البارت السادس...الجزء الثاني
رواية...جولييت واسرها...غياهب الإنتقام
بقلمي...نور سمو العراق
💔💔💔💔💔💔💔💔💔
كم نتمنى أن يكون للحروف أصوات
لتصرخ بدلا منا فى بعض اللحظات
حين يخطفنا الصمت ويطوينا السكات
حين يكون ما فى القلب أكبر من الكلمات
حين تكون المشاعر أعمق من أى عبارات
.......................................
ا
عتذر من عدم النشر البارحه صارت عندي ظروف مفاجئة وهماتين خلص النت وعطلت البطاريه بالتسعه شحنت الموبايل والحمد لله كدرت اكتب التمس منكم العذر وان شاء الله باجر اعوضكم فيس خجلان منكم 😂😂😂
....
وقار....
مره قريت ومضه ما اعرف خاطره لشاعر معروف يكول ان البيوت اسرار والناس صناديق مغلقه
وجانت الخاطره تحجي عن شئ كووولش حلو اتذكر يكول مثلا اعياد الميلاد وصور الزواج الي تنشر بالفيس مو معناها ان الازواج سعداء لذلك فعلا البيوت اسرار
انصدمت من السر الي تناولوا جابر وابو
بلعت ريكي بصدمه وخووف وخليت ومشيت خطوتين وبسبب والوجع الي صار عندي والاذيه من وكعت وصرخت بصوت عالي
طلع جابر وابو بسرعه يركضون من شافوني انصدموا
جابر نزل نفسه وكعد ركبه ونص كال...شطلعج شجابح هنااا
همست بخوف واني اباوع لعيون عمي الغاضبه...هاااا مو اجيت اكول الجابر شنو العلاج الاشربه
باوع الجابر بتوتر كله...اخذها الغرفتها وضل يمها بعد ابوك هاي مريتك جناحك بهل دنيا لا تكسر بيها
جابر شالني واخذني للغرفه وهو متوتر
وبعدها بشويه كال...راح اجيبلج مي حتئ تشربين العلاج
خله وطلع واني ضليت افكر بكلامهم يعني معقوووله لا مستحيييل
شويه واجه انطاني المي اخذته وشربت وشربت العلاج
هو جابر تقرب مني راد يبوسني ابتعد بسرعه وحطيت ايدي مقابيله...رجاءا جابر ابتعد عني
تنهد ببضيق وسكت وبعدها كال...اني اعتذر منج صح اذيتج بكلامي بس حبيت تكونين انسانه عصاميه مو تتدخلين وتتصرفين من كيفج حبيت تلجئين اليه قبل كلشي
تجاهلت كلامه وكتله بجمود...جاااابر سمعت كلامك انت وعمو كله وعرفت السر الي ضامينه
فتح عيونه بصدمه بعد ما التاف بجسمه عليه كال وهو يبلع ريكه...ماكوو سر والسمعتي ماله من الصحه شئ
ابتسمت وبعدها ضحكت بصوت عالي...لا تخاف مني جابر صار عندي درس وصارت عندي ردة فعل الكلام السمعته ببيتك يموت بيتك بعد شتريد
صفن بوجهي كال...ترئ اني وابوي كل السويناه ما ردنا بي جاسر يتضرر فهمتي هل شئ لمصلحة جاسر
هزيت راسي باي...بس هل شئ مراح يرضي صدكني
رد بهدوء...اعرف بس هل موضوع محير وخلي الوقت هو الكفيل بحل هل عقده الي،صار
اشرت اله باصابعي بحزن...هاي مره ثانيه تخونه لأخويه يا جابر واتاكد اني ما الي خاطر عندك لذلك ياريت والله وبدون زعل ولا مشاكل نتطلك
ويمكن جاسر لو يعرف بالصار يطلكني منك لا محال
لزمني من خصري وسحبني عليه بعصبية ...مو من حقه والله مرتي واني حر بيها هسه اني متدخل بحياته
بعدت ايده من خصري وبجمود...تدخلت هووواي وتدخلاتك فاقت الحدود ههه
رد من بين اسنانه...المصلحته ما اريد اهجم بيته ولا اشتت اطفاله
سكتت مجاوبته ...بس الموضوع ضل ياكل بكلبي وهل موضوع حييل متعب وغامض ومفبرك...
اتصل موبايلي شفتها صديقتي السوريه...جنت دا افتح عليها خط جابر طاح بي وغلقه ومسح رقمها وقفل الخط
اني تخبلت...انت بأي حق تاخذ موبايلي وتحذف الرقم
رفع حاجب بغرور...بحق اني زوجج
خله وطلع وقفل الباب ...اوووف ليش حذف الرقم ما فهمت شتريد البنيه هسه هو دخله اوووف
صايره ما احب جابر معتبرته هو السبب بفقدان طفلي واني بصراحه جنت اخاف ..لا انوب يصير بيه اشواق من ضلت بدون طفل..شكول عليك جابر ليش حرامات راح الطفل ليش....
............................
انت يا اول وهم وهمي وحقيقي...روحي والدنيا انت كلها انت يا كلش صديقي...
جنت كاعده بحديقة المستشفئ الوحدي والكمامه لابستها وصافنه بالفراااغ والدمعه تلمع بعيني
محد اجاني اليوووم لا امي ولا ابويه ولا جابر ولا حتئ صلاح...
اعتقد الناس ملتني يعني هم حقهم خطيه ضاليين كاعديم ويايه وسهرانيين ما قصروا الله يوفقهم
رغم اني صار مده اضل كم يوم بالمستشفئ وتعودت بس اهلي وصلاح دوم عندي بس اليوم احسهم نسوني وتركوني...
وهل شئ معذبني بس طبيعتي،ما احب احجي
اتذكرت قبل كم يوم من دخلت المستشفئ،جنت نايمه اباوع ويه صلاح بموبايله وهو يشوفني مقاطع ويطيب من خاطري
واني اضحك بصوت علئ مقاطع مضحكه وصلاح جان حاضني واني حاطه راسي علئ صدره
ويه مدنباوع واجته رساله علئ الماسنجر كاتبه...هلاو ممكن ترد يا حلوو
اني تفاجئت وهو كذلك باوعلي مصدوم واني باوعتله بحزن
عاد هو بسرعه راد يحضرها كتله ...لا عوفها شوفها شنو تريد
رد عليه بهدوء...يمعوده تافهات خلي يولن
جريت نفس...ميخالف دنشوف شنو تريد
دخل للمحادثه كتب...هلاو تفضلي رايده شئ ؟
جاوبته ...هههه واخيرا رديت شكد راسلتك متجاوب شدعوه هلكد تطرد معجبينك
كتب ...اي معجبين شبييج حسستيني مشهوور
رد عليه...لا بس اني يعني لان عرفت زوجتك مريضه بالخبيث حبيت اواسيك
اني انصدمت وعدلت كعدتي باوعتله متفاجئه وهو صار وجهه اصفر بلع ريكه كتب..وانتي منووو
ردت بدلع...تعرفني وشايفني وصافن بيه
عاد هو بسرعه ركعها بحضر كال وهو يباوع عليه ومرتبك...ريهام اني والله ما اعرف منو هاي
ابتسمت بهدوء...عادي مصار شئ
بس هو هل فتره كلها تتصل عليه ارقام وهو ضل ما يرد وبعدها ضلت هاي اطياف هوايه تتردد علينه وتجي وكل يوم شكل
وملابسها ضيقه وشعرها طالع من الحجاب بس بيت عمي من النوع الي ميحبون هيج استايل ...
فما اهتميت الها رغم شفت نظراتها الملهوفه الصلاح
اجت الممرضه اخذتني اني بيها ماخذه جرعه كيمياويه والكيمياوي يتعب جسمي واحس يقتل خلايا الروح عندي
فمرات ما اكدر امشي من خلال فترة العلاج اضل اكعد علئ الكرسي المتحرك كم يوم وبعدها اصير زينه اضل اكدر امشي...
اخذتني الممرضه واني ابجي بصوت مسموع ياربي وينهم عني ليش محد منهم اجاني مو هسه ماخذه جرعه كيماوية وتعبانه ويعرفون ما اكدر امشي،من اخذها ليش ما يجون يساعدوني...
صعدتني الممرضه للطابق السابع وصلت للقاووش اول ما دخلت وكلها اجت عليه وهم يغنون ولازمين نفاخ ويكولون
سنه حلوه يا جميييل...., happy birthday to you!
ابتسمت واني اشوف صلاح وامي وابويه وجعفر وجابر وماما رضيه وام فلاح وسجاوي بنت فلاح كلهم جايين
ومسوين ميز ومخلين عليه الكيكه ونفاخ والمرضئ كلهم محتفلين بعيد ميلادي
انصدمت وتفاجئت ضحكت والدمعه نزلت من عيني معقوله حيكون هذا اخر عيد ميلاد اليه
وكف يمي صلاح وكفني وباسني بخدي و وكفني يم الميز وابويه يصفك اليه ودموعه تنزل عليه وامي تحاول تخفي شلال الدمع
صلاح كال...يالله حبيبتي طفي شمعتج وتمني
ابتسمت بحزن ...اتمنئ يصير عندي طفل وبعدها امووت لان اريد يكون الي طفل ذكرئ مني الكم
كلهم حزنت ملامحهم وباسوني ابويه كال...عمرج طووويل يا بويه وان شاء الله بس هذا الشهر ونسفرج للخارج لان جابر قرر يتبرع الج من النخاع
حضنته واني ابوس بي...حبيبي جابر لا والله ما اريد تتعب نفسك ويايه اذا ربي كاتب اليه عمر ان شاء الله اقضي هل عمر بعبادته واذا ما كاتب اليه عمر فاني ما املك من نفسي اي شئ واني امانة ربك ولا بد من الرجوع
صلاح باس راسي كال...لا رهومه ان شاء الله عمرج طووويل حبيبتي
خالتي صبريه جايه وياهم اول ما شافتني حضنتنتي وضلت تبجي وبعدها كلولها لا تبجين تقهريها
اشو هاي تخبلت ضلت تصفك وتركص وتصيح...وهب هب زيتونه عيد رهيمه هب هب زيتونو...
ضلوا المرضئ يضحكون عليها وتالي هم وزعوا الكيك والعصير علئ المرضئ والجكليت اني جنت لازمه الكبوس وصلاح ياخذ اليه صور ويضحك
كووولش تونست بيها وفرحت حييل
خللتي كعدت وطلعت باكييت الجكاير دتدخن ابويه كلها...لا خوويه صبريه ممنوع التدخين هنا تسوي امراض وهم المرضئ ما عندهم مناعه
ضمت جكارتها بجيبها وهي تتذمر...احم احم منين سوت امراض هل مسكينه الفغيره صار شكد اشرب بيها لا مرضتني ولا سوتلي شئ حيلي حيل كنوش
ابتسمت عليها وبعدها كل واحد جايبلي هديه شكل
وصلاح كال ...هديتي الج سفره التركيا بس شويه تتحسنين ان شاء الله
لزمت ايده حييل واني اضحك همست بحب...شكرا حبيبي،اتمنئ،من ربي بس كوون تضل دووم بجانبي
جر نفس كال...واني اتمنئ بس تصيرين زينه ويصيرلي طفل منج وكون يشبه جمال عيونج ورقة گلبچ...
تنفست بارتياح الحمد لله من جبروا بخاطري اني الحمد لله كلي ثقه باهلي وبزوجي وان شاء الله ما بعوفوني منا للموت ان شاء الله....
.........................
جولييت....
جنت كاعده بالمنور دا اغسل ملابس تذكرت من لزمت ابو بريص وجاسر ضل يحجي عليه
اوووف شكد جانت هل ايام عصيبه ومتعبه
اول البارحه عيد ميلاد ريهام وكلها راحت حتئ جعفر وصبريه ما اجت كالت غير يوم
بلعت ريكي اني من تخربطت من اجيت من بيت عمي اتذكر جاسر كليلي حبيبتي ياروحي مووو ؟
لو اتخيييل اخاف احلم والله هو كالها لو لا بس اني جنت بين الوعي ولا وعي يمكن كلي حبيبتي
تنهدت بضيق...اهووو هسه الكال او ما كال وشنو فد مندله عادي اصلا كلامه بعد مياثر اصلا ضليت ما احبه ولا اريده
بس اريد اعرف هو كال احببج لو لااااا....
اسال رضاوي ومجتبئ هم صار عمرهم تقريبا تلث سنوات او اقل بس هم اذكياء وكووولشي يفتهموون ويحجون ويجذبون
اخاف انوب يجذبون عليه ويرحون يفتون يم ابوهم وهو ميصدك يكعد يتمنذل عليه وانتي تسالين عليه ومدري شنووو
هزيت ايدي بانزعاج...اهووو هسه شنو الحبني والضل قابل فد مندله اصلا كعدتي وياه غلط بس احاول ابني نفسي واكون ذاتي افترق عنه لان بينه ثار
واني من هسه ضليت اتعيير باخويه وبي زوجج قتل اخووج وانتي نايمه بحضنه
والله واني لا نايمه ولا شئ اصلا حرمته علئ نفسي
اجت شهد كالت ...اجت خاله صبريه تريدج
فرحت متت من الفرح خليت ورحت اركض لكيت خالتي صبريه كاعده بالحووش وجايبه وياها ديج ومسواك وما اعرف شنو
وخالتي ام فلاح وماما رضيه دخلن وياها جانوا بالمستشفئ يم رهومه سوده عليه هم يوميه يرحون الها وقبل يومين عيد ميلادها كلها راحت وحتئ خالتي صبريه واليوم هم راحن
حضنت خالتي وبستها وهي تخبلت عليه تشمني شم ...يمه هلا بجكليت الحلوو يمه هلا بالمايعه شلونج ولج ضعافه شني ما تاكليين
ابتسمت بحزن...من الخير
ردت بحده...ليش جويسر وراه خييير
ابتسمت ونزلت راسي بحزن خالتي ام فلاح ضاجت كلتلها..شكول عليج صبريه يم جبتي ديجج ودخلتي للاستعلامات بالمستشفى وفشلتينه
جاوبتها بغضب...عليمن فشلتج عليمن يمه هو دويج عاقل وهادئ شنو عارك الدكتور يو غازل الممرضه كاعد وساكت وضال يكاكي
كلتلها..مو ابو الاستعلامات كال...ترسنه ضروك
جاوبتها باستهزاء وهي تدخن...ديله عساس مستشفيهم يلمع لمع هو كاتله الگلگ...
رجعت باوعتلي كالت... ببتسامه جبت هذا الدويج المشمش ورضاوي مو ياكله جويسر الوحش صياد الدوجه
ضحكت...لا شحده مرتضئ ومجتبئ وحوش اكثر منه
باوعت بارجاء البيت كالت...وينهم ما اشوفهم
صحت عليهم اجه مجتبئ وكعد بحضني عود هو مستحي هي كلتله بحنية..تعال حبوبه تعال ابوسنك
هو شاورني واني متت من الضحك كالت..شيكووول
ضحكت وباوعتله بسته بخده كتلها...يكول ماما هاي الحجيه حلوه
هي ردت عليه...يمه فدوه للمعدل ابن جكليته السايحه ذوقك احله من ذووق ابو اللول عديم الذووق
والله علئ هل كلام الحلووو اله اسجل كنوش العزيز باسمك بعد شتريد ؟
ضحكت واني اباوعله...يالله كوم بوس بيبي انطتك كنوش اعز من روحها
هو خله وراح كعد بحضنها ويبوس،بيها وهي تخبلت عليه..خايب يروحلك فدوووه ابو اللول المطي ابن المطي شحلاتك شحلاة هل عيوون
انوب اجه رضاوي كعد بحضنها وضلوا ثنينهم يبوسون بيها ويجذبون عليها سوو عدنه املاك وجلاب وهوايش وحصن وشنرييد...عدنه عوو وعدنه مييع سبيير...حصان كبير ...وعدنه ميوو
خلو وراحو والنعالات كل عاده تك وتك كلمن لابس تك نعال الثاني
ضليت اسولف ويه خالتي وابجي وهي انقهرت
كلتلها ...فدوه خاله هو كالو جاسر خرطه خرط وكن سالته يكول اني رميت و وكع بي ما عرفتي ويين ضربه
باوعتلي بتفكير...اني ما ساله بس سمعت من ابو جابر كال ضاربه ببطنها وجتفه ورجله وايده بس كلهن ما ماثرات الكتلته الي ببطنه لان مدري كال شالو نص البنكرياس مدري كال نص الكبد مدري الطحال والله مدري شكالوا
فتحت عيوني بتركيز ...يعني خاله هو ما مات بسرعه
جاوبتني...لا لا ضل كم ساعه بالمستشفئ ومات
تنهدت بضييق...الله يرحمه يضل اخويه مهما كان والدم عمره ما صار مي
جاوبت ...طبعا انه لو جلب من جلابي يموت انقهر عليه...
جريت نفس...اي والله خاله حييل تاذيت واحس صارت بيني وبينه فجوه كووولش،عميقه وهماتين بيني وبين اهلي احس كسروني مره ثانيه رغم هو حررني
ردت ...الله يعينج يمه
ابتسمت بمرح...فدوه خاله اريد اطلب منج طلب لا ترديني اريد تجيبيلي مكينه واريد اتعلم خياط حتئ اخيط واعتمد علئ نفسي
ما اريد اضل تحت جناج الكاسر مهما يكون الوقت مو زين والدنيا يوم اليه وعشره عليه اخاف كوولشي يصير حابه تكون بيدي مهنه اعيش بيها اني واطفالي
جاوبت...خيبه امده جوويسر انه منه احطج بجام خانه واضل اباوع عليج مو اكسر ضهرج بالخياط
ابتسمت بهدوء ونزلت عيوني...الحمد لله علئ كل حال
ما اشوف اله شهد طلعت تبجي وتصييح وجعفر طلع وراها وهو يضحك وانوب يكولها ...دوولي لج هههه قابل مجذب
اجتمعن عليها وهنه يسالنها شكوو
هي ضلت تشهك وتبجي كالت ...والله متت وضجت من جعفر بس يغلط عليه يكوولي للزركه الحوله جنج صبريه
عاد هي ما كالت هييج وصبريع تخبلت وكفت وضلت تهلهل...ويينك ولك جعيفر ابو العرك الساقط منو الحوله الزركه وتشبه صبريه
هو باوعلها وضحك...هههه شبيج خاله اتشاقه وياها وبعدين انتي وين اكو بجمالج ما تلومينها هي الي،ما قابله بييج وما قابله تشبهينها
عاد هي ركعت شهد علئ كتفها...ولج وبعدين شبيه اني وما تقبلين يشبهونج بيه من طاح حضج اي والله امشي ولج ولي من وجهي
هي خلت وراحت تبجي وجعفر مستمر بس يضحك خطيه بهذل البنيه من البارحه لليوم انوب صاير يحب نوال سبحان مغير الاحوال من حال الي حال...
................. ..................
شهد ...
جعفر متغير حيييل حتئ ما ينام بالغرفه كله بالصاله ومن اجي اكعده يضل يصيح عليه ويطردني وشكد افشل
انوب السالفه الجديدة الي غثتني مخلصها كله...نوال بلا امر عليج بلكي تحضريلي الحمام او بلكي تحضريلي الغدا شكد يستفزني
اني من سمعت هييج وتقرب منها وتصرفاته مو منطقيه ضجت شفتهم طلعوا بالحديقه خليت وطلعت رحت وراهم شفتها لازمته من ازرار قميصه وهي تحجي وياه دكوله...انت متجاهلني ومتحبني اذا انت هيج متريدني طلكني والله وروح فلاح اني مية واحد يتمناني بس شسوي الكلبي اذا يحبك
هو لزم اديها ونزلها بعصبية كلها...اششش لا تحجين هل حجي نوال انتي زوجتي وانتي بامانتي وبعدين لا تنسين بنات اخوي اني بمثابة ابوهن منو الهن
ردت بدلع ورجعت تلعب بزرار قميصه...اممم اصلا انت مالك دخل بيهن لو تشوف ولد جاسر شلون يكتلوهن جان بجيت دم عليهن
شوف هسه جهال جاسر محد يحاجيهم لان يخافون من جاسر قابل مثلك ما قايم بواجبهن وتدافعلهن انت لو تدافع الهن بعد محد يحجي وياهن
كلها بحزم وهو يدك صدره ...شحده الي يحاجيهن اني بالوجود واحد يكلهن علئ عينج حاجب غير اشك حلكه الي ياذيهن بورده ...
بعدهم ما يعرفوني زيين اني ابو صادق والله افلشهم تفليش
جرت نفس...زين اكولك جوجو انت ليش ما تاخذ حصتك من هذا البيت واني اخذ حصة فلاح يعني حيكون نص البيت النه لان تعرف شلون احنه النه حصتين وجاسر وصلاح حصتين
هم ياخذون نص واحنه نص شنو راييك ونطلع ونفتك منهم لان بصراحه لعبت نفسي من العيشه هنا لو هم يطلعون ويعوفولنه البيت
كلها باستغراب...و وقار واشواق شنو ما الهن حصه
ردت عليه...دخلي يطيرن وين اكو بنيه تاخذ حصه خلي،يولن خلي يتنازل الك وانت طلع جاسر وصلاح من البيت حتئ نضل بس اني وياك وهل يتيمات والله تكسب بينه اجر
جر نفس...وشهد انوب حامل وين تروح
ردت بتمسكن...خلي تولي طلكها اكولك بعدين اني والله فقيره وما اكدر اعيش ويه هاي الحيه والله تموتني كتل ما اكدر الها علئ ساعه تضربني وتوكع صدوقي
عاد اني هنا انهرت تخبلت طلعت الها ...خاب ام السحوره ام المحوره صدوقي منو هااا ولج صارلج سنين تسووين سحوره بس حتئ يباوعلج وهو مثل الجماد ما يقلد الج هسه صار جعفر محبس بيدج عند يا سحاره اشتغلتي اله
هي ضلت تصرخ وتلطم...يا يابه يا بووويه تعالو شوفوا بزر زري شلون تغلط عليه ولج كلج بكد سجاوي ولج انتي شنو وتغلطين عليه شفت جعفر شفت بعينك يالله طلكها
اجت رضيه وخالتي ام فلاح يركضن كال...شكووو شصاير شصاير...
عاد اني سولفت الهن وهي نوال كالت...عليه الزهره ام الحسن وروح ذاك فلاح الشالع عيوني من كون اني كايله الجعفر علئ بيعت البيت ومن كون كايلتله طلكها
بس هو ربي بعد عيني عينه يعرف الناس الباطلة وخله جعفر كرهج من اسلوبج وجذبج ومزعطتج
كلتلها واني اتخصر ...لا والله جعفر ما عافني بس من وره سحورتج
عاد هو ضل يصيح ويغلط كال...كااافي كاافي والله التحجي اشك حلكها وانتي شهد صمي حلكج لا اجي اشكه
هي لزمت بطنها بوجع...اخخخ اخ بطني يمه حمووت
وهو جعفر ركض عليها ولزمها من خصرها كلها..علئ كيفج لا تاذيين نفسج
اني خليت ورحت الغرفتي وضلييت ابجي بصوت عالي ياربي هذا متغيير حييل ام السحوره من تزوجت لحد الان وهي بس ترشرش والله وقبل فتره شريت شالي ما لكيته
و أول ما تزوجت روب النوم مالتي ما لكيته حتئ كلت لخالتي ام فلاح كالت والله ما ادري يجوز مرة ابوج اخذته احنه ما عدنه واحد يمد ايده
ضليت اليوم كله ما طلعت وبس ابجي وانحب علئ حضي...
صار دنيا اليل وهو اجه يتطوطح من السكر وفتح الباب ونام بصفي وهو يشم بشعري
كعدت باوعتله بغضب ودفعته ...هم سكران ولك شلون بييك ما صدكنه تبت
باوعلي...ششك شككو مم منو ششهد شوكت نتزوج ترئ متت واني اغني علئ ساحة الإنتظار
جاوبته بسخريه...لا والله ومنو اليوم الطردني وسحلني ويدافع لنويله روح الحبيبتك وجهه الطاوه
رد وهو ما مسيطر علئ نفسه...رجاءا رجاءا لا تخليني،اتقيئ بطل الويسكي واني مشتري بفلوس نويله بيش الكيلو
كتله...لعد منو يدافع الها البارحه
جاوب...والله م. اني شهد اني انسان هوواي تعذبت مجبور وخالتي ام امي جبرتني اتزوج نوال وهي نوال زوجة ابن خالتي فلاح
هزيت ايدي ...كوم اسبح كووم لا تضل تلطش بالحجي عليه شنو خالتك شنو امك. شنو زوجة مدري منوو
وهسه اني فعلا وجهه الطاوه حامل منك
اشر علئ نفسه بصدمه وبفرحه...لاااا مستتحييل راح اصيير اب راح اصبير اب الحمد لله الحمد لله بعد انتظار عشرين سنه جبرت بخاطري
سبحته واني اسحل بي ودخلته سبحته وطلع وهو دايخ شمرته علئ الجربايه وشغلت السبلت بلكي يتمرض ويتوب واخذ ثاري منه
بس اني وين كلب والده كلبي ما انطاني رجعت غطيته وشغلت التدفئه ونام
واني،هماتيين نمت والله ذيج الفتره صار زين وضل ما يشرب بس هسه تخبل كووولش انوب يحب نويله ما مصدومه بالعرك كد نويله....
كعدت من النوم طلعت بره غسلت ودا ارجع اندك الباب رحت فتحته طلعت خالتي صبريه سلمت عليها وهي دخلت واني خليت ورحعت نمت وهو بصفي باوعلي كال بتذمر...شهل وجهه واحد يصبح بي من الصبح
تعصبت...شبي،وجهي عيني شبي مو جنت تموت عليه
كال...اي مسحور غير هاي مرة ابوج الساقطه طكتني بسحر
جاوبته بغضب...ماكو سحاره غير نووويله ام السحوره خلت عقلك بذانك
نام علئ ضهره ورد بتذمر...انجبي انجبي تخوفيين وزركه مدري شلون اخذتج جنج صبريه
عاد اني تخبلت تعاركت وياه وضليت ابجي وطلعت
احجي كتلهم يكولي جنج صبريه تول مره صبريه هجمت عليه اشو هاي انوب تعاركت ويايه
واني تخبلت لميت ملابسي ردت اروح الاهلي بس ماما رضيه ما قبلت كالت بس تطلعين اطلع وياج انتي جنتنه وبنيتنه ونحبج خلي يولي جعيفر هو الازرك والاملح وجنه ابو اللول
عاد اني خليت وكعدت وما رحت بس،زعلانه من جعفر.....
............................. .......
جولييت...
مرات الألم يتحسن ومرات يتغير شكله والمرات تكون المصيبه اقل بس للاسف الجرح يضل هو هو ومرات يكون الجرح نفسنه احنه
رجع جاسر من السفر وره تقريبا عشرة ايام ...
عادي سلمت عليه كتله الحمد لله على سلامتك وهو رد بهدوء جايب هدايا الاطفاله وبنات اخو ذاكر الكل تقريبا
واني ما ذاكرني عادي لا يذكر مو فد اهميه ما اريد اي ذكرئ منه
هو من سافر جان قافل غرفته جنت اتمنئ ادخلها اريد اشوف الظرف شنوو بي بس هو خبيث عازل نفسه
اول ما رجع ما ارتاحيت الرجعته حسيت او اتهيئلي اكوو شئ
شعنده مسافر السورية يدور علئ شام لو شنووو
هو خله وطلع راح الشغله من يروح الشغله يعني،يتأخر ويكون ملتزم بدوامه
اني ما صدكت دخلت الغرفته ادور علئ الظرف ولا اتوووب صدك بربوك علئ كولته ...
فتحت الكنتور دورت مالكيته بس اثار انتباهي ثوب نوم ابييض كووولش حلوو وقيصير وياه عقد من الفضه وبي شذره خضره ناعمه مثل تصميم حريم السلطان
كووولش عجبني استغربت المن جايبهن ذن الشام ؟ بس هي شام وينها
بس لا يطلع الاخ متزوج هناك ويدور متعه اي بعد حرمته علئ نفسي وهو اناني ياخذ حقه ياخذه عاد راح تزوج بالحلال وركعني مية نعال...
عقجت ثوب النوم حييل بيدي وشمرته باهمال بالكنتور ابو الهدايا انوب ضل يجيب هدايا منحرفه
بعدها نزلته علئ الارض بكلب محروك ودست عليه برجلي حيييل ...اي حييل يطبها مرض الي تلبسه شكوو يجيب هيج اشياء منحرفه ومقرفه وووويع
وييع لعبت نفسي من جاسر احس متزوج عليه وحده جرده طويله مسلوحه ورجليها سوود طوال وركبها مجيمه من الوصخ ولابسه هل ثووب شتطلع ...
شلت الثوب وشمرته ...هسه اني شدخلني شكد فضوليه اهم شئ الظرف...
دورت دورت ماكووو نفخت بضيق...ويين راح هذا
بس لو اعرف شكاتب بي يمكن يكول كاتب فشار بالله شنو الكاتبه...جولييت البربوك بسيطه اله اجي للخارج اسحلج من كصيبتج سحل وبس تزوجين جاك الادبسز اله اموتج
ووويع شهل كلام التافهه اكيد كاتب فد سر عند امي او يشرحلي بيها شلون قتل عاصم اكو شئ يخص اهلي اي والله الموضوع يخص اهلي ميخصني...
رجعت دا اطلع ويه ما دا اطلع وهو فتح الباب شايل مرتضئ باوعتله باندهاش
وهو رفع حاجب كال...هلا بام رضاوي اليوم ضيفه عندي اهلا وسهلا بيج والله شرفتينا ونورتينا
بلعت ريكي...نضفت الغرفه ودا اطلع
ابتسم وهو يباوع الارجاء الغرفه كال...ادري داخله القوات القذره مقتحمينه شنوو اشو ما ضال كنتور ما مفتوح ولا ضاله جراره ما مفتوحه بايگينكم وما ندري برواحنا
باوعت للغرفه حطيت ايدي علئ خدي عزا والله من الخووف خاف يجي ضليت ما اعرف شلون اطلع ولا سديت باب كنتور
كال وهو يبوس بمرتضئ..سالت مرتضئ كتله جكليته وين كال سكيته بحرفه مالتك تاخذ ربع هههه
ضربته علئ ايده علئ كيف...شنو ولك اني بواكه واخذ ربع
هو باوعلي وياشر علئ صدره...اي انتي عدج واااي باعه حقيهن انااا...« انتي عندج هوواي رباعه تحطيهن هنا »
باوعتله بغضب...عزااا بعيين العدوو ولك شوكت ضميت والله انتم ابد ما عندكم تربية مدري علئ منو طالعيين اني فقيره وحبابه اله انتي استغفر الله استغفر الله مدري عليمن طالعييين « اقصد عليه »
هو نزل مرتضئ وانطاه الف كله...اخذه بابا وروح العمو جعفر يشتريلك انت واخووك يالله حبيبي بسرعه
هو راح يركض ويصيح...ممش بابا اقاني ابع
اني ردت اطلع هو سحب ايدي ورجعني المكاني كال...وين رايحه؟
جاوبته...اولا اني محرمتك علئ نفسي ماكو داعي الهل حركات وثانيا رايحه اشوف أطفالي ويين سؤالك بصراحه مو بمحله
بلل شفايفه بهدوء وهو يباوع للغرفه كال...اولا اقفلي كل اابواب الكنتور وثانيا بما انو انتي محرمتني علئ نفسج عشتو شعندج داخله الغرفتي
جاوبته..غرفه صار كم يوم ما منظفه فحبيت انظفها ..وبعد عادي انت سد الابواب ميصير شئ
دا اطلع رجع سحبني بحده كال...قفليهن بسرعه
قفلتهن واني اتذمر وادردم بكلبي
دا اطلع رجع لزمني كتله...خيير ؟ ترئ قفلتهن
رد ببرود...اي بس لازم افتشج اخاف ماخذه شئ من ممتلاكاتي ولدج شهدو عليج تخمطين مني ارباعه عاد اخمطي اوراق دولارات شبيج مجديه علئ الارباع
جاوبته بحده واني لازمه ايده اريد افكها من معصمي...اهوو وخررر ترئ ولدك جذابيين وانت تعرف كوولش زين اني ما امد ايدي
جاوب ببرود...الاحتياط واجب بعد عمج
ضل يتلمس بجسمي واني واتلوئ بين اديه..ولك عووفني حصرخ شنو لابسه حزام ناسف وتتلمس بيه
رد بهدوء...لا جاي افتش
مد ايده بصدري واني صرخت ولزمت ايده...عززا بعينك وخرر شنو السالفه والله جذابين وانت ما تصدك تريد تستغل هل شئ الصالحك
جاوب ببراءه...اني صاحب حق وجاي اتطمن علئ املاكي عايل ويااج؟
لزمت ايده...اي عايل وخرر ايدك كزبر جسمي
حط انفه علئ خدي وعض شفته كال...لهل درجه اثرت بييج لمساتي
جاوبته بقهر...لاااا اني امي من تلزمني اكشخ حساسه حييل عووفني
عض خدي كال...اووويلي،من حساسيتج تجنن
دفعته وطلعت واني امسح بخدي بسيطه مريضه اني الك شوكت اخذت ربع من ابوووك تجي لو ما تجي اله انطي تك النعال المجتبئ...
مرت ساعتين وهو طلع كال...اليوم عازم بيت عمي ابو جابر سوولهم عشاء...
احنه هماتين حضرنه وما قصرنه الحمد لله هم اجو تعشوا
طلعوا الاطفال للحديقه واني رحت اجيبهم لكيت جابر يخابر من شافني كطع الاتصال اني سلمت عليه ودا ادخل
درت وجهي عليه كتله بحزن...جااابر عاصم شلون مات
هو بعده ما مجاوب وما اشوف اله الصوت الغاضب وهو يكووول ...جوليييت
نهاية البارت...يتبع
كونوا انتم كونوا بخير...احبكم 💔
نور سمو العراق 😘
لا تنسوا تضغطون النجمه الزركه حاطتها الكم من العيون 😂...
وهاي الفازت باجمل منشور من مسابقة كروب الفيس 😍😍😍
وهاي الصور الطلحه...😍
بالنهاية اشكركم كووولش هووايه وكولي حابين اختصر القصه لو اسردها مثل ما هي 💏🌹
وتابعوا هل حسابات فضلا وليس امرا
quzoma6