.
.
ركضت ع باب السيارة الخلفية فتحتها ماكو بس حور
انجنيت وين خلو ابني معقولة ببغداد وحدة وي المربية
فتحت الباب الگدام وجريت غلا من شعرها طاح التوربان دفعتني رجعت عليها
آصف.لججج
جرني من عدها خرمشت وجها ورحتلها عضيتها بزندها
حسيت سن طگ بسن حط أيدة ع رگبتي من ورة وجرني
ضربتة راشدي تفاجأة ولزمني من شعري يعت بي
آصف.شسووويتي
تلويت ع نفسي ودفعتة اباوع شعري صار بيدة
وغلا تخربطت وتفرفح بجي أيدها ترعش
حور.لكم ابنيييي وين خليتوو وييين ساقطـين
حط أيدة ع حلگي يسكتني خنكني
باوعت غراض حور يمي باب السيارة مفتوح
شلت قوطية حليب شمرتها ع راسة كلهم صرخو
حور.ابنييي وين جاااي اكول
هسة تروحون تجيبو هسةةة
من العصبية حسيت جسمي يتشنج غمضت عيوني بقوة ماريد أفقد هنا ولا بهذا الوقت بس ماكدرت
اجة آصف حضني وشالني صاح
آصف.قصيي رجعها لبيت عمي ازهر امشي
قصي.سيف هناك
آصف.ايي طلعهاا
حور. ابني
بالكوة كدرت احجي
هو حط حلكة يم أذني حضني اقوة ودخل شايلني للمطبخ يريد يصعدني بغرفتني
آصف.لتفقدين صبري مو هنا
صعدني للغرفة قفل الباب حطني ع السرير
واسمعهم ورا يصيحون شكو شصار بيها
آصف.روووحو منا
حسيت علي يحط وصلة بحلكي ويفتح أدية وبعد محسيت ع شي
صحيت فتحت عيوني ببطئ جان كاعد كدامي يلعب بشعري شافني صحيت بعد أيدة وعدل كعدتي بنتر
حسيت ايدي انخلعت صرخت
حور.اااي
ماعرف وين كام رجع بيدة شريط أدوية وكلاص مي
عصر فكي دخل الحباية بكل قسوة رفع راسي شربني المي دفعة وحدة اختنكت وطاح ع ملابسي دفعتة وابجي
حور.وخرر
تحرك بالغرفة حط الكلاص ع الميز وراح يغسل أيدة الحقير عبالك متقيأة عليها مو لزمني
آصف.الي صار قبل شوية والغلط ومدة ايدج بحساب
بس حساب طلعتج من البيت عسير
المسويتة بخلقتج طالعة جنج مهرج
وصابغة حواجبج وحافتهن گالبة جهرتج عود
البرائة الجانت بوجهج مختفية وصرتي ساقـ... علني
حور.الساقـ..... شيسمون رجلها
مسحت المي برداني وحاجيتة بحقد
آصف.گ.....د
وهسة اعلمج شراح اسوي بيج
حطيت راسي ع المخدة بعدني تعبانة
أريد انام وأرتاح اجة دغني بزندي
الساعة 2 ونص الليل
آصف.كومي ماكوو نوم
باوعتلة وحركت راسي لا
خزرني غطيت وجهي لوة أذني بجيت
حور.وخر عني
سحب شعري
آصف.حسابنة بااجر انطمري
دفع راسي للمخدة بسرعة نمت من التعب
الصبح محد كعدني كعدت وحدي الساعة جانت 11 ونص
كمت غسلت غيرت ملابسي رحت للباب افتحها
مقفولة!!
رجعت لمكاني بس ميتة جوع
بقيت كاعدة صار وقت أذان الضهر كمت صليت
انفتحت الباب دخل آصف بيدة صينية اكل
حطها يمي بدون ميحجي
مديت أيدة حتى اكل لأن حيل جوعانة من أمس الغدة لحد الأن مماكلة ودواية حيل قوي بسرعة اجوع
آصف.اوكفي
رجعت الخاشوگة
شمر علية شريط الدوة ومي
آصف.شربي بعدين تزقنبي تلحگين
ضجت من كلامة انهضمت دمعت عيني دنكت
شربت الدوة بعدت الصينة عني حطيت راسي ع المخدة وتغطيت جرني من شعري بقيت بمكاني
آصف.تزقنبي يلااا
راح اكفخج ع وجهج والله
حور.مااااريد
آصف.لتصرخين بت الكلب
كومي اكلي كووومي اكلي
جرني من طرف قميصي دفعت الصينة طشرت بالكاع
حور.بسببك طيحت النعمة ماااااريد ياضالم
جرني من شعري للكاع ضربتة برجلة
آصف.اكلي منا لأن انتي وحدة حيووانة
يلا اكلي
حور.وخررر وخررر
عافني راح كعد ع القنفة أيدة ع راسة
لميت النعمة واعتذرت لرب العالمين
تعاقبت هواي لتعاقبني ع هاية جنت عصبية
لميتهن ولميت الكزاز حطيت الصينة ع صفحة ورحت غسلت أيدي مجروحة وطالع منها دم
طلعت ردت افتح الباب وانزل صاح بية
كام طلع المفتاح يريد يقفل الباب وهو يطلع
حور.حرام عليك لاتخنكني والله انجن طلعني
ماسمعلي قفل الباب وطلع بقيت كاعدة ورة الباب ابجي
نص ساعة أو أكثر فتح الباب خلة يمي لفتين وبطل مي ورجع قفلة خلاني وحدي
ريحة الشوي دخلت لخشمي فتحت اللفة لحم شوي ونومي وطماطة شوي والثانية نفس الشي
رجعتهن ماريد اكل بس ماتحملت حيل جوعانة
أكلت لفة وحدة الحمد لله شبعت ونعست
رحت نمت خلصتهة نوم
كعدت الساعة ب 4 صوت اغاني ياربي شكو
يمكن فتحوهن واجو يخطبون فاطمة
أريد ابدل وانزل اكيد عمة نور هنانةة
فتحت الباب بعدة مقفول رفستة وشتمت آصف
صرخت بعصبية وكسرت البلازمة راح يخبلوني
الله يخبلهم
كعدت ورة الباب اسمعهم
سمعت صوت غلا فوك تخبلت ضليت اكل بأضافيري
بعدين صوت فاطمة وحلا
قربت أذني غمضت عيوني حت اركز أكثر
غلا.بس خلي اعدلج شعرج من ورة
ماسمعت لفاطمة صوت
وراها صوت طفل يبجي حسيت صوتة اخترق گلبي
بعدين صوت حلا
حلا.غلا سيوفي كعد سمعي جاي يبجي
أباوع أدية يرجفن احك بوجهي وشعري
اختنكت رحت فتحت الشباك لا مو ختنكت هربت
أباوع ع الباب وابجي
حور.يارب مثل ماحرمني حرمة
مثل ما شوغني شوغة
رحت يم الباب ابجي أريد اصرخ أريد ابجي بقوة
خل يسوون اليردونة بس اشوف أبني
بقيت كاعدة واسمع لحد الساعة 7 اختفة الصوت والأغاني انقطعت والسيارات حركت من بابنا
يعني كلمن راح البيتة يعني ابني هم راح
هم ما اشوفة ولا أشمة ولا احضنة
الساعة 8 فتحلي آصف الباب من برة
ماطلعت شعندي طالعة وجهي مورم وتعبان
من شافني ماطلعت دخل للغرفة باوعلي
باوع للأكل عكد حواجبة اجة يمي
حور.ابني جان هنا
جان يبجي مامقسوملي اسمع صوت ضحكتة مو
مرتين اسمعة يبجي عبالك يكره المكان الي اني بي
آصف.صايرة فيلسوفة
حور.حرمتني هوااي
بس انت لسا ماضگت طعم الحرمان يارب تضوگة
وتجرع المرع
آصف.اكو وحدة تدعي ع زوجها حبيبها بهيج دعوة
ضحك بإستفزاز اجة يمي حرك شعري
آصف.انتي وشعرج الي يسد النفس
دار وجها ينزع سترتة
حور.تخيل أموت اليوم وانتة معذبني هالكثر
شتكول لرب العالمين بشنو تقابلة
وكف وجمدت حركتة مثل الصنم
رجع علية كعد كدامي يضرب ع راسي خفيف
حط أيدة ع اكتافي يهزني خفت من منضرة
آصف.شكو ببالج شكووو
كاعدلج اليوم يا أدب سزز
لتخليني ارجعج لذيج الغرفة لو مو قصي لو عشيرة قصي متطلع
حور.لتخاف ما انتحر وأترك هاي الحياة لناس مثلك
مااغضب ربي علمودك ضلمك ميدوم انتة تعرف واني اعرف يجي يوم واتحرر
دفعني نضربت بالباب حيل توجعت
آصف.بطلي تفاهة وهمي نفسج أريد طفل
حور.لو تموت بعد متكدر تشوف طفل من عندي
باوعلي بغموض
آصف.وآثقة ؟
حور.اكثر مما تتخيل
بس هذا كلة يتغير بشي واحد
باوعلي باستهزاء وتسأول
حور.ترجعلي ابني
مستعدة ابدي وياك من جديد
آصف.تؤ تحملين وتجيبين ومتشوفينة شنوو رائيج
حرك اكتافة بإستفزاز مجاوبتة
راح للحمام اني نزلت للحديقة
الصالة لسة بيها الميز والتزيين
حتى الكيك الجاهز هواي باقي كلة بمكانة شكلهم نايمين
أو يصلون ماأدري
بقيت اتمشى اروح وأرجع
اتخيل ابني هنا كاعد بالحديقة يلعب
واني اباوعلة ويكولي ماما
أخذت تنهيدة عميقة ورفعت راسي للسمةة
حور.ياربي كافي تعبت وحقك تعبت
لو تموتني لو تخلصني
صراحة ماجان الخلاص قريب
لأن مرت أشهر طويلة ثقيلة متعبة
وسعولي مقدار حريتي داخل البيت بنسبة غريبة
آصف حتى لو اغلط واسوي مشكلة ميسويلي شي
وصلت لمرحلة اني جازعة وكاحتي وحقارتي
صرت اعير هذا وأذي ذاك حجاية حجاية وية عمة دعاء
واعلي صوتي ع بيبي وعليها
حلا تحجي وياي اضربها لو اغلط
آصف يشوف ويطنش مرة مرتين حاجاني وسكت
بس لحد الآن مرجعلي أبني ولاشوفني صورتة
جم مرة يجي يحضني ويبوس أيدي
ويبقة بس يشم شعري لو يبوس أصابعي واحد واحد
بس لسا مستحقرني لابدل غرفةة
لارجعلي موبايلي لاخلاني أطلع خارج البيت
ولامرة طلعت لسوك لشي مكان
اليوم 2/1/2017
بيدي دفتر دورت صفحة ممرسوم بيها
لزمت القلم
ومثل كل مرة كعدت ارسم طفل
الدفتر متروس بنفس الرسمة
ع مدى سنتين صرت اتقنها واكدر ارسمها واني مغمضة
اتطور رسمي وصارت صورتة عبالك واقعية
وهي اصلا لشخص خيالي
دخل آصف للغرفة سلم ومارديت
اجة يمي أخذ الدفتر گطفة بعيد
حور.هذا الي شمرتة يسوة البيت والي بي ماعدا مصطفى تعرف
مادارلي بال أخذ ملابسة وراح للحمام
جبت الدفتر وتعمقت برسمة عينة
طلع هو وكف مشط وتعطر
آصف.كومي جيبيلي غدة
حطيت الدفتر ع صفحة ونزلت احمي الأكل
صبيت كاسة مي أخذت الصينية وصعدتها الة
نطيتهيا ورجعت أرسم
قبل فترة شهر او اقل خابرتني ماما
لحد الآن كم مرة ماما مقدمة طلب لم شمل
مصطفى يقبلو واني انرفض لأن فوك 18
أموني أكيد اول ميطلع يكدر يسافر عن طريق الدولة بسهولة بس اني صعبة
حاجيتها وهية يوم بعد يوم تذبل
حقها تلاثتنة تغربنا عنها فوكاها هي متأكدة احنة ممرتاحين ولا واحد رحمنة
آصف.خلصت جيبيلي جاي
أخذت الصينية نزلتها غسلت المواعين سويتلة جاي وصعدتة حطيتة يمة ونمت لأن بس يشوفني كاعدة يمللني
آصف.بس شغلي السبلت
حور.دنيا بااردة
آصف.شغلي محتر
حور.إن شاء الله صخونة عمر
آصف.امشيي لج
شغلتة واجيت لفراشي حضني وخرت عنة
رجع حضني اقوة وقفل جسمة علية
حور.وخرررر
آصف.نامي لا اغير رائي وتعرفين من اغيرة شسوي
هدائت وسويت نفسي نايمة
باس راسي وضحك
آصف.عفية شطورة
شوية وصدوك نمت
ثاني يوم اجو بيت بيبي ام ضياء
حددو العرس يوم 28/1/2017
محد جان عندة اعتراض
وفاطمة تسوي العرس بقاعة
يعني البقية سهلات
تقريباً يومين مرن الضهر اني جوة كاعدة بالصالة
وكولهم ملتمين نشرب جاي
طلعت فاطمة وحلا وياها من الغرفة
لابستات الصايات والجنط ونزل آصف مبدل
دعاء.انتبهي يوم موو تصرفيهن بأشياء مو مهمة
كون كلشي بمكانة الصح ماشي
مهر فاطمة جان 9 ملايين ذهب وملابس
جابولها بس حلقة وكلادة صغيرة عباة وجادر وبدلة وحدة
بس مهرها زين كولشي تكدر تشتري بي
يعني عمة كلتلها 6 ذهب و3 ملابس
ونطتها من عدها مليون للصالون
أما هدايا اخوانها منا يشترولها ذهب
واني ذهبي مابقة من عندة بس الباون
مامديت أيدي بعد ولا أخذت من آصف
آصف.يلا ورانة طريق
بقيت اريد اعرف وين رايحين
وبيبي شكلها فهمتني وحجت
فاطمة.رايحين لبغداد تجهز بت عمج منا
حركت راسي أي باوعتلهم
هواي ضلموني ياااا شكد بس الله يدري
وداهم آصف ورجع
هنة اسبوعين واتصلن حتى يرجعهن آصف
اجن وياهن 7 جنط كبار مال سفر
وفاطمة مسوية شعرها كرياتين وصابغتة وحافة جنن
فاطمة.تعالن بناات اراويجن الملابس
دخلن لغرفة عمة ورحت وراهن دا اشوف
احب اشوف ملابس العروس
وبقيت احبهن لأن من زوجت ماشفت جهاز
ولاعشت هيج لحضات فأبقة أحن
اتذكر التراكات والدشاديش السود الجابوهن
لووالذهب العراقي الخشالة
لو المكياج الي لمن عماتي فلوسة منهن عبالك صدقات
آصف.تعاي فوك احاجيج
حور.أريد اشوف
آصف.تعاااي
باوعتلة بغضب عفتة ورحت للغرفة راد يجرني صحت
حور.والله بس تحجي أگلب الدنيا عوفني
رحت للغرفة بدن يفتحن الجنط
ماشاء الله الملابس جانن يجنن
كلة ذوق غلا الوان وتصاميم هااادئة وجنن هي ذوقها حيل حلو وراقي
ساعة كاملة تلبس وتنزع تراوينةة الملابس
تتحرك مثل الفراشة الي تطوف وتجمل الحقل
ضحكتها دوم مالية وجها هاي فاطمة
خلصت صعدت لغرفتي باوعت لآصف
حور.شتريد
آصف.دتعاي
رحت يمة
آصف.بعد اسبوعين عرس فاطمة
غلا الأسبوع الجاي راح تجي ماريد مشاكل مثل ذيج المرة وبالتالي محد خسر غيرج
تردين تكعدين عاقلة بدون مشاكل
لو تزيملين وهم اقفل عليج الباب انتي حرة
وماكو طلعة من البيت الج خيارين داخل هاي الجدران
حور.و وابني يجي
آصف.لا
حور.حرام عليكم صغيرون وين تخلوو
شنووو من گلب عدكم خطيةة
آصف.امة تروح يمة بالليل يبقى بيت عمي ازهر
وانتي بكل الأحوال ماراح تروحين للقاعة
فخلي هالكم يوم يعدن بسهولة
حور.تدري رب العالمين شكد يغضب عليك من تكول كدامي أمة واني أمة وقصدك ع غيري
آصف انت تعرف شجاي تذنب شجاي تسوي
آصف.هسة لتزرفين راسي صيري حبابة وعقلي
رحت لمكاني دثرت بلحافي
حور.اقفل الباب
بس عليك الله لتخليني اشوفها
ولا اسمع صوتها اذا تحب رب العالمين بس نفذلي هذا الشي ما انسالك فضلك طول حياتي
آصف.شبيج
حور.آصف جاي تذبحني بسجينة عمية
ولمن أصرخ واتألم تكول شبيج
ليش هو المذبوح ينگالة شبيك
يوم بعد يوم مابقة لعرس فاطمة بس يوم
آصف لحد الآن ماجاب غلا يمكن يريد يقلل فترة حبسي
باجر عرسها والبيت مملي عماتي
خوات عمة واقاربنة علمود العرس
اني افتر بينهم الوحيدة الي مابيها روح
الوحيدة الي توكف وتعالج جروحها بدون ماتسمع كلمة اسم الله
آصف من الصبح ماهو وبعدة ع نفس كلامة ماروح للعرس
رغم جان لازم ينسة لأن صارلنة مزوجين 3 وأكثر
ومن ذاك اليوم مارحت صالون ابداً
يمكن متصدگون من زوجت لحد الان
محد مشتريلي ملابس بس كم مرة من عمة
الا القطع الي تعجبة ويريد يشوفني بيها
يجيبها يلبسنياها غصب مرة وحدة بعدين اني امزكهن بيدي
لثاني يوم الصبح إلا أجة آصف جرني من أيدي دخلني للغرفة قفل الباب علينة عرفت غلا اجت يمكن ورا
راح للحمام بدون ميحجي شي
اليوم حنة فاطمة ويسوها حنة وزفة بنفس اليوم
الساعة جانت 9 الصبح طلع من الحمام
راح ع السرير تمدد وفتحلي أيدة
حور.نام لا أخلي هاي السجينة بنص گلبك
خذتها من الميز
خزرني
آصف.تعااي
حور.عوفني آصف عوفني
رحت كعدت يم الباب وعفتة
اسمع كووومة أصوات لاواحد ولاثنين ماكدرت افرزن
لحد الساعة 12 الا ربع تعبت ع نفس الكعدة
تمددت بمكاني ونمت
كعدني آصف يريد يشيلني انام ع السرير وخرت عن أيدة
حور.عوفني كعدت
طلع هو من الغرفة وقفل الباب
باوعت الساعة 2 ونص
رحت توضيت وصليت بثيت حزني لرب العالمين
صوت الهوسة برة واغاني رحت كعدت ورة الباب
وحدة تصيح شعري وحدة فستاني واني لابسة تراكي وأصعد وانزل السحابة عفتهت
رجع للغرفة جايب اكل
راح جاب الأدوية مالتي خلة الحباية بحلگي وشربني مي
تغديت ورجعت يم الباب
آصف.مامليتي
حور.مامليت منة وهو بداخلي
النومة صعبة علية الوكفة صعبة
الحركة صعبة مقابلة رب العالمين صعبة
جسمي ورم وخرب طلكت بي تحملت الألم ومامليتة
باوعت علي
حور.ماينمل الله يضوگك الفراگ وتشوف
مو فراگ الميت فراگ العدل يموتك ومايموت
رحت يمة حطيت أيدي ع أيدة
واني احرك ايدي انتقلت من أيدة لوجهة لشعرة
قربت شفايفي من أذنة وشاورتة
"فراگ العدل يموتك ومايموت "
ابتعدت عنة جرني حضني ويبلع ريك
آصف.كلام مثل هيج لاتحجينة بعد ديري بالج
يتبع.....