كان الجو مشحون بالصمت حتى قالت إيناس بهدوء:
_علااش مقلتيش ليا هاد الأوطيل ديالك..
ابتسم وقال:
_ماشي مهم.. واش ضروري تعرفي..؟
جاوباتو بثوثر وقالت:
_ل لا ماشي ضروري.. غير الفضول وصاافي..
وسع ابتسامتو وضحك في خاطرو على المشاغبة المجنونة اللي جنناتو أيضا.. بعد مدة وقف سيارة قدام واحد المول ديال الحوايج كبير.. وقال بهدوء وابتسامة مرسومة على الشفاه ديالو مكاتفارقوش:
_ياله نزلي..
بلا ماتقول والو نزلت من اللوطو ووقفت حتى جا حداه ووقف وقال بفرح:
_أجي ندخلو وشري اللي بغيتي..
شافت فيه بدهشة وقالت:
_ولكن أنا ممحتاجة والو..
قرب حداها حتى حس بيها ثوثرت وقال:
_واخاا هكاك.. غير أجي على قبلي..
حركت راسها باه والخجل مسيطر عليها كليا لكن اللي زاد كمل عليها وخلا خدودها يرجعو حمرين بحال مطيشة مني تمسك ليها بخسرها وجرها معاه لداخل المول وهي قلبها غايخرج بالخفقان حتى لبغات تحيد ليه ايدو حاكمها.. مدة كانو وسط المول ومن وراهم الگارد منتاشرين في الأنحاء ديال المول مقدمين الحماية وكيجلبو الإنتباه في نفس الوقت.. دخل الگوڤيرن بيها لأحد الأماكن ديال فساتين البنات بجميع الأشكال والألوان.. على إثرها خرجو القلوبة من عينيها واخا مكتحملش الكساوي لكن مني جربتهم وجاو مع تضاريس جسمها والأنوثة ديالها.. ولاو عزازين عليها قررت غادي تلجأ ليهم من هنا لقدام.. طلق من خصرها وخلاها تختار على خاطرها.. وهو متبعها بعينيه على كل حركة كديرها وكاتهتز على إثرها بعض معالم جسمها.. وحتى حركات وجهها الطفولية اللي كادير من الإزعاج ولا الإعجاب ومقابل حتى شفايفها اللي كل مرة كيتحركو معاها وهو كايتفكر كيفاش كانت مستسلمة ليه في القبلة ديال البارح كليا وكتحاول تجاوب معاه.. هادشي كايعني بأنها معجبة بيه أيضا.. مدة كانت ختارت عدد قليل من الفساتين قيستهم عاد خداتهم.. وهكداك أيضا بالنسبة لأحذية وبعض التوشيات البساط.. عاد خلصو وتمو خارجين بعد ماعطاو الأكياس لكارد يحملوهم.. وكيف قبيلة متمسك في خصرها وحاكمها خايفها لتهرب ليه.. وهوما في طريقهم لبوابة حتى كتلمح إيناس شي حاجة اللي كتحمقها وكاتموت عليها.. توقفت على إثرها.. بينما الگوڤيرن دور راسو لعندها باستغراب لتوقفها.. وقال بتساؤل:
_مالكي..؟
عاد دور راسو شاف فين كتشوف وضحك على إثرها حيث كانت حاضية لمحل ديال القفازات بجميع الألوان والأشكال الرائعة عرفها غتكون كتحماق عليهم حيث هي هاكر.. ثم قال بابتسامة:
_واش كايعجبوك.. أجي نشريوهم..
لكن قاطعاتو وقالت باعتراض:
_لاا لا.. مكاين لاش..
_صافي سكتي وأجي نشريوهم..
جرها معاه حتى لهداك المحل.. وخلاها كتعزل في الليكات بجميع الألوان والشكل اللي كيحمقها.. حتى سالات وخلصوهم عاد خرجو ركبو في السيارة وانطلق للگوڤيرن الوجهة أخرى مجهولة..
مدة كان وقف قدام واحد المطعم كبير ديال الحلال في روما.. كانت ديك الساعة وصلت وقيتة الغدا.. نزلو من اللوطو وكيف العادة خاصو يتمسك بخصرها والكارد كياخدو أماكنهم في بلاصة مطوقينها بالحماية.. خداو طابلة منعزلة وگلسو فيها.. ثم تقدم النادل كيحط من ألذ الأطباق بعد ماختارهم الگوڤيرن على ذوقو وهدا كان طلب من إيناس أكيد.. كان گالس وحاط رجل على رجل بجلستو الرجولية.. وعينو عليها مكتحيدش.. وهي قدامو دامة ايدها من شدة الثوثر والخجل وقلبها كيخفق علاين يخرج من بلاصتو.. تحطو الأطباق قدامها لكن هي مكانتش في هاد العالم غايبة عن الحقيقة.. بينما هو كيبتاسم عايق بيها حشمانة قال بهدوء وهو كيهز الفورشيط ديالو:
_آنسة سناير كولي..
رفعت راسها فيه وحركت راسها باه وسرطت ريقها من الثوثر ثم خدات الفورشيط ونزلت راسها على الطبق كتناولو بهدوء.. أما هو عينو مرة عليها ومرة على الطبق.. مدة كانو سلاو الأكل ديالهم وخرجو من المطعم وكل الأعين عليهم خصوصا أصحاب الحماية كيجلبو الإنتباه.. بعدما خرجو من البوابة ديال المطعم ركبو في السيارة وانطلق بيها مرة أخرى لمكان المجهول..
مدة كانو وصلو لأكبر حديقة ديال الحيوانات في روما.. إيناس حلت فمها بالفرحة وقالت:
_هه.. ياااس الحاجة اللي كنحماق عليها
ابتسم على ردة فعلها ونزلو بجوج من اللوطو ودخلو لهاديك الحديقة الرائعة اللي حمقاتها بشكلها الداخلي.. وأكيد الگوڤيرن خاصو يدير ليها خاطرها ويدورها في أي بلاصة بغاتها.. حتى گاع الحيوانات دازت عليهم وخدات سيلفي باش تبقا ذكرى عندها.. حتى عيات وخرجو راجعين
قربت ظلام الظلمة في أنحاء العاصمة الرائعة روما.. انطلق الگوڤيرن بالسيارة ديالو وبالقرب منو الجميلة ديالو المثوثرة وأكيد من وراه الكثيبة ديالو.. مدة كانو أمام مطعم راقي أمام البحر.. جا المنظر رائع وكيفتح النفوس.. ابتسمت إيناس على إثرها ابتسامة رضا ونزلت بالرفقة من الگوڤيرن اللي خاصو يبقا متمسك بيها وبلا متعتارض أكيد.. دخلو وهاد المرة في طابلة حدا النافدة الزجاجية كطل على البحر.. جلسو وتما تحطت الأطباق مرة أخرى من اختيار الگوڤيرن.. وهما كيتناولوها بهدوء حتى ابتاسم الگوڤيرن وقال:
_عجباتك لبلاصة..؟
حركت راسها باه بابتسامة وقالت:
_اه عجبني بزاف..
حتى هو بادلها الإبتسامة.. مدة سالاو تناول الأطباق.. وكانت ديك الساعة ضلامت الظلمة بشكل كامل.. مدة كان الگوڤيرن وقف كيقاد الفيسط ديالو وكيشوف فيها وقال بهدوء:
_أجي معايا..
ثم مد ليها اليد ديالو.. بينما هي بعد تردد تمسكت باليد ديالو ومشات معاه اتجاه البحر.. لحظة كانو قدام البحر كيتمشاو وكيسمعو لأصوات الأمواج ودايرين بيهم عدد من الليكوبل متمسكين بايد بعض وكيتمشاو.. أما إيناس كانت كاتمشى بجنب الگوڤيرن وطالقها هاد المرة تمشي على راحتها.. وهي كدور عينها في كل مكان وكتشوف في البعض كيهدرو وهوما متمكسين بايد بعض والأخرين كيتبادلو القبل نظرا أن عندهم الأمر عادي في هاد الدولة.. حتى كتحس بالأنامل ديالو كيدخلو بين صباعها بهدوء وكيتحسسو ايدها الرطبة.. حست بالثوثر وقلبها بحال الطبل قريب يخرج.. بينما هو ابتسم لأنه حس بالرعشة اللي طلعت معاها بعدما شد في ايدها.. مدة وهما كيتمشاو حتى وقفت إيناس وتقابلت معاه وايدها باقا في ايدو وقالت بابتسامة:
_شكرا بزااف على هاد النهار..
ابتسم وجاوبها وقال بمكر:
_ماشي بحال هكا كاتكون شكرا..
عقدت حواجبها بتساؤل وقالت بهدوء:
_وكيفاش كتكون..؟
على إثر سوالها حيد ايدو من ايدها وحطها على خصرها وجرها عندو بقوة حتى التصق صدرها مع صدرو.. ثم رفع ايدو الأخرى وخشا أناملو بين خصلات شعرها ورا الرأس ديالها وقبل ماتهضر أولا تقول شي حاجة كان حط شفايفو على شفايفها كيمتصهم بهدوء قبل مايحولها لقبلة عنيفة يلتدد بمداقها.. بينما هي حست بروحها غتخرج وقلبها طاح عند رجليها.. ومبقاتش قادرة تقاوم هاد الإحساس الرائع وهي بين هاد الوحش الوسيم.. هزت ايدها وحطتها على ذراعو بهدوء وغمضت الأعين ديالها ورخات جسمها وبدات كتجاوب معاه في القبلة وهي مستسلمة كليا.. بينما هو ابتسم وسط القبلة ديالو على إثر ردة فعلها وزاد في وثيرة القبلة حتى تحولت لقبلة فرنسية بامتياز.. مدة كان طلقها ونيفو باقي ملاصق مع نيفها وهما كيتفسو في وجوه بعض حتى كتختالط أنفاسهم.. بدون انتضار رجع حط شفايفو مرة أخرى على شفايفها كيسترجع بيهم داك المذاق اللي كيحمقو وكيشتاق ليه كل مرة..
وهما كيتبادلو القبلة الحنينة اللي كتلعب ليهم على الأوثار مع بعض.. حتى كايحس بيها تخنقت وطلقها باش تسترجع التنفس ديالها.. وقبل مايحط شفايفو مرة أخرى كانت دورت وجهها وقالت بثوثر وخجل:
_الله ي يخليك ب براكة..
على إثر كلامها طلقها مخليها على راحتها.. في حين هي دورت وجهها متفادية الشوفة فيه من كثرة الخجل.. حتى من خدودها ولاو شبيهين لجمرة مشتعلة من الفحم.. من بعدها مباشرة توجهت السيارة وهو وراها غير حاضيها.. حتى وقفت عند السيارة.. بينما هو فهمها وفتح ليها وركبت في مكانها ثم قدات السانتوغ وهي مدورة وجهها لجيهة النافدة متفادية الشوفة فيه من شدة الخجل.. حتى هو ركب في المكان ديالو ومن تم انطلق بالسيارة ديالو راجع لفوجيا.. مدة ديال الطريق كانو قدام البوابة ديال القصر.. بعدما جاو من لروما لفوجيا عن طريق الهليكوبتير.. بعد ماوقف اللوطو داخل القصر حلت إيناس السانتوغ وقالت بهدوء:
_تصبح على خير..
رد عليها أيضا بهدوء:
_تصبحي على خير..
ثم فتحت الباب ومن تم مشات للغرفة ديالها باش تنعس بعد مالقات الهدوء في القصر.. يعني كان الوقت متأخر..بينما تكا هو على الكوسان ودار ابتسامة وهو كايتفكر كيفاش كانو منغامسين في هاديك القبلة وكيعبرو فيها على إعجابهم ببعض..
مرور أسبوع
في هاد الأسبوع دازت الأمور عادية بالنسبة لإيناس.. كتقضي النهار كامل برفقة الخالة سوزن اللي العلاقة ديالهم ولات قوية كثر من الأول.. وحتى بالنسبة فاش كتلاقا مع فهد كتحس بالخجل لكن كتظاهر باللامبالاة.. وكتصرف عادي كأنو بحالا حتى حاجة مواقعة بيناتهم وحتى إدوارد مبقاتش شافتو من نهار اللي تلاقات معاه في روما.. وهاد النهار كيف مكيتسمى يوم السبت كان الويكاند بالنسبة لگاع الناس العاملين.. فاقت إيناس على الدقان في الباب.. ناضت بثثاقل وهي باقا مقلوبة نعاس وحتى شعرها طالع في السما وبدات تقاد في حوايجها حتى فتحت الباب وهي تخرج عينيها على وسعهم وأداا بيه كان الگوڤيرنور واقف بكل هيبة وبابتسامة جانبية وهو خاشي ايديه في الجيوبة ديال السروال ومتكي على الجنب ديال الباب قال بصوتو الرجولي الخشن:
_صباح الخير.. ممكن ندخل..!!
بينما هي باقا غير حالة فمها فيه فقالت بعدما رجعت باللور مخلية مساحة باش يدخل:
_تفضل..
دخل الگوڤيرن بخطوات بطيئة وسد الباب.. ثم وقف قدامها بابتسامة وهو حاضي وجهها اللي عاد فايق من النعاس كيفاش كيبان جميل وهو هكدا.. ورموشها اللي طايحين على وجهها.. قال بهدوء وهو حاضي وجهها:
_بغيت ندوي معاك في واحد الموضوع..
حركت ليه راسها زعما كنسمعك.. بينما هو تنهد وقال:
_ليوم أنا معزوم لواحد الحفل مهم.. ومكرهتش كون ترافقيني.. هادشي إلى بغيتي..؟
طولت فيه إيناس الشوفة وهي حاضية عيونو الزرق ووجهو الوسيم وشفايفو اللي كيتحركو مع الكلام وحتى لحيتو المطراسية.. وكتستشق ريحتو اللي كتحماق عليها.. خرجت من أفكارها وقالت بخجل وهي كتشوف فيه:
_وااخا اللي بغيتي..
ابتاسم على إثر موافقتها وقال بهدوء:
_شكرا على الموافقة ديالك.. والفستان غادي يوصلك..
ابتسمت ليه بشكر.. بينما دار ومشا من الباب مخلي ليها الراحة.. بينما هي بعدما سد الباب حست بروحها غتخرج بالحشمة.. مشات جيهة الناموسية وجلست بجنبها وبقات كتفكر في هاد الرجل الوسيم اللي معرفت منين وإنتا تعرفت عليه حتى ولا قلبها كينبض ليه غير هو.. ابتسمت وهي كدلک خدودها بأناملها كتحاول تبردهم..
لحضة كانت نازلة لتحت من الدرج وهي لابسة كسوة بيضة صيفية وشعرها مطلوق على كتافها مع أخر درجة كتبان ليهة سوزن گالسة عند الطابلة ديال الفطور.. ابتسمت وتقدمت عندها حتى وصلت وتكات على ضهرها وقبلت ليها بلطافة وهي كتقول بحب:
_صباح الخير الحبيبة الحنانة..
بادلتها أيضا سوزن الإبتسامة وقالت بفرحة وحب:
_صباح الخير.. احبيبتي الله يرضي ويحفظك من الشر..
ابتسمت إيناس بخجل وقالت:
_أمييين..
ثم گلست وشاركتها الفطور في هدوء.. حتى سمعت أحد الگارد من النساء كتقول بعض ماوصلت عندهم وهي حادرة راسها بطاعة بالإيطالية:
_آنسة إيناس..
رفعت إيناس راسها وقالت بابتسامة بالإيطالية:
_نعاام..
_وصلوك بعض الأكياس من عند مسيو الگوڤيرن.. واش ممكن نطلعوهم للغرفة ديالك..
كان رد إيناس وهي كتقول:
_اه طلعوهم..
امثثلت الكارد لأمرها وطلعو الأكياس في الغرفة ديالها.. بينما سوزن ابتسمت وقالت:
_مزيان مني ولدي فهد قرر يديك معاه لهاد الحفل منها تفوجي غير شوية..
اكتافت إيناس غير حركت راسها باه وبابتسامة خجل.. بعدما سلاو الفطور طلعت إيناس للغرفة ديالها متحمسة تشوف أشنو غادي يكون جاب ليها.. حتى وصلت للغرفة ديالها ودخلت.. هنا توسعت الإبتسامة ديالها حيث شافت بزاف ديال الصنادق بأحجام مختلفة.. بدات بأكبر واحد فتحاتو وفتحت حتى فمها معاه.. كانت فيه كسوة باللون الأزرق الملكي.. هزتها من الصندوق وسرحتها كانت رائعة بلا قياس.. طويلة وفيها فتحة من عند الفخض ونازلة حتى لتحت ونص كم وفيها كول على ڤ من عند العنق ومرصعة بالأحجار الكريمة من الصدر حتى للخصر من الطرفين بجوج.. في حين كانت مزيرة من جهة الخصر ومطلوقة حتى التحت.. ابتاسمت برضا وحطتها بجنب.. وخدات صندوق أخر حتى هو أفرحها كانت فيه صندالة مشبكة عالية باللون الأبيض وفيها بعض الأحجار الصغيرة بنفس لون الكسوة.. أما الصندوق لأخر كانت فيه كل متحتاج من مساحق التجميل وفيه بعض صنادق صغيرة فيها مجوهرات من الدياموند الأحجار.. وحتى البارفان المصنوعة بنكهة الفريز.. ابتسمت بفرح حيث عارفاتو كتعجبو الرائحة ديال الفريز اللي كتستعمل.. وصندوق أخر كان حجمو صغير فتحاتو ولقات فيه قفازات بنفس لون الكسوة ومرصعين بالألماس من الجناب.. عينيها لمعو بالفرحة وكانت أيضا ورقة في جنب ديالهم.. خداتها وقراتها وكان مكتوب فيها بخط عربي أصيل" لبسيهم غيجيوك زوينين " ابتسمت وحطتهم وخدات صندوق أخر مستطيل وصغير.. فتحاتو ووسعت عينيها من السعادة.. كان فيه هاتف أخر ماخرج من ماركة فتحاتو مكانش فيه كود ولقات فيه نمرة وحدة مسجلة باسم فهد.. حطاتو فوق الكوافوز وخدات أخر صندوق بقا لكن أنفوا فتحاتو تمحات ديك الإبتسامة وبانت ملامح الصدمة على وجهها.. كانو ملابس داخلية باللون الأزرق الملكي.. حست بالإحراج الشديد وحناكها توردو.. وبمجرد التفكير بأن الگوڤيرن هو اللي جابهم ليها كيخلي الدغدغات في البطن ديالها لكن في الأخير قنعت راسها بأن الأمر عادي.. قررت أنها غادي تمشي تاخد دوش هو اللول.. عاد تبدا التجهيز ديالها.. خلات داكشي فوق الناموسية ومشات لحمام قدات الجاكوزي بالماء السخن ودارت فيه برودويات وأغلبهم اللي بنكهة الفراولة حيث كتعجب الحبيب ديالها.. نسلت الكسوة وتبعتها الملابس الداخلية عاد دخلت في الجاكوزي مخلية جسمها كيرتخي واخد راحتو ومستسلمة للماء مخلية العطور تغلغل في البشرة ديالها.. مدة كانت غسلت شعرها بالشامبوان أيضا بنكهة الفريز.. عاد خرجت وهي لاوية عليها فوطة قصيرة من جهة الصدر حتى لفخض وفوطة كتنشف بيها شعرها.. جلست قدام المريا كتنشف شعرها بالسيشوار وكتدهن الجسم ديالها بكريم بنكهة الكاكاو.. عاد رشت جسمها بالعطر.. ثم مشات لوجهها كتقادو بمساحق التجميل..
يتبع...
😙بليز ممكن الأراء ديالكم وشكرا