خلصتهن ورقة ورقة وماقريت
ورددت اخر رسالة البيها من كتلك تعال وما اجيت
ليش ماجيت وشفتني اكسر الخاطر
ادورعالصبح بيبانه مسدودة لكيت
وليش ماجيت وشفتني بس قميص مطرك
ويشرب جكاير وكاعد بعتبة البيت
وماصدك تجي وتشوفك العين
وهم يمر اعليه يوم والاكيك
لو صح اللي ابالي وجيت يازين
يضيع لساني مني وبيش احاجيك
اصيرن عين كلي بطرك جفنين
واحير بياجفن منهن اخليك
علي سوي فضل يالجيتك دين
تعال وداعتك بعيوني اخليك
وداد_داثبت نفسي بعدني ذيج الانسانه
القويه الطايشه متغيرت البالي اسوي
مجرد وقت الكضيته كأنو موقف استراحه
صعدت كلبي يرجف عكس خارجي
سحبت نفس واني اشوف روحي
امام غرفته اليفصلنه فقط هلجدار
لازم احدد موقفه شجعت نفسي
ضليت حوالي بلربع ساعه مااعرف
شصرف
لكيت ايدي داكه الباب
هنا كلب بلدقيقه الف دكه
طول يله فتحها باوعتله
بطرك البرموده والبدي
ستوه كاعد من النوم
ضل صافن عليه
كال خير وداد صاير شي
نطق مدنكه يصير احاجيج
عكد حواجبه مستغرب
اي بس انتضريني ابدل وانزل
وراج
لالا هنا واشر على غرفته
_تلفت حاير ادري حرجته
سوالي مجال اشرلي افوت
طبيت كلبي عصرني اتخيل
وجودها يمه وبنفس هلمكان
يجمعهم سرير شنو اليعيبه
ومااقبل رزانه شخصيه كل
بنت تتمنا ليش نافره وجوده
صحاني صوته التفتت خله
الباب مردود مسده غيره
يستغل وجودي دنك فتح
تيبلام
كولي شمحتاجه
_أمين اني سمعت قرار حنين
متحسفه من وراي
ماردت هيج يصير وتنحرمون
من بعض واكون السبب
كال كتلج كالج دخل شرطهم
مو على حسابج
_بس انت تحبها ماكو طريقه
تنجمعون بيها غير طلبهم
فرك وجها وعيونه مضيقهن
احسه كاشفني
وكف يتقرب نصيت عيوني
تفضحني البيناتنه متر
كال وداد تدرين الوقت شكد
_اي ادري ب1
وحلوه بهذا الوقت
_رفعت عيوني ماعندي غير
حل امك مقاطعتني وبس شوفني
احجي وياك مااتوقع شسويلي
كال وانتي فقيره موو
_شتقصد
مااقصد شي غلط صعدتج
هسه ليشوفج احد ونبتلي
_شلون نبتلي عادي ابن عمي وداحاجيك
هااا حلو شوفيها عادي
_تكتفت ايديا رفعت حاجبي
اي عادي
ثواني و صار مقابيلي بيناتنه
شبر
ارتبكت وين اضم وجهي
همس هاا شو رفعي راسج
خل اشوف هاي العيون
الوكحه
مقبلت ضليت منصيه
ضل يتلفت ويتنهد شتردين
رحمه الدينج مو شعلتيني
بنار
شون بيج عنادج مايخلص شو
رفع وجهي بيده شنو اليدور
بهذا اعرفج مثل مااعرف اسمي
شتخططين وين تردين توصلين
مكنت اباوعله نضري لصدره
يرتفع وينزل بحركه
مجرد عيني حاوطت عينه
خنس يباوعلي يتنقل من
عين العين
همس مرتبك هاي... كحله
مخليه .....مد ايده لعيوني
غمضت
نتر فتحيهن
مكدرت مااطيعه دقايقه
صافن بيهن
همس ترديني
فهيت هاا
وداد ترديني مثل مااريدج
داحجي احوالي تخربطت
نفسه عالي شكله اصعب
مني
لااني القاومت ولا هوه السيطر
نصه قرب وجها لشفايفي
غمضت رحت بعالمه
محسيت على نفسي
وشجاي ا سوي باسني
برقه ممصيطر يرجف
وخر ابتعد يمشي يروح
ويرجع كعد يفرك بوجها
صار احمر
ضليت واكفه افرك بيديه
وضعيته خوفتني صار
عصبي من نطت دماراته
همست امي...ن
نتر اششش انزلي
هاا
كلت انزليييي
ركضت الهث لحد موصلت للغرفه
كبل جوه الفراش ارجف
ربي سويت محسيت غير واحد
يندسني بقوه وخرت الغطه عمتي
شيماء وجها ميبشر بخير
تحجي بهمس امشي وياي
شكو عمه
عمه العماج وعمه عمتج امشي وراي
طكعدت طلعت كدامشي صايره بارود
ياربي بس لا عرفت
طلعت لكيته بلمطبخ شاعله الضوه
منتضرتني وكفت كبالها
محسيت غير راجدي فر راسي
لزمت خدي مصدومه
_كالت شعدج صاعدتله تردين تهجمين
بيتنه ونوب مكحله بت خوله
ولج ماستحيتي ماكلتي عيب اصعدله
وانتي بنيت بيت وهوه عزابي
لزمتني من زندي قوي احجي شسوالج
فوك هااا
دفعت ايدها مسوالي شي
_ولج وداد والقرأن هسه اكعدهم كلهم
ويعرفوني مااكذب سويتو اخذج احجي
نترت عمه مسوالي شي مجرد حجينه
_اهاا يعني مالمسج خايبه تردين توكعيني
بطركاعه وتاليها يستر عليج بت خوله العرمه
تالي عمري اضمضم طراكيعج شتردين من ابني
بيوم وليله كلبتي على خطيبته خليتي ميريدها
شنو انتي من يا مله من يا عالم متوبين سنينج
كبل لعبتي فلك زلم مشوربه خليتيهم ميعرفون
شيسوولج وهذا الاغبر يدافعلج وطمطم
عملتج
هسه لفيتي عليه شنو من بنات امج ماربتج
عافتج على حل شعرج التردي سوي
متحملت صحت لتجيبين امي افتهمتي
وانتي مالج شغل تردين ذاك ابنج امنعي
اني شدخلني
وخليه معلومه بالج ابنج الميت عليه مو اني
تقدمت لوت ايدي اجيت اصرخ من الألم
اذا متأدبتي اربيج من جديد وانعل ساسج
منين جايبه هل عرامه نوب يردون اخذج غير
طلعيني بليله ضلمه
وخرت ايدها افرك بلمكان باوعتلها بحقد
ليش تكرهيني وتمثلين دور مرت الحمه
الحبابه الفقيره تحب الكل وانتي تموتين
من يمنه تتمنين ساعه ساعه ازوج وامي
تموت ويخلالج البيت هذا هدفج
نطت عيونه لج وداد سامعه حجيج
اني امثل واتمنه الموت لمج لوما بيديه
اغسللها واحفضها منو سوي مثلي
كتلها اي احسج متحبيني
_مااريدج جنه الي لا انتي مستوه
امين ولا هوه مستواج
ضحكت عود ابنج دكتور واني خلك
وحده ماخذه المعهد
_شوفي الفرق بين دكتور وبين المعهد
تردين تالي تعبي اخذج اله تحلمين
هنا ضحكت سمعي عمه هسه خليتج براسي
خاف قبل اني رافضته شوفي بعينج واحسبي
اذا مااخلي يطلبني واني اوافق الله احرك
كلبج مثل متحركين كلبي
ضريت على خدها ولج اني عدوتج ولج ربيتج
على ايدي ويه بناتي وحبتجن مني وبيه هاي
تالي جزاتي
_ اوو عمه دموع التماسيح بطليهن
محسيت غير دفعتني انتي صدك بله تربيه
واحدادج عافوج تسرحين بكيفج
طبت
كعدت ممتحمله ايدي بجيت
غطيت راسي بين رجليه ليش
هيج تحاجيني اني شبيه طلعت
لساني سمعت صوتهم بلهول
عرفت أمين نزل وهي تحاجي
كمت اطب فتت شافني خزرني
مهتميت طبيت لغرفتي كافي
عليه اليوم
ورد_ من وصلت طبيت بغرفت
خالتي لليل رتبت غراضي بوفيتها
شافتني سكتت هوه طلع من ذبنه
خالته ام احمد راحت البيته هاجر
ماكو عرفت مموجوده شو وين دايحه
رجع قبل العشه وكفت اكلي كبه
وخالتي على الميز تثرم زلاطه
سلم مالتفتت ولا رديت كعد
يحجي وياا خالتي لمحت حذائه
ميغير عادته يطب بيها للبيت
مينزعها باب المطبخ
كملت كلشي على الميز كعدت اتناي
خالتي كالت حطي دولاك المي كمت
ترستهن من البراد طب
مبدل لا بس تراك كعد مقابيل خالتي اني
كعدت بصفها بيناتنه كرسيين صاير
على جانبي الايسر
مهتميت ياكل بله صوت بس
صوت طكطكت المواعين
خالتي عادتها متحجي بس اليحاجيها
كملت كالت اطب اكمل فرض العشه
ملحكت اخلصه
صرنه وحدنه نضره منضرتله انفاسه
اسمعها الهدوء قاتل رغم توتري بس
مصيطره على نفسي
كمت براحه ولا كأنو موجود شلت مواعيني
ومواعين خاله رجعت الاكل الباقي
كام دفع الكرسي برهاوه السنك قريب يم الطباخ
وكف غسل رجع شال مواعينه ذبهن بي
محجيت انتضرته يكمل خطف من يمي وضهري
عليه ريحتها كله جكاير
بس طب غسلت الصحون ونشفتهن
رجعت كلشي مكانه رتبت المطبخ
خليت القوري على النار وطبيت
شفته منتجي يكلب بلتلفزيون
خلاه على قناة بين سبورت نيوز للطوبه
حرت وين اروح نزلت مندري لتفت ورجع
باوع للتلفزيون جر نفس مضيق عيونه
مهتميت كملت خليت ديباج صيفي
كعدت منتضره المي يفور القوري يصفر
سويتلهم جاي وقدمته
اصرف بكل برود مددت نعسانه غفيت
سبوع اني بنفس الروتين يطلع الصبح
يرجع الضهر يتغده يشرب جاي وينام
العصر بره يجي يتعشه هلاسبوع
مطلع ويه جماعته مثل متعودت عليه
محاول يحتك بيه الضاهر اخر موقف
هز رجولته
اعرف بي ايام ويجيني ميتحمل
خالتي تحاول تفتح موضوع
ماانطيها مجال الهي روحي
بأي شغله تعوفني
اله خالته ام احمد قويه متنكحم
طب تطلع تبسمر من جوه الجوه
واني مغلسه اريد ادقهم برودي
ابد محاولت اصعد الغرفتي
شكد عندي اشتياق الها
مااريد اضعف واحن كافي عليه
السوه كافي عليه يبست كلبي
وكسرت خاطري على بنتي
ثاني يوم اجه حميد وزوجته شبك
وتبوس بيه صرفت وياها طبيعي
شكد حجت بي وشلون متأذي عليه
وعلى بنته تحاول تكسر خاطري
خليته على راحته ختمتها ميهمني
بعد عيوني انتي بعدج متعرفينه
شنو تره عمامي مرجعوني لسواد
عيونه اني الرجعت اني الطلب
ولو همه يموت كدامهم ميفرطون
بيه
سكتت شافت ماكو مني فايده
ماضلو صح جلبت بيها حبابه
بس يكفي تدافعلهم منهم وبيهم
متنطي بي
وصلهم ورجع معزومين بيت
اقارب زوجته عمتها مدري
شصير منها
هاجر جابها ابن عمها ومرت
عمها طبت شافتني فزت
صلفه حتى سلام من وره
خشمها ولوما تستحي من
مرت عمها مسلم عليه
هم مطولو كم ساعه ورجعو
اول مطب للبيت بدل وكعد
بس خالتي كالته مرت عمك
وابن عمك رجعو
طفر ذيج الطفره ليش خليتيهم
يرجعون عيب يمه جايين من الناصريه
لهنا شيكولون عليه
ضل يصيح وخالتي تحير شتكله
باوعتله بطرف عيني وهزيت
ايدي
شافني نتر شكو تهزين بيدج
_شكو صيح عليها ماضلو كامت الدنيا
لو تحب تتهوبز كدامهم على مخليتهم
يطلعون ويمجدون بيك كدام سحوره
فتح عيونه انتي سامعه روحج وررررد
لتخليني افقد عليج شهل لسان
_اي سامعه روحي وتدري بيه لو ما خالتي
وحده ضل فلا ارجع اذا مو بيت وحدي
وخلي اشوف شكولهم
لج انجبي وصمي حلكج لا اكوم
افرك حلكج فرك غصب عليج
يطبون وتخدميهم ورجليج فوك
راسج
_هههه لا والله نهاد ماعاش الي يخلين
اخدم ام سحر واهلها وعوزك بس ايجبها
وياهم هذا بيت اهلك ومحترمه هل شي
وعلى كولتك غصب عني اخدمهم ولخاطر
خالتي واله همه ميسون عندي شي
خالتي نبت ورد اسكتي عيب يمه
همه هم اهلج ويحبوج ومشايفه منهم شي
_منو اليحبني ام سحر لو اخواتها
لو بيبته الي مخلت حجايه مسممتني
بيها لو جانينهم يكعدن يكومن يباوعلي
بطرف عينهم واني الغشيمه اكول اتحملهم
لخاطر نهاد وهوه بلاساس ممخليلي خاطر
لا يمه والله يحبج ويحترمج وماشفتي
من طحتي صار بي
_ميهم خاله ليدافعلهم كدامي ويسويهم
انبياء ومنزهين وهمه ناس تاكل بناس
ونسوانهم حيايه يامن يطيحهن بيدهن
وينهش لحمي
نتر بله سكتي لضلين طلعين من كيفج
محد يمج ويحترموج ولا الهم شغل بيج
بس انتي حاقده
_اي حاقده المهم تعرف مااطيقهم
ولا اطيق شوفتهم
سكت يستغفر اعرف دست بطنه
تحمل وسكت دااشوف صبره ليوين
خالتي تهز براسها مقابله بس صعد
كالت بيج بخت ستوج راجعه اني
امه لو حاجيه حجيج مايسكت
سكتت لفيت روحي اخاف قبل مااباوعله
هسه هوه يطب يطلع ميصدلي
جان يدور الفرص باي حجه يحاجيني
انكلبت الادوار واني هم ارتاحيت اشهر
ضامه الحجي بكلبي
اليوم كله كضيته تنضيف مال سبوع
وشحنت خالتي على هاجر خلته طلع
غراض الكاونتر كلها تنضفها وترجعها
بس اني بلبيت هي هم خلي تحرك ايدها
مو بس فالحه تخابر وتتمضحك متدري بيه
اذا احطها بذن نهاد يزوعها العافيه
جلفت سيراميك الصحيات ضلت الارضيه
تحزمت الشاطره خبطت تايت وقاصر وفلاش
سديت الباب ورشيت الخبطه
اول شي طبيعي ضليت اجلب بستمرار
التنفس بده يضيق عندي مهتميت ضليت
افرك بلسيم كمت مااكدر اجر النفس بديت
اكح وكوه اتنفس
اختنكت الكحه شكلت روحي طلعت من
السعال على شويه اتقيأ
فتحت الباب ميته بسرعه تمددت بلكاع
اشوف رجلين واني مستمره اكح
هاجر توقعتها ساعدني صيح
امها عافتني وطبت الغرفتها تمنيت
اي احد يجي
صحت هاجر فدوه ساعديني
ضليت اصيح عليه واني اتلوه بلكاع
كدرت انتجي
نص ساعه اني اتعذب بلعومي
اجرح هاي هيه نهايتي
محد يمي كلهم اختفو ضليت مدده
حتى رجليه ماتن
ريحت الفلاش والقاصر طخ بخشمي
ويزيد عندي انتهيت دموعي نزلن
هيج روح الانسان بساعات يفقد كلشي
حسيت طكت الباب مااعرف شلون طلع
صوتي ويه الكحه
طبت خالتي شافتني اجت شافتني مختنكه
كالت عزه امي شمسويه شمت الريحه
يا يا مشتني للغرفه ثواني خابرت ام احمد
اجت تركض شافتني كالت هاي يرادله اوكسجين
خالتي حارت شلون خابرت نهاد
لبسني ردائي وحجاب واني روحي
رايحه مااحرك لا ايد ولا رجل
طب شالني للسياره طول الطريق
اكح وصدري قبط وهوه يفتح بلجام
ويصيح رخن حجابه لتخنكنها رحمه
للكعبه ملبستنها هذا جوه الحجاب
ام احمد_خاله اعصابك دسوق وهسه
نوصل
عاط يمه وكتها التنضيف رحمه لدينج
ضروري الغسل المن شبي البيت
خالتي_هي مرتك مدري شلونها اكو
وحده تخبط فلاش وقاصر
خبص الدنيا الهورن ماسكت مدامه يسوق
يدكلهم ويسب ويصيح
وصلنه ركن ونزل بيه يركض
شافوني بس عرفو مختنكه ركبولي اوكسجين
وضربوني ابره شويه ارتاحيت
صدري يخرخش ودايخه
تحسنت حالتي الطبيب
انطانه تحتمال يشكل عندي
تحسس بلقصبات الهوائيه
من العطور والبخور والجو العاصف
نهاد الخوف بعيونه خالتي نهبطت
وره متسقريت طلعت رجعنه دايخه
نمت بلطريق كعدوني التفتت كال تكدرين
لو اشيلج هزيت راسي اكدر
بس طبيت نمت على المده بس جريت
غطه ومخده طب ذب السويج باوعلي
جر افراش ندسني بهدوء كومي لتنامين
هيج
همست وعيوني مغمضه مرتاحه عوفني
كال ضلوعج توجعج حبيبي
لزمت ايده وخرتها بهدوء مرتاحه فدوه
خليني بس انام
غاطني خالتي طبت سمعته يكلها
يمه عينج عليها بين مااجي
نمت محاسه بروحي
مفزيت غير على نفسي بردانه
المكيف عالي درت الف روحي
حسيت بي يمي شلت راسي بصفي
نايم خنست مستغربه مدري الايام
النمتها دونه كيفيله نستني هذا
الشعور
نايم على بطنه بطرك الفانيله
والشورت ميحس بروحه من يغط
بلنوم لو ثلج ميفز نومه عميق
تحسست كتفه جريت الغطه تقربت
بحجت ماادري وهوه ميفز نمت
بصفه جسمه دافي صرت ويا نفس
الفراش رجعت غفيت
مااعرف شكد نمت وشكد الوقت
كعدت عليه وهوه يلمني بحضنه
ابتسمت بنومتي هانت حبيبي
انفاسه بركبتي رفع شعري
باسني برهاوه يدري نومي
خفيف
لحد مكام اسمع خطواته بدل ونزل
كعد يم راسي خالتي سوتله ريوم
كمل لزم كصتي كله يوم لتخليه طول
كعديه لتلزمها الصخونه تسبح
وتتنشط اذا اختنكت هذا الجهاز خالتي
ام احمد جابته سلم وطلع مطولت ورا نص
ساعه وكعدت خالتي
كالت ها خاله شلونج
زينه مابيه شي
الحمدالله والشكر دسبحي
وكعدي تريكي هذا بيض
زاد من رجلج
كعدت اكلت كم لكمه
باوعتلها تفتح بكفت دشداشه
كتله خاله وين هاجر
كالت نايمه من كون واحد حامض بول...
ياخذه وافتك منها
سكتت مبينه متلاغيات
كملت طبيت سبحت وكعدت انشف
شعري لل10 اتصل مرديت سويته صامت
اتصل بخالتي يسأل
سدته والتفتت ليش مجاوبي
هاا ماادري بلجهاز وين ليش هوه
داك
خزرتني
للغده اجه بوكتها خالتي ركبت
مركت دجاج وتمن وخضره
هاجر غسلت المواعين واني صبيت
طب شفته بلطرمه يغسل على المغسله
شافني واكفه امسح بلميز وارجع الجرجف
تقرب لزم راسي شلونج اليوم
هزيت راسي زينه
ماشي اخذتي علاجج
موهسه
عافني وطب لخالتي سلم وصعد يبدل
مشه اليوم عادي وضعي استقر
طب ب11 كعد يسولف صاح
هاجر سويله جاي باوعتلي بطرف
عينها
يسولف وينصي على التلفون ياخذله
صفنه يرجع يكمل
التفتت شافني عيني منه رفع حاجبه
درت وجهي ضحك خالتي كالت
خير يمه شبيك نشاله ضحك خير
كلها جنتج مبوزه خيرها
باوعتلي مابيه شي جنه ورد
يمي ماعون فواكه اكل بي
مدري شلون اجه على بالي
اقلد التركيات من ياكلن وشفايفهن
يقدمنها وصير حركه اغرائيه
هاجر قدمتله جاي رادت ترجع
صاح وين متكعدين يمه سالفتج
ويه الغرفه شنو بيها باب الكعبه
كالت لا خويه بس ارتاح هناك وجاي
ادرس
كلها شوكت امتحاناتكم
ردت الخارجي بشهر الثاني
هز راسه
كعدت مقابيلي تريد تلهي
ضليت اكل واسوي حركت الشفايف
محسيت على روحي وهاج تباوعلي
بتك حاجب صافنه
انتبهتلها هزت ايدها همست شايفه
المطي من ينعر هيج شكلج
سويت روحي ممهتمه شعليج
كون شايفج جان لعبت نفسه
هزيت جتفي مااهتم
اي مو عينج كويه
من عاشر قوم اربعين
يوم صاره مثلهم
سكتت متكدر اخوها موجود
شويه وسحبت نفسها
رجعت صافنه عليه وخوفه البارحه
يرجف وهوه يشيلني طب للمستشفى
حلكه يابس حتى ميكدر يحجي
تمددت وجريت الديباج ايدي على بطني
مااكدر اغفرلك وبنتي لحمه بدون ذنب
اندفنت جوه التراب وهي مشايفه شي
شنو الحصله من ضم امبنه مني اول تالي
اعرف
خالتي مددت تنام وهوه ضل كاعد يتفرج
كل شويه قناة غمضت عيوني منايمه
منتضرته يصعد اريد اراسل وداد
اشو هذا جر دوشك وغطه ونام يمنه
محسسته كاعده
كلبت منطيته ضهري لنص اليل كمت
طبيت للحمام وطلعت
فتت من غرفة هاجر الباب مردود
الحمام جوه الدرج مقابيل غرفتها
دنيت اسمع صوت همس هاي متخاف
نهاد يفز ويسمعها شويه حركت الباب
مكابله الابتوب وضوه خافت مال انارت
الترك موخره البرده السماعات
بذنها عرفتها فاتحه كامره
هنا الكاثره لبسها مو طبيعي بدي
فضفاض دلع مبين كل صدرها
وزنادي الشعر لامته ليكدام
تضحك ورايحه عفتها ورجعت
تغطيت ضليت بحيره خالتي
متكدرلها وكحه تخش بلعين
واذا نهاد عرف يجنزها يمكن
يدفنها ميتحاجه بهيج أمور
نمت فكري يجيب ويودي
هذا اسبوع الثاني يعدي
نهاد تعود ينام يمنه يشوفني
مغلسه وهوه مغلس
محاول يتقرب بس ينام يغط
ميفز هاجر زيد متنقص وخالتي
تعبت منها ومن لسانها كامت
حتى دعاوي تدعي في سبيل
تخلص منها
كمت اشوف منها شغلات اتهستر
منها بيوم طالعه هي وخالتها ام احمد
يشترن ملابس
استغليت الوضع طبيت للغرفه
من عقلي خليت بالي يمها
كنتورها متروس ملابس وارقه
الماركات حقها اذا اخوها الدكتور
مخصصلها مصرف نهاد كذالك
خالتي تقاعدها نصها الها
مكياج بانواع الماركات
مدري شلون ايدي راحت على مجر الشالات
فتحته كلبت بيهن طفر شريط
شلته ارجف هذا مانع
كمت الطم على صدري هاي شسوي
بروحها رجعته وطلعت ركض اني
مزوجه وخفت
خالتي مكابله البرامج دكومي تابعيه
شوفيه شصخم راح توكعنه بمصيبه
وانتي مدرايه بكلبي ادردم
لحد مرجعت روحي طلعت خوفي
على نهاد هذا ينجلط خالتي حالته
تخوف منا عدها انسداد بلصمام
تروح بيها
حرت بأمري شصرف اخليهم يتلاحكون
قبل متخليهم بكارثه لو احذرها
شحذر غير تاكلني وتبلعني بلسانها
يكشط كشط
طبيت اسبح ندك الباب منو
اني
دااسبح
ادري افتحي اخذلي دوش واطلع
كتله انتضر اخلص
همس مقرب روحه للباب ماعندي وقت جماعتي
منتضريني
نهاد كتلك بس اخلص
راح كملت على السريع داطلع فتحت
الباب ستوه طاب الممر متوجه لغرفة
خالتي لمحني
تقدم بسرعه محسيت خير مطببني
للحمام وساد الباب بعدني اريد
احجي سد حلكي
شالني بايد وحده همس اششش
ورد تعبت منج ومتجين بلين
وخرت ايده من حلكي
نزلني
_ماانزلج شتردين بعد
اكتلك فتره ارتاح
_بيت جدج جنتي سوين مرتاحيتي
بس وخر نزلني نهاد
_لا اريد احسم الامر هنا يا راجعين
ياا وسكت
كمل
قرب راسه بمستواي مغمض
_غمضي
شنو
_نتر غمضي وانسي كلشي رخي
مكدرت اطاوعه دفعته بهدوء
مناسيه بنتي نهاد انتو كتلتوها
فتح عيونه مخنزر
سكت نزلني ودار ينزع طلعت منه
رجعلي شكو احساس جنت احسه
ويا
مرت الايام وحياتي بين مد
وجز لا اكدر اتقبل ارجع علاقتي
وياا ولا اكدر ارفضه واعيش دونهه
خالتي ملت وهي تحجي لحد ما
بيوم نايمي نهاد رجع ينام فوك
ولاول مره بعد غياب اربع اشهر
صعدت مهبوطه حلمت كابوس
اركض وجلاب تركض ورانه نهاد
عثر وكام جريته وياي
اجت حفره محاسه بيه طاح نهاد
ومات كمت اصرخ واعيط عليه
حسيت احساس الموت
كعدت ارجف بجيت من صدك
وصلت طبيت للغرفه بارده
وضلمه
دموعي على خدي وصلت للسرير
هزيته نهاد كم مره فتع عيونه
ورد يحجيها كوه بعده نايم ش..بيج
دنيت راسي على راسه مااتحمل فكرت
فقدانه خبلتني
دقايق استوعب وجودي كعد فاز
شكو ياستار شبيج
متحملت حظنته ضل خايف
ميعرف شبيه مستغرب حالتي
_ورد حبيبي شبيج
فدوه نهاد لتروح مني اموت دونك
خرني يباوع بس فهميني شكو
حلمت بكابوس شفتك تموت
ضحك وهوه يلمني ماكوشي
انتي كلتي كابوس
مددني بصفه هدء نفسه رجع نام
من يومها رجعت علاقنه طبيعيه
محاول يتقربلي كزوجه هنا بدت الشكوك
ليش دتنعكس القوانين
وداد_ مصل عاصفه ترابيه غيرت كلشي
هدمت كلشي يطب يطلع ميباوعلي
اني طايره ومامهتمه لعمتي شيماء
هاي طبيعتي مااكدر اسيطر على لساني
شكد حاولت اعتذر رجليه مطاوعني
سبوعين الوب من يمه
يباوعلي بحيره يطب بغرفة بيبي
اروح اطب اكعد كباله
هذا شبي من وصلت الصدك
كمت طبيت الحيره ماخذتني
فدلا عمه حاجيتله خنست
اذا صدك مسويتها
رنيم حست عليها كم مره تسألني
مااجاوبها
لحد مسمعت صياح جدي طلعنه ركض
باوعناله يفور مدخن وايسر يمه وامين كاعد
يكله جدي شسويله هذا يلوب على العراق
بيبي كاعده كتله شكو حبوبه
دنكت كالت اخوج مفيز راجع
.....يتبع
صباح الخير على عيونكم
البارت من البارحه مكملته لكن النت نقطع اتصلنه
بابو الشبكه كال بعموم المحافضه كلها منقطع
بسبب المضاهرات
يمكم هم نقطع لو الخلل بس من يمنه