#جراح_يتيمه
البارت_الخامس_والعشرين
بقلم_يمانه
على لحن الدمع نامت عيون الليل
وعلى صوت القهر فز الصبح كلبي
لاضالم بشر لا قاهر احد #يوم
ليش وياي هيج يصير #ياربي
مخنوك السوالف تطلع من الروح
وما ادري شعجب وشصار وشذبني
يلوموني لان ربيت حزن وياي
هوه المفارگ محب متگلي شيربي..
ردينا..فزيت ع صوت الباب يندك
قوووووي هوه يندك قوي ماعرف
اني لان نايمه تعبانه حسيت يندك
بقوووه اباوع للساعه بالسبعه الصبح
رضا ع نومته مافز نومه ثكيل
عفت لباب مافتحته كعدت رضا
رضا رضا كوووم الباب يندك
صاح عوووفيني انام شوي
يمعوده كووووم نوميش
اكلك الباب يندك شوف منو
كعدت بتملل فرك عيونه رجع
شعره ليوره ابتسم بوجهي
رضا... اني بحلم بعلم حلم حياتي
اليوم كدامي صباح العسل يعسل
ماصدك عيوني مصبحه ع هلوجهه
الحلو رجع فرك عيونه مره ثانيه
وفتحتهن يريد يصدك اني فعلن
واكفه كدامه بالحقيقه مو يحلم
رجع ندك الباب مره ثانيه
صاح اهوووووو ذول بطرانين
عليه اكيد جاين يردون النيشان
شهكت عززززززه شلون مافكرنه
بهلشغله هسه شنكلهم
رضا ... لا تخافين اني احلها
كعدت بالكاع خايفه ودموعي تصب
شراح نحجي وشنكول الهم ذول ميتفاهمون
وعاداتنه لازم اهل البنيه والولد
الصبح يشوفون النيشان
اجه رضا كعد كدامي سحب ادي
من عيوني وكال لا تخافين مرتي
قويه وماتبجي لاول مره اسمع كلمه
مرتي منه ومسح دموعي كال
اااافه مرتك يرضا تبجي وعيونك
شوف لا خير بيك تقرب اكثر
باسني من عيوني سرت قشعريره
بجسمي اول مره احس بهيج حساس
بقيت ارجف مدري خوف مدري برد
مدري خجل ماعرف اوصف شعوري
بهلحضه ولا اعرف احجي شيء
رضا... هليعون ملكي وحرام
عليه ابجيهن بيوم ماريد اشوف
ادموع بعينج طول ما اني
اشتم الهوه
كام وكف كال وينه القطعه البيضه
كمت خايفه ومتوتره نسيت وين
ضمتها الي نور كلبت الكنتور ماكو
فتحت الجرارات ماكو يربي شلون
بيه هسه حتا اذا كدامي ماشوفها
من خوفي صدك لو كالو الخوف
يعمي الشوف هي بالجراره فتحتها
مرتين وسديتها وماشفتها لمن
هوه نتبهلها كال عليكفج اهدي
شبيج هيج ترجفين ومخبوصه
مو هايه كدامج جيبيها وتعاي
همه أيسئو من محد رد عليهم
بعد محد دك الباب
طلع سجينه صغيره عنده ضامها
بالمجرات رفع بديه وكص ايده
من فوك حتا ماتبين مجروحه
مسح ايده بالوصله وكال اني
طالع اي واحد يسئلج كليله
كلشي تم عاين بوجهي
جر عينه ويعاين صفح
ردينا ... شبيك تباوعلي صفح
كال هه كلشي تم وحمرتج على
حطتها وشعرج باقي بتسريحته
حتا المايريد يشك من يشوف
حمرتج يشك بينه جاب كلنس
مبلل من الميز مسح حلكي
وكال شعرج ماعرفله فتحي
وهوسي وجيبي شوي مكياج
ازرك بنفسجي دمري ركبتج قليل
رديت فهاوه ليش ادمر ركبتي
ماكو مكياج مال ركبه اني مامشتريه
رضا.... اهووو هسه هاي شكلها
راح للميز عليه مكياج مصفط
فتحت علبه الايشادو خذه
منها لون ازرك وبنفسجي
خففهن بمي وكال ميلي
راسج إذا نبقه ع فهاوتج
امه محمد كلهه تعرف بالاتفاق
البينه وفوكاها يعيبوني اني
ويكولون مو رجال ساعته
نضطر نتخذ غير أجرائات
قانونيه خلينه نطلع باقل
الخسائر ونطيني ركبتج
خلي اطلعلهم
كلشي مافهمت من حجيه
مدري هوه كلامه الغاز مدري
اني مافتهم وع كولته فاهيه
كتله وخررر شنو تكض ركبتي
وتملطخني ازرك وبنفسجي من
يشوفني شيكولن تحط مكياج
العيون بركبتها ممصدكه جايبيلها
مكياج انت شمعرفك بسوالف البنات
رضا... يمعوده هوه اني اريدهن يشوفن
ركبتج ومو تشهرينه وتكليلهن مكياج
ماشافوهم من باكو شافوهم من تقاسمو
حرام إذا عرفت شيريد بالضبط
خله ايشدو بركبتي باماكن متفرقه
واماكن خفيف وأماكن غامق
اليشوفهن عبالك مضروبه ومزوركه
ركبتي بله هذا صاحي لعب بركبتي
خلقه وعافني وطلع بدون ميفهمني
شنو معناها
دخلت اختي أسيل وام رضا ميس
هلهلت باركتلي وباستني وطلعت
بقت بس أسيل يمي صباحيه
مباركه يعروس شلونها ليلتج
لبارحه لا مبينه من الركبه المطكعه
وتغمزلي ابتسمت بوجها ماعرفت شكلها
كالت طبي سبحي وتعاي
خذت كلبيت الصباحيه البيضه
ورحت سبحت ورجعت للغرفه
مشطت شعري وخليت مكياج
وتعطرت وطب رضا خذه ملابسه
هم راح يسبح أسيل طلعت من
شافت رضا اجه للغرفه كال ورطونه
بالسبح من الصبح واحنا كلشي
مامسوين بس الصيت لاحكنه
واني لا ضايك حامض ولا ضايك حلو
هنا اني ضحكت
رضا... طالعه حلوووووه
ردينا.. رضااا شوف لاتبدي طالعه
حلوه ومدري شنو ويأخذك الواهس
رضا.. هسه اني شحجيت يعني
حتا لأختي ما اكلها طالعه حلوه
جريت عيني باوعتله صفح
ماعجبني كلامه طلعت اسلم عليهم امي واختي
أسيل ونور زوجه همام موجودات
اجه عمي إسلام طب علينه باسني
من رأسي وكال كوليلي بابا انتي
بنيتي مو جنتي كعدت جابت ندى
الريوك اجه رضا كعد بصفي تريكنه
وكملنه كمت أشيل الصينيه اوديها
للمطبخ كامت نور مقبلت كالت
عوفيها انتي عروس مصباحيه
عرسج روحي لغرفتج عفتهم
وطبيت اباوع ع الغرفه شكد
حلوه تركيه اسود وابيض والنزله
بيضه ومنثور بيها ورد احمر تجنن
البارحه من خوفي مانتبهتلها
اجت أسيل يمي ودليني ع
غراضي وملابسي وين
مرتبتهم لاااا يا الله
انلاصت راح تفتح الكنتور
جانت مرتبه ملابسي ومصفطتهم
بنزاكه
واني مساعه طشرته ورجعته
ع الاستعجال لا احد يطب
ويشوفهن بالكاع واللحاف
التغطيت بيه شمرته ع الكنتور
فتحت الكنتور وصاااااحت
ياااااا عزه العزاني هاي
شنو الكنتور طاكه بيه
عبوه واني مكسور ضهري
اول لبارحه يومي كله
خلصته ارتب بالغرفه
والملابس وهذا اللحاف
شنو جابه هنا وي الملابس تلعثمت
وماعرفت شرد عليها
اااااءء هاااااا
ها عمه هاي اني مساعه
طشرتهن ادور ع ملابسي
نسيت هنه وين عبالي
وي هدوم ردينا
أسيل... وهيج كالب الامه كلاب
مشوفهن هدوم لبنيه ومرتبات
وهذا اللحاف شنو
رضا... شنسالفه عمه مدخلتنه
تحقيق الملابس هسه ردينا
ترجع صفطهن واللحاف بردنه
بالليل وتغطينه بيه خوما
حرام نتغطه بثنين غطوات
أسيل.. انتم الالفينات كل خير
مابيكم بس هوسه ماعدكم ترتيب
والساناتكم شطولها عوذه منكم
رضا... هسه كل هاي لان خربت ترتيبج
غرفتنه وحنا حرين بيها نرتبها
نطشرها مدام ردونه بالوجود
لاتخافين احنا هسه نرتبها
انتي هسه بس روحي
وتعالينه العصر طلعي
كشفي تلكين كولشي بمكانه
وادعت عيونج وعيون
ردونه
أسيل... اي عيني اطردني كول
اريد اختلي بمرتي
رضا ... اي الف رحمه ع والديج
ونتي كلتيها مدام تعرفين ارد
اختلي بمرتي بعد شكو لهسه
واكفه علينه جنج الشمر اكو
بعد شيء غلط موجود عدنه
ترى عريس بعدني ارد
اشوف بابا الله
ودفع عمته طلعها من الغرفه
هاي عادات الولد وي عماتهم
ميانه زفره بينهم
رجعلي كال شلون بيج
من الصغر شالعه كلبي
واني وراج وراج انقذج
متعرفين تبررين الموقف
ماريدج تصيرين ضعيفه
صار الغده طلعنه تغدينه
ومخلني لبنات ادخل المطبخ
لان عروس اجو خطار يباركون
لليل ياله راحو رجعت للغرفه
لبست أتراك واجه رضا
كعد ع الجربايه وكعدت
ع الجهه الثانيه بالطرف
رضا... يمعوده لاتوكعين
شبيج ماتثقين بيه هيج
طافره مو نطيتج وعد
ماتقربلج تعاي يمي نسولف
لحد منغفه
كتله خلي نعلب
رضا ... شنو انتي طفله صغيره
شنلعب
ردينا... مد اديك اثنينهم
واني اضربهم اذا سحبت
اديك اني اخسر واذا لحكت
اضربك انت الخسران
خذني ع كد عقلي ولعب وياي
ساعه الحك اضربه وساعه
مالحك بس من الحك اضربه
احسه متعمد يخلي ادي ميسحبهن
حتا اضحك ويصفن بوجهي ويكول
شكد حلوه من تضحكين اغلس منه
واغير الموضوع بسرعه
نعست كمت جبت لحافي
ونمت كعدت الصبح كلها
رايحه باقيه بس امي ام إسلام
ودخلت وي عمتي ميس للمطبخ
من ثاني يوم العرس كولشي شلت
منها بس ماعرف اطبخ لان نور
مخلتني اوكف ع الطبخ من جنت
يمهم يله هسه نت موجود اكدر
اطلع اي اكله وتعلمها بسهوله
خلصنه شغلنه للعصر كعدت
ميس سولف وياي
ميس ... اعتبريني اني امج مو عمتج
وانتي مثل بنتي ندى اني هم مثلج
وحيده ماعندي احد لا عندي ام الاشكيلها
وتحن عليه ولا عندي اخت التطيب جروحي
احتاجيت وحده منهم بعرسي صار عندي
نزف قوي واتمنين ربي رازقني ع الاقل
بوحده منهم صعبه انت عايش بين ناسك
وتحس نفسك غريب الحمد لله ع كل حال
صح عندي اخوه احنان ويسئلون بس ماكدر
اشكيلهم اليوجعني صعبه
اني احن لامي دائمن لان لحكت عليها وشفتهه
انتي همزين مالحكتي ع امج الله يرحمها
وشفتيها جان ضلت حسره احتاجيها
بشدايدج وجمره افراكها متنطفي للممات
عمري ٨ سنوات وتوفت امي بمرض
خبيث بقيت اني وابوي بالبيت
بقه كل فتره يذبني عد واحد
من خوالي شكد عشت الضلم
واليتيم وشكد عانيت وابوي
مو حاس بيه ولا معبرني
الا ان بيوم من الايام تزوج
وزوجته مارداتني وعذبتني
ورجع يذبني ع خوالي ولا
يسأل عني شأكلت شربت
نامت جاعت مرت السنين
وابوي صارو عنده ولد
٣ اروحلهم مرات ومن
تعاركني زوجت ابوي
يرجعني ع خوالي
تالي خوالي زوجوني
لعمج إسلام ماجنت
رايدته نجبرت عليه
بس حتا اخلص من
الضلم والذل الشفته
وهسه سمعت أبوي
مسجل البيت باسم
مرته حتا لا تطلعلي
حصه ورث منه
ردينا.. بس انتي مامحتاجته
ان شاء الله
ميس.. لا أن شاء الله مامحتاجته
بس شوفي شكد يفرق وعنده
بس مرته وذولاك اخواني
اني حتا مأسأل عليه وكال
بنتي ضالمني ولا يحس بيه
ولا يكول راح يجي يوم
اوكف بيه كدام رب العالمين
وانسئل شراح يكول لربه
ع ضلمه الي
ردينا... ميخالف عمه الله ليجازي
ربي يعوضج عن كولشي شفتي
الله كريم
وصار يوم إلثالث ورجعت امي
للبيت بجيت عليها لمن خويت
شلون بعد ماكدر اشوفها يوميه
شافني رضا تخبل من شاف دموعي
رضا... شكم مره كتلج هلدموع متنزل
واني موجود دموعج نقطه ضعفي
ويكسرن كلبي هي وين بيت امج
هاي وهذا بيت ابنها يومين واجيبها
الج واني هنا اصيرلج ام واخ واخت
وصديق بعد شتردين كافي عاد
فرديها وضحكي ما احب اشوف
ادموعج اتخربط أحوالي ويومي
كله يترخبط إذاضحكتي اجيلبج
هسه ايس كريم ورجع ابتسمت
ع كلامه
رضا... ايا لوتيه صار ساعه اثرد
حجي مفكيتي من سمعتي بالايسكريم
ضحكتي جوعيه كرصني من خشمي
وطلع كمت للبيت انضف واجت
عمتي ميس طبخت الغده
تغدينه وكملنه ورضا ما اجه
لليل ياله اجه والايس كريم
ويا ماعرفت بيه وين جان
كعدنه اني ويا وإسلام
وميس رضا السنه رابع
اعدادي كمل الثالث
واني من صارت هوسه
ابوي بطلت كلت تهدء
الأوضاع ورجع من اطلك
من رضا أن شاء الله اداوم
رضا... بويه اني بعد ما داوم
طلعت اليوم ادور ع شغل
ولكيت من باجر ابلش بالدوام
إسلام.... شنووووو انت بكيفك
تلعب وتقرر شنو تبطل الدراسه
والشهاده اسلاحك الوحيد لينفعك
رضا... بس بويه اني ماريد بعد
لشهاده زوجت وصرت صاحب
مسؤوليه لازم اني اشتغل واكد
ع عائلتي لشوكت اني اخذ مصرفي
منك لازم اعتمد ع نفسي منا وجاي
هيج حتام زوجتي محترمني ومتسمع
كلمتي اذا مصرفي منك
إسلام ... شنو ولك يرضيو تستنكف
تاخذ مني مصرفكم
رضا... بويه افهمني مو استنكف لازم
اعتمد على نفسي اول وتالي اني اشتغل
والمدرسه ماريدها بعد كملت دراسه شنو
راح أتعين التخرجو قبلي شحصلو
شنو تعينو ترا الدراسه عدنه بالعراق
فاشله بس تعب عندك واسطه ودفاتر
تدفع يعينونك ماعندك حالك حال الامي
تشتغل ليعجبك
إسلام... والله وكبرت يا رضا وماكدرلك
بعد هذا الآني هلتشوفني مو وره مازوجت
وخلفتكم رجعت كملت دراستي وخذت
الشهاده هذا اسلاحي ارجع بويه لعقلك
وعوف هذا تفكيرك التعبان ترى تتندم
بكد شعر راسك لا تعوف ثقافتك
رضا... يابه اني ماقيس وعي الثقافه
ع الشهاده ولتخرج ياما وياما خيرجين
ومن يكعد وياك كلمتين ع بعضهن ميعرف
يجمعهن ترا الشهاده عمرها مكانت مقياس
الثقافه خلاص بعد لا تناقشني بهلموضوع
حسمته وتفقت وي الولد اشتغل بشركه اهليه
من الصبح لليل والله الرزاق والحافض
إسلام... اذا انت حاسم أمرك بعد شكو
جاي تكلي ونت متاخذ بحجيي لتريد
سوي سوي ويجي يوم وتكول ياريت
ماخالفت ابوي وسمعت حجايته شنو
محتاجين وتريد تبهذل روحك بالشغل
شو مستوره والحمد لله عدنه خير. من
الله
كام اسلام ماراضي ع قرار رضا
شكد حجه ومفاد إسلام مثقف
واعي ويحب الدراسه خواته
كلهن متخرجات وحتا ندى
خريجت معهد الا رضا فأجئنه
بقراره وتركه للدراسه
ومرت الايام والاشهر والوضع
بيني وبين رضا هوه هوه متغير
شيء وحياتي ممله بشكل رضا يطلع
الصبح ما يرجع الا باليل هلكان من
التعب وإسلام دوامه يومين بيومين
خفر اخر فتره كثرت طلايبه وي
ميس وكثرت خفراته ميرجع
اسبوع لو ١٠ ايام يجي يومين
يخلصها مشاكل ميس جبتلج
هلكلبيه لبسيها ميس هذا
عطر الج شوفي شكد عندي
عطورات ونتي ولا عطر
اهتمي بنفسج اني رجال
وريد مره مرتبه مهتمه بنفسها
مو مهمله ٢٤ س والله مليت منج
لكن لا حياه لمن تنادي إذا كان
الحايط يرد عليك ميس ترد وتنفذ
إهمال ميس لاسلام خلاه يتخذ
غير طريق وغير حياه
دائمن خالاتها يوصن إسلام
بميس لكن نس يوصن ميس
باسلام ...........
يتبع ...
احبكم في الله
اختكم يمانه😘
لا تنسون التصويت
والتعليق الحلو
هذا اخر بارتات القصه
وصلنه النهايه ..... .