الكاتبه زينب العامري
سجى رحت لدوام ورجعت. عادي نفس روتين. رجعت للبيت ريحت الطبخ تخبل من يم الباب صحت
سجى يمييييييي الريحه تكتل كتل طابخين دولمه
ملاك اييي
سجى عزاااا يمته اجيتي
ملاك امير الصبح وصلني
سجى شعجب
ملاك غير اجيت اشوف امي وابوي
سجى بس باجر راح يرحون مو هسه
ملاك اعرف بس امير. حصل حجز العمي وعمتي وباجر هم راح يرحون ماحجيلج الخبصه صايره بلبيت وباجر. الكل يجي على الغده ف ماكدر اجي.
سجى هلا بيج هلا وبجيتج هلا 😂😂😂😂
ملاك. خبله وربي
ام ملاك يمه ملاك قنعي سجى تجي يمج
ملاك غصبا عليها تجي ولله اجي اسحلج اذا ماجيتي
سجى يبويي اجي والله اجي باجر بس تروح. ماما وبابا انا اجي بسياره بابا.
ملاك قصدج سيارتج لان اربعه وعشرين ساعه عندج
سجى تعالي وياي ملاك فوك
ملاك مابيه اريد ابقى يم امي والجهال
سجى تجين لو اسحلج ونبي
ملاك اجييت اجييت
سجى خذيت ملاك وصعدت فوك كعدت على جربايه
ملاك خير شكو
سجى اي احجيلي شبي فقار ليش صار عنده نهيار
ملاك اممم سجى شعليج تسئلين واجد على ذوالفقار
(واجد يعني هواي)
سجى ها ماعندي شي بس تعرفين انا دكتوره. وحبيت اعرف
ملاك ولله يااختي مادري ماقبل يحجي بس سولف لخوانه. لان تعرفين علاقتهم كلش قويه. وانا ماسئلت امير ماحب دخل وسئل اله هوه يحجيلي
سجى انشاء الله مابي،شي
ملاك بدلي ونزلي يلا
سجى طلعت ملاك غسلت وجهي وغيرت ملابسي البست تراك. مرسوم عليه بطريق وتوضيت صليت وخلصت. البست الكلاو الي بلتراك. ونزلت جوه. شفت بابا خال عمر وعلي بحضنه. عمرهم سنه وكم شهر بس حلوين ياربي ينكرطون
سجى هاها بابا خذو جهالي ولد ملاك
ابو سجى شسوي بويه روحي معلكه بيهم
سجى بعد ولد ساده فديتهم
سجى خليت ملاك تحضر ويا ماما الاكل. وانا خذيت علي من حضن بابا ضليت بوس بي وهوه يضحك عنده خدود يخبلن يربي. شوي وضل يبجي عمر
سجى شبي الحلووو حبيب خالتووو شبي يبجي تعال الحضن خاله بوسك انت هم ممممح يروحي انت
سجى ابوس بيهم ويضحكون شوي. وصاحت ملاك يلا تعالو تغدو كلحنه كعدنه ناكل وعلاوي وعمر. اله ياكلون وحدهم متنه ضحك عليهم. تغدينه وخلصنه. ملاك غسلت للولد. وخذتهم ماما نظفنه المطبخ انا وياها ومسحت الميز
سجى خلصنه كلشي ورحنه يم ماما جانت تحضر الغراض باجر من الصبح يطلعون
سجى ماحجيتلكم شصار اليوم
ملاك وام ملاك خير شصار
سجى اليوم. شفت دكتور سلام هوه ومناظره الي مخليهن على خشمه وهاي الكم شعره ورجعه اليوره بلكوه. اجه يتمشه صوبي جان يكلي سجى ممكن احجي شوي وياج
ملاك اييي
سجى اي بعد دكتور سلام. وخليه سكته. المهم كتله تفضل دكتور احجي
جان يكلي. ممكن من نصير وحدنه ماتكليلي دكتور
سجى كتله عفواً. دكتور انت دكتوري ومايصير ماكلك دكتور انا طالبه عندك حالي حال باقي الطلابه جان يكلي
لا سجى انتي غير انتي تختلفين واجيت اليوم احجي وياج موضوع كتله تفضل جان يكلي سلام سجى انا معجب بيج واريد اخطبج بس انا رجال متزوج عادي. تكونين مرتي ثاني. وراح يكون بيتج وحدج. وماراح اظلمج انا بلكوه لزمت ضحكه
ملاك خربببب😂😂😂😂😂😂😂😂 اي وشصار
سجى افااا عبالج سكتت
سجى كتله دكتور مع حتراماتي الك بس انت رجال جبير بكبر ابوي مستحيل راح اوافق عليك. وثاني شي مستحيل وافق اكون مره ثانيه وخرب بيتك للاسف اجيت للانسانه الغلط انت دكتوري وبسس لا اليوم ولا باجر ولا بعد سنه راح اوافق عليك وعيب تحجي هيج وياي اذا شافوك طلابك هسه واكف وياي هيج. وتروح وتجي تحجي وياي عبالهم بيني بينك شي انا بكبر بتك شنو تريدني مره ثانيه الك من كل عقلك ماخليته يحجي اي شي عفته ومشيت
ملاك خلي يوليي زين تسوين بي والله شنو مصدك نفسه شكده شكبره وجاي يركض عليج
ام ملاك جان بس رفضتي بدون هذا الحجي لا يئذيج لو يرسبج
سجى شحده يرسبني والله اروح البيتهم المرته اكلها زوجج يباوع الهاي وذيج. واي بنيه ترفضه يخليها تعيد السنه ونبي تجي للكليه تسحه نفس طلي
ملاك ليش شعرفج بمرته
سجى لج غير مره اجت للكليه جنه مدرعه. ماتتحاجه متتحاجه طبت للقاعه جان تكول دكتور سلام وين. الكل واحد يباوع بوجه ثاني شوي واجه دكتور سلام يركض وخذاها للمكتب مالته
ملاك خرب😂🤣
سجى اي ست ملاك بعد شوكت تكملين كليه
ملاك على السنه جديده علقل جهالي كبار. عمرهم سنتين ومايضوجون عمتي
سجى. اي والله اذا ماكملتي اسحلج سحل
ملاك لا يمعوده انا اريد اكمل دراستي
سجى اي احسن
سجى همزين ريم قبل زوجها تكمل هاي سنه
ملاك اي كلش يحبها مايقبل يرفضلها طلب الله يخليهم البعض
سجى ويخليلج روميو. امير😂😂😂
ملاك فديته انا امورتي وين اكو منا
سجى. حسووو بيه انا انسانه سنكل جفاف كتلني كتل من اسمع اغنيه رومنسيه احضن دبي وابجي من جفاف احس مشاعري صارت معوقه
ملاك سوده عليه راح تبجي من جفاف
سجى يجي يوم واشوف. فارس احلامي ونساكم كلكم انطيكم بلوووك
ملاك خبله والله😂😂😂
سجى عشتووو عساس هسه انتي العاقله
سجى سوالف وضحك انا وامي وملاك. متنه ضحك اباوع الساعه صارت5العصر شوكت مادري
ملاك تصل عليه امير فقار راح يجي ياخذني لان امير صار عنده شغل
سجى لعد ماتحضرين غراضج
ملاك اوكفي اكو كم تراك عندج عاجبني اريد خمطه
سجى يبويييييييي.
ملاك سكتي لج انا اختج
سجى صعدت ملاك الغرفتي خذت نص هدومي ونص مكياجي هم
ملاك انا امير مامقصر عني بس من اخذ من عندج احس بشعور يخبل
سجى اخذي اخذي امري الله
ملاك يلا ماما امشو عمكم اجه علينه
سجى ولد ملاك نايمن على دب مالتي يردونه
ملاك لا ماما مانخذ هذا دب مالت خاله جبير تحبه
سجى لالالا اخذي
ملاك لا والله ماخذه
سجى لا بداعتي اخذي حته انتي وجهالج اشمركم من الدرج
ملاك ماريد عدهم🤣🤣🤣
ملاك يلا ولج فقار تصل عليه
سجى وين تعالي لبسي صايه مالتج
ملاك البست صايه مالتي رصاصي وبيها حزام بنص وشيله وطلعت
سجى نطيني انزل الغراض وياج
سجى خرب ملاك يوم واحد وكومه غراض يعني تجين يومين تاخذين البيت كله
ملاك بس الج يلا نزلي الغراض وياي.
سجى خليت الكلاو على راسي ونزلت. خذيت الغراض طلعت يم الباب ملاك بقت بلباب تلبس جهاله الاحذيه فتحت الباب صار فقار بوجهي. لابس بنطرون اسود وتشيرت ابيض والنظارات والحيته زايده جماله منتجي على سياره شافني فتحت الباب نزع المناظر وسلم عليه
ذوالفقار شلونج سجى
سجى هلا تمام وانت
فقار تمام ويلا طبي جوه مره ثانيه من طلعين خلي حجاب على ركبتج لان امبينه كلها
سجى حاضر عيني استاذ فقار شدعوه هاي العصبيه كله ترا مضره بصحه
فقار من ثولج الواحد يعصب
سجى رفعت صبعي بوجها. سجى رجأ لا تكول ثولج
فقار نزلي ايدج لا اكسرها
سجى اهوووو عاجبك تتعارك مو
ملاك هاي شصاير
سجى ماكو شي نقاش صغير جان بيني وبين حماج
ملاك يلا باي سجو وباجر تعاي مو ماتجين
سجى اجيي والله اجي
سجى اباوع الفقار بعين ونص رفعت حاجبي اله وطبيت للبيت سديت الباب. ورا ساعه تقريبا اجن خلاتي كلهن وبنات خالاتي وكعدنه سولف وضحك ونصور ستوريات وصور خبال انا وياهن
نروح العائه امير
امير ايي ولكم صار شكد ماكعدين هاي الكعده
فقار والله يوميه انا اكعد بلحديقه وحدي.انت لاهي ويا مرتك وجهالك وطلايب الناس وعدنان سوده عليه بعد اخوك من طبيب طبيب ويا ست حور ومحسن. راح يبجي من خبال مرته انا عندي فكره الكم ليش ماتزوجون عليهن
امير انجب لك😂😂😂 لا تسمعك ملاك اليوم تحرك البيت تصدك وثاني شي انا احب مرتي اريدها. احبها مابدله بنسوان دنيا
عدنان وانا هم حور مامقصره عني مدللتني ومدللها.
محسن وانا زهراء مامقصره عني واحبها واحب خبالها
فقار كافي كافي كفاررر حسو بمشاعري انسان حديقه يمكم والعباس مشاعري طشرت ليش هيج
امير ابجي بعد ابجي
امير اي كلي ليش صار عندك انهيار
فقار ولله سالفه طويله كلش تالي تعرفون
محسن صارت ساعه 12ونعست انا تصبحون على خير
امير وانا هم
عدنان وانا هم
فقار اييي اييي روحو لبدو بحضن نسوانكم وانا الي الله
امير شعندي غير حضن مرتي
محسن ولا انا حضنها دوه الي
عدنان اروح انام بحضن مرتي ولا اگابل جهرتك
فقار. كافي كافي طشرتو مشاعري حرام عليكم والله
امير ابجي ابجي
فقار. راحو الولد رحت اگلب على الانستا شفت ستوريات سجى ناشره صورها هي وبنات خالته. شفت الستوريات بس ستوري كلش عجبني ضحكته بي. تخبل عدته اكثر من مره احب اخليها تعصب. وعلقت على الستوري
سجى ساعه 12الكل نام انا مانعست وباجر عطله ملل راسلت صديقاتي هم ضوجه شوي وتوصلني رساله من فقار. على ستوري. شفت رساله معلقلي على الستوري
فقار اول مره اشوف بقره. ضحكتها حلوه
سجى انا بقرا ياطلي
فقار لج. احترميني منو طلي
سجى والله تكلي بقره وماتريد ارد عليك
فقار بقره بقره بقرتين
سجى هاي البقره تعرفت على طلي نفسك
فقار. والله عيب لازم تحترمين انا فقار الكل يحترمني ويحسبلي الف حساب انتي تكليلي طلي مع الاسف
سجى انا غير انا ميانتي .وياك قويه اختلف عن الكل
فقار عشتوووو
سجى اي شبيك
فقار راح اشتاقلج. راح اسد الانستا
سجى ليش حرامات
فقار بعد والله ياسجى شنو احجيلج سالفه طويله
سجى خير شكو شصاير
فقار من تجين اكلج
سجى اوكي
سجى يلا نعست تصبح على واحده جميله كيكه مثلي عسل
فقار عشتو عليج يلا روحي نامي
سجى نمت. كعدت ساعه 6الصبح سلمت على ماما وبابا راحو رجعت نمت لان ميته نعاس كعدت ساعه 5العصر شفت جهازي محروك حرك من رسايل ملاك حاركه دنيا وماكو احد بلبيت كلها رايحه حيللل كل هذا الوكت انا ناميه خلي اشوف ملاك
سجى تصلت عليها
سجى الووو
ملاك وجعووووو وينج هااا اتصل ماكو هسه كدامي تبدلين وتجين بسررررعه
سجى على كيفج شبيج جنت نايمه
ملاك سئلت عليج خالتي كالو نايمه يلا تعاي راح تصير دنيا ليل اخاف عليج
سجى اييي جايه. بس احضر ملابسي واجي
ملاك عندي كومه هدوم
سجى حتلو احب ملابسي انا
ملاك على راحتج قبل لا طلعين طفي كهرباء البيت كله يلا انتظرج
سجى اوكي
سجى كمت البيت نظيف نظفت غرفتي وسبحت طلعت البست سويتر ويا البنطرون مالته نفس الون سمائي والبست شيله بيضه ويا خليت مكياج خفيف وسبحت بلعطر خليت بجنطه صغيره مكياجي وملابسي العطور ملوتي وكم حذاء كلشي خذيت وياي اعرف ملاك ماراح تخليني ارجع. منا بعد13يوم على ماتجي ماما طفيت كهرباء البيت قفلت الباب. وطلعت همزين بابا مخلي سيارته عندي بنص طريق وتصلت عليه ملاك
سجى الووو
ملاك وينج
سجى راح اوصل والله موتني شنو طفله انا
ملاك اي طفله واخاف عليج
سجى يلا راح اوصل
سجى وصلت البيت ملاك كراج كلشش جبير عدهم لسياره
سجى اهوو شلون هسه راح اخلي سيارتي بالكراج خلي اخابر ملاك
سجى الووو ملاك طلعي فتحيلي. باب الكراج مالتكم خلي اطبب سياره
ملاك بشرفج سجى باب الكراج شكده بلوكه يندفع
سجى يلا يلا عفيه مابيه انزل من سياره ورجع اصعد يلا
ملاك لا تبجين هسه
ملاك سديت الخط من سجى شفت فقار نازل من غرفته ستوه كاعده من انوم
ملاك اييييييي الله جابك
فقار خير شكو. ياستار شوفي ملاك مابيه مالي خلك ماطلع اشتريلج اي شي مابيه
ملاك لالا ماريد شي بس. عفيه سجى برا افتحله باب الكراج فدوه
فقار اجت سجى
ملاك ايي
سجى انتظر. ملاك شوي وطلع فقار لابس تراك اسود وهوه وكفشته الحجي بيناتنه شكله حلو. شافني وبتسم فتح باب الكراج. دخلت سياره جوه نزلت من سياره وهذا الحجي كله وهوه وكف يم باب الكراج يباوع عليه
سجى شلونك
فقار تمام
سجى اجيت يمك13 يوم
فقار هلا بيج بقره نورتي البيت
سجى لا تكلي بقره🤨🤨🤨🤨🤨
فقار نزلي حاجبج اول
سجى ما
فقار يلا تعاي. طبي جوه بقره
سجى لا تكلي بقرررررره
فقار سدي حلكج لا تفضحينه
سجى تستاهل
سجى طبيت جوه البيت هدوء ماكو احد بس ملاك كاعده بصاله
ملاك هلا هاي وينج ليش تخليني افكر بيج ماما وبابا من الصبح طلعو وانتي هسه يلا تجين بله صار بيج شي
فقار انطيها مجال ترد عليج
سجى كلتني اكل
البارحه سهرت ويا البنات جنت تعبانه وبقيت نايمه شيصير بيه مثلا وانا نايمه على جربايتي
ملاك بعد خفت عليج
سجى مابيه شي لا تخافين
فقار ملاك شنو العشه
ملاك كبه لحم
فقار اوكي
سجى وين اخلي غراضي
سجى اكو غرفه بصف غرفت فقار الج
سجى صعدت فوك الغرفه حلوه. ومرتبه رتبت غراضي وغيرت ملابسي. البست تراك سوت طويل شوي ولفيت شيله مالتي ونزلت جوه يم ملاك. شفت فقار يلعب ويا ولد ملاك عفته ورحت يم ملاك
سجى ملاك ماكو احد
ملاك امير هسه شوي ويجي وعمي وعمتي راحو
سجى تعرفين بيتكم موحلو بدون عمتج وعمج
ملاك اي والله
سجى حضرت الاكل ويا ملاك شوي واجه امير رتبنه كلشي على طاوله طعام الكل نجمع على الاكل
امير. سجى اي شي تحتاجينه انا موجود لاتستحين من عدنه ترا البيت بيتج وماكو احد اخذي راحتج
سجى فدوه الگلبك ماتقصر
سجى فقار كعد قريب يمي جان حجه بصوت ناصي وين اكو ابقار تستحي رديت عليه وين اكو طلي يكعد على كرسي جان من جوه طاوله يسحك على رجلي
سجى اخخخح
امير هاي شكو شبيج
سجى باوع الفقار يضحك
سجى ماكو شي بس صار الم قوي بمعدتي لان مامكله شي من الصبح
امير لا تهملين نفسج لا يصير بيج شي
سجى انشاء الله
امير وانت شبيك ميت من الضحك
فقار ها لا ماكو شي قريت شي. ضحكني
امير دوم
فقار سجى انتي مو طبييه نفس
سجى اي
فقار اريد تعالجيني
سجى تدلل
فقار شوكت
سجى كيفك
فقار ورا العشه. نروح بالحديقه
سجى اوكي
امير. فقار بله خبال تكعد عاقل
فقار. شسالفه ماراح اكلها ترا 😂😂
امير اعرف سوالفك. مقالب اعرف سوالفك
فقار لالا دكتورتنه هاي شلون اسوي بيها مقالب
سجى خلصنه عشه. ساعدت ملاك سويت. كلاصين قهوه الي. والذوالفقار وطلعت الحديقه شفته كاعد على الكرسي. شافني وقفل جهاز
سجى شوف انا ستوني بديت ادرس هذا شي وحسب حالتك انشوف هذا شي. احجيلي اشبيك ليش اعالجك جوز مابيك شي تحتاج بس نصيحه هسه اريدك ترخي اعصابك. وترجع جسمك اليوره وتغمض عيونك وتحجيلي كلشي
فقار ماعرف محتاج نصيحه لو شخص ماعرف
سجى احجي
فقار شوفي سجى انا جانت عندي علاقه ببنيه
سجى اي
فقار ايي صارلي سنتين احبها حبيتها حب ماصاير شحجيلج لو تكلي اريد دنيا مستعد دللتها دلال ماصاير. وهي بعدها مو يمي من حب وهتمام وهدايه انا صرت اصرف عليها مو الها والله الخيط ماخليه تشتري كله انا وغير الحب والهتمام ورسايل توصلها هي ونايمه حبيته كلش حبيتها وخفت عليها اكثر من روحي شحجيلج حبيبته حب خبال جنت اغار عليها من الهوه والله اخاف يصير بيها شي
وهي جان تعامله وياي عادي مو ذاك الهتمام ولا ذاك الحب انا جنت احبها واهتم بيها اكثر هواي ئذتني جنت اكله ليش تئذيني تكلي احب غيرتك عليه. وكل اسبوع تخابرني على شي وكله تدللين حبيبتي. عيوني الج بحياتي ماخليتها تنام زعلانه حتلو هي الغلطانه اخاف تبجي حته من تخليني اغار وتئذه ماصيح احجي حجي عادي وياها حته لاضوج مني صرتلها ابو واخو وصديق وحبيب وكلشي جانت هي بنسه الي كلشي حبيته حب ماصاير. انا ورا ماتنام وكعد قبلها حته لا تضوج لو احجي منا الباجر شكد احبه ماراح اخلص
سجى وين المشكله لعد؟؟؟
فقار اخر فتره. هملتني كلش كلش لدرجه ماتتوقعينها حته خلت حبها بكلبي يموت شوي شوي اهمال بهمال وكله وتحمتلها ويوميه حجه ونتعارك. وكالت اريد حساباتك نطيتها حساباتي حته بس. تبطل عرايك لان مليت. بس دور حجه حته نتعار وتحمله. وانا راضيها وكلشي ولا تزعل هملتني كلش. وصلت المرحله ماتهمني اذا ماحجتني مو نفس قبل افكر بيها الاهمال مالته حيل اذاني وكله اكول ميخالف فقار اتحمل. اخر كم اسبوع قللت كلش الصبح رساله والعصر رساله لو احرك دنيا عليها عدها عادي حاجيته قبل يومين بيوم. عاتبها وكعدت عاتب واحجي وياها وكتله ليش هذا الهمال انا ماقصرت عنج حبيتج من كل كلبي. لو روحي تردينه انطيج ياها وانتي ماكو كلش شايفه عليه شي،سامعه عني شي مئذيج بيوم. مقصر عنج بيوم
سجى ايي شنو الجواب جان
فقار اوووف شكلج 💔💔💔💔💔💔💔💔💔💔💔💔💔💔💔💔
سجى احجي
فقار تكلي شوف فقار انت كلش زين وياي حبيتني حب ماصرير مستحيل شخص يحبني مثلك حبيتني واحترمتني محد حبني وحترمني بكدك بس الصراحه انا حبيتك على مود فلوسك انت شاب مرتب وطاك. وحلو كلت ليش مااستفاد براسك وهسه انا نخطبت خطبني واحد كلش زين وحالته زينه الله يعوضك بالحسن مني من سمعت هاي الكمات مااحجيلج شصار بيه سنتين انا عايش علاقه حب جذب بجذب احس كلبي تكسر حبيتها حب ماصاير شكلج ماكدر اوصف الحب الي حبيتها يا والله العضيم من اسمعت هاي. الكلمه مالتها نصدمت معقوله هاي سنين كله جذب بجذب زين ليشششش انا شسويتلها صرتلها كلشي كلشي. ليش هيج ستغلتني ليش ماحبتني نفس الحب الي حبيته الها كسرت دنيا ورجع صار عندي نهيار بسببها
سجى خلصت
فقار ايي
سجى شوف فقار
الكاتبه زينب العامري
❤️💓💞