عشك أبن الغربية

بارت 15

بارت 15

بقلم " فاطمة الدليمي" 💙

أمات الحبُ عشاقاً،...
وحبك أنت أحياني، ولو خُيِّرتُ فى وطنٍ ...
لقلتُ هواكِ أوطاني...

..........

هالة : هذا اسواري جان ضايع ...شجابة عندك!!

حسين: لا مو اسوارج شوفي زين ..
هالة: والله ميختلف عنه بشئ كلي شجابه عندك.

حسين : صح ميختلف عنه بشئ    بس مو هو ..لان اني صغتلج..واحد نفسة بس من ذهب .. وكتب حرفي وحرفج بظهر الفراشة البي...هاي اول يوم شفتج بالانفجار .. وكعدتي تعقمين ايدي ..
ورة ما رحتي شفته واكع منج..

هالة: صدك ولهسة محتفظ بي .. تدري شكد احبه ..ابد ماجنت افارقه دائما البسة ..ما اعرف ليش اتفائل بالفراشات البي.

حسين :: هههه هو من وكع من ايدج  وكَع كَلبي  وعكَلي   وياااا ..شلون تريديني  ما احتفظ بي ..حلوو نازك لايكلج..

هالة:   اممم ادري يلوكلي ..
حسين: اممم لهساع زعلانة ... عندي خبر الج يخليج انتِ تراضيني مو انه اراضيج ..

هالة: تحلم .. ما اراضيك ..
حسين : نشوف ...يلة كَومي روحي جنج حلتلج الكَعدة .

هاالة: اني .. مو انتَ كعدتني بالجبر ...وخر
كمت  زعلانه  اريد اطلع ..
جان يصيح وراية ..

حسين: هههه شكد احب استفزهة ...يولي قبل لاتروحين عود انتِ ناجحة بس بقى امتحان اليوم ما ادري بي ..

هالة: من كالي ناجحة رجعت عليه .. الله عليك  صدك صدك  تحجي ...

حسين : تراضيني يلة اكُلج صدك لو لا واكُلج تقديرج بالمواد هم .

هالة : يبووو شكد استغلالي ... عمي مصاحبتك بس كُلي وريح كلبي.

حسين : نووو موهيجي تصاحبيني ..

هالة: خرب .. رحت اتمشى يمه بخطوات متمايلة ..
وطوقت ايديه ع ركَبته .. يا حبيبي شلون تخلي مريتك .. قلقانه وتفكر هواي ...
اني مو خطيه .. هااا .... عود اسبوع القادم عرسنا ...
وراح تخليني .. افكر بالنتيجة ... وانساك .

حسين : شكد حيالة .. صدك ضحكتني ...... بستهة من خدهة ..

لزمت خشمهة بيدي وعصرته ... 

هالة:: من عصر خشمي .. بسرعة وخرت منه..
اخ ... والله هو صوجي اني .. هل الدرجات هم ما اريديهن ... هو هيجي .. عود  كاعدة اسويلك اجواء ....

حسين :: ام الاجواء هاي لان علمود نفسج ..
هذا عقاب الج حته من تذكرين ... بعد لاتلبسين هذا الغضب ..

هالة: اكَحز غادي بعد ولا اجي عليك ..

حسين : ههههههه عفية صايرة تحجين مثلنا...
بهل الاثناء اندك الباب ..
وهالة يمي مطنكَرة ..
تفضل ..

احمد: رحت ع حسين .. ودريت هيلة يمه دكيت الباب .. ودخلت .... صباح الخير ..

حسين: هههه صباح النور .. ما عرفتك .. هاي من شوكت دكوا للباب . وتدخل ..

احمد :  اولا  عندي احساس .... وثانيا ما احب اشوف مشاهد غير مناسبة ..

هالة: خرب بنصكم عفية ناس حجيهم كله مقصود ..
اني اترخص مع السلامه ..

احمد: الله وياج يابه..... والله زين هيلة هم عدهه احساس .. وراحت ..

حسين: هساع عوف هالة شكو جايني شتريد ..
لاتنسى ترة انه بالدوام .. مو بالبيت كل شويه ناط بوجهي ..

احمد : وانه  ميت عليك بس عندي خبر الك ميتحمل التأجيل ..

حسين: خير ياربي هو انه اعرف ما وراك غير بس الاخبار ..

احمد: هذا زياد الغثيث .. اخو نحلة ..اجاني للمختبر ..
ويكول نريد نحلة تجي يمنه تكَعد ..راح ينطيهة بيته ..
الي بصف بيت اهلهم .....

حسين: عجل بيوتنا شبيهن ....    . ويريد ياخذها ..
صدك هو عليش ما يجي يحاحيني ..

احمد:   خيولي ابو الوصخ... ابو رثعه  ماتعجبه بيوتنا ... وصاير ادمي براسي ......عود ما مرتاحة يمنه .

هي لو موليه مسافرة ويا فرات ..ما جان اخوهه تكَوه علينا ..

حسين:      هههههه  وين يوديهة هو مسافر بشغل .. عدها بيت وتنجعم بي ..
عوفهم لاتردلهم .. ولا تحجي وياهم .. خليني فرحان بعرسي .. وبعدين اتفرغلهم ...
وانتَ ادري بيك .. تريد حجه حته تتكَاون وياا..

احمد: والله مو بس اتكَاون وياا وانطي جم كَفخة معدلة  تلوكلوا ..حته يصير اآدمي..

حسين: دير بالك تتكَربلوا ..يلة هساع اطلع عندي شغل..

...................

هالة:   طلعت من حسين  واني مغندبة  ..   شفت  نور  جانت  تنتظرني بالحديقة ..

نور : جنت انتظرج يلة امشي نروح ناكل ..

هالة: ما اروح خل نرجع للقسم احسن ..
صدك .. نور عود انتِ معزومه ع  الحنه اسبوع القادم .

نور : بالخير عليج حبيبتي .. اعذريتي ما اكدر اجي العينتين ميقبل ..
انتِ شراح تلحكين .... بهل الاسبوع ..

هالة: ماعندي شئ كلشي مكملة . بس كم حاجة بقن اشتريهن ....براحتج..معذورة ..

............

هالة: رجعت لبيتننا وبهل الاسبوع . كلشي ما افتهمت .... .. كلشي بسرعة صار .....وحساني صارلي يومين ما محاجيته .. قفلت موبايلي وعفته ...
انه اعلمك... الما اخليك تتشعوط عليه...

حسين : اتصل ع هالة وموبايلها  مغلق . بالاخير اتصل ع مصطفى ...

مصطفى : جنت دا العب باللعبة وداخل هجوم .. وحسين اتصل عيلة ...
ياهلا باابو يوسف ..شلونك.

حسين: هله بيك زين الحمد لله اسأل عليكم ..شلونكم..

مصطفى: هههه متأكد تسأل عليه ...
عمي اني محد يسأل عليه اذا مو بشغلة .

حسين: ههههه شنسوي موزين تمشيلنا شغل..
صدك هالة وين .. موبايلها مغلق خير خما اكو شئ .

مصطفى : .والله ما ادري بي اذا مفتوح او مغلق ..
هسة اشوفها..

حسين: اي والله علواه ...

هالة: جنت كَاعدة بالغرفة اعزل ملابسي ..ودخل مصطفى ..

مصطفى : ولج موبايلج وين ... هذا حسين ضل باله عليج .. هاج ... احجي وياه.

هالة: انطاني الموبايل وراح ....عود زعلانه احجي بثكل ..نعم كالوا رايدني ..

حسين : نعم الله عليج ... شدعوه يابه .. علكيفج علينه .ست هالة ..  عجل وين   راحن الاجواء

هالة : هههه راحن ويا اهلهن .. يوسف شلونه شكد مشتاقتلةة .

حسين :  هههه شكد لوتيه  يوسف زين .. هو هم مشتاكلج بكد رحمه الله..  بس انتِ تبينين ناسيتوا.

هالة:  والله هو بعقلي وكلبي ... شسويله اذا هو يحب يضوجني .. خل يتحمل نتيجة افعاله ..

حسين : هههه يابه متحمل ..يلة البات فات انسي الزعل ...شلونج شخبارج ...عجل موبايلج .وينوا .

هالة: زينة ااحمد لله  .. موبايلي سادته ..
انتَ شلونك ..

حسين : بالله يهالة انو اتصل عليج ويطلعلي مغلق ..
موبايلج اكسرة ... .. حته من صدك تظلين بدون موبايل ..

هالة:      ادري بنفسي غلطانه .. وهو من حقه يصير عصبي    ...وهو نفسة عزيزة ما ادري شلون سسواها واتصل ع مصطفى هاا اشو بدينا التهديد ...

غير ادلل ع العشك.. شعندي غيرة ... اكو واحد يزعل ع االحب مالته

حسين : يابه ادللي ع العشك منو مانعج بس مو هلشكل ...ظليت قلقان عليج..
اوف الحب ... شعوط كَلبي ... شوكت يصير يمي ..
انطيتهة شعر......

(((هزني الشوگ عالموعد اتانيك...
.. وأعد بيدي الدقايق وحده وحده ...
وحده .. اثنين .. هاي الثالثة تروح ....
. اتاني وصار هالموعد اشبعده .....واريد اكله انه احبه)).

هالة : احم احم عود اني استحي ..
حسين : هاي للعشك مو الج ....
هالة : هههههه ... هو العشك هم يحبك .. انتَ وبس..
شدسوي ماتسوي ...

اخ لو  اصير طير وعندي جناح
واروح ع معشوكي واشوفة وين راح....

حسين: ههههه جاي احظر للعرس لان راح نسوي  هين حنه وعرس بيوم واحد ..

هالة: شلون تسووهن والعروس ماكو..

حسين: شيسون بالعروس المهم يركصون ويتونسون..ويعتشون  ويرحون ...

هالة: هههه والله ما ادري بيكم ..يلة مع السلامه .. بعدين احاجيك ..

حسين : الله وياج ..عود افتحي موبايلج ..

......

مصطفى : اني سامع  العروس قبل لاتتزوج ..تضعف .. بعد متاكل .. اشو انتِ  الحمد لله صايرة بالعكس .. والحلوة .كَاعدة تأكلين مريسة ..وباجر حنتج.

هالة: عوذة .. دعوفني خل آكل ..وين رايحة قابل راح اتزوج بجزر المالديف ...اشو هو هنا الطريق ساعتين .. واني يمكم..

ام محمد : يمه شبيك عوف اخيتك .. هو الواحد عافيته بلكَمته ...بعدين انتَ شعندك يمنه ..

مصطفى : استلم حجت الداخليةة.. اروح احسلي .. لان
بعد ما اخلص منجن.

.........

ام محمد:  خية اليوم حنة هالة  واني كَليبي محترك عليهة ..شلون راح افاركَهة ..واحنة متعودين عليهة ..

ام عمر : شبيج يا عيني هي كل بنية مصيرهة الزواج وتترك اهلهه ..قابل اول وحدة ...يله استهدي بالرحمان ...وامسحي دموعج .. يبينون جوي ...
لاتبجين كَدامهة وتخربين فرحتهة ..

هالة: رجعنا مصطفى من الصولون ...حيل مبين عليه ضايج ومقهور ...انوب امي هم تلكتنه دموعها بعيونهه .

ام محمد: ماشاء الله يمه تبارك الرحمان ..شبساع كَبرتي ذاك اليوم جنتي بحظني ... حصنتج بسور سليمان ..

هالة: اني هم مقهورة عليهم بس شسوي .. خل شويه اطلعهم من جوهم..

ههههه يمه الي يسمعج يكول طالعة الملكة اليزبيث ..بعد شكو غير سور سليمان .حصنيني ..بسنون نعمان ...وخشم ذبان ...وايدين عدنان ..بعد هم اكو..

ام عمر : ههه يمه شبيج اكو عين ماتصلي ع النبي ..
ام لسان ...حقهه امج ما تعوفج..

الاء: اجوي اجوي العريس واهلة ... يلة بنات استرن نفسجن ...لاتبقن هيجي ..

احمد: يول حسين انه ما ادخل وياك استحي ..خاف عدهم بنوات .. راح ابقى هين بالسيارة كَاعد.

حسين: هههههه هذا منو اليستحي ..مستحيل انتَ احمد ..عمي مبدلينك .بواحد خجول ..

هالة: دخلوا حسين واهله بالاستقبال.. بويه اليوم شطالع ..بالله غير احله مني ..لابس دشاشة بيضه موديل خليجي .. وغترة بيضه وبيهة خط ذهبي

اجني امه وعمته وخواته ...سلمن عليه وكَعدن مقابيلي ..والعينتين كَعد بصفي ... والعطر الي مخلي يسطر واصل لسابع جار.. .

حسين : شكَد نسوان والله دخت  حكَوو احمد يكول استحي... والعيون  كُلهه متجهة عليه ..

يولي قزومتي اليوم شطالعة جنج كَمر..

هالة: ههههه لا لا اني احله منه بشويه ...انتَ هم طالع صاك تخبل ...

حسين : هههه ولا يهمج احلى منو ....  هساع انه اخبل ..
انوب الحلوة كلهة تصيح..

(( لاتستحي من امهه وعمتهة واخذلك بوسه من عدهه))

بستهة من راسهة .. بسرعة .

هالة: كَوة لزمت نفسي ما ضحكت عليه ..بصوت عالي ..خطيه سطرنه.

ههههه هسة منو اليرجف ...ويستحي .. اني مو حلالك .

حسين: يولي تضحكين عليه .. ابقي متسبعة بيهن انه اعلمج بعدين ..اشوفوا منهو الي يخلصج ..

هالة : نعله ع ابليسك بس يبسمرر...
لعد يوسف وين خل . اشوفه

حسين : هو انتِ هذا النادرة بي بس تغيرين بالموضوع ..يوسف يم عموا برة ما اخلي يشوفوا لهل كَمر ...

هالة: ههههه ليش بله ... تغار
حسين :  غيرتيش.. وانتِ هذه بدلتج ماينكال عليهة سلام عليكم...

هالة: غير عروس .. واصلا ماكو احد بس بنات..

حسين : رضيت  بالله عروس.. بس انه مااقبل واحد يشوفوا لجسمج .. حته لو بنات ..
انتِ  كُلج  الية وبس.

علا : يلة عيني كَافي بسبسة ترة احنه هم النه نصيب بيهة مو بس الك..

حسين :  احجي بيني وبين نفسي خرب بحظج علا ...
يعني انه شسوي بلسانجن ..الي ماتعرفين تكَضبينوا ..

هيا: اي والله صحيح كلام علا ..

طليعة : شو اكَحزن  غادي خل اهوس لحبيب عمته ..

(((جدك يسطر العايل ع العين سبع جدود الك والناس الها جدين .....

اميرة وبنت امير واحنه ردناها وذبينة شبج بلكوه صدناها ....)))

يلة عيني نترخص منكم لان احنه هم ورانه طريق .. وعرس..

هالة:   حنتي كلش حلوة صارت باركولي اهلة ..
وعمته طليعة  .. لبستني محبس ..
من هذني مال قبل ابو الطاقية .. بي شجذرة لون  فيروزي ..كلش حلوو

خلصت حنتي وكلمن راح لاهله ... كلنا كَاعدين ع العشا بس محد اله نفس ياكل كلها حزينةة..

اني هم خليت ورحت لغرفتي ...
ورة شوية امي وابوية اجونه..

ابو محمد: هااا بابا خما نايمه ...
هالة: لا كاعدة تعالوا.

ابو محمد: اسمعي بابا عندي حجاية وياج  واريدج كلج اذن صاغية للراح احجي ...
هسة انتِ تزوجتي ..وان شاء الله   تتهنين بحياتج ..الجديدة .. اريدج مثل ما هنا رافعة راسي ...يم عيالج هم ترفعين راسي ..

واهم شئ يوسف اعتبري ابنج مو ابن زوجج ..
وهو هم يتيم .. صيريلة ونعم الام .. ترة هي الام الي تربي ... وباجر  انتِ هم الله يرزقج ..
ولاتنسين الدنيا حيات وممات ..يعني هم الله ينطيج ع كد نيتج ...

والبيوت اسرار .. يعني شيصير بينج وبين عيالج او زوجج .. لاتطلعينه لاحد ..وتحجين .باسراركم ..وتدخلين طرف ثالث بينكم.... الا اذا الموضوع طلع عند حده لاسمح الله..

اني جنت اكدر اخلي بس امج تحاجيج ..
بس حبيت بنفسي انصحج ..
وهسة ارتاحي ..

هالة: كلامه فعلا اثر بيه حته دموعي نزلن ...حته امي هم دموعها نزل وبسرعة كَامت

.........

حسين: ورة ماخلصنا من العرس والحنة .. خابرت ع هاالة ..من ردت مبينه جانت تبجي ..هاا يولي
كاعدة تبجين  وانه عبالي جاي تركصين

هالة: ورة ماطلعوا اهلي خابرني حسين .. فعلا اتصاله اجة بوقته  جنت محتاجة  احاجي ..
لا باجية ولا راكَصة كَاعدة وساكته ..
وانتَ شدسوي .

حسين: عجل زين اذا كاعدة ....
خلصنا  الحنه العرس وكلمن راح لاهله ..

هالة:: ههه عرس بدون عروس..هم ركصت ..

حسين : هههه اكيد ركصت .. شعندي  ما اركص..

هالة: صدك ... الله  عليك دزلي  مقطع فديو خل اشوفك ..

حسين: نووو ميصير وياي اصدقائي ..

هالة: ما اباوع عليهم .. بس اشوفك الك..
حسين:: هاي وين صايرة .. هو احنه كلنا طالعين ..
راح ادزلج بس مالتي اني واحمد
نلعب ساس..

هالة: انتَ تعرف تركص ساس ؟؟

حسين: اي اعرف ... ركَصتنا المشهورة .. هاي تراث ..شلون ما اعرفهة ..

هالة :: هههه والله زين .. يلة لا تيه السالفة دزلي خل اشوفكم..  يلة تصبح ع خير لان ميته نعس

حسين : وانتِ بخير يابه .. نامي نامي ارتاحي .

....

هالة: ورة شوية دزلي المقطع .. فدوة شكد حلووو
وركصهم يخبل ..مسوين العرس بحديقة جبيرة ومالينهة اضوية الوان . اكثر من مرة  شفت الفديو.

.............

حسين: يلة فظونه راح نتاخر ورانا طريق طويل ..

احمد: يابه هو انتَ صبرت صبرت عليش هساع مستعجل ..ندري اليوم عرسك..

حسين: نشوفك من تتزوج ..تكَوم تصيح زفوني ما اريد العشه ..

احمد:: ههههههه انه ما اسوي عرس ...يلة امشي كملنا ..

.....

هالة : اليوم العرس ... بس شكد حلوو الزفة تصير الظهر ..لان نروح لاربيل ..
كملنا كلشي بسرعة ...    لان ورانه طريق   ولازم منتأخر . وبقينا ننتظرهم ..

ام عمر: اجتي الزفة ...

...................

🌛🧡انتظروني 😘😘بالبارت 💥💥القادم 🧡🌜