الشيخه ملكوت (مكتملة)

البارت الرابع

المرأة القوية
تبتسم وكأنها لم تتذوق الألم يوماً ...
وتضحك وكأنها لم تجرب البكاءَ ابداً....

♡_____ قرائة ممتعة_____♡
تذكير
زينه : واثقة اهواي المشيخة الج

ملكوت وهية اتبوس راسهة ودكول
ملكوت : هههه ليش شيخة عندج شك
الشيخة قمر وهية اتهدي الجو : احم تعالي ابنيتي خل اعرفج علة الشيخات
وبدت اتعرفهة علة علة كل
الشيخات الموجودة با الديوان وملكوت تبتسم الهن وتبوس راسهن وبعد ما كملت من التسليم كعدت يم الشيخة قمر ومقابيلهة جانت الشيخة زينه وغسق وقاطع هذة الصمت شيخة العميري وكالت
شيخة العميري ابحقد : والله يا شيخة زينه اول مرة اشوف الجهال ايطبون للديوان
خلود ( عمة ملكوت ) : لا انوب ايراددن بعين صلفة ويسمن روحهن شيخات
سعديه : وهنة لا تربية ولاشي بس العتب مو عليهن العتب علة المهات الماعرفت اتربيهن
نجاح ( اخت ملكوت من ابوهة ) : اي ولله يا مامة بس يمكن خطية ما عدهن امهات
سعديه : بس هيج نماذج اكيد طالعات علة امهاتهن وعلة كولت المثل اطب الجرة علة تمى ابتطلع البنت لأمة
ملكوت ببتسامة : اي والله صدكتي بهذة وخير مثال علة كلامج انتي وبنتج تتشابهن نفس الحقد و نفس التربية
سعديه بصوت عالي : وشبيهة التربية
لازم ما عاجبة حضرتج
ملكوت : لا بلعكس ونعم اتحسهة تربية بنات الشوارع بس يلا هوة هذة أصل الأم شنتظر من البنت تطلع دكتورة
وكامت قبل لا تسمع رد خيرية وكالت بصوت عالي يلا اترخص شيخاتنة ارتح اشوية وطلعت ودلتهة الخادمة ام علي علة غرفة ترتاح بيهة دخلت للغرفة وكالتلهة ام علي : احم شيخة محتاجة شي
ملكوت : لا سلامتج بس من وين القبلة لأن فاتتني الصلاه
ام علي : من هاي الجهة شيخة يلا اترخص واذا احتاجيتي شي كليلي
ملكوت : لا تسلمين ومرخوصة
وبعد ما طلعت ام علي رحت اتوضيت ابحمام الموجود بلغرفة وفتحت جنطتي واخذت السجادة و جادرالصلاة وصليت وبعد ما كملت صلا ارتاحيت اشوية وراهة لبست هذة

هذة القفطان ويا شال بيجي وحطت كحل ومرطب شفة ونزلت ...
♡_________________♡
فهد
اليوم الكل كاعد من الصبح ايحضر لأن الشيخ سوة عزيمة السلامة يزن واحمد وصارت الساعة بل ١٢:٢٠
تقريبن وبعد ما انترس الديوان رحب الشيخ بكل الشيوخ والسادة وتحمدولة بسلامة احفادة وقاطعة الشيخ العميري وهوة يسئل علة ملكوت بت عمي مصطفى و كلة الشيخ سلطان انهة بلطريق وفعلاً دخل سالم مساعد جدي وكال اجت بس الشي الغريب انو خلة ابوية هوة الي يستقبلهة اني عبالي ايكل العمي مصطفى بعتبار هية بنتة بس ما ادري ابشنو ايفكر الشيخ الله يستر ورة تقريبن خمس دقايق سمعت صوت عالي اشوية ايسلم درت راسي وشوفلك ابنية سبحان من خلقهة شايف لمن ايكولون خلقت كما تريد ان تخلق صدك هية جانت هيج ما حسيت غير لمن الشيوخ ردو السلام عليهة وهية فاتت للديوان وراحت كبل سلمت علة الشيخ سلطان وباست ايدة وراسة وحضنتة حسيت جدي الشيخ صكر اظايك لأن قللت من قيمتة كدام الشيوخ بعتبار هوة اكبر من الشيخ سلطان وان هوة ايصير ابو ابوهة بس سكت انوب الشيخ سلطان عرفهة علة جدي صكر وسلمت علي بس الغريب باست بس راسة مو مثل الشيخ سلطان باست ايدة وراسة وهم سلمت علة ابوهة وعمامي والشيوخ وهمين باست بس راسهم وسلامهة جان جداً بارد لحد ما وصلت يمي وهم سلمت علية ابرود واني رديت عليهة بخشونة وسلمت علة اخوهة محمد البصفي وهم باست راسة وهوة رد عليهة ابرود الصراحة استغربت من تصرف محمد وسلمت علة يزن اخوية واحمد اخوهة الثاني وهم باست راسة وترخصت وطلعت وراهة الشيخ اشرلي انصب الغدة للمعازيم عيب كلت لولد عمي وكامو ايصبون ورة ما كملو غدة رحت اني ومحمد للمطبخ علة مود الجاي
للشيوخ ......
♡__________________♡
ملكوت
نزلت جوة شفت ام علي وكالتلي
ام علي : ها شيخة تردين شي
ملكوت : بس كوب كهوة
ام علي : اتأمرين شيخة روحي للديوان واني اجيبة وراج
ملكوت : لا ما كو داعي بي دليني علة المطبخ واني اسويلي
ام علي : لا شلون انتي شيخة ما يصير
ملكوت : ههه ليش ما يصير هسة بس دليني المطبخ وبعدين انشوف ليش ما يصير
ورحت وراهة للمطبخ وسئلتهة
ملكوت : وين الكهوة حاطينهة
ام علي وهية اطلعهة من الكاونتر : هذي اتفضلي اتأمريني بشي ثاني
ملكوت : لا مشكورة
واني جاي احجي وي ام علي دخلو محمد وفهد الي اتفاجئو بية وكال فهد لأم علي
فهد بخشونة : ام علي حضري الجاي للشيوخ
ام علي : تأمر شيخ
محمد وهوة يحاجي ملكوت : لا تعبين نفسج انتي ضيفة ما يصير تشتغلين كولي للخدم وهمة ايجيبولج
ملكوو : ههههههههه احم ههه
محمد بنرفزة من ضحكتهة : لازم كلت نكتة حتة ضحكتي
ملكوت ببتسامة : لا بلعكس كلت كلام صحيح لأن بيت ابوي وخواني اني بي ضيفة
محمد بستفزاز : ولا تتوقعين تكونين وحدة من هل بيت
ملكوت وهية اصبلهة الكهوة بكوب ودكول : صدكني اني ما اشرف اكون وحدة من هل بيت وعفتة وطلعت
......
♡_____________________♡
فهد
لمن دخلت للمطبخ اني ومحمد شفت ملكوت جاي اسوي كهوة للصراحة اتفاجئت ونوب كلت لأم علي اتحضر الجاي للشيوخ وراهة محمد حاجة ملكوت كللهة ان ملازم اتعب نفسهة وهية مجرد ضيفة بس ردهة كلش فاجئني لمن ضحكت وكالت انو هية ما تشرف اتكون وحدة من هل بيت ولمن طلعت من المطبخ دار محمد علية وحجة بعصبية
محمد : شفتهة اشون قليلة أدب وشون اترادد
فهد بجمود : شبيك محمد عوفهة ترة يوم يومين وترجع للبصره وهمين ما فهمت ليش تحجي وياهة بهيج طريقة عدوانية
محمد : حقك ما تعرف اشحجت ابديوان النسوان
فهد : ليش اشحجت
محمد : كالت علة امي واختي نجاح بنات شارع وما عدهن تربية ولا اخلاق وهمين حجت علة بنات العميري وعلة عمة ام غسق ها ودكول ليش احاجيهة بعدوانية
فهد  : والله ما اعرف شكلك يا خوي هسة خن ودي الجاي وبعدين انحطلهة حد هل ملكوت
محمد ؛ ماشي يلا
ودينة الجاي اني ومحمد للديوان وتفاجئت ابقرار الشيخ ......
♡_________________♡
ملكوت
بعد ما طلعت من المطبخ دخلت للديوان مال النسوان وهم سلمت وكعدت اشرب با الكهوة لأن راسي يوجعني واسمع شيخة
العميري ادكول
شيخة العميري وهية متقصدة اسمع ملكوت : يمة غسق اشهل التخم الحلو مال ذهب ايخبل صدك لو كالو الذهب للذهب
غسق بتفاخر : تسلمين بيبي هذة بيبي زينه انطتني يا وكالت بس شيخات الي ايلبسنة
خلود بحقد : اي والله كلش حلو شوفي ملكوت مو حلو
ملكوت ابرود وهية تشرب الكهوة : حلو ايخبل استاهلة لأن خطية ما راح تاخذ المشيخة فخل تاخذ التخم مالتهة علة مود ما تبقة بنفسهة
قمر بضحكة : ههههه اي والله يا شيخة وهمين هذة تخم الذهب بس مال فخذ الي (  ) التخم الرئيسي مال الفخذين هذة وطلعت علبة جبيرة بيهة اشون العباية بس عباية كلهة الماس ولبستهة لملكوت وكالت الماس للماس يا شيخة
وقاطعهم جيت ام علي وكلتلهن ابقرار الشيخ صكر الي صدم الكل .........
♡_________________♡
ملكوت
كاعدة با الغرفة وبلكاع بصف الجرباية ومتجية راسي علة الجربابة وافكر بقرار الشيخ
فلاش باك /
ملكوت من بعد ما الشيخة قمر لبستني تخم اللماس قاطعة دخول ام علي وكالت
ام علي ابحراج : اسف شيخة علة المقاطعة بس الشيخ قرر قرار ولزم اكولة
شيخة زينن بتسائل : شنو كولي
ام علي : احم قرار باجر مو سنوية الشيخة اميره فأ كال الكل راح ايروح للنجف الفجر
شيخة قمر وهية اتباوع علة ملكوت ابقهر لأن تعرف ملكوت من عمر ست اسنين ما راحت الكبر امهة وكل ما ايكوللهة اتروح ترفض لهيج هية خايفة من ردت فعلهة وكالت : احم ملكوت شي اكيد تعبانة من طريق العماره البغداد لهيج هية ما تكدر اتروح
شيخة زينه وهية فهمت انو ملكوت ما اتريد اتروح : ليش متروح غير سنوية امهة حتة عيب من الوادم
ملكوت وهية اتكوم وتبوس الشيخة قمر ودكول : لا عادي ما تعبانة اكدر اروح يلا اترخص وطلعت من الديوان وراحت الغرفتهة .
باك /
صحيت من صفنتي علة دكت الباب كمت وكلت ادخل ودخلت الشيخة قمر رحتلهة ابسرعة وكعدتهة علة الكرسي وكتلهة
ملكوت : ليش صعتي شيخة موزين علة رجليج جان صحتيني واني اجيج
الشيخة قمر ببتسامة : شنو حسبالج عجزت حتة ما بية حيل اصعد
ملكوت : ههه لا عيني انتي بعدج ابعز شبابج بعد
شيخة قمر : ليش وافقتي علة اروحة
ملكوت : ليش لازم ماروح
شيخة قمر : اذا مجبورة لا تروحين
قاطعتهة ملكوت ابقوة وهية ادكول
ملكوت : ما عاش اليجبر الشيخة ملكوت
ولزمت ايد الشيخة وكلتلهة اني اريد ارح ومحد جبرني ماشي
شيخة قمر : ماشي هسة يلا تعاي وياي جوة خل اتباهة بحفيتي الحلوة
ملكوت : هههه والله ما اكدر انشأالله غير مرة لأن اريد اروح للمام ألكاظم (عِٓ) ازور منطول اني ابغداد تجين وياي
شيخة قمر : والله يا ريت بس ما اكد لأن راسي يوجعني يلا اني نازلة
ملكوت : سلامتج شيختي وكومتهة وراحت جوة وبعدهة دكيت علة حسن علة مود ايحضر السيارة وبدلت ولبست هذة

وخذت تليفوني ووجنطة سودة اصغيرة ونزلت ......
♡_____________________♡
فهد
من بعد ما اخذنة صواني الجاي اني ومحمد وزعناهن علة الشيوخ رحت كعدت يم الشيخ وكال شي للصراح فاجئني
الشيخ صكر : بما ان باجر سنوية اشيخة اميره والشيخ سلطان وعايلتة ابغداد فأ باجر انشأالله نطلع كلنة اصبح للنجف انزورهة
الشيخ سلطان : لا ما كو داعي وهم يمكن ملكوت تعبانة وما تكدر تجي
الشيخ صكر وهوة يعرف ملكوت ما تقبل اتروح : ليش لا اروح انشأالله كلنة وهم ما اتوقع ملكوت متروح تعرف بعد امهة اكيد تجي وراد الشيخ سلطان يحجي وقاطعة وهوة ايصيح علة سالم ويكلة
الشيخ صكر : سالم اتروح جوة ودكل لأم علي ادكول للشيخات علة اروحة للنجف وشوف الشيخة ملكوت اتروح لو لا
سالم : تأمر شيخ
وراح وبرة خمس دقايق رجع وكال
سالم : شيخ كالو ماشي والشيخة ملكوت كالت اتروح
الشيخ صكر وهوة مصدوم لأن عبالة ملكوت راح ترفض الروحة وكال : ماشي دكدر اتروح ودار علة فهد وكلة
شيخ صكر : حضر كلشي يلزم الروح وهم حضر السيارات
شيخ فهد : تأمر شيخ وترخصت اني ومحمد وطلعنة وكال
محمد : ما استغربت لمن كال الشيخ انروح للنجف مال السنوية
فهد  : للصراحة كلش استغربت بس اكيد ورى شي ما منهة لله هاي الروحة
محمد : اي والله
فهد : يلا هسة خل نحضر السيارات
محمد : ماشي وراحو يحضرون السيارات وكملو ورجعو للديوان لمن صار المغرب والشيوخ كلهة راحت بقة بس الشيخ سلطان والشيخ صكر ولدة وحفادة وفجأة تدخل بديوان الشيخ ملكوت وهية ادكول ......
**********************
ملكوت
بعد ما نزلت جوة شفت الشيخة قمر بصالة وياهة الشيخة زينه وجناينهة ويناتهة رحت بست الشيخة قمر وكتلهة
ملكوت : راح اطلع تردين شي
شيخة قمر :لا سلامتج روحي الله وياج
ملكوت : يلا لعد مع السلامة وطلعت ورحت الديوان الزلم ودخلت وكلت
ملكوت : السلام عليكم
الكل : وعليكم السلام
ملكوت : شيخ راح اطلع بس ردت اكلك
الشيخ سلطان : روحي ابنيتي الله وياج
ملكوت : رحت بستة وكتلة يلا لعد مع السلامة وردت اطلع وقاطع طلعتي صوت وهوة ايكول
الشيخ صكر بعصبية : احنة ما عدنة بنات تطلع وحتهن
الشيخ جاسم (عم ملكوت ) بحقد : لا نوب حتة ما تستأذن ولا دكول لعد اجكد قليلة ادب
ملكوت بستهزاء: استأذن من منو
الشيخ جاسم بعصبية: من اهلج من منو يعني من الغريب تستأذنين
ملكوت ابرود : وانتة كلتهة من اهل واني كلت للشيخ سلطان بعد شكو
الشيخ صكر بعصبية مكتومة : وشنو يعني ما تعتبرينة اهلج لهيج ما تستأذنين منة
ملكوت برود : ليش جنت استأذن منك لمن جنت اروح للمحافظات احل افصل حتة استأذن هسة
الشيخ صكر : لأن جنتي بالبصره مو اهنا حتة طلعين بكيفج
ملكوت : ليش منو انتة
الشييخ مصطفى (ابو ياقوت) بعصبية وهوة يضرب ملكوت راجدي : ادبسز صدك قليلة تربية
وكل الي باالديوان انصدمو وكامو ما يباوعون علة ملكوت الي ولا همهة واجت تطلع من الديوان بس وكفت با الباب ودارت علة الشيخ صكر وكالت بصوت يسمع كل الي باالديوان
ملكوت ببتسامة استهزاء : ونعم من ربيت شيخ صدك لو كالو ربيت زلمم
وطلع وراحت فتحت باب السيارة وكالت لعلي  ايسوق للكاظم ولي ابصفة حسن وراحو للمام الكاظم (ع)
وصلت للمام ولبست عباتي وطبيت للتفتيش وراهة دخلت للضريح ورحت زرت وبست اشباك ودعيت دعاء الزيارة انوب ضليت كاعدة اقرة قرأن وبراهة ستديتة وبستة ورحت زرت مرة ثانية وطلعت رحت للسيارة با الكراجات وصلت وصعدت وكال علي وحسن
: زيارة مقبولة شيخة
ملكوت : قبل اعمالكم هسة بيش الساعة
حسن : الساعة با التسعة
ملكوت ببتسامة : لعد خل نروح المطعم امرتب خل نتعشة
علي وهوة ايشغل السيارة : تأمرين شيخة
ورحنة المطعم علة النهر حلو للصراحة وطلبنة أكل وتعشينة وراهة رحنة اتمشينة علة النهر ما حسيت غير صارت الساعة با 11 ضبط كتلهم خل نرجع ورجعنة با الدعش ونص شفت الديوان طالع منة صوت ضحك كلت اكيد همة كاعدين لأن جدي سلطان وبيبي جمر ما يبقون الهل وكت لهيج ما اهتميت وصعدت الغرفتي سبحت وكعت اقرة رواية لحد ما يصير الفجر علة مود انروح للنجف ....
♡___________________♡
فهد
جنة كاعدين با الديوان بعد ما راحو الشيوخ وفجئة دخلت ملكوت سلمت وردينة السلام انوب كالت للشيخ سلطان انهة طالعة وسلمت علي واجت تطلع بس وكفهة صوت جدي صكر وهوة ايكلهة انو ماعدنة بنات تطلع وحدهم وهم عمي جاسم كال ان هية قليلة ادب وما تستحي بس هية صدمتة ابرودهة وانوب ردت علة جدي صگر وهذة الشي عدنة عيب الحد ما كام ابوهة وضربهة راجدي بس للصراح كلنة انصدمنة بس هية ولا همهة واجت تطلع وكف وكالت الجدي ان ونعم ربة علة عماي بس شنو كالتهة بستهزاء وطلعت بحيث خلت جدي صكر ايشيط وصار عصبي اول مرة اشوفة بهل عصبية وبلكوات يلا هديتة وانطيتة مهدأ وانوب كمت صليت واني راح ايطلعن اعيوني من العصبية وكول هاي تالي عمري تجي جاهل اتهينة وسفة ولمن كملت صلا اتعشينة والشيخ سلطان هوة والشيخة قمر اترخص وصعد الغرفتة يرتاح وحنة ضلينة با الديوان بعد ما اجت بيبيتي ونسوان اعمومتي وبناتهم وعمي جاسم حجة كلشي كالتة ملكوت البيبي وبيبي صارت عصبية وكامت تغلط عليهة وان تستاهل الراجدي وراهة ضلينة انسولف ونضحك الحد ما سمعت صوت سيارة صفت با الكراج باوعت من الشباك مال ديوان طلعت ملكوت اجت باوعت علة الساعة طلعت با الدعش ونص ادري وين جانت امولية كل هل وقت حيل عصبت وكلت اني اعلمهة ورحت كملت السهرة وياهم انوب كلنة طشينة انام اني صعدت الغرفتي وسبحت ونمت لأن جنت حيل تعبان وباجر عدنة روحة للنجف الشرف ......
_____________________
لا تنسون التصويت والتعليق 💛
بقلم نۣۗـۙنۣۗـۙوۣشۣۗـۙ ♥️
باي 💙

عدد الكلمات 2144