آلكآتبــه شـهد آلطـآئي 👸🏻🐯"
اللهــم عبــوذ بــك مـن قــلب
لآيبــحـزن على آلحــسـين 🥀🖇..
🖤..🥂..🖤..🥂..🖤..🥂..🖤..🥂..🖤
شيخ فهد : ماشي راحت نامت وانه هم
نمت وثاني يوم كعدنه انه وياها وهديل
خابرت جعفر والولد صح ضاج بس
كاللها انه ماريد يطلع كلام عليج وراح
اكوللهم ماتفاهمنه وصدك وره يومين
وصلت ورقة طلاقها
.
العنود : اطلكت من جعفر و فهد فرح
كلش وضلينه 5 اشهر احنه ساكتين
ع موضوع الخطوبه بس فهد تغير
كلش صار اغلب وقت مبتسم وهادء
مو مثل قبل ابد منشوفه يضحك
وبس واحد يضوجه يعصب ويصير
عباره عن كتلت نار
.
هديل : عندو تعالي
.
.
شيخ فهد : صار 5 اشهر ع طلاك العنود
رحت لعمي وهوه كاعد بالديوان يم
ابوي وكدام الزلم لكاعده طلبتها منه
.
ابو صلاح : ابشر كبع واخذ وليدي
.
شيخ فهد : تسلم عمي وكمت بست راسه
.
ابو صلاح : بس لازم ناخذ رئي البنت
.
شيخ فهد : مثل متريد عمي
.
صلاح : جا انه هم عندي طلب يم
عمي عگاب
.
شيخ عگاب : مايردك له لسانك وليدي
.
صلاح : من رخصت ابوي انه اريد
اطلب ايد بنت عمي عگاب ع سنة الله
ورسوله
.
شيخ عگاب : ههه ولكم جنكم متفقين
علينه انه واخوي
.
صلاح : هههه لا ابد
.
شيخ فهد : هههه انتو منو يكدرلكم
حتى نجي احنه نتفق عليكم
.
شيخ عگاب : شحدكم ههه وانتو وليدي
صلاح اخذها من وسط عيوني وانطيكيها
بس لازم اشورها
.
ابو صلاح : اكيد اخذو راحتكم
.
شيخ فهد : رجعنه بليل وراح
ابوي وعمي ع البنات يحجون وياهن
بعدين سمعنه عمتي تهلهل انه مرتاح
انو العنود موافقه بس عرفت هاي الهلاهل
لهديل لان وافقت شوي واجتمعنه كلنه
بستقبال الشيخه الله يرحمه وردولنه
الجواب وكلها فرحت ومخابيل
البيت محمد وعلي واحمد وحوراء وزهراء
طبعاً كامو يهوسون ويهلهلون وابوي
ماعجبه الوضع بس بعدين كام يضحك عليهم
.
العنود : طبعاً اجو اخذو رئينه انه وهديل
همه يدرون موافقين بس حتى يتاكدون
وضلو يضحكون علينه لان كلنالهم نفكر ههه
بس بساعتها ردينه الموافقه والبنات
واحمد ومحمد وعلي خبصونه بالهلاهل
ليشوفهم يكول تزوجنه مو بس ردينه الموافقه
مشت الايام وحددو موعد العقد والنيشان
طبعاً رحنه انه وامي وعمتي وهديل
كلمن حددولها 10 المهر و20 الغايب مالتها
اشترينه ب 7 ذهب و 3 ملايين اشترينه
ملابس ومستلزمات العروس كلها
بقن بس الحلقات يرحون فهد وصلاح ويانه
عاد نشتريهن سوه
.
شيخ فهد : ليش من اتصل عليج
ماتجاوبين عود شنو معناها
.
العنود : غير جنت بالسوك ماسمعت
التلفون اسفه
.
شيخ فهد : خووش يلا اذا فرغتي
طلعي للحديقه ماشي
.
العنود : صار حبيي دقايق واجي وراك
.
شيخ فهد : اشتعلو لبالي ع هيج خلفه
.
العنود : هههه لا تغلط عيناي ماسملحك
.
شيخ فهد : ديلا يلا اصلا همه عمي وعمتي
قبل لا يصيرون اهلج ههه
.
العنود : ضحكت ورحت ع السريع سبحت
وشسورت ورتبت غرفتي ونزلت
كعدنه نسولف بالحديقه شوي واجن حوراء
وزهراء صاحلي كمت اشوفهن جان لكه
هديل تبجي يااا لج شبيج
.
حوراء : مانعرف بس تبجي
.
هديل : وجنن حمووت
.
العنود : ياا يكلبي شبيج
.
هديل : بطني ولجنن صيحن امي
.
العنود : عمتي ماهيه طالعات هيه وامي
.
هديل : يرربي راح امووت اااخ
.
العنود : لحضه بس رحت لفهد لكيته
هستوه يريد يفوت للبيت كلتله هديل
بطنها تأذيها روح جيبلها علاج من الصيدليه
.
شيخ فهد : كالتلي العنود انو هديل
متخربطه رحت لغرفتها جا اشوفها تبجي
ولازمه بطنها شبيج ولج شنو يأذيج
.
هديل : بطني موتتني لالم مو طبيعي
.
شيخ فهد : كومي اخذج للمستشفى
.
هديل : ماريد اروح مااكدر
.
العنود : لعد شلون تضلين هيج
كومتها والبنات حضرن شالها
وعبايتها ورحت انه بساع لبست
ونزلت ليكتهم منتظريني بالسياره
اول مافهد طلع السياره من البيت
صار بوجهنه صلاح
.
صلاح : ها وين رايحين
.
شيخ فهد : للمستشفى
.
صلاح : خيركم
.
العنود : هديل متخربطه وراح ناخذه
.
صلاح : شو وينها باوعتلها كسرت
خاطري شلون نايمه بالكرسي الاخير وتبجي
درت ع فهد انتظروني بس ادخل السياره
واجي وياكم رحت بساع دخلت السياره
بالبيت واجيت اريد اصعد العنود رادت ترجع
ليوره حتى اكعد يم فهد كلتله لا ضلي انه
صاعد يمها سوتلي مجال كلتله شنو ليأذيج
.
هديل : بطني مدري شبيها
.
صلاح : هاا جا شبيج تبجين
.
هديل : اكلك بطني تأذيني
.
صلاح : جا انتي زعطوطه مره شكبرج
تبجين من بطنج ههه
.
هديل : ايي زعطوطه وشتريد
.
شيخ فهد : صلاح امسحها بوجهي هاي
زعطوطه وماتفتهم هههه
.
هديل : نزلوني هنا ماروح وياكم خلوني
اموت وانتو ضلو اضحكو
.
العنود : انزل وياج
.
هديل : لو اكول اريد اذب نفسي بالشط
كلتي اروح وياج
.
العنود : ضلينه نضحك عليها وهيه عودك
شني معصبه وصلنه للمستشفى اخذولها
سونار وشي كالو عدها زائده دوديه
«مصران اعور» ولازم عمليه بس ماسوينلها
لان لا امها لا ابوها وياها صعبه شوي وهيه
ممحضره نفسها ف رجعنها للبيت وثاني
يوم راحو للدكتوره ع حسابهم وطلع فعلاً
عدها زئده دوديه واتفقو وي الدكتوره
انو ثاني يوم يسولها عمليه وصدك سولها
عمليه بمستشفى اهلي وره يومين طلعوها
وبدت ناس تجينه حتى تشوفها ومن ضمنهم
ام كرار صديق فهد خوش مره ومرحه ضلت
تسئل ع زواجنه انه وهديل شوي وراحت
بقينه بس انه وهديل وزهراء بالغرفه
شوي واجت حوراء
.
حوراء : ام كرار حبابه خوش مره مو زهراء
.
زهراء : اي
.
حوراء : شنو رئيج بيهم
.
زهراء : ليش
.
حوراء : لا هيج
.
العنود : حويره عندج سالفه كوليها
لا تضلين تلفين ودورين
.
هديل : اي والله دحجي احجي
.
حوراء : هيه السالفه من يوم وكعت
هديل علينه موغفه ع كلبي واريد اسولفها
.
زهراء : اي غير تحجين
.
حوراء : باعن
«نرجع للماضي شوي»
محمد : لك كرار كلها راح تتزوج
بس انته ضل مكابلني ليل نهار وجهي
بوجهك مامليت مني هههه
.
كرار : ولك صارت بيه حاله نفسيه بسببك
مو بس مليت مااكابل امي وابوي بكد
مامكابلك بالشغل وبالديوان وبالطلعه وبالطبه
ليشوفني مخلفك وناسيك ههههههه
.
محمد : لك مدري ليش اذا ماشوفك
احس شي ناقص بيومي وعلي تعودت ع
جهرتك الزفره هههههه
.
كرار : بس اتزوج بعد ماتشوفني بس
بالعيد مثل الهلال ههه
.
محمد : ولك انته وجهك طافيه بي
الكهرباء منو تاخذك هههه
.
كرار : مثلك قابل سرسري ومحد تاخذني هههه
.
محمد : صدك كرار دغار مثل صلاح وتزوج
وياهم نفس الايوم هههه
.
كرار : غير لكه تعيست الحظ شو ياهي
امي تخطبها واروح اشوفها ماتعجبني لو
اهلها مدري شلونهم
.
محمد : بالحسين لو عندي اخت ثانيه
جان كبل اكلك كبع واخذ بس هيه
وحده وصلاح اخذها منين اجيبلك يحظي
.
كرار : اكلك صدك عمك مو عنده بنات؟!
.
محمد : ياعم منهم بس لا طه
.
كرار : استغفرلله يربي انه اناسب باسم
وطه له مسحور قصدي ع ابو صلاح
.
محمد : اي عنده وحده بعد
.
كرار : هاا بس من رحنه لدبي وي فهد
احمد اخذ تلاث هدايا كال لاخواتي
.
محمد : اي صدك عنده تلاث اخوات
هيه خطيبة فهد وعدهم تؤام
.
كرار : جا دكول عدهم وحده بعد
.
محمد : انته مطي لو تستمطي اي بقت
بس وحده لان وحده منهن انه اريدها
.
كرار : ههههه وجع جا مادكول
.
محمد : خايب استحي ماتحس
.
كرار : اي عيني يستحي لزايعته الكاع
.
محمد : مو صوجك والله
.
كرار : اكلك محمد
.
محمد : كول
.
كرار : اذا اخطب بنت عمك ينطونها؟!
.
محمد : شحدهم ماينطوك ولك غير
لواحد يتمنى تصير بنته لو اخته عندك
.
كرار : عوف الصبغ البنتلايت جاوب
.
محمد :بالعباس لاصبغ ولا هم يحزنون ينطونك
.
كرار : جا فتره من ارتب اموري وادز امي
.
محمد : هلا بيكم
.
حوراء : وسولفتلهن كل السالفه
.
العنود : كرار خوش ولد ميتعوض
.
هديل : شنو رئيج زهراء
.
حوراء : اي صدك اذا اجوج توافقين
.
العنود : اكيد امه اجت اليوم حتى تشوفها
وماتشوفن شلون ضلت تسئل عن دراستجن وشي
.
زهراء : ماعرف والله
.
هديل : شلون يعني متعرفين
.
زهراء : شلون اوافق وانه كلشي مااعرف
عنه وبعدين انه حتى ماشايفته عدل
بس مرات لامحه وبساع ادير وجهي
.
حوراء : اجيب تلفوني اطلعلج صورته
.
العنود : راحت جابت تلفونها وزهراء
شافت صورته
.
زهراء : مدري افكر
.
حوراء : خايبه شتفكرين دشوفي للولد
ميتعوض واذا تردين تعرفين شي عنه
انه احجيلج كلشي لان استفسرت من
محمد بكت لسانه ههههه
.
هديل : ههههه خطيه اخوي بعلي
.
العنود : اي والله بس نكول الله يعينه
ع ما بلاء ههه
.
حوراء : خاب طيرن اصلاً الله يعيني انه
علي المهم مو صوججن صوجي انه اجيبلجن
الاخبار اول باول
.
العنود : يلا عمي اسفين بس احجي
.
حوراء : عمره 25 سنه وخريج تربيه
انكليزي وعائلته بس امه وابو وعنده
اخت متزوجه بالنجف واخو متزوج
وبيته وحده يعني بس هوه وامه وابو بالبيت
وانتن تعرفن شيشتغل بعد
.
هديل : وج انه من سنين اعرفه بس
ماعرف هواي عنه وماعرف اخته متزوجه
بالنجف جانت وياي هيه بالمدرسه خوش
بنيه بس انه نجحت وهيه رسبت وبعد
ماعرفت اخبارها
.
حوراء : انه هذا العرفته من محمد
واذا زهراء توافق اكيد تعرف اكثر
هسا شكلتي
.
زهراء : اوك اوافق بس ماتزوج هسا
له اخلص سادس يلا
.
العنود : جا هوه منو يخليج تتزوجين هسا
حتى حوراء وره السادس اهم شي دراستجن
لاحكات تتزوجن
.
هديل : اي وهم تزوجو نفس الايوم مثلنه
والله حلوه هههه
.
زهراء : ماااا معليه ماتزوج وي حوراء ومحمد
.
حوراء : ليش بالله ياسندريلا شبينه
مانعجب لو خاف مانليق العرس الملكي
.
زهراء : لا مو الناس دكول عرس
حوراء وزهراء حلو وانه اريدهم يكولون
عرس زهراء و مو انتي وياي حلو ههههه
.
حوراء : اصلاً احنه مانريد وياكم وععع
.
العنود : مشت الايام وعقدنه وسوينه
حفله وعزمنه كرايبنه وشي وره فتره
من عقدنه اجت ام كرار خطبت زهراء
وافقنه بس ابوي ماقبل له تخلص السادس
وهمه الناس وافقو وهم ورانه بسبوعين
هيج عقدو ومشت الايام واليوم يوم عرسي
انه وحبيبي كلبي يارب كون اكدر اسعده
ويسعدني
.
حوراء : اوووي شكد كيوت طالعات
.
زهراء : حبجي بالحسين شني بس
انه محلوه كلجن حلوات
.
هديل : والله تخبلين وبلا هل كلام
وتعالي ساعديني لابس الاكسسوارات
.
زهراء : اوك داساعده بالاكسسوارات
وشي جان كرار يتصل علي الو حبيبي
.
كرار : هلا يروحي شلونج
.
زهراء : تمام حبيبي
.
كرار : اكلج زهوره
.
زهراء : ها عيني كول
.
كرار : محمد واحمد راح يجون
ياخذونجن انه ماكدر اجي ف مو طلعين
وانتي مخليه مكياج بدون شي ع وجهج
.
زهراء : حبيبي والنبي خفيف
.
كرار : حتلو يروحي خليلج حجاب شي
ع وجهج واطلعي وترى يوصلي الكلام
مو ماتلبسين خوش
.
زهراء : تدلل يروحي ولا تمشي وره
كلام احد اخذ كلمه مني اوك كلبي
.
كرار : خوش بسمار بس يدلل حبيبي
.
زهراء : هههه لعد شعبالك غصب ادلل
يلا انه لازم اروح اساعد البنات وحتى
نلبس ونرجع
.
كرار : اخذي راحتج يروحي
.
العنود : خلصنه كولشي واجو محمد
واحمد انه صعدت وي احمد وهديل
وي محمد ومشغلين اغاني ويدكون
هورن سوها زفه لنه من غير عرسان هههه
وصلنه للبيت لكينه النسوان وحده بطن
الثانيه كومه نسوان جايه كعدنه سوه
وبدت الحنه وكلها تركص وشي بس
هديل كل شوي وصاحت لحوراء وهيه
حوراء مدري شبيها سئلت هديل
اكلج شبيها حوراء شو لا تركص وامبينه
ضايجه شصاير
.
هديل : محمد اول ماصعدنه رزلها
.
العنود : ليش
.
العنود : لان داتساعدني ونفتحت
عبايتها وجانو اكو شباب بس صغار
حتى مو كبار يكوللها لو عايفتها وحدها
تصعد ولا فاضحتنه وهيه كامت ترادده
اخر شي سكتو
.
العنود : بليل يراضيها بس خطيه
خل نصيحها ونكوم نركص وياهن
.
هديل : عززه استحي ماركص انتي ركصي
.
العنود : دكومي كومي هل يوم مره بالعمر
قابل كل يوم معرسين خل نركص نتونس
.
هديل : اي كل اربع سنين نجدد ونتزوج
قابل صعبه ههههه
.
العنود : انتي جددي انه ماريد غير ابو اموش
.
هديل : خاب طيري انتي وابو اموش ههه
.
العنود : صحنه حوراء وشوي وكامنه نركص
وهيه رجعت تضحك وتركص وطلعت خبالاتها
كلهن وماخلت وحدها ماكومتها تركص
طبع حوراء اجتماعيه وبساع تاخذ ميانه
يعني نسوان كبار هيه تاشاقه وياهن وهذنيج
يضحكن وماكو يعني متستغرب عكس زهراء
خلصت الحنه بسلام طبعاً فهد ماحجيت ويا
من البارحه ومشتاقتله كلش قبل لا افوت
اسبح اتصلت علي
.
شيخ فهد : طبعاً هذا زواجي يختلف
عن الاول كلش بهذا انه فرحان ومتلهف
حتى حبيبتي تصير بحضني وتصير ام بيتي
واليوم هوه الحنه هنه خلصت حنتهن بقت
حنتنه انه وصلاح والبيت متروس ناس
المضيف ماينطب ونصبنه جوادر خمسه
ومن غير الشباب كاعده بالحديقه عزمنه كل
الناس القريب والغريب ومن غير ماحافظات هم
وشيوخ كبار وزلمهم بس اغلب الناس كالو
بيوم الزفه نجي داحجي وي واحد من زلمنه
جان تتصل علي العنود رفضتها اتصلت مره ثانيه
هم رفضتها ثالث مره الرجال كالي اخذ راحتك
جاوبتها الو
.
العنود : ويامن جنت تحجي استاذ فهد
.
شيخ فهد : حبيبي جنت احجي وي
واحد من زلمنه وانتي تتصلين
.
العنود : ها يعني مو وحده
.
شيخ فهد : لا الوحده قبل دقايق جنت احجي
وياها وتواعدنه هم عندج اعتراض يكلبي
.
العنود : فهههد
.
شيخ فهد : يروحه لفهد
.
العنود : لا تقهرني
.
شيخ فهد : قابل مجذب صدك تواعدنه
.
العنود : والله جذاب
.
شيخ فهد : افى انه جذاب ماترجيتها منج
.
العنود : عود صدك تحجي متواعد وعندك غيري
.
شيخ فهد : خاب انتي شبيج خبله اكو واحد
عنده اصليه بين ادي ويروح يدور استنساخ
ارتاحي ماعندي غيرج لا بالماضي ولا حاضر
ولا مستقبل بس انتي لماليه عيني
.
العنود : فهد
.
شيخ فهد : ها عيوني
.
العنود : احببك
.
شيخ فهد : يمن فدوه ونذر الج بنيتي
.
العنود : يروح بنيتك
.
شيخ فهد : شوي وسديته منها ورحت
اشوف محمد شصار ع الاضائه مال الحديقه
لكيت كلشي جاهز وره ساعه خلينه العشه
للناس و وره العشه صارت الحنه والدك
والركص واصل للنجمه وعمي وابوي كل
شوي دازين واحد خل ينصون الديجي
بس محمد واحمد ميقبلون لل 12 يلا خلصت
حنتنه انه وصلاح كعدنه وي الشباب
شوي نوب صارت ب 1 ونص ترخصنه
لان كلش تعبانين من الصبح كاعدين وهمه
بقو كاعدين بالحديقه اول مافتنه للبيت
تلكنه امي وهمتي بوسنه وشي وصعدنه
اريد ادخل للغرفه جان اشوف حوراء
صحتلها
.
حوراء : ها ابو النسب خير
.
شيخ فهد : خير ليصيبج العنود وين
.
حوراء : والله فايخ بسابع نومه العنود
.
شيخ فهد : هاا
.
حوراء : ايي تريد شي بعد
.
شيخ فهد : اي دزيلي شكوشي صورتي
للعنود ع الوات مو ع الفيس
.
حوراء : ماشي
.
شيخ فهد : ع ماسبحت وشي لكيتها
دازتهن وجان اشوف حبيبتي تخبل
طالعه نوب لابسه بنفسجي يربي صبرني
منا لباجر بس ماريد اخرب كلشي وانه
جاي اباوع ماحسيت بنفسي ونمت
كعدت الصبح ع دكت الباب صحت منوو
.
علي : انه يلا كوم الناس كلها اجت
وتسئل عليكم وابوي كال خل يكعدون
.
شيخ فهد : ماشي هسا ابدل وانزل
شوي وكمت بدلت ورتبت نفسي قبل
لا اطلع اتصلت بالنعود ماجاوبت بس
لكيتها دازه رساله انه رايحه للصالون
ساعه ب 8 جوز مشغوله لو مو يمها
التلفون رجعت اتصلت ع صلاح
كلتله انته وين
.
صلاح : بالغرفه اريد انزل جوه ليش
.
شيخ فهد : جا يلا خل ننزل سوه
.
صلاح : ماشي
.
شيخ فهد : نزلنه وتلكنه النسوان بالهلاهل
والهوسات دقايق وطلعنه رحنه للمضيف
سلمنه وكعدنه وناس اكثر من البارحه
بمرتين ومشت الاساعات بين غده
وبين هوسات من المهاويل وياشيخ يجي
يجيب مهول ويا اخر شي ابو كال اصعدو
حضرو نفسكم ب 4 تطلع الزفه رحنه
انه وصلاح وكرار ومحمد واحمد وعلي
اجو بغرفتي كلنه بدينه نسبح ونبدل
وصاحو للمصور وشي واخذنه صور ونزلنه
والنسوان خبصنه بالهلاهل وامي وعمتي
يهوسن ويطشن جكليت رحنه بسناهن من
اديهن وعمتي ضلت تبجي وتهلهل وامي
لازمه امير وتهوس اخذته منها
طبعاً هنا صار عمر اموري سنه واربع اشهر
من رحت اشتري ملابس محمد اخذه واشتراله
قاط حلو زينوتي بلون دشداشتي اخذته
وطلعنه للزلم طبعاً عمتي راحت قبلنه للبنات
بالصالون وامي بقت بالبيت لان الزفه راح
تصير من الصالون شوي وكلها صعدت
السيارات انه اجه علي اخذ امير مني حتى
ياخذ وياهم انه وصلاح بسياراتنه رحنه
وصلنه للصالون وكفت الزفه براس الشارع
وبس سيارتي وسيارة صلاح واحمد فوتناهن
وطلعنهن عمتي والبنات وانه نزلت
حتى اتلكاهن صعدت العنود ومغطيها من فوك
ليجوه هيه وهديل لان ماردنه يبين منهن
شي عمي والبنات صعدن وي احمد فترينه
شوي وانه بس كاعد واتغزل ببنيتي
.
العنود : حبيبي خل اشيل البركع شوي
والله اختنكت
.
شيخ فهد : حبيبي هاي السوالف مو علي
تردين تشيلنه حتى تشوفين الزفه
.
العنود : ههههه جاا غير عرسنه اثنينه
خو ما بس انته تشوف وانه لا
.
شيخ فهد : هههه عادي يكلبي اكو مصورين
ويصورولج حتى تشوفيهن بعدين
.
العنود : حباب حبيبي شسالفه
.
شيخ فهد : تقبلينها اتعارك يوم عرسي
.
العنود : ليش تتعارك
.
شيخ فهد : جا اذا اذا اشوف واحد يباوعلج
ترديني اسكت واخلي يباوعلج
.
العنود : هاا
.
شيخ فهد :حبي بعدين شوفين كلشي بالتصوير
.
العنود : افترينه شوي ورجعنه للبيت وتلكتنه
عمتي والنسوان وحوراء وزهراء لان رجعن
قبلنه وذبحو ذبيحتين جوانه بس شوي وابجي
مااحب اشوف شلون يذبحوهن كدامي
فتنه كعدنه ساعتين هيج نوب اجو صلاح وفهد
وابوي وعمي وابوي وصه فهد علي
.
ابو صلاح : دير بالك عليها ترى هاي روحي
من الدنيا وبنيتي ماقبل يصيرلها شي وانه
ادري بيك راح دللها بس مهما يكون ابقه ابوها
واضل خايف عليها
.
شيخ فهد : حدر يمناك عمي ارتاح والله
اخليها بوسط عيوني واذا ماجنت كد
كلمتي تعال وعاتبني وان شاء الله مااقصر وياها
.
ابو صلاح : اعرفك زلمه معدل وليدي
.
العنود : حضنت ابوي وبست راسه
نوب عمي بده يوصي صلاح ع هديل
.
شيخ عگاب : يبوي دير بالك ع وحيدتي
هاي روحي من الدنيا هاي فرحتي بالدنيه
.
صلاح : تدلل عمي جا انه شعندي غيرها
وان شاء الله مااخليها تحتاج شي وخلي
بالك يرتاح عمي لا تشيل همها بعد
.
شيخ عگاب : ربي يهنيكم ان شاء لله
ماتشوفون غير الفرح بحياتكم
.
ابو صلاح : يلا بويه اخذ ونسوانكم
وصعدو وان شاء لله بالرفاه والبنين
.
شيخ فهد : تسلم عمي ربي يحفظكم لنه
رحت بسناهم كلنه همه وامي وعمتي
وصعدنه كلمن لغرفته وبده مشوار جديد
وحياة جديده مليئه بالحب والرومنسيه
والسعاده وي حبيبتي وان شاء الله
ما نشوف حزن او مشاكل بحياتنه
.
العنود : بعد كلشي واجهته بحياتي
واشكال من الكلام الجارح وهواي ايام
سوده شفت بحياتي بس هذا مختصر عن
حياتي وليس بالتفصيل لان هواي اشياء
اذا ردنه نذكرها او نسردها لكم ماتكدرون
تصدكونها بس الحمدلله تخطيت كلشي
صعب بحياتي وانه احمد ربي ع هيج مشاكل
لان لو ماالمشاكل والمصاعب بحياتنه مانصير
اقويا والحمدلله ع كلشي ولهنا نختم قصتنه
انه وحبيبي ابو اموري بعد ماصار عدنه بنيه
دالين وصلاح وهديل صار عدهم تؤام ولد
وبنيه كلش حلوين جود وجواد وزهراء
وكرار بعد شهر عن زواجهم ومحمد وحوراء
ماصارلهم 5 اشهر من عقدو واحمد عن
قريب نخطبله بنيه من كرايبنه
وحبيت اشكر كل شخص عاش الحلوه
والمره ويانه صح عشنه المر بس حبينه
ننقللكم الجانب الحلو من قصتنه ومهما يكون
القصه مو مثل الواقع ولهنا ونكللكم
بيباي حبايبي ❤
.
الكاتبه شهد : ولهنا نودع قصة
الشيخ فهد والعنود ونكللهم الله يديم
حبكم وربي يحفظكم لبعض واتمنى اخذتو
عبره من القصه انو ما لازم ناخذ وجهة نظر ع
الشخص من اول مقابله او من اول مكالمه
لان الناس مو كلها سوه وكلمن ونويا وهسا نودع
العنود وشيخ فهد والعائله الجميله وراح نشتاقلكم
ونشتاق لخبال محمد وحوراء واحمد وعلي
بس شنسوي لكل بدايه نهايه وهاهيه نهاية قصتنه
يلا تعالو حبايبي نكللهم باي 🥺💔
ملاحظه// اسفه كلش حبايبي لان هواي
عذبتكم بالنشر واسفه ع الاخطاء الاملائيه
🖤..🥂..🖤..🥂..🖤..🥂..🖤..🥂..🖤
"احــبــكــم يــــافــقــراء الــــوطـــن🇮🇶🦋"
" القصـه بــقلم الكآتبــه شـهد آلطـآئي👸🏻🐯"
🖤..🥂..🖤..🥂..🖤..🥂..🖤..🥂..🖤