البارت الثاني جزء2
رواية...جولييت واسرها...غياهب الإنتقام
بقلمي..نور سمو العراق
💔💔💔💔💔💔💔💔💔💔
ه
م الذين يحترقون بنيران العلاج تارةً ويتبردون بالمحبة والأمل طوراً ..
هم الذين يتساقط الشعر عن رؤوسهم فتشرق وجوههم وتهل صبراً وإيماناً ..
هم الذين تؤلمهم عظامهم إلا إنهم يبقون لنا السند والقوة .
الرحمه لموتئ السرطان 💔😥
...........................
السرطان احسه مرض سمعته مو حلوه ورحلته ويه العلاج طووويله بحيث يا اما تكون بقدرة قادر الانسان يطيب يا اما تصفر اوراقه وتوكع وحده وره الخ...
ومرات الموقف يخلينه خرسان وحتئ حواسنا تنلجم وما نعرف نعبر عن شئ اصعب مرض هو مرض السرطان بحيث مرات الواحد حتئ يخاف ينطق هل مرض يخاف لا يحتل جسمه
بس يضل مريض السرطان مجاهد ومثابر وقوووي لان واجهه هيج افه فتاكه بالبشر ياريت يكون مريض السرطان شهيد عند الله لان فعلا الوجع اوصفه مثل جندي شجاع وجروحه تعفنت من هجمة عدوو مثل هشم باقي اجزائه....
دا اغص بالكلام حييل لان الكيمياوي وكع شعري وغير لون جلدي للاصفر والحياة جانت بعيني ورديه صارت صفره مثل الموت ...
رجفت بخوف بكاء واني اتمسك بصلاح ...يعني اني بيه سرطان
نزل عيونه بحزن ودمعت عيونه لعيوني ورد بحيره...حبيبتي ميخالف انتي مؤمنه بقضاء الله وقدره واكيد راح تواجهينه ومتخلينه يستفحل عليج
ابتعدت عنه واني اجر ثياب القهر والحزن كعدت علئ السرير وبجيت بهدوء ...شدكول صلاح شحارب هذا وحش فتاك هذا مرض خبييث تعرف شنو خبييث
جنت من زمان ما احب اسمع كلمة مرض خبيث او سرطان دائما اطرده من عقلي وتاليها يستوطن جسمي
حط ايده علئ كتفي،واحتضني ...المؤمن مبتلئ وهذا أمر ربج
باوعتله ببتسامه مقتوله ..ونعم بالله الحمد لله على كل حال اني راضيه بقضاء الله وقدره ...
باسني،براسي ورجع ضماني الصدره واني ترست قميصه دمووع مقهوره علئ نفسي وراح ابدي رحلة علاج تعذبني ...
خليت ورحت نزعت الحجاب ووضل شويه شعر زحته من راسي لبست كب او عصابه ولبست فوكاها الشال حتئ ما يزلك من راسي
طلعت شفت صلاح لازم كمامه بيده كال بحزن...رهومتي يروحي هاي الكمامه البسيها لان النفس مو زين عليج وحاولي لا تختلطين ويه الموجودين بالبيت لان مو زين عليج تمام يروحي
هزيت راسي بقبول وبروح مسلوبه اخذت الكمامه ولبستها اباوع الحواجبي ماكوو اخذت الكحل ودموعي تنزل وخطيت مكان حواجبي ...
هو تقرب مني ومسح دموعي وباسني بخدي شالني بين اديه مثل الطفله ومددني علئ السرير وحضن جسمي الهزيل بجسمه جنت ابجي،بين احضانه وانوح وهو يطمن بيه ...
رفع وجهي وباوعلي واني لابسه الكمامه كال ببتسامه حلوه...ريهامي تدرين عيونج صايره حلووه ومن لابسه هل كمامه طالعه عبالك دكتوره
ابتسمت من بين دموعي حلوو جبر الخواطر
رديت عليه بتنهيده طوويله...صلاح اني اريد اكمل دراستي شنو رايك يعني بس اخذ كيمياوي ويصفر المرض ارجع اقدم جامعه واداوم ؟
باسني بجبيني،وابتسم...حبيبتي اكييد بس صيري زينه لو تردين روحي هم انطيها الج بس ان شاء الله يصفر المرض اقدملج علئ جامعه
واردف بتسائل...اي رهومه انتي ليش من نجحتي من السادس ما دخلتي جامعه
رديت بهدوء...والله ما اعرف كوولشي توفيق من رب العالمين قدمت علئ جامعه وطلع محافظات واني ما اكدر فكعدت وانت خطبتني وتزوجت هههههه
ضرب خدي بمرح...هههه احلئ،زوجة والله
اندك الباب وصلاح راح يفتحه واني عدلت كعدتي رغم اضحك بس بداخلي حزن دفيين ..
دخلت عمتي ام فلاح وماما رضيه كعدن يمي ضلن يبوسن بيه ويسلمن عليه ويطمنني بس عمه ام فلاح ضلت تبجي عليه...
وماما رضيه سكتتها كلت الها ...لا تخوفين البنيه
ضلن شويه وطلعن واني اببد ما طلعت ما اريد اشوف اي بشر نفسيتي تعبانه شكد ما احاول اكون صامده بس ما اكدر ما عندي،طاقه للاسف تعبانه حييل...
شغلت الموبايل وفتحت قران وضليت استمع منا لمن نمت والدموع بعيني...
...............................
جولييت
جنت كاعده اصلي وادعي ربي وابجي احس نفسي سجينه عندهم حابسني،مثل الاسير ...
ومجتبئ ومرتضئ عندي مرات الكاهم ما خذينهم من اشوفهم ماكو يمي انهار واضل ابجي بعد ما عندي اي ثقه بي كرهته حييل...
حجيت ويه رضيه كلتلها ...خلي يطلكني،كالت حاجيته يكول الله كريم
جاوبتها بحده..واي ادري الله كريم واكرم من ومن كل بني ادم لا يكعد يبنج بيه وترئ،مو رجوله منه حابسني هنا خلي،يطلعني
كالت بحزن...هسه عوفينا من هل كلام يمه وخلينه بيج انتي ليش ما تقبلين نروح للدكتور نعالجج
رديت عليها باستهزاء...اخذوني وافضحكم هناك وخليهم يرجعوني الامي وبعدين علئ شنو تعالجوني وانتم جرحتوني ....
ردت بخفوت...يا يمه هو هم مجروح يعنه سهله عليه بيوم واحد يدفن تلاثه هاج شوفي نفسج شصار بيج من مات اخووج مو تبهذلتي وانتي،بس،واحد شحاله هو تلاثه
ابتسمت بحزن ودموعي نزلن بدون سابق انذار...لا يمه اني مو واحد مات عندي ماتوا تلاثه جاسر مات وحازم مات واني متت كتلوني،بيدهم والله يمه ومحد رحمني منهم ...
ماما ...جاسر عذبني وحيرني بس كوليلي شلون اعيش وياه وبعدين ماما تعرفين اني لازم جان اتطلك منه من اول يوم قتل بي عاصم عمي و فلاح وغزل...
بس حضي مصخم حضي ردي ربطني بذول الاطفال الما الهم ذنب بالصار كله
ترئ،ماما احسهم منبوذين بنصكم وخلف الله علئ ابوهم يحبهم والله ما ادري شنو الحكمه من ولادتهم
حطيت ايدها علئ كتفي،كالت...الله يعينج
قربت الخاشوكه من شفايفي،دتوكلني لان ما اكدر من اديه دفعته ما ردت حاولت ويايه بس ما اكلت
سالتها بألم...فاتت العشر ايام واني لا اني للسما ولا اني للاض كليلي شوكت يرجعني الامي وشسوو علئ العطوه...
مسحت علئ شعري وتنهدت كالت...فضت ان شاء الله عمامج طلبوا فصل وراح نفصل وكل من يروح بطريقه
عقدت حواجبي باستغراب ...فضت بهل سهوووله يعني شنو السالفه و جج جاسر حيدخل سجن موو
هزت راسها بنفي...لاااا لان سوو القاتل مجهول وترئ جاسر هم ما اشتكئ عليهم
انرعبت من كلامها...والحق العام وحق الدوووله لهل درجه تايهه الدنيا
ما اشوف اله انفتح الباب ودخلت بكل عنف باوعت شفتها خالتي ام فلاح باوعتلها بقلق وحده
كالت بجبروت...تردين ابني ينسجن تردين جاسر ينسجن والله انتي،صلفه وادبسز وما تستحيين
اردفت بعنف...يااا حق عااام ولج لو بيدج انتي دخلينه سجن بيدج اكله طلكها واطردها وخليها تاكل الوحل ..
بس هو واكفه بعينه هل بزريه المضلومه بينكم ...
درت عيوني منها ونفخت بضيق ومجاوبتها
جرت نفس كالت...شوفي ولج اتقي شري وخلينه محترمينج وبله هل عياره عود اديج معوجه ومخلصه اه ما اه
تقلد عليه جانت وتحرك باديها وكملت بقسوه...تتعايرين وجذابه
باوعتلي ببتسامه مستهزئه...ان شاء الله هل مرض البيه يصير بيج حتئ تعرفين العياره والجذب شلون...
عاد هي تخبلت ضلت تلطم وتصيح دكول ...تعال يمه جاااسر تعال شوف هل حيه الي مخليها بغرفتك شلون تدعي عليه ما اكول غير حسبي الله ونعم الوكيل...
باوعتلها بحده كلتلها...اطلعي من غرفتي
هجمت عليه بس لزمتها ماما رضيه كلتلها..شبيج خيه ام فلاح شبييج تخبلتي بنيه مريضه ومكسوره وانتي خالتها بمثابة امها بدل ما تواسيها انوب تغلطين عليها
صرخت بوجهه رضيه...خلي تولي هل كلبه هاااي ما شفتيها شلون تدعي عليه وطردني عبالك كاعده ببيت الخلفها والله والله اذا ما خليت جاسر طلكج وطردج وخلاج ماخذه الشوارع ما اكون ام فلاح
ولج انتي شنو هل منتفه والمهتلفه لا اهل ولا سند ضاله هنا يدمغ عليج جاسر ومطيح حضج
وين اكووو مره رجلها كتال اخوها وهي ضاله عنده
عاد اني هنا انهارت كل حصوني ونهاريت كلامها جان جارح وعنييف ...
وكفت بتعب واني اصررخ بصوووت عالي...تعيريني تعيرني بفعايل ابنج بيييه ياربي امووووت اواخلص منكم
ضليت اضرب علئ وجهي وملخت شعري ورضيه لازمتني وتسكت بيه
اديه ما اكدر منهن ركضت علئ الكنتور فتحته طشرت الملابس كلها وملابس الاطفال ...
جبت علاكه خليت قسم بيها ...
هي ضلت تباوعلي بس،سكتت ما حجت اي شئ بعد
واني ابجي واصرخ واجمع بملابسي،وملابس اطفالي همست بعذاب...ما اريد اضل يم ابنج والله والله هو الحابسني ومقيدني ما اريدكم اكرهكم والله ...
انتي شنو من خاله الخاله الام الثانيه وانتي دمرتيني تقبليها علئ بناتج
ردت بقسوة...لا تقارنين نفسج ببناتي
صرخت بصوت عالي...اي طبعا بناتج بضهرهن جاسر يشك حلك اليحجي اني منو بضهري امي العافتني لو حازم الفقير
بس الله موجود ما ينساني ...
ثواني وهو استوطن غرفتي باوعت اله من بعيد ضل تنفسي يصعد وينزل اشوف بي قاتل قاتل الي مو الاخويه شكد توسلت بي ابد ما رحمني...
عقد حواجبه وباوع عليه مصدوم من حالتي و وجهي وشعري واديه ورجع باوع الامه كلها...شكووو؟
كلتله ...مرتك متعافيه تدعي وتغلط علييك وسوت فلك شلون كلتلها تردين جاسر ينسجن عمي منو يحجي وياها عصبية متتحمل عشتو
هو باوع الامه وعاقد حواجبه كلها...خليها شتحجي خلي تحجي لا تتدخلين
نوال واكفه وره خالتي كلتله...ما تستحي طردت خالتي وطردتنا شنو بيتها وما ندري
هو بدون ما يباوع الها وعيونه مركزه عليه كلها...اطلعن كلجن برااااا
طلعت نوال وخالتي دفعتها كلتلها ...اطلعي اطلعي عبالي اشد حزامي بي ابني الجبير عشتو
هو دار وجهه علئ امه كلها...سدن الباب وراجن...
ماما رضيه رادت تطلع لزمت بثوبها...صايره اكرهه حييل ما اطييقه اشوفه وحش فتاك اشوفه مجرم
شلون ينام شلون ياكل شلون ماشيه حياته طبيعية وهو قاتل...
اني والله اذا نمله تموت بيدي اتخبل بس هذا مجرم ومن احجي يكول مثل اخووج
هو باوع الرضيه كلها باحترام...يمه خلينه شويه
هي باوعتلي باسى و وخرت ايدي من ثوبها ومشت خطوات اني صرخت واني اباوعله...لا ماما لا تعوفيني اخذيني وياااج
هو تقرب مني،وسحبني من بطني يريد يخلص ماما رضيه مني ضليت اضرب بي بعشوائيه...عوووفني ماما والله حموت ماما خلي يعووفني كليله يعووفني
هو لزم وجهي يريد يثبتني كال...شبييج شبييج جولييت انطيني مجال بس خلينه نحجي
جنت اتبرغث بين اديه واريد اتخلص منه ما اريده يلمسني ...
رضيه لزمته بتوسل...يمه جاسر فدوه اروحلك رحمه الغزوله بكبرها عوفها واطلع منها
باوعلها بغضب...ميصير هيج هي مريضه اريد افهمها اريدها تتطمان شويه
صرخت بوجهه..اطمأن بشنو يا ضالم بحبسك اليه هنا بحرماني من امي للمره الثانيه لقتلك اخويه وما سلمته للحكومه اطمان بشنووووووو؟
غمض عيونه بتحكم...ما حرمتج ما اريد اجرحج خليج هسه وان شاء الله بس،تهدئ الامور اخذج لامج...
ضربت رجلي علئ الارض وببكاء...ماااا اريييييد هسه اريد امييي
باوعلي بخفاء...زعطوطه انتي؟
صرخت بوجهه...اي زعطووووطه زعطوووطه ليش ضلت طفوله يمكم شيبتوني اطلعوا من حياتي اكرهكم اكرهك انت بالذات
حسيت بادين بارده وناعمه علئ،رجليه وهو يباوعلي بطفوله كال ببراءه وهو مبرطم...اعبين بابا
بلعت ريكي بحسره ورجعت باوعتله بحده جاوبته...لااااا ما احبببه
ضل يضرب برجليه بعشوائية...ما ماا اني عبه..« هو يحبه »
ابتسم وشاله بين اديه وباسه بخده وهو يمسح بدموعه...ههه لا مالك شغل بيها بابا مجتبئ تحبني
صرخت بوجهه والدموع تتطافر من عيوني. .لا دكول احببك ما احبببك
هو انطه مجتبئ الرضيه وكلها...يمه بس اتركينه شوويه
لزمت برضيه برعب... لا تطلعيين
بس رضيه تركتني وطلعت من شفتها طلعت وقفلت الباب ركضت للحمام وقفلت الباب عليه هو ركض بس،ما لحك بيه
دك الباب بعصبية...جولييت افتحي،الباب
جنت واكفه بزاوية الحمام وابجي وارجف واديه التوت بالزايد ضليت ابجي...ما اريييد ارووح الله يرحم اهلك عووفني،الوحدي ما اريدك والله
رد بصوت حزين...بس احجي وياج جولييت خليني افهمج شنو الصار وياي وشلون حازم راد يقتلني
تجاهلت كلامه وسألته بحنين...ويين امي
رد بهدوء...بس اعرف اي دوله سافرت حسفرح وراها
فتحت عيوني مصدووومه... سافرت امي سافرت ؟ عافتني وراحت ضحت بيه للمره الثانيه لو هاي لعبه منه حتئ اضل عنده ..
رديت بقسوة...ادري بيها لعبه منك امي،ما تعوفني
جاوب بهدوء.. اكييد متعوفج وان شاء الله ترجعلج بس هسه مجروح كلبها اكييد متكدر توصل البيتنه واني اذا عرفت مكانها وين والله اخذج الها وداعة ولدي بعد شتردين
بلعت ريكي بغصة...ليش كتلته ليش ما رحمت حالي مو تعرف اني ما اكدر اعيش بد..
جريت نفس،..بدون اطفالي اني اصلا منو اليه منو يمسح دمعتي منو يدافعلي
ليش ما سلمته للشرطه هم يتصرفون ليش عذبتني؟زين جان الخاطري عفته ما عندي خاطر عندك
رد بجمود...هو غريمي والي،عنده ثار واخذته
صرخت بنحيب...اكرررهك اكرهكك عرفت والله انت نا تحبني وما الي،خاطر عندك بس اريد اعرف ليش تكرهني
والله ممسويتلك شئ والله احترمك وقايمه بواجبك ودمعتي توكع عليك بس،انت ولا مره ثرت عاطفتك ولا مره جبرت بخاطري
ضليت اشهك واتنفس بصعوبه حسيت الاوكسجين انكطع عندي حطيت ايدي،علئ صدري وتنفست بصعوبه ...
فتحت حلكي التقط انفاسي همست بنحيب...يمممه يمممه اختنكت روووحي،روووحي راحت مني
وكعت من طولي وجنتي الحاله الي افقد بيها اعصابي ويضل كل جسمي يرجف
اسمعه يدك علئ الباب حييل وهو يصيح...جوليييت جوليي بس افتحي الباب
ضلت عيوني تتكلب دلاله علئ فقدان الوعي
وحسيت بي كسر الباب وشالني،بين ادييه وملابس كلها مي من الحمام وخلاني علئ السرير وبعدها ما حسيت بأي شئ...
بس قبلها حسيت يفتح بشفايفي لان جنت صاكه علئ اسناني...
...............................
شهد...
جنت دا اسوي مساج الجعفر خطيه تعبان من معارك اخوته صدك لو كال هم اهل المصايب مو اني
والله جعفر حقه يشرب اذا ما ينحملون هم جنت حاسده جولي علئ جاسر تالي ضليت اترحم علئ جعفر وحنيته
كال...حييل يبعد حيلي
ضحكت ...حبيبي والله كل قوتي هاي قوة عضلاتي بعد ما بيها مجال...
دار وجهه عليه وباوعلي وهو يبتسم...تحبيبني شوشو
نزلت عيوني بخجل...خجلتني حبيبي
ضربني علئ ضهري حيل حسيت انخسفت...من شوكت تخجلين ولج جبتي عمرج لسانج اطول منج
ضحكت...هههههه ان شاء الله الساني حيهجج وجهه الطاوه
هز ايده ...لا السانج ولا الساني،ولا السان صبرية يكدر الوجهه الطاوه هاي،بدون احساس عندها الرزايل غزل نزار قباني ...
هاي شالو عقلها وحطوا مكانه قندرة صبرية الجوبلس
طكيتها بضحكه قووويه وهو جعفر حط ايده علئ حلكي كال...ولج اسكتي ترئ احنه كاعدين بيت بيتنا جنه فندق شيراتون كلها تسمع هسه يكولون جعفر ومرته مستهترين واني كلشي. ولا سمعتي...
فريت شفايفي...انهجم بيت السمعه التنكط منا ومنا بس حجيت بكلبي مو كدامه ما احب اطير هيبته
كرص خصري واني عندي نقطة ضعفي الكرصه طكيتها بضحكه وادفع بي واضحك وحتئ عيوني دمعن
لزمني ودفعني صرت جواه وهو يضحك وخر شعري من وجهي وقرب شفايفه مني ديبوسني والباب تفلش،تفلش ...
هو ركض فتح الباب،وهي كلتله...جعفر الحك الحك جولي طردت خالتي،وخالتي ضاجت...
عاد باوع الها بدون نفس كلها..شلج بهل لكلاوات هي شنو هل مسكينه وتطرد امي
ردت عليه بدلع...والقران وداعة صادق الي ببطني
عقد حواجبه...صادق منوو؟
جاوبته بمياعه...ابنه
هز ايده ودخل لبس،قميصه كال...يربي بس اريد اتذكر شوكت نمت ويه نويله والله حتئ مره تحملت تريدني انام وياها كعدت سبحت بديتول
يعني حتئ لو سكران بس والله احس يعني،مثلا احس بكتل جاسر وما حسيت من نمت ويه نويله ترئ عجيب ما صايره بتاريخ العراق
خله وطلع واني طلعت وراه لكيت خالتي،مطنكره وتدردم ورضيه تحجي عنها
واشواق كاعده توكل بمجتبئ تمن وروبه والناس كلها مخبوصه وهي مخلصتها تضحك ويه مجتبئ،وتمسح بشفايفه وترجع توكله
دكوله وهي تسوي الخاشوكه مثل الطياره...اجت الطياره اجت الطياره ودخلت بحلك مشمش يمممممي
وهو مكيف ياكل ويضحك ويصفك
جعفر باوع الامه كلها...شكو يمه ترحيلها بنيه محترك كلبها علئ اخوها ماكو داعي الكلامج
ردت بغضب...لا اله داعي تريد تسجن جاسر هاي الي تدافعون عنها وبعدين شسوينالها العياره المكاره
نوال كالت...اي والله خالتي،ما حجت شئ هي هاي،مسودنه مو صاحيه بيها حاله نفسيه كون جاسر يذبها بمستشفئ المجانين احسن
باوعلها جعفر ببرود ورفع حاجب باستهزاء... ليش هي نوال حتئ نذبها بمستشفئ المجانين
كلتله بغضب...شنو اني مسودنه
زمخ بوجهه...اسكتي لا بارك الله بيج انتي اصلا مال كتل ولج انتي شنووو كم مره كتلج لا تدخلين نفسج لا تدخلين نفسج
بس وين انتي تشترين المشاكل شرايه متخبله كلش ما لاكيتلج واحد بي،خير مطيح حضج
وحق الله يا نويله مره ثانيه اذا تدخلتي،وواحد اشتكئ،منج اله اسحلج سحل واشمرج لا اهلج
ردت ام فلاح...شنو تشمرها علئ اهلها وابنها البطنها منك وبعدين شدعوه عليكم بس،واحد حجه على جولييت وخبصتوا الدنيا
جعفر بقهر...خلينا ساكتين ابني انوب ابطنها هو اني متحملها حتئ اكعد ابني ببطنها ...
هي جاوبت بتمسكن...والله مدري شبيهم عليه حسره افتح حلكي بكلمة وهم هدوا عليه شافوني،محد الي،والله انتم يبيت مهيوب الفقير تاكلونه وتشربونه
جعفر بملل...رجاء بلا تمسكن ترئ ما احببج هييج ارجعي الاصلج يمكن شويه احبج وابلعج بس مال تسوين روحج فقيره هاي واكفه
رفعت حاجب..بسييطه والله اله اعلمكم منو ام سجاوي بس الحمد لله على كل حال اني والله بس ادعي،علئ واحد اطيح حضه حوبتي ما توكع للسما
ومسلمتكم كلكم بيد ابو الحسنين علي كل واحد يحجي عليه ويجيبني بالطاري كون هيج اريد يشله شل مثل ما شل جولييت
عاد جعفر نزع نعاله وعكطه عليها وهي خلت وانهزمت وبس مستمره تفشر وتصيح رووح ابو العرك صاير حقاني تالي وكت ...
هو جر نفس...ربي شوكت أخلص من وجهه الطاوه ترئ ميصير هيج ...طولت والله ربي فدوه عفوك ورضاك والموضوع ذاك...
امه ضلت تحجي عليه واني خليت ورحت وهو ضاج خله وطلع بره ...
شفت جاسر طلع من غرفة جولي بصراحه صرت اخاف منه صعب يكون شخص قاتل ويانه بالبيت
عاد شديت المحرك وبكلبي...يمممااااي شليييع
دخلت نوال تباوعلي،بحقد كالت...بس اريد اعرف انتي ليش تغارين مني ليييش لان اني احلئ منج
استغربت...علئ شنو اغار عشتو ترئ كلج نفخ ومط
ردت بقهر...روحي انفخي دكي تاتو سوي بتوكس بس لا تخلين نفسج وياي لان والله تدمرت من الغيره النفس
حتئ الكشافه كالت...انتي مسحوره وعليج نظره ونفس مكتوله كتل ومنج وبيج كاعده وياج بالبيت
تنهدت ...اووف ياربي شلون مشكله اني ويه ام السحوره بالقران محد خبلج غير السحارات ولج خاله حبيبتي ترئ،ذن كلهن جذابات وهن يشعلن راس الفتنه ...
صاحت بوجهي...اني ما اسوي سحوره قابل مثلج اني تفترين انتي زوجة ابوج بسحارات...
ضحكت...هههههه اي ولكيتج هناك شلون صدفه حلوه
خزرتني كالت...اكلج قبل شويه تتمضحكين وتتدلعين مو عيب عليج ترئ،صوتكم طالع عود تغورينا شنو ترئ جعفر من ترحين هم يدغدغني
فتحت عيوني بصدمه وبعدها كلتلها...عادي خاله ام سجئ لعد هو هم زوجج
عاد هي،خلت وراحت كبر حتئ كبر بنتها اعقل منها والله ...
رحت وديت الجاي،شفت خالتي،ام فلاح خانسه ويه اشواق وتسولف وياها...
من شافني سكتن اكيد عندهن شئ...
....................... . .......
وقار
عمو وعمتي عرفوا بريهام مريضه بالخبيث خطيه تخبلو عليها
ضلوا يبجون وامها كطعت روحها تكطع عليها بس بعدها رضوا بقضاء الله وقدره وحمدو الله وشكروا...
رغم كووولشي،وعمي محتار بموضوع جاسر وياخذ عالم ويجيب عالم لحد ما هو وحده فض السالفه
الكل استغرب من عمو حلاها بلمحة بصر وحتئ من جاسر راد يدفع ديه عمو مقبل كله علئ صندوك العشيره راح يترتب الفصل ...
اني كملت شغلي،وعمتي راحت البيت اهلي تشوف رهومه خطيه لان مريضه
خابرت صديقتي السوريا ضلينه نسولف اني وياها ضلت تسأل عن احوالي وعن اهلي وبيت زوجي اساله عامه
كالت ..اخواتك كلياتهم مجوزين؟
ضحكت كلتلها...اي للاسف لو واحد منهم ممتزوج حان زوجته الج هههههه
ضحكت كالت ...انا مشفت بس شفت واحد مره من اجيت البيت اهلك وانتي كنتي هونيك
ابتسمت بحزن..اي هذا اخويه الاصغر من الكبير هذا حالته حاله خطيه متزوج بنت خالتي واخوها قتل بنته وابويه واخويه وهو اخويه كتل اخو زوجته
كالت بتساؤل...مرتو هاي البنت يلي عيونا ملونين وعندها تنين ولاد بشبهوها...
ضحكت..اي عفيه هي هاي جولي اسمها هي خطيه حبابه وكلبها طيب وتزوجته صغيره وتعذبت وياه الله يهديهم يارب..
ردت بنتهيده طويله....امييين ان شاء الله بيهديهون...
كملت مكالمه وياها وقفلت الخط اجه جابر حضرت حمامه وحضرت غداه...
رن موبايلي برساله رحت شفتها من رقم غريب مكتوب...شلونج يحلوه اذا موجوده عندي كلام وياج اني،بنيه لا تخافين بس،عندي موضوع وياج
استغربت بس عفته محجيت تغده جابر واني كعدت اكل وياه وهو كل شويه وكال وكليني احب اكل من اديج
واني اضحك عليه واوكل بي وموبايلي كل شويه ورن بس ما اهتميت....
..............................
جولييت....
كعدت من النوم والدمعه نزلت شاكيه الهم بداخلي
ابجي حزينه ووحيده وجريحه وما عندي منو يواسيني
وذاك ابو گلب القاسي صح مرات يحتويني بس يضل هو سبب عذابي مأساتي...
مرات من يشوفني ضعيفة يحتويني ومرات يدمرني ويطغئ...
بس اني مجرد ما اشوفه دا انرعب واطرافي تجمد اضل مغمضه عيوني ما اريد اشوف وجهه ولا اريد اشوفه
كاعده بهل سجن المضلم كل عاده تذكرت من تخربطت وكعدت لكيت ملابسي متغيره ...
استغربت وشفت الثوب الي،جنت لابسته جان مشمور باهمال علئ الأرض...
باوعت النفسي لكيت روحي لابسه ثوب ربع ردان ودلع وفضفاض وقصير ...
لزمته باستغراب...هاي شنو منو لبسني هل ثوب معقوله ماما رضيه
بيومها دخلت ماما رضيه سألتها كلتلها...ماما انتي مغيره ملابسي وملبستني مشلتح
ردت بضحكه...لا والله يمه مو اني بس اكيد جاسر
غمضت عيوني بقهر ..شبي هذا يحجي صدك والله بطران حقه الرجله بالمي مو مثل الرجله بالنار...
حضنت جسمي بارتداد يالله اكييد شاف جسمي منزعني حتئ الاتك
اكيد ضل يتلمس،بيه ..غمضت عيوني ونفخت بملل ما اريده ولا احبه شكد اكرهه
صار كم يوم مرتاحه منه كالو راح للنجف بس موصي عليه جعفر بحيث جعفر كاعد وساكت وبس اطلع وضل يتفلسف براسي....
رجعت نمت مره ثانيه اديه اببد مو بخير
كالت ماما رضيه حروح للسوك خلت وراحت واني غفيت جانوا مجتبئ ومرتضئ يلعبون يمي وكل شويه وجفصوا ببطني
واني مالي خلكهم مخليتهم يجفصون براحتهم رغم كل شويه وعطت
ورضاوي يجيني يرفع وجهي...هااا نيوه عفاج شبه...عود عضاج مجتبئ
واني اهز راسي بي ويكعدون يتعاركون ويتصالحون خلوا وطلعوا واني غفيت...
مرة تقريبا اكثر من ساعتين فزيت علئ ادين ناعمات تهزني برعب فتحت عيوني ورفعت راسي شفته رضاوي كال بخوف ودموع...ماما شبه ماكوو شبه كلاه عووو
فزيت بسرعه مرعوووبه وبدلت ملابسي بسرعه وحطيت شالي الاسود علئ راسي وطلعت اركض دورته دوورت ماكوو
كلت يمكن اخذته رضيه وياها للسوك
نوال طلعت هي وبناتها مبدلات ما اعرف وين راحو
سالت شهد كال خاف طلع لان اني من راحت ماما رضيه للسوك شفته يلعب ويه رضاوي
حطيت ايدي علئ صدري برعب وخووف...يممه وين وليدي راااح يمممه
اجت ماما رضيه كلتلها كالت...يمممه ويين راح الولد
خالتي ام فلاح جانت بالغرفه ما طلعت منها وهو مو يمها ضليت الطم يمه مجتبئ ويين رااح
لبست عباتي وطلعت اركض ادور عليه اني وماما رضيه ندور عليه واني ابجي وكلبي ملهووف ورايح عليه ما خلينه مكان ما دورناه
وكعت علئ ركبي واني ابجي...يمممه مجتبئ مجتبئ ويينننننننك
نهاية البارت ...يتبع
كونوا انتم كونوا بخير...احبكم 💔
نور سمو العراق 😘
عود دوسن النجيمه البرتغاليه 😬😬😬
تنوية...اني طبعا فضحت اسماء اولاد جولييت بدون قصد مني،للاسف😬😬😬😬اجيت اصحح الاسم عاد جولي كالت يالله بعد انفضحنه هههههه
وهااا عصاره اني جمعتها مو جوولي هاي،عود اني طالبه جامعيه بالمستقبل اربي اجييل واخليهم يجمعون جمع تفليش 😂😂😂...
مالكم شغل بالجمع المعنئ،في قلب الشاعر😬😬
وهاا صدك طلعت ناجحه بس مابيه حييل انشر النتيجه هنا نشرتها بس بكروبي بالفيس كروب ورود وفراشات 😍
وان شاء الله وئام الشيخلي تنشرها الكم بكتابها Wyaam1990
واليوم للاسف نفتقد الصوره وغلافات طلحه ما اعرف وين ما موجود ان شاء الله نعوضكم وادعو لاخت طلحه ربي يشافيها😥
احبكم بكد حب جعفر النوال💔
تابعوا هل حسابات بيها قصص لكاتبات مبتدئات فضلا وليس امرا 😍😍😍
تعديل بنات...هسه حصلت الكاتب طلحه وطلعت اخته متوفيه للاسف انا لله وانا اليه راجعون ادعو الام طلحه💔💔😥