وفي هاد الحين كان واحد من المارة واللي من رجال الألكسندر جبد المسدس وصوبو نيشان جيهة الگوفيرن وضغط على الزناد بقوة.. بينما الگوڤيرن كان باقي كايشوف فيها بحب حتى حس برصاصة اختارقت الجسد ديالو على إثرها حس بالألم الشديد أما إيناس صفارت بالصدمة وقالت بخوف:
_فااااااهد.. فااااهد
بدات كتسمع صوت الرصاص كيتعالا وهي كترعد بالخلعة والصدمة وهي كتشوف الحبيب ديالها بدا كاينزف بالدم.. أما بالنسبة للكارد دياول الگوڤيرن كانو قوسو على هداك الراجل وبداو كيقتلو في الأخرين واخا تلفو ليهم مع مخلطين ليهم مع المارة اللي كيجريو بالخلعة.. لكن مني دخلو السيارات الحمراء ديال الألكسندر قداو عليهم وتالفوهم..
وفي هاد الأثناء كان الگوڤيرن طاح الأرض وهو كينزف بالدم من جنب كرسو وكيحس بالألم الشديد وإيناس حداه كتغوت وتندب وتقول:
_لااااا.. فااهد الله يخليك متمشيش وتخليني الله يخليك..!! هييئ
أما الگوڤيرن كيحس بالألم وروحو غتخرج من بلاصتها وقال غير بزز موجه للهضرة ليها:
_سيري هربي وردي لبال لراسك..
_لاااء.. هئ هئ لااا منخليكش ونمشي افاهد منقدرش نعيش بلابيك.. الله يخليك مديرش بحال هكااا.. هئ هئ..
ابتسم ابتسامة طفيفة وقال:
_عندك تنساي بلي غنبقا ديما جنبك.. وخاصك تعرفي بلي أناا كنب..
لكن قبل مايكملها كان وقف ستيفن بكل شر وتمختر وشد ليها من شعرها بقوة ووقفها.. وهي غير كاتغوت دورت راسها وشافت فيه وهنا تجمد ليها لما في لركابي.. ضحك ستيفن بشر وقال:
_هههههه.. دابا هادي هي اللي خالعانا..
شافت فيه بخوف وقالت بالإيطالية:
_طلاااااق مني طلاااق..
زاد زير عليها وقال موجهه كلامو لگوڤيرنور:
_دابا هاد الزوينة ولات ديالي امسيو الگوڤيرنور..
شاف فيه الگوڤيرن بغضب وهو كيتألم وقال:
_ط ط ل ق من ها..
لكن ستيڤن زاد ضحك أكثر وجرها معاه وهي غير كاتغوت:
_طللق منيي.. لاااا فاااهد
هز فهد ايدو وهو كيشوف غير ضبابة وقال:
_ل لااا.. ط ل ق من ها...
ثم فقد الوعي ديالو بشكل كامل.. في حين إيناس حطو ليها مخدر على نيفها حتى سخفت وخشاوها في اللوطو وكسيراو..
بعد مرور أربع ساعات
في أكبر مستشفى في مدينة روما وفي الممر اللي أمام غرفة العمليات كان إدوارد كيمشي ويجي بخوف على الصديق ديالو اللي مني ساق الخبار جا في أول طيارة من باريس لإيطاليا.. والخالة سوزن جالسة في الأرض وكتبكي بحرقة على ولدها وكطلب الله يولي بيخير.. ميمكنش ليها تعيش إلا وقعات ليه شيحاجة وهي عاد تجمع شملها معاه.. مدة خرج الدكتور من غرفة العمليات ومشا إدوارد وسوزن عندو بسرعة وقال إدوارد بخوف وتهاتف:
_دكتور.. أش وقع واش هو بيخير..؟
قالت سوزن وهي دموعها سايلين بحرقة على خدودها:
_الله يخليك ادكتور لما قوليا شي خبر مطمأن هئ
شاف فيهم دكتور وقال بابتسامة:
_الحمد الله نجحت العملية بصعوبة ولكن تجاوز مرحلة الخطر.. ودابا غادي نقلوه للغرفة ديالو حتى يفيق ويمكن ليكم تشوفوه..
ابتسم إدوراد بفرح وسوزن وهما كيرددو الحمد الله..
بدات كتحل عينيها بثثاقل وكتحس بدنيا كدور عليها.. فتحت عينيها وبدات كتفكر أشنو وقع وفين هي حتى تفكرت فاهد وهي تنوض بسرعة لكن لقات راسها فوق ناموسية ديال بيت كبير وايدها مشدودة بالأصفاد من جهة وحدة.. معرفت باش تبلات.. بدات كتحاول تفكهم وهي كتغوت بالجهد وكتفكر في فاهد اللي كان غارق وسط دمو:
_عتقووووني.. شي واااحد يخرجنيي من هناااا..
لكن كل محاولاتها باءت بالفشل.. للحظة تفتح باب الغرفة ودخل منو الألكسندر ومن وراه ستيفن مع القليل من الكارد وهوما راسمين ابتسامات مكر على وجوههم.. وهي غير حالة فمها من الصدمة والخوف عاد مسيطر عليها بشكل كامل.. قرب حداها الألكسندر وقال بشر:
_وااااو.. أش هاد الجمال المشاغب..
قرب ستيڤن أيضا وقال بمكر:
_بان ليا غادي نستمتعو مع هاد المشاغبة..
سرطت ريقها من الخوف وقالت برعدة:
_أشنو باغين مني خليوني نمشي فحالي..
وسع الألكسندر ابتسامتو وقال:
_قتلتي 54 راجل من رجالي باحترافية.. أش هاد القوة.. وهاكر خطير من الفوق.. نتي يوخاف منك..
قرب ستيڤن وقال بمكر:
_ولكن كتبقا مرأة سخيفة ضعيفة.. أشنو بان ليك ابابا.. غادي تجيب لينا رباح كثير إلى خدمناها مع نساء الدعارة..
بادلو الألكسندر الإبتسامة وقال:
_أشنو بان بالوزير ليوم.. غادي يدفع لينا ثمن خيالي.. حيث باغي وحدة عذراء..
_أوكييي...
أما واحد إيناس صفارت وخضارت وكاع ألوان قوز قزح دازو منها.. وهي كتسمع ليهم كيقولو غيعطيوها للوزير.. غوتت بحر جهدها وقالت:
_سير الله ياخد فيكم الحق.. هئ هئ خليوني نمشي فحالي.. آآآآآآآ.. هيئ هئ..
حتى عصبتهم بجوج وهز الألكسندر ايدو وضربها حتى جات مقلوبة.. وهو كيقول بغضب:
_سكتي ا الكلبة..
وتساحبيها داتها فيه.. گلبتها دارجة وگعدت تقول:
_هئ تعااالي املييكة شوفيي بنتك فين وصلت هئ هئ.. فاااااااهد.. الله يخليك عتقنييي..
أما الأخرين بقاو غير حالين فامهم من الدهشة ديال هاد اللغة اللي غريبة بالنسبة ليهم..
دربو الدورة وخرجو متوجهين للخارج مخلين الأنسة تعوگ بالبكا والنواح.. مدة كانو دخلو مجموعة ديال البنات وفي ايدهم ليساك ونصهم داير كي شيخات كينضغو في المسكة متوجهين عندها..
بدا كيفتح عينيه بثثاقل وجات في فمو كلمة وحدة وهو كيردد بيها:
_إيناس.. إيناس..
كانت الأم ديالو گالسة حداه ومني شافتو حل عينيه ناضت بسرعة كانت تنادي لطبيب.. مدة كان دخل بالرفقة ديال إدوارد.. طلب منهم يخرجو عاد دار ليه شي علاجات بساط وبدل ليه السيروم.. عاد خرج عندهم وقال باهتمام:
_الله يخليكم المريض باقي عيان وخاصو الراحة أكثر.. ومن الصباح وهو كينادي بهاد الإسم ديال إيناس.. من الأحسن يحضر صاحب هاد الإسم..
قالها ثم دار ومشا.. في حين إدوارد دار عند سوزن وقال:
_فين إينااس اخالتي..
_جاوباتو سوزن بأسى وقالت:
_معرفتش اولدي من الصباح وهي غابرة..
بانت على ملامحو الصدمة ودار بسرعة فتح الباب ديال الغرفة.. ودخل عند الگوڤيرن اللي كان كيحس بدوخة وضبابة على عينيه ووجهو شاحب شاف فيه إدوارد بصدمة وقال:
_ الگوڤيرنور فين إيناس..؟
هضر الگوڤيرنور وهو حاس بالألم الشديد:
_الأ ل كسن در.. خ خطفها..
حل إدوارد عينيه من الصدمة وقال:
_إذن خلينا نهجمو عليهم في المقر ديالهم..
جاوبو الگوڤيرن بلا وقال:
_خاصني نمشي نعتقها..
قاطعو إدوارد وقال:
_ولكن نتا راك باقي عيان وياله داير العملية غير عطيني التعليمات وأنا ننفد..
_لا أنا اللي غانمشي.. وجد عدد كبير من الرجال والأسلحة وياله نمشيو نجيبوها ونقضيو على داك الحقير..
جاوبو إدوارد بقلة حيلة وقال:
_واخا كن هاني من هنا الساعة غنوجد كلشي..
قالها ثم دار خارج في نفس اللحظة كانت داخلة سوزن وهي كتبكي بالخلعة.. وصلات عندو وشدت ليه في ايدو وقالت:
_ولدي فهد كي وليتي..
ابتاسم ليها وخدا ايدها لعندو قبلها بحرارة وقال:
_متخافيش الحبيبة أنا بيخير..
_الحمد الله ياربي الحمد الله اللي نجاك من هاد المجرمين..
زير على ايدها وقال:
_ماما الحبيبة الله يخليك سيري للدار.. حياتك معرضة للخطر.. وإيناس أكيد محتاجة ليا دابا..
شافت فيه بصدمة وقالت:
_علاش فيناهيا إيناس..؟
_خطفوها دوك المجرمين وخاصني ضروري نعتقها..
حركت راسها بلا وقالت:
_نتا باقي عيان حتى ترتاح اولدي وها إدوارد كاين هو اللي غادي يتكلف..
_لا اماما أنا اللي غادي نعتقها حيث دابا حياتها هي حياتي..
شدت البكية وقالت:
_واش كتبغيها اولدي..
ابتاسم وقال:
_اه اماما.. كنبغيها كثر متصوري..
ضحكت سوزن وقالت:
_ولكن رد البال لراسك اولدي راك باقي عيان..!!.
قالتها وناضت خارجة مخلياه يرتاح...
بينما هو دغيا حول الملامح ديالو للصرامة..
دوك العيالات كاملين جاو باش يصاوبو ليها الماكياج.. في اللول مبغاتش ترصا ليهم.. واضطدرو يربطوها من رجليها وايديها فوق الناموسية وحيدو ليها حوايجها كاملين وبداو كيمسحو ليها جسمها كامل وهي غير كتغوت وتسب بالدارجة من السمطة لتحت.. وهوما مساكن غير كيبقللو في عينيهم مفاهمين والو.. حتى كملو وبداو كيحدو ليها الشعيرات من الفرج ديالها وهي كتركل ليهم بزز باش رصات ودموعها سايلين.. حتى كتبان ليها وحدة من هادوك حطت شفرة حادة وصغييرة حداها.. بسرعة استغلت الوضع وتحركت جاراها تحت رجليها مخبياها بينما هوما ماداو مجابو.. خدامين.. حتى سالاو ليها وفكو ليها ايدها ورجليها باش يلبسوها ويديرو ليها الماكياج.. هنا استغلت الفرصة وهزت الشفرة من تحت فخضها نقاتها بايدها وخشاتها تحت لسانها باش مايشوفوهاش.. ناوضوها قدام المرايا.. وبداو كيقادو ليها الماكياج في وجهها.. وهي ساكتة استغربو منها لكن گاليك الله يحفظك من الساكت إلا دوا.. دارو ستة كيلو في وجهها وقادو ليها شعرها وعاد لبسوها كسوة حمرة المعري كثر من المغطي.. بسرعة جبدت الشفرة وخشاتها بين الثنايا ديال الستيان.. عاد بداو يديرو ليها في المجوهرات الخفاف.. حتى وصلو لودنها وهي تفكر باللي واعداتو مغاتحيدش الأقراط من وذنها هزت ايدها وحبستهم بيها وهي كاتقول بترجي:
_الله يخليك غير خليهم هادو غالين على قلبي..
ميقت فيها وقالت بسخرية وهي كطرطق المسكة:
_هوما في الحقيقة زوينين ولكن خاصنا نحيدوهم
خرجت فيها إيناس عينيها وقالت بغضب:
_شوفي راه والله وحيدتيهم حتى نشرك هاد الكسوة ونخسر هاد الماكياج.. وديك الساعة مني يجيو يلقاوكم مدايرينش خدمتكم ترحمو على رواحكم...
شافو في بعضياتهم بخوف وحركت ليها راسها باه وقالت:
_أوكي..
بينما إيناس ابتاسمت بشر وهي كترعد بالخلعة..
قدام المستشفى.. كان الجيش ديال لكارد واقف قدام السبيطار بسيارتهم السوداء والأسلحة الممتلئة ديالهم.. خارج الگوڤيرن بكل هيبة من البوابة وحواجبو منقضة مع بعض حيث هو دابا رجل عصابة ماشي فهد ومن وراه إدوارد.. بعد مقال لطبيب يدگ ليه برا متخليهش يحس بالألم ديال الجرحة واخا هادشي خطير عليه لكن حياة حبيبتو أهم.. ركب إدوارد في السيارة وحداه الگوڤيرن كسيرا إدوارد بقوة ومن وراه عدد لايحصى من السيارات السوداء..
شاف إدوارد في الگوڤيرن وهو كايسوق بايديه المحملة بالقفازات الجلدية السوداء وقال بتساؤل:
_باش عرفتيها كاينا هنا..
ابتسم الگوڤيرن بشر وقال:
_درت ليها GPS في الأقراط اللي عطيتها.. كنتمنى مايحدوهمش ليها..
بادلو نفس الإبتسامة وكمل الطريق متاجه للمكان..
دخل ستيفن من الباب ديال الغرفة اللي فيها إيناس بكل جعرفة وتكبر والإبتسامة الجانبية مكاتفرقش وجهو.. وهاد الأخيرة كانت گالسة في الناموسية ومكمشة خايفة من هاد المجرم.. وقف قدامها وقال بسخرية وهو كيهبطها وينزلها:
_واااو.. أش هاد الجمال.. كن مكنتش غانعطيك للوزير كن بديت بيك أنا الأول..
تكمشت بخوف وقالت بثوثر:
_ب بعد مني المجرم..
وسع ابتسامتو وشدها من شعرها وتم جارها خارج بيها وهي غير كتركل وتغوت.. خرجها من المكان اللي كان منزل قريب لبحر.. خرجها برا وتما كان أسطول ديال السيارات الحمراء وسيارة ليموزين بيضة كتقدمهم.. جرها بعنف وركبها في ليموزين.. وكلس حداها وتحركت موجهة للمكان للمجهول..
كان الگوڤيرن جالس جنب إدوارد متجهين للمنزل اللي في جنب البحر.. حتى جاه ترقب بأن جهاز GPS كيتحرك.. قال بحواجب منقضة:
_الإشارة كتعطيني إتجاه خارج فوجيا..
شاف فيه إدوارد باستغراب وقال:
_زعما تكون باقا دايراهم..
_معرفتش.. رسل الرجال يتفقدو للمكان وحنا خلينا نتبعو للإشارة حيث متأكد باقا دايراهم هي واعدتني أنها عمرها غتحيدهم..
شاف فيه باستغراب من كلامو وكمل السواق متبع لمكان..
مدة كانو وصلو لقصر كبير جا في غابة بعيدة على المدينة بأمياال.. وقفو السيارات مصافين.. ونزل ستيڤن جار معاه الأنسة إيناس وهي غير كاتغوت وتبكي.. جارها كيف العادة من شعرها وعاد لاحضت شكل المكان كان السيارات بكثرة والأضواء مسلطة في الجردة مع ظلام الحال.. وكانو بزاف ديال الطوابل والمشروبات المتنوعة.. كأنه شي حفل ضخم.. دخلها من البوابة ديال القصر.. في الداخل كان مكان عادي مطوق بالكارد والخدمات كيديرو عملهم.. طلعها من الدروج بنفس الطريقة غادي بيها الفوق.. مدة كان وصل لفوق.. كان مكان غير هاد المرة ماشي عادي كانت ساحة كبيرة ومجهزة بحال البار والرجال الأغنياء گالسين في الفوطويات ودايرين بيهم العاهرات كيتلمسو فيهم.. وريحة الشراب العفنة والسجائر في كل مكان.. وفي جلسة من جلسات الفوطويات كان گالس الألكسندر بكل هيبة ورجل فوق الرجل ومفطح على الفوطوي وايد فيها السيجارة وايد فيها المشروب.. وحداه جالسة عاهرة من الدرجة الأولى وكتلمس فيه.. وجالس معاه رجال أغنياء والوزير وحتى هو رجل غني.. وقف ستيڤن وفي ايدو إيناس قدام الألكسندر في حين هاد الأخير ابتسم بشر وقال موجه كلامو للوزير:
_هاهاهاه..مسيو الوزير أحسن معندنا من الجمال..
رفع الوزير عينو في إيناس كيهبطها ويطلعها وهي كتألم وتنخصص وكاتشوف في الوزير بخوف.. بينما الوزير ابتاسم بشر وقال:
_ههه.. بصااح.. عجبتني.. يعني المبلغ اللي قدمت مايغيمشيش في الخوا.. ديها لبيت حتى نسالي ونجي عندها..
وسع ستيڤن ابتسامتو وجرها معاه للبيت.. في حين هي عينيها محلولين من الصدمة ديال داكشي اللي سمعت يعني هادي اللخرة ليها.. حتى فهد اللي تبغيه ينقدها مابقات عارفاتو حي ولاعايش..
مدة كان وصلها قدام الغرفة حلها ودخلها بالجهد حتى طاحت وسد الباب.. وهي غير كتنخصص حتى سمعاتو من ورا الباب كيقول للكارد اللي واقفين عند باب الغرفة ديالها:
_ردو البال هادي راها جنية.. وإلى كثرو الضياف زيدو البنات من القبو لتحت..
سمعت القبو التحت وتفكرت نهار تفرجت في الڤيديو كانو جايبين نساء ورابطينهم.. أكيد دابا غادي يكونو حابسينهم حتى يخدموهم في العهر..
مسحت دموعها وجمعت رجليها كتنخصص بخوف.. بينما ستيڤن كان وصل وجلس شاركهم الجلسة حتى جا النادل بسرعة قدم ليه المشروب والسيجارة وجات عاهرة حداه كتلوى وهو الإبتسامة الماكرة مكاتفارقش وجهو.. حتى بان ليه الوزير ناض متوجه للغرفة اللي فيها إيناس.. وسع ابتسامتو ورشف من مشروبو..
كانت جالسة جامعة رجليها وكتبكي في صمت وهي كاتشوف راسها كيفاش كانت ديك البنت العادية كتقرا في لافاك.. بحال أي مواطنة مغربية حتى ولات وسط أخطر رجال المافيا في إيطاليا.. قاطع تفكيرها دخول شخص من الباب.. رفعت راسها وهي كاتشوف رجل خمسيني أشقر وداير النظارات واقف وكيشوف فيها بشهوة.. سد الباب وتقدم عندها وهي جامعة رجليها وحالة عينيها من الخوف والهلع.. قال بابتسامة جانبية:
_أش هاد الجمال..؟!!
خرجت فيه عينيها وزادت وسعتهم مني شافتو كيحل في صدافي القاميجة ديالو.. بدات كترعد وقالت بهستيرية:
_ل لا الله يخليك.. هوما ر اهم خاطفيني.. يعني أنا هنا ب بزز م ني.. الله يخليك مديرهاش..
كانت كتسناه يشفق عليها.. لكن هوا امزاد ضحك وقال بسخرية:
_ههاااه.. عارف احبيبة خاطفينك ونتي هنا بزز منك.. هاهاهاه..
كانت بغاتو يشفق عليها.. لكن دابا غير يدبر راسو.. غمضت عينيها كتسجمع القوى ديالها.. وهي مقررة أنها غادي توريعم واحد الوجه عمرهم شافوهم
أكيد عرفتو إنا وجه 😈
يتبع...