بارت٣١
صلو على النبي❤️
#قمر_ليالي_النقيب
بقلم:شهد الدليميي
______________
جلنار ..
رجعت للبيت طبكت سيارتي وتلاكينا اني واسد
امنه سلمت وفاتت
هو حجه
اسد ..وين جنتي محدره
جلنار ..لعزه جدي
اسد ..شوداج جلنار !
جلنار ..سيارتي ودتني
اسد ..انعل ابليسج تشترين المشاكل شري
جلنار ..شهاده اعتز بها
اسد ..طبي جوه يلا بعد مَـاڪـو طلعه بدون علمي ؟ فهمتي
جلنار ..لا
اسد .. جلنار
جلنار ..نعم
اسد ..طبي جوه احسلج
جلنار .. عجبني الشارع اريد ابقى هنا
اسد .. وله المصگوعه طبي جوه لا اسوي الفاينه بالشارع العاجبج
جلنار..هههه حفوت حفوت
بس ها ترا مُـــو لان انت كتلي لان اني نعسانه
اسد ..اჂ̤ سولفيها لخالتج يلا جدامي
جلنار ..هههه باي
اسد ..بايات يكيفي
جلنار ..فتت غيرت هدومي وتمددت
حكيم راح واني منتقمه منه وكاسره راسه
بقى
بسام !
من زمان عليهه مادري وين صارت بي الدنيا
يجي يوم ميبقى هيج
نمت شويه وكعدت ؏ العشا تعشينا وغسلت مواعين وكعدت اراسل البنات صارت عادتي من يوم سدرهه تطلكت
دائما اطمئن عليها و ؏ الباقيات
ونغير جو ونسولف
سدره تغيرت ڪُــلش
وللاحسن طبعاا
جانت خجوله .. ومتكدر تكول لا ..
هسه نكلبت
ولا عبالك سدره القديمه
حجي وشقه ويه الكل
والبراسها تسوي ومتخلي احد يمشيها
ثاني يوم هيج العصريه اسد بالدوام
رحت اتمشيت ؏ بيت الشيخ
سلمت ؏ ام وليد جانت مقهوره ڪُــلش
ام وليد ..يولي جلنار هذا وليدي المصگوع يريد نحدر نخطبلو هاي صاحبتو
جلنار..يا عزا حميد ؟
ام وليد ..اჂ̤ يغبره شون بيه انه بهل خلفه
اله يموتوني تا يرتاحون
جلنار..اسم الله عليج حبيبتي بعدوينج ان شاء الله
زين شنو حتسوين هسه
ام وليد ..واللّٰــھ لو يفحط ما اروح واخطبلو
عجل هاي سوايه ويسويها ببنت خالتو
احلف ؏ القران ما يوم اجا وكالي ماريدها وماهاويها
يابه وروح ابو وليد جان انه اول وحده عارضت وفنشت الخطبه
ولا اضلم بخت سديره
عجل هسه احنا مرتاحين هيجيان
جلنار .. الله يفرجها يمعوده لتحطين ببالج
هسه يشوفكم كلكم ضده ويعوفها
مُـــو زين عليج هيج تقهرين بروحج
..بقيت شويه يمهم اطمنتت ؏ ام وليد والباقين ورجعت
حميد يوميه يتوسل احد يروح يخطبله
والشيخ حلف يمين اذا واحد راح يخطب ويه حميد بعد ميرجع
ويبقى هناك
كلها كعدت وسكتت
وحميد مل وراح خطب وحده
والعجبه !
اهل البنيه انطو ولا سألو ليـشـہ وحدك اهلك عمامك
هي البنيه من بغداد
ام وليد من سمعت تمت الخطبه ضاجت حيل
وام حازم منا محمله ام وليد المسؤليه بهاي السالفه وخطيه هي لابيها ولا عليها
الجو جان متوتر ڪُــلش لان حتى الشيخ اعصاب
واسد يصعد وينزل يسب بحميد
اسبوع
وكاعدين كلنا ببيت الشيخ
دگ تلفون ام وليد رقم غريب
هي متسمع اله تفتح سبيكر
فتحت وكالت الو
منسمع غير صوت الهلاهل والاغاني عالگه
ووحده تصيح زفيناهم بعنادكم
عرفنا زفت حميد اليوم
ام وليد تخربطت ڪُــلش ونقلوها للمستشفى
وسجى من حركت كلبها دكت ؏ حميد
اول مره مارد
اله ورا كم مرا يالله
وهي نزلت بي دوسه ونص تبجي وتصيح
سجى... ارتاحيييت ارتاحييتتت يولل هسع امي ممده بالمستشفى من وراك اخذتها للحيه الي ضلمت بت خالتك عمودها
يول عسا ماتتهنا وياها بجاه كلمن اله جاه ياحقير
حميد..شبيههاا اميييي شمدريكم انتووو
سجى..شوف يا ساقطه بيهن الدكت علينا وخلت امي لا ايد ولا رجل
يكللها زفيناهم بعنادج
حميد خطيت امي بركبتك ياضالم
اذا صار بيها شي لامحالل ولاموهوب
سدته
وهي ترجف من الاعصاب واني اهدي بهاي وبذيج
سرى مَـاڪـو نتهت من البجي ؏ امها
وسجى اعصاب نااار ناااار
لليل حيل ورا ال٢ يالله خابر اسد
ام وليد مرتفع ضغطها وضاربتها جلطه خفيفه
والحمد لله تحسنت حالتها هسه
البنات من سمعو جلطه نخبصو خبص
بس يريدون يرحون ؏ امهم
وحميد ڪَلـســآ؏ يخابر وسجى تفصله
اخر شي ردت علليه
سجى..شتررررريدد شتررييدد بعد
امي وجلطتها يا ضالم النفس
شتريددد تجلطنا احنا همم
حميد..ولج سجىى امي شبيهاااا لتكفريني بالكائنات
سجى.. امي من وراك يا عار
ضربتها جلطه
من جلطوك وماداووك ان شاء الله يا زباله
ولي منا بعد لا تتصل ولاش
ولا انت اخونا ولا نعرفك
تفووو عليك
سدته واجتي تتوسل بيه
ماجان اكو رجال بالبيت كلها بالمستشفى
سجى.. جلنار بروح اعزاز كلبج اخذينا لامي بداعت ڪُــل غالي عليج يولي
جلنار.. من عيوني بس اكول لاسد خاف ميقبل اجيبكم
سجى..لا جلنار فدوه اروحلج امشي هو ميرضى ميرضى بس نحطو جدام الامر الواقع عليج بداعتي
جلنار.. ديلا حبي امشي من عيني
اخذتهم وصعدنا واجتي تركض ام حازم وصعدت ويانه
وصلت للمستشفى هي قريبه يم بيتنا
نزلنا ولكينا اسد واكف بالحديقه انتبهلنا واجه
اسد..يولو شجابكم بهليل صدك تحجون جلنااار
جلنار..اسد فدوه لعينك دشوف حالتهم حيتخبلون ؏ امهم
اسد ..استغفر الله حدرن يابه حدرن مابيها شي الحمد لله
جلنار.. دخلنا جوه بالمستشفى جانت ام وليد مخليها تحت المراقبه
سوده ؏ـليهہۧ ام حازم ذبحت روحها ذبح
لان جانو متزاعلات
للصبح بقينا سوا وكال اسد اخذيهم وارجعي لان تعبو حيل
سرى وكعت علينا من البجي
اخذتهم ورجعنا الحجيه نايمه بالفراش
والبنات كلهن مَـاڪـو لا حركه ولاشي من التعب والقهر
شفت من الصبح الجييارين بدت تجي تسأل ؏ ام وليد لان سمعو البارحه العياط من وكعت
كفيت ارداني وبديت الملم واعزل
شوي وما احس اله حميد فوك راسي
شبعان بجي تلكاني مثل الجاهل يصيح
حميد..جلنار بداعت اعزاز كلبج وين امي ريحي كلبي يولي
جلنار.. دا ارد علي وما احس اله سجى من ورايه هاجمه عليهه
تضربه بكل قوه عدها
وتصيح وتبجي
سجى.. شكو جاي شكووو تيد تكتلها لامي بعد
امشي انكلع يم الحيه اللي اخذتها
امي ماعدها ولد غير وليد
انكلعع
حميدد..سجىىىىى امي وينننن لتخبلينيي ترا حيل مابيه بعد
سجى.. وعساك بالازود ياحقير
هاي حوبت سدره يول شوف باول يوم زواجك ماتهنيت
وعساها دومم متتهنى
جلنار.. سجاوي كافي تعاي حبي
حميد فدوه ام وليد اذا شافتك تسوء حالها اكثر خلي ضيمها بكلبها واتجفى الشر
حميد..لتخبلوني يولوووو امي هاي اممميييي اممممي
جلنار..اتخبل علينا كام يكسر شكو كدامه ويبجي
دليته ؏ المستشفى وراح يركض
وسجى لو مُـــو لازمتها جان هسه قضت ؏ حميد من اعصابها
كوه كوه اخذتها وفووتها جوه
عيونها متقبل تنام ولاتففى
عفتها وكمت سويت الغده ورتبت الييت
والخطاو وكرايبهم كلشويه جاين وجبه
الضهر طلعو ام وليد ؏ مسؤليتهم لان هي ماحابه تبقى بالمستشفى
ولا راضيه تشوف حميد
وهو باقي يتوسل وهي ابد قفلت
وميكدر يرجع للبيت لان الشيخ ميقبل
ف سمعت بات يم صاحبه
سدره موقفها من سمعته اتزوج ولا نهزت
بس كالت الله يوفقه بحياته شسويله
وحطت ايدها باييدي بالشغل ولا كأنو
اسبوع مر واني اروح من الصبح وارجع تالي الليل البيت الشيخ
لان خطار واساعد البنات وهم اطمن ؏ ام وليد
بهل اسبوع سمعت من محمد
ابويه !
علاقته راجعه ويه بيت جدي
وصايرين دهن ودبس وجاي ساكن يمهم
هلشي قلقني ڪُــلش
ولا جنت اتوقع يجي يوم ويرجعون
بس هي هاي الدنيا بعد
تحسنت حالة ام وليد
ومر الشهر بهدوء
ويكولون هذا الهدوء ما قبل العاصفه
حميد يوميه يخابر ويريد وماكو محد ينفهله
رجع البغداد لان هو شهر كامل ساكن هنا وعايف عروسته !
الما اسد كال كافي
راح اخذ مُـــوعد ويه محمد دنحجي بسالفتنا
ويطلبني رسمي من اخويه ب اعتبار هو ولي امري من بعد ابويه لان احنا منحجي ويا
مدري ليـشـہ لزمت كلبي
وجنت متردده
هواي شغلات صارت كلما كال اجي اخطب دتطلع شي شكل
منها طلاك سدره وحميد
ونوب زواجه
ونوب وكعة ام وليد
للحظه حسيت اني فگر!
ويجوز شو شيصير هلمرا
حجيت ويا وكتله يأجلها
ومن سألني ؏ السبب جاوبته انو اني نحس
ضحك ؏ـليهہ وطمني وشال هلفكره من بالي
وتوكلنا ؏ الله
اعتذررر جددااا لقصر البارت
بس واللّٰــھ هذا الاسبوع كله مشتوله
اتحملوني هلايام واعوضكم ان شاء الله
وهي القصه كذلك تقريبا خلصت احداثها وراح اختمها باقرب فرصه
اكرر اعتذاري مره ثانيه ❤️
في امان الله ❤️
شهد الدليميي