نيران قلبي
بقلم هدى
البارت ثلاثون والاخير
---------
بعد مرور سنه
- يلاا اسير تأخرنه
- اجيت يابه
- عمه ديري بالج عالبنات
ردت اطلع جرتني شمس من قميصي ووكفت تحجي وياي بلهجتها المكسره
- الوح ويات (اروح وياج)
- لا شموسه ابقي يم شذن تبجي وحدها
- مااا اهئئ
- شموس لتصيرين وكحه يلا فوتي
- حبابه الوح
- لا ماما اني رايحه للطبيب
- ديبيلي تتو (جيبيلي ككو)
- اجيبلج كوومممه ككو روحي يم بيبي
- اوتي مح
- محات يروحي
طلعت لأسير لكيته منتضرني بالسياره
صعدت وطلعنه متجهين للدكتوره
اني حالياً حامل بنهاية الرابع
قررت يكون هذا اخر طفل الي وكلش متمنيه يكون ولد..
وصلنه يم العياده واني التوتر صار عندي الف
- ليش متوتره هو بس سونار
- مادري خايفه
- ديلا نزلي ماكو شي
- اوكِ
- من تطلعين خابريني
نزلت للدكتوره كصيت باص وبقيت انتضر لمن اجه دوري اني دكات كلبي صارن الف
سوتلي السونار وطلعت حامل بولد !!
الفرحه بهالوقت مااكدر اوصفها
اكيد اسير حيفرح
خابرته واجاني
- ها بشري
- احم انتَ ليش كتلي اذا ولد اجيبلج جكليت واذا بنيه شي دسم
- سؤال تعرفين جوابه احب البنات اكثر
- ممم زين اذا كتلك حامل بـ ولد تفرح؟
- وليش ما.. حامل بولد !!
- اي هههههههه
- مبرووك
- عليك يابه بس لتدعمنه
- دقيقه خل اشتري للبنات
نزل اشترالهن ورجعنه للبيت
اول مافتت شمس ذبت نفسها بحضي
شموسه صار عمرها سنتين وشذن سنه
شمس متعلقه بيه كلش اما شذن فـ اغلب الوقت وي عمتي
- وين التتو
- عد بابا روحيله
- اوتي
طلعت عمتي من المطبخ تحجي
- ها ولج شطلع بيج
- بزونه عمه
- يا فلك الفلكج عود تحششين
- لعد شكلج
- شو تعاي يمي
طب اسير وگال بضحك
- ها يمه وين ماخذه مرتي
- تعال ماتكلي شصار هاي شلعت كلبي
- راح يجيج حفيد يابه
- يا صلوات كلللللييييش
دخل امير عالصوت
- ها شكو هنا ترا بعدني مامعرس
- ولك مرت اخوك حامل بولد
- واووو طبعاً جنت متأكد
- بشنو
- لو حامل بولد لو بنيه
- ههههه شكد ظريف فديتك
- ماكايلج ضحكي ام شمس الغاليه المحترمه المهندسه الكاعده لا شغل ولا عمل
- اي بعد طلع ماضيي كله
- بالخدمه اني شوكت ماتردين
- اسير ماتسكت اخوك
- هو اني اريد اشوف وين حيوصل واضربه
- خوش اني صاعده ههههههه
عفتهم يتشاقون وصعدت لفوك
بدلت وتمددت
دخل اسير
- مسائو
- مساء النور ، ليش ماجبت البنات
- يم امير ماعليهن شي
- اهاا
- ايـي شلونج
- كلش زينه
- منا منا
- تريدني اتمرض؟
- لا يابه شفتيني حجيت
- ها عبالي ، المهم دتفكر بأسم للولد؟
- مفكر من زمان
- شنوه
- شُبَر
- عااا شهالاسم!
- عاجبني ماعليج
- شنو معناه بله
- من سميتي شذن سألتج ؏ معنى اسمها؟
لا فـ لتسألين
- مممم زين ليش هالاسم بربك
- اول شي اسم حلو وعاجبني ثانيا
يبدي بحرفج "ش" وينتهي بنهاية اسمي "ر"
- اخخ تفكيرك جهنمي
- اعجبج ، جوعانه؟
- لا حنام
- بكيفج
- روح شوف البنات
- ماشي
نزل اسير ورجع اتمدد يمي
- اي شعاجبج اجيبلج
- اريد سلامتك بس
- متأكده
- كُلش
- چا نامي
- اوكِ هههههههه
رنيم ..
واكفه بالحمام ولازمه اختبار الحمل واديه ترجف
انتضرت دقايق وصارن خطين !!
الفرحه هنا ماتنوصف شعوري صدمه ؏ فرح وياهة دموع
طلعت ركض من الحمام واصيح عزيز
- هاااا هااا ياستار
- عززييزز حامملل
- صدككك !!
- ايي والله شووووف خطين
گال مبرووك وحضنّي
- فرحانههه عزيييز
- حتى اني فرحان بس المن البجي
- مادري ههههههه
- تعاااي تعاي نامي لا تنزليين
- بس ابشر عمتي
- اني نازل اكللها ابقي
- اوكِ
كعدت عالجربايه وعزيز نزل لعمتي اسمعها تحجي بالهول فرحانه
شويه واجه عزيز يمي
- كلتي لامج؟
- لا خليها لمن نروحلهم
خوش لعد باجر نروح
- صدك
- اي والله
اجه يمي حطيت راسي على صدره وكلت
- احجيلي شلون حبيتني
- شسالفه يوميه اعيد
- ايي احب اسمعها
- مالي خلك
- حباااب
- حبيتج وبسس
- لا مو هيج احجي من البدايه
- احم
اني ماجنت مفكر بالحب والارتباط همي وضيفتي وبس
الا ان شفت وحده بالجامعه خطفت كلبي
مااعرف شي عنها بس دائما اشوفهة صرت دوم افكر بيها
عرفت يامرحله ومعلومات عنهة
وبديت ادخللهم في سبيل اشوفها
بس هي؟!!
مجانت دايرتلي بال ابداً
دوم هادئه منعزله ومتفوقه
كلفت جواد يجيبلي معلومات عنهة وهو ماقصر
بيوم دخلت للقاعه مالتهم وبالصدفه سمعت شاب يحجي عليهة !
هنا قررت اتقدم خطوه حتى لا تروح من ايدي
ردت احاجيها من حسابي بس ترددت
فـ راسلتها من رقم مجهول
بكل يوم تكبر بعيني كلامها يخليني افتخر انو حبيتها صح شلعت كلبي بس المايجي بتعب ما اله طعم
وهسة هي مرتي وحتصير ام ابني...
- اخخ شحبك
- اني اكثر
- ممم عزيز شمفكر تسمي الطفل
- اذا بنيه مِلوك واذا ولد اسد
- لااا شنو والله اذا ولد جاد واذا بت سما
- تؤ تؤ مو بكيفج اني اسمي
- لا اني
- احسن شي اذا ولد انتي سمي واذا بت اني
- ماشي
- بس الولد اسمه اسد
- عزززييييز
شمم ..
اتجمعنه كلنه ببيت اهلي عدا فناء وايسر الي جانو طالعين وحدهم ..
ماما مامخليه حلويه مامسويتها هي وبيان
والكعده تجنن
بشرتنه رنيم بحملها وكلش فرحنه الهم..
ليال عازله روحهة بالغرفه تدرس وماتقبل تطلع
وامير مكضيهة يباوع للباب بلكي تطلع
- ها امير مضيع شي؟
جاوبني وهو يخزر
- لا مرت اخوي بس ديري وجهج
- يعني واذا منتضر مرتك منين مستحي
كلت هيج وكلها باوعتله
- احم منو كال مستحي
- شموسه روحي صيحي لـ ليال عمج راح يموت
راحت شمس تركض ووراهة الزعاطيط هاشم
وشذن يصيحون
طبوا مداهمه على ليال وهي كامت تصيح وطردتهم
- مو كلتلكم اريد اقره شكو تدزون زعاطيطكم
- غير نريدج تكعدين ويانه ماشفناج
- عندي امتحااان
- كبر طمج فوتي لا اجيج
طبت وسدت الباب
التفتت الهم لكيت الكل يباوعلي
- ها شكو ؟ ترا عادي يعني اختي وهاي
- اي عادي چا شكلنه
كالها اسير وطگوهة ضحكه
- بيان انطيني كيك من يمج جعت
- هاج
- شوكرا
همستلي رنيم
- شميمه كومي للمطبخ
- ليش؟
- كومي
- اي
كمت للمطبخ وراهة واجت بيان
- ها شتردن؟
- اندري رنيم مدري شعدها
- يثولاات اليوم عيد ميلاد تمار
حجينه اني وبيان سوه
- اي واذا
- يااا شلون نسيت خرب حضي
- ديلا بلا باع ذني هسة اني خل اذكر غداي انوب اذكر تمار
- شمم انتي مانعتب عليج عقلج ؏ كدج ، المهم اني جبتله هديه
- اني رايحه اقطه هم تعتبر هديه
- اكلي نعل ، وانتي بيان
- خيه اني ادبرها بعدين هسة مامشتريه
- بكيفج
- علمود هاي صحتيلي امداج ماتدرين اني البارحه حلمت بعيد ميلاده وجبتله هديه
- واوو شهالمعجزه
- انجبي شوكت تنطينه
- هسة امشن
طلعنه يم باب المطبخ وبقينه واكفات
- شنكول
- خلنها على شمم الشمومه
- تفضلي
مشيت يمهم وحجيت
- احمم ، يكولون اليوم ميلاد ابو هاشم كل عام وانتَ بخير عمي
- ايباه شو احسه من وره خشمج
- ديلا مو زين عايدتك
اجت رنيم باسته وانطته هديه واني طلعت الهديه
الي هي قميص وصيت اسير يجيبه
- هاك
- واصله هديتج
- ماتريدها؟ عادي اگصه ويصير فستان لشذن يجنن
- جيبي يابه انعم الله
- اخذه بالعافيييه
- اعترفي اذا راح تذليني هسة اذبه
- شنو اني اذل ولا توقعتهة منك كسرت گلبي
- اي عبالي
- هاي اللمه يرادلها مصور
گالها عزيز وجاوبه امير
- اني جهازي ايفون كامرته زينه
- اي كوم صورنه
كام يريد يصورر واحنه عدلنه كعدتنه
اني يمي اسير حاط بحضنه شمس وشذن..
كال ابتسموا واني انهديت بالضحك
- ترا كلت ابتسموا مو تموتين ضحك
- احم اي صور
صورنه اكثر من صوره طلعن كلش حلوات
- شنيهاي عمي طلعت خوش مصور
- اعجبك ضلعي
- بس كون نسحبهن
- انطوني فلوس واسحبلكم
- بطلنه
- هسة اني منو يصورني
- جيب اني اصوركم
- ماريدج تعاي بيان
- انننن مو مال احترام
انطه الفون لبيان صورتهم هو وليال...
اذن صلينه وصبينه العشة
وكلنه متجمعين عالسفره الي يسولف والي ياكل بسكته دعيت ربي يحفضهم
خلصنه عشة ورجعنه للبيت
راسي صاير طبل نومت البنات ونمت...
يوم 27 اكتوبر الوضع ببغداد متأزم وتحديدا بالتحرير
كعدت الفجر على صوت طكطگه واسير يحجي بالفون
فتحت عيوني بملل شفته ديبدل
- شكوو
- ماكو شي اني طالع
- ياا ويين
- شغل شغلل
- اسسييير يا شغل الساعه بالخمسه
- لا اله الا الله ياببهه امييرر المطيي اميير طالع مضاهرات متصووب
- عزااا بعيينني ويينهه هسةة
- بالمستتشفى راح اروحله
- تمامم بس طمنيي
- انشالله
طلع اسير واني ايدي على كلبي مادري شأسوي
مرت ساعه واني افتر ماكعدت
خابرني تمار
- شمم اسيير وينن
- بالمستشفى ليش
- هيج هيج روحي كعدي ايسر وخل يجيني
- وين يجي؟
- بس كليله ماعليج
- اوكِ
سديته منه ورحت لغرفه ايسر دكيت الباب فتحتلي فناء
- ها شمم
- ايسر موجود؟
- طلع
- خرب وين
- راح لأسير
- اهو شلون دوخه هاي اكلج ماعرفتي شي عن امير
- لا والله خايفه يصيرلهم شي
- هفف الله يستر
- عمتي درت؟
- مادري امشي ننزل
نزلنه للهول عمي وعمتي كاعدين والوضع طبيعي يعني مايدرون
نزلت البنات لجوه وكعدت
صارت بـ8 اجه تمار وجايب امي وبيان وليال
جرني لبره
- خو ما حجيتي شي
- لاا شلونه امير
- ماادري
- وجهك مايطمن الله يستر
طبينه لجوه والنظرات صارت علينه كالت عمتي
- اكو شي؟
- لاا
- تمار احجي اشو مامرتاحه
- ليش عمه سامعه شي؟
- اريد اسمع منك
- طمني بالج ماكو شي،عمي اريد احاجيك
- احجي هناا ماكو غريب
هنا صارت الانضار كلها على تمار منتضرين يحجي
- امير متصوب وهسة بالمستشفى
- عزااا بعيينني ييمهه ابنييي
- شلون اتصوب شمسوي؟!!
- اخذننييي اله اريدد اشوفه
بين كل الموجودين ركزت على ليال اريد اشوف ردة فعلها
من كال امير متصوب فتحت عيونها ؏ وسعهن بقت صافنه وذبت روحها بالكاع وكأنو رجليهة ميحملنهة
ركضت يمهة اصيح ليال وهي كاعده بالكاع وصافنه!
وبدت دموعها تجري
- مات مو !!
- لا لا مابي شي
- شلون شلون تصوبب
- رايح للمضاهرات
- موو كتتتله لاا تروح يكلي واذا متتت منو حينقهر
شمم خايفه يمووت اني اني تعاركت وياه اخر مره
- يولي لا تهلوسين مابي شي
اجتها عمتي جرتها من يمي وكامت تصيح
- امير راح يرجع وتتزوجون فاهمه
- عمه عوفيهااا
- بس خل افهمها ماتبقه تعاندد هسة يرجع امير ونسويلهم مهر
- اي اي سويلهم
جانت عمتي بحالة صدمه او حاسه انو هو مابي شي
عافتها وراحت
كعدتها عالتخم وانطيتهة مي
بيان هم كاعده تبجي وامي تهديها
وبقينه مانعرف شنسوي
دعيت الله يشافي امير تعبت مااريد افقد احد بعد ..
فناء تسكت بالزعاطيط كامو يبجون عالواهس
بقينه على هذا الحال للعصر كلبنه نار نخابر الولد محد يجاوب
طلعت عمتي صاحت بينه
خير شعدجن كالبات الخلقه امير بطل كلشي مابي
يلا كومن
وانتي لويله حسابج بعدين...
مسحت دموعهة وحجت
- شمسويه اني
- لا مامسويه شي بس مرمرتي الولد لمن شرد منج
- ياا
- وجعا
صبينه غده اكلنه شويه والباقي للجهال
قبل السته اجو تمار وعمي كلنه ركضنه عليهم
- ها بشروا
امير اصابته مو خطيره وهسة صار احسن بس بعده ماكاعد
عمي كال هيج وليال شگت الحلك
همست
- ها ولج تسوين روحج ماتحبينه واليوم ردتي تموتين الا شويه
- ماعليج
- طاح حضج
- حضروله غيارات خل ياخذهن تمار
كالت عمتي
- اي هسة ليال تجيبله وخزرتها
صعدت ليال جابت ملابس وانطتهن لتمار...
- شوكت يطلعو؟
- باجر انشالله
- اسويله شوربه شو شني
- مايحتاج
- زين خل اروحله
- وين ترحين عمه الدنيه مكلويه هناك ، يلا اني رايح
- الله وياك
طلع تمار واحنه ارتاحينه كال عمي سوو عشه
سون البنات واني بقيت كاعده
تعبت مااكدر اوكف
تعشينه وصعدت لغرفتي ميته نعاس
عفت البنات يم امس واجيت انام
لكيت اسير مخابرني
- هاا حبيبي
- شلونج
- الحمدلله وانتَ
- تعباان
- وين كاعد؟
- بره يم المستشفى
- دتدخن مو؟
- ايـي
- ليش هيج اسير
- ماادري
- تعال ارتاح مو هناك ايسر وتمار
- لا تمار رجع ومااكدر اعوف ايسر وحده
- هههف هو امير شلونه ماكعد؟
- كعد ورجع نام
- الحمدلله ، انتَ روح نام
- رايح
- تصبح ؏ خير حبيبي
- انتي الخير
سديته منه ونمت
ثاني يوم الصبح
لكيت عمتي وامي والبنات مامخليات شي مامسوياته
للعصر جابوا امير وذبحوله ذبيحه على سلامته
كعدوا بغرفة عمي وكلنه تجمعنه يمه
حاط ايده بـ حامله مال ايد ومتمدد عالجربايه
جان ماله خلك من بقينه نحجي وياه رجع يسولف ويضحك
بنين اجت تحمدتله بالسلامه وراحت ولا عبالك اخته!
اما بيان بقت حاضنته من ايده الثانيه وتبجي
لحد ماجرها تمار..
صعدت لـ اسير لگيته يريد ينام عفته ونزلت يمهم
سألت امير بضحك
- بربك شحسيت من تصوبت ما خفت تموت
- الي فاقد وطن مايخاف من شي حتى لو مات ، لأن فاقد اعز شي عنده
- لك عاش ، عاش العراق
- سخيفه
- فوك مااريد اضحكّم
- ضميها الج ام شبر ونص
- يا وين الشبر دشوف طولي شحلاته
- لا قصدي ؏ ابنج شبر ونص
- ياا والله احلى من اسمك
ليال جانت كاعده بعيد عنه دفعتها عمتي اله
- تعاي ليال
- هاا
- كعدي يمي
- اا اي
كعدت يمه واني فضولي دفعني اراقبهم
امير بقه يسولف ويحاول مايباوع ؏ ليال
وكل ماتلتقي عيونهم يباوعون بنضرة حُب ويبتسمون...
-----
- فدوه اسورري اخذني
- مستحيل
- الله يخليييك
- ابد ماكو
- لخاطري لخاطر بناتك
- ويين اخذج ماتشوفييين الدننننيه مكلوووبه
هننناك
- اسييير
- اخاف عليكم والله
- ميصير شي ساعه ونرجع
- وشمدريج هاي الساعه ماحيصير بيها كارثه
- اهوو ليش تعظم الامور، فدوه اخذني بقت بنفسي اروح للتحرير
- شتنطيني
- كلشيي تريده
- ماشي باجر اخذج
- الله عليك احلف
- وربي
- احبببك
- ههههههه اذا هيج انوب يوميه اخذج
- شوكت نروح
- الصبح احسن
- تمام بس طلب اخير
- خير انشالله
- ناخذ البنات ويانه
- ايباخ عود ليش
- هيج مادري
- اخذي بس شمس
- لييش
- شذن صغيره ووكحه بس شمس هادئه
- اوكِ
- خل انام
- اي نام
- وانتي
- بس احضر ملابسي
- ديلا تصبحين على خير
- انتَ الخير
حضرت ملابسي وملابس لأسير وشمس وتمددت اريد انام..
حيل متحمسه اروح للتحرير من اشوف المضاهرات والي يطلعون صارت امنيتي اروح وباجر راح تتحقق بفضل اسير الله لا يحرمني منه...
ثاني يوم وبـ تاريخ 2019/11/1
كعدت من الصبح حتى اخلص من وكت وماتصير لأسير حجه ويبطل
كويت الملابس وسويت ريوك للكُل
تريگنه كلنه وصعدت ابدل
اخذت شمس لبستها فستان ابيض واسود
وطبيت للحمام لبست فستان مقفل احمر بأسود وشال زيتوني
طلعت من الحمام لكيت اسير شايل شمس ومنتضرني
- هههههههه هاي شطالعه
- شبيه؟
- عبالك بطه بعلم العراق
- ياااا والله ابجي
- لا يابه اتشاقه تخبلين اصلا
- الله عليك حلو لو لا؟
- حلوو والله امشي
طلعنه بالسياره والطريق ملل
- شسالفه اسير ماتشغل اغنيه
- ششغل خلينه هيج
- لا والله ضوجه حتى الطلعه مالهة طعم
- ماعندي اغاني
- اني حشغل
- بكيفج بس نصي
فتحت فوني طلعت اغنية عالمضاهرات توها نازله
"احنه البيكيسي"
وشموسه بقت تردح بالسياره
- مو كتلج نصي
- بربك بس هالمره خل نتونس
- اخ منج
وصلنه للساحة التحرير واخيرا
الاجواء جانت تجنن
الخيم والاكل بكل مكان والي بالساحه عبالك اخوان مو هنا متعرفين ساحة التحرير وطن صغير
جانت اكو اعتصامات طلابيه والكل لازم لافتات ويهتفون
اكثر جمله سمعتها "اخوان سنه وشيعه هذا الوطن منبيعه"
مشينه مسافه وشمس اشرت على نصب الحريه كاللها اسير
- بابا انتي شمس التحرير
وكفنه مقابيل المطعم التركي واحنه متلازمين وشمس شايلها اسير
- خل نصعد
- شمم تأدبي
- حباب
- طلبتي هواي وكتلج تم بعد ماكو
- ههفف
- لا تأفأفين بطنج شكبرها شيصعدج
- ايي
درت وجهي ورجعت التفتت على اسير
- اگلك اسير
- كولي ام شمس
- چا غير احبك
- احبچ بگد العراق وشُهدائه ...
النهاية
---------
بدأت 2020/8/1
انتهت2020/11/1
نصيحۿ : ﻼ تستلمون مـِن اول وگعه ابقوا حاربوا حَــتى توصلون للشي الي تريدوا ماكو شي يجي بسهوله..
ابد لتوگفون حياتكم على احد الدنيا متوگف على احد ، شگد خسرتوا اٌللـه حيعوضكم..
#الصبر ،لازم يكون عندكم صَبر بكُلشي ويصير عندكم #امل بالحياه الشي الي يجي بصعوبه وبتعبك احلى مـِن ميجي بـ سهوله!
كُل لحظه تمر مـِن عمركم محسوبه عليكم اٌللـه انطانه نعمه العقل حَــتى نفكر بي فكروا بي عدل و الگوا شي تسووا بدل ما يومكم فارغ..
العمر يمشي..
تحياتي هُدى