ချွေးစတို့ကိုသုတ်ဖယ်ပေးပြီးနောက် နဖူးပေါ်ကျနေတဲ့ဆံနွယ်စတို့ကို လက်နဲ့အသာသပ်ပေးလိုက်တော့ ခွေးပေါက်လေးတွေလိုမျိုး တအင်းအင်းတအဲအဲညည်းညူရင်း စောင်အောက်ကိုပိုတိုးဝင်သွားတော့တယ်။ ဘယ်လောက်တောင်များပင်ပန်းနေလို့ ဟောက်သံသေးသေးလေးတွေ ထွက်နေတာပါလိမ့်။ သူအရမ်းကိုနှိပ်စက်မိသွားတယ်ထင်တယ်။
အတွေးနဲ့အတူ အပြုံးတို့က နှုတ်ခမ်းပါးမှာကပ်ခိုပြန်တယ်။ နှိပ်စက်လိုက်မိတယ်ဆိုရင်လည်း ချိုမြိန်သောနှိပ်စက်ခြင်းပါပဲ။ အထက်တန်းပထမနှစ်သာရှိသေးပေမယ့် ဝမ်ရိပေါ်က အသက်ပြည့်ပြီးသားဆိုတာ သူသိတာမို့ အခုလိုရယူတဲ့နေရာမှာမတွန့်ဆုတ်လိုက်မိတော့တာပဲဖြစ်တယ်။
“ ငါ့ကိုဘာလို့များမမှတ်မိရတော့တာလဲ။ မေ့ပစ်လိုက်တာဆိုးလိုက်တာ။ 10နှစ်ဆိုတဲ့ကြာချိန်က မင်းမေ့ပစ်ဖို့အတွက် လုံလောက်သွားတာလား။ ငါကဒီအတိုင်း မင်းငယ်ဘဝကလူတစ်ယောက်အနေနဲ့ပဲ ကျန်ခဲ့တော့တာလား။ ဟား ... ဝမ်ရိပေါ်၊ မင်းဘယ်လောက်ဆိုးလဲဆိုတာ မင်းကိုယ်မင်းမသိတဲ့ပုံပဲ ”
စကားတွေဟာ နားဆင်သူမဲ့တယ်။
စားပွဲပေါ်ကမီးအိမ်အကူအညီနဲ့ အခန်းထဲကိုအလင်းပေးထားတဲ့မှိန်ပြပြမီးရောင်က ဝမ်ရိပေါ်ရဲ့စောင်မကူတဲ့မျက်နှာထက်ကိုဖြာကျတယ်။ ရှောင်းကျန့်လက်ထဲမှာ ဆော့ကစားခြင်းခံနေရတဲ့ဆံနွယ်စတို့က အိအိလေး။ ကလေးတွေရဲ့ဆံနွယ်စလိုမျိုး။ ပြီးတော့ အရင်တုန်းကကိုင်ခဲ့ဖူးသလိုမျိုးပဲ။ ဝမ်ရိပေါ်က ဘာတစ်ခုမှမပြောင်းလဲသွားသလိုမျိုးလို့ထင်ရပေမယ့် တကယ်ကတော့ပြောင်းလဲသွားတာတွေအများကြီး။ အဲ့ဒီပြောင်းလဲခြင်းတွေထဲမှာ သူ့ကိုမမှတ်မိတော့တာက ထိပ်ဆုံးကနေရှိတယ်။
ဒုတိယအကြိမ် စောင်ကိုသေချာခြုံပေးပြီးတဲ့နောက်မှာတော့ အခန်းထောင့်ကအဝတ်ချိတ်မှာချိတ်ထားတဲ့ အင်္ကျီအိတ်ကပ်ထဲကနေ ဆေးလိပ်ဘူးကိုယူလို့ ဝရန်တာဆီထွက်လာလိုက်တော့တယ်။ ည၁နာရီဆိုတဲ့အချိန်က အတွေးတွေဖြန့်ကျက်ဖို့အကောင်းဆုံးအချိန်လိုပဲ။ ဝရန်တာကနေ မျက်စိတဆုံးကြည့်လိုက်တော့ မြင်လိုက်ရတာက မှောင်မဲနေတဲ့လွင်ပြင်မဟုတ်ပဲ ပျောက်တိပျောက်ကြားမီးတွေလင်းနေတဲ့ရောင်စုံလွင်ပြင်ကိုပဲ။
လေပြင်းမတိုက်ခတ်တာကြောင့် နှုတ်ခမ်းကြားထဲကိုက်ခဲထားတဲ့ဆေးလိပ်ကို လွယ်လွယ်ကူကူပဲမီးညှိနိုင်သွားတယ်။ ခါးသက်တဲ့အငွေ့အသက်က ရင်ထဲကခါးသက်မှုကိုတော့မမှီနိုင်ချေ။ ရယူလိုက်ရလို့အလုံးစုံပျော်ရွှင်တဲ့ခံစားမှုကို အပြည့်အဝမခံစားရပါပဲ အတိတ်ကိုတွေးမိပြီး ရင်ထဲလွမ်းသလိုခံစားနေမိတယ်။ အပြန်အလှန်နှစ်သက်လို့ရယူကြတာမှန်ပေမယ့် ဝမ်ရိပေါ်သာ သူ့ကိုမှတ်မိပြီး အတူနေခြင်းမျိုးသာဆို အခုထက်ပိုပြီးပျော်ရွှင်ဖို့ကောင်းပါလိမ့်မယ်။ အခုလည်းပျော်ရွှင်ဖို့မကောင်းတာမဟုတ်ပေမယ့်ပေါ့။
“ ခံစားချက်တွေကဘယ်ထဲကစရှုပ်ထွေးသွားပါလိမ့် ”
မှုတ်ထုတ်လိုက်တဲ့ဆေးလိပ်ငွေ့ထဲမှာ မရေမရာတမ်းတခြင်းတွေပါသွားတယ်။ 18နှစ်အရွယ်ဝမ်ရိပေါ်က သူ့အိပ်ခန်းထဲမှာအိပ်နေတဲ့အချိန် သူကတော့ဝရန်တာမှာဆေးလိပ်သောက်ရင်း 8နှစ်အရွယ်ဝမ်ရိပေါ်ကိုပြန်တွေးမိသွားလေတယ်။
.............
“ Sean ... မင်းငါ့ကိုမလေးမစားလုပ်နေတာလား ”
“ တစ်ခါမှလည်းမလုပ်ဖူးပါဘူး။ အဖေ့သာအဲ့လိုတွေတွေးနေတာ ကျွန်တော်ဖြင့် တခါမှတွေးမိတာမဟုတ်ဘူး ”
ပုခုံးနှစ်ဖက်တွန့်ပြီး မျက်နှာကိုဘေးဖက်ဆီလှည့်လိုက်တော့ ဖန်ခွက်တစ်ခွက်ကပါ နံရံဆီခွမ်းခနဲသွားမှန်လေတယ်။ ရုတ်တရက်ကြီးဖြစ်သွားတာမို့ လန့်သွားတဲ့စိတ်ကြောင့် ခန္ဓာကိုယ်ကိုကျုံ့ပစ်လိုက်ပြီး နံရံကိုလှည့်ကြည့်မိတယ်။ အဖေကသူ့ကြောင့်ဒေါသထွက်သွားတာမှန်ပေမယ့် အဖေ့ဒေါသပုံချခြင်းခံလိုက်ရတာကတော့ အဖေ့လက်ထဲကအရက်ခွက်ပဲ။ တန်ဖိုးကြီးလှပါတယ်ဆိုပြီး အမေရှိစဉ်တည်းက တသသလုပ်ရင်းသိမ်းထားခဲ့တဲ့ခွက်က အခုတော့ စိစိညက်ညက်ကြေနေပြီ။
ဒါလည်းသူကမမှုဘူး။ ဘယ်လောက်ပဲဒေါသထွက်ထွက် အဖေကသူ့ကို ကိုယ်ထိလက်ရောက်လုပ်ခြင်းမရှိတာမို့ သူဆိုတဲ့ကောင်ကလည်း ရဲရဲတင်းတင်းလေး။ နံရံကိုကျောမှီပြီး ပေကပ်ကပ်လေးရပ်နေတဲ့သူ့ကို အဖေကစိတ်ပျက်သလိုကြည့်တယ်။ ပြီးနောက် .... ။
“ ငါ့လုပ်ငန်းတချို့တဝက်ကိုဦးစီးပါလို့ပြောတော့လည်း စကားနားမထောင်ဘူး။ ဂျပန်ပြန်လိုက်ခဲ့လို့ပြောတော့လည်း အင်းအဲနဲ့။ ဒီမြေကိုဘာများတွယ်တာနေလဲမသိဘူး ”
အဖေကသူ့ဘာသာတစ်ယောက်တည်းရေရွတ်သလိုနဲ့ ဖန်ခွက်နောက်တစ်ခွက်ကို ဗီရိုအပေါ်ကန့်ထဲကနေထုတ်ရင်းကနေ ထိုစကားတို့ကိုပြောနေလေတယ်။ ဂျပန်စကားကိုအဖေ့ကြောင့်သင်ထားရတာမှန်ပေမယ့် အမေ့ရဲ့ဘာသာစကား အမေ့ရဲ့ယဉ်ကျေးမှုကိုသာ မြတ်နိုးပါတယ်ပြောရင် ထပ်ပြီးဒေါသထွက်ဦးမယ်။ အဲ့ကျရင် အခုအသစ်ထပ်ထုတ်လိုက်တဲ့ဖန်ခွက်က ရှေ့ကဖန်ခွက်လိုမျိုးစိစိညက်ညက်ကြေသွားဦးမယ်။ ပစ္စည်းတွေမဖြုန်းတီးစေချင်တာကြောင့် သူလည်းဘာမှမပြောပဲ နေရာမှာတင် ရပ်မြဲရပ်နေလိုက်တော့တယ်။
“ ငါဒီကအလုပ်တွေပြီးရင် ဟိုကိုပြန်မယ်။ အဲ့ကျရင် ပြန်လိုက်ခဲ့ ”
“ မလိုက်ချင်ဘူး။ ကျွန်တော်ဒီမှာပဲနေချင်တာ။ အမေခေါင်းချသွားတဲ့နေရာမှာပဲ ကျွန်တော်နေချင်တာလို့ ”
ကလေးဆန်ဆန်အော်ပြောလိုက်တော့ အဖေ့ရဲ့မျက်မှောင်တို့ချက်ချင်းကြုံ့သွားတာကိုမြင်လိုက်ရတယ်။ အမေ့ကိုအချစ်ရဆုံးဆို အဖေ့ကိုကအကြောက်ရဆုံးပဲ။ ဒါပေမယ့် ကြောက်တယ်ဆိုတိုင်း ပြန်မပြောရဲတာလည်းမဟုတ်ဘူး။ အခုလိုအချိန်ပေါ့။ အဖေမျက်မှောင်တွေကြုံ့သွားရင်တော့ ဘာမှထပ်မပြောရဲတော့ဘူး။
“ ငါ့ရှေ့ကထွက်သွားလိုက်တော့။ မြင်ရတာ သွေးတက်တယ်။ ဘာပဲဖြစ်ဖြစ် ပြန်လိုက်ခဲ့ရမယ်ဆိုတာတော့ စိတ်ထဲထည့်ထား။ အထက်တန်းလည်းဟိုမှာပဲဆက်တက်ရမယ် ”
မိဘကိုပြန်မပြောရဲတော့တဲ့ကလေးတစ်ယောက်အနေနဲ့ လက်သီးတင်းတင်းဆုပ်ပစ်ရုံပဲတတ်နိုင်တော့တယ်။ အဖေ့ကွယ်ရာအရောက်မှာတော့ တင်းတင်းဆုပ်ထားတဲ့လက်သီးနဲ့ နံရံကိုထိုးပစ်လိုက်တယ်။ အဖေ့ကိုဒေါသထွက်တာမျိုးမဟုတ်ပဲ ကိုယ့်ကိုကိုယ်ဒေါသထွက်ခြင်းမျိုးသာဖြစ်တယ်။ ကိုယ့်စိတ်ကိုယ်မပိုင်တဲ့လူငယ်တစ်ယောက်ရဲ့လူမသိသူမသိစိတ်ဆိုးဒေါသထွက်ခြင်းများပေါ့။
‘ငါ့ရှေ့ကထွက်သွား’ဆိုတဲ့ အဖေ့စကားကိုနားထောင်လွန်းစွာနဲ့ပဲ အဖေ့ရှေ့ကနေသာမက အိမ်ထဲကနေပါထွက်လာလိုက်တော့တယ်။ စက်ဘီးပြိုင်ဘီးကိုခွတက်လိုက်တော့ သင်ထားတာမကြာသေးတာကြောင့် ဟန်ချက်မညီပဲ လဲမလိုဖြစ်သွားရတယ်။ အဲ့ကျ ဒေါသတွေကစက်ဘီးပေါ်ပုံကျမလိုဖြစ်တယ်။ ဒါပေမယ့် သက်မဲ့ပစ္စည်းပေါ်အလကားနေဒေါသမထွက်ချင်တာကြောင့် နောက်တစ်ကြိမ်ပြန်ခွလိုက်လို့ စက်ဘီးကိုကြိုးစားနင်းလိုက်တော့တယ်။
“ တောင်းပန်ပါတယ်။ မလုပ်ပါနဲ့ ”
အဖေနဲ့စကားများပြီးတဲ့အချိန်ပဲဖြစ်ဖြစ် စိတ်ရှုပ်တဲ့အချိန်ပဲဖြစ်ဖြစ် အမြဲလိုလိုသွားတတ်တဲ့အမေဝယ်ပေးထားတဲ့တိုက်ခန်းဆီ ဒီနေ့လည်းသွားဖို့တွေးလိုက်ပေမယ့် အဲ့ဒီအတွေးတွေက သူ့အိမ်ရဲ့သုံးလမ်းကျော်လောက်မှာရှိတဲ့ လမ်းကြားထဲကကလေးအသံလိုလိုကိုကြားလိုက်ရချိန်မှာပဲ ပျက်စီးစပြုသွားတယ်။ လမ်းကြားကိုကျော်ထွက်သွားတာမို့ စက်ဘီးကိုတုန့်ခနဲရပ်ပစ်လိုက်ပြီး အနောက်ကိုပြန်တွန်းလာလိုက်တယ်။
သူထင်တဲ့အတိုင်းပဲ။ ဒီလိုနေရာတွေက အကြမ်းဖက်လို့ကောင်းတဲ့နေရာမျိုး။ လက်တောက်လောက်ကလေးတွေက သူတို့ထက်သေးတဲ့ တကယ့်ကိုမှလက်တောက်လောက်လေးသာရှိဦးမယ့်ကလေးတစ်ယောက်ကို အကြမ်းဖက်နေကြတာ။ သက်မဲ့ပစ္စည်းပေါ်လည်း ဒေါသပုံမချချင်တဲ့ရှောင်းကျန့်ရဲ့ဒေါသစိတ်တွေအကုန်လုံးက အဲ့ဒီလမ်းကြားထဲက လူဆိုးလုပ်နေတဲ့ကလေးတွေဆီရောက်သွားတယ်။ အလွန်ဆုံးရှိမှ 13 14ပေါ့။ အဲ့ဒီလိုအသက်အရွယ်လေးတွေ လူရမ်းကားလုပ်နေတဲ့မြင်ကွင်းက ရှောင်းကျန့်စိတ်ကိုအဆင်မပြေစေဘူး။
“ ဟေ့ကောင်လေးတွေ ... ! ”
ခေါ်လိုက်တော့လှည့်ကြည့်ကြတာများ ချာကနဲ။ မိုက်မိုက်ကန်းကန်းအကြည့်လေးတွေကလည်း အပိုထပ်ဆောင်းပါသေးတယ်။ သူတို့လက်ထဲမှာ တန်ဖိုးကြီးလွယ်အိတ်တစ်လုံးကရှိနေတယ်။ လွယ်အိတ်ထဲကပစ္စည်းတွေကတော့ မြေပြင်ပေါ်မယ်အနှံ့အပြား။ တစ်ဆက်တည်းပဲ ကျောက်ရုပ်လိုရပ်နေတဲ့ကလေးဆီအကြည့်ရောက်တော့ ရှောင်းကျန့်ဒေါသတွေထိန်းမရတော့ပဲ လွယ်အိတ်ကိုင်ထားတဲ့ ခေါင်းဆောင်လို့ထင်ရတဲ့ကလေးလိုလိုခွေးလိုလိုကောင်ရဲ့လည်ပင်းအင်္ကျီစကို ဆွဲဆုပ်လိုက်တော့တယ်။
“ ပစ္စည်းလိုချင် ပစ္စည်းယူလေ။ ဘာလို့လူကိုထိထားတာလဲ ”
ပါးဖောင်းဖောင်းလေးမှာ လက်သီးရာကမလိုက်ဖက်စွာရှိနေတဲ့ကလေးဖက်ကိုပါ လက်ညှိုးထိုးပြရင်း ရှေ့ကကောင်ကိုမာန်မဲပစ်လိုက်တယ်။ ဒါတောင်မှ ကြောက်လန့်တဲ့ပုံ တစ်စက်မှမပေါ်တာမို့ ခေါင်းကိုဖြတ်ရိုက်ပေးလိုက်တော့ ဘေးကကလေးတွေက ရှောင်းကျန့်ကိုထိဖို့တိုးလာကြတယ်။ ခေါင်းဆောင်ကောင်ရဲ့လည်ပင်းအင်္ကျီစကိုဆွဲထားရင်းနဲ့ပဲ တခြားကောင်တွေကိုပါ ခြေထောက်နဲ့ကန်ပစ်လိုက်တယ်။ ဝမ်းဗိုက်နေရာကိုကန်ပစ်လိုက်တာမို့ မြေပြင်ပေါ်လဲပြီးချောင်းဆိုးကုန်ကြတယ်။ အဲ့ကျမှ ခေါင်းဆောင်ကောင်က ကြောက်လန့်တကြားနဲ့ သူ့ကိုတောင်းပန်လာတာ။ အဲ့လိုမှမတောင်းပန်ရင်လည်း ရှောင်းကျန့်ကအဲ့ကောင်ကိုပါ သမဖို့တွေးပြီးနေပြီ။
“ ငါ့ကိုတောင်းပန်ရမှာမဟုတ်ဘူး။ ဒီကလေးကိုတောင်းပန် ”
မျက်လုံးရွဲကြီးတွေက ရှောင်းကျန့်ကိုအားကိုးတကြီးနဲ့ကြည့်လာတယ်။ ပါးဖောင်းရုံသာမက မျက်လုံးကပါရွဲရွဲကြီးမို့ ရှောင်းကျန့်က ထိုကလေးကိုကြည့်ရင်း အသည်းတွေယားသလိုခံစားလိုက်ရတယ်။ ကလေးမချစ်တတ်တဲ့သူက ဒီလိုခံစားလိုက်ရတာ တကယ့်ကိုအထူးအဆန်းပဲ။
ကလေးလူရမ်းကားသုံးကောင်က အပြာအယာတောင်းပန်ပြီးတာနဲ့ လမ်းကြားထဲကနေ ပြေးထွက်သွားတော့တယ်။ တအိအိငိုနေတဲ့ကလေးက မြေပြင်ပေါ်ကျနေတဲ့ပစ္စည်းတွေကို တစ်ခုချင်းစီသေချာကောက်နေတော့ မနေနိုင်တဲ့သူကပါ လိုက်ကောက်ပေးမိတော့တယ်။ ဖြူဖြူဖောင်းဖောင်းလုံးလုံးက အနိုင်ကျင့်ချင်စရာကောင်းနေတာပဲ။ ပျော့ညံ့တဲ့ပုံစံလေးနဲ့။
“ ရော့ ... ”
လွယ်အိတ်ကိုကမ်းပေးလိုက်တော့လည်း ငြိမ်ငြိမ်လေးယူပြန်တယ်။ သူကိုယ်တိုင်က ထိုးမယ် ကြိတ်မယ်ဆိုတဲ့အကြမ်းပတမ်းလိုလူမို့လို့လားမသိဘူး။ ငြိမ်နေတာတွေ့ရတော့လည်း အားမရပြန်ဘူး။ ကလေးအရွယ်နဲ့မှမလိုက် တက်တက်ကြွကြွကိုရှိမနေဘူး။
“ လာကြိုမယ့်သူမရှိဘူးလား။ နောက်ဆို ဒီလမ်းကမပြန်နဲ့ ”
ဒီတကြိမ်ကရှောင်းကျန့်တွေ့လိုက်လို့ ကံကောင်းသွားတာဆိုပေမယ့် တခြားရက်တွေမှာတော့ ဒီလိုကံကောင်းမှုမျိုးကရောက်လာနိုင်မယ်မထင်ပါ။ သူကလည်းအချိန်ပြည့် ဒီဖက်ကိုလာတတ်တာမဟုတ်ဘူး။
“ ဟုတ် ”
လွယ်အိတ်လွယ်နေရင်းကနေ သူ့ကိုပြန်ဖြေလာတဲ့အသံတိုးတိုးလေး။ အားမလိုအားမရစိတ်တွေက ရှောင်းကျန့်ကိုယ်ရဲ့ဟိုဟိုဒီဒီနေရာအနှံ့ကနေ တိုးထွက်ကုန်တယ်။ လွယ်အိတ်ရဲ့လက်ကိုင်ကွင်းကိုဆွဲကိုင်ကာ ထိုကလေးကို လမ်းကြားထဲကနေဆွဲခေါ်လာလိုက်တော့တယ်။ လွယ်ထားတဲ့လွယ်အိတ်ကနေဆွဲခေါ်လာတာမို့ သေချာသာမကြည့်ပါလျှင် ရှောင်းကျန့်ကထိုကလေးကို ဂုတ်ကနေဆွဲခေါ်လာတယ်လို့ ထင်မှားနိုင်ဖွယ်ရာရှိတယ်။
“ ဟိုဖက်လမ်းထိပ်မှာရေခဲမုန့်ဆိုင်ရှိတယ်။ စားချင်လား။ စတော်ဘယ်ရီရေခဲမုန့်ကအရမ်းကောင်းတယ် ”
ရုတ်တရက်ကြီးထွက်သွားတဲ့သူ့စကားသံနောက်မှာ မျက်လုံးရွဲကြီးက သူ့ကိုမော့ကြည့်လာတယ်။ မှေးပေမယ့်လည်း ဒီကလေးရဲ့မျက်လုံးက တကယ်ရွဲရွဲကြီး။ ကလေးကပဲ ချစ်မွှေးပါတာလားမသိပေမယ့် ရှောင်းကျန့်ကတော့ ရေခဲမုန့်ဝယ်ကျွေးဖို့အတွက် စက်ဘီးပေါ်ပါတင်လိုက်ပြီးဖြစ်တယ်။ နောက်ထိုင်ခုံမပါတာမို့ ရှေ့ဘားတန်းမှာပဲ ထိုကလေးကိုတင်လိုက်ရတယ်။ စက်ဘီးစီးမကျွမ်းကျင်တဲ့အပြင် ကလေးတစ်ယောက်ကပါရင်ခွင်ထဲမှာပါလာတာမို့ ရှောင်းကျန့်ကသေချာထိန်းရင်း ခပ်ဖြေးဖြေးပဲနင်းနေမိတယ်။
“ ကူညီပေးတာ ကျေးဇူးတင်ပါတယ် ”
တတန်းတည်းထွက်လာတဲ့အသံတိုးတိုး။ ရှောင်းကျန့်ငုံ့ကြည့်လိုက်တော့ ထိုကလေးကသူ့ကိုကြည့်မနေပေ။ သူ့အင်္ကျီစကိုသာ ခပ်တင်းတင်းဆုပ်ကိုင်ထားရင်း စက်ဘီးလိုက်စီးရတာကို ဘယ်လောက်တောင်ကြောက်နေကြောင်း ပေါ်ပေါ်လွင်လွင်ပြသနေလေတယ်။ စက်ဘီးလက်ကိုင်ခါယမ်းနေတာက ထိုကလေးငယ်ကိုကြောက်စေတာထင်တယ်။
ရေခဲမုန့်ဆိုင်ရောက်တော့ လုံးတုံးလေးကိုစက်ဘီးပေါ်ကချပေးရတယ်။ အရမ်းဖောင်းပြီးအရမ်းလုံးနေတာမျိုးမဟုတ်ပဲ ခပ်ပြည့်ပြည့်အနေအထားနဲ့ထိုကလေးက အရမ်းလည်းအေးတဲ့ပုံပဲ။ ရှောင်းကျန့်နေရာချပေးရာခုံမှာပဲငြိမ်ငြိမ်လေးထိုင်နေလေတယ်။ ရေခဲမုန့်နှစ်ခွက်ကိုင်ပြီး ရှောင်းကျန့်ပြန်လာတဲ့ထိ ထိုကလေးကတော့ အဲ့အတိုင်းလေးသာ။
“ ကျေးဇူးတင်ပါတယ် ”
ကူညီပေးတဲ့သူဆိုတာမှန်ပေမယ့်လည်း သူစိမ်းနောက်ကို ဒီကိုလွယ်လွယ်ကူကူမလိုက်လာသင့်ကြောင်း ပြောလိုက်ချင်တဲ့ရှောင်းကျန့်ရဲ့စကားတွေက ထိုကျေးဇူးတင်စကားမှာ နှုတ်ဆိတ်သွားရတာပဲ။ သူမို့လို့လိုက်လာတာနေမှာပါ။ ကူညီပေးတဲ့သူက လူကောင်းမှန်းသိလို့ လိုက်လာတာမျိုးနေမှာ။ ရှေ့ကကလေးက တခြားသူတွေခေါ်တိုင်း လိုက်တတ်တဲ့ပုံစံမျိုးလေးတော့ မဟုတ်ပါဘူး။
“ စားကောင်းလား ”
“ ဟုတ် ကောင်းတယ် ”
ကောင်တာမှာအကူအညီတောင်းပြီး ယူလာခဲ့ရတဲ့ရေခဲအိတ်ကို ထိုကလေးရဲ့ပါးကို ခပ်ဖွဖွကပ်ပေးလိုက်တော့ နာသွားလို့ထင်ရဲ့ အသံတိုးတိုးလေးထွက်လာလေတယ်။
“ မဟုတ်ရင် နာနေမှာ။ ကပ်ပေးမယ် ”
ငြိမ်နေတာမို့ လက်ခံတယ်လို့ယူဆလိုက်ပြီး ခုံကိုထိုကလေးနားဆွဲပြီးတာနဲ့ ပါးဖောင်းဖောင်းကိုထပ်ကပ်ပေးမိတယ်။
“ ယောက်ျားလေးဆိုတာ မငိုရဘူးဆိုတာမရှိဘူး။ ဒါပေမယ့် ယောက်ျားလေးဆိုတာ သတ္တိတော့ရှိရမယ်။ နောက်တစ်ခါ အဲ့လိုအခြေအနေနဲ့ကြုံရင် မတောင်းပန်နဲ့ မကြောက်နဲ့။ သူလည်းယောက်ျား ကိုယ်လည်းယောက်ျားပဲ ဟုတ်တယ်မလား ပြန်သာလုပ်ပစ် ”
“ ဟုတ်။ သား ခုနကကောလုပ်တာတွေကို မှတ်ထားတယ် ”
ရှောင်းကျန့်မထင်မှတ်ထားတာမို့ အံ့ဩစွာနဲ့ ရေခဲမုန့်ခပ်စားနေတဲ့ကလေးကိုကြည့်လိုက်မိတယ်။ ကြောက်လို့ငိုနေခဲ့လို့ သူဘာလုပ်ခဲ့လဲ ဒီကလေးမသိဘူးလို့ပဲသူထင်ထားတာ။ အခုလို မှတ်ထားတယ်ဆိုပြီးပြောလာမယ်လို့ တကယ်ကိုမထင်ထားခဲ့ဘူး။
“ ဒီလိုကျ ဘယ်ဆိုးလို့လဲ ”
“ ကော ဒီလိုဆွဲကိုင်ထားပြီး ဒီလို ဒီလို ကန်ပစ်လိုက်တာတွေကို သားသေချာကိုမှတ်ထားတယ် ”
ပြောရုံပဲပြောတာမဟုတ်ပဲ လက်ကလေးတွေ ခြေကလေးတွေကပါ တလှုပ်လှုပ်နဲ့လုပ်ပြလာတာဖြစ်တယ်။ ရှောင်းကျန့်ထိုကလေးရဲ့ အဲ့ဒီပုံစံလေးကိုကြည့်ပြီး မရယ်ပဲမနေနိုင်တော့။ သူရယ်တာမြင်တော့ ထိုကလေးကပါလိုက်ရယ်လေတယ်။ မို့တက်ကုန်တဲ့ပါးဖောင်းဖောင်းလေးက ဖွေးတာထက်လွန်စွာ ပန်းနုရောင်ပါသမ်းနေသလိုထင်ရတယ်။
လက်မခံချင်စရာကောင်းတဲ့အမှန်တရားတစ်ခုကတော့ ထိုနေ့က ရှောင်းကျန့် တိုက်ခန်းဆီလည်းမသွားလိုက်ရပဲ အဖေနဲ့ဖြစ်ခဲ့တဲ့အရာမှန်သမျှမေ့ပျောက်သွားပြီး ဒေါသတွေလည်းကင်းစင်သွားတာဖြစ်တယ်။ ပြီးတော့ သူ့တဘဝလုံးအမှတ်ရနေစေမယ့်ကလေးတစ်ယောက်နဲ့လည်း ထိုနေ့ကစတင်သိကျွမ်းခဲ့တယ်။
...............။..............
JP : နောက်ကြောင်းတွေပြန်ပါမယ်။ မပျင်းကြပါနဲ့
YB : ကျွန်တော်ကအိပ်ခန်းထဲပဲမှာရှိသေးတယ်နော် ရှောင်းကျန့်။ ဘာလို့ 8နှစ်ကလေးကိုလွမ်းနေတာလဲ
XZ : လွမ်းတာမဟုတ်ပဲ ပြန်တွေးတာပါဝမ်ရိပေါ်။ စိတ်မကောက်ပါနဲ့
[အကြာကြီးပျောက်သွားမိတယ် xD သွေ့ပုကျိ]
[20201013/Tue]