عذريتي مقابل برائتي الجزء 2

البارت الخامس الجزء2

البارت  الخامس

عذبنه الزمن بين المحطات

لكينه الدمع واكف ينتظرنه

بعدنه صغار وكبرنه من الهموم  

وحزن بحزن جبناها وكبرنه

لا بينه صبر لا نحمل هموم

وعلى عمر المضى شينفع صبرنه

لا يا زمن أرحم دمعة العين

وشوفنه الفرح بأخر عمرنه

شوفنه النحبهم ولو لحظات

حتى بشوفهم يفرح عمرنه 

دارين - بعد الضرب إلي نضربته من فرقد ودخل بكل عين صلفه يسأل شلونج كأنه ما مسوي 

شي إني أحبه لفرقد واكرهه بنفس الوقت شلون ترهم ما اعرف إني بكل لحظه أشوف أنه

بقائي ويا فرقد جان غلط بس حبي إله بقاني ويا واصفن وهوايه اسئله دور براسي إني

ليش أي إنسان احبه يغدرني أولهم ياسر إلي حبيته ومات وابتليت من ورا هو مات مره

بس إني أموت ألف مره يوميا يم فرقد وأسأل نفسي على شنو حبيت فرقد حتى إذا أريد

أعد اللحظات الحلوه ويا ما يجاوزن أصابع اليد  ليش هيجي احبه وما اكدر بدونه

بعد ما اتفقت ويا أنه يطلكني وهو وافق وعافني وطلع كمت أفكر إني راح اكدر ابتعد عن فرقد

ورجع واكول والله بعد ضربه إلي العيشه ويا مستحيله ظليت على هذا التفكير لساعه 3 نزلت

أدور على بارق لكيت نايم بحضن فرقد وحاضن أبو ظليت اباوع عليه هوايه وأفكر شلون

بروقي ما  اكدر بدونه بس أبو كسرني وكسر كلبي واني اباوع على فرقد

واكله اوف شريد أتحمل منك والله ضربك تحملته بس حبك ما اكدر اتحمله

جاوب وهو مغمض عيونه اتحملي مثل ما إني متحمل حبج وطيشج

عرفته هو هم كاعد ما نايم انسحبت من يمه وصعدت فوك عندي علاج أخذته ونمت ما كعدت

إلا حوراء  تكعد بيه لأن وقت الأبره مالتي كعدت غسلت شفت الساعه ب 11 وجابتلي بروقي

وهو خطيه شلون يحضني

كالت  حوراء خابرني فرقد كال روحي على دارين عدها ابره واجيت والله طفيت على الجدور

واجيت ولكيت بروقي يم  حياة

كتلها - أي الليل كله ما نمت والفجر يلا نمت  شويه الآلم خف عندي

كالت - اكلج على شنو اتفقتي ويا فرقد

كتلها - اتفقت ويا يطلكني بعد ما اتحمل والله كل يوم أشوف الحياة ويا مستحيله

كالت - وين تروحين وابنج المن تعوفي ولج هسه جان بيد حياة جنه يتيم بدونج ابنج يضيع

شنو ذنبه

كتلها - والله بعد ما اكدر اتحمل يوميه ضرب واهانه حتى صحتي ما سلمت عليها وإذا وين

أروح حتى لو اكعد بالشارع ما أظل يم فرقد

حضرت الأبره وضربتها إلي وعافت ابني يمي وراحت سوت ريوك وجابته أكلت إني وبروقي

وهي سولف على قمر أنه فرقد حبسها   وعمتي من جان يضرب بينه إني وقمر واخذها

للمستشفى كايلين عن حالة عمتي ذبحه ثانيه

كالت حوراء - الدكتور يكول هاي ذبحتين خلال 10 أيام الثالثه متطلع منها وهذا إلي سكت

فرقد عن قمر

خلصت ريوك وأخذت الصينيه حوراء من يمي كمت غسلتله واخذته للغرفه بدلتله ورجعت  

صحت على حوراء انطيتها ابني ودخلت للحمام من نزعت انصدمت من الأثار إلي على جسمي

سبحت وطلعت مشطت ورجعت حوراء انطتني بارق وراحت لبيتها واني بقيت بالغرفة ما طلعت

صار وكت الغده بس نزلت أخذت غده وصعدت اكلنه إني وأبني ونزلت دخلت للمطبخ صار

فرقد كدامي ما اهتميت كلت همزين إجه حتى ينفذ اتفاقنه بعده بملابس الدوام

كال - شلون صرتي واخذتي الأبره مالتج

ما جاوبته كل ما اذكر منظر جسمي تعز عليه نفسي وهو شافني ما جاوبته عافني وراح

صعد فوك واني غسلت المواعين إلي اكلنه بيها وصعدت ما لكيته كعدت أنتظره وأبني

يباوع على التلفزيون دخل فرقد وهو سابح واكف ينشف بشعره وعينه عليه

كتله - أنت البارحه وعدتني وكتلي باجر نطلك وين وعدك

كال - بعد شويه خلي أرتاح ونروح  وانتي حضري نفسج وعافني وأخذ بارق ونزل واني ضليت

حسبه تجيبني وحسبه توديني ساعه اكول أخلص من فرقد وساعه اكول إذا طلكت وين أروح

بعد ما بيها مجال بدلت وحضرت نفسي وهو هم اجى بدل

وكال - يلا أمشي

طلعت كدامه من نزلت شفت بارق بيد منتهى لو روحي شاغت  عليه رحت بوسته وهو هم

يذب نفسه عليه اخذته هو يخلي راسه على صدري إني متت بجي عليه واجى فرقد أخذه

مني وانطى لمنتهى

وكال - يلا بسرعه حتى أرجع تعبان

طلعت ويا للكراج وصعدنه بسياره وطلعنه وهو يفتر بينه بالشوارع والسكوت سيد الموقف

محد حجى بينه وهو مشغل اغاني بس وصل يم اغنيه وظل يكررها وهي (راحتي النفسيه )

ويغني وياها بعد وقت مر هوايه وكف يم بيت  وطفى السياره

كال - وصلنه

التفتت شفت بيت عليه لافته  مكتوب  عليها زواج وطلاق وتصديق

كال - هاي وصلنه هذا سيد كلها 5 دقايق وتخلصين مني

كتله - أحسن

ظل يباوع بوجهي فتحت باب السياره ردت انزل لازم أيدي

كال - سدي الباب أريد احجي وياج

سديته وكتله ، تفضل أسمعك

كال - دارين حبيبتي إني احبج والله اعشقج إني غلطت انتي سامحيني ولج والله اموت بدونج

كتله - لا ما تموت ماكو واحد يموت ورا واحد واني ما اصدك أنت تحبني لو عندك ذرة شعور

اتجاهي ما اسوي هيجي بيه ما اكدر أنس شلون جنت تضرب بيه بالزنجيل وأنت شوفني

شلون اكمز من الآلم وأنت تضرب شنسى واسامح عليه حتى اسامح لو حوراء تخابرك تكلك

دارين خاصرتها وأنت تغلق الموبايل بوجهه

كال - أدري إني غلطت وياج بارق شنو ذنبه تعوفي هذا طفل محتاج حضن أمه واني  وأقسم

بالله اموت عليج شلون اطلكج وطلعين من حياتي أن شاء الله روحي تطلع ولا انتي طالعين

من حياتي

كتله - بعد ما اكدر لهنا وبس بعد ما أريدك إني ما مجبوره أعيش وياك ولو اعرف اكعد بالشارع

ولا أبقى يمك

كال - بعد متريدني على راحتج بس إني ما اكدر اطلكج هسه

كتله - ليش متكدر هذا السيد وما نطول طلكني وكلمن يروح بطريقه وأبني هو بعد يمك

ما أصور تظلم ابنك

كال - بس احنه مزوجين بس يم سيد يعني بالمحكمه ماكو عقد شلون نسوي جنسيه لبارق

كتله - وهسه شراح سوي

كال - أصبري عليه شويه نعقد محكمه ونسجل بارق بأسمنه وراها إني اطلكج وروحي الله وياج

كتله - يعني شكد وقت لما تكمل هاي الاجرائات

كال - مو هوايه خمس سنين

عطت بي - شنو

كال - شنو بعينج غير على كيفي حتى لا يصير غلط ومحكمه وروح للقاضي وتعال ليش عبالج

هي هينه تحمليني شلون إني متحملج

كتله - بس خمس سنين هوايه

كال - لا مو  هوايه هذا مستقبل ابنج تقبلين ابنج يبقى بلا جنسيه

كتله - إني بعد ما أكدر ابقى ويا أهلك أريد أطلع منهم

كال - هذا الموجود تحملي هي فتره وتعبر

شفت الحجي  يا ما يفيد سكتت

رجعنه للبيت واحنه ساكتين أول ما دخلت شفت البومه منتهى وأبني على كتفها اخذته منها

من صرت قريبه عليها جان

تكول - ها رجعتي يعني ما أخلص منج

كتلها - هذا الحجي كولي لزوجج مو إلي يتوسل بيه حتى ابقى يمه ويكول شلون اعوف

الحلقوم واروح للثوم

وهي تخيلت وتحجي بصوت همس حتى لا يسمعها أحد

كالت - إني اعلمج إني ثوم خلي نشوف منو يطلع منا من البيت الحلقوم لو الثوم     

يارين - بعد ما اتصل عمار وراد أروح يم أهله وزوجته اخدمهم والحمد لله خوش لاكي خدامه

بلكمتها كل حق ما إلي لازم اتحملهم شلون وليش لازم  اتحمل وهو يريد حقه بحجة زوجته

وكله لازم إني أقدمه وهو واهله ما يقدمون شي بعد كملت من فاتن استلمتني ام عمار

سوي هيجي ودي هيجي  إلى ما كملت إني ظهري مكسور رجعت يم أمي نفس الشي

نفس وضعية فاتن وأمي عدها حاله من مات هشام الله يرحمه بس تنعي وتبجي حتى نظرها

بدأ يضعف وضغطها دائمآ صاعد كملت منها إني انتهيت من التعب كعدت ارتاح وما شي ينسيني

تعبي غير محادثات ماهر يوميه أراجع المحادثات ما أشبع منهن وأشوف صوره واسمع

الأغاني إلي يحبهن ماهر أخذت الموبايل جان يضوي شفت بشاشة الموبايل

ماهر يتصل بك من شفت اتصاله حسيت روحي طايره  ولكيت روحي بهذا الاتصال

رديت عليه كتله - هلو ماهر

اجاني صوته وهو يكول - هلو يارين شلونج

كتله - زينه الحمد لله وأنت شلونك

كال - شلوني بعد ما افترقنه والله نوم ما أنام الليل  عودتيني على حبج وسهر الليل  هذا

الوقت إلي مر احير شلون احجي وياج وشلون احل عكدة لساني يارين انتي مثل إحساسي

لو بس إني يوميا اكول هسه يارين نستني لو لا وهم أخطر على بالها لو نست ايام حبنه

كتله - والله انسى الدنيا كلها وما انساك انت متعرف شلون عايشه ماكو شي ينسيني غير

حبك إلي عايشه بي 

كال - إني شكول يجي وكت العتب وتعاتب وياج ليش هيجي سويتي بيه ما فكرتي وكلتي

شلون اعلقه بيه واعوفه وامشي

كتله - والله ماهر أحبك وسويت كل هذا حتى ما اخسرك والله  بس الضروف كلها ضدي

شكد حاولت ويا عمار حتى يطلكني بس هو يرفض ما يقبل

كال - خلص إذا يحبج الله يهنيكم بس اتصلت حتى اكلج الراتب مال ابوج خلصت معاملته

وصلت للتقاعد العامه إذا تريدين باجر تعالي للتقاعد انتي وامج  حتى تبصم

وبعدها يطلعون إلها بطاقه ذكيه وينطوكم المتراكم من ما أول مات ابوج الله يرحمه 

كتله - ماهر انت أعظم إنسان شفته بعد ما مات أبويه يعني إلي سويته وياك وبالرغم من

هذا كملت المعامله وما عفتني والله احير شلون أوصف صفاتك

كال - شلون اعوفج وانتي نبض كلبي إني أدري ما مسموحلي احجي وياج بهذا الحجي

بس ما كدرت ما أعبر عن مشاعري بعد هذا الوقت إلي مر بدون ما أعرف عنج شي  واكو

إلي من حقه يحجي وياج هذا الحجي

كتله - ماهر انت فاهم علاقتي بعمار غلط أي شي من إلي بالك ما موجود

كال - شلون ما موجود بعد هو زوجك من حقه أي شي يسوي مو مثل ماهر كل حق ما إله

خليتي سبير بحياتج من عمار يقصر ماهر يسد مكانه

كتله - ماهر والله لو أشوف حياتي شلون عايشتها ويا عمار كل نظرتك عليه تتغير

كال - هسه على العموم باجر انتظرج يم التقاعد

كتله - باجر نجي إني وامي

وانتهى اتصالي ويا ماهر واني كرهي لعمار يزيد ورجع حبي لماهر  اتصاله صحى كل مشاعري
وصار عندي نشاط مو طبيعي ماهر ينطي حافز لحياتي ورجعت كعدت يم أمي بس بالي مشفول

بماهر

للعصر اجى عمار وكالعاده ما عنده غير شحجت فاتن وشكالت أمي وانتي المسؤوله عن البيت

والبنات وأي شي يصير أحاسبج الج

ما اهتميت شيحجي اصلآ تفكيري مو يمه وهو انتبه عليه

كال - اكلج ترى احجي وياج شنو سارحه بعالم واني مو مهم شحجي

رجعت على واقعي المرير ويا عمار

كتله - باجر موعد أمي ويا الدكتور وراح أروح أوديها الصبح

كال - روحي بس إذا تريدين توديها مو دكتور خاص لأن ما انطيج فلوس وديها لمستشفى

حكومي  حتى صرف مو هوايه شنو ابتليت بيها

كتله - أنت ما ناطي شي أبسط حقوقي ما نطيتها إلي وهسه تحجي على أمي وزوجتك

المخبله من تصرف عليها مبالغ خياليه إني ما احجي

كال - اكلج فاتن ام بناتي امج إني شلي علاقه بيها

بكلبي كتله تروح فدوه لماهر بس خلي يطلع الراتب إلا أخذ أمي وأطلع وبوقتها انت حير

بزوجتك المخبله

كال - انتي يا الصافنه تريدين فلوس غير

كتله - أكيد شلون أروح غير مراجعه عدنه شنو نروح بدون فلوس

كال - تعالي بالليل بالغرفه الفوك واني انطيج فلوس

كتله - وليش فوك مو هسه

كال - لا فوك تاخذين فلوس واني أخذ حقي والله اليوم اخلي جسمج ازرك من الشوق واللفهه

كتله - لعد ما أريد

كال - بعد أحسن

وعافني وراح واني أفكر منين اجيب فلوس لازم أروح حتى أكمل المعامله  حتى يصير عدنه

راتب وأخلص من عمار وكالعاده صار وكت العشى رحت سويت الهم لأن من اسويلهم أكل

أخذ إلي ولأمي  وانتظر فاتن تخلص اكل لان ارجع اخذها اغسللها واحفظها يلا اروح ناكل

إني وامي رجع ينعاد عليه نفس السيناريو من جنت بيت أهلي هم إني ودارين ننتظر

يخلصون اكل يلا ناكل وهسه إني وامي ننتظر عمار واهله يكملون يلا ناكل والله ما أدري

أضحك ما أدري ايجي لأن التاريخ يعيد نفسه ودارين ما تروح من بالي شصار بيها

خليتلهم العشى من خلصوا أخذت فاتن للحمام وكالعاده لسانها متبري منها وايدها والضرب

واني موقفي ضعيف ما اكدر أرد عليها لأن كاعده وياهم بالبيت بس وعدت نفسي من يطلع 

الراتب مال بابا إلا احتفل بنص وجهه على هاي المذله إلي ذالتها إلي كملتها وعفتها على

سريرها واستلمت بنات عمار هم غسلي وبدلي وكملت المطبخ وحميت الأكل واخذته

لأمي اكلنه إني وياها وكملتها تغسيل ونومتها بمكانها ورحت على الموبايل شفت إلي رد

روحي إلي محادثه شعر من ماهر أخذت روحي وكلبي ردت أرد عليه لكيته حاضرني

عرفت من يريد يرسل شي او يتصل يفتح الحظر وبعدين يرجعه هسه رجعت عليه  فكرت

الفلوس منين اجيبها كلت اروح على عمار غصبآ عليه ينطيني حق خدامتي الهم 

اتصلت على عمار وكتله اطلعلي بره أريد أشوفك

كال - راح أفتح الباب ونصعد فوك ونحجي براحتنه

كتله - ما أريد فوك تعال أنت أطلع إني بالكراج

كال - إذا مو فوك روحي نامي احسن

كتله - يلا تعال أفتح الباب 

اجى فتحلي الباب وصعدنه فوك أول ما دخلنه الغرفه سحبني عليه وحضني قوي وظل يبوس

دفعته وكتله  اني كتلك اريد احجي وياك مو كاعد تحضن وتبوس

كال - اشششش اني اريدج وانتي بطرانه أي شي تريدي اني موافق عليه

سحبني للفراش ورجع ياخذ إلي يريده بقوه حتى أذاني من اتوجع يقيد حركتي ويرجع يكمل

إلى أن خلص  وعافني

وكال - هسه اسمعج احجي

كتله - شوف اريد فلوس

كال - هسه من ننزل انطيج

كتله - عمار موضوع أختي دارين من كتلي  راح أروح اسحب تسجيل الكاميرا واشوفه شو عبد

ما جبت طاري الموضوع شسويت

كال - باعي إذا يوميه تريحيني بالفراش اوعدج ادور بالموضوع

كتله - شكرآ على جهودك ما أريد

ونزلنه  انطاني فلوس بس شكد احتقرته ما ينطي شي بدون مقابل وماهر يسوي كل شي

بدون مقابل دائمآ ماهر احسن منه وماخذ كلبي وعقلي

دارين - رجعني على نفس البيت  ونفس المأساة بدليل أول ما دخلت ذبت عليه سمها

شلون بالأيام الباقيه وأني موقفي ضعف خصوصآ بعد ما فرقد عافني ةواتفقنه على الطلاك

صعدت فوك وجانت صايره دينا ليل  من دخلت لغرفتي خليت ابني على السرير وبدلت

رجعت خاصرتي توجعني أخذت العلاج والوجع بعده يون عليه نزلت اجيب عشى لأبني والي

شفت البومه منتهى تحضر أكل المن ما اعرف خلت الصينيه وعدلتها وراحت بصراحه تعاجزت

اسوي أكل كلت أخذه ومن تسأل اكول إلها ما أدري تريدي واني منا خاصرتي اخذته وصعدت

شويه ودخل فرقد شافني أوكل بارق ما حجى شي اجى كعد يأكل ويانه من خلص

كال وهو يضحك عاشت ايدج حبي لو صحتي لمنتهى خلي تأكل مو تاكلين وحدج عرفته  

فهم عليه أنه أخذت الأكل اني نزلت الصينيه ومنتهى بدها تاكلني ما اهتميت إلها

وحتى  بات ذيج الليله يمنه  كل ساع أحس عليه يحتك بيه يشوفني كاعده لو نايمه

بس كل مره احسسه اني كاعده وما أريده يتقرب عليه

مرت الأيام بيني وبين فرقد بارده هو يحاول يتقرب واني ابتعد كمت أكثر اوقاتي حابسه

روحي وأبني ويايه بغرفتي وهو رجع يتذمر من تصرفاتي وكل مره

يكول - ترى حرام عليج حارمتني من حقي  ترى لصبر حدود اني هم رجال وإلي حاجتي

شلون غير أخذ حاجتي من زوجتي

ضحكت وكتله - يا زوجه منهن احنه 3

تقرب عليه وكال اني بالنسبه إلي بس انتي زوجتي

كتله لا اكو غيري روح عليهن

كال - أي مو اني على مزاجج اني إلي اريد اتقرب منها ما تحجي فهمتي انتي هنا زوجتي

من اريدج تنطيني وانتي الممنونه

كتله - لو اموت

كال - انتي جبتيها لنفسج حضني وقيد حركتي ونيمني على السرير وصار فوكي ادفع بي 

ماكو ما  اكدر أخذ حاجته بس لكوني جنت اقاومه رجعت خاصرتي توجعني  أول ما ابتعد عني

كمت اعيط وابجي من الوجع وهو يظن اني ابجي واعيط لكون تقرب عليه

ويكول -   يمعوده اسكتي فضحتينه شنو أول مره اتقرب عليج راح يسمعون

كتله - خاصرتي بعد ما اتحمل

هو ظل متفاجأه واني ابجي واعيط وهو نخبص ما يعرف شيسوي

كال اخذتي علاجج وينه بالجرار

جابلي علاجي شربته بس نفس الوجع ما ينحمل راح هو سبح ورجع واني بعدني نفس وضعيتي

كوه كومني سبحني من رجعت استبردت والوجع كام يزيد عليه شاف بعد ما منها مجال

كومني لبسني جبه وانطاني شال طلعني من الغرفه وحياة واكفه باب غرفتها

صاح بيها فرقد حتى تاخذ  بارق يمها كوه نزلني الدرج واني اعيط من الوجع طلعت عمتي

من الغرفه شافتني ابجي واعيط من الوجع أجتي ويانه للمستشفى واني بأنفاسي الأخيره

اخذوني للطوارئ أنطوني مسكن وحولوني على السونار

والسونار يكول الكله صايره بيها تجمعات دمويه ولازم تستأصل والدنيا ليل والمستشفى أهلي

خابروا على الأخصائي من يم غرفة العمليات وكالوا هسه يجي

أجتي الممرضه اجهزني للعمليه واني الخوف مسيطر عليه

كتله - فرقد هاي دنيا ابني أمانه بركبتك تعتني بي وسامحني اخاف يوم غلطت بحقك

واني ما أدري

عيونه دمعت وكال - لا تحجين هيجي هسه اطلعين بسلامه وترجعين لأبنج انتي سامحيني

وأبريني الذمه دارين أذيتج هوايه

عمتي واكفه رحت عليها وكتلها عمه سامحيني اخاف  بيوم غلطت بحقج وأبريني الذمه

كالت - عمه انتي أبريني الذمه اني هم غلطت وياج أن شاء الله تطلعين على بيتج ورجلج

وابنج أدعي من الله يكومج بالسلامه

رحت ويا الممرضه جهزتني للعمليه ودخلت ونيموني على السديه واجى دكتور واحد ثاني

ويا وهذا الثاني كال للممرضه خليلها كانولا خلتها وهو يحجي ويايه

بعدين فهمت هذا أبو التخدير كال يلا أدعي لأن راح نبدي كمت أدعي واقرأ آيات يمكن ختمت

القرآن لأن كل ما يريد يخدرني أكله اوكف بس خلي أقره هاي الآيه ودعيت لبروقي

وخدرني بعد ما حسيت بالدنيا شكو

يارين -  رجعت يم أمي لكيتها نايمه دخلت سبحت وردت أنام بس ما كدرت أنام فتحت الموبايل

اريد مثل كل ليله أقره محادثاته راسلي مقطع شعر يشرح بي شلون من نحب إنسان وهو

ما يستاهل حبنه بجيت لأن عرفت ماهر شلون يفكر بيه أنه اني ما تستاهله رجعت ردت أرسله

مقطع أشرح بي حبي  لكيته حضرني ظليت سهرانه وقتت الموبايل ونمت كعدت ثاني يوم

على صوت الهمهمه مال أمي لأن بسبب الجلطه متكدر تحجي لكيت رن التوقيت  من نص ساعه

كمت بدلت لأمي وأني بدلت ورحت من الشارع العام جبت سياره  يم الباب وطلعت أمي بكرسي
متحرك وطلعنه وصعدتها بالسياره  ورحنه على التقاعد العامه لكيت ماهر ينتظرنه بالباب

والمعامله بالطابق الثاني وأمي مقعده متكدر تصعد فوك رحت على موظفه تطلع عمرها ب 40
وتارسه وجهه مكياج ولابسه كوة ذهب

كتلها على وضع أمي أنه متكدر تصعد فوك إذا تكدر هي تنزل وتبصم أمي

شو هاي كامت تحجي وتزمخ بوجهي عفتها ونزلت يم أمي وماهر

وكتله - لماهر على الموظفه

كال - هسه اصعد إني تحجي وياها

راح ماهر ورجع الموظفه ويا ومنطلقه سولف وتضحك ويا ماهر

إني نجنيت شلون  تشاقه ويا هيجت الغيره عندي لأن إني أبد ما شايفه ماهر يسولف ويا وحده

كدامي وهو هم يسولف ويشاقه حبيت اذب حركتي بيها لأن ما قبلت تجي ويايه 

كتلها - بال زحمه عليج قبل شويه اجيت عليج ما قبلتي ويايه تجين شغير رأيج

كالت - حبيبتي اجى الولد قابل ارده 

كتلها - لا حبيبتي  شلون تردي ، بس عادي ترديني إلي

كاللها ماهر - معليج بيها هاي مخبله نريد نكمل معاملة التقاعد وراها نشمرها بالشماعيه

إني تخبلت من كال هيجي كتله لازم بسرعه كنكت يلا انت هذا مستواك

كال - وأني ما أريد أنزل لمستواج واجاوبج اخليج تموتين بحركتج 

عافني هو والموظفه  بعد ما بصموا امي دخلوا لدائرة التقاعد ما طول ماهر هوايه رجع

مكملها وكال - كملتها وهاي القصاصه احتفظي بيها بعد شهرين ينطوكم كي كارد

وتستلمون راتب وبعدها ينطوكم المتراكم واتمنى ما قصرت وياكم

كتله - تسلم  يا ورده بس ماهر أريد احجي وياك

كال - احجي شنتظرين مو واكف كدامج

كتله - لا أريد احجي وياك بالموبايل

سكت ما حجى شي عفنا ورجعنه للبيت لكيت أخت عمار جايه زعلانه وهاي جانت عايزه ولتمت

دارين - صحيت من العمليه على وجع بطني ما ينحمل كعدت اعيط من الوجع وعمتي وفرقد

يمي صاح فرقد على الممرضات اجتي انطتني مسكن وراحت سكن الوجع واجتي حوراء يمي

وعمتي وفرقد رجعوا للبيت ظليت الليل كله بالي على ابني والصبح اجى الطبيب

كال - تكدر تطلعوها هسه أحسن وتبقى بس تراجع حتى لا صير عدها مضاعفات

اتصلت حوراء على فرقد واجى رجعنه على البيت لكوني مسويه عمليه نمت يم عمتي بغرفتها

وبروقي جابوا يمي عمتي من ورا العمليه صارت تتعامل ويايه بين وبين مره زينه ويايه

ومره لا  بعد ما مر أكثر من أسبوع على العمليه صرت احسن وصعدت فوك لغرفتي إني وصلت
يم باب غرفتي طلعت منتهى من الغرفه

كتلها - تعالي جنتي سوين بالغرفه

كالت - أخذ ملابس فرقد عندج مانع شنو نسيتي هو زوجي

كتلها - زوجج افتهمنه  بس شسوين بالغرفه

كالت - ليش حبيبتي انتي متدرين إني أنام هنا يم فرقد بغرفته

تفاجأت يعني بعدني موجوده ويجيب منتهى بغرفتي لو أموت شيسوي

عافتني ونزلت دخلت للغرفه نظيفه ومعطره وملابس وسخه ما عنده يعني أستاذ فرقد عايش

ومتونس ودارين مو على باله خليت ابني يمي وهو نام واني هم كعدت على صوت فتح

البيبان مال الكنتور لكيت فرقد يطلع ملابس ويلبس  كمل واجى كعد على السرير يم رجلي

كام يبوس برجلي ويكول ، شوفي ابوس رجلج شلون صرتي حبيبتي

سحبت رجلي وكتله ، زينه الحمد لله بس ماكو داعي تبوس رجلي صدك منتهى روح بوس رجلها

كال - اهوووو بدينه كافي دخيل ربج ما تملين تعبت كافي

كتله - وحذرها أنه متجي تدخل غرفتي بعد تريدها روحلها بيتها

كال - ربي الصبر شلون ما أحاول اكسبج انتي نفس وضعج ما تتغيرين 

كتله - انسى احنه متفقين على الطلاك

هز راسه وما جاوبني وعافني ونزل مرت الأيام بس صار هو يجاهلني وحتى الحجي بينه

تقريبآ شبه نعدم والدور كله لمنتهى حتى وين ما يروح هي ورا ورجعت على نفس وضعيتي

اغار عليه والي شجعني دائمآ أنه ما اعوفه هي حوراء تنصحني وتعدل بيه واطلع وياها

للسوك والصالون وعمتي مرات تحجي عليه ومرات تسكت ورجعت مثل أول أريد فرقد إلي

وحدي  بس شلون ما اعرف وبيا طريقه كمت ادور حجج حتى اصعده يمي وهو حس بهذا

الشي كام يحرك كلبي أكثر إني يخليني أطلع ويا حوراء ومن أكله طلعني ما يقبل وبيوم

جنت طالعه ماخذه بروقي للدكتور إني وحوراء من طلعنه ماكو هو جان بدوام من رجعت

ماكو أحد بالبيت رحت على عمتي أسأل وينهم لكيتها نايمه من سديت الباب غرفة عمتي

كالت حوراء هسه  أروح اسأل قمر أكيد تعرف راحت حوراء على غرفة قمر واني وراها

بس ما دخلت لغرفة قمر ظليت بالباب من سألتها حوراء ليش ماكو أحد بالبيت وين راحوا

كالت قمر - راحوا يودون منتهى لدكتور لأن ذب من راسها

يتبع

إلى احلى متابعين اختاريت فقرت التعليقات أول تعليق

فديت حبيبة عمري إلي تريد صير محقق كونان وتلكى فرقد



التعليق الثاني

هاي حبيبة عمري متخربطه من ورا البارت أكلها ألف حمدلله على سلامتج



دمتم في أمان الله وحفظه

وامانه غلسوا على السحك

تصويتكم يسعدني

  

     

ا