هلووو حبايب قلبي
شلونكم شخباركم
مشتاقتلكم
#ملاكي...😍😍😍
#للكاتبةMare Ail
////البارت٢٣////
"أثق أنها ليست النهاية، لن ينسي الله دُعائي أبدًا.. سيستجيب يومًا ما."
عدلت مكياجي وشعري ونزلت سلمت وطلعت ماشفت فهد احس ماريد مشاكل من صبح رحت ع شركة كملت كم شغلة اجوي سامر وعصام وطلعنه للمكان وصلنه
سامر:جاهزه للمقابلة
ملاك : اي
عصام : افوت وياج
ملاك : لا وحدي
سامر:يلة تعالي اوديج للمكان الي راح تقابلي بي
ملاك : يلة....وصلنه للمكان وشفته شلون صاير وصخ ولحيته طولانه كلت....مرحبا
:هلا اميرتي شلونج مشتاقلج اكيد اشتاقيتيلي واجيتي كولي لا
ملاك : .........
ملاك : اجيت اسال كم سؤال واروح لاتخاف ماشتاقيتلك
محمد : ههههه ماتوقعت جواب منج بس يلة اسمعج
ملاك : ليش خطفتني
محمد : هههههه ليش تسالين
ملاك : من حقي اعرف سبب قبل لا اسافر
محمد : راح سافرين وتعوفيي هنا لا لا يا بنت خالي
ملاك : ممكن جاوب ليش خطفتني وبيوم عرسي بعد
محمد : اني ماحب فهد وكلشي صار لفهد شغل ومحبه جدي حتى شركة جنت اتمنى اني اديرها بس جدي اطاها لفهد تخيلي والبنيه الي حبيتها هم راحت اله تعرفين شكد حبيتج اموت عليج بس انتي اختاريتي فهد عليه وسبب ماعرف شنو فرقة عني خطفتج حتى اخليج الي وبس وماخلي احد يمسج غيري
ملاك : بس فهد خلاك مدير من بعده بلفرع مال سيارات مالته ليش فلسته
محمد : كتلج اكرها وماريد خير اله
ملاك : ليش اختارت حلا من دون بنات
محمد : انتي شلون عرفتي بموضوع حلا
ملاك : حلا كالتلي كلشي لا تخاف كول
محمد : وحلا وين هسة
ملاك : عايشة حياتها وية فهد واني قدمت اوراق طلاق وراح ارجع امريكا بس حبيت اشوفك اخر مرة واعرف سبب الي خلاك سوس هيج بيه
محمد : اني احبج ودتج الي هذا سبب كافي
ملاك : حب هذا ياحب تحجي عنه انت مريض مفروض يخلوك مو بلسجن بلمصح عقلي
محمد : انتي سبب ........
ملاك : انت واحد مريض
محمد : انتي سبب ...صياح....انتي الي خليتيني اوصل لهاي حاله انتي خليتيني اخطف واقتل واشرب مخدرات حتى ملاهي رحت بسببج حتى بس انساج وماكدرت ضحكتج ونضرة عيونج وشعرج كلشي بيج يجذب اكبر واحد جنت مستعد اقدم روحي الج في سبيل ترتاحين واقدملج راحه بس انتي ختاريتي منو فهد حتى حاولت اقتل فهد تعرفين
ملاك : شنو انت سبب
محمد : اي اني تعاونت وياهم وطيتهم فلوس حتى يموتو بس مامات لا وصاح اسمج ويعتذر قبل لايموت بس مامات شكد دعيت عليه و.....
ملاك : الله مايستجاب لناس تافها مثلك
محمد : عندج حك مهم شفتج اليوم وكحلت عيوني بشوفتج ياحلوة خل......
ملاك : اي صح اني لازم أروح تاخرت اجيت اسلم عليك قبل لا اسافر باي اشوفك مرة ثانية مكان احسن
محمد : تتوقعين اطلع
ملاك : يجي يوم وتطلع واتمنى تطلع نضيف وتتخلص من هل كره الي بكلبك باي
محمد : باي ماتوقع اشوفج مرة ثانية ...
ملاك : طلعت برة تنفست لان جنت حابسه نغسي كوة عصام وسامر اجوي يركضون عبالهم بية شي خوف مبين بعيونهم .....لحد يحجي اني بخير
طلعنه من سجن وكعدنه بلسيارة وسالني عصام
عصام : شنو الي صار احجي
ملاك : كلشي تمام
عصام : يعني راح تخلص مشاكل
ملاك : اي تخلص لان تعبت
عصام : يلة اروح للبيت ونحتفل
ملاك : لا عندي شغلة اسويها وبعدين ارجع للبيت
عصام : ع راحتج بس وين اوكف سيارة
ملاك : مومهم وكف هنا اي شكراً وباي اشوفكم بعدين
عصام : ماراح تكليلي شنو شغل
ملاك : من ارجع راح تعرف يلة باي راح اتاخر ....رحت لام صالون طلب تقص شعري وتصبغه بدت تشتغل واني تذكرت خطة مال عصام .....
عودة للماضي
عصام :نبدي خطة وياج انتي راح ترجعين للبيت وتحضرين نفسج ع اساس راح سافرين
ملاك : وين أسافر
عصام : بلغي كل عندج وفد جاي من امريكا وراح تستقبلي انتي وأمير
ملاك : اي وبعدين
عصام : اصبري فهد مستحيل ايخليج تسافرين راح يمنعج بكل طريقه وانت تكونين مصرة تروحين بعدين وافقي وابقي
ملاك : واحنه شراح نستفاد من هل حركة
عصام : نستفاد حلا ضوج من قرب فهد منج وتجي ليمج وتكدرين سحبيها بلكلام وسجليلها كلامها
ملاك : ممممم اي
عصام : اما انت امير من تروح هنا حاول صر او سوي مشكلى وية فهد من ترجع وترفض حتى خطة اولى تكمل
أمير : ماشي وبعدين
عصام : اني وسامر راح نحاول نسوي مواقفة لملاك حتى تقابل محمد وهم نسجل كلامه بعد ما تستفزة لان شخص من تستفزة يكوم يتفاخر بنفسة وهيج ايكون عدنه دليل ضدهم اثنينهم ماشي
الكل : ماشي
عودة للحاضر
ملاك : صحيت ع ام صالون وهي تحجي وياي كملت شعري
عدلت مكياجي ورحت للسوق اتونس شوية واشرتيت ملابس وكم شغلة محتاجنهم ورجعت للبيت لكيت عصام وأمير وسامر ينتضروني كلت.....كله علمود
أمير : واووووو
عصام : .....
سامر:طالعه حلوة
ملاك : شكراً تغدينه وارتاحينه وحضرنه تسجيلات اليوم يوم حاسم وراح اخلص من كل مشاكلهم وارجع لحياتي وخابرت جدو الوووو
جد : هلة بنيتي انتي وين راح يصير ليل وانتي ماكو
ملاك : اني بخير جدو لا تخاف بس اريد منك خدمه
جد : كولي بنيتي
ملاك : اريد تجمع كل عائلة اليوم عصر بس ماريد منك اتكول اني الي طلبت انت اطي اي عذر منك
جد : ليش بنيتي صاير شي
ملاك : كل خير لا تخاف بس نفذ الي كلته واني جاية بعد كم ساعه من يجتمعون اطيني خبر حتى اجي
جد : ماشي بنيتي انتضرج
ملاك : كملت مكالمه وكلت. ...جدو راح يتكفل بلموضوع حضرو نفسكم
عصام : كلشي جاهز انتي جاهزة
ملاك : اي امير كملت اوراق الي طلبتها منك
أمير : اي كملتها
عصام : اوراق شنو
ملاك : طلاق
عصام : اني وياج بكل تصرف بس طلاق مو فكرة زينه اطي فرصة يوضح سوء تفاهم الي بينكم انتو اثنينكم انضلمتو اثنينكم لاتخلين احد يفرح بطلاقكم يكون حقق غايتهم افتهمي وحطي عقلج براسج وفكري
ملاك : الله كريم نشوف ورة الي راح يصير شنو تصرف فهد وهناك راح احاول اخذ قرار اوعدك
عصام : هذا قرار صح
ملاك : اغير ملابسي واجي علمود نطلع
أمير : روحي
ملاك : رحت لبست ملابس الي شتريتهن
خابرني جدو وكال كل الي بلبيت اجمع ...طلعنه من بيت وصلنه للقصر ونزلنه اخذت نفس لزم ايدي عصام
عصام : اهدي واخذي نفس واحنه وياج ماراح نعوفج لا تخافين
ملاك : اكتفت بتسامه ...فتت للبيت وراي الشباب كلها ضلت تباوع علية وع تغير الي بية كلها نضرات كره بعيونها ماهتمت بس كامن يحجن
:يعني انتو جمعتونه حتى انشوف وجه النحس هاي
:اني مابقه بمكان هاي بنيه بي
:خرابه البيوت اكيد عدها مصيبة واجتي ماتوكف هل وكفه من ولا شي
جد : كافي...... ماريد ولا صوت الي يكعد هنا يكعد بحترام وكل راح تسمعون كلام الي اجتي تجي وماريد احد يقلل من احترامها مفهوم ..ومفهوم...
الكل : مفهوم
فهد : بعد الي صار ماشفت ملاك ولاحجيت وياها لان حسيت بلذنب من شفتها تبجي وتحجي بحركه ودمعه بعينها كلامها كله صح بس كل شاهد هي الي وكعتها اني شنو الي بيدي احبها بس كلما اريد اتقرب منها ابتعد ليش ياربي ليش تعبت اليوم جمع جدي كل عائلة اجتماع بس مانعرف سبب كلها سالته بس ماجاوب فجاءة فاتت ملاك شسوت هاي مخبلة صبغت شعرها وكصته اني لزمت نفسي من عصبية لان كتلها اني احب شعرج طويل ولونه كصته وصبغته ليش هيج سوي بس رغم هذا طالعه حلوة فاتت بكل ثقة وياها شاب كلها حجت عليها بس هي ماهتمت لحد ضلت ساكته ماحجت بس تاوع بعيون كل مثل لبوة الي تتحضر للهجوم ماهمه حجيوهم بس تنتضرهم يكملون جدي صاح بيهم وسكتو وهية بلشت تحجي....
ملاك : * شفت عيون فهد علية وشلون ضايج يمكن بسبب شعري لان هوة كال احبشعر اسود واني صبغته ويحب شعر طويل واني قصيته كلها تحجي عليه وانواع كلام سمعت لحد ماجدو سكتهم وكال
جد : كولي بنيتي شنو كلام الي تريدين تحجينه
ملاك : اني مراح احجي بس الي اريدة منكم تسمعون هذا تسجيل وبس هوة الي راح يوضح كلشي بدون مااحجي
جد : يلة سمعينه
ملاك : اوكي فتحت تسجيل اول يخص محمد وكلها تسمع كلامه وانصدمو من الي سمعو وصل لحد اسم حلا كلها صفنت ع حلا
حلا : جذب اتريدين توكعيني بمشكلة موكافي انتي موتي طفلي وهسة اتريدين تاخذين رجلي وشوهين سمعتي كدامهم
ملاك : انتي منو يكول جنتي حامل من اساس
فهد : بسسسس ملاك مين جبتي هل تسجيل
ملاك : اني رحت للسجن وشفتى واتوقع صوتي واضح
:بس سجن مانع زيارات عن محمد
ملاك : اي صح بس اني بوجود اخوتي ماحتاج اذن حتى افوت مكان بس اشار والي تريدة يجي ليمي
فهد : حلا كلام هذا صح
حلا : جذب صدكها وجذبني
ملاك : ماشي عندي دليل ثاني حتى صدكون
فهد : شنو هذا دليل احجي ..بصياح
ملاك : اسمع شغلت تسجيل الي حجته حلا بلغرفه كلها سكتت شوية وسمعت صوت صياح فهد ضرب حلا وسحبها للغرفه وكلها راحت وراهم اني رحت للغرفه لميت ملابسي وملابس انجل ونزلت بعدهم يصيحون يم غرفه لكيت شباب واكفين
عصام : شقررتي
ملاك : اسافر
أمير : انتضري شوية ونشوف شراح يصير وبعدين اخذي قرار
ملاك : لا اني راح اسافر والي يصير بعدين مومهم بلنسبة الي مهم كشفت حقيقة وباقي مايهم يلة راح نتاخر ع طيارة وصلنه للمطار وخلصت اجراءات وصعدنه بطيارة خلاص لهنا وانتهت هاي فترة من حياتي راح ابدي حيات جديدية وانسى كلشي صار وياي الي صار مجرد كابوس وانتهى غمضت عيوني ارتاح كم دقيقة وطير طيارة .......
فهد :* الي سمعته من تسجيلات طير عقلي يعني محمد وحلا مخططين لكلشي خطف ملاك ومحاوله قتلي وخسارة الي تعرضتلها سببهم ضربت حلا كدامهم وسحبتها من ايدها للغرفه حاولو يخلصوها من ايدي كلت ...والله الي يتدخل راح يكون وياها عوفوني اربيها من جديد شمرتها بلغرفه وكتلتها لحد مادميتها ماهتميت لليدكون باب بس طلعت قهري وجذبها علينه ومشاكلها وية ملاك اوف شلون بيه طلعت ركض ماهتمت الها بس اريد اوصل لملاك واعتذر منها دورتها بلبيت ماكو رحت ابيت امير اكيد هناك رحت طلعلي عصام
عصام : أهلا فهد شعندك هنا
فهد : ملاك وين اريد اشوفها
عصام : ملاك سافرت
فهد : شنووو شلون سافر بدون علمي
عصام : هذا قرارها ومحد يكدر يغير رأيها
فهد :. .........
رايكم بلبارت 🌷🌷🌷
احبكمممم 😍🥰🥰
بايييي 🙋🙋🙋
وردينّا لأهلنا هدومنه تنگط مَحبه وطين "