#يومآ بعد يوم باللهجه العراقيه(مكتمله) احلام السعدي

البارت 31

السلام عليكم...ادري هذا البارت قليل...ولازم باجر انشالله انشر...

بس اليوم حنشر هذا...وباجر انشالله انشر البارت الثاني....

وصحيح بعد بقت بارتين او ٣ وتخلص القصه....وتخلصون منها عاد...

ولاتنسون تدعمون هذا الشخص...
اتمنى منكم تدعمو...لان خطيه مبتدأ....sagadkazm1998

..................

دخلنه للشقه....وضل يصيح عليه لنعل ابوج لاابو الخلفج...وبس يحجي....

ماحجيت شي.....

كالي..بله دوري...بالشقه شوفيها خاف واكع....

اني واادور...صاح عليه...اني اتعب بالفلوس وحضرتج تضيعين كلشي.....اول شي بيتي الي حترك بسببج...وهسه الكلاده....

....باوعت عليه..بقهر...

رفع ايده بعصبيه.....دوري لااهبدج هسه....

ضليت ادور...بس ماكو فايده...

شبر....رتاحيتي هاااا....لج شكو تاخذين وياج شي ذهب....

.....هسه يعني شمدريني اني...بس كلي..ليش اني طالعه...

شبر....دائما تحصل بوك  مو بس هنا اي مكان بي تجمع...

بهل الليله هاي....ماسكت ابد..بس يحجي عليه...

عاد نفذ صبري.....صحت عليه....اييي...كافي عاد...اني انطيك فلوسهن....ومااريد بعد تشتريلي اي شي...ومااريد منيتك بعد....والفلوس الكلاده اني انطيكياهن...

شبر.....انجبي وسكتي..هذن الفلوس من عرق جبيني....وماتحسين بيهن...لان اني الي تعبت بيهن يله جبت هذن الذهب الي داتشوفيهن....

.......كتلك حرجعلك فلوسك....وبعد مااريد شي منك.....بس عوفني عاد بحالي..

سكت...وماحجه شي بعد...

اما اني كلش ستهضمت...دخلت للحمام ابجي...

مااعندي غير بس البجي الي يريحني..

والله ماادري راح يصير هيج...ولاادري راح انباك...

ضليت هوايه بالحمام...

ندكت الباب...طلعي...

ذبيت هدومي....دااسبح...

فتحت الدوش...ونتجيت عالحايط...

من شافني تأخرت....دك الباب....ولج اطلعي عاد...شنو جلبتي...

ماحجيت شي ويا...وضليت بمكاني...

شبر...والله حكسر الباب....ولج احجي...

داامشي...بس حسيت بدوخه كلش قويه....بسرعه كعدت بالكاع...

هذا الحمل يتعبني كلش...

اني تعبانه...ومحد دايحس بيه...

وصايره اتأذه من اي كلمه تطلع..

من سمع الوكعه....صاح عليه....نجوووم..

اريد احجي مااكدر....اخذت المنشفه وغطيت جسمي...ونتجيت عالحايط...

اسمع صياحه....واني بين النايم والكاعد...

اسمع كلشي...بس مااكدر احجي ولااكدر اتحرك....

اخير شي....ماعرفت شصار....تخربطت...

من كعدت لكيت نفسي عالسرير....يكعد بيه شبر...

فتحت عيوني...ورجعت غمضتهن...

ضربني عالخدي....اخذتي دواج...

هزيت راسي بلا...

كام بعصبيه...جاب الدوه وخلاهن بحلكي غصب...

وشربني المي...

نص المي نجب عليه...

ذب الكلاص...

واني بسرعه ركضت اتقيء...

ماكو واحد يشرب الدوه بهل الطريقه هاي وبهل همجيه ....

واني من النوع الي مااحب الدوه...لازم علكيفي اشرب حته لااتقيء...

من شفت ماكو ملابس عله جسمي ولا حته المنشفه....

خليت المنشفه عالجسمي...ورجعت اتقيء...

كمت ونتجيت عالحايط..وابجي...

لان مالي طاقه بكل شي....لا شبر ولا حته الطفل الي بطني....كلش تعبوني ذوله الاثنين....

شافني شبر بهل الحاله...

لزمني....اريد اسبح شويه...

شبر...انتي مداتشوفين حالتج هاي....

......كله من وراك....شكد قاسي وماتعرف الرحمه...

شبر....يعني اني قاسي ومااعرف الرحمه مووو...

درت وجهي....وكتله اطلع اريد اسبح....

وكف بزاويه....يله اسبحي...

......اطلع كتلك...

شبر....لا خاف تتخربطين....

......مااتخربط اطلع....انت اذا تضل هنا اكيد اتخربط....وبعدين انت خايف عليه...والله يالله...

شبر.....اسبحي وبلا حجي....

علكت الدوش....وسبحت بالمنشفه....ودرت وجهي للحايط...مااريد اشوفه....

سميت بسم الله...وطفيته....

نشفت نفسي....

ذبيت المنشفه ولبست منشفه ثانيه...وبدون مايشوف شي من جسمي..

طلعت....

اخذت هدوم....وبدلت بالغرفه....

لان سمعت صوت الدوش يفتح....

كملت...اكلت شويه اسد جوعي...واحذت دوايه مره ثانيه....

احس جسمي مصخن...

كعدت الصبح....

شفت ميرال....وكالت وجهج اصفر...

.....عادي متعوده...

ميرال...امشي نروح بشقه عمي...

.....مالي خلك..روحي انتي..

ميرال....مو شبر مايقبل اعوفج...

.....علساس كلش خايف عليه....روحي ميرال...اني تعبانه ومااكدر حته امشي...

بعد.اصرار...راحت ميرال...

سويت اكل الي...

واكلت...وشربت دوايه...

كعدت عالكرسي..

وخليت وجهي عالطاوله....وغمضت عيوني..

فزيت من شفت ايد صارت عالجبيني...

شبر....اذا تروحين تسبحين...وبسرعه تطلعين للغرفه وهيه ثلج...شلون مايصير بيج هيج....

.....هه...ليش ماتكول بسببك...

شبر...كومي سبحي لاتصخنين اكثر...

....بس عوفني...وحق الله اصير كلش زينه واكثر من زينه هم....

ضربني عالراسي بعصبيه....وعافني...

كضيت الصبح كله بالشقه...

والعصر...طلعنه هم نزور للامام الرضا...

زرنه وكملنه....والكل مبين عرف اني مريضه...

عمتي...لزمتني....وشهكت...وصاحت عله شبر...شنو هاي مرتك مصخنه....

شبر.....اي اعرف مصخنه...بس شسوي يعني..وين اوديها...اذا لغتهم غريبه ومااعرف وين الصيدله هنا...

عمتي....مو تعرف انكليزي....طب عله الصيدلاني وشوف..وجيب دوا الها...

....لا عمتي مااريد شي...بس اكل واخذ دوايه...

عمتي...انتي سكتي...وانتي حامل بعد غير تنتبهين عله صحتج...

راح شبر يدور عله صيدلاني...واحنه فتنه للشقه..

ميرال بقت يمي....وهيه دارتني...

ساعه وتقريبآ شبر جا...

رادت تنطيني الدوه ميرال..بس شبر كللها اني انطيهيا....

نطاني الدوه ونمت...

الصبح من كعدت احسن....لملمنه اغراضنه...وطلعنه للعراق...

من وصلنه....فتت لغرفتنه.....

شلت فلوس....وشمرت الفلوس الي ينطينياهن كل يومين او ٣ايام...

.....هااك..مااريدهن..ومااريد منيتك عليه...اني ادبر نفسي....

ماعجبه كلامي...وكلي رجعيهن...

بس ماقبلت وعندت...

من رجع خلاهن بالكنتور...ونفس المكان...

صحت عليه...والله واقسم بالله اذا ماتاخذهن اله احركهن....

تقريبآ يطلعن الفلوس بال ٤٠٠ الف....لان ينطيني واضم بالكنتور....مااحتاجهن..واني من النوع الي مااصرف...

اكثر شي اصرف عليهن هنه الجباسه والنساتل....بس..

شبر....بله يله حركيهن....واني هم...اقسم بالله مااخذ وحده منهن...

اخذت الفلوس بعصبيه...

وركضت اجيب جداحه....

من شافني ححركهن صدك...

ضربني راجدي وصاح عليه....انتي تخبلتي...وضل يحجي عليه....

الفلوس ثنينه اقسمنه مناخذهن....

رجعت شمرتهن عليه....اتصدق بيهن لعد.ومااريد بعد تنطيني فلوس...اني ادبر نفسي...

طلعت وكعدت بالمطبخ...

كلش نقهرت...صاير عله اي شي يضربني....بس اني اعلمك يشبر....اني الك....

كمت اتجاهله.....وهو من اتجاهله...يكوم يعصب..ويكوم يأمرني بنتر....ولازم اسيويهن  بدون مااحجي....

مر يوم كامل...وهو بس يتأمر..عليه...

واني محد دايفتهمني انو تعبانه نفسيتي...واريد بس ابقه وحدي او انو اكون مرتاحه..

الصبح كعدت ماكو هوه...

فكمت...غسلتله هدومه..وخليت هدومي وهدوم ميرال...بالغساله...

غسلتهن وكملت...عاد خليت هدوم  شبر الي عادي اغسلهن بالغساله...وهدوم عمار...وغسلتهن..

جا شبر....يدور عالهدومه..

صاح عليه واني بالمطبخ...

والله عبالك البيت  وكل شي يريدون يوكفون ضدي وضد شبر...هيج عبالك حته البيت يريد ينتقم منننه الاثنين....

فتت للغرفه...

كلي  ...وين التراكسود الاسود البارحه اليجنت لابسته....

.......الي جان عالسرير...

هز راسه بأيي...وينه...

....عقدت حواجبي......بالغساله ليش...

فتح عيونه......ولج هاي ياغساله....خرب انتي والله حتموتيني....

استغفر الله.....كفر....ورجع كام يحجي عليه....

ركض وره الحوش....والغساله جانت اوتماتيكيه...

جانت داتذب مي...

شبر....بعصبيه...تعالي وكفي المي....

ماوكفتها بسرعه طفيتها...لان اذا اوكفها تطفى.و تنعاد من الاول...

كام يدور عالتراكسود....

لكه الفانيله....ودور عله البيجامه...

لكاها وفتح الجيب....

طلع الجنسيه مالته والبطاقه مال المواد الغذائيه....

شبر....انتي تضلين غبيه بس كولي....اول شي غير تشوفين شكو بالجيوب يله تغسليهن...

.....واني شمدريني...

شبر....اني خليتهن بالهدوم الوصخه بس كليلي...يعني والله لو كتلج اغسلي لهذا فلا غسلتي...يعني كوه تريديني احجي عليج...

ماحجيت شي...

وهو كام يحجي عليه كالعاده...

ومن شافني ساكته مااحجي...سكت هو هم....مال المواد الغذائيه كلها متشككه....والجنسيه مابيها شي..

حضرت الاكل...والبيت كله مشحون...اريد افتهم شبي هذا البيت...ليش هيج حياتنه بي...

عمي من جنت بالشقه مجانت حياتي هيج....

خليت الاكل....وعمار فات توه راجع من الشغل...

راح بدل...وجا يمنه ياكل...

مااريد احجي ويه شبر...فاخذت موبايلي...اشوف عليه اي شي..من اليوتيوب واكل...

صاح عليه...ذبي الموبايل واحترمي النعمه...

رفعت حاجبي.....وحجيت بكلبي...اه يحجي عالنعمه وهو قبل شويه كفر...

ذبيت الموبايل....اكلت وكمت بسرعه...

شبر...تعالي اكلي...تره ماعندي طاقه كل يوميه اوديج للمستشفى...

باوعت عليه بعصبيه...وطلعت....

مستفز وحقير...

سمعت عمار...كال شبيك وياها...علكيفك...تره هيه حامل...

شبر....رجائآ عمار خليك بحالك...

عمار... شبيك...

شبر.... هيه تغلط غلط حته اكبر من عمرها...ما تحترم...ونكديه صايره..وتعصبي وتستفزني دائما...

صفنت...اني نكديه.....عضيت شفتي حيل اني اعلمك يشبر....

عمار...حامل...ماتعرف شنو حامل...يمرن بمرحله صعبه....وينكلبن راسن عله عقب...

ضحك شبر....احسك جنت حامل قبل وتعرف بهل الاشياء هايه....

ضحك عمار...لا..بس مرت محمد اخويه...جانت هيج....وجانت اكثر....وامي ماتقبل احد حجي عليها تكول لان ببساطه البنات بهاي المرحله كلش  حساسات...وعصبيات...وعاطفيات...

شبر....اله هاي.....اله العاطفيات....كلشي ماشفت من هلالي ليهسه....من العاطفه...كله عصبيه...

عمار.....شوف بسرعه كمزت من سمعت العاطفيه شبيك....خلي تمر بسلامه واشبع منها..تره مااراح تطير منك...وهيه زوجتك....

ضحك شبر.....وانت تره هم نفس الشي....هيانهي ميرال....شو ليهسه  ماحجيت وياها....

عمار....يمعود....هيه ماتنطي مجال...بس اني اعلمها...

دااحجي...جتي ميرال...صاحت شبيج...

جفلت....وباوعت عليه....لاماكو شي....بس دااسمع شدايحجون...هذوله مايضمون شي عله بعض....احس حته الدوره من تجينه واحد يكول للثاني...

لزمت حلكها.....ورحت للغرفه وخربت من الضحك...

رحت يمها...والله...شبيج...ولج هذا شبيران يحجي كلشي ادري بي سافل...وهذا عمار اسفل منه....
مااستغرب منهم...

هزت راسها بيأس....وكعدت...

كعدت يمها طبك...

بس رجعت نجطلت عالرجلينها..

اخذت الموبايل العب بي...وهسه هم تلعب بموبايلها...

جا عمار وشبر...بسرعه كعدت...

ميرال راحت اخذت الصينيه تغسلها....

واني كمت وياها...مااريد اكون يم شبر بصراحه...

العصر....جا شبر....وجايب ويا ٥ دجاجات عرب...

خلاهن وره الحوش....

واني كمت اباوع عليهن....يربي اموت عله الدجاج والطيور...

بتسمت.....

جابلهن حنطه....وجابلهن مي...

اكو بس وحده وكحه هيه الي كامت تاكل...والاربعه طلهن واكفات....

.....ليش جبتهن..

شبر...شفت ابو الستوته يمنه..ودايبيع دجاج...ورخيص.....فشتريته....

بتسمت.....احب الدجاج هوايه...

هو ماحجه شي...

باوعت عليه...لكيته...مجتف ايدينه....يباوع عالدجاج...

نداريت....وميرال جتي...تباوع عليهن وتصيحلهن حته يجن يمها.....

ضحكت...من سمعت ميرال كالت حسميهن...

شبر هم ضحك...

ميرال....هاي السوده كوشي...وهاي جوزيه وبيها ريش اسود اسمها زويا.....وهاي الثالثه الجوزيه الفاتحه اسمها انجالي....والرابعه هاي المااعرف شلون لونها بيال....والخامس هذا الديج اسمي ارناف...

اني خربت من الضحك.....شداتحجين انتي....

ميرال شبيج....سميتهن..ها اها خلصنه من التسميه...

شبر يبتسم ويباوع عالدجاج....مااعرف شبي...هادئ كلش...

موبايلي دك....فرحت اشوفه...لكيت ماما....تكلي يمه باركي لفاطمه...

......ها يوم شبيها...الف مبروك...

ماما....مو طلعت حامل والثوله ماتدري...

بتسمت....والله فرحتلها....شلونها شخبارها...

اخذت التلفون من ماما....وباركتلها....

سديته وياها...وبتسمت...والله تستاهل كل الخير فطوم...

وماما كالتلي عود تعالي....

كتلها اذا يقبل شبر...لان يكلبها عزه عليه من ارجع...

بس كلت خلي اسأله....

فتت للغرفه....

لكيته يباوع عله المرايه...

باوع عليه.....شبيج...

من شفت انو من صوته عصبي....كتله لا ماكو شي..

كعدت عالسرير...وخليت المخده عالرجلي..

دايطلع باوع عليه....شبيج احجي...

....هزيت راسي وبتسمت.....ماكو شي....

ضل يباوع عليه.....وجا يمي...بعد ايدي...ونام عالمخده الي عالرجلي....

كمت امسد عالراسه...والعب بشعره...

من شعره....كمت العب بلحيته..

دغدغته بركبته....ماضحك....

عبست........ماعندك احساس....

باوع عليه....اني...

.....اي انت...ادغدغ بيك وماتحس....

ضل يباوع عليه...

نزلت راسي توترت....

.....شبيك...ليش تباوع عليه هيج....

شبر.....مرتي..يعني ليش مااباوع عليج....

نزلت راسي....ورجعت العب بشعره...

ضربته عالراسه....كافي عاد داتخجلني بنضراتك....

شبر.....احبج....يمكن صارلي هوايه ماكايلج هالكلمه....مووو...

بتسمت....مااعرف ليش من جينه لهذا البيت ليهسه...مشكله وره مشكله تصير....

شبر....صدفه مو يعني البيت مسحور...

....ليش منو كلك مسحور...

شبر.....الخبله ميرال...

ضحكت....مااعرف الصراحه لولاها بالبيت..جان طلعت من زمان..هيه كلش تونسني بالبيت...

شبر.....واني...تعوفيني وحدي...

باوعت عليه....شبيك شنو هالاسئله...شو احسك غريب....الصبح سويت مشكله والضهر سويت مشكله شكلبك....

ضحك...تريديني دائما معصب....

......لا...ابدا...لان عصبيتك ابد ماتنحمل..وواصير اكرهك....

شبر....هسه عوفج من هل حجي....احبج....

بتسمت....واني احبك....بس انت مخبل...

شبر....تؤؤ...هيه لو بس ماتجفص...

.......شكلت يعني..هو بس مخبل.

ضحك....انتي الي عاللسانج دائما تحجي....واني ميت مره اكلج فكري قبل لاتحجين....تره مو كل الناس تقبل تحجين مثل هالحجي...انتي عالنياتج..وطيبه بشكل..وبريئه....بس لاتكونين ابد مثل هالنوع الي يحجي بسرعه وبدون مايفكر...لان حتوكعين بمشاكل من وراها.....

......اسفه....

ماحجه شي..

احس بأحراج من احجي شي وشخص مايردلي...

لزمت شعره  وشديته...كتلك اسفه...

ضحك....اي ماكتلج شي...صايره عنيفه...

بتسمت....

ردت اكله اي تستاهل بس سكتت..كلت هسه يكول عليه تجفص....

.....شبر...

باوع عليه.....احجي..اعرف عندج شي...

.....مو ادري بيك ماتقبل...

شبر...دكولي...

.....اريد اروح لااهلي...

تنهد....يله نتعشه ونرجع... وناخذ ويانه ميرال... لان مااكدر ابقيها لوحدها....

فرحت كلش.....وكمت بسرعه....راسه نطخ برجلي....من دااكوم...

لزم راسه وضحك...عمه اي والله...

......يله اروح اكللها لميرال واجي...

بسته حيل من خده....دااطلع لزم ايدي وباسني من شفتي....

عض شفتي حيل.....

دفعته.....اخخ...ليش هيج...

خله السبابه يم راسه...بكيفي....

ضربته وعقد حواجبي.....وطلعت...

كلتلها لميرال....وخابر شبر عله عمار...كللها عادي..خلي تروح...

وصلنه.لبيتنه....ورحبو بينه....كلتلها الف.مبروك لفاطمه....

وفرحتلها كلش...

و اول مره اشوف علي فرحان هالفرح....يضحك ويسولف...ويباوع عله فاطمه...ويغمزلها....

حبهم حب كلش حلوو....همه من الطفوله يحبون بعض....وتزوجو عن حب.....

تعشينه وكملنه....كعدنه يمهم وتعللنه...

ورجعنه للبيت....بس جانت كلش حلوه الزياره...

جانت زياره خفيفه ولطيفه...

ذبيت هدومي دااريد انام...

فتح الباب..بسرعه....

باوعت عليه..وغطيت جسمي...

تقرب يمي....وذب الفستان حيل....

شبر.....تره انتي لابسه ستي....والبا......

ضربته.....انت ابد ماتستحي وربي...

ضحك.....وباسني..ويريد يستفزني اكثر عض شفتي حيل....

بعدته عني بعصبيه....بس مخلاني...

شبر...هو شنووو.....شنو تبعديني...دتعالي....

للحكايه البقيه.......