البارت ٥٧
#الارهابي وذات النقاب
شاهين:- شبيك حمصة تخبلت .؟؟
حمصه :- هسة مخبل عاقل انت شعليك ؟
ابن خالهه ورادهه خابرني كال تكعد بيت مو غريب !!
رديت بجدية ..
شاهين:- توكل على الله حمصة لاتخليني أطلع خبالاتي عليك وخرت أيده من الباب
باوعت ماعرف شديصير ؟
بحيث ساعه اشك ب خالد ويه فواز وساعه اشك بحمصه ويـ فواز ..!
احس هالامور داتنهش بالحمي على البطيء
مشيت ورا شاهين للسيارة أول ماصعد شاهين كتله
فلك:-شاهين اعرف اعرف ثكلت عليكم هواي بس اني ماريد اروح البيت خالتي انت تعرف قاسم صغير وفقير وهيه خالتي ماعندهه غيره وذول الناس بلارحمه .!!
شاهين :- والله يافلك ماعرف شكلج بس ..
بللت شفايفي بخوف ورديت
فلك:- بس شنو ..؟؟
شاهين :- يابه انتي مدونه اقوال بيوم الي على أساس مات زوجج والعصابة ..
فلك:- مدافهم عليك شاهين .؟
شاهين:-كاتبه كلام يختلف عن الي دتحجي ألنه ، شوفي ام علي ثقي بالله أحنه اللي نريده هوه مساعدتج لا أكثر ولا أقل وحتى مانعرفج .
والكرابه بعيده بس انتي دخلتي محلي واستجديتي بيه وبعد لو على كص هالركبه (وضرب بخفه على ركبته ) ماعوفج
ولو مو خالد أمر تروحين جان وروح ابويه
اعوف البيت واخليج براحتج ويه امي ومرت عمي بس انتيِ أقرب البيت الحجيه بـ أعتبار اختج جنه البيت ..
كتله
فلك:- رحم الله والديك ماقصرت ابد انت ،انسان متنوصف والله الشخص الوحيد للي أحسك ماتجذب
باوعت علي من المرايه الاماميه ابتسم وباوع عليه من نفس المراية دنكت عيني كلت هذا بس لافهم اني اقصد غير شي .؟؟
همست متوترة :- يعني اقصد صرت أللي اخ لذالك التجأت ألك .
باوعت علي ماجاوب ابد
رجعت كتله :- وروح امي وابوية وداعة اختي الي بشدةمرضه فواز هو الي سوه كل هذا بـ ابني
شاهين:- شوفي فلك ترا اني مصدكج ومو مهم ولا اي بشر المهم انتي تكونين قوية وتفكرين صحيح حتى توصلين النتيجة
فلك:- شاهين اني كل الي اريده ابني كلشي ديصير بيه بچفه وابني بچفه ثانيه
شاهين:- ان شاء الله ان شاءالله يرجع الحضنج وترتاحين .
كلت بكلبي امين ياربي مر الوقت بسرعة
وصلت لبيت خالد ، شاهين نزل وياي واني بقيت لابسه نقابي وحبوبتهم ضلت بس تحجي عليه لان طالعه .
وماقتنعت بقت مصره لازم ماتطلع
بقه شاهين يشرح الها ليش مضطره اروح للمركز .
اني رحت للمطبخ اشرب مي ، امشي وبداخلي احساس أنو رسل ضاجت من برجعتي او احتمال عدهه شي
مزعوجه منه؟
اول مدخلت المطبخ صارت بوجهي هيه وام خالد بالسوك جانت ..
تذكرت موبايلي كلت اكول لشاهين اكثر
شخص امون اله يطلعلي صور الموبايل
عاجبني على شكل اللبوم
هتوني ردت ادخل للغرفه باب الاستقبال جان مفتوح
حسيت صوت واضح مو ناصي كانما تريد اسمع ..!
رسل:- تره ماصاير هاي شنو بنيه غريبه ببيتنا .؟؟
حسيت على شاهين وهو يكول
شاهين:- اخت ميمونه
رسل:- ميمونه هم غريبه
جان يكول
شاهين :-حبيبتي
حبيبتي أنصدت هو شكو يكلهه حبيبتي .؟؟
رسل :-انت شبيك شاهين ؟
شاهين :- هو اني لو انتي بس اني اكلج الضاهر تغارين على رجلج منهه
رسل :-لا والله بس شنو معنى وجودهه وهي ارمله وبين غريب ليش ميمونه مو كالت قبل عدهم خاله وعدهم عم ؟؟
شاهين :-ياكلب هو هذا هم ينحسب عم ؟ اطمئني ام علي مو من هاي النوعيه
رسل :-وانت شمدريك ؟
جنت واكفه أتسمع ما احس إلا انجريت من حجابي
ام خالد :-ولج انتي هنا جايه ببيتي بعد عملتج ، ابني بسببج بالسجن وانتي بكل صلافه جايه .؟؟؟
صحت :-ااخ خالة
ام خالد :-خاله الي تخلخل عظامج
طلعو على الصوت شاهين ورسل ، ركض شاهين حتى يوخرها
ام خالد :-هدوني عليهه هاي ***** الله لا يوفقج متخافين من الله ولج ابني ابني ينسجن من وره وحده مثلج !!
حاولت ابعدهه بس جانت كلش قويه ام وابنهه راح من وره وحده حقهه ، مثل البزونه الي تولد وتحاوط صغارهه والي يتقرب منهم تنفخ بوجهه استحيت نقابي وعبايتي وكعت وشاهين بالنص !!
ام خالد :- ***** ام ***** تضحكين على ابني وتخلي من وره وحده عار مثلج يدخل السجن حسبي الله عليج ونعم الوكيل حسبي الله
شاهين :-كافي شبيج كولي يالله ترا ماتنحل هيج ؟
ام خالد :- وخر وخر شاهين
فلك :-ترا حاسه بيج كولي الابنج يخليني اولي كتله مااريد من احد مجرد استنجيت بـ شاهين !
ام خالد :- هوِأنتي يوميه موكعه واحد بمصيبه ام الزلم ..
حسيت على صرخة شاهين جانت صادره بكل قوة
شاهين :- هوِ هذااااااا هم حجي صدك تحجين لو جذب
دنكت بفشلة اخذت نقابي وعباتي جنت لابسه دشداشه سوده ربع ردن لان اضوج البس ردن جوه العبايه وكفشت شعري حالتي حاله شلتهن من الكاع
بدون مااحجي ولا حرف والله كلشي ماريد منهم كافي سلمان الي سوا ضحه بروحه بسببي جان
شاهين منفعل يصيح وام خالد تصيح وبيبتهم هم تصيح بس صوتهه ممسوع بالنسبه الشاهين وام خالد .
طلعت امشي وابجي واللبس بيهن حسيت على صوت شاهين وراي
شاهين :- ام علي كولي يالله و اوكفي
فلك :- فدوه عوفني خليني اروح مالك علاقه بيه اجيت برجلي وهسه اريد اروح
شاهين :- فلك ابنج مو يمج وعدهم شي عليج يكدر ينهيج وينهي اختج وابنج ؟
رفعت راسي باوعت علي بجيت اكثر جنت مغطيه وجهي بس بعدني ملابسه النقاب لان ايدي ترجف
شاهين:- قبل شوية شحجيت اني مو كتلج صيري قويه واهم شي ثقتج انتي بنفسج ؟؟
فلك. :- ياقوه هاي منين اجيبهه واني بمتاهه
اتعلم ماهوه المؤلم ؟
عندما يقولون الناس لك كن قويآ وهم مايعلمون صعوبة ماتمر به !!
ليس بامكاني حتى تفسير الامر وليس بامكاني ان اجعل اي شخص يفهم...تستمرون بقول الحياة تستمر ..؟
................
ميمونه .... جنت كاعده كباله ..... لزمت ايده تلمستهه .... اباوع علي بحسره ودموع مااكدر اتحكم بيهن ......بصوت مخنوك
الزم ايدي خضر .....الزمهه وكوم لتعاقبني بفراگك
اعرف ضجت مني واعرف أذيتك ومحسبت حساب الموقفك من تعرف ....ارجعلي واخليك تسامحني
خضر .... ياروحي تسمعني ... اعرف تسمعني لتصير مثل بابا وتعوفني ممحتاجه بس نفسك يتواجد محتاجتك كلك ... كوم يالله كوم لتسوي هيج كوم ضمني بصدرك .... استذكرت كلامه بمخيلتي جان شابكني هاي قبل لنسافر اول مرجعنا تزوجنا
خضر-ام تك وتك تقربي اكثر
ميمونه-وين هو اني بحضنك
خضر-اريد اضمج بين ضلوعي
ميمونه-ضمني
خضر-بودي بس اخاف عليج حتى من ضلوعي تتأذين وانتي مريضه
ميمونه-ابقه حبني هيج
خضر-لاخر شمة هوا الي ابقه احب ميمونتي
مسحت دمعتي الي نزلت على خدي ورجعت لزمت ايده ...انتظر لمساته تصحيني وتخليني اسعد انسانه رجعت مسحت دموعي
شفت صوري ومركب عليهن اغاني ......شفت الاغاني ....شفت كلامك....ولمست حبك بالواقع
سامعتهن بس اول مره اركز بحروفهه وكلماتهه اول مره احب اغنيه قديمه ......لكيت اغنيتين صارن من ضمن ممتلكاتي مستحيل راح انسه ولا حرف
بس حابه اسمعهه الك بصوتي
مسحت دمعتي وبديت ... صوتي بي رجفه وحزن وانكسار ووحده وكلشي حسيت حروف الكلمات تنزف ....من كمية الوجع والخوف الي بداخلي
مااكدر اخسرك ياريت لو عيوني تغمض قبل عينك
ليش الدنيا عاكسه وياي ماعرف ....
الاي درجه تحبني ياخضر كمت اشوف نفسي مااستحق هالحب .... ليش الهاي الدرجه حبك الي ....بس والله
اني هم أحبك واختنك بدونك انت الدنيا انت الحياة انت كلشي الي .... شلون تسوي هيج
جنت انتظر رجال مثلك من بديت بمراهقتي
جنت احلم ....بحبيب يخليني اميره
رغم كلشي صار الايام الي عشت بيهه طفله بحضن دافي وحسسني بالامان محت كل الماضي انت طهري بوكت الشده حبيبي
كوم يلله الزم ايدي شلون ينطيك كلبك تعوفني اذا تحبني لو تبقه نايم بالفراش كلي شسوي وترجع تفتح عيونك بقيت اباوع علي وابجي بديت اغني اول غنيه غنيتهه
اريدك بالحلم خطار مر بيه عشك اخضر
رجعت غنيت الاغنيته الثانيه
وين انت وينك ...... تسأل عليه .... ماعندي غيرك مو تدري بيه اختنكت وكمت ابجي حاولت اتماسك روحي
اخذوني منك لا انت بيدك ولااني باديه
وين انت وينك وينك وينك مشتاكه عيني العينك لاتنسه
البيني وبينك كلبي إلك وكلبك اليه ......
دنكت علئ ايده خليت شفتي ..بيهه جنت اضم صرخاتي واهاتي بيهه موجوعه حيل
لك . روحي لاتسويها بيه ارجعلي واوكف علئ حيلك ارجعلي خضر مااتحمل والله بدونك يريدوني ارجع شلون ارجع وانت تبقه هنا شلون عقولهم
شلون اعوف روحي هنا واروح بس جسد .... شلون يصير يفصلون الروح عن الجسد ماعرف .... بقيت كاعده يمه واحجي ويا ماعرف يسمعني او لا .......
اصدك بداخلي هو كاعد يسمعني لان مااتحمل. هو ماكو عودتني وعفتني كتلي حاربي تعيشين والكه نفسي وحيده مو من حقك خضر
تعبت وتعبته يمكن من الكلام بقيت كاعده اباوع علي الحد مالكفوني يمه ممنوع هيج فترات طويله
نظامهم مو مثل نظامنه بالعراق
..........................
............................................
أسير أنا في هذه الحياة، فالحزن يرافقني، والفرح يهجرني، والعباد ترمقني بنظرات تتعبني.
شاهين-وينك اااااااااانت ادور عليك صار ساعات رجعت للزفنبووووووت......
سحب من عنده البطل بعصبيه
شنو مشكلتك كايلك الف مره اذا تخلي بحلكك تنسانه اني مااتقبل اضحك واسولف ويه واحد سكير
حمصه-عادي كلش عادي بقت عليك هيه امي الخلفتني عافتني
شاهين-اعتبر. ررررهه ميته مليون مره كنالك اعتبرهه ميته
حمصه-لييييييييييش ليش اعتبرهه ميته وهيه عايشه .....ليش ام الهم واني لاااااااااا
شاهين-هيه الخسرانه
حمصه-اني الخسران الوحيددددد بالقصه كلكم تذكروني بهاي النقطه وتعرفون تأذيني
ليش اني من دون الكل يتيم بوجودهم
حمصه-اشوف اخوتي خوف امهم عليهم
شاهين-دتنكر هيج تعب عمتي عواطف
حمصه-مناكررررر بس مو مثلهم
شاهين-تحساس بداخلك
حمصه-درررررروح هم كال نعال بداخلك محد بحس بوجع كلبي محدددددد لك اني ممقهور بس لان هيه موووووووجوده ياريتهه لو ميته وانحب على كبرهه ولا متزوجه يوميه واحد
لك .....لك تعرف شتمنى
شاهين-انجب لتلغي لغوه زايده ايدك اخذت عل مكص
حمصه-هههههه خرب غيرتك لك يا مكص
شاهين-اي لك ساقط عار متلوكلك غير هالضحكه من انعل ابوك يابو الخلفك على هالدكه الناقصه
على سالفتك المتسولف تختفي شوف الساعه بيش ب٣وكاعدلي يسكر اوشهالمكان المنحرف ابو نؤاس اول مره ادخله واخر مره
لو مو عزوز اول مره بحياته يصير ذكي ويطلع مكانك من الموقع جان من شفتك الباجر اني استعمله للمكص
حمصه-شاهين انت اخويه الجبير والله
بهاللحظه فجأه انضرب حمصه راشدي من شاهين
لتشرب بعد ساقط والله اذبحك بيدي
حمصه-شلون يخليني هسه *****
شاهين-سويت واجبي غير انت كلت انت اخويه الجبير واني امارس حقوقي عليك كاخ جبير
باطل وياك لو ما الشارع جان سحلتك ولو انت يرادلك تريله
حمصه-انت
شاهين-ااااااااااش كوم كوم لا بلسبحه اضربك وداعت الاعيوص الي ماطيقه ساعة السوده من خلفك هو
حمصه-والله ....بعده ممكمل كلمته
شاهين-ااااش اكلك كوووم لا اموتك
حمصه-يابه ماريدك اخ الي خلينه مثل قبل اعداء احسن شني السالفه شووووووو توليتني اش بأش
شاهين-اكلك بشغله
حمصه-كول اسمع
شاهين-من كلت أش بأش مدري ليش تذكرت وتخايلتك فيفي عبدو
حمصه-كوه تحجينه شوشه
راد يكوم يضربه كام بسرعه من يمه حمصه شمر علي السبحه
حمصه-مو انت المتدين عشتووووو شوداك الفيفي
شاهين-لك سافل فلم ....فلم ابن العار والله عبنه عار خلفك
التهيت بفييفي منين الكاهه من عزوز الغبي لو انت الي تستفز حتى المطي لو خضرااي بين الحياة والموت لو سلمان السكط الي بالسجن وفرحانه حتى تتعاقب
حمصه-شبي خضرررررر
شاهين-طيح الله صبغك حتى سؤال مسائل علي
حمصه-لك ....اقصد لا والله ملتهي شنو خضر
بعد كلام طويل بس من بعيد لان حمصه يكله ماعندي ثقه بيك تسوي شي بحجة السوالف
شاهين-دكوم خل نروح هم ناكل لكمه وهم تنطمر يمي
....................
فلك-ما زالت الجراح في قلبي، جراح ما زالت تنزف، جراح تعفّنت من كثرة الدماء، جراح أبكتني حتى جفّت كل دموعي، جراح أطفأت رغبتي بالاستمرار في الحياة. أيامي سوداء لا ترى الشمس، ويسكنها الصمت والعذاب، وتغمرها ظلمة الليل، ولا تعرف معنى الألوان، أيام غاب فيها القمر، ولم تعد تُتقن سوى لغة البكاء، أيام تحتضر، أيام كالأشباح، أيام أنقطعت فيها الأنفاس، وتملّكني فيها اليأس والضياع.
بعد ماا صار الخلاف بيني وبين ام خالد اخذني شاهين البيتهم
انقهرت على نفسي ....صعب كلش تعيش بلا سند
بحياة كلهه شياطين والاصعب تفقد الي تحبهم
يوميه حقدي يزيد على حسين .....ومااسامحه وكرهت اليوم الي صارت مشاعر اله بداخلي باك مني كلشي جنت مجرد تسليه وانتقام بحياته اكرهك اكرهك ..'
كمت احجي بصوت عالي بس حسيت على نفسي
كلت شيكولون الناس عليه احس نفسي ضيق الحياة طالعه من عيني كلهه لليل الساعه بالعشره اتصلوا على شاهين يسألو على حمصه بالغرفه حابسه روحي عيب ازحمهم وحرام اصلا وخالد مااعرف ردة فعله وميهمني اصلا ردت اروح وشاهين الح كلي ابنج وانتي هم فكري بنفسج لتخسرين خاف يصير شي مو سهلين الي زوجج وياهم
كلت ساعة السوده على زوجي بكلبي
شويه وانخبص البيت شاهين اعصاب ويصيح غبي انت غبي تعرف مااحب اشرح هواي سألتك سؤال اي لا خلص لتلوف الف لوفه
وراهه طلع ومشفنه احد وام شاهين وام عزوز اثنينهن حبابات
كلش استقبلني وكاعدات يمي اكثر الوقت
فلك-جنت مغمضه عيوني ....بس مااكدر اغفه مخنوكه ابني ماكو مشتاقتله صعب بعد اصبر
ياريت لو روحي تطلع ...واخلص لان يوميه تطلع الف مره مو مره وحده
احتاجيت اروح الحمام خليت شالي وطلعت
للحمام
سمعت صوت حسحسه ....تذكرت حمصه من شاهين كل شويه متصل وعصبي يكول وين وله هذا
وامه تكله قابل صغير يكلهه انتو متعرفون لتحجووون مااعرف اضوج منه ...بس الي فهمته من كلامهم بالسياره بعد التفكير امه عايفته وعنده اخوان من الجهتين
طلعت من الحمام بس دك موبايل شاهين جان مفتوح الباب بس نبرة شاهين علت
شاهين-انتووووووووووووووو لو مو انتوووووووو فهمومني
حمصهه ااااااااااحجي تقربت من نبرته .....كلبي وجعني وبصدمه ولهفه اسمع اريد جنت شاكه بي والله
شاهين-اااااااااااانت صح ....والله انت ايا سافل ....لك انت شلون تسوي هيج فهمني.......... يتبع
......................
ميمونه-بعد ما شافو الموضوع مو بيدهم واهل خضر يلحون وعلي وراشد كل شويه يخابرون علمود يرجع خضر هناك .....وانيهم مقبلت اترك خضر ...
ا قررو يرجعون للعراق فصار لازم ارجع وحدي بدون خضر .... لأن خضر سافر وياي صح ونفس الطياره بس منعرف بعض بعد ما وصلنا الحدود وركبنه منعرف بعض كانما وبوكتهه كوه قنعته تعبني يالله اقتنع
ماعرف إلى راح يصير .... هناك كلبي
علئ فلك الي مكدرت اوصل الهه .... حتئ برامجهه
ورقمهه ماكو عد خضر لكيتهن مابيهن برامج
ودعته باغنيتنا عشك اخضر حسيت عصررني كلبي
حسيت نفسي راح اشتاقله وراح ابتعد عنه مجرد شعور خبصني راشد يلله يلله وهمزين طلعو شفت عدير بس لمحهه علي طلع وراشد اصلا جان يكمل الحساب
بسته من شفته بسرعه .....احبك خضر ارجعلي وين عفتني ..... ورجعت خليت راسي علئ صدره ....
احس بالضياع خضر بدونك طلعت طيارتي قبلهم بوست غدير وانطتني رقمهه .... بنيه كلش حبابهة وفقيره
صعدت بالطياره بعد عناء وتعب والخوف هو مسيطر على كل اجزاء جسمي كلشي جان تمام ... ماشي
توني صعدت جنت نعسانه غمضت عيني لان جنت كاعد الصبح فجأه حسيت احد فوك راسي مااحس اله واحد بزي شرطه فوك راسي ....كال انتي اسمج ميمونه .......يتبع