عشك أبن الغربية

بارت 16

بارت 16

هي : أننا لمن يروي للفؤاد خبراً
ومبتدأ الحب لانأتي به بدلاً
ولانكونَ فعلاً ناقصاً في ضواحي كان .

هو: نحن من نجعل الجملة تامةً
ف أنا كنتُ فاعلا للفعلٍ،
وأما أنتِ،
أنتِ هي التي اكملت الجملة
وكانت مفعولاً لباقي العمرِ  .
‏​‏​‏​​​‏​‏​‏​‏​‏​‏​‏​​‏​‏

‏​‏​‏​​​‏​‏​‏​‏​‏​‏​‏​​‏​‏​‏​​‏​‏​‏​‏​‌‏​‏​‏​​​‏​‏​‏​‏​‏​‏​‏​​‏​‏​‏​​‌‏​‏​‏​​​‏​‏​‏​‏​‏​‏​‏​​‏​‏​‏​​‏​ ‏​‏​‏​​​‏​‏​‏​‏​‏​‏​‏​​‏​‏​‏​​‏​‏​‏​‏​‌‏​‏​‏​​​‏​‏​‌‏​‏​‏​​​‏​‏​‏​‏​‏​‏​‏​​‏​‏​‏​​‏​‏​‏​‏​‌‏​‏​‏​​​‏​‏​‏​‏

بقلم " فاطمة الدليمي" 💙

ام عمر : اجتي الزفةة.. يلة يمه هالة تحظري ..

هالة: من كالت جتي الزفة احس كَلبي يريد يطلع من مكانه ...شعور مختلط .خوف .ع ارتباك ..ع حزن شلون راح اعوف اهلي..
التفكير اشتغل عندي .

حسين : يبوو احس الطريق صار شطوله ولا يخلص
همزين وصلنا ..اصلا مارحنا هواي بس اهلي ..
تلكَانه اخوهة محمد بالباب ...
دخلنا جوة بالبيت ...

هالة: دخلوا جوة .. رغم خايفة ومنزلة راسي ...لان دخلوا ويا احمد و فرات وولد ثاني ما اعرفه بس لازم ارفع عيني شويه اشوف العينتين شلون طالع ..
بقوا شويه يهوسوله ويركصون بالاستقبال ..
بعدين كال يله ..

حسين : احمد وبكَر ابدعوا بالركَص عبالك عرسهم ...
بقينة شويه كاعدين بعدين كتلهم .. يلة خل نتوكل ...

هالة : من طلعنا امي كامت تبجي ..واني كوه سيطرت ع دموعي ..عاد الاء طببتهة جوة ..
بعدنه بالطرمه ..واشتغل رمي الطلق فوك راسي..

حسين: من طلعنا احمد وبكر كاموا يرمون طلق .. ادري بهالة تخاف .. عصرت ايدي حيل ...
عاد رفعت ايدي واشرتلهم يبطلون ....

محمد : حسين انتَ متحتاج توصاه ... هالة شمعة بيتنا .... خليهة يمك هم شمعة ..
والله يوفقكم ..

حسين : لا تخاف وغلاتهة عندك .. تبقى شمعة وان شاء متنطفي ..

هالة: بعد توصات محمد .. ودعناهم وصعدنا بالسيارة .... محد صعد ويانا بس اني وياه..
جنت ملفلفة تلفلف بهل كبوس كلشي ما اشوف ..

حسين : طلعنا من يمهم وان الي اسوق وهالة يمي ..
جان الجو هدوئ ..عاد اني بادرت وكسرت الحاجز ..
مديت ايدي .. و سحبت ايدهة ...
اي يهالة .. وصرتي يمي بعد ... الله يخليني سبب سعادتج ....
يولي شبيج ... ايدج ترجف .و احسج ما فرحانه ...

هالة: من سحب ايدي وخلاها بحظنة احس جسمي كله تشنج ...هاا لا والله .بس .

حسين : اممم بس شنوو!!
هالة: ماكو شئ .... بس شويه خايفه ..

حسين : عليش خايفة ..وانه وياج ..هاا ..
يابه روحي فداج..

هالة : بقى يسولف وياي .. شويه شويه طلعني من حالة . الخوف الي بيهه ..
وصلنا لبغداد ...عاد اخوانه طبكوا بصف سيارتنا صاحوا عليه .

احمد: يول حسين احنه لهين وكَروتنا تخلص..
وانتوا هساع بدة .. مشواركم .. يله انطلقوا .. واتونسوا
ولو جان بنفسي اجي وياكم .. بس شسوي ما مكتوبلي ..

حسين : هههههه شكد سرسري .. الله وياكم يابه .

. السترة ضايقتني .. توني جاي اريد اذبهه..

هالة : هوب هوب هاي شدسوي ؟

حسين : ههه يعني شمسوي السترة ضوجتني واريد اذبهة ...يولي تفكيرج صاير منحرف..
بله شخطر بعكَلج ..هاا وين راح تفكيرج..

هالة: خرب بحظي ع هلفشلة ...
بقيت بس امتمت.. شسمه هذا .. بالاخير كتله ..
بعد شكد ونوصل تعبت من الطريق ..

حسين : جلجلت صوتي وضحكت بصوت عالي .. عليهة ... غير جفصتهة .. جفصة
اممم يعني تعبتي .. وتريدين توصلين بساع مو ..
عليش هلكَد مستعجلةة..

هالة : بعد ولا احاجيك . كلشي احجي تأخذة بغير قصد ..

حسين :: هههههه عجل اذا متحاجيني ايدج شكو لهساعهه بحظني ..هااا

هالة : من حجه هيج بسرعة جريت ايدي ..من عنده .
غير انتَ الي اخذتهة ..

حسين : اي يابه انه اخذتهة .. عود احنه صدك عرسان ..خل افتح اغنية احسن ما باقين جفاف..

هالة : شغل اغنية ماجد المهندس ..اوقعلك عقد للموت
وكَعد يدندن وياه..

حسين: فتحت اغنية لماجد المهندس .. رغم اني ما اسمع اغاني هواي بس هذه الاغنية حبيتهة ..

اوقعلك عقد للموت .....ابقى وياك صورة وصوت.
لحد ميشيلني التابوت اظل يمك ..

احبك ابقى بالمظبوط ..حط براحتك الشروط .
وبكلبك اظل محطوط ... ابقى يمك .

هو انتَ اليحبك هم يعوفك. .......ابد ما عنده عين المايشوفك....... واذا تبعد علي احظن طيوفك

بالدم اني ابصملك .....احبك ابقى ما املك..
تظل خلي .. واظل خلك.... ولا اعوفك

كلمتي وحدة من اوعد ...ما اعوفك ولا ابعد
نار الحب ..فلا تبرد ...ولا اعوفك..

هالة : عود مسلطن ويا الاغنية .. حته صوته هم حلوو بيهةة... قاطعته ..
طلعت مو بس شاعر ... صوتك حلوو همين ..عبالي متسمع اغاني....

حسين :هههه زين طلعتي وياي عبالي رحتي بعالم الزعل...
مو هوايه اسمع مرات ... بس هذه الاغنية ..حيل احبهة
تذكرني بيج ..

هالة :: اممم حلوة ..
حسين : لان غنيتهة بصوتي صارة حلوة ...
يلة وصلنا لاترفعين راسج ...ولاتخلين وجج يبين ..

هالة: ههه يمة التواضع .. كلشي ممبين مني .. هي البدلة ومقفلة ..وهذا الكبوس متلفلفة بي ميت لفة..

جان حاجز بفندق هولير بالشمال كلش حلوو .ومرتب
همزين ماكو ازدحامات بي ... بسرعة دخلنا للغرفةة

اجتي مصورة ...سوتلنا جلسة تصوير ...
والحلوة حسين مايجيب الحركات عدل ...

المصورة : اخي شبيك ... موهيجي تصير هذه الحركة.

حسين: ع اساس جاي نسوي جلسة تصوير .. وهذه المصورة طفرت روحي... بالاخير كتلهة

اختي رحمه لاهلج .. اخذيلنا جم صورة .. وفضينا ...هل الحركات هم منريدهن ..

المصورة : براحتكم اني رايحة ..

هالة: ههه خطية زعلت وراحت ...
عود هو راح سد الباب وراهة ...

حسين : شني هاي ولا تكول عرسان اخلص بساع واعوفهم .. لزكت ..

فاطمة (( يلة حبايبي .. بلا مطرود خلص العرس ووصلناهم للغرفة 😉 😉.. خل نعوفهم بحالهم يرتاحون .. . شعدنه ..داخلين وياهم ومسببيلهم ازعاج 😅😅 ))

............

فرات : انه جم مرة كتلج ..سالفة البيت لاتفتحينهة ..
كتلج ارجع من السفر ..وبعد عرس حسين يصير خير بعدين شكَو مولية ع اخوج .. ورايح ع احمد ..هاا

نهلة : اي اني ضايجة هنا اريد اروح اكَعد يم اهلي ...ماابقى هنا ..
بعدين انتَ مو كل الوقت موجود ..

فرات : والله ما اكول غير صوجي .. انه انطيتج مجال اشو تكعدين هين وتسكتين ..حتة طلعة بغير بيت ماكو..
ماتنزلين يم امي وعمتي .. شكو معلكة وحدج ..

نهلة : هو انتَ تكيف تبقى هنا... والله اذا منطلع بيت وحدنا اعوف البيت واروح ..

فرات : انجبي ترة كوة لازم اعصابي .. والله لامو حامل ..
جان عرفت شتصرف وياج...

نهلة: والله انتوا كلكم متحبوني لا انتَ ولا اهلك ..

فرات : استغفر الله يربي ...يولي عدلي كلامج .. ولا تتجاوزين اكثر ..
انه ادري وانتِ تدرين رغم اهلي و اهلج مو ع اصطلاح ... ومن كتلهم عليج احبج..

اجوي خطبوج ومحد حجه وكالي لاتاخذهة
هساع شون ترديني اواجه حسين من يرجع ..
واخوج صخمهة ..ويا احمد .

نهلة : اذا انتَ مسافر اني منو اليه .. هو انتَ كل همك حسين ..

فرات : مو انه مولي العب ..لو اتونس .. لا تنسين ترة انه محامي ..وشغلي يجبرني اطلع ..اجمع ادله ..
اسمعي اكُلج اتخارب وياج وما اخارب اخوي ..

عمرة كلوا كَظا علمودنا .. صارلنا اب ثاني ..وهساع من ورة حضرة جنابج وجناب اخوج ازعلة ..
لابالله ما اتسمه فرات ابن حجي ميثم ..

وانتِ تكعدين هين وتنجبين .. لما تولدين بالسلامة ..وكُولي لاخوج .. دير باله يدخل..
والله اخلي حسين هو يتصرف وياا ..

ياربي صبرك هذه الناس الي كوه تجيب مشاكل لنفسهة.

..............

حسين: صارلنا اسبوعين بالفندق .. حيل اتونسنه انه وهاله .. احلى شئ الموبايل قافلوا ..ماكو اي ازعاجات..

كعدت سبحت وبدلت .. والافنديه لهساع نايمة ..
كعدت يم راسهةة حبيت اضوجهة ..
لزمت خشمهه حيل ..

هالة: جنت نايمه وما احس غير حسين يعصر بخشمي يبوو يبوو هسة انتَ كَاطع مهر ع خشمي ..

حسين : ههه صباح النور .. عجل توج يلة دريتي ...
انه كَاطع مهرعليج كُلج وع خشمج همين ..يلة كومي كافي نوم اليوم نرجع .. لو نسيتي..

هالة: والله فلا اكوم ..عود هاي رومنسية هيجي تكعدني ... اني شايفة واحد يكعد مرته يجيب وردة حمرة .. ويخليهة يمهه.

حسين : ههههه ماشبعتي رومنسية صارلج اسبوعين .. بعدين وين شايفة بالهندي..

هالة: يراد انتو هم تشوفونهم بلكت تتعلمون منهم بسرعة غطيت راسي باللحاف .. ادري بي ميجوز من خشمي .

حسين : جبانة طلعي راسج .. وخرت اللحاف من عدهةة.. وعضيتهة من خدهة .

هالة : اووي خرب . شنو هاي منك ...

حسين : وجعوي بكلب عدوج .. هاي رومنسية عراقية ..

هالة : هل رومنسية هم متنراد .. كمت وشمرت المخدة وااللحاف عليه ..

حسين: ههههههه شوو بس لا كمتي تبجين .... ..
يلة بسرعة بدلي لاتتاخرين ورانة طريق ..

هالة: بدلت بسرعة وطلعت .. يبوو خدي صاير احمر ..
شكد ........ همزين ماغلطت ...تلاحكت لنفسي وبلعت الكلمه .

حسين : اي بله شكد شنوو ..كملي ..

هالة: مو اذان رادار عندك .... شكد حلووو

حسين: ههه غلست عليج بمزاجي . يلة امشي ...
....

هالة : رجعنا للانبار .. وهم فتح اغنية ماجد
هههه هم اوقعلك عقد للموت..
مامليتهة ..

حسين : لا مامليتهة .. انتِ مو تريدين رومنسية ..
اعتبري هذا الكلام اني جاي اكوله الج..

هالة: هو انتَ ماصدكت لزمت سالفة عليه ..

حسين : جنا جاي نحجي .. ودراجة فاتت من يمنه صوتهة كلش عالي ....

من انعل ابوكم لابو السربتكم .....
اخ لو يخلوني عليهم ..

هالة: اشو العينتين انفتح بالغلط .. ع هذا ابو الدراجه علكيفك ..شوية ..
ليش اذا صرت عليهم شتسويلهم ...تسجنهم ..

حسين ؛ لا ما اسجنهم اسويلهم عقوبة نفسية ..

هالة : يعني شلون ما فهمت .

حسين: يعني الزم دراجتهم كَدام عيونهم اكسرهه اسويهه وصله وصلة .. بعدين اخليهم ياخذونهه ويرحون ...

هالة : مو خطية .
.
حسين : لا مو خطية ..عجل همه من يزرفون الصالنصه ..ويخلون صوتهة هيجي يصير عالي
مايكولون ..اكو طفل نايم لو مريض لو ناس جبيرة بالعمر ...ويخافون من الصوت العالي.

حرامات ..ما مخليني عليهم ..

هالة: اي والله صدك ... هو انتَ مخلينك بالجامعة وصاكَر الطلاب .. صكَر ..كلها تخاف منك ..

حسين : هااا عجل انتِ هم تخافين مني .....
عندي اساسين امشي عليهن ...

بالبدايه استخدم الترغيب واذا ما فاد بيهم استخدم الثاني الترهيب...

هالة: صدك.. تدري يوميه اكتشف بيك شغلة جديدة.

حسين : هههه ام الاكتشافات ... بعدج ماشايفة شئ ..
صدك خل افتح موبايلي ..
اشو شصاير ماصاير وراي..

هالة: اي والله نعيش ونشوف ..

حسين : هاي شصاير .. هذا احمد كومه متصل عليه ..

هالة: خابرة وشوف..
حسين : بعدني ما مخابر ع احمد .. خابرني ابو تحسين
اشو هذا انهد عليه يحجي ويصيح..

علكيفك ابو تحسين فهمني شكو شصاير ..

ابو تحسين : اسمع يول تكَظبوت لخوك .. لو والله اسويهة جبيرة وانه اتصرف وياا .. ما عدكم كل مستحة

حسين: ابو تحسين عدل كلامك ..ترة لساع محترمك ومحترم كبرتك ..

عيب هل حجي ..

ابو تحسين: عيب عليكم انتوا .. مو زعمن صرتوا كبار ..
وماكو احد يردكم ..
ترة انه اردكم واعيد تربيتكم ..

حسين : لا عاد لهين وبس .. ترة تجاوزت حدك ...
مو انتَ واشباهك تجون تعلمونا ع العيب ..

ربوا نفسكم .... يله تجون تربون غيركم ..

هالة: جنا كاعدين وما احلانه .. غير اجاه اتصال كلب الجو رئساً ع عقب ...
وحسين صار عصبي نار .. يحجي ويضرب بالستيرن بيدة... .
انوب كام يسوق سريع عبالك عدنه سباق ..

حسين : ورة ماسديت ااموبايل بوجهوا ..
اتصل عليه احمد ..

احمد : جنت اخابر ع حسين بس موبايلوا مغلق ..
همزين هساع فتحه ..
انطيته خبر انه تزوجت ..

حسين: احجي بعصبية يول شلون وشوكت .. تزوجت
اليوم شبيكم عليه ..

احمد : يعني تزوجت .. شنو شلون ...
عود من تهدئه ارجع اخابرك .. وافهمك ..

حسين : شتصخمني احجي عفتك اسبوعين .. الدنيا احتركت وراي...هساع راح اوصل للبيت .

احمد: هساع انه رايح لبغداد مو بالبيت ..

حسين: وين ما جنت مولي ترجع .. مو تسوي المشاكل وانه الي ابتلي.

احمد: شيرجعني بعد.. عبرت سيطرة الصقور .. راح اوصل ... .وسديت الموبايل ..

حسين: ابن ال...... سدوا للمهجوم .. انه اعلمك يحمد .
هين هين ..

هالة: الف يا علي يله وصلنا للبيت كلنوب اكول راح يكُلبنا ..كلشي ما حجيت .. التزمت الصمت .
والغلط والفشار صار بفلس ..

حسين : وصلنا للبيت وانه نار موجرة بيه ..
حته هالة هم نسيتهه ..
يلة وصلنا كومي انزلي ..

هالة: بعد ما وصلنا للبيت .. امه وعمته تلكتنا .. ورحبن بيه ...
بس حسين وما ادراك ماعصبيت حسين ..

بس سلم عليهن ... واستلمهن .. بالحجي

حسين : ما تكللي هل ادبسزز شمسوي ورايه ..
احجن فهمني لاتظلن ساكتات ..

لاتكفرني ... احجن. عاد

طليعة : هساع انه احجيلك .. لاتظل تهوبز وتخبصنا بعياطك .. قابل انه وامك جهال .. وتعيط علينا ..

هالة : من شفت الوضع صار حامي .. اخذت يوسف ودخلت للغرفة .وسديت الباب . بس اسمع الصياح مالته ..

حسين : يلة احجي .. اسمعج شمصخمين ورايه ..وخابرني ابو تحسين يمسلت بالحجي ..

طليعة : هو ما ظل علينه غير ابو تحسين ابو..................
صاير آدمي .ويدور حكَوك . براسنه ..
هي كل السالفة احمد متكَاون ويا اخو نهلة ..
وكاتلوا ... بس مامأذي هواي .. مفازعينهم

وهذا عموا .. يريد حكَ ..

حسين : تالي عمري يجيني واحد مايسوه كَشر بصل .
يعلمني العيب ..
انه هاي الذابحتني .... بعدين احمد شعندوا وياا ..

طليعة : كلشي ماعندوا بس هذاك العار صاير رجال وهاد ع احمد بالمختبر وانتَ تعرفوا لحمد .. دموا حار ...ايدوا والضرب..

ام حسين : يمه استهدي بالرحمان ..بعدك عريس .لاتضوج روحك.

حسين : هو انتوا خليتوا عريس انه شايف .العريس يستقبلونوا بهلاهل ..
اشو انه ... ماشاء الله بالمشاكل ..
عجل شنو يكول تزوجت ..

طليعه : متزوج .؟؟ عاد احنه اول مرة نسمع منك ..
الاصيفر صاير بكيفوا .. يصخم.

حسين : اتصل عليه مايجاوب ... فد مرة صرت عصبي.. من عصبيتي ضربت الباب بوكس ..

ورحت للغرفة .. احس راسي راح ينفجر..
شفت هالة .تلعب . بيوسف ..
والله نسيتهم ...

شلته باوسته .. يله حبيبي روح يم جديتك ..

هالة: بقيت العب بيوسف ما اريدة يسمع صياح حسين .. خطية يأثر ع نفسيته ويخاف .

ورة ماخلص كل طاقته .. اجه للغرفةة ..كعد ع الجربايه وشفت ايده مزوركه..

كلت شويه اهدي .. بقيت افرك بيدة ع كيفي ..
اروح اجيبلك ثلج حته لاتورم ..

طلعت من الغرفة . للمطبخ .. امه جانت بالمطبخ..
عمه اريد ثلج شويه ..

ام حسين: اي هساع انطيج ..
عمه اعذرينه كله صار بوجج .... بعد انتِ صرتي من عدنا .. لاتضوجين ..

هالة: لا عمه ما اضوج انتِ كلتيهة صرت من عدكم ..

ام حسين: الله يرضى عليج يمه .. هاج هذا الثلج ..
شويه هدي.

هالة : ان شاء الله. .. احجي بيني وبين نفسي ...
شهدي منه ..اذا هو راد يفلش الباب ...
خايف مني .. ويهده.

اخذت ايده وخليت الثلج عليهة ...
كمت احجي بتموع .. حبيبي علكيفك .. منو يستاهل وتصير عصبي علموده...هاا بس تضر نفسك ..

حسين : همه مايستاهلون .. بس انه شنو ذنبي ..
ناس حثالة تجي تعلمني العيب هي هاي الكاتلتني قهر
والافندي اتصل عليه جنابه ميرد .

هالة: يا عيني الغايب عذرة وياه .. يجي وافتهم منه .
هدي شويه .. انوب يروح يصير بيك شئ لاسمح الله..

حسين: اوف راسي راح ينفجر... خل اتمدد شويه بلكت ارتاح .

هالة: تمام واني خلي اسويلك مساج لراسك ...اجوز ارتفع ظغطك ..

حته غدة هم تغدينا .. ظليت اسويله مساج ..لحد ما نام ..
واني بقيت اعزل بالغراض.. للعصر يله كَعد ..

صح النوم .....هااا حبيبي شلونةصرت هسة .

حسين : الحمدلله احسن ..
هالة: رحت كعدت يمه .. وافرك بيده ..
كتله انتَ شكد عصبي .. للحظة كلي راح يبتلي بينه...

حسين: مو لهل درجه .. ع اساس اخوتج مو عصبيين .

هالة: رديت بعفويةة لاوالله هم عدهم خبالات ..قوية .

اشو من كلت هيجي رفع عينه وخزني ..

حسين: يعني هساع احنه خبل ..
هالة: ههه خاني التعبير .... اقصد عصبيين ..
خل اكوم اسويلك عصير ..حته ظغطك يستقر ..

جنت بالمطبخ اسويله عصير..واحمد اجه سلم عليه..

احمد : رجعت للبيت ..وتلكتني هيلة بالمطبخ..
الله يساعدج..
بالخيرر عليكم .. منج العيال ومنه المال

هالة : تسلم الخير للجميع..
احمد : والله ما اتوقع خير من حسين .... صدك طارن لو بعدهن .

هالة: شننه الطارن ؟؟
احمد : يبوو انسي مابيه اشرح هساع هو وين كاعد .

هالة: كاعد بالهول ..
ورة ما راح يلة استلمت يقصد ع خبالاته ..

احمد : شفته كاعد بالهول ..بقيت اتنحنح
احم .. احم .. احم ... احم .

حسين : وسموا..........

...........

🌛🎶انتظروني 💥💥بالبارت 😘😘القادم 🎶🌜