بقلم *منارجمال*" شَجن"
"بحبك يا روح"❤
بصت ليها روح واستغربت...
ساره مسكت ورقه تانيه وكان مكتوب فيها
"مملكتي يا روح" ❤
ساره اديتها لروح وقالت
ساره: ايه الجنان دا فيه ايه
روح باستغراب : مش عارفه
ساره : مين الل كتب كدا
روح : انتي بتسأليني مانا معاكي اهوه هعرف ازاي
**********************
ياسمين روح سأبتها ومشيت وفضلت تبكي وجالها اتصال من ياسين وردت :
ياسمين : ألو
ياسين : اي ياحبيبي انتي خلصتي محاضراتك ولا لسه
ياسمين بدموع : اه خلصت
ياسين : في ايه مال صوتك انتي بتعيطي
ياسمين :.........
ياسين : ياسمين فيه ايه مالك
ياسمين :........
ياسين : يابنتي متوجعيش قلبي ردي عليا
ياسمين ببكاء : ر ر روح يا ياسين
ياسين : اهدي اهدي بس وانا جايلك انتي فين
ياسمين : ع ب ب بوابه الجامعه
ياسين : طيب انا جايلك مش هتاخر اهدي عشان خاطري
ياسمين : م م ماشي
ياسمين وقفت مكانها وفضلت تبكي ومكنتش قادره تتحرك وياسين خاف عليها وخرج من جامعته بالعربيه بسرعه عليها
ياسمين واقفه وواحد جي عليها وشكلوا مش كويس وقال
الشاب : القمر زعلان ليه
ياسمين بصدمه : وانت مالك يجدع انت
الشاب : ايه بس مالك هو مزعلك ولا ايه
ياسمين بخوف وعصبيه : لو مبعدتش عني السعادي هصوت والم عليك الناس
الشاب : هههههههههه تعالي بس وانا هروقك
ياسمين : لو سمحت ابعد عني انا متجوزه
الشاب : ومالو مش هنتاخر عليه
ومسك ايد ياسمين ولسه ماشي وياسمين أبتدت تعلي صوتها
ياسمين : بقولك سيبني جوزي جاي دلوقتى ولو شافك بتضايقني كدا هيموتك
الشاب بسخريه وضحك
الشاب : ههههههههه ليه غيور متخافيش انا هعرف اتصرف معاه
ياسمين بزعيق : الحقووووووني
واتفاجئت بقلم من الشاب ع وشها وقعها ف الارض ونزفت دم واغمي عليها
ياسين ماشي ف الطريق ووصل للمكان الل فيه ياسمين وشاف حد بيمد ايده على بنت ووقعت ف الارض وشكلها مش باين وحاول يمشي لقدام لاقاها ياسمين واتصدم وصرخ وقال
ياسين : ياااااااااااسميييييين
وفجأه الشاب سمع صوت ياسين وهو بيصرخ باسم ياسمين وجرى
ياسين جري علي ياسمين وحط راسها على رجله وبيحاول يفوقها ويقول
ياسين : ياسمين فوقي عشان خاطري ياااسمين
ياسمين مش بترد ومغمي عليها بص ياسين ع الشاب الل بيجري وقام يجري وراه كتيير لحد ما وصل ليه ومسكه من القميص وشدو لورا وقعه وقعد فوقيه وضربوا كتير ف وشه بالبوكس وكان امال يضرب فيه كأنه بينتقم لحد ما نزف واترمي ع الارض ومبقاش يتنفس قام ياسين من عليه وجرى على ياسمين شالها وركبها العربيه ووصل المستشفى بيها وهو شايلها ودخل بيها
وسليم كان واقف ع البوابه مع الممرضه وبيتكلموا ف الشغل
ياسين اتكلم بصوت عالي وقال
ياسين : اسعافات في حاله هنا
بص سليم شاف ياسين واتصدم وجرى عليه وبص على ياسمين وهو شايلها وقال
سليم : مالها اي الل حصل يا ياسين
ياسين بعصبيه : بزمتك دا وقته اسأله هي نزفت من بوقها ومناخيرها كتير اتصرف يا سليم وهفهمك بعدين
سليم : اهدي انت بس
شاور سليم للممرضه تجيب سرير متحرك وجابته وقال
سليم : نيمها هنا بس واهدي
ياسين نيم ياسمين ع السرير ومشيوا بيها ع اوضه
الكشف وسليم كشف عليها وقال
سليم : اطمن مفيش حاجه دي شكلها مضروبه
وحصلها صدمه عصبيه بس من أثر الضربه وشويه
وهتفوق وهتبقى كويسه..
اتنهد ياسين براحه وقال
ياسين : اووووووف الحمدلله
سليم بعدم فهم
سليم : هو ايه الل حصل انت ضربتها!!
ياسين بصدمه
ياسين :نعممم لا طبعا استحاله أمد ايدي على بنت ما بالك بمراتي
سليم : اومال ايه الل حصل دي مضروبه
ياسين : مش عارف انا كنت ف الجامعه اتصلت بيها اطمن عليها
لاقيتها بتبكي ف خوفت عليها وروحتلها
واول ما وصلت هناك لاقيت شاب ضربها ووقعت ف الارض مكنتش اعرف ان هي عشان شكلها مكنش واضح واول ما ركزت جريت عليها
والواد ضربته وسبتو مرمى ف الشارع وشكله كدا مات عشان منطقش خالص
وجيت ياسمين علي هنا وجيت
دا كل الل حصل لا أكتر ولا أقل ومعرفش مين الل مد ايدو عليها دا ولا عمل كدا ليه
سليم : ع العموم تفوق بعد كام ساعه وهي هتحكيلنا كل حاجه ولازم نعمل محضر عشان متتاذيش ونعملها إثبات حاله
ياسين : تمام انا رايح أبلغ
سليم بتعب : لا لا خليك انت انا هروح وخليك جمبها عشان محتاجالك
ياسين : انت كويس طيب حاسك تعبان
سليم : متشغلش بالك دا إرهاق من الشغل بس
ياسين : ماشي خلي بالك من نفسك
مشي سليم وياسين منتظر ياسمين تصحى وعيوونه عليها وقاعد جمبها وماسك ايديها وباسها من راسها
**************
رزان بتحاول تتصل بياسمين تطمن عليها فونها مقفول وقلقت عليها وقالت
رزان : ياربي بقا البت بقالها يومين مش عارفه اوصلها اعمل ايه دلوقتي
اتصلت بالبيت قالولي ف الجامعه والمفروض تكون خلصت من ساعتين
هتكون فين كل دا يعني
انا هتصل بياسين افضل واطمن عليها
بس لا لا تكون مش معاه ويقلق هو كمان
طب اعمل ايه بس لو حاصل ليها حاجه مين هيساعدها
انا بقول اتصل بياسين واعمل نفسي بطمن عليه واسألوا على ياسمين افضل اه كدا احسن عشان لو مش معاه ميقلقش
اتصلت رزان بياسين ورد عليها وقال
ياسين :السلام عليكم
رزان :وعليكم السلام
ياسين :ازيك يا رزان
رزان بتوتر : ها الحمدلله انت عامل ايه وياسمين عامله ايه
ياسين : انا الحمدلله تمام
وياسمين شويه وهتبقى تمام انتي سليم قالك ولا ايه
رزان بعدم فهم : مالها ياسمين وسليم قالي ايه بالظبط تقصد ايه
ياسين : لا مفيش دا سوء تفاهم مش أكتر
رزان :هي ياسمين معاك
ياسين : اه معايا
رزان : طب ينفع اكلمها اطمن عليها بتصل بيها كتير مش بترد
ياسين : بصراحه ياسمين ف المستشفى وحاليا مش ف وعيها كام ساعه وهتفوق
رزان بصدمه : انت بتقول ايه
ياسين :متخافيش هي كويسه وجت سليمه
رزان :طب انتو ف مستشفى ايه انا جايه
ياسين :متتعبيش نفسك
رزان : متعبش نفسي ازاي ذي صحبتي والمفروض اطمن عليها مستشفي ايه يا ياسين بعد ازنك
ياسين : مستشفى ****** تعرفيها
رزان : اه عارفاها انا جايه مسافه السكه
ياسين : تمام
قامت رزان لبست وخرجت ركبت تاكسي عشان توصل المستشفى وخايفه علي ياسمين
دخلت شافت سليم واقف مع الدكتوره وبيضحكوا ويهزروا وفجأه الدكتوره كانت هتتخبط ف مريض بيجروا بيه ع العمليات واترمت ف حضن سليم ورزان متابعه الموقف
وبقت عباره عن شعله من النار واقفه
وشايفه الدكتوره لسه بين ايدين سليم وبتدعي انها دايخه وفجأه
جريت رزان عليها ومسكتها من دراعها وسليم شاف رزان واتفاجئ
ورزان قالت
رزان بغيظ : انتي كويسه يدكتوره
ومسكتها من دراعها جامد وقرصتها والدكتوره صرخت وقالت
الدكتوره : آآآآآآه دراعي مالك فيه اي.
رزان ببرود وغيظ : بطمن على حضرتك شكلك تعبانه تعالي معايا
اخدتها رزان وبتمشي بيها بسرعه ووقعتها ع الكرسي وقالت
رزان : ارتاحي هنا
سليم لاحظ ان رزان غيرانه وراح عندها وقال
سليم : هي كويسه يا رزان مالك فيه ايه
رزان بصت ليه بغيظ وسكتت والدكتوره قالت
الدكتوره : مين دي ومالها جريت عليا زي الطور كدا
رزان بصدمه : طور ف عينك دي جزاتي اني لحقتك
الدكتوره : وهو انا طلبت منك مساعده
رزان بعصبيه : دانتي دكتوره بارده بصحيح
سليم عيونه على رزان ومبسوط من الل عملته رزان
وشاف ان لسه فيه امل وان رزان لسه بتحبه ودا كان
ظاهر ف غيرتها عليه
الدكتوره : انتي مالك اصلا ولا مين انتي
بص ليها سليم وقال
سليم : دكتوره خلود دي رزان مراتي
الدكتوره بصدمه : انت متجوز يا سليم
رزان : اه متجوز في حاجه مالك اتصدمتي كدا ليه
الدكتوره : ل ل لا متصدمتش ولا حاجه بس انا مكنتش اعرف مش اكتر
رزان : واهوه عرفتي
الدكتوره : عموما مبروك يا سليم
وهمست ليه ف ودنه
الدكتوره : بس زوقك بلدي اووي
رزان قربت منها بغيظ وسمعت الل قالته لسليم وقالت
رزان : ومالوا البلدي يعنياااا مش احسن من عود القصب الل واقف قدامي وضاربه اتنين كيلو بودره ف وشك
إنما البلدي بيبقى طبيعي
سليم اتصدم من رد رزان وحاول يكتم ضحكته وقال
سليم : للأسف نصيبي كدا
رزان بصدمه من كلام سليم
رزان : ومالوا نصيبك انت كمان ما تاخدها بالاحضان وتطلقني احسن
سليم حب يستغل الموقف وقال
سليم : مش دا الل انتي طلبتيه من فتره ممكن احققلك رغبتك عادي
الدكتوره : والله يكون أفضل لأنها مش شبهك خالص
رزان اتعصبت من كلام الدكتوره وقالت
رزان : طب انا هوريكي انا شبه مين
شدتها رزان من شعرها وقعدت تضرب فيها وسليم مش قادر يتحرك من مكانه من هستريه الضحك الل جاتلوا لما شاف رزان متجننه
وقال
سليم : العب البت طلعت جونسينا ف نفسها
والدكتوره بتصرخ تحت ايد رزان وهي مش موقفه ضرب فيها والناس اتلمت عليهم
وسليم حاول يبعد رزان عنها بس ضربته بالبوكس ف وشه ورجع لورا وقال
سليم : يا نهار ازرق ودي ابعدها عنها ازاي
ونادي على الأمن وقال
سليم : يا أمن يا أمن
جريوا الأمن على سليم وقال
سليم : ورانا مهمه يا رجاله شايفين جونسينا الل محدش قادر عليه دا متقربوش منه خليكوا ف الدكتوره حاولوا تبعدوها باي طريقه وانا همسك جونسينا
هجموا الأمن على رزان والدكتوره وبيحاولوا يشدوا الدكتوره من تحت ايد رزان وسليم حاضن رزان من ضهرها وبيحاول يشيلها ويبعدها عنها
رزان : سيبنااااي انا هوريها مين الل مش شبهك يا جربوعه يا معفنه بقا انا بلدي
هوريكي بقا البلدي بتعمل ايه
يُتبع.......