أنتقام للعشق

البارت الخامس عشر

#أنتقام للعشق
البارت الخامس عشر
بقلم : نور حيدر

noorhaidar18

مساء الخير عليكم متابعيني 🦋🌿..

(علقو على الفقرات احب اقره تعليقاتكم 💜)

ترا إتعافيت منهن لا يظـل بالك
مو آنة اليچلب بعد بذيالك
ولا آنة البعد يسهر يتاني تعود
خلني لوحدي أعيش  و وحدك احلالك
ما اشمك بعد لو شيلة امي تصير
ولا أفطر بعد لو بين إهلالك
آنة بخير و اضحك و اختلط بالناس
مو ذاك القديم القبل ينعالك..

ليث /

ظليت اراسل بنرجس بس ماتجاوبني
صارله يومين ماكو حقه تزعل و تعوفني
اذا اني مصيري اختلط بوحده ماريده
ماريد اظلم نرجس وياي و لا اريد اظلم
زينب بهذا الزواج ..

كرهت اهلي كلهم حقدت عليهم خاصة جدي
وكرهت زينب كمت مااطيقه و لا اريد اشوفه
تعبت  كلشي اني تالي عمري انجبر على شي
ماريده ..

لو مو أبوي يغضب عليه جان ماقبلت بهذا الزواج
حتى من كتلهم احب وحده ماقبلو و من عرفوا
عن طريق النت تخبلو زيااادة ..

اتذكر من رحت لهلي كعدت يمهم وجان
يحجي جدي : اليوم خطبنه زينب من أبوها

فتحت عيني كتله: شنووو شتحجي انت

صاح أبوي : ليييث احترم نفسك لا تنسه
انت ويامن تحجي هذا جدك

كمت من مكاني بعصبية : هوو انتم خليتو بيها احترام
شنو ترحون تخطبون بكيفكم وبدون ماتحجون
لعد اني شنوو رجل كرسي هنااا ترى هذا زواج
مو لعبة و اني الي اتزوج شنو ماتاخذون رايي
وتدرون بيه اني ما موافق..

كال جدي : كتلك زينب الك مو لغيرك تصير
يعني لا تظل تصيح هسه علينه و تهوبز ..

صيحت عليه وحسيت الشرايين راح يطكن
من العصبية :
انت منو وتقرر بحياااتي ارحمنه كاافي
شنو كلامك الي يمشي خلص بس تتأمر
ولازم كلامك الي يمشي أنت منو حتى
نمشي على كلامك حتى لو جدي
أبوي مايحقله يدخل بحياتي كبرنه احنه
على سالفة تدخلون بشي ما يخصكم ..

كال جدي : ايي طول لسانك بعد و اذا تريد
مد ايدك هم و اضرب..

كتله بعصبيه : و اسووي اكثر من هيج
الي يدخل بحياتي ماصير زين وياه خلوني
شووي محترمكم كاافي عااد ..

كام أبوي عليه و راد يضرب وكفت بوجهه
و كتله بعصبيه :
ايااااك تفكر تمد ايدك عليه مره سويته
ثاني مره لا ابوي وعلى عيني و راسي بس مايحق
الكم ادخلون هذا زواج يا امة محمد مو لعب ..

كال جدي : وهسه شنو رايك

كتله كدام الكل امي و البنات موجودات
واخواني : زوواج مراح اتزوج بس من الي اني
اختاره مو انتم

: يعني تكسر احجايتنه و تفشلنه كدام عمك

: والله أنتم جبتو الحجي لنفسكم مو اني
شتردون سوو بس ماازوجه وخلوه ترجيه بأذنكم
شوفو احد غيري ..

كال ابوي: شو انت ما تستحي بس لا ولك حاط
عينك على وحده..

كتله بعصبيه : ايي احب وحدة

كال ابوي : ومنو  هياا بلا وين شفته
: موهنا من غير محافظة وتعرفت عليه
عن النت ..

ابوي انصدم من يمي و كال بصياح :
شنووو ولك تحب وحده ماتعرف اصله من فصله
ولك تفضل هاي عن بت عمك بت الحسب و النسب
شووف ليث زواج من غير زينب ماكو فهمت لو لا
لا تظل تلعب بأعصابنه

كتله : هو منو الي يلعب بأعصاب الثاني

صيحت بوجوهم : كااافي مليت منكم ترى والله
تعبت لا تخلوني اعوف هذا البيت كله وامشي
وماراح تلكوني مليت منكم صدك ..

وجهت نظري لجدي  و كتله:مثل ماكلت اريد بتكم
لابنه كللهم هسه ماكو نصيب بينه انتهى الامر

كال جدي : واذا ماسويت الي ردته شتسوي ..

عصبت من بروده كلش  تخبلت
كمت ماشوف شي كدامي باوعت لكيت
كلاص ماي كدامي  اخذت وشمرت بلكاع

سمعت صوت رسيل شهكت باوعت
لكيت الكلاص صار يم رجله وتعورت يمكن
طفر عليه شاهر و جوري يشوفون شبيه بس اني ماهتميت لان جنت اغلي ..

كال محمد : شبيك ولك تخبلت اهدئ

كتله بعصبية : اييي تخبلت اذا اقبل بهذا الزواج
كتلك جدي  دور لزينب واحد ثاني ترى والله اظلمه وياي لا تخلوني اتصرف تصرف ثااني ..

هستوني طلعت من باب البيت وجان اسمع الصياح
كلبي عصرني وخفت لا صاار شي ..

رجعت اركض  بسرعة اشوف شكو  وجان اشوف
جدي كبالي واكع بلكاع وابوي يفرك بصدرة
وفتح دكم دشداشته ..

البنات يبجن بصووت واخواني تخبلو من شافو
هيج..

اجه شاهر وغيث سندووه ومحمد اخذ السويج
وطلع ركض مرو من يمي واني اباوع مصدوم
من الصار هستوه مابيه شي ..

باوعلي أبوي بغضب ممزوج بخوف :
اذا صار شي لأبوي ماتلوم نفسك ..

مشوو همه واني ركضت ركبت سيارتي ولحكتهم
وصلنه للمستشفى ودخلوه همه ظلو منتظرين
واني بقيت واكف بره حسيت بلذنب اذا يصير
بيه شي..

لو ماحاجي هيج وياه جان مصار الي صار
بس همه ضغطو عليه هوااي وجبروني
على شي ماريده استغفر الله..

ظلينه فوك الساعتين واكفين على اعصابنه
أبوي كل مايباوعلي يخزر بيه ونظراته كله عتب
التمو عمامي و الولد يشوفون شصاير ..

شوي وطلع الدكتور ركضنه كلنه عليه
كال غسان الي قبل شوي اجه
: هاا دكتور بشر

: لا الحمدلله سيطرنه على الوضع همزين لحكتو
عليه جان لا سامح الله تصير بيه جلطه وتضرب على
راسه ونخسر المريض

كال ابوي : يعني هسه مابيه شي

: اي الحمدلله ماكو شي بس لازم يبقى اليوم
حتى نطمن اكثر وتكدرون تشوفو بس لا تسوون
هوسة تعبان ..

دخلو عمامي وردت اشووف بس ابوي جرني
من ايدي على صفحه وكال بعصبيه
ويأشر بأصبعة :
شووف ليث والله العظيم اذا ماتاخذ بنت عمك
وتفشلنه كدام الناس وكدام اخوي
اتبرى منك ليوم الدين
ولا اعترف بيك ابني و اكللهم ليث مات ..

حجه هيج ومشه وخلاني مصدوم من كلامه
معقوله سووه هيج بس علمود اوافق على الزواج
يتبرى مني وهذاك طاح مريض بس علموده هيا ..

كلبي حقد كلش عليهم وكرهتهم لووني
من الايد الي يوجعني..

رحت لبيتنه طمنت اهلي عليه وصعدت فوك
لغرفتي مانزلت بعد منه ..

راسلت نرجس ضلت تسولف وياي
كلت لازم اكلله ..

: نرجس مراح نكمل سووه اني اسف

: ليش ليث شصاير !؟

: اهلي خطبولي بنت عمي وجبروني عليه

كتبت :شنو ليث شتحجي شنو جبروك
انت مو بنية حتى يجبرونك ليث احجي
الصدك

: شبيج والله ضغطو عليه ولج خطبوها
بدون ماادري اني وهسه تعاركت وياهم
وجدي تخربط وراد يموت بس الله ستر
وابوي اتبرى مني فهميني شسووي
صيري وياي مو ضدي

: هو شنو اصير وياك يعني اكلك يلا
بلعافية عليك روح اتزوج لعد واني ليث
ليش هيج تحجي

: انتي بلكلب احبج وماحب غيرج

: مايفيدني هذا الحجي يعني انت هسه
اخذت قرارك

: اييي ماكدر ارفض

: هاهيه يعني نسيت حبنه
خوش ليث رووح منا وينكطع تواصلنه وحبنه
روح اتزوج بت عمك والله يسعدك

: شكاعد تحجين انتي شنو روح

: ليث ماكدر استمر وياك واشوفك تروح لغيري
ترى حرام عليك والله تكسر كلوبنه
كتلك هاهيه انتهى كلشي بيناتنه ..

ردت احجي وياها بس انطتني حضر من البرنامج
وماكدر بعد اراسله..

شمرت الموبايل على السرير و اني اغلي من القهر
شلون البنيه الي حبيته و اول حب بحياتي
تروح وماتصير الي ..

راسي صدع من التفكير وعيوني غوشت
ماريد اضعف ولا ابين ضعفي بس والله صعبه
شنو ذنبي اصير تحت تقاليد ظالمة ..

ظليت لصبح فوك بغرفتي وقافل الباب
ويدكون واني مااجاوبهم ماريد اشوف اي احد
منهم ..

طر الصبح واشوف  من الشباك
السيارات اجه ونزلو جدي وذبحو يم رجله
طلي لسلامته ..

سمعت الهوسة جوه ملتمين بقيت اني بغرفتي
ومحد صعدلي واني للعصر من خفت الهوسة
يلا نزلت ..

رحت لغرفته شفته متمدد على الجرباية
واخواني و ابوي كاعدين يمه ..

باوعلي جدي وسكت ومحمد يأشر براسه
عود اجي اسلم ..

اقتربت منه وبست راسه هو ما كال شي
كتله بجمود : الحمدلله على سلامتك جدي

ماحجه شي وياي بقه داير وجهه
كتله بجمود : الي تريده يصير اني موافق
على زينب بس لا تظنون اني راح اسامحكم
على الي سويتوه وياي ..

درت وجهي عنهم وطلعت  من الغرفة
ومن البيت بأكمله اختنكت منهم كلش ..

صار يومين وأبوي طلب من النسوان يرحن
مشية حتى يخطبون واني ماداير بال اصلاً
واخواني يحجون وياي بس مايفيد
كلبي محروك على حبي الي راح ...

ثاني يوم من المشية كاعدين كلنه همه يسولفون
واني ساكت مااجاوب وياهم ..

حاول أبوي وجدي يحجون وياي بس اني ابد
ماطيق احجي لان اتذكرت سوايتهم ..

كال جدي :
الاحد الي يجي عقد زينب من ليث حضرو
نفسكم

محد حجه شي خايفين على جدي
هو باوعلي منتظر جواب مني  بس اني كمت
ماحجيت شي ..

كالي: هاا ليث شو ماكلت  شي ترى
هاي خطوبتك ..

كتله : شتسون سوو اني مايهمني
لان تدرون شنو رايي بهذا الزواج
بس بلاسم عريس ..

عفتهم ومشيت واجو اخواني يمي
طلبو اطلع وياهم حتى اشتري قاط

كتلهم  : مايحتاج عندي والبس
ليش هيج  متحمسين ..

كالو خل نغير غرفتك لان ندري بجدي
هسه يسرع بموضوع الزواج ..

كتلهم : شتردون سوو اختارو انتم
اني معليه..

كال محمد بعصبية ؛ اذا انت معليك
لعد منو الي عليه

باوعتله و رفعت حاجبي :
لا تنسى اني انفرضت عليه وحده ماريده
تردوني هسه  افرح بهذا الزواج ..

اجت الايام وبيتنه هوسه علمود العقد
واني اطلع  الصبح و ارجع بليل انام ..
لحد مااجه يوم الاحد وهو يوم خطوبتي ..

.......

زينب /

اجه يوم العقد كعدت الصبح سبحت
وطلعت نزلت جوه اتريكت اكلت شوي
ورجعت صعدت فووك ..

مستاحشة كلش امي جوه تروح وترجع
ترتب البنات اجن قبل يوم يساعدن ..

هسه اني وحدي محتاجة وحده وياي
اريد وحده احجيله اشاركه بحزني
لو بفرحتي والله لخبطت عندي كلش ..

اندك الباب و انفتح انصدمت من شفت جوري
وبيده علاكه

كمت وكتله:جووري شجابج شعجب

ابتسمت وكالت :عيني اني اليوم اخت العروسة
غير اجي اشوفه شتحتاج وشتريد واذا اني
ماوكفت وياج اليوم منو يوكفلج ..

دمعة عيني ورحت حضنته :
يروحي انتي ربي لا يحرمني منج
هستوني جنت افكر اكول وحدي اني

بعدتني عنه وباستني من خدي كالت:
لا تخافين اني وياج مو وحدج مراح اعوفج
حضرتي نفسج حتى نروح لصالون

: ايي ماعندي شي والفستان محضرته

كالت :شنو شعورج هسه

كتله بغصه: مادري والله ساعه تجيني فرحة
اكول راح اخذ الاحبة بس من اتذكر كلامه
بطني توجعني من الخوف وتروح هاي الفرحة
لان ارتبط بشخص مايريدني و كارهني
صعبه كلش بلنسبة الي ..

كالت :حقج حبيبتي ما تنلامين بس هسه
عوفي كلشي من بالج افرحي بهذا اليوم
لان يجي مره وحده بعمرنه انسي منو الي تاخذيه
اعتبري هاي حفلة الج و اتونسي بيها و عيشي
اللحظة ..

ابتسمت اله وكلامه صحيح مره وحده بعمري
هاي اللحظه خل انسه اليوم وافرح ..

حضرنه نفسنه ورحنه لصالون اخذنه فارس
وخطيه فارس يحجي وياي ويضحك بيه
يريد ينسيني اصلاً هاي الايام كله
معافني وحدي ..

جان فستاني لونه ازرق جويتي طويل مخصر على
الجسم وردانه طوال دانتيل شفاف مطعم بيه
خرز ازرق وفتحة من الصدر على شكل سبعة ..

رفعت شعري ونزلت خصل من يم وجهي
والمكياج شوي ثكيل ..

باوعت على شكلي ابتسمت ابتسامة  خفيفة
عجبتني النتيجة بس انمحت الابتسامة
واني اشووف شكل ليث العصبي كبالي
صارت خوفة بكلبي بسببه شراح يصير وياي
وعيشتي شلون  تاليته بس الله يعلم ..

خلصت من جوري وطلعت تخبل
فستان ذهبي هيج لونه وقصير لركبة واصل
وفاتحه شعره  ومكياج ناعم طلعت تخبل ..

اتصل عليه فارس و كال بره ساعدتني
جوري  ولبست عباتي وغطيت شوي من وجهي
وطلعنه اني وياها ..

صعدت كدام يم فارس و جوري وره
باوعلي و ابتسم : شو خل نشوف هذا الجمال

باوعت عليه و مرتبكة اني ابتسم عليه
وكال :ماشاءالله تخبلين ولا عرفتج
من طلعتي كلت هاي اختي مستحيل طلع
المكياج يغير شكولجن صدك ..

ابتسمت على كلامه و هو حرك  وصلنه للبيت
وشفت الهوسه يم بيتنه وبيت عمي لان لزك
بيوتنه ..

هو فتح باب ودخل السيارة جوه  علمودنه
فتحت جوري الباب و ساعدتني حتى انزل..

نزلت ودخلت للبيت وتلكني البنات بلهلاهل
كعدت على الكوشة وكل ساعه تجي وحده
تسلم  عليه من اقاربنه  ..

ظلن يركصن واني كاعده متوتره
صار الوقت  وصاحو عليه رحت وكفت
يم باب الديوانية  ..

جابو كرسي كعدت عليه وخلن برنص ابيض
على راسي وجابن طشت بيه ماي وياس
خلن رجلي بيه وبديه وقران
فتحنه كدامي اقره منه..

سمعت صوت السيد يقره ويردد ايات
وسمعت صوت ليث وانطه موافقته
اني هنا كلبي مااات واسمع صوت الهلاهل

اخر شي طلب مني اردد وراه وانطيه موافقتي
كلت بخووف وكلبي يدك بسرعة :
نعم وأنت وكيلي ..

ماسمع غير الهلاهل والهوسات دمعة نزلت من عيني
اجت عليه امي باستني من راسي  وباركتلي
وعيونه مدمعه اجت جوري مسحت دمعتي
وباركتلي ..

كعدني على الكوشة وكالن العريس راح يدخل
متت كلبي وجعني كلش وايدي ترجف ..

دخل هو وظلن النسوان يسلمن عليه
ويهوسن كباله رفعت راسي عليه
شفته يباوعلهن بجمود وحتى ابتسامة ماكو ..

دنكت راسي واني اشوفه يجي كبالي
حسيت  شفايفة انطبعت على كصتي
وكعد يمي بس حتى ما باوعلي و لا كال مبروك ..

جابو الذهب وهو لبسني الحلقة بسرعه
واني ايدي كامت ترجف ماكدر البسه اله
هو اخذه مني و لبسه و كال لامه انتي لبسيه
الذهب ماكدر اني من الهوسة وكام طلع..

خنكتني العبرة عرفته يريد يتهرب مني
مايريد يشوفني مو من الهوسة
هاي بدايته زينب بعد شراح تشوفين من وراه..

اجت يمي جوري يمكن حست بيه
لزمتني من ايدي و كالت :
لا تضوجين حبي بس خجل هو من النسوان
وماكدر يلبسج ذهب بسببه هوستهن ..

اتصنعت الابتسامة و اعرفه كاعد اطلع اعذار
لاخوها كتله :
عادي حبي مصار شي لا تفكرين انتي

بقيت كاعده وساكته كل ساعه تجيني وحده
وتحجي وياي لو تباركلي..

اجت جوري كالت : تعاي حبي

: وين اروح!؟

باوعتلي وكالت بهدوء: ليث يريد يشوفج

فتحت عيني بصدمة : هااا شنو شتكولين..

: اي حبي كومي وياي..

ساعدتني واني ارجف جسمي كله يرجف
ماكدر اسيطر على نفسي ..

وصلت للغرفة الاستقبال دخلت وأنسد الباب
وراي باوعت لكيت ليث كاعد على القنفة
وسترته ذابه يمه باوعلي و رفع حاجبه ..

اجه تقدم بأتجاهي وهو يباوعلي من فوك ليجوه
كال برود : اممم تذكرين شكلتي قبل

عرفته على شنو يقصد : اي اتذكر

ابتسم  : خوش طلعت عندج ذاكرة

: شتريد ليث

باوعلي وخزرني : ليش مارفضتي
ليش وافقتي على هذا الزواج هااا ..

كتله بغصة لازم ينغص عليه فرحتي
كتله : ايي رفضت اكثر من مره
بس تدري شنوو ابوي جبرني عليك ..

باوعلي مثل المتفاجئ : شنو رفضتي انتي

دمعة عيني : ايي رفضت بس ابوي جبرني
و راد حتى يضربني لا تجي هسه تلومني
كتلك اني بنية ماكدر ارفض بس انت ولد محد يجبرك ..

جرحني من كال بأستهزاء : لعد اني ليش هنا يمج
و اتزوجت شحسبالج اني ردت غير هم جبروني
من رفضت كله صارت ضدي وابوي راد يتبرى مني
وجدي تخربط وصار اللوم عليه ..

بلعت الغصة بداخلي اريد اكله كافي فدوه
تجرح بيه فهمت انت ماتريدني بس مو هيج
كافي ..

كعد و اشرلي اكعد يمي كعدت قريب عليه
وظلينه ثنينه ساكتين بعدين حجه كال :
كله من وراهم جبرونه لا انتي ترديني و لا
اني اريدج بس مايفكرون الا بنفسهم ..

حجيت بيني وبين نفسي منو الي كال اني ماريدك
بلعكس اني احبك و اموت عليك تطلب عمري
انطيك اياه بس لا تحجي هيج وتكول ماريدج
...

جوري/

صارت خطوبة اخويه بعد مشاكل صارت
بلبيت والحمدلله شوي هدئنه ..

بس اخوي كسر خاطري كلش مافرحان ابد
وشايل ايده من كلشي مايكول زواجه

حتى غرفة النوم اخواني جابوها
وهمه متكفلين بكلشي ما يردون اي نقص..

وهاي الثانية زينب بعد اكثر خطيه
تصعب على الكافر حالته حاله  عازله نفسه
وضعفانه متاكل من حجه وياها لحد هسه ..

بيوم الخطوبة كمت اسمع اشكال و الوان
من الحجي من النسوان يكولن
شوف هاي بت الشيخ صدك قوية مامهتمه
ولا جن اكو واحد عافه بيوم خطوبته
وتطلع عادي اني لو منه ماشوفهم وجهي ..

والثانية تحجي اجه ابن عمه من السفر
يكولون شعجب مارجع عليه واتزوجه ويستر عليه..

وهاي تحجي الها تكللها ولج ماتدرين طلع مسافر
ومتزوج وعنده جاهل بس مرته ماتت ..

هواي هواي حجي بس طعني من شككن بشرفي
بقيت قوية كدامهن مبتسمة و سويت نفسي
مامهتمة وعادي عندي بس بداخلي مكسور كلش
كرهت شهاب ويوم الي رجع بيه لهنا ..

خلصت الحفلة ومرت الايام واني كضيته
من البيت لدوام وكذلك العكس واشوفه يوميه
يجيب جمارة ويظل يباوعلي من بعيد ..

وصار كل يوم جمعة وعزيمة ماحضر
اروح يم بيت خالي ابو زياد ابقه يمهم
ماريد اشوفه اصلا واهلي قابلين محاجين شي..

مره صادفت جمعة والعزيمة راح تكون
فا طلبت من شاهر يوصلني لبيت خالي
ماعترض ورحت ويااه ..

بقيت يمهم لليل تعشينه وطلعنه بره
اني وميامين نسولف ..

اجه عليه زياد وباوع على ميامين
وهيا راحت ماحجت شي ..

عرفته على شنو يريد يحجي وياي
كال بهمس:جوري

رفعت راسي اله وكتله : نعم زياد

ابتسم و كال : مو ملاحظة انتي مغلسة
على موضوعنه اني انطيتج مهله تفكرين
بس انتي جنج غلستي عني ..

كتله بأرتباك و متوتره : اا زياد

: احجي بوية و لا تظلين اتأتين خليني افهمج
واي ماكان جوابج مراح يفرق تبقين جوري
الي احبه ..

كسرني  كلامه بس ماريد احطمه و لا اعيشه
على امال كتله بحزن :
اسف زياد اني ماعتبرك اكثر من اخوو وصديق
لا تزعل مني بس ماكدر  اجذب عليك و لا اكدر
احطمك وتالي ماتشوف الحب بعيوني. 

اسفه زياد اني الخسرانه ادري والله
لان مراح الكه مثلك يحبني و وفي وياي
بس كلبي قفلته بعد ماكدر احب و ابدي من جديد ..

باوعت  عليه هو ابتسم و كال بحه
يحاول يكتم عبرته كال :
هاهيه مثل الي يجرالج تبقين اختي وصديقتي
مراح يغير شي واني احترم قرارج

كتله بخنكة وعيوني مغوركة :
زياد لا تزعل فدووه مني ..

ابتسم و كال : هاي شبيج ولج راح تبجين
مراح ازعل منج شنو يعني اغصبج تحبيني
اني الف بنية تتماني اشوف وحده احلى منج
واخذها ..

ردت احجي بس باب بيتهم اندك
هو عافني ومشه يريد يشوف منووو ..

اني من شفته مشه ظليت ابجي على نفسي
وعليه ثاني مره اكسره بس مو بيدي والله
ماريد اوهم اله اني احبه ماكدر ..

زياد اخوي وصديقي ماريد اجذب عليه واكسره
يستاهل وحده احسن مني ..

مسحت دموعي من سمعت صوته جاي عليه
باوعت لشكله ضايج كتله : ها زياد

كال :ابن عمج اجه عليج يكول جدي طالبج

استغربت : شكوو ليش يريدني

:مادري بس يريدج ..

هزيت راسي واني خايفة رحت جبت عباتي
طلعت شفته واكف بعده كتله : هاا وينه

كال : انتي تعرفين منو اجه عليج

استغربت : منو يعني وصدك اخواني ليش ماجو
عليه صاير شي شنو ..

:لا مصاير شي بس يريدج هناك و الي اجه عليج
شهااب ..

حجه هيج و باوعلي اني ظليت مصدومة
هذا شجابه وشيريد مني ..

لبست عباتي وطلعت وزياد وراي لكيته مرتجي
على السيارة من شافني اجه عليه وكال :
يلا جوري جدي يريدج

كتله بحده : وانت ليش تجي منو سمحلك
شنو ماعندي اخوان يجون عليه وانت تجي

كال برود: والله هذا امر جدي اجي عليج
فا تعااي يلا خل اخذج..

كتله بعصبية : تحلم اصعد وياك انت تخبلت لو
شنو ..

حجه بنبرة بيها عصبية :احترمي نفسج فهمتي
وامشي يلا صعدي كافي لغووه زايده ..

حجه زياد بعصبية : هيي انت شو جاي
وتتهجم على الناس ببيوته ..

باوعله شهاب : انت لا تدخل محد حاجي وياك

رجع باوعلي وكال بحده  :امشي جوري
لا تخليني اخذج غصب ..

كتله بعصبيه وردت اصيح عليه :
امشيي منااا شهااب كتلك ماجي وياك فهمت
امشي وي زياد وروح أنت..

اني حجيت هيج و هو تخبل كال بصيااح:
جووري امشيي وياي لا تعصبيني اكثر
شنو تجين وي زياااد كتلج اني اخذج..

حجه زياد : رووح منا شهااب اني اخذه
لا تظل تصيح عليه ..

باوعله شهااب و عيونه حمر :
أنت لا تدخل فهمت

كال زياد بعصبية : لا ادخل لان واكف يم باب
بيتنه وتصيح على بت خالي وهيا جانت يمنه
فا روح احسن لا يصير شي ما يعجبك ..

وكف كباله شهاب وكال : شووو تعال
كلي شنو هذا التصرف الي مايعجبني

حجه زياد وهو راص على سنونه :
شهاااب روح منا ..

ابتسم بأستهزاء شهاب و كال بعناد:
شو راح اخذه هسه وكدامك وخل اشوف
شتسوي انت ..

ظليت اباوع عليهم وكلت هسه اصير عركة
بس انصدمت من لزم أيدي  شهااب وجرني
قووي راد يصعدني بلسيارة ..

ماحسيت غير زياد دفع شهاب وضربه
على وجهه شهكت اني من الي شفته ..

كال زياد بعصبية : كتلك تشوف شي مايعجبك
روح منااا شهاب ..

باوعله شهاب و ابتسم اقترب من زياد
رجع ضربه على وجهه اشو ذوله ظلو يتعاركون
واحد يضرب الثاني ويغلطون واني بلنص ابجي
من الي اشوفه  ..

كلت : كاافي فدووه زياد وخر منه ..

ماحسيت غير ركضت على خالي الي كاعد بلصالة
: خااالي الحك فدووه زياد يتعارك وي شهاب بره

سمع هيج خالي وطفر من مكانه يركض
واني وراه طلعنه لكيناهم بعدهم يتعاركون

شهاب كال بعصبية : كتلك من زمان ابتعد عنه
بس انت ماتسمع الكلام ..

كال زياد: وكتلك اني مراح اعوفه من هيا
تطلب مني هذا الشي ..

صاح خالي بصوتت عالي : هاااي شنو
جهال انتم كاافي ..

توقفوا من شافو خالي يصيح عليهم
همزين محد طلع من الناس وشافو الي صار
ظل يرزل بيهم خالي وكال لشهاب
بحده : روح شهاب اخذ بت عمك يلا

كال زياد بعصبية : شنو ياخذه

باوعله ابوه وكال : بت عمه يعني من حقه
تمشي وياااه ..

باوعلي خالي وكال : روحي بويه وي ابن عمج
شوفي جدج ..

هزيت راسي ماحجيت لان ماردت اسبب مشكلة
ثانية وهذا امبين شهاب معاند الا اروح وياه
لو يسوي مشكلة ثانية استحيت من خالي اني ..

صعدت بس وره مو يمه وهو صعد بلسيارة
وحرك بسرعه ..

كال بعصبية : جان صعدتي من زمان ولا يصير
هيج .

كتله بعصبية و العبرة خانكتني :
انت شتريد مني ليش اجيت عليه
منو كلك اني اريد اشوفك واريد اصعد وياك
يا اخي خلي لنفسك كرامه اني اكره شوفتك
اكره اسمع صوك بس فهمني انت شنوو ..

هو ساكت ماحجه شي اني ظليت ارزل بيه
واصيح فقدت كلش..

فاجئني من كال : شحجه وياج زياد
على شنو تحجون ..

انصدمت  من جوابه كتله  بعصبية :
انت لوين تريد  توصل فهمني ..

صاح: جااووبي

كتله بعصبيه : مالك دخل انت فهمت
معليك بيه روح شوف حياتك انت وابنك
خليني  اشوف حياتي ولك موتتني انت
كرهتني بعيشتي اكرهك تفهم يعني شنو اكرهك
انييي ماريد  اشوفك ارجع من وين مااجيت..

كال بعصبية : كتلج جاوبيني شراااد منج
لا تحجين هوواي

كتله بعصبية  تخبلت منه جذبت عليه
حتى بس اقهره مثل ماقهرني اليوم وحرك اعصابي:
طلب مني الزواااج

ماحس وكف قووي وكف السيارة
خفت اني حسبالي لا نسوي حادث

دار وجهه عليه وعيونه حمر حجه وهو
صاك سنونه : شكلتي انتي

باوعتله بقووه : مالك دخل انت فهمت

: احجييي شكلتي

: كتله اني موافقه عليك ..

فتح عيونه بقوووه وكال بعصبية :
انزللي جووري

باوعت لكيت نفسي يم بيتنه نزلت بسرعة
ودخلت للبيت شفتهم موجودين سلمت عليهم

وصعدت فووك اني بغرفتي سديت الباب
ذبيت العباية وكعدت على الجرباية..

خليت ايدي على راسي وظليت ابجي
واني اتذكر الصار اليوم والعركة ..

صح يكرهون بعض ومحد يحب  الثاني
بس اول مره  يتعاركون والي صدمني
شهاب وعصبيته هذا مو هو الي اعرف
هذا شخص عباره عن بارود من العصبية ..

كمت ابجي واشهك تعبت يربي كل ماريد
اهرب منه  الكاه كبالي بطريقي يمته اخلص منك
ومن ماضيك ليش تلاحكني شهااب ..

اندك الباب مسحت دموعي بسرعة
دخلت رسيل عليه  واجت يمي
كالت : شعجب اجيتي جوري
مو على اساس تبقين هناك

كتله : جدي رادني  واجيت بس ماتعرفين
شيريد مني ..

كال بأبتسامة : مو جدي الي يريدج شهاب
الي رادج ..

انصدمت منه كتله : شنوو شتكولين

: اييي اني سمعته من مريت من غرفت جدي
كال لجدي ليش ماموجوده بكل عزيمة
شو انت ماتقبل احد يختفي بهذا اليوم
لازم الكل يكون موجود
وهو اقتنع  بكلامه وطلب  منه يجيبج ..

نار واشتعلت بصدري كلت :
شهااب ليش هيج تسوي ولك ليش
اكرهك  امووت منك مايحس ماريد اشوفه
لوين تريد توصل بكلامك هذا تريد تمشي
كلامك لو شنوو ..

كالت رسيل : شكو جوري شو ماافتهم شي
شكو بيناتكم انتي و شهاب ..

كتله : راح احجيلج كلشي لان مو غريبة عليه
بس كليلي هسه شاهر وين ..

: جووه 

: راح اروحله و بعدين بليل  نسولف اني وياج ..

عفته ومشيت ونزلت جوه شفتهم مشو محد
موجود دروت على شاهر لكيته بلحديقة

كعدت يمه و هو اتفاجئ:
جوري يمته اجيتي ومنو الي جابج
هسه ردت اتصل عليج و اسئل اجيج

: يعني انت ماتعرف

رفع حاجبه وكال :
على شنو

كلت لازم اخلي حد بلي يسويه شهاب
ماكدر اسكت اكثر من هيج ..

حجيتله الي صار اليوم كله وعركته هو وزياد
وشلون ظلو يتعاركون وهو اصر انو اجي  وياه..

طفر من مكانه شاهر وهو عصبي
ظل يصيح وطلع  من البيت يمكن راحله
احسن لان تعبت كلش من وراه
مابقت عندي اي طاقة تحمل ..

يتبع..
noorhaidar18
انتهى البارت اتمنى يعجبكم 💜🌸
لا تنسون الايك +التعليق ✔

احبتي المتابعين راح انزل مشهد من قصة جديدة
اسمها (حطام ليالي )قصة حقيقية بس مراح
ابدي بيها لحد مانخلص من قصتنه هاي بس
ضيفوها للمكتب حتى تشوفون كل جديد يخصه
واتمنى تعجبكم😊💜