اعلان جريمة عشق
بقلمي #فاطمة_العبادي
قرائة ممتعة كيكاتي 🖤..
بسم الله الرحمن الرحيم ..
تخلبصت ياالعباس وتحلها اريدك
العصت بيد الناس ماتعصي بيدك ..
طلعت اركض بهمة .. اختي ما ادري وين ..
صوتهة خايفة و مرعوبة يرن بأذني .. شصار بيهة ما ادري
باوعلي عمو .. بنظرة وحدة الوجهي الخايف فهم
دار وجهة بعصبية
صعدت و طبكت الباب كال .. هاا
_ ماكو مموجودة
شغل السيارة و طار
رفع مبايلة يتصل
فاتح حاكية و اسمع صوت رنة المبايل كان كلبي يرتجف وياها ..
نفتح الخط و حجة المقابل
.. الله يساعدك سيدي
معتز .. هلا بيك فاقد .. راح ادزلك ارقام بسرعة اتصرف بالمطلوب و اريد اعرف صاحب الرقم الي احددة الك
و ضلو راقبو الارقام لأن مغلقة .. من ينفتحن بسرعة تحددون الموقع
قائد .. صار سيدي .. زين الوضع مستعجل ترفع دعوة لو شلون؟
معتز .. لا لا هسة ابني حيدر يجي يمك و يفهمك ..
قائد .. تمام سيدي تأمر
نهى الاتصال و دخل ع الرسائل مدلي المبايل
كاد كتبي رقم نيران ودزي
ورقم هاي الي اجتلج للبيت و كليلة ركزلي ع هذا الرقم و صاحبة
مرح .. ماشي
اخذتة من ايدة .. طلعت الارقام من مبايلي و دزيتهن الة و كتله ع رقم البنية هذا الزقم ركز علي و ركز ع صاحبة للرقم
و نطيت المبايل العمو كال عفية
خابر عمو محمد و كلة بـ صيغة أمر .. خابر ع بيت بسرعة و خلي ياخذون زهور بت زيد يمهم و يديرون بالهم
__ليش خوية شصاير قلقتني
ضل يقص علي كل السالفة و كال بالأخير .. بعد ما عمو محمد كلة خاف هية طالعة بأرداتهة ويا احد
معتز .. لو هية تريد تطلع ويا بأرادتهة جان اخذت كل شي تحتاجة وياها بأعتبارها متحضرة
مو تدز احد ع جنسيتهة و هية هناك تخابر تكول والله دزولي جنسيتي و اوراق رسمية!
الي تطلع بأرادتهة تكون متحضرة من كل النواحي عندي شك مخطوفة احد خاطفهة
محمد .. طفلة و تنخطف يا خوية .. خاف يم وحدة من صديقاتهة تأكدو
عمو غمض بنفاذ صبر .. و كال .. محمد جاي اكلك اختهة حاجية وياها تكول خايفة
و حجتهة و هي تريد اوراق و جنسيتهة غير مقنعة
البنيه مية بالمية مخطوفة
و قابل بس الاطفال ينخطفون؟! يا ما مرت علية زلم مشوربة تنخطف و تتكتل لو يطلبون فدية لو الهم غاية
محمد .. ماشي ماشي هسة اخذ أجازة و ارجع للبيت
معتز بقلة صبر .. خلي ياخذون زهور يمهم خابر عليهم كلشي و يصير مو أمان
محمد .. ماشي هذا هوا هسة اخابرهم طمني
معتز .. تمام .. خلي مبايلك قريب منك لا تگطع كلبي من اتصل
محمد .. اي اي صار
نهى الأتصال و رجع اتصل بحيدر هم سردلة القصة و دزة ع الولد قائد .. و التفتلي كال شوفيلي رقم هاي الي طلعت وياها
مرح .. اخذة من ماري؟
معتز .. اي و بسرعة هاا راسليهة دزي رسائل و كليلهة اريد رقم البنيه الي طلعت وياها نيران و شنو ترد كليلي اوجهج و كتبي الهة
مرح .. بس خاف متقرأ الرسائل لان ع خط
معتز .. رمشي عليهة و هي يصير عدهة علم بالمبايل و تقرأ الرسائل
فعلا مثل ما كال كتبت رسالة الهة .. ماري دزي رقم البنية الي طلعت وياها نيران
و اتصلت عليهة و فصلته بسرعة
بقيت اباوع العمو معتز .. عاقد حاجبة بغضب و عيونة حمرر .. يجر النفس حيل و يزفر بقوة
صرت احس من شكل صدرة الي يصعد و ينزل بقوة ويا كل نفس ان راح يتوقف النبض عندة
حتى من شافنة اني و قيصر ما كان هيج عصبي ..و خايف
ردت ماري برسالة .. هسة اشوفلج رقمهة
كتله عمو ماري تكول هسة اشوفلج رقمهة
هز راسة و كال تمام
دقايق و رن المبايل برسالة بيهة رقمهة
كتلهة هية شسمهة ميار؟
كالت اي ميار .. مرح صاير شي احجي قلقتيني
راويت الرساله العمو
كال كتبيلهة ميار ليش اخذت نيران بالذات وياها
كتبتلهة
ردت .. لحت ع نيران لان كالت شعرها عجبني و بعدين ميار رجعت ممسوية شعرها ..
مرح .. مو كلتي ع اساس رايحة للصالون و مستنگفات من شعر نيران و نيران ضايجة و راجعة
ماري .. اي هية هيج كالت بس ممسوية شعرها استغربنة
راويت الرسائل العمو .. كال شوفيلنة عنوان البنيه الي طالعة وياها نيران
و اذا منطو هسة ب 10 دقايق اجيبة
كتبت الهة ..دزيلي عنوان ميار بسرعة فدوة
ماري .. ما اكدر ادزلج كلشي يخصهة بدون ما افهم
مرح .. شوفي صار الليل مو صح؟ و اختي ما رجعت
و نريد نعرف وين راحت و انتم كلتو طالعة ويا ميار
ماري .. خابري ميار و سئليهة يجوز تعرف وين
شافهن عمو كال يلة خابريلهة سجلي المكالمة كلهة ..كتلة ماشي
حطيت رقم ميار و دكيت. فتحت حاكية
جاوبتني بصوت هادء .. همست .. هلا
جاوبتني و هية تتنعوص هلا بيج منو وياي
مرح .. اخت نيران الكبيرة
ميار .. يا نيران هاي منو
مرح .. مو نيران راحت وياج للصالون؟ شصار هناك وين نيران
ميار .. هاا اي اعرف نيران راحت وياي و هناك شافن شعرها شلون بي صلع و تقززن منه و ضاجت و عافتني و طلعت
مرح .. وين راحت
ميار .. شمدريني قابل امهة اني
عمو سحب المبايل و تكلم بحزم و ثقة .. سمعي بابا بنتنه طلعت وياج و اختفت و حاليا الكل ديبحث عليهة و دوريات الشرطة متهيئة الاول خبر عنهة و تنطلق و كل اصابع الأتهام متوجهة الج لأن طلعت وياج بدون رجعة
رادت تحجي و تكلة رحنة للصالون بدون ما تكمل قاطعهة
_ كليلي اسم الصالون و اروح اسأل هسة و اكيد ما راح ينكرون
لان سالفة استنگفو منهة مو اهم من سالفة ان هي مختفية
احنة متهيئين بسرعة انطيني اسم الصالون حتى نشوف و تبرئين نفسج
و خلي يكون بعلمج ما تكدرين تتفقين وياهم بأقل من دقيقتين الضابط و دورية كاملة يمهم بسرعة نطيني الاسم و برأي نفسج
بقت تمتمت بالحجي و كالت .. لا هية بالطريق و نزلت ما راحت للصالون
معتز .. و الحجي الي حجيتي ع اساس رايحة للصالون و مستنگفين من شعرها وهيه متحسسة و راجعه
انتِ ويامن دا تلعبين؟ وياج ضابط. كبير من نبرة صوتج افهم دا تكذبين
و هسة دقايق و احنة يم اهلج .. و حيري شلون تطلعين منهة
سد المبايل و كال خابري لبينه خلي تنطيج عنوانهة
صدك خابرت ماري ضلت تسأل و شرحت الهة حجي ميار الجديد انطتني عنوانهم بعد ما وعدتهة ان ما راح اكول ماري هية انطت العنوان
حلفت بذاك اليمين و هذا اليمين ما راح اجيب سيرة ماري يم احد
عمو خابر جماعتة انطاهم العنوان و كان يزفر بغضب و يكوول اليوم اكلب عاليهة واطيهة
كذابةةةة هية ماخذة نيران الله اعلم وين و هل ختفت خطفتهةةة ما اعرررف شنووو بت ال.........
كان عصبي و يتوعد .. و بكل نفس احس راح يحرگنة
الدنيا صارت ليل .. و توجهنة البيت ميار .. كان يتحلف ان يورطهم و يكلب الدنيا ع روسهم اذا ما حجو وين ماخذين نيران
و يكول اكيد اهلهة وياها عصابة كلشي اتوقع ما استبعد شي ..
و اني بقيت ارجف .. و اتخيل نيران مخطوفة عزاااا
يمة اختي عمت عيني وين و شصار بيهة
تمشي السيارة و انتكأت ع كشن بعد ما تعبت
كل ما تمر السيارة من يم اضائة قوية اغمض عيوني بقوة و ارجع افتحهن
اجت گبالي نيران بأيديناتهة الصغار .. و هي تغطي عيونهة
لان شهد تشيل الستارة ..و تگلب تنام ع وجهة و تخلي بالمخدة
و اذا شهد سحبت المخدة لو اني .. تكعد تحط ايديهة ع عيونهة و تبچي من كل گلبهة
لأن كعدناها و الضوا القوي يأذي عيونهة
شهد تكللهة اجه خالو عدي
و هية تطفر فارة للحمام تغسل و تكعد عاقلة
بالموصل كان عدنة كابوس اسمة عدي
اجينة البغداد و صارت عدنة كوابيس احنة صنعناهن و حققناهن بالواقع
و خفنة منهن .. نريد ننهزم ع بر الأمان
بس ماكو مهرب .. الحلم الي اسمة كابوس و انتَ تصنعه و تحققه ماكو مفر منة
نزلت راسي .. و نحنه ظهري
غطيت وجهي بكفوف ايدية .. و شهگت من كل گلبي
سالت دموعي ع خدودي ..و بقيت انشغ
رجفة سرت بكل جسمي .. و بداخلي طفلة فزت
نفسهة ذيج الي لازمة ايد نيران و تركض للمحل وياها
كصايبنة ورانة و نركض بفرح .. أشترينة و طلعنة فرحانات
فتحت الكيس الهة دا تاكل چيبس .. و بنص الطريق اعترض الكابوس الي اسمة عدي طريقنة
جر نيران من أذنهة بقوة وكعت الترچية ع كاع
نست وجع أذنهة و بقت مبرطمة تباوع ع خزرات الترچية
اني الخوف سيطر علية .. خزرني حنيت راسي بخوف
ما احس غير خشونة ايدة طغت ع برائة وجهي
راشدي خلاني اغص بالبجي
شمر الجيبس من يايدينة و اخذنة يسحل بينة
و احنة نبجي بقوة .. اني من الراشدي الي اخذته و من خوفي منه
و نيران ع ترچيتهة .. هي اصلا اذكر طلعت الهة هدية بكيس الجبس
طفلات وحدتنة تبجي من كل كلبهة
و اني هسة حسيت بوجع نيران ع ترچيتهة .. اختي هاي معلگه بروحي و خذوها و تبعثرت و اني ما الي علم بيهة
شهگت بقوة اكبر عمو معتز لزمني حيل كال .. هسة نطلعهة لووو تطير السابع سمة اطير وراها و اجيبهة
مرح .. احد خاطفهة ماكو غير شي عمو نيران تخاف من خيالهة هسة شلون بوضعهة
معتز .. استغفر الله .. دار وجهة
باوعت اشوف الشرطة واكفين كبال بيت
كال .. نازل ضلي هنا اذا خابرتج تعالي وراي
مرح .. لا عمووو انزل وياك الله يخليك اني اعرف كلشي لا تنسى حتى احجي ويا اهلهة و وياهة
باوع ورا و تنهد كال نزلي يابة
فتحت الباب و نزلت .. ضربتني نسمات الهوى و بدأت تجف الدموع الي رسمت مجراها بشكل عشوائي ع وجهي
الشرطة مالين المكان .. و منتظرين عمو
و كم واحد واكفين
حسب الي حجة شخص ويا عمو يكلة .. جيتنة هية مو بشكل صحيح و قانوني و هي مصارلهة 24 ساعة من ختفت
عمو خزرة و كلة .. نسويهن 42 ساعة بت اخوي مخطوفة ما اعرف وين و شنو مسوين بيهة تگلي مصارلهة 24 ساعة
ليش احنة شكد فزعنة و ساعدنة اهالي و اطفالهم مصارلهم ساعتين ضايعين؟
قائد .. اعرف سيدي بس قصدي ابو البيت طلع يفهم
معتز .. حجيتو ويا
قائد ..هوا طلع النة ذاك هوا شوفة
باوعنه وين يأشر الولد
و رجع كال .. الرجال يكول شنو جايين تكولون بنتك خاطفة وحدة وين اكو هيج حجي
__ حجيكم غلط اني اتصرف مرح خليج يم قائد
التفتت للولد كلة ..
خليك يمهة هية منهارة كلش و عصبية بشأن اختفاء اختهة اني احجي ويا ابو البنيه و ارجع
هزيت راسي بموافقة .. راح اباوع ورا تقدم و بدأ يحجي ويا الشخص
قائد الي واكف يمي ضل يريد يتقدم و متردد لان عمو كالة اوكف وياها
دقائق و الحوار بينهم مبين اشتد و صار غضب
حولت شعري ع صفحة و طگيتهة ركضة و ما هتميت الكل الي يباوعون عليه و مستغربين و المسافة كانت طويلة شوية و ناس كثار
وكفت كبال ابو البنيه و نظرات عمو المستغربة توجهت الي و نفجرت بوجه ابوها ... بننتتكككك ماخذةةةة اختتتي وطالعةةةة و كالت رحتتت للصالون و هذا الحجي عدنة علييي اكثررررر من شااااهد تفهم لوووو لاااا ورجعنةةةة حجينةةة وياها نريد اسم الصالون حتى نتأكددد ان هية صدك راحت وياهااا و ضاجت و طلعتتت بنتك الشريفه نكرررت هذا الشي
و عدنة شهووود ان بنتك ماخذة اختي و طالعة و من راجعة كايلة نيران ضااااجت بسبب الي بالصالون استنگفو من شعرهاااا يعني جاي تكول نيران وياااها و احنة هسة نروح نتأكد من الصالون بعد ما بنتك تنطينة اسمةةةة و نشوف اذا صدك نعوفهةةة و اذا كذب و الله العظيم يااا ميااار اخليهة تنام بالسجون
ابو ميار .. اي روحو سألو و تأكدو بالصالون
ابتسمت بطرف شفتي .. سألت بنتك عن الصالون نكرت و كالت ما راحت وياي بعد ما بالاول كالت اي و المكالمة مسجلة و من غير الشهووود بنتك جاي تلعب علينة .. و عدنة مكالمة و شهود
ابوها وجهة ضل يصفر و يبلع بريگة
كال .. هسة اجي احجي وياها اسألهة
معتز ..و انصحك اخي ما ترجع اذا ما جايب خبر عن نيران بنتنه لأن ناوين نكبرها ازيد و ازيد اذا ما تسهلون الوضع علينة
هز راسة و راح دخل قائد همس ..سيدي يجوز البنية طالعة و صار وياها ضرف مو شرط مخطوفة
معتز .. و كل شي يثبت البنيه مخطوفة مسوين قصة و حابكيهة بأتقان .. بس ضلت ناقصة من ناحية ميار
و هسة لزمنة راس الحية
قائد .. هوا صح هواي اشياء تثبت ان هي مخطوفة بس ليش ما نخلي احتمالات اخرى
عمو رفع ايدة يقاطعة ... اذا كانت طالعة بأرداتهة ويا شخص هم كنت راح اعرف و راح يكون اكو ادلة تثبت ان هي طالعة ويا احد بدون رجعه و بأرداتهة
بس هسة شنو؟
اكو وحدة تنهزم مثل ما حضرتك دا تشك وما تاخذ اوراقهة الرسمية و تتصل ع اختهة خايفة و مبين يمهة شخص يوجهة و تحجي؟
نگول غلط و صار ..عادي نست تاخذهن
شلون البنات كالن طلعت ويا ميار للصالون علمود تسوي شعرها .. و رجعت بدون نيران و بدون ما تسوي لشعرها! وله هي ع شنو راحت اصلا؟
هذا يعني ان ميار ما رايحة للصالون مثل ما كالت
و ان هية ماخذة نيران المكان او الاشخاص لان وياها طلعت بس ما رجعت
و حسب ما كالت ميار بالاخير نكرت و كالت نيران ما راحت وياي
بس بالبداية كالت وياي بالصالون و ضاجت و طلعت.؟
شلون تغير اقوالهة هيج؟ لو نيران طالعة بأرادتهة ويا شخص كبل جان زاعت كلشي و كالت بتكم انهزمت
ما ضلت خايفة تمتمت علينة
الولد نزل راسة و كال. بأعتذار و أسف .. تعذرني سيدي بس اني كلت نخلي هيج احتمال .. كلامك صحيح و ان شاء الله نلگاها
بعد دقائق قليلة .. اجة ابو ميار بوجه متأسف و مخطوف
جر عمو من ايدة و همس .. تعال نحجي ع صفحة ابو ...
معتز .. ابو قيصر
ابو ميار .. اخذ من وقتك دقايق لازم تفهمني و افهمك بيهة
بالفعل جر عمو بعد ما انطى نظرة ان هو قابل يحجي ويا
و وكفو ع صفحة و دار بينهم حوار و كان الخوف و القلق واضح ع وجه ابو ميار الي بدأ يزخ قطرات العرگ مثل زخ المطر
و عمو وجهة منفعل .. و اعتلى الغضب ملامح وجهة
نسمات الهوى ضلت تناغي حزني و بتسمت بنصر من شفت ابو ميار باس عمو بكتفه و مبين علي دا يتعذر منة
كلت معناها وصلنة الحل
رجع عمو و كال القائد امشو قائد و ضل وياي ع اتصال
مشة ركضت ورا صعدت يمة و مشى
التفتت اشوف الدورية طلعو
عدت نظري اله .. ركزت بملامح وجهة المتشنجة
و همست ... عمووو كووول عترفت لو لا؟ شنو كلك ابوهاا ها
جر نفس و زفرة .. السالفة شكلهة راح تطلع من ايدنة
.........
نيران ..
رائحة كريهة .. ملئة ريتي ..
افتح عيوني بثقل
و اسدهم بقوة .. شعاع قوي يملئ ارجاء الغرفة
حاولت انقلب ع ظهري و اشوف كل ركن بهذا المكان
بس جسمي كان ميت تماماً
راسي اكدر احركة بشكل خفيف
بس باقي جسمي متبنج بشكل تام
شفت قطرات دم .. متوسدة الكاع بالجانب الايسر من المكان
انتابني شعور بالخوف اكبر من الي احس بي بهذا الوقت
حاولت اعدل نفسي .. و اتاكد هل من الممكن الي بـ بالي يكون صار؟
اي شعور بجسمي ما احس
طعم و ريحة كريهة احس بحلگي .. تفلت ع كاع
و انتثرت قطرات الدم كدامي
رفعت راسي الثگيل .. سرعان ما وكع ع كاع
غمضت عيني، ما املك قوة حتى افتح بيهة عيني
سمعت خطوات ..مثل طگطگة كعب انثى
و بعدهة علت صوت ضحكات رنانة ..انثى دا تضحك مو رجل
لعد اني وين؟
حسيت الخطوات بدأت تقترب اكثر .. و يطلع صوت صدى الكل خطوة
صارت طگطگة قفل .. رفعت ناظري للباب
تحركت يدة الباب و عيوني تراقب بفضول
تريد تعرف منو هذه الانثى الي تصول و تجول بالمكان
و اني هنا جثة هامدة .. بس العين تتحرك
دخلت منقبة الوجه .. لابسة عباة ورافعتهة حيل
بياض سيقانهة ناصع .. كعب وردي عالي
مشت خطوات بأتجاهي و عزف موسيقى انثوية نرفزتي مسامعي
غمضت عيني و طلبت الصبر من ربي ..
لساني ثگيل ردت انطق ما گدرت .. مشت داير مدايري تباوع علية بدقة
و عزف كعبهة بدأ يدگ بگلبي
توجهت للبباب التفتت باعتلي بنظرة ساحقة و شماتة
عبالك كاتلة ابوها
سدت الباب ضربته بقوة .. و بعدهة رن صوتهة و هي تصيح اسم الشخص الي الله قذف حبة بداخلي
و هوا ما عترف بكل هذا الشي
بصوت رنان صاحت .. صفااااااااء صووووفي هاي مفتحة العين يعيوني
رد عليهة بس الصوت غير واضح
دقايق فقط و نفتح الباب هلمرة بدون م ينفتح القفل
هيه ما قفلتة يمكن
دخل علي صفاء .. ابتسامتة تك خد
رافع حاجبة .. المساحة بين الحاجب و العين الي صارت
اطول من الطريق الي يربطنة ..
تقرب كعد ع ركبة .. مد ايدة ع راسي حركة و كأن ديشيلة حتى اشوف وجهة الشيطاني بشكل اوضح
سبحان الي خلاني احبة و بالحضة اشوف وجهة قذر و من ابشع ما خلق الله
نزل راسة و بطرف خشمة تحسس خدي
غمضت عيوني و بدر مني رد فعل و كدرت ابعد راسي عنة
ضحك بهدوء ..برز بياض اسنانه المستفزة
غمضت عيوني .. احسهم هوا وياها بضحكاتهم يرقصون ع جراحي
نطبعت شفافه بعمق و قسوة تحت اذني بشوية ..
روحي بدت تگلب .. بداخلي طلبت القوة من الله حتى اكدر ادافع عن نفسي ع أقل
اشم عطرة القريب مني .. لعب نفسي
و قربة مني بهذا الشكل يطبع بوسات جريئة ع رقبتي بشكل مقزز حتى يستفزني و يحرگ دمي
زادت لعبة نفسي و تقيئت علي
ابتعد بشكل سريع و كام مستنگف و اني نايمة اتقيئ
طلع من خشمي .. و ختنكت بقيت اكح بقوة و نگطع عني النفس
تقرب مني بهمة رفعني عن الكاع
و لزكني ويا الحايط
صرت گاعدة و جهي مايل للجانب الأخر ..شوية كدرت اتنفس رتاحيت
همس .. اخذچ للحمام اسبحج و ترتاحين
تفلت بوجهة ..لطخني بوكس لزك راسي ويا الحايط و بتعد
بحيث وكعت ع كاع الدنيا تغوش بعيوني
تحرك بالمكان بشكل سريع فتح الباب و رجع تقرب مني
شالني مثل اللعابة بين ايدة
و طلع من الغرفة
كان اكو مكان واسع .. بالجانب حنفية مي
و يمهة بناء صغير مثل البانيو بس مو حمام
حطني انتكأت علي و فتح الماي جر راسي بقوة دخلة جوا الماي و حجة .. يرادلج تربية لازم تتعلمين ما تعلين صوتج ع اسيادج
اختنگت جوا الماي حس شال راسي
نفكت شوية عقدة لساني و همست .. رجعني منين ما جبتني كرهتك لو يصبوك ذهب هم بعد ما اريدك
ضحك بصوت عالي .. و جر شعري بأيدة
__ مال ارجعج بدون ما استفاد عشم بليس بالجنة تضلين وياي تصيرين مرتي و تسافرين وياي وين ما يعجبني و رجلج فوگ راسج
شنو توقعتي من حبيتيني بسهولة راح تفتكين مني اذا ما عجبتج؟!
بوية اني بير و الي يمد روحة بية يطيح ع راسة و بعد ما يطلع
نيران .. صوجي اني الامنت بيك .. احجي بخنگة و بچي
صفاء .. و انة ما كاعد اضحك عليج ولا جايبج العب وياج .. هوا عقد نعقدة و تصيرين مرتي بعد شنو؟
شايفتني غدرتج؟
نيران .. انتَ براسك حسبة ثانية و حاط الف مخطط
وله اني الثولة شلون وثقت بيك ما اعرف غبية غبية لو يرجع بية الوقت بعرس حيدر اكعد بالبيت ولا اشوفك و لا اتعرف عليك يا ناقص
مد ايدة ع ملابسي من ناحية صدري
ضل يگلب بيهن .. اني جسمي مخدر ما احس الله شاهد و ما اكدر احركة فقط حركة خفيفة احس روحي مگمطة ما اعرف شنو صار بي
فقدت القدرة ع حركة
جر رجلي و نمديت ع گاع ..عطت بصوت عالي مما جعلة يحط ايدة بقوة ع حلگي
مد روحة فوگي و همس .. اخلي سفانة تروح و ارجعلج
گام بهمة .. و ركض بخفة و اشوفة و هوا يبتعد عني
منو هاي سفانة؟
وين يخليهة تروح .. و من يرجع شنو يريد مني
كأنما بدأت اعد اللحضات لنهايتي !
كلهة لحضات و رجع مد ايدة و جر ايدي بس ما حسيت بأيدي بشكل واضح
شالني رجعني للمكان الي طلعني منة
بديت افقد مثل الي صار عندي اغماء من شدة الرعب و الخوف
نطق .. الة ابرد نار گلبي اليوم
فتحت عيوني و
صوتة اخترق مسامعي ... رغم كان ناصي
فزيت من لزم ثوبي
غمضت عيوني بدون فهم و معرفة بـ شي لان ما واعية بسبب الخوف لو بسبب المخدر الي هسة جاي اصحه منة ما اعرف ........يتتتتتبع
لتنسون تصويت + تعليق 👍..
انتظرووووو بارت باجر الظهرررر 💃 حتى متگولون فاطمة ممدللتنة بس ادعو ميصير ضرف و يخليني مالحگ اكتبة الكم