يومآ بعد يوم..
للكاتبه احلام السعدي...
رجائآ اقرو الفقره هايه............طبعا اني مااحب كلش يصير البارت سريع احداثه...
بس مضطره للاسف انو هذا البارت اسوي سريع كلش....
لان مشاكلهم ماتخلص...واني اذا اضل اكتب فيوصلن بارتاته لل١٠٠ واكثر....لهذا سرعت الاحداث بشكل كلش جبير.....وحته صار اكو اخطاء...فاني اسافه اذا تلكون اخطاء...
الاخطاء من عندي مو من عند نجوم...
وسرعت القصه...بسبب البعض كالو كلش صايره ممله..
استمتعو بقراءه اخر بارت وودعو القصه....
ويمكن النهايه ماتعجبكم بسبب السرعه...بس مااكدر اسوي شي اكثر...لان اريد اخذ استراحه من الواتباد....
..............................
كالت ماما.. كومي تحركي شويه.... اصعدي الدرج ونزلي.. بلكت تجيبين طبيعي...
ماسويتها.... كلت بليل...
وصدك صارت بليل.... واني اصعد للدرج وانزل...
وخايفه لاتجيني مغصه قويه...
حالتي جانت ابد مو زينه.. ونفسيتي زفت.... وشهر الثامن وهذا شهري... مااكدر انام بي...
يعني حته مرات اكعد شبر يسهر ويايه...وهو تنده شغل خطيه....
بس هو مايحجي اذا اكعده...
كلسا اكوم واكعد.... وماارتاح بنومتي...
كمت اتمشى بره....
شفت شبر جا من بره....
شبر... ليش وحدج هنااا...
كعدت عالكرسي.... وتعبانه.... علمود اتمشه شويه... ماما كلتلي بلكت تجيبين طبيعي....
لزم الكرسي الثاني.... وكعد مكابيلي....
كام باس راسي.... ورجع كعد...
بتسمت.... شبيك...
شبر.... داتتوجعين...
هزيت راسي بأيي.... يروح ويرجع...بس اكدر اتحمله...
شبر.....رب العالمين مايحمل احد اكثر من طاقته....صح انتي تحسين اكثر من طاقتج...بس اصبري..وراح تلكين نتيجه حلوه...
لزمت بطني بوجع...ونعم بالله..انشالله ربي...اني توكلت عليه...
شبر... شنو تريدين العمليه... يعني هم تريدها طبيعي لو تريديها بعمليه...
...... والله ماادري.... مامجربه اني.. بس اني اريد عمليه.... لان مااكدر اعيط كل العياط.... واتأذه... والله احس نفسي حموت اذا اجيب طبيعي...
شبر... كلشي ربج كاتبه يصير....
..... ونعم بالله....
كومني... كلي باره..شلون طلعتي بره.. ودخلني للغرفه... ويه عمتي وماما....
ضليت يومين... واني الوب.... اروح وارجع.. يجيني مغص... بس يروح...
تأذيت كلش بذني اليومين.....
وكلسا وابجي.....
حاسه بتعب مو طبيعي...
ماشفت الراحه ابد....حته اكل مااكلت..
بس شدولي مغذي بليل...
لبست هدومي...ولبست العبايه والشال....
نتضرت شوكت يجي شبر حته يوديني للمستشفى...
ماقبلت اروح اله ويه ماما...
نوب عمتي جلبت بينه..كالت لعد خلي اروح وياكم...
فتنه للسياره...وشبر وعمتي وماما يحجون ويشاقوني...
واني من لعبان نفسي....مااكدر اضحك..بس للمجامله بس ابتسم...
ادري يريدون يخففون عني التوتر والخوف والوجع...
بس صعبه بحالتي هاي...انسه...
من شافوني...هيج حالتي...شبر سكت...وماما وعمتي كامو يحجون ويه بعض....
دخلنه للمستشفى....
فتنه للدكتوره....
وكالت...بس اليوم وباجر انشالله نسوي العمليه...
نطوني وقت محدد..لازم باجر انشالله العصر اروحلهم...
فضليت يوم ثاني اروح وارجع....
بس مصار شي....واصلا مدااشوف اكو حركه ببطني...ولا ترفيس..كلشي ماكوو...
اخذ الجنطه شبر...وسبقنه للسياره....وماما وعمتي دخلنه للسياره....
ماما..جانت تريدها طبيعيه....وكالت العمليه تأذيج...وتضلين بالاربعين يوم تأذيج....
بس قضاء الله وقدره..
سألت ماما الدكتوره..وكلتلها بلكت تجيب طبيعي..وتنتضرين ليوم واحد.
الدكتوره تكول...حاله الطفل مو زينه واذا يضل بطنها يموت..لهذا خلي نسرع بالعمليه احسن الها واله....
قبل لايدخلوني لغرفه العمليات...كالو اتشهدي...كلشي يصير...
تشهدت....
ودخلوني.....
نطوني مخدر...وبعد ماادري شصار....
كعدت بعد مده...امي وجهه فرحان وحته عمتي...
وشبر يبتسم....
كعدو يشاقوني...ويحجو ويايه..واني مااكدر احجي...حته ابتسامه مااكدر اطلعها عله وجهي...
يحجون ويايه...ورجع شبر يحجي عليه ويمسلت هوايه عليه ويضحك...واني مااكدر اردله...
ادري بي يريدني احجي...بس مااكدر....
عمتي كالت الطفل حمد لله زين....
لثاني يوم...
..ماما لزمت الطفل...وعمتي كلتلي شلون ارضع الطفل...
جنت كلش محرجه....لان شبر يباوع علينه...
يضحكن عليه لان مااعرف ارضعه...
واني بس ابتسم....
بلكوه لزمته...لان ابدا مامتعوده الزم طفل..
عاد اله ماما كعدت يمي..ولزمت الطفل..
شبر مجتف ايده..ومنتجي عالحايط..ويبتسم..
......شسميتو للطفل.
ااني محد ضحكني غير هالاسم...مالكيتي غير شمر...بعد كولي حرمله....
...
عمتي....والله شبر كبر بأذنه....وكال حسمي شبير...لان اسم يشبه اسمي....وهم لقب الامام الحسين ع..اكو احله من هيج....
بتسمت....حلو هالاسم..
بلكوه رضع....ورجعو...كالو حالته شويه مو زينه..
كمت احس بالوجع الي بطني..
ماما جابتلي بطانيه....وهيه المستشفى كلش دافيه...بس كالت لازم تدفين جسمج...لان اي شي يصيبج راح يصيب الطفل خطيه..
راح شبر يجيب اكل النه...
جابولي معلاك..وغصب وكلوني..
ثالث يوم.....رجعوني للبيت...
بس كلش تأذيت من وره العمليه....
كعدوني عالسرير....
وخلو شبير بالسرير...
يباوعون عليه ميرال وعمار وعمتي وماما....
وشبر كاعد يمي عالسرير يشوف عالموبايل مالته...
ميرال وعمار وعمتي وامي. يكولون طبق الاصل عن شبر....بس خشمه وعيونه كلها انتي....
اما اني ماحسيت بي شي...يشبه احد...لان بعده بأول يوم....
هم نفس الشي..رضعته...وماما وعمتي يعلمون بيه ويحجن عليه...يكوللي كلش ثكيله...
والاستاذ شبر يضحك...يكول واخيرا احد عرف معاناتي ويه ثكل هلالي..
ماما تباوع عليه..وعاقده حواجبها....هلالي..
بتسمت وباوعت عليه....ورفعت حاجبي...
ضحك..احب اسميها هلالي...
ضحكت وهزت راسها بيأس....
مرن ٣ ايام...وكمت اتألم من العمليه هوايه...
بهذا اليوم....كمت..داافوت للهول....
بلكوه مشيت...واول مره امشي....
باوعت عله بطني....حسيت الطفل وكع...ومامتعوده اشوف بطني صغيره...
وصلت للهول..
اول مشافني شبر...
كام يحجي عليه..وعصب...
رجعني للغرفه....
دااوصل للسرير....دخت...ردت اوكع بس لزمني شبر...
وكعدني بعصبيه عالسرير...شكو داتكومين...تره هاي عمليه مو لعبه...
.....مو اريد يمكم اكعد..انتو مخليني وحدي هنا...
باوع عليه وبتسم.....
هسه اصيحلهم..يجون يمج...
بتسمت بضعف..
تقرب مني وباسني من شفتي...
جانت كلش حنونه البوسه...بس فجأه نقلبت وحشيه...
قبل لاابعده....نفتحت الباب...
بسرعه دفعت شبر...واني نزلت راسي...
باوعت...طلعت عمتي...تباوع عله شبر وعليه...
شكد خجلت...ونزلت راسي...عالاساس اعدل بالمخده...
من شاف رده فعلي....ضحك...ويكول لامه...يمه خربتي علينه الرومانسيه...
ضحكت امه وضربته...
واني اخنزر عليه...
عمتي..ولك هاي يارومانسيه...ليش هيه تكدر تحرك نفسها..حته اخربها عليكم...
ضحك شبر...والله بهاي حقج ياام سلمان...حقج...
نزلت راسي بخجل...وهو ولا يمه..
شبر.....شفتي شلون تخنزر عليه....
عمتي....مو انت ماتستحي...شتسويلك لعد...تبوسك مره ثانيه...
شبر...اي هو هذا الي اريده..
ضربته واني احس وجهي نار...وعمتي هم ضربته..
عمتي....ولك كافي عاد...خطيه حيطك وجهه من الخجل..وانت ولا يمك...
شبر....احب اشوفها خجلانه...بله يمه خلي نخجلها اكثر....
من كام يحجي بمواضيع حساسه..واني صدك راح يطك وجهي....
......شبر.والله حكوم اذا ماتسكت...
لزمني..وضحك....لا كافي....بعد مااحجي...
عمتي كالت راح اخليهم يجون يمج..وحته صفا ومروه جني...حته يشوفنج...
من راحت....ضليت ارزل بي...وهو خربان من الضحك...ولا يمه...
من شافني اريد ابجي..سكت....لج شبيج جنت اشاقه...
...اي بس مو بهذن المواضيع تشاقه بيهن....
ضحك...لا كافي...اسف..بعد.مااسويها....
بوزت...وهو خربان من الضحك عليه....يكلي والله طفله...
كام يبجي شبير...
شبر كام....شاله من السرير....وباسه..
بتسمت..من كام يباوع عليه ويبتسم...
سكت...ورجع خلا بالسرير....
شبر....لج حالتج بهذا الطفل كرهتيني بيها...موتيني بعصبيتج وبعنادج وحته بنومتج واكلج...كمتي تنرفزينيبكلشي تسوي...
....اي شسوي موو بيدي....
شبر....نوب صرت اخاف تحملين بالثاني لايصير بيج مثل الحمل الاول...
.....ليش منو كلك بعد اجيب...
ضحك...لا والله واني منو كلج اقبل بس بواحد...
....اي وتعالي ينجوم احبلي وجيبه وتحملي الالم...اني استقاليت بعد...مااريد طفل..
شبر....هيه بكيفج...بس انشالله يصير عمره سنه سنتين...بسرعه اكلج اريد طفل ثاني...
عبست...من اتذكر هذا الامر....
....منا لذاك الوكت....اللهه كريم...
شبر....والله مشتاقلج...شلون يعني...
ضحكت....دبر نفسك...
شبر...اضحكي اضحكي....انتضر ليش ماانتضر...يعني مااراح تصيرين بيدي...وعود اضحكي..وكولي دبر نفسك...
....هم منا لهذاك الوكت...الله كريم...بس بحالتك هاي لازم تدبر نفسك...
ضربني بالكوشه....اني اعلمج..ليش مااراح تصيرين بأيدي...
بتسمت....دااحجي...
نفتحت الباب....باوعت مروه وصفا وحماتهم...
بوسني...وبوسن شبر...
راحن عالطفل...بوسنه...وخلنله هدايه وفلوس...
شبر عترض...بس كالو هاي اله مو الكم..وانتو معليكم...
كعدن يمي...يسولفن ويايه....
وماما كاعده تسولف ويه عمتي...وكلسا تشوف الطفل...
بوسط السوالف....
نمت...
حسيت اكو هدوء بالغرفه...
كمت عالصوت الطفل....
دكيت عالماما بموبايلي...كتلها يمه شبير دايبجي...
جتي بسرعه....
كعدت زين....خليته بحضني..ورضعته...
باوعت عليه...وبتسمت....يربي...الحمد لله والشكر صار عندي طفل...
لمن اشوفه مااعرف شيصير بيه..وصعب كلش اوصف احساسي....
والي اكثر مفرحني...هو شبر من يباوعله ويبتسم...
مر تقريبآ شهرين...
وكمت اكدر اكوم..واشتغل...
وطبعا اخذ هوايه من ابو..وكله ابو...ماكو شي مني..
من كام يبجي....كمت حللته...واني لساني مااعرف اسبحه...
فتجي امي مخصوص عليه كل يومين او ٣ تسبحه...اما اني بس اغيرله الحفاضه...
حللته.....وبتسمت بوجهه...
من بتسملي....فرحتي متوصف....
اول مره يبتسم...
وهمزين موبايلي يمي...صورته..
ودزيته لشبر....
بس هسه عنده درس...اعتقد..
لعبته شويه.....
ونتضرت شبر يرد....
بس ماارد...
جا بعد ساعتين...
وفات للغرفه...
جان كلش تعبان...
ذب هدومه...
باسني...وراح للحمام كلي جيبيلي هدومي...
فتحت الكنتور...
وطلعت هدومه..
من طلع من الحمام...
بتسمت...واباوع عليه...كلشي يجذبني بي...رجولته ووسامته..مااحجيلكم عن سماره... سماره شي ثاني..
ضحك....شبيج....
.....ماكو شي...بس الله يحفضك الي...والله يديمك الي ولابني...
تقرب مني....شبيج...حاستني راح اموت...
سكته....اششش...شنو تموت...صمله...بس احبك..وكتلك هالكلام...
رفع حاجبه....يالله ياهلالي....لج صاليييي شكددد ماسامع هاي الكلمه منج....ايبااااااه....
ضربته...داتكبر السالفه....
شبر....لا والله مامكبرها....بس اني تقريبآ كل يوم اكلج احبج.....وانتي صالج اشهر ماكايلتلياها....
....صدك....
هز راسه...بأيي...
خليت ايديه وره ركبته..وتقربت منه.....احبك احبك احبك.....اضل اكللكياها احبك...
بتسم.....وباسني من شفتي...
صاحت ميرال...ولج نجوم تعالي ابنج دايبجي...
بتعدنه عن بعض..صدك.شفت الصوره...اول مره يبتسم شبير...
ضربني بخفه....اذا انتي حركتي موبايلي بالصور والمحادثات...هاي لعد اذا حجه اول كلمه شراح تسوين....
.....يربي...داتخيل اني...شسوي...شوف شأسوي..
رفعت ايدي..وشبكت شبر حيل وابوس بي...واعضه..وادغدغه...
ضحك شبر وبعدني....مخبله....كمت اخاف عالطفل من وراج....
صاحت ميرال مره ثانيه.....
لزمت ايده...ومشيته بالهول...
كعد يلعب بالطفل...
جان يوم كلش حلو....وهذا اليوم جنت كلش فرحانه....
ثاني يوم....كعد شبير مو زين..وكلسا يبجي...
دكيت عالماما...وكتلها...
كالتلي لازم تطهرو...
وصدك بعد يومين طهرنا....
بس بجه بجي وعاط عياط....اني كمت ابجي عالبجيه...
ومن صدك شهرين...تعلقت بالطفل هذا اكثر من شبر واكثر من كل احد...
كمت اخاف عليه من الهوه....
حته مرات شبر كلش يغار...يكول نسيتيني...وكمتي تدارين بي..واني هنا مثل الحيوان وحدي تخليني..
بلكوه اراضي...
فبليل ضل يبجي...شبر صاح عليه...هلالي اريد انام شلون....عندي دوام...
شلته.....شبر دشوف شبي...بلكت يسكت اذا تشيله انت...
كام وخلا عالسرير....وذب حفاضته...يعني متعرفين الجرح يأذي ودايصيح من ورا الحفاضه...
....اني شمدريني...
ضرب كصته...هلالي شلون بثكلج وبعقلج هذا...
......انت تحسسني جايبه ميت طفل...مو غير امي كالتلي هيج خلي..
شويه ولبسنا ثانيه...وبعدناها شويه.....كمطته..ونيمته...
نام...
بتسمت....يمكن شبر يعرف بالاطفال اكثر مني..
الصبح...دااعزل بالغرفه كلها...وداارتبها...اطلع واطبب بالغراض..وامسح بالخشب والجام...
وحته ميرال تسوي غرفتها....
لاحضت اكو شي...جو الكنتور...بس مااكدر اوصله...
جبت الماسحه...اطلع بي مايطلع..
صحت عله ميرال تساعدني...
انطلع بي..وهو شي صغير...بس عبالك ملزوك بشي...
بلكوه طلعنا...
وجو الكنتور مالتنه..
لزمته ميرال وهيه عاقده حواجبها...
باوعت اكو لاصق بيها...حته هلكد ماطلع...
فتحت الحجاب....لكت طلاسيم غريبه..
بسرعه شهكت ميرال...وج يمه ينجوم...
قلبي كام يدك بسرعه..خليت ايدي عالصدري...شكو شبيج يمعوده...
ميرال...ولج هذا والله سحر....
لزمته....شداتحجين انتي...
ميرال....والله هذن الطلاسيم كلش مشهورات بالسحر...واني سامعه كلش بيهن....وخاصه بالقصص...
لويت شفتي...لزمتهن بعصبيه....دااشككهن...
صاحت بعصبيه...لا ولج تخبلتي...ولج شمدريج شيصير بيج من تشككيهن..هذن يخوفن...
اخذتهن مني....وخلتهن بجيس....
واني ولا يهمني...
رجعت انضف بالغرف..واني عالكه قصايد باسم الكربلائي.....
واهز براسي بيأس...منو اله خلك يسوي سحر وينطي فلوسه لااشخاص علمود يدمرون عائله من العوائل....
شلون ينطيهم كلبهم يسوون سحر....شلون ينطيهم كلبهم يدمرون عائله....
بس حقد وحسد وكره وغيره...هذن الي يأدن للشخص يسوي سحر..واعوذ بالله من.غضب الله...
فات عمار..وشبر بنفس الوكت...يضحكون ويسولفون...
ذبيت دشداشتي وعدلت شالي....
جتي ميرال تركض عالشبر وعمار...وتكللهم عالجيس هذا والحجاب...
ضلو يسالون وين لكيتو...وشلون شفتو...
سولفتلهم...
بسرعه طلعو...وخيطه همه تعبانين كلش.من الشغل..
وصدك طلعت طلاسيم وسحر..بس نصهن...
والباقيات بحجاب ثاني. كالو لشبر...وهم موجود بيتكم اكيد....
فأضطر شبر..يفك الكنتور كله....ويفك الميوزه كلهن علمود يشوف الحجاب الثاني..
تخيلو وين لكينا....
لكينا جوه الكاشي مال الكنتور...حافرين الكاشيه ومخليها...
شبر كال والله اني سويت الكنتور بأيدي...وجوه الكنتور حته ايد ماتفوت جواه...شلون كسرو الكاشيه وخلو الحجاب...وشلون خلو لاصق ولصقو الحجاب وخلو جوه الكنتور....
ضلينه منصدمين...
اخذهن شبر...ووداهن حته يفك السحر...
ورجع صلح الكنتور....
نوب عصب عليه...
....اني شعليه...
شبر... انتي تخلين ياهو الي يجي يفوت لغرفتنه..وهاي غلط كلش...
....يعني شلون امنعهم شبر...بس كلي...
شبر...اي منعيهم...كوليلهم شبر مايقبل تفوتون للغرفه...
.....مو عيب...
شبر..لا عيب ولا شي....انوب حته اخواتي اذا جني تقفلين الباب..والمفتاح وياج وياج...ولو ادري بيج غبيه..لهذا حجيب مثل الكلاده تعلكين بيها المفتاح...واني حذرتج بعد...
تنهدت....انشالله...
شبر...الي گادر يسوي هيج....ويفتح الكاشي حته دايخلي حجاب..كادر ياخذ المفتاح او يكسر الباب....فديري بالج..وخاصه عله شبير...الله اليعلم منو مسوي هيج...تره هوايه من السحر يموت الشخص..
هزيت راسي بأييي....بس منو يخلي...
شبر....نجوم اريد احجي وياج بجديه....بس افهمي ومااريد عياط..واصلا جان لازم اكلج هذا الكلام من زمااان....بس خايف من رده فعلج....ومااريدج تسمعين من غيري وتنهارين....
عقدت حواجبي شبيك شبر داتخوفني....
شبر...اريدج توعديني مااريدج تصيحين او تعصبين مني..لان اني واقسم بالله ماردت اسوي هذا الشي..لوما اهلي غصبوني...
......كلي شبيك..
شبر...وعديني نجوم..وعديني...
......اوعدك مااعصب...
شبر...ووعديني اكمل حجيي للاخر يله تحجين...
.....اوعدك هم بس كلي...
كعدني عالسرير..وجاب سمكلي كعد كبالي....اني مااردت اكلج لان بالاول وتالي اني حسوي الي اريده واعوفها....
......هاااا..منو تعوفها.......
شبر.....كتلج لاتحجين...
.....اسفه....كمل...
شبر.......تذكرين...يوم جتي امي بالشقه...وسألت عليه..واني جان وضعي مختلف بذيج الفتره...
عقدت حواجبي......شوكت...مااتذكر...
شبر.....يمعوده فتحي عقلج...واتذكري...جنه بشقه...وبعدنه دانشتغل بالبيت...من صارت مشكله وضليتي بيت اهلج...ومن رجعناج....اتذكري ويه...
عقدت حواجبي...يامشكله هاي...
ضرب كصته...اذا تضلين بهالغباء..راح اكوم...من صارت مشكله بيني وبين امج..لان جنت مزور اسم غير اسمي....
ضليت افكر....وبعيدين ضربت راسي....هاااا...من مات اخوك ممتضر...الله يرحمه...
عقد حواجبه.....وبعدين كال....يمكن ماادري....
رجع كال....اي اي....هسه مو هذا المهم.....المهم...جنت كلش تعبان...واني كتلج لاتحجين اله اكمل...
ضحكت وهزيت راسي....
رجع حجه بجديه.....تذكرين انو طلعت بليل بوقت متأخر من بيت اهلي...
هزيت راسي بأيي..
تنهد....بابا غصبني اخطب ريتاج...
.....هزيت راسي...اعرف.
شبر....والي ماتعرفي...فأني وافقت....بس عالورق..ولهذا طلعت من بيتهم....وكتلها لريتاج اذا جابت سيره الج حفسخ الخطوبه...
من صدك نصدمت صدمه عمري......كل هل الاشهر...وشبر ضام عليه مثل هيج سر...
دااحجي....سد حلكي....كتلج خلي اكمل..
شبر...وحجيت لااهلي...وكتلهم اذا درت نجوم والله اكلب الدنيا..وفسخ الخطوبه..
من خطبونه...بس جابو سيد وقرو الفاتحه وياهم اصدقاء بابا وابو ريتاج....
نزلت راسي....حسيت بحرگه بكلبي...وحسيت نار تسري بيه....
رفع راسي..كلما اروح لبيت اهلي...يجيبون سيره زواجي وليله الدخله...وشوكت ادخل عليها...من ماقبلت....صارت مشاكل بيني وبين اهلي....ومو بس بيني وبين اهلي...وبين اهل ريتاج..
بس من وره امي قبلت بريتاج... وبس...
بس والله واقسم بالله انو ماحبيت مره غيرج..صح من بدايه زواجنه..اني اعترف...جنت احاجي بنات..وجنت حته ادخل عليهن..اسوي الي اريده واشمرلهن فلوس....واطلع فقط للمتعه وبس...
اني كتلج ببدايه زواجنه..جانت اكو مشاكل هوايه...بس واقسم بالله...من كتلج احبج واني عالقنفه وليهسه اتذكر شلون كتلجياها...وبعد مالزمت بنيه وحده غيرج....وحته ريتاج....الي تزوجتها..بس مادخلت عليها ابد....بس من وراج...
انتي غيرتي بيه هوايه...حته غيرتي شخصيتي كامله....
هز راسه...اي اني تزوجت ريتاج...
من كال هالكلمه....دموعي شلال كامن ينزلن من عيوني...
مسح دموعي...اشششش....كتلج واقسم بالله انو مااريد لا ريتاج ولا غيرها...اريدج بس انتي بحياتي...
صح تزوجتها..بس كتلج مادخلت عليها..ولهذا هيه لساتها بيت اهلي....بس كتلها راح اطلكها..واوديج بيت اهلج..يمكن تزوجين وتجيبين اطفال وتنسيني....
صح بالبدايه كابرت وعاندت..ماتريد غيري....بس قنعتها...وكتلها اني نسيتج...وانتي هم انسيني وعيشي حياتج...
هوايه عاتبتني....بس بالنهايه قبلت اطلكها....اني هسه دااجري بمعامله الطلاق...
والبارحه جنت كلش فرحان....وحته من فرحتي مريت لعمار...وكتله عالي صار.....وهو هم فرحلي كلش...
بس البارحه نصدمت من شفت السحر....
بس ريتاج انكرت انو هذا هيه مسويته....وحته حلفت بكتاب الله انو مو هيه مسويته..ومااعرف اصلا شنو السحر...وشلون يصير....
..اني اريد اعيش...كافي الي راح من عمري..كل يوم مشكله ومصيبه وبلوه...اريد شويه ارتاح....اني رااح انسا ماضيي...وانتي انسي هم.....وخلينه نعيش الحاضر اني وياج وابنه....
اني كتلج هاي السيره كلها...حته ريتاج تطلعيها من مخج...ومو كلشي يصير تكولين ريتاج وريتاج...
اني سامحتها عالي سوته بيه..وانتي هم سامحيها..
كتلج عله هالهاي السالفه هم....حته اكلج...انو منه وبينه هو الي خله السحر....وديري بالج عله ابنج وعله غرفتج وبيتج.....
كتله بأشاره...اكدر احجي...
هز راسه بأي....
.....ليش ماكتلي من البدايه...
شبر....لان جانت مشاكل بينه....وجنه مانكعد ونكوم اله ومشكله صايره..
....بس..
شبر...لا بس ولا شي.....كافي انسي السالفه..راحت وولت السالفه...عوفيها...ولا تفكرين بيها...
......بس منو برئيك يخلي السحر لعد...
شبر....بس رب العاليمن اعلم...ينخاف من كلشي...
تنهدت.من سمعت صوت شبير يبجي...
كام...باس راسي..وباس شفتي..ماابدلج ولا بمره...احبج...
بتسمت..واني هم احبك...بس يرادلي وكت حته انسه الي صار...اني مدااستوعب شلون ماعرفت انو انت متزوج...
شبر..وليش اخليج تعرفين...اني اصلا ماخليت دليل اله ومسحته....حته عمار كتله بالبيت مااريد اسمعك تجيب هاي السيره....
لزمته من ياخته...وخنزرته...بعد شضام عليه...هاااا كلي....طلع وجهك مو بريء..طلعت واحد...
شبر.....اي كملي...
ضليت ساكته افكر شخلي بالجمله حته تكمل....
ضحك من شافني داافكر....يمه خوفتيني..بأول راشدي تنهزمين مني....دمشي ابنج دا يبجي...وبعدين اني مااضم عليج...
هزيت راسي....مبين....انت ابد ماتضم عليه..
شبر....لا من صدك.ماضام عليج غير بس هالزواج هذا...
رفعت حواجبي...الي كادر يضم هيج شي جبير..كادر يضم شي اكبر منه..
شبر....لج لاتضنين بيه...ان بعض الضن اثم.....والله بعد ماضام عليج شي....
....انشوف مع الوقت..شلون جيت وكتلي عاله هالزواج هذا..تكلي عالاشياء الضامها همينه...
ضحك...اي انشالله....بس روحي ابنج افتت من البجي...
ركضت عليه..مايسكت...باوعت عليه وعله شبر....
....يحضي ليش كله ابوك.....ليش مااخذت شي مني...هاي هم راح تطلع مثله....اي حته اشد حزامي واربطه....حته جنت بواحد صرت بثنين...
ضحك شبر....شكد صايره تنضغطين مني...لان طلع يشبهني مايشبهج....
تقربت يمه....ونطيته شبير...اي لعد اخذه هذا النسخه الثانيه عنك..
ضحك...بوس شبير...وحلله..يلعب ويا....
شبر...امك مضغوطه..خليها بحالها..
يبوس بي....
وهو يبجي...
صحت عليه...متعوفه...موداتشوف دايبجي...
ضحك..دايضوج من لحيتي...شنو رئيج ازينها...
باوعت عليه...حته الغرفه هايه ماتفوتلها بعد..
ضحك.يمكن ماشفتيني واني مزين لحيتي ابد...
....لا شفتك عالفيس بوك...
شبر...ياهو الاحله....برئيج...
......بدون لحيه احسك طفل.....وبلحيه احسك رجال وهيبه ووسامه وكلشي حلو...
ضحك...ويكوله لشبير...شوف امك تتغزل بيه..اكوملها لو لا...شنو رئيك...
من حجه هيج....ضحكت...ونهزمت اسوي اكل....
بليل جانت من اليل الي ماتنسي بحياتي....
ـــــــــــــــــــــــــ
«بقلم نجوم»
وهاي هيه الحياه...الحمد لله والشكر..حياتي صارت احله...ماعده المشاكل الي تصير....
وماكو عائله تخلو من المشاكل...
حياتنه صارت احله.....واكثر شي بوجود شبير..وبوجود شخص مثل شبر...
اذا يجيني معصب...احاول اتجنبه....او اترك المكان لما يهدئ...
احاول اعدل عله هوايه امور بحياتي....
خاصه بين صلاتي وبين عائلتي....
لو عندج اشغال هوايه....وتعبانه...حتيلو..توجهي للصلاه..لان ماتفعج غير الصلاه... بالحياه الدنيا والله راح تتعدل امورج ورا تفرج عليج...وبالاخره هيه نجاتج....
اني بفضل رب العاليمن...عشت قصه حب كلش حلوه..وحلال..
وماعشت قصه حب بالمواقع مثل بعض من البنات هسه...واحمد الله واشكره الي جاني شخص مثل شبر..الي صار هو ابويه وامي واخويه قبل زوجي...
لان علمني عله هوايه اشياء جنت غافله عنها....
واشكره هوايه...واشكر رب العالمين بنجاح هاي القصه وبتفاعلكم..الي كل يوم يزيد شغفي انو اكمل القصه....
بس للاسف الكاتبه ضطرت تكتب نهايتها...والله جنت كلش مستمتعه انطي احداث للكاتبه..وينطيها الف عافيه....لولا فضل الله ثم لولاها..جان القصه مانجحت......واشكرها هوايه للكاتبه..
.والله ماكو منها..ومن جنت اغيب..والبنات دائما يحجن عليها...جانت ماتجي تكلي استعجلي والبنات ينتضرن تكملين القصه....لا جانت تكلي عله راحتج...
وابد ماغصبتني اكتب البارت بسرعه....
فلهذا اشكر رب العاليمن....واشكر جميع متابعين هاي الكاتبه....واشكر الكاتبه.....
ــــــــــــــــــــــــــــــــــــــــــــــ
طبعا كلش سرعت بالقصه.... وكلت يمكن البعض ميعجبهم هالبارت...
بس خليته كله فرح..وسعاده لان البارت الاخير...
بس هذا البارت هو بالاصل بين اشهر متفاوته..او بين ايام متفاوته....
اخذت هالشكم شي يفرح..وخليته بهذا البارت..وخاصه زواج شبر وريتاج.....
واشكر نجوم هم عاله هالقصه هاي...الحلوه....واستمتعت من كتبها ايضا.....
ـــــــــــــــــــــــــــ
وصح شي ثاني صح هوايه حجينه...
بس يمكن بين شهر وشهر او بين اسبوع انشر يوميات نجوم.....واحداث داتصيرلها بالحقيقه...
لان خيه قصه حقيقيه....وداتصير اشياء هوايه ويه نجوم ماكتلكمياها...
فلا تمسحوها من المكتبه..هذا يلي يحب نجوم...ويحب يشوف اخبارها....
....مع السلامه...
النهايه.....