وتكابل تلفونه
اشوفه طبيعي امه ساكته مو من عوايدها
بس الفرحه باينه بوجها حتى الي ممهتمه
مومثل قبل تتعمد تغثني بأي شي
خلص السبوع الجمره بيها ما تشتعل
هيج حالي نار تاكلني وهوه عايش
وبروده القاتل
لحد ما بيبي كالت الرنيم بيبي غسلي
عباتي وشيلتي
كتلها المن بيبي قبل يومين غسلتهن
_لا حبوبه وصخات وارد اخليلهن مسچ
وين طالعه
_نرد لهل هاي البنيه نطلبها
المن ياهيه تقصديها
_الويه ابن عمج امين
........يتبع