نيران قلبي
بقلم هدى
البارت السادس عشر
---------
شمم ..
التفتت عليه شفته اسير !!
- ليش سديتي؟
- ها هيج
- اهااا
مر من يمي وكعد مقابيلي
فتحت فوني وحطيت راسي بي
اكيد مشاف شي وين ينتبه هو
شويه وضلت تجيني رسائل والحض مسويه الصوت عام دخلت عليهن شفتهن منه رفعت راسي شفته يباوعلي ويضحك بأستهزاء وبقه يدز
احس وجهي صخن من الموقف سديت الفون وكمت من مكاني
وكفت بالمطبخ ارتب المواعين
سمعت صوت رساله فتحت الفون لكيته داز
- نتعرف يـ حلوه؟
جان مكان كعدته مقابيل المطبخ،التفتت شفته يضحك خزرته وكملت شغلي والدمعه بعيني
كملنه العشه وكعدت بالمخزن او الممر
تعودت كلما اجي لازم اكعد بي
- شنو معنى هالتصرف
- بالغلط دزيت ، وبعدين اني مكلت بس هلو
- جنتي تعرفيني مو
- لا لا والله طلع الحساب بالصدفه
قرب مني وكال
وشنو اليثبت كلامج
- اذا متصدك شسويلك
حصرني يم الحايط
- جيبي جهازج
- وخر عني ماانطي
- ليش شعندج
- معندي شي بس مااحب احد يفتح فوني
- اهااا
- اسير وخر
ابتعد عني وطلع
رجعت للهول لكيت اهلي يردون يرحون
همست رنيم بفضول
- وين جنتي شميمه
- بالمخزن الوره
- ممم سالفتج مو خاليه كلما نجي تكعدين هناك
- لاتكعدين تحللين خل نروح واكلج
- يلا امشي
رجعنه للبيت مشي وتمار اخذ السياره
الجو جان كلش حلو وبي بروده
بنهاية شهر 12
صارلنه 3 اشهر ببغداد تعودنه عالعيشه هنا
بس مرات نشتاق لبيتنه القديم
- وين رايحه ولج
- هنا وين يعني
- متشوفين روحج طلعتي كبل
انتبهت لنفسي عابره البيت وتمار لاحكني
- يا حضي ولا انتبهت
- درجعي رجعي
رجعت وفتت للبيت
- ليال ماعندج نساتل شي، اكو ناس كالو نجيبلج وغلسو
- اكو علاكه بالكنتور اخذي نستله وحده بس،عود من يفرغون يجيبولج
- اي خطيه مافارغين خل اروح آكل،اني وليال نبسمر وتمار يسمع ومغلس
فتت للغرفه اخذت من حلويات ليال وضميتهن اذا تدري ماخذه هلكد تفضحني
بدلت وتمددت بفراشي الجربايه رنيم محتلتها
طلعت مسلسل وكعدت آكل واباوع
خلصت حلقه ورحت لبيان
- هلاوو شلونج مرت اخوي
- زينه
- شدتسوين
- مااسوي كاعده
- ها يعني مدا تحاجين الحب
- انجبي معليج
- اهوو انخطبت وكامت تتفيك علينه
- يا وين التفيك اني فقيره
- كلشش فقيره ، كملي شغلج خل اكابل مسلسلي الي الله
- هههههههه خوش
- الاحد تداومين مو؟
- اكيد
- تمام
----
- اكلج تمار يكول اني واكف يم مدخل الجامعه منتضرنه
- يا شعنده غير نرجع وي الخط
- شمدريني يلا طلعي لا يتخبل علينه
- ماشي طالعه
طلعت من الكليه ولكيتهم يم الباب مال الجامعه
- يلا امشن
مشه تمار كدامنه واني وبيان تلازمنه ومشينه
همست الها
- اني اكعد بالمقدمه
- لا والله اني اكعد
- دولي انتي متحبين المقدمه
- احبها معليج
- شدعواج عيني متكدرين تفاركين حبيب الگلب
- انجبي هسة نشوف تمار شيكول
وصلنه يم السياره وتمار كال لبيان كعدي يمي كرصتني وصعدت
- الله يرحم ايام زمان جنت اتوسل بفد واحد وميقبل يوصلني
- تكدرين تحجيهة بوجهي لا تبسمرين
- عاد اني هاي طريقتي مااحجي بالوجه اخاف اجرح مشاعرك
- اهاا خوش
حرك السياره هو يسوق ويحجي وي بيان واني اهز ايدي
- تمار تمار اوكف هناا
- ليش
- اوكف فدوه خل اشتري حلويات
- قصدج تقطيني
- بس انتَ تفهمني
- لـ.. تدللين
- فدوه لروحك خيو
نزل جاب علاكتين ورجع
- هاج مالتج ، وهاي الج بيان
- شكرا
- مايحتاج اشكرك ضلعي هذا واجبك
- كرمينه بسكوتج
- لأن قطيتك مراح احجي
مرت فتره طويله
خلصنا بيها الامتحانات النهائيه
اني وبيان صرنه مرحلة ثانيه
ورنيم تخرجت ورحنه وياهة لحفلة التخرج جانت كلش حلوه
وعزيز راد يخطبها واجلت الموضوع لـ بعد عرس تمار
بهاي الفتره كملنه بيتنه وانتقلنه ، جان شويه بعيد عن بيوت عمامي بس حلو وجبير
تمار اله شقة كامله بالطابق الثاني
وغرفه لماما وبابا
وغرفتين وحده النه والثانيه بقت فارغه
اليوم عازمين عمامي وعائلتهم وخالتي ام ايلاف
عالعشه
البيت هوسه ماما تصيح واحنه نركض
كملنه شغل قبل لتصير الساعه 6
اجو بيت عمي عباس ماحجيت وي دالي بس سلام
وهي اخذت جهة وكعدت عالفون
وراهم اجو بيت عمي فاضل
اول مادخلو حضنت بيان من زمان مشايفتها
بعدت عنها وسلمت ؏ عمي
جانو جايين كلهم حتى الولد
كعدو بالهول وبعد الاذان بدينه نصب عشة
اجن بيان وفناء يساعدنه ودالي ابد ماتحركت
وهالمره مالزكت بأسير مادري شعجب
طول الفتره الي فاتت اني ممحتكه بأسير غير مرات قليله گدام العائله
كعدنه عالسفره بيان كعدت يم تمار
واحنه كل واحد بمكانه
واني كاعد آكل رفعت راسي صارت عيني ؏ اسير
ماانتبهت لنفسي واني صافنه عليه
لمن ركزت بسرعه دنكت ورجعت اكل
الكل ياكل ويحجي واني بالي مو يمهم
گال تمار
- شموم انطيني مي
- اخذت خبز من يمي وانطيته
- هاي شبيج مي مو خبز
- هاا نسيت هاك
خلصو عشة وتجمعنه بالهول
واني كضيتها اتصفن ساعة على اسير وساعه بالكاع همزين محد منتبهلي
- بما انٌ الكل متجمعين اريد احجي بموضوع العرس
- كول ابني
- عمي اني اكول دام الامتحانات خلصت وكملنه البيت ليش ننتضر بعد، خلي نسوي العرس هالشهر وبيان تكمل دراسة يمي
- احنه ماعدنه اشكال ما دام كلشي جاهز براحتكم
- خوش لعد نسوي العرس عالشهر الجاي والباقي امي وعمتي يتفقن عليه
- بالخير عليكم
- مبروك يمه
قبل الساعه 10 كلهم راحوا رتبت الهول ورحت للغرفه واني امشي بقيت افكر
شديصيرلي
لا شمم لااا لتفكرين هيج
رنيم ..
- متكليلي شوكت يتزوج اخوج خل يصيرلنه مجال
- ههههههه ليش مستعجل اليوم حددو العرس عالشهر الجاي
- مو كافي حيصيرلي 4 سنين منتضر وانتي تكولين بعد وكت
- شسوي غير لمن تخرجت خو ما نتزوج واعوف دراستي
- خوش بس لا تفتحين الراديو مال الدراسه
- ههههههه
- شوكت نلتقي
- ماكو لمن نخطب
- بعد شهر !
- اي عيني
- اي ننتضر شورانه
بعدني اريد اكتب فاتت شمم چفت
- رنيم لحكينييي
يتبع...
رأيكم؟
توقعاتكم؟
وهم غلسو عالسحگ
احبنكم 💕❕