يصح لك صديق بألف أخ......
عندما يكون التقدم مؤلم والتراجع مؤلم والثبات مؤلم
عندما يكون الصمت مؤلم والحديث مؤلم والنسيان أشد ألم
لا يمكنك الحديث عما يحدث داخلك لا يمكنك حتى التعبير لنفسك التي تتألم ...... أشد الماً من الموت
طيف مرحبا حسان
حسان شرايدة
طيف محتاجه مساعدتك فلوسي خلصن الي ضميتهن وحارث طلكني وسافر وبقيت وحدي بلا شغل
حسان واني شعليه انتي وصلتي نفسك لهاي الدرجه يا ريت بعد متخابرين مع السلامه
طيف حسان امي مريضه محتاجه الفلوس الهه علاجهه غالي
حسان اشكد تردين
آياب صباح الخير
حسان صباح الخير كملي طيف اشكد تردين
آياب شتريد طيف
طيف بعدين اخابرك بعدين
حسان هاي اشبيهه سدته بوجهي
آياب شتريد
حسان تريد فلوس امهه مريضه
آياب امهه اكو موظف زميلهه بالمكتب سرمد روح جييه وتعال انته صدكتهه واشكد تردين
حسان شنو قصدك
آياب حسان زميلهه صارله سنين بالمكتب يعرف عنهه كل شي
حسان اتأكد منهه يجوز محتاجه صدك فلوس
آياب روح جيب غضب سرمد وتعال اشوكت اتوب من هاي سالفة تبقى غشيم ما ادري
حسان اوك اوك
آياب استغفر الله منج طيف اذا تطلعين اجذبين لا اخليج تندمين والله
حسان تعال سرمد المدير يريدك
سرمد اوك
سرمد صباح الخير استاذ
آياب صباح الخير اكول سرمد عندك تواصل ويه طيف مو
سرمد اي البارحه راسلتني تريد شغل ضايجه من الكعدة وكالتلي يا ريت تقنع الأستاذ يرجعني
آياب يعني امهه مريضه محتاجه فلوس
سرمد البارحه جنت احجي وياهه وامهه يمهه مبيهه شي
آياب اشكرك انشالله اني هم افكر بموضوعهه
سرمد شكراً استاذ
حسان جذابه يعني عااا😨
آياب وجعااا مرة ثانيه من تريد اسوي خير تأكد صاحبة يستاهل المساعدة مو على عمى عينك فهمت من تخابر لا اجاوبهه بعد
حسان اوك اكول سؤال اشلون تصرف بالعقد اذا طلبو منك
آياب يا عقد
حسان الزواج الشركة
آياب الشركة خليهم ينسوهه لحد ما يسلمولي كاع ابوك وبيته وكاع عمك الجبيرة حق الديون اما عقد الزواج سهلة انته مو محامي دبرهه
حسان شسوي مثلا احضرلكم عقد زواج واروح اسافر علمود اخذ توقيع وبصمة اختي لو عقد مزور
آياب لا مع الأسف عليك ابدي بأجراءات العقد وندبرهه لمن يوصل للقاضي
حسان اشلون ادبرهه
آياب هههههههه معارفي اكثر من الكرعان بالعراق الله وكيلك
حسان ههههههههه كولهه كدام عمار يكتلك والله
آياب خليولي هو والمشط علاقتهم مكطوعه ذاك اليوم اكولة ازرع شعر يكولي اخاف من الأبرة
حسان ههههههههه كبر لازمهه عليه حرام عليك ابن الحلال بذكرة خابر
ها ولك اليوم ذاكرني
عمار حسان بسرعه من الشركة اطلع اجة ابن عمك على آياب
حسان اوك ..... آياب ابن عمي اجة للشركة
آياب لا تطلع برة الشركة مفهوم ابقى بواحد من المكاتب ومن تسمع المسكول تعال
حسان شنو ابالك
آياب حقك أبالي ولازم يرجع كافي تهنو بي اسنين
حسان دير بالك على نفسك انته اهم من كل البيوت والكيعان
آياب لا تخاف عليه طبيت وية الأقوة منهم وطلعت منهه روح هسه (اتصلت بصديقي حسام ساعدني مرة....)
مرحبا حسام
حسام اهلا آياب اشلونك اخبارك اعذرني بس انته تسأل اني ما اسأل عليك
آياب معذور معذور تعالي للشركة محتاجك وياي اليوم
حسام خيرك آياب اصاير
آياب لحد الأن كلشي مصاير بس من يصير شي لو يصير عليه شي انته موجود
حسام اجيبلك الوزارة كلهه اشحدة اليندك بيك
آياب متقصر أخوي انته انتظرك باي
$$$$$$$$$$$$$$$$$^^^$$$$$$^^^$$$$
احمد انته اشلون تأمن الشركة بيد غريب لتخبلني
شلال انجب واسكت الولد محترم و وعدني يرجعهن
احمد اذا ما رجعههه اصير دم لو اعرف ابقى بالسجن طول عمري
شلال اي تصرف منك احرك اهلك فهمت
احمد الله كريم
حسان الخوف من الخطوات الأخيرة ... الخوف من تحديد مصيرك ..... الخوف من المستقبل ذلك الخوف الذي رافقني طيلة فترة حياتي لكن في بعض الأحيان علينا المغامرة لنصل الى القمم الخوف دائما ما يقبع الأمال وسط الظلام الدامس للوصول الى القمم علينا في بعض الأحيان المغامرة .... يقطع افكاري ذلك الصوت الحقير الذي طردني بيوم من الأيام
احمد وين صاحب الشركة
آياب شكو اصيح منو انته اشلونك حجي منو الولد
شلال الحمدلله هذا ابني صاحب الشركة
آياب اي
احمد شنو اي الدكتور سألته كالي انته خطبت ليلى وعقدت عليهه صحيح هذا الكلام
آياب حدد موضوع واحد نحجي بي
احمد الشركة اريدهه ابوية كالك أمانة
آياب قبل لتكمل ...الشركة مالتك استلمتهه منهارة وعليهه ديون هواي وكل الأوراق كدامي وكدام الحجي فأنته وفي الديون والمبالغ الي دفعتهن الك والمحامي وتكاليفه واتعاب الموظفين واتعابي اكيد والفوائد لازم تدفعهن
شلال يعني انته ضحكت عليه
احمد ضحك عليك طبعاً حرامي
آياب احترم نفسك لا تشبهني بنفسك فهمت كم صاحب شركة انته ناصب عليه واني حليت مشكلتك وياهم بالتفاهم ورجعت فلوسهم وكم عقد لموظفين وهمي عندك هذول كلهم لو مشتكين عليك تبقى بالسجن متطلع عندي كل هاي العقود عليك دليل اي حركة منك زايدة اخليهم يشتكون عليك فهمت فلا اصيح واحترم نفسك
احمد يعني شنو مفهمت نظرات قلق خوف ظهرت على وجهه احمد
شلال انته سمعته شكال انته هذا تالي طريقك الأعوج
احمد الأدلة عندك يعني محد يعرف بيهن غيرك
آياب لا نتفاهم كلشي ينحل متتفاهم تتقدم الأوراق للقاضي
احمد انته حفرت كبرك بيدك ومعرفت بيمن اندكيت ماخذ الشركة ومرتي
آياب مرتي ليلى ولا اجيب طاريهه على السانك نكس
وشركتك تدفعولي فلوسي عدكم كاع ملك والدك جبيرة اريدهه وغيرهه بيت وكاع ادليكم عليهم اريدهن
شلال ادبرلك فلوسك بس كلشي من الأملاك ما انطي
آياب انسو الشركة
احمد انته تهدد منو بظهرك ومتقوي بي شوف اكتلك خلاص وبنص الشركه
آياب نزل سلاحك الي كلته الكم يصير انطيكم الشركة
ميصير مراح اشوفون بعد ريحة الشركه
احمد لا تبقى تتمرجل بهاي السوالف باجر اجي الكة الشركة بأسمي لو تختار تموت
شلال بويه نزل مسدسك
حسام المن تهدد بقيت مراقبك عرفت انته متوب
جيب المسدس
شلال لا بويه لخاطري
آياب حجي باجر عقود الكاع مالتك وكاع اخوك وبيته كدامي والا ابنك يشتكون عليه
شلال بويه ذني تعب عمري ما اكدر احولهن
آياب بكيفك ابنك هسه تاخذة الشرطة
شلال لا لا كدامك عقود الي طلبتهن
آياب المحامي مالي يمشي وياك بالأجراءات
تتعرفون عليه
احمد هم حرامي مثلك
آياب مثلك يعني
حسام انجب لتحجي
حسان مسكول آياب اطلع
مواجهة من ظلمك فيها صعوبة كبيرة ما زلت احمل ذلك الجرح القديم منكم ما زلت اتذكر تلك التفاصيل
اتذكر كيف ظلمت بكل خطوة اخطو بها للأمام كأن نشوة الأنتصار تملئ جسدي وتنعش قلبي كأن الأختناق الذي كان يراودني ليلاً والذكريات الذي كان يراوغ الذاكرة رغما عني انه
آياب اعرفكم بصديقي والمحامي مالي حسان
تعرفهم حسان ما حاجة تتعرفون محامي الشركه مالتي عرفهم بنفسك
حسان اكيد حسان عمي شلال لو نسيتني ابن اخوك الي طردته.....
شلال ضحكتو علينه يعني اخذتو الفلوس بكلامكم المغشوش
احمد حسان تضحك علينه انته وجماعتك اشتكي عليكم واكول تعرضت لعمليه نصب واحتيال وكبرك موجود يم ابوك
آياب ههههههههه يا كبر سبع انته تحجي بزودك
حسان كلشي وياكم مشينا بالقانون مثل ما انتو صنتو الأمانه واخذتوهه بالقانون اليوم الي طردتني بي بالشارع ومفكرت بيه واليوم الي ضربتني انته و ولدك
وما رحمتو بيه اليوم دوري واذا على القبر هذا رمزي واذا تاخذ شرطه ودولة كاملة متلكا لأن شلنا وفلشنا
شلال ضحكت علينا انته وعصابتك والله لا اندمك
احمد انته الي بديت شوف خاف ما كتلناك وشمرناك بالشارع هالمرة القبر الي بنيته بيدك راح تحفرة بيدك
آياب تخسي واحنه موجودين اطخ شعراية من حسان
حجي ابنك اخذة وياك وباجر هنا بالشركة باجر اسلمنه الأوراق والا اشتكي عليكم واخذهن بالقانون بدال فلوسكم
شلال والأملاك وكلشي مراح تحصلون الا على جثتي
حسان بينه القانون يا عمي المحترم
احمد تراب من كاع ابوك مشوف حسان والشركة ترجع غصباً عليك فهمت لو لا واختك فوكاهن
حسان نشوف منو الي ميشوف من كاعه شي
احمد كلة بسببك انته
شلال تندم حسان والله لا اطلعك من العشيرة واهدر دمك
حسان طول عمري وحدي وما عندي احد غير هاي الناس الطيبة وكفت وياي الي بيدك سوي ولا تقصر
شلال بسيطة حسان .
آياب انته لازم تكون بحمايتنه بعد اتوقع كلشي يطلع منهم وحقك قرب يصير بيدك حسام كلشي مسجل تهديداتهم وحجيهم
حسام اي الكامرتين سجلت كلشي لكم عمار نسينا اشلون
آياب خليهم يتعدون عليه اني اريدهه
حسان اشبيك آياب
حسام اي صح خليهم يتعدون عليه حتى يجي دور عمار ويانه
حسان يعني اتفقتو ويا
آياب لا ننتظر اترك كلشي مصيرهم يجون برجليهم ويسلمون كلشي اخذو منك
حسان الله كريم
""""""""""""""""""""""""""""""""""""""""""""""
ليلى اكول لينا اخابر حسان لو خاف بشغلة
لينا تستحين من آياب ههههههه
ليلى مصدكين البارحة حلمت حلم مو زين ب حسان وظل بالي علية
لينا كولي يا الله اشبيج فالج على الولد
ليلى البارحة كالي قربت وراح يرجع بيتنه والكاع
لينا اي فرحي مو تفاولين عليه
ليلى بيت عمي يكتلون البشر علمود فلوسهم متروح من يوم شفت القبر الرمزي ل حسان كلبي وكف كمت الطم بلا وعي أجة ابالي اخسرت اخويه بس هو بقالي وخاف يكتلو ويفجعون كلبي بي
لينا لا تخافين عليه اخوج تحمل سنين وتعب على نفسه بالدراسة غيرهه اجتهد ووصل لأعلى مرتبه بالشركة ما ممكن يستسلم بسهولة وتردين الصراحة عاشت اديهم على الي سوو وياهم لأن بيت عمج ما انطو حق وحرمه لوصية والدج من وصى بيج و بأخوج وهمه بالمقابل طردو بالشارع وانتي ذلوج وضربوج وما احترمو صلة الرحم بينكم
ليلى اخوية يسوة الأملاك والفلوس كلهن كلشي عدة وراح ولازم ينسى ويرجع شركتهم هسه اخابرة
لينا لا توكفي ياخذ حقة بيدة شوفي هاي دنيا القوي متريد الضعيف انتي بعدج متعرفين الناس عدل ولا متعايشه وياهه ذيابة ومرات الذيابة ترحمج وتتركج بس الناس تنهش بلحم الميت ولو بيدهم يصيرون رقيب عليه
ليلى واخوية
لينا حسان سبع لتخافين عليه اني اكول ل بابا يخابر ابو حسين ويبقى بحمايته حتى يبرد كلبج وآياب ويا هههههه
ليلى لا تبسمرين خابري اوك
لينا اي (الصعوبة اتصل بأخوية اول مرة واطلب منه شي صح شعور حلو الأخ يوكف ويه اختة ويساندهه اني عشت وحدي دون سند ......)
حسين لينا شعجب مرحبا لينا شعجب مخابرة
لينا ازعجتك اسفه
حسين لا أختي حبيبتي مخابرتني لو عرسي اتركة واحجي وياج
لينا هههههه شكرا الك اريد مساعدتك بشغلة
حسين صاير وياج شي بس اشري احرك اهلة اليندك بيج غير اني من ضلعج
لينا متقصر حسان تعرفه اخو ليلى
حسين اي اعرفه شبي
لينا اهلة مهددي لأن همه حولو الشركة مالتهم خسرانه بأسم مديرهم واخته خايفه يكتلو
حسين عد عيناج خويه تأمرين انتي مو اطلبين اعتبري بحمايتنه كولي لأخته لا يظل بالهه اليندك بأخوهه اندك بأبويه
لينا متقصر مشكور
حسين لينا كلمة اخوية صعبة عليج ...... صعب انتي اختي ومتحجيهه أمي غلطت واخذت جزائهه وصارلهه يومين بين الحياة والموت يعني نهايتهه قربت طلبت اشوفنه ابوية وابوج مقبلو
لينا كرهتهه ما احب طاريهه أذتني واذتكم ابويه وابوك تأذو منهه ومن خيانتهه وطمعهه عمر الفلوس ما خلت الأنسان يكسب السعادة صح المال مفيد بحياتنه بالتعامل بس بالسعادة ما اعتقد انته اخويه وسندي اكيد وهالكلمه مو ثكيلة علية صدك شخبار زينب
حسين بفضل ابوج انخطبت من الأنسان الي اتحبة تغيرت هواي صح انصدمت بأمي الحمدلله عدت
لينا صدك يعني عمو ابو حسين قبل
حسين بالكوة قبل ابوج كعد يقنعه وجاب زينب تعتذر اله
لينا تستاهل زينب كل الخير اشوكت زواجهه حتى اجيبلهه البدلة منا هديه
حسين شيخلصج بعد اذا اكولهه ههههههه
لينا اني اخابرهه ومنا افتر بالمحلات واجهز الهه
حسين اي انتن تفاهمن
************************************
عمار اهلا حجي اليوم خطار يمي خيركم
احمد انته تعرف حسان عايش مو
عمار لا ما اعرف
شلال لا اجذب بالشركة مال صاحبك شفنا هناك هاي خطتكم الشيطانية اشلون دبرتوهه اشلون صدكتك وثقيت بيك
عمار حجي شركتك عند آياب تريد روحله واخذ شركتك
احمد لا تغشم نفسك يريد املاك ابو حسان وكاع فوكاهن يا الله يرجعهه
عمار حق حسان رجعو والكاع آياب حقه يطالب بيهه لأن دفعلكم كومه ديون
احمد فوكاهه تبرر الا اشتكي عليك والله وما ارحمك
عمار ولي منا تشتكي مجموعة حرامية ونشاله تحجون بالحق من تبوكون حق أيتام متعرفون هذا حقهم ومتخافون الله بيهم
علي شنو الي اسمعه انته متفق وياهم
عمار طلعو من المحل شركتكم عند آياب روحولهم هناك
احمد والله لا اكسرك والله
علي منعول الوالدين ضحكت علينه
منتظر عمي تتفرجون عليهم يضربو
حسان صارت عركة جبيرة بينهم كسرو عمار ونام مستشفى
آياب حمدلله على سلامتك ابو ياسر
عمار لك انته الله لا يسلمك من كلتلي تحضر للكتلة كلبي يوجعني من وراك ليش هيج مو خويك وصديقك
آياب يا حبيبي يا عمار وقت الحروب دائما شيحطون كبش فداء وانته صرت كبش الفداء
عمار كبش لك اني طلي كدامك تكسرت منو يوكل جهالي هو بس المطعم
آياب دزيتلك ولد ثقة يدير المطعم بس انته كوم بالسلامه اعرفك اسد هههههههه.
عمار جتفي كسرته انته بقيت اسد صرت بزون اويلي بس اطيب
آياب ههههههه تركص بعرسي خطبت اخت حسان
عمار جذاب صدك لو كالو من السكوتي موتي اشوكت
آياب صحيت ..... منو ابو حسين اهلا وسهلا بيك اشلونك
ابو حسين وبيك اكثر آياب طول عمري احترمك انسان كافحت وحدك و وصلت وحدك اجيت اساعدك واعتبرني بظهرك
عمار منين تعرفه
ابو حسين معرفه قديمة آياب جان احسن واحد وياي ذكي فطن وهادئ
آياب شهادة اعتز بيهه منك واشرف اني ادربت على ايدك وياي ابو حسين ان شاء الله
ابو حسين اكيد وحسان بحمايتي سبع ما ضاعت بيك تربيتي
حسان منين تعرف ابو حسين آياب وليش ما حجيت كل هاي المدة؟؟؟
آياب يوم من الأيام ..........
زينب صدك لينا لا اجذبين عليه تحبينه ......
يتبع ......