.
.
حور
المرية حجت هيج هو بسرعة التفتلي خزرني
آصف.شنو السالفة حجية عيب هالحجي
ام ضياء.ليش شكايلة اني وين العيب
آصف.تعرفين من زمان حور محجوزة
فهذا الحجي ابد مالة داعي
مشة بإتجاه الدرج وجر أيدي حيل
حتى مباوع الوجهي لازمني ويمشي
آصف.حلاااا تعاي وراي بسرعة
ام ضياء.ياحجاية ردي لمجانج
شجاك تخبلت علينة
صعدني لغرفتة دفعني واجت ورانة حلا
همينة دفعها يمي
قفل باب الغرفة وانتجة علي
حجة ويانة وهو يشعل جكارتة
آصف.غردن
حور.شنو
آصف.شصار أمس
حور.شصار
آصف.لتردين السؤال بسؤال لا اشعلج شعل
حلا.شنو آصف
آصف .أمس شصار بنات القنادر
حور.لتغلط على بابا
آصف.مو بس اغلط علي
احركج واحركة اذا ماحجيتي شصار
حور.مصار شي مصاااار شي
آصف.هيجي تجي تخطبج
شنو حالمة بيج احجي لج حلا تعاي يمي
حلا.ها
آصف.تعاي يمي
راحت حلا يمة لزم أيدها حيل
آصف. تحجيلي من اول ماطلعتن
يلا دقيقة دقيقة
بدت تحجيلة شصار بدقة
وهو فاير ويهز راسة
آصف.يلا طلعي
طلعت وردت أطلع وياها صاح
آصف.رجعي انتي
رجعت حور. ها
آصف.كعدي هنا
كعدت وبدة يحجي
آصف.قبل شوية جان جنتل مو
أمس دايحة بالليل وتحجين ويا وتردين
اني كلب ابن كلب وديتة الج للمدرسة
شحجيتو بالطريق ها شحجيتو
حور.جدو ميت وانت وين تفكر
خلص كافي مللتني
آصف.لتراددين قندرررة
حور.ما راددت
آصف.اسحك ع راسج والله هذا السانج اكصة
واحطة بايدج
حور.هسة خلصت أريد أطلع
ضربني راشدي جر شعري
آصف.تنزرعين لمن أحاجيج
جنتل هااا وج تكولينها بوجهي
تحجينها بوجهي حور والله اشرب من دمج
حور.عوفني ترى زودتها ومليت
بس تضرب وتغلط وهسة تشك
معليك بية
آصف.ازودها انقصها بكيفي
ولي على غرفتج بس ذكري عيني عليج
طلعت من الغرفة نزلت يم ماما
حطيت شعري ع خدي حتى مينتبهون
نمت هناك واني حيل ضايجة من حلا
حجت بأدق التفاصيل شلون حجيت ويا
حتى بدون متباوعلي
حلا.ها حور شصار
حور.بس طلعي شوية لأن مالي خلك
حلا.عود ضجتي لأن حجيت
حور.ع شنو اضوج عيش وشوف
حلا.ترى زودتيها حور
حور.شحاجية صخام شو منجبة وساكتة
جاي دوسون ببطني وتكولون زودتيها
ترى لعبتو روحي
طلعت وطبكت الباب وراها وتهز بأيدها
والله الناس كولشي ميجي بعينهم
العصر راح لبغداد رجع السبت بالليل
الأحد داومت وهو گالب وجهة
مرت فترة قصيرة وبيبي تريد تنقعة يجيب مرتة
وهو شاد وياية فد مرة
اليوم خميس وغلا تجي الضهر غداها هنا
رجعت من المدرسة وجانت جاية
دخلت وسلمت عليها وهي ردت والإبتسامة مالية وجها
جانت مختلفة بشي مااميزة شنو
بس اكدر اكول مختلفة
غلا.يلا بدلي حتى نصب آصف حيجي
رحت بدلت تراك اسود سادة
وكعدت اتغدة يمهم حور بحضن آصف
غلا كاعدة جهة اليمين وقصي اليسار
آصف.حور ماي
حور.هذا يمك
آصف.جيبيلي دافي
باوعت الغلا جان المفروض تتحرك قبلي تشوف شيريد
شفتها مامهتمة ولا وراهة حركة
رحت جبتلة مي ونطيتهيا
آصف.جيبيلي ملح
حور . غلا زوجج يريد ملح
آصف.اني ماكلت غلا كلت حور
رحت جبتلة الملح وصينية وياية
أخذت غداية خليتة بصينية
ورحت للغرفة اتغدة
هاي المواقف صارت صغاار
كد ما تعلمت على أسلوبة
خلصت أخذت الصينية غسلتها وهمة بعدهم ع السفرة
كالعادة أمين نضراتة مو نضرات طفل بيهن كره
شمة.حور سوي جاي
حور.عندي شغل ثاني
مو قصة اني اكره المساعدة بالعكس بس اسلوبها جان أمر ومو حلو تفشلت وحركت حلكها وجها گلب أصفر
يمكن ضلمت زوجات اخوانها
ويمكن قصي مينلام بيها
حور . استغفر الله هي فقيرة بس يمكن تعلمت من ورة آصف هالأسلوب
رجعت لغرفتي الي صرت هالفترة الجأ الها
لمن اتعب لمن اضوج لمن أهرب
دخلت ماما للغرفة
مي.شبيج ضجتي
حور.من شنو ماما
مي.بس لا تحبين آصف أياج مزوج
بعد مو ذاك آصف القديم انسي
حور.ياحب ماما تحجين صدوك
طلعت من الغرفة وهي ممقتنعة
بقيت بمكاني العب بتلفوني التهي بي شوية
خابرت على هدى مكالمة
وردت أطلع حتى احاجيها بالحديقة
اول ماطلعت جانو مجتمعين بالصالة
يشربون جاي ويحجون
شمة.اذا تردين سوي جاي لنفسج
جاي امشي واحجي وي صديقتي
الهيتفونات بأذني
_شوية واحاجيج
حور.شمة هاي وياي
شمة.اي لاتزعلين بس ضجت منج منساع
حور.اولاً دا احجي وي صديقتي
مطالعة اشرب جاي
شي ثاني لو طالبة من عندي منساع بطريقة أفضل
جان رحت وسويت جاي وفوكاها من عيوني
ثالثاً احنة من بيت شيوخ مو فكر
حتى نلزم الحاجة ونضمها ونكول ماننطي
عيب تصرفج حيل عيب وصغرتي بعيني
دعاء. غصباً ع اليرضة والمايرضة
حور أم بيت مو جنة حتى توازيها ع الشغل شمة
شمة.اني مو قصدي هيج والله اني احب حور
دعاء.جا شلون ماتحبينها وهي تحاميلج
ضربة الج وضربة توكع بيها
عمة ذبتلها بسمار وهي صارت تاكل بروحها
صبتلي جاي بكوبها واجت تخلي بأيدي
حور.اكش
عفتها وطلعت للحديقة اكمل مكالمتي
اجة وراية آصف جر الهيتفون خلا بأذنة
من سمع صوت صديقتي كطفة فتح الباب
طلع سيارتة وشخط بيها حتى الباب ماسدة
على موقف بسيط وتافه هيج تغير
اذا فعلا اغلط شيسوي
العصر رجع ومودة متغير
آصف.تعاي حور احاجيج
حور.شنو
آصف.اني آسف
حور.اووو شكد تكولها بس موحلوة
لأن متغير شي
آصف.يمكن أذيتج بالكلام وابتعدت شوية
بس هذا اني وهذا حبي الج
هاي أنانيتي عليج اني ضالم بحبي
حور.غلطان ترى هذا مو حب هاي أذية
آصف.أنسي
هزيت راسي
تقرب يمي ابتعدت
آصف.ليش
حور.اريد أروح
تنهد وحجة
آصف.روحي
رجعت غلا السبت لبغداد
والاحد داومت
هذا آخر اسبوع وبعدها تبدي إمتحانات آخر السنة
فنطونيا عطلة حتى نقرة
آصف.يلا حور راجعي مراجعة سريعة
المافاهمتة تأشرين علي حتى ابدي اقريج
حور.مو هسة من باجر ابدي اقرة
آصف.ارجع العصر الكاج مجهزة الفيزياء ماشي
حور.تعبانة أريد انام
آصف.أياج أرجع وما الكاج قارية
ماشي
حور.ممم
آصف.ماشي گلت
حور.ماشي
كعدت أقرة وأشرت على الأشياء الصعبة
ماما مخلية يمي فطائر وكوفي
رجع آصف ساعة 4 تقريباً
غسل وشرب جاي وأجة
آصف. يلا باباتي ماعندج وقت توازينة
حور.عليك الله طلعني والله مختنكة
آصف.نخلص واطلعج
حور.ماشي
بدة يقريني وينطيني مسائل وأحل
طنكرت يم مسألة التعويض بالقوانين
حور.هاي ماعرفلها
آصف. جم مرة شرحتها
حور.شسوي قابل مافهمتها
شال الكتاب وضرب ع راسي
آصف.حليها لا اكطعج
بجيت ومسحت راسي
حور.اني راسي يوجعني وهذا ثخين ليش ضربتني
آصف. هذا مخ لو حجارة
حور.يلا لتقريني ممحتاجـ
آصف.بلاا لغوة حليهااا
واذا غلط تتكسرين
حليتها نطيتهيا
طلع الحل صح راد يبوس راسي دفعتة
حور.وخر
آصف.بلشي بالمسألة الثانية
حليت المسائل خلصت المادة ساعة 10
آصف.يلا لبسي حذائج اعشيج برة
حور.ماريد
آصف. كومي يلا حوري غير اريدج تفهمين
انتي ماشايفة نفسج اني اشرح وانتي بالج مو يمي
تحلين غلط عصبتيني
حور.ماروح
آصف.يلا حوريتي بنيتي كومي
لبست صايتي وشالي وحذاء ام الأصبع
طلعنة للسوك جابلي بيتزا وببسي وكباب
أخذنة الأكل وأخذني للشط
تعشينة وحطيت رجلية بالمي
رجعنة ب 11 ونص
حلا.حور وين رحتو
حور.تعشينة ع الشط
والأضوية جنن وأجينة
حلا.ممم
مادة بعد مادة
خلصت الامتحان
والفترة الصعبة بسبب ضغط آصف بالقراية
العصر جنة مجتمعين وحتى غلا عدنة
الي صارت تجي كول جمعة وسبت
وتاخذ حتى اجازات
حجت بيبي وهي تدك الأرض بعوجيتها
حتى ننتبه
فاطمة.جا شوكت عقد حور وآصف
مو خلصت امتحاناتها
سلمان. الأسبوع الجاي
آصف.لا خلي تعدي فترة
بعدها تعبانة من الأمتحان
أسبوعين يعني خطوبة وعقد
والزواج ورة السادس
فاطمة.ماتخليها تدخل جامعة
ليش تدرس السادس وهالتعب
تزوجها هسة واسكت
آصف.حتلو ماتدخل بس خل تكملة حلمها
حسيت غواشة صارت على عيوني
لزمت بأيد ماما الي انتفضت تصرخ وتمانع
مي.عار على الزلم اذا جبرتها عليك
سلمان.حشمي نفسج ام امين
من شوكت هاي نبرتج وصايحج حشمي نفسج
مي.انتو الحشمو نفسكم
انتو تاخذون الكحل من العين
هسة صفيتو ع هاليتيمة ماتريد
يلا ماما يلا جهزو جنطكم بعد مانعيش هنا
بسرررعة نروح لأجدادكم
ردت أروح اني وأخواني لزمني آصف
آصف.روحي وانسيهم
مي.تنجب يا سفيه قلة مروة
هو الأنسان بلا غيرة مايسوة
وانت ماتسوة جاي تفركع گلبي ع بنتي
تف عليك وعلى كل ذكر مثلك
مو بكيفك غصب هسة يطلعون وياي
تحول لشخص ثاني
ملامحة مو نفسها ولاهو آصف
آصف. حــور أني ناهي عليها
سمعتي ناهي عليها
ترددت هاي الكلمة بالي هواااي
أباوع بأستغراب
ماما شهكت ولطمت خدها
عمة دعاء دفعت آصف وتصرخ علي
أما بيبي فاطمة
فاطمة.بعد أيدي
آصف.وبعد ألنـهوة كلشي يتغير
وهذا الشي صار بسببج خليتيني أطلع من طوري
واجرحها ويمشي عليها صيت نهوة واني مخليها وي النفس تصعد وتنزل