بانتظارك خلٌصت عمري إنتظار
عاشرت ليل المحطه
وارتجي إيجيبك قطار
والقطار !!
لو يحب مثلي .. وتشب بضلوعه نار
يسرع إبمشيه ويجيبك
بالفجر قبل النهـــــــــــار
ولَو تعٌبني إنتظارك !!
شارك العمر إبسنينـــــــه
إهواي كًالو مايجيك !!
وكًلبي جاوبهم يجينه .. يجينــــه
ناشدت كل روجه عنٌك ؟؟
كل جرف كحَلت عينـــــه
وإسألت كل الشواطي ؟؟
بلكت إتجيبك سفينـــــه
!!!! ولا سفينه ... ولاقطــــار
وخَلصٌتْ عمري إنتظــــــار !!
وداد_سبوع مالي خلك عزلت روحي
اكلي قل كل اهتمامي امي وضعها بي
وميدهور اصبر بنفسي ورد تخابر وكل
متطلب رنيم اتحجج
لحد ما كالت معاجبني صوتج احجي وين
_بيت خالتي
شسوين يمهم
_اغير جو اختنكت من البيت
لتلوفيه وداد اعرفج مترحين بيت خالتي هيج
مثل قبل اكو شي
_ورد لتلحين عفيه وماكو شي مجرد مخنوكه
ماشي اعوفج براحتج باجر اجي لبيت جدي
وافتهم منهم شي
_صحت بيها اووووو ورد لتلطشين عوفيني اني
احجيلج بس مو اليوم
سكتت مستغربه هاي هيه مثل متردين
سديته كل فكري يمهم مر كم يوم
الضهريه دك الباب طلعت ايسر
كال حضري نفسج بساع منتضريني
وين الحك وماما نايمه
_وداد السياره امين يريدها بكتها واجيت
جدي لوما يلزكلي اجيج بليل الولد متانيني
ماشي بس عاد الم ملابسنه
_بسرعه متانيج عيوني
ركضت حطيت كلشي كعدت امي لما
عرفت ساعدتني وصيتها بس تطلك
تنطيني خبر
بوستها وبوست خالتي طلعت ذبنه وطلع
الجماعته طبيت رنيم واكفه منتضرتنه
ركضت حضنتني هاي البنيه كميه من البرائه
شبكتها
سحبت الجنطه طبيت شفته لمرت عمي عبرتها
باوعت بطرف عينها ولا اعرفها مجانت هيج
نجلبت فرد نوب
رجعت الجنطه مكانها فرغتها رنيم تفتر يمي
ساعدتني مددت امي مقبلت تروح بغرفت
بيبي كالت تعبانه نوميني
طلعت لازم اصرف طبيعي بوست جدي وبيبي
ماحجو شي لليل تعشو رنيم جرجر بيه كتلها من
اجوع اكل مااريد تحسبها اكل من ايدها
كملو طلعت كليت بيتنجان وطماطه كل شي وحد
ليمون وخيار سويتهن صينيه همه كلهم بلصاله
بس بيبي بغرفتها
تعشيت وعشيت امي رنيم مسويه حلاوه جكليتيه
طعمها يجنن صار اكلت منها انطيت علاج الامي
لليل طلعت فرشة اسناني بلمنور جوه الدرج
صوت طكت سويج لجحته بلمرايه يكف بردانه
اناره فوك المرايه تضرب بوجهي
رخت ايدي مكملت تركت الفرشه باوعلي
وكف رفع حاجبه خله ورجع للمطبخ
دنكت غسلت وكملت عرفته صعد من صوت
مشيته علدرج طبيت نار بكلبي مو أمين هذا
سبوع مر واني بين كبريائي وبين حجي ورد
بيوم العرفت محسيتها اختي
موعت اذني اخذي وكسري خشمها
وهو منو يكسر خشمه
ورد_انتي هم
وداد_هذا مينكدرله لتشوفي سكوتي
ورد_وانتي مناقصه تره أمين يعشك التراب
التمشين عليها
وداد _ ورد عوفيني ماطب بعقلي ولا استوعبها
ورد_دمشي لج غيرج يتمنن ربع من أمين
وج يحبج
اليوم تجي رانيه هم وجها ثكيل نوب عليه
ربي بس اني المصايب تركض وراي
طينتي هيج شكد رنيم تحجي وتنصح واني
مطنشه مااعرف اتلوك اروح اصالحه واني كمت
اشوف دم سنوني ولا اشوفها اناقض نفسي
لو على حساب كلبي
وهوه سوه اجه اعتذر وضح البيناتنه شنو
يطلع يطب مغيم ولا عباله اني عود يكسرني
هي الدنيا كاسرتني ضلت علي
رتبت الغرفه سمعت صوت ايسر طلعت
واكف هوه وياا
ايسر _امين لتخبلني الولد مصوب
امين_شعليك بي تريد تورط روحك
ايسر _غير صاحبي
امين_اكو مستشفى ودو وراها شرطه
وسين وجيم شعليك منه
بربك امين الولد راح يموت واهله موهنا
جبته بيتهم كوه مفتح خرب لتخبليني
الولد محتاج طلعله الرصاصه
كتلك عوفه طبه مرض أاااايسر لدخل روحك
مثل ابن عمك
ايسر _خرب بلزمن الخلاك دكتور
جره امين دفعه اذا طلعت رجليك اكسرهن
انجب واكعد
ايسر _وخرررر اعوفه يموت
تلازمو نوب الصدفه محد موجود بيبي
وجدي رايحين يزورون الكاظم واني وامي
ورنيم الي صعدت فوك تعزل غرفهم
نزلت تركض لطمت عزه ايسر امين
شجاكم
امين عاط من يمي رجفت والقران
احبسك ومااخليك تطلع
ايسر يدفع وامين لازمه لحد ماايسر
دفعه بكل قوته وطلع
امين بعمري مسمعته يفشر ضل يغرد
رنيم صفنت على حالته نتر جيبي سويج
الثاني يوم عرفت السالفه من رنو
صديقه مطلوب عشائر سالفة نهب
فايت بمنطقت البنيه صايدي اخوانها
ضاربي وصادف وياا أيسر
مرت فتره ماالي دخل مجرد انضف واكعد
اكبال التلفزيون لو المبايل
يوم خفارته جرئت اصعد ضهريه استغليت
عدم وجودهم فتحت الباب الضوه مشتعل
سديت الباب شعوري مثل عاصفه
فرتني فر خلتني احن اله بس اريد عطره
فتحت كنتوره ادور قمصانه جريت واحد
منهن شجاني ماادري محسيت نفسي غير
لابسته
مددت على جربايه لفيت روحي لف
كانو حاضنته شنو السر البيك
حولتني عاشقه لكل مساماتك
غفيت بس صوت انفاس تضرب بوجهي
بين الاوعي همست أم.. لمست اصبع على
شفتي صارت لمسه ناعمه نطوبعت بوسه
رقيقه
حلم غطيت شفته قيس همس حبيبي
سكتت اذكرت ابتسم شمر عليه بطل
كال اشربي رجع دنه يمه كارتونه بيها
احذيتي
لتمشين حافيه تنجرحين
اخذت بوت هوه جابه الي وردي
مخطط بخطوط اسود
كعدت فازه بعدني بغرفت امين طفرت
نزعت قميصه رجعته نزلت ركض همزين
محد كاعد حلم كأنو واقع
لليل التمينه ايسر يم صاحبه حتى عمي
ماجد حجه عليه ماقابل يكلهم اطيب يله ارجع
ماكو دقايق ندك الباب طبت رنو كالت ماما
بسرعه كومي هاي خاله ام حسين ووبناتها
رنيم _ فرحت بجيت خاله نجيه وحوراء وروئ
ضلينه نسولف وكل شويه حاضنتني
شكد احبها
ضيفتهم وضحت وداد جابت عمه خوله وياها
كعدنه شلون كعده وضحك وسوالف ورجعنه
لكعدتنه بذاك بيتنه بيبي مكيفه وامي كلش
تحبها
متوقعت يجي يوم وترجع ذكرياتي
تهاجمني بسماع طلب خاله نجيه
ايدي لفقار
خلتنه بصدمه وراها نص ساعه وطلعت
شمدري حطلك
_لمن وداد كالت نسيتي هوه صديق أمين
مو مزوج شيريد بعد مني فقار يمكن لو
اضل عمر مااذكره وهوه متابع كل اخباري
_ندستني وداد شمدريج يتبعج
مشفتي عارف بطلاكي يعني متبعني
بس منين
امي مكيفه بيبي كالت على شرج وينشلع
كلبج حبويه خليج يجي نصيبج
ميدرون كلبي قفلته من زمان حتى ماهر
الي كانت روحي بي بس ينذكر اسمه
كلبي يوكف
هسه صار عندي حاله من حالهم انسان
عشت ايام حلوه بذاكرتي بس كلبي
متغره ذاكرتي ولا تتبدل مشاعري
بنتي وتفكيري بيها محه شكو شي حلو
سيروان واذيته خلتني صلبه فقدت
شعور بلفرح نسيت شنو هوه الحب
ولا راح يغيرني ثاني يوم انطيتهم
رفضي امي كنصت بيه سكتت عنها
مااكدر اخذ وانطي تعاندي وضل تلح
كلت البيبي ايدتني وبدورها تخبرهم
الامر ماتوقف هنا فقار محاجي امين
الي اجه مأيد لماما عفتهم يحجون
هسه لو يصبني ماانزل على مرته
وشذنبها اذا هوه عينه زايغه
وبدت محاولات خاله نجيه 3 مرات
اجت تقنع ونفس الاعذار هوه ومرته
ممتفاهمين ويدللج وشتردين ووو ووو
كمت مااطلع هاي مونهاية الامر لحد مايوم
طالعين امي وامين واخذوني اشتري
كم قطعه لهماسه حددو موعد المحكه
بس نطلك اشوفها
بابا راد يوكل محامي سيروان ماقبل كلهم
اني اوكله اخذتلها العاب وبدله طايره بيهن
راح اشوفها
نزيت من صفنتي اليوم موعدنه طلعنه
الفجريه للمطار ومناك لدهوك
محاكمهم الصبح مثلنه وعلمود
الوقت
وصلنه ب10 يمكن اكثر وحده بارده
كانت برودت كلبي مثل برودت جوهم
اجه يمشي بلبسه المدني سلم ويا المحامي
صاحوني نوكف عند الباحثه كان متفق ويه
بابا نكلها متفقين على الطلاك
صار المتفق عليه تنازلت عن كلشي بنتي
مسؤليته مااعندي امكانيه على مصاريفها
علاجها شهري يكلف بلمليون من غير
بي فتره وفتره مراجعات واطباء
كان ويانه ابو ازاد عزمونه بيت جده
على الغده شكد بابا اعترض ماقبلو
كانو طبيعيين حتى مسالونه ليش طلكتو
ولا حاولو يفتحون موضوع الضاهر جاي
قبلنه ومحذرهم هذا الفتهمته من وصلنه
وسيارته موجوده قبلنه
وره الغده كنت كاعده على نار منتضره
جمرت كلبي بنتي وعيوني الاشوف بيهن
لوما مرضج اعوفج والله لو يلك السما
مااعوفج اله
بعدنه كاعدين طب سرمد شايلها
يمه كلبي كبرانه تمشي وتحجي ركضت
عليها مثل العطشانه جريتها حضنتها
وابجي وابوس بيها عيوني ماما هماسا
تباوعلي مستغربه شوفي جبتلج طلعتلها
ملاعيب ضلت تباوعلهن خليتهن بيدها فرحت
شلون ربي هيج وارجعج بطني يمه عيوني
بنيتي الوجه عباره عن دائره ابيض العيون
كبار شهل على جوزي الملامح ناعمه
الشعر اشكر اغلب ملامحها عليهم
ماخذه كبر عيوني ضلت بحضني مد
سرمد الذهب مالتي كال شوفي
فتحته وسديته كل عقلي يمها وهي تضحك
بلألعاب
كال خويه ذهبج هذا كله شوفي خاف نقص
هزيت راسي لا
ماشي
هاا امي يمكن جايبلتج حلق اذن بعرسج
اخذته
ضحكت بلعافيه تره نصه فلوسي بس
خلت فوكاهن 100 مكدرت احجيها
طماعه شترجه منها
كال بس يجمعون غراضج يودوهن توصيل
وانتو مناك اخذوهن
هزيت راسي وابويا ضل يحجي وياا
اخذها وراح هنا عيوني خانني بجيت
من كلبي
مرات اندم على طلاكي بنتي عفتها يمهم
ومرات اكول محد يتحمل التحملته سيروان
ميتغير مينعاش ويااا
كل الاحتمالات الحطيتها مابيه نتيجه
مستحيل يعزل ولا يطلع منهم معتبراته
بنك خواته ميتخلن عنه
ولا يعدل اسلوبه وياي عامياته بلأعمال
شكد بحثت على اثوابي الراحت مالكيتهن
بوكته تيقنت هنه الياخذنهن ومعروف عليمن
يومين وكالو اجن غراضج ابويا كال بس
الجنط اجيبهن غرفتج احركها
امي شكد حجت كلها ممليا اعمال تردين
سكطين البنت
وصدك نص الطريق منزلها بجوله حاركها
بلفعل تحولت انسانه كتله من البرود
مارفلي جف شكد بيها ايام شفت
المر مهتميت
طب وبيده الجنط حطيتهن بغرفتنه
على صفحه اباوعلهن انتهت قصتي
وياهم يمكن مالي نصيب اعيش
بنتي وتكبر كدام عيني
افرح بيها واعيش ام وبتها تلبس
وترتب وتسهر
تخليت عن شكو حلم حلو وياها لجل
طيب لجل تعبر الالم
رانيه __ بنزول بارق انحرج واتقيد
بلبسي صح الحجاب كمت انزعه بس
بقه لبسي محتشم
هوه ماله دخل ميعلق شماا اسوي
بيوم الضربت فضل متعلم فشوره
مال شارع لاكطها
فقدت كدامهم واني اسمعها مااعرف
شسويت غير ورمت حلكه وحذرته
خالتي طبت على صوت بجيه جرته
الله لينطيج طفل شبيج مخبله
خاله سمعتي بلاول
شمسوي
كال ..... تعرفين شنو هاي مال كبار منين
تعلمها
كالت طفل شمدري
طب من الصاله كال شكو
اجاني يفشر وضربتها
باوعلي شكال
خجلت احجيها والله حتى مااكدر
انطقها
خالتي كالت رانيه بعد ينام يمي مالج
شغل بي
_صحت خاله تردين جننيني شنو اخلي
يمج حلمود يسربت اذا انتي على الغلط
الغلطه متقبلين اضربه
اعوفه يمج سيسيله
كالت دهر فرج ولج شايفتني
بارق كال يوم عوفيه تربي
جرته شوف سوت بحلكه وهوه يناشغ
كتله واكسره بس يعيدها
كال اي يمه مالج دخل هي مسؤله
عن تربيته عوفي على ايدها
جريته وصعدت بعدني على الدرج
صاحت لو ابو عايش يخليج هيج
التفتت اي يخليني مدام على الصح
بكد غضبي بس كلبي نعصر من شفت حلكه
يجري دم حضنته سوده بوجهي
طببته حضنته ابوس بيه مسحت
وجها ماما وينك وين هلألفاض
مااعيدها والله والنشاه بصدره
اي متعيدها فضل عيب ماما
اي ماما عيب
سكت فحطان ودموعه على خده
طب بارق شافه يناشغ كعد جر الطبله يدخن
كال بس ينام اريد احاجيج
هزيت راسي دكيتله ينام حضني ميكفيله
طولان السنه بدت اشهر واسجله
شلته بمكاني على الجربايه جريت الغطه
كتله هاا بارق شردت
_كال رانيه غلط السويتي
شلون
_موهيج بلبدايه علمي وعي من شوفي
عادها اضربي
متحملت اسمعه
_لتعيديها
بارق خالتي مخبلتهم بدلالها
_عوفيها عليه
سكت واني درت الم هوست لعبهم
_كال رانيه اسألج بس مجرد استفسر
شنو
_مصرف يجيج كل شهر
يامصرف
_من جنتي بيت اهلج
هاا ليش
_كتلج استفسر
غير اعرف ليش تسأل هسه محتاج
_لا بابا خير من الله سالفه بالي
لا
_خنزر شلون
غير انت جنت جيبه وبعدين خالتي بس اول
شهرين وبعدين انقطع
_بشكل نهائي
لا مرات خالتي تنطيني من تقاعده 50
مرات ماعدها 25
سكت ويدخن كتله بارق لتحاجي
خاله بعد راحت
كال لا مااحاجيه
لليل واكفه اسوي عشه ونور كاعده تكلب بجهازه
وخالتي بغرفتها كل ضني بارق طالع
اثاري بلصاله اسمع صوته هوه وخالتي
عالي
اني ونور استغربنه كتله شبيهم
طفرت طبت مكدرت اعوف الاكل
على النار
اجت تركض كالت طردني عصبي
نسرين هم طبكت ويانه ساعه وطلعت
خاله مفرفحه مااحس غير جيتت
عليه اني بصف الطباخ واكفه وحاميه
الطاوه بيه زيت يفور اريد اكلي البتي
محسيت غير احكنه على ضهري
نجفيت على الطباخ والطاوه تكومت
صارت على رجليه هناا شنو
عطت عيطه رجيت البيت رج انصلخت
صلخ كمت اكمز مااعرف بعد شصار غير
بارق ركض بيه للمستشفى
دموعي تنزل وعياطي ترس المستشفى
يومين بارق مكابلني اليل مانمته اعيط
بس الكف متأذي همزين بيومه لابسه
روب قديفه صار حاجز
بارق يستغفر ولازمني من اعيط لو
من سلخو الجلد شاغت روحي
انام واكعد من الالم اجت انغام صار
بيها تبجي على عياطي
بارق يلوب يشرد من يشوفني
هيج واني مثل المزوهره
متحملت كمت مخليت خالتي والغلط
عليها والدعاوي انغام سكتت تدري
من حركت كلبي
وراها طبو جدي وامي وابويا وبيبي
كامو يطبون وجبات وجبات
وشسوو بانغام وبارق خطيه ساكت مدنك
يلوب عليه يباوعلي من اعصر بوجهي
من ينطون مسكن اهدء يروح مفعوله
اهيج تعبت بلعومي راح كمت بس اون
وليغاد وجابو وحده طاك عليها التنور
عياطها يوصلني اكوم ابجي الله يساعدها
ورد__ اجهل هدوئه طبيعي يصرف بعفويه
لو بي شي نهاد بطل يحبني شنو الغيره
ميجيسني ماعنده لهفه لو تبدل كمت افتره
شبي خالتي اخجل اسالها
اليوم قررت اطلع شياطيني واشوف المره
تحس بزوجها هذا لو عنده وحده وشبعان
لو باله حسبه
مو غايتي شي بس حياتنه الزوجيه هادئه
ادري بنفسي زودتها وياا وعملته متنسي
مااريد ابقه بلماضي بعد هي يم اهلها
وبيناتنه محافضه وهوه كدام عيني
خوو احافظ على بيتي بهذا فتوري
افتحلها الساحه
كملت عشه بس اني وخالتي وهاجر
صعدت سبحت لبست سيت فوكا
الروب دنشوف نهاد علتك وين
مكيجت خفيف اعرفه يحب اخلي
حمر حلكي منفوخ وهوه احله شي بوجهي
انتضرت ل11 طب واني كاعده وخطيه
نص جسمي بلديباج مدفيه الغرفه
مشغله البلازمه على فلم هندي داتابع
طب شافني صفن ابتسم اشو هذا باب
الغرفه شمر البجامه والتشيرت
خلاني كمزت شبيك نهاد
_صاح اروح فدوه الربج متانيتني
وكفت فوك الجربايه مغطيه نفسي
بلروب كمز يمي
شردت نزلت فدوه شبيك
_ولج عطشان تعالي
شنو وين اجي لاعيني شجي
ركض واني اطفر من الكاع على الجربايه
_ يضحك ورد وروح ابويه اذا منزلتي
بس الزمج ماارحمج
نهاد دتخوفني شبيك
_بس اوكفي مكانج واني اجيج لتتحركين
وعلي اسكطج
اني كال هيج ونزلت اركض وهوه وراي
اريد الحك طلع شالني
هههههه لا فدوه
_ انتي الفدوه
نهاد والله مبدليك
_منج غير سودنتيني
شمرني على الجربايه وجيت
مخلاني انطق استلمني بكل انش بوجهي
اضحك وهوه رايح وصلت ذروته
حسيت بشتياقي اله بديت اندمج وياا
بكل تفصيره ترجع بيه الحياة
لوحتنه احتملت رسمت كل تفاصيلها
عشنه احله لحضات مكان الدور اله فقط
عيشته لحضات ممتخيلها مني اجردت
من الخجل ابتسم ويضمني بشغف
تصرفاته مكانت تضليل كانت نابعه
من كلبه
حركته متوقعتها منه باب الغرفه شمر ملابسه
وخر مني اذكرتها غصيت من الضحك
نزل لبس فتح الكنتور كال شبيج لج
نهاد حلكتك حلوه يم الباب
_دار رافع حاجبه مو اخذ شوط ثاني
نزيت شحدك
_هاا مو اجيج
فتحت ايديه تعال حبيبي
ضحك وطلع
ايامي مشت ويااا متصافين رجعتله الضحكه
اني مااكعد اتحارش بي واذكره بأيام الكليه
كل شغله تمناها وهوه يشوفني بايامها
ويذكرها ينفذها بساعتها
خالتي تضحك علينه من نكون يمها
اشبعه تصنيف وهوه ميتحمل يجرني
كدامها يبوسني لو يعضعضني
هاجر بلشت تبسمر واني مغلسه بمزاجي
يجي يومها اهددها متدري ورقتي بيضه
متكدر سوي شي
يوم عن يوم اكتشف بيها اشياء
صخام وجه يعني لوما اخوها يمها
يمكن صير بيت .......
ضاله مثل بلاعة الموس اخاف احجي
واعم نهاد ميتفاهم وخالتي لاحوله ولا قوه
متكدرلها وكحه
لحد ماكاعدين الصبح ريكت نهاد
وبلشت الملم خالتي راحت للسوك
جابت خضره
صاحتني
هاا خاله
_يمه كعديها صارت الضهر راح يوذن
بس اهدر التمن
_ هاج خاله نكعيها
اخذت نجانت الخضره
كملت البيدي رحت اكعدها
طبيت للغرفه ضلمه بس اضوية الشموع
الصوبه الكهربائيه
الابتوب مفتوح ومشكل علشحن
تقربت اندها حركتها هاجر امج تريدج
متقبل تكعد دفع بيدي غاطه بلنوم
عفتها جريت الابتوب فتحته نفتح
شعجب وهوه بي رمز
اباوع مكالمة فيديو 4 ساعات ومبينه
لتفتت هاي ويامن هلكد تحجي
دخلت اتفحص برنامج ......بوكته
نزل يفتح كام بسهوله ودولي
اخذت اسمه وطلعت بحثت عنه
مبي شي
تانينه نهاد كال مااجي تغدو
اكلنه اني وخالتي
للعصر نزلت ستوني سابحه الخاولي
لافته على شعري وبالي يمه اشو تاخر
دكيت ميرد مترين بلالثه فصله
خالتي تفلس باكله وتسولف ويه
اختها ام احمد
دك جهازها انطيتها الها
ستوها جاوبت وخالتي لطمت
ياستار ياربي سترك الاهي
سدته مفزوعه ام احمد
كالت داده شكو
خالتي _مصيبه بيت جاسم محتركين
بيتهم كله كاب
كامت وصيح بيبي امير عيوني
ام احمد_ دخابري واحد منهم
خالتي _اي دوهنت بس طلعيلي رقم
صالحه (مرت قاسم عمهم)
صار اليل وماكو خبر عرفنه
محد محترك بس مختنكين
هاجر تنوح ودموعها عشره عشره
لحد معاطت خالتي امير ضايع
من مطلعيهم من البيت ماكو بينهم
عبالهم ويه امه طالعه للمجمع بلمركز
وعايفته يم خواتها
هنا خالتي كعدت دك على رجليها
وداد__ رانيا وحركها شغلنه جاوبها يمنه
حطوها بغرفت امها مضطره ادخللها علمودها
بليل نهار تون من رجليها الي مجرد منضرهن
يشوغ الروح
امين يكعد يداويها يخبط عصارات ويحط
سوه علب صاح رنيم وصاحها بيوم خفارته
هي تحطلها باوعلي اذا متكدر انتي اقوه منها
تاخذ بهلمسكنات تنام جهالها يم بيت جدهم
زوجها ماقبل ليرعبون من منضره الحرك
خطيه ماتركها يوميا جاي ويخابر عمي
حاول ياخذ اجازه منطو التحق وهوه
يوصي اليشوفه يصور يحبها
خابرتني ورد حايره بسالفت
ابن رجلها حطيت ايدي على خدي
ادري متواعدات على المصايب انتي
منا رانيه منا
كالت شنو رانيه شبيها
يااا متدرين تعالي شوفيها محتركه
_صاحت يااا يمه صدك شبيها ولج
جفوف رجليها انصلخن بلزيت
_عزه شلون احتركت
خالتها متدري دافعتها يكولون
_وديلي ايسر اجي اشوفها
سبوعين رانيه شويه احسن
امين فك الضماط منها الغرفه
تعقيم امها ورنيم ابد متركنها
واني شكو نقص بلبيت اكمله
نوعن ماا عمتي شيماء انشغلت
عافتني مضايقني وتبسمرني
حصره شوفني اصعد اشر لو
انضف الفوك وامين بلبيت
توكف حارس
اجو جهال رانيه زوجها نازل
اخذتهم دااطببهم عليها
رنيم يمها دااطب
واسمع رنيم دكلها ميريدها
بس امي تزن براسه
رانيه _ امي متوب خل تعوفهم
رنيم _ شوف هاي غير شانه حرب
وامين الله يسلمه يمشي وراها
رانيه _ هوه امين شيكول
رنيم _ مدامه ساكت يعني قانع
.......يتبع