#البارت ٥٤
الارهابي وذات النقاب
ام غايب (العبوديه)
فلك :- بعد ما دخلت بيتهم لمحت الصوره وبقيت أباوع عليهه ..
رجال جبير لابس عكال باوعت عليه واتذكرت ميمونه من كالت هو حباب بس جده لاعب بعقله لعب .
باوعت علي بحقد وكلت الله لا يوفقك لا انت ولا حفيدك الساقط ، حسبي الله عليكم فجأه
سمعت صوت واريه شاهين :- شبقيتي واحد ماحجيتي علي حتى الميت ماخلص منج شنو نكول منهاره لو هذا طبعج
فلك :- صح جنت مو هادئه بس طبيعيه بس الي يدوسلي على طرف اكله
شاهين :- وهسه منو دايسلج على طرف ام علي احنه معتبريج منا وبينه ومانريدلج الاذيه
فلك ..انتَ هيج بس همه مو هيج
ام شاهين :- حمصه بالباب واكف ليش لا هو الطالع ولا هو الداخل وانتِ حبيبتي ادخلي للغرفه ارتاحي و ، وخري النقاب منج
فلك .. دخلت وياها الغرفتهه بيهه جربايه ام النفر وكنتور صغير ومكينه
ام شاهين:- انتِ نامي على الجربايه
رديت
فلك :- لا خاله اخذي راحتج
ام شاهين :- اصلاً ظهري يوجعني
فلك :- لا خالة فدوة
ام شاهين :- دنزعيهه خالة حارة الدنيا منو هسه هنا ؟؟
وخرت النقاب ام شاهين باوعت عليه ..
ام شاهين :- يا يمه ماشاءالله على جمالج بعدج صغيرة الله يعوضج ويرجعلج ابنج بالسلامة
فلك :- الله يسمع منج خالة أدعيلي فدوة حتى أذا غريبة أدعيلي كلشي ما اريد من الدنيا والله غير ابني
ام شاهين :- الله يعينج ويرجعه ألج وتملين عينج بي انطيج شي تلبسي ؟؟
حجيت واني أنزع عباتي :- لا خالة رحمة الله والديج لابسه دشداشه
كعدت على الجربايه ابجي على الصامت لشوكت ياربي شوكت تفرج تعبت حيل هم يجي يوم وأحضن حبيبي ونور عيني ابني ؟؟
اخ ياروح امك صارت شوفتك حسره بكلبي !!
تمددت على الجربايه ام شاهين فرشت فراش لحيت عليهه ماقبلت تصعد تنام على الجربايه
تمددت كلت شويه واكوم اغسل بس مدري شلون نمت وماحسيت على روحي صار كومه محرومه النومه فتحت عيني كعدت !!
فجأه حسيت احد طخني ؟
فزيت مخروعه وما اعرف ليش صحت ميمونه !! مع العلم نمت افكر بأبني
أم شاهين :-اسم الله اسم الله حبيبتي ندهتج عود على كيف ؟
فلك :- ماصار شي خاله .همزين كعدتيني مااتحمل اني انام وتغمضلي عين وابني مو بحضني احتقر نفسي .
ام شاهين :- الله يعينج بنتي ويلم شملج بي هاي بعد صار الي صار كومي غسلي واكلي
كمت سبحت لان حسيت محتاجه اسبح احس ما عندي اي نشاط .!!
جسمي خامل رجعت على ملابسي ولبست شالي وغطيت وجهي بي ، طلعت للمر جان طويل الحد مااوصلت للهول فجأه صار كبالي
شاهين
فزيت بشهكه هو كبل دنك ،
شاهين :- ما ادري بيج هنا عذريني ام علي
ووخر رأساً اني رجعت دخلت للغرفه لبست عبايتي وفرشت سجادتي وكمت اصلي واركع ودموعي تصب واتوسل يدليني بالطريق !!الصح ... جنت مندمجه بالصلاة وادعي واكول
يارب يالله يا سابع النعم ويا اعدل من حكم ، ويا حسيب من ظلم ويا فارج الهم والغم
ياكاشف الظلم فرج عني واجعل من امري مخرجاً ، انفتحت الباب ام شاهين جايبه
صينيه بيهه ريوك
كالت
ام شاهين :- جبته هنا كلت أخاف تستحين هناك
فلك:- رحم الله والديج خالة شبعانه والله
ام شاهين :- لازم تكومين تاكلين ميصير هيج اكلي كم لكمه على الاقل
طويت السجادة وتقربت على الصينية مااعرف ام شاهين فتحت كنتورهه تبدل يمكن اني دنكت بالصينيه كل ما اكل لكمه اغص مااحس اله واحد صاح :- عمهعمه وينج يمعوده استعجلي !!
اخذت عبايتهه وجزدانهه وكالت عندي معامله خاله اخذي راحتج هسه ام عزوز تجي باوعت عليهه رديت :- هيه منيه ام عزوز ؟
ام شاهين :- عزوز ابن حمايه وابني هم يعتبر همه هنا يمنه وعزلو بيت بصفنه بس هم اكثر الوقت هنا شرحت هواي هسه يرعص عليه لان تأخرت علي .
توهه طلعت رجعت بسرعه فتحت باب الغرفه وكالت ..
ام شاهين :- شاهين يكول خلي تجهز روحهه لان رايديهه بالمكافحة .
هية كالت هيج واني كلبي راح خفت حيل كلبي كام يوجعني كبل عفت الاكل طلعت هيه لان مستعجلة
ياربي ياربي شسوي هسه كلبي اخ ياكلبي !!ساعة السودة العرفتك بيهه الله لا يوفقك حسين كله من
وراك دمرتني الاول مره احس نفسي اكرهه دمرني ساعة السودة العرفتك بيه شحصلت من وراك ياحسين غير بس الاذيه .!!
بقيت كاعده اخر شي اندك الباب جان شاهين
شاهين :- ام علي استعجلي لازم هسه يدونون ويثبتون اقوالج علمود يرفعوهه للمحكمه
اعرف ومتأكده ميه بالميه هو صعدت بسيارته بالمقعد الخلفي اول ماصعدنه كال الفاتحه تسهيل للامر اقري جاوبتة :- اي كاعد اقره
طلع دعاء كميل يخبل وشال موبايله واتصل ما اعرف على منو
_ الو ها وين انت ؟
_ ها شعجب
_ لا والله عبالي تحجي ويانه
مجنت اعرف شنو الحديث وويه منو غير بس كلام شاهين الي لو اكعد للصبح هم ماافهمه واني بيا حال هسه !!
وصلنه للمكافحة اول مانزلت دخلنه وكعدت انتظر وهو واكف متجي ظهره ومجتف ايده وصافن ، عيون ميمونه وصوت علي باذني !!
...
ميمونه :- دخلت للعمليات اول شي كلولي اكعدي بغرفة قبل الدخوليه وراها صاحوني اباوع ع السرير وكالو المتبرع أجة جنت كلش خايفة !!
صعدت على السرير والي بصفي مبلشين بي مبين درت وجهي علي مجرد فضول اريد
أعرف جبير صغير مره رجال منو الي راح ينطيني ويتبرعلي بجزء من اجزاء جسمه ..؟؟
درت وانصدمت منو ؟
شفت خضر وويه سؤالي ضربة الابره. ما اعرف ابجي لو انقهر شلون يسوي هيج بله صار بي شي ..؟؟
..
فلك :- ماكو شوية وصاحو اسمي كمت وشاهين راد يدخل گلوله ميصير الأمن الي بالباب مال مكتب .
وبالفعل لگيته هو انطبگ الباب علينه جانت گباله حاسبه طبگها
فواز :-اتقربي ياحلوة ليش هذا البعد ؟؟
فلك :-شكو دزيت عليه؟
فواز :- تدرين شنو احلى شي نرفزتج تضيف رونق لعيونج
فلك:- ابني وين فواز ؟
فواز :- حلو حلو عرفت اسمي الحلوة .
فلك:- ابني وين فواز راح اموت تعبت تعبت من عدم وجود ابني ؟!
فواز :- وكتلج الحل يمج كون من تمتعيني على اخر درجه للذوبان هيج اريد اذوب بين ايديج ههههههه اريد ان اضع رأسي في صدرك
رصيت على سنوني
فلك :- ليش دزيت عليه شتريد هسة يلله بس رجعلي ابني والفيديو !!
فواز :- عندي شغل اليوم مزدحم
فلك :- باجر وخلصني كالي ، فجأه خله ايده بچيبه
فواز :- موبايلج ديربالج تلعبين بذيلج منا منا ترى گلبج يمي من الاخير
لا حقق وياي ولا اخذ افادتي من جديد ، يضحك عليه هنا اول ماطلعنه سألني شحجيت گتله مثل كل مره گبل دار وجهه
فلك :- اقصد مثل ذيج الـ مرة
شاهين :- خابرني خالد ارجعج بالبيت اله يمهم ؟
فلك :- هو منو حتى ميقبل ترى ميصير هيج والله
شاهين :- تتجاوزين هواي تره حتى إذا متعرفي فالاحترام واجب ..؟؟
...
ميمونه :- اخر شي اتذكره هو لمحت خضر بالعمليات فتحت عيني موجوعه كلش واصيح
من وجع مكان العمليه تذكرت كلام خضر من كلي اول متفتحين عينج تلكيني فوك راسچ
كمت اهمس خضر خضر صوتي كوه ينسمع
ادير بوجهي على كيف شويه شويه ادوره ماكو شفت الغرفه الي ناقليني بيها تختلف عن
هذيج هاي بيها سرير ثاني لحد ما اجتي الممرضه والمترجم تحمدولي بالسلامة .
كلت
ميمونه :- خضر وين ؟
كالولي خضر بعده بالعمليات شلون اني صحيت وشوكت هي العمليه احس ؟
وجعي بكوم وخضر ما اعرف عنه شي بكوم شنو بالعمليه ومنو كله يتبرع الي بقيت الخوف مسيطر عليه !؟
والوجع ويا ابچي اخر شي انهاريت كمت اصيح اجت الدكتوره تكلي طالعه من العمليه صعبة طولتي ساعات
مو كم ساعه يله كعدتي وهسه تصيحين ميصير طبعا المترجم يترجم وياها ..
ميمونه :- زوجي وين؟
جان تكول :- زوجچ بالعنايه المشدده
ميمونه :-ليش
:- طبيعي لان اول مره يسوي عمليه
بهاللحظه دخلت علينه بنيه هم عراقيه حجت ويه المترجم حتى يكول للدكتوره بس شنو بسرعه تحچي عبالك واحد يتسابق وياها كالتله .
_صار ساعه ادور عليك بيبي يمكن ضغطهه لو سكرها وماما كالت اصيحك علمود تفهم الدكتوره
المترجم كللهه روحي واحنه نجي وراج ..
وبالفعل محصلتلي جواب يريحني غير بس الدموع هم وجع وهم خوف وهم حزن ..!
على خضر بله لو مسوي بروحه شي شسوي اني شستفاد جنت مخليه الكلاده الي اشتراهه الي هناك جوه المخده هسه بعد ما ادري وما اكدر اشوف واتوجع .
بالصدفه مرت نفس البنيه عليه جان الباب شويه مفتوح
_السلام عليكم
ميمونه :-وعليكم السلام
قبل شوية من اجيت علمود الدكتوره تفاجئت انتي عراقيه مادري حلو على اقل واحد يحس نفسه مو غريب جانت جايبه وياها ماعون فاكهه
بقيت اباوع عليهه بدون مااحجي بنيه شابه متوسطه حنطيه صاحبه عيون سود كبار رموشهه جنهن مكناسه
كالت :- تعرفين اول ماشفتج بقيت صافنه بعيونج لونين شلون ترهم ؟ ، بس هسه من ركزت بيهن حلوات
ميمونه:-عيونج الحلوه
ردت :- واخيرا يمعوده حجيتي والله عبالي خرسه شنو ماكو احد يمج !؟
ميمونه:-زوجي بس هوه هم دخل للعمليات علمود تبرع الي وماكو
_ اكول عيونج بيهن حزن وخوف ياروحي الله يشفيه ويشفيج يعني ماكو احد وياكم ؟
ميمونه:-لا اجه وصار هواي من سويت عمليه وفشلت جزء من الكبد تلف والباقي هم يتلف سريع ..
_ اوي ياعيني عادي اعرف اسمج ؟
ميمونه:-اسمي ميمونه
غدير :- اوي حلوو اني اسمي غدير ولتكولين اسم ولد هوه للاثنين
ابتسمت رجعت كالت
غدير:-عليج الله اي شي تحتاجين كليلي لتخجلين
ميمونه :- بس اسئلي على خضر زوجي
غدير :- خضر يبوو يبوو "تحجي وتضحك" لاتزعلين بس والله تذكرت واحد
جانو بنات وولد جامعتنه يصنفون علي بس هو شنو عيني ماسولفلج .
بقت تسولف واني هم مسطوره وهم قلقه لحد مارادت تروح كلتلهه :- بس حبابه تعالي شوفيلي اكو كلادة جوه المخده ماكدر اطلعهه
هي هم اجتني و طلعو مخليها ، جوه المخده لزمتهه وكمت اباوع عليهه اريدك انت مو
هاي الكلاده اريد اكمل عمري وياك ماريد اعيش بدونك شلون تسوي بيه هيج بجيت
اندك الباب عبالي البنيه غدير رفعت نظراتي اشوف منو جان علي كبل ابتسم
وكال
علي :- لك هلو ياب الحمدلله على السلامه من نكول بسبع ارواح تعترضين علية ؟
كلت
ميمونه :- شفت خضر شگالو علي؟
علي:-بعده وضعه ممستقر وماخلصانه المده المحدده كل واحد وجسمه أله بعد ٢٤ ساعه يالله يتحدد ، بس أنتي شدي حيلج وگومي ترى احنه هم جايين نتونس
بقو راشد وعلي
بيني وبين خضر واخر شي اجتي غدير دكت الباب گام علي بسرعه يشوف منو لان محد
يگول اني من نصيح ..
غدير:- السلام عليكم
علي:- وعليكم السلام
غدير:- اني عراقية أجيت ويا ماما وبيبي علمود العلاج لأن بيبي وضعهه تعبان
علي:- ماعدها غير العافية تشرفنا
غدير:-ميمونه اجيت اسألج خوما محتاجه شي؟
علي_هذا يسمو حجاية التنگال البنيه محتاجتج اني راح اطلع
ميمونه :- لايمعودة مالج علاقه بي والله ماريد شي مشكوره حبي
غدير :-لا والله اله اگومج
گومتني خطيه واني ماخليتها اي شي تسوي ألي بس گومتني وگعدتني
ميمونه :-فدوة بس شوفيلي خضر الله يوفقج وگليلي الحقيقه ؟؟
غدير :-ماشي تدللين ،
صدك راحت واجتي گالت مثل كلام علي بعده ممستقر وخلال ٢٤ ساعه يعني بعد ١١ ساعه ؟
حتخبل ياريتني ميته ولا هذا الموقف الي اني بي ويه الوجع والأدويه خدرت شوية جسمي .
بعدها استسلمت للنوم لان جنت كلش تعبانه من العملية والصوندات الي مخليها اذتني،سوده عليه خضر بذيج الايام ابد
ماخلاني احس او أدير بال ألهاي الشغلات
ولا خلاني احس محتاجه احد او احس ثقيله على احد ..
..
فلك:-اصر خالد أله اروح يمهم واني رافضه الروحه ، .مااعرف اصراره يخليني بدائرة شك مالهه اول من تالي .!!
فززني صوت شاهين
شاهين:-ام علي صح كلامه انتي اخت مرة خضر وباعتباره خضر متربي يمه ابنه .
فلك:-اني لا هنا ولا هناك اني اروح وحدي ماابقه .
شاهين :-ام علي
شاهين:-ام علي على اقل لحد مايجي خضر
فلك:-خضر هو دمرني؟
تعبني وحرمني من اختي وحياتينا ابويه وهسه اني وطلع زوجي مدري شنو الي خطف ابني رياض وين ؟؟ الكه كبالي ..
شاهين:-كولي يالله وتوكلي علي والله يسهله لو شكد ماجانت صعبه
كتفت ايدي واني اجر بأنفاسي
..
فلك:-شسوي والله متوكله علي...
شاهين :-لتتوقعين ماريد وجودج بيناتنا بلعكس والله بس اني علمودج بالفعل الناس الي متورطه وياهم احتمال عدهم ظهر قوي شنو رايج تكعددين يمنه ويه امي ومرت عمي وارجع اخذج هناك
فلك:-لا ماكو داعي ، وديني كبل بقت على هاي هو اني ماكو شي مواجهته
شاهين :-لتخافين ام علاوي والولد اله رجعه الحضنج وخلينه نشوف هم وضعج اقصد زوجج توفه او لا لان اذا توفه لازم تلزمين بالعده
اخ يازوجي شكد وجعت كلبي كمت احجي بكلبي اختنكت تاهت عليه معقوله هيج، جنت متجنب كلامك وحضنك الي احسه امان كله ماكو وهم؟
انت اكبر خيبه امل الي لو بس انت حبك الي صحيح اهم من كل البشر جان اني هسه،محسوده علي خسرت اب ورجل وحبيب بنفس الوقت جنت كلهن ياحسين ليش جذبت عليه !!؟
اخذت حسرات واهات احس فوضى بداخلي ثكيله بعثرات كل الحروف وجعت كلبي وتعبت كل اجزاء جسدي وعقلي لايستوعب كل هذا التبعثر والضياع والضجيج !!
وصلت لبيت خالد جنت امشي ورا شاهين ماعرف الشخص الوحيد الي بعد حسين كدرت اثق بي بسرعه ؟ ذنبي بس من اتذكرت الي سوا حسين ابطل واكول ماتوبين فلك !!؟
دخلت تلكتني مره مشايفتهه طويله وحواجبهه مشموره
شاهين-شلونج عمه
ام خالد-هلو حبيبي شلونك عمه شخبارك .
شاهين-والله الحمدلله شخباركم انتو ....عمه هاي ام علي اخت ميمونه
فلك-باوعت عليهه جاوبت بصوت نبرته تدل معاجبهه وجودي برفعة حاجب
ام خالد-اي ادري ....اهلا تفضلي عيوني البيت بيتج
انتِ وميمونه
دخلت جوه وره شاهين دخل للغرفه ....تذكرت ميمونه من سولفتلي على الحجيه شكد حبابه بوسهه وكعدت
كلهه يمه هاي ام علي اخت ميمونه
حبوبه-ياااااه ام لونين
شاهين-بابتسامه .....اي ام لونين وام تك وتك
حبوبه-تعالي يمه خل احبج .....
فلك-دنكت عليهه بوستهه ....كامت تسولف وياي وتضحك واني وين بهمي وقهري الي مينحمل
والاصعب ضياعي الي نهايته مو واضحه ....نهايتي الي ننقشت خطوطهه وحروفهه بدون رغبه ...الي تقودني للجحيم .....والي استهلكت كل بقايا باقيه الي من جسدي الى ان اصبحت شبه موجوده
مر يومي بالعزله تعرفت على رسل مبينه حبابه بس فضلت اعتزل وطلبت منهم حتى مااضطر اشوف.... الي بسببهم واتهمهم بالصار بيه وبأبني الي انحرمت منه
حبوبتهم طيبه بس تلح هواي واني مو مزاج اسمع اني روحي كوه طايقتهه جنت متمدده راسي احسه طبل كل شويه اعيد الصور والذكريات حياتي وياهم حتى حسين اول مشفت صورته ورم كلبي .....خلصت اليوم يمهه كله وطابكين الباب كلولي نعزلي هنا ترتاحين
حبوبه- يمه فلك نمتي
فلك-ها حبوبه
حبوبه -شجرالج يمه ليش تنامين
فلك-منايمه حجيه
حبوبه-والله يوم المالولي عن ابنج انهمش كلبي عساهم بحظهم وبختهم تطلع الضنه صعب
فلك-اخ يا حجيه والله نار بكلبي
الحجيه -صبري ييمه واوكلي علي وتهون
فلك-والنعم بالله
الحجيه-هاي بت اصول وابوهه الكل يشهد باخلاقه
فلك-باوعت مدري ليش ابتسمت مع العلم نرفزتني اني مو متقصده بس احس انهياررر بداخلي على وشك ينفجر من الضغوطات الي مر بيهه ..استمرت راني اباوع عليهه
حبوبه-وهاي المره رجلهه شالع كلبهه متحملته على كلشي ويا عل حلوه والمره جان يأذيهه هواي
وكل ميأذيهه متحجي ومن يشوفهه ساكته ومتحمله يزيد بأذيتهه .... الحد مافديوم طلعت للسوك سمعت بطريق الصدفه عن مره تحجي بهاي اللعابه لعابة الصبر بس كلتهن يمه سمعني زين هاي لعابة الصبر تتحمل كومة هموم بس اذا زادت عن حدهه تنفجر باليشكيلهه
زاد رجلهه بأذيتهه اكثر وولا يمه الحد ما شافهه تروح كل ما يضوجهه المكان
فلك-خبربه شسويتي بالقصه هيه بنت
حبوبه-يااااه يمه انه خربطت بيهه دهر صابج وفلش راسج انه
فلك-كمت كعدت على حيلي ...ابتسمت ...ياااحبوبه زعلتي
حبوبه-ولج فلك الفلكج وفلك طرج وفلش اركبج
انتي وين ام لونين وين ففدوه رحتلهه
فلك-ابتسمت ...حلوه من تزعل ....حجيه والله مو قصدي بس همه مسولفيلي هيج
حبوبه-مايفهموووون انه هاي القصه حبوبتي مسولفتهه الي
فلك-كملي حبابه انتِ خل اسمع شو كتلني الفضول اسمعهه
حبوبه -ولي ولي يمه ولي .....تتمضحكين عليه
فلك-ويني وين الضحكه يحبوبه ...ليش بقالهه اثر حتى بداخلي ماتت وكلشي مات وياهه
حبوبه-صبري يحبيبه صبري جا ليش احجيهه الج
خل اكملج
الفار كام يلعب بعقله وراقبهه ودخل وراهه كاض سلاحه لهناك وجان يوكف ويسمعه تحجي وتبجي وكل هذا وتكول ماريد شي ياربي لتأذي اهدي الي والجهالي
فلك-فوكاهه ....الحقير تدعيله ...وبجيت
هووووووو هم أذاني
حبوبه-يمه فلك لج فليكه سالفتي سويتيهه زوليه عوذه متنجرعين والله لو يمي قريبه لهفج على راسج
فلك-حبوبه ناررررو هنا حتى المي البار ميطفيهه يشعلهه اكثر
حبوبه-اذا كاطعتيني بعد اهفج بعوجيتي
فلك-والله توبه بس خلصيهه حبوبه
حبوبه-شاف اللعبه مثل الي تريد تنفجر عليههوهو مال اني هاي المره تحملتني عمر وكله بسببي الصارلهه
ركض عليهه وحماهه
الي اكله كله الج صبري وتوكلي على الله والله ميخذل البشر يخذل رب العالمين وهو متسامح
فلك-ونعم بالله دك موبايلي وهدوء والحجيه كاعده طلعت للمطبخ جاوبته صوته جان خشن ومبين نايم
فواز -باجر اريدج عروسه الي ومو اي عروسه ماريد التقليديات اريد تفهميني وله تعرف ابنج ومقطع
فلك- ماشي ....وين انطاني العنوان كتله هذا هو وكبل سديته الله لا يوفقك نذل حقير انهاريت اكثر فتحت الباب مال مطبخ وطلعت بالطرمه كعدت
ابجي قريب عل باب مال مطبخ ثنيت رجلي الصدري وغطيت وجهي بحفوف ايدي الحد ما هدأت
تذكرت الحجيه من سولفتلي وكعدت احجي كانما هيه موجوده
جانت بالفعل فضفضه وصراحه عن اوجاع بداخلي
متبعثره غمضت عيني واستذكرت من جنت طفله حالمه
احلام ويه كلبي تبعثرت
فززني صوت الكحه شهكت حتى بدون حجاب جنت طالعه فتح لايت موبايله ....
فلك-عييييني انعمت وخر اللايت ملابسه حجاب
ردت ادخل منعني
سلمان-سمعت كلشي
فلك-باوعت علي ....اصلا محجيت شي خاص
سلمان-تجاوزتي عليه
فلك-انت بديت تتجاوز ووخر منا لاهسه اصرخ
سلمان-تهدديني ...وبعدين بدون تهديد اني جيتج اسف لان هيج حجيت عليج وانتي
فلك-العفوووووو كملت
سلمان-انت فضيعه اقنع روحي انتي مو هيج
فلك-مو هيج ليش شنو بقه بيه حتى اصير هيج لو هيج
اني ابن عمك فلشني اني واختي حجيت بحركه صعد اللايت على عيني
سلمان-هاي ليش هيج دموعج
فلك-ليش ااااااه اه يالله بعد اكو اكثر من الي صارلي
سلمان-اللسانج طويل هو جايبلج البلاوي
شايف شنو معنى تعبش مصيرك مرهون باوراق تتساقط
وتمشي على حافة الهاويه متعرف بأي لحظه توكع
سكت مجاوب عفته ودخلت بقيت انتظرت الصبح يطلع
اريد ابني واخلص وسمعة ابني الي يتدمر بسبب هذا الفيديو الي طمني سمعت صوت سياره والي عرفته سيارة خالد
طلع همزين لبست نقابي ورحت للمطبخ كلت خاف يغدر بيه عل فيديو اموته واكسر الفيديو واطلع
رحت للعنوان الي دزه الي همزين جان البيت سنطه
وصلت لان جان قريب مو بعيد على حسب الوصف وهو لكيته بالباب
لابس تراكسود اتفقاقه وياي من التقينه اخر مره يوم كامل ويسلمني ابني ...من كثر التشويش ماافكر واصلا ماعندي مخرج لان شرفي بالحالتين
البيت اغرب من الغرابه كلهه ....قديم بي منور بالمقدمه شطوله حسيت فلم رعب
اول مدخلنه سحببني علي ووخر نقابي بسرعه حتى حسيته راد ينشك وكام يبوس بيه من شفتي وصوته مو طبيعي
اني لعبت نفسي ردت حتى اتقيء بحلكه اتقيئت
وهو كام يباوع عليه رحت غسلت وجهي واباوع على روحي مااكدر مااكدر ملشت شعري
من مد ما تهبلت واكتم الصوت بين نارين ياربي نارين
طلعت ودخلني الغرفه كلي لبسي ذني
فلك-مااكدر
فواز-وحمره خفيف
فلك-مااكدر تعرف شنو مااكدر
فلك-شنو متكدرين تلعبين عليه وسحبني من ايدي
ردت اطلع من الباب دفعني وكعت بالكاع وراد يقفل الباب اني كمت بسرعه دجيته بظهره هو كبل صاح اه ه
حسيته مثل الاختنك اني تبعدت وايدي ترجف واني اتبعد وهو يخاول يكلي شي
حسيته ديكلي طلعي السجينه اختنكت بقيت حايره
والهث عبالك جنت اركض طلعتهه لان شفته كام يختنك كلش
ويه لزمتي للسجينه انفتحت الباب انصدمت اكثر وفواز وكع من طوله .....مااحس اله اجه مثل اليركض باتجاهي من الخوف ردت ارجع مااحس اله بحركه سريعه جر السجينه مني
مااحس اله دخلو علينه المكافحه ووياهم ......يتبع
الاغنيه وموعد النشر الجديد بعد البارت
✂️✂️✂️✂️✂️✂️✂️✂️😍😍🎤