.
.
مرت الأيام وصرنة بشهر الخامس
أيام متشابهة ومابيهة طعم
وبيوم حالة حال بقية هالأيام الثقيلة
جنت راجعة من الدوام وي عمو سلمان
شفت سيارة عالية سودة طبكت بالباب
نزلت منها بنية تقريباً عمرها 26
استغربت لأن جانت لابسة بنطرون وقميص وتوربان مو حجاب وركبتها طالعة ومناضر سودة
الحمرة لونها ترابي خافت
وهي بيضةة جسمها أنثوي بحت
اديها احسهن شفافات ومالايحات شغل
كد ما مايعات وبيض
طبعاً هي تسوق نزلت ومن الجهة الثانية
شالت طفلة صغيرة نااعمة تقريبا عمرها سنة
عمو سلمان وجهة صوفر
نزلت وباوعتلها جانت لابسة قلادة ذهب ضخمة
مكتوب بيها اسم
"غــلا𓂅آصــف"
طبكت حواجبي بإستغراب أباوع ع الطفلة
نسخة من آصف حتى سمارها علي
ابتسمت وباوعتلي
غلا.حور
حور.اي منو انتي
غلا.غلا
حاجاها عمو بإنزعاج ويخزرها
سلمان.آصف يدري بيج جاية لهنا
غلا.هلا عمو
سلمان.سألتج اني
غلا.لا سويتها مفاجئة
سلمان.انتي شعلتي جبهة على روحج تدرين
غلا.ادري
وادري شراح يسوي
نطتني الطفلة بأيدي وحجت
غلا.دخليها اذا ممكن اجيب الجنطة وأجي
حور.بنتج؟
غلا. أي هاية بنتي حـور
حور.اسمها حور
غلا.اي
شلت الطفلة وزنها خفيف ولا وية عمرها
تقريبا 7 كيلوات اذا مو أقل
اخذتها دخلت للبيت كولهم تفاجأو
دخلت ورانة غلا يمشي وياها عمو سلمان
راحت سلمت على بيبي وكعدت تحجي وياها
بيبي جانت تعرفها وحجت وياها بس بثقل
نص ساعة من السكوت والأستغراب
دخل آصف مثل العاصفة
ضربها راشدي وجرها من شعرها للديوان
هي ابتسمتلة وأحنة شهكنة
عمة دعاء لطمت على حلكها
مي.عادي مو غريبة عرفتها منو
سواها سلمان من قبل بس ذيج ماكو طفل بيدها
مو دعاء
دعاء.مستحييل آصف مايسويها
هذا الحجي واني كاعدة اباوعلهم
لابسة سدريتي السودة وقميصي الأبيض
جواريب ام الكشكش وشالي الأسود
مي.كلادتها شفتيها لو لا
دعاء.الله ياخذك يا آصف إذا صدك
الله ياخذك يا أبن بطني
علة صوات صراخ آصف وصوت تكسير
وهي مالها صوت
طلعو من الديوان
هو يمشي قبلها دمارات وجهة مبينة
وايدة مجروحة وطالع دم
وهي ورا خدودها حمر
رغم مبين ضاربها بس الأبتسامة على وجها
كعدت هي وهو كدامها مدنك يلعب بأيدة
دعاء.منو هاي آصف
آصف.مرتي
حجاها ببرود رفع راسة باوعلي
طبعاً شهكت عمة دعاء وگلبت البيت صراخ
هجمت على غلا ضربتها راشدي
ودفعتها
دعاء.طلعي بررة بواكة الزلم
همشت الكلادة من ركبتها
كطعتها وشمرتها بعيد
آصف كاعد يدخن وهي
تباوع لعمة بغضب
غلا.طبعاً سكتت محترمتج والدة زوجي
بس اني غلا مجيد ال... مو أني الي أنهان
لو مو والدي الله يرحمة زوجني لآصف
وحبي الة جان ابد مسمحتلج
ممسوية لاغلط ولا حرام
جدو حسان قصي وعمو سلمان بيبي فاطمة
ذولة كولهم يدرون فزواجي مو سري
دعاء.لبستي بدلة عرس سوولج صفكة
هلهلولج اجت مشية زلم لبيتج
غلا.اي لبست بدلة وزفتي على طول شوارع بغداد
أحسن حفلة واحسن قاعة
ومشيتي بيها حضر عمو سلمان وجدو حسان وهذا الي يهمني
دعاء. هاي لو لحور هيج مراددة مو جان كسرت راسها وطلعتها ادب سزز وترادد
باوعلها بغضب وصاح
آصف.يلا اعتذري
غلا.آصف
آصف.بسرعةةة لج
غلا.آسفة
اعتذرت من عمة ورجعت لمكانها بس أحسها على ساعة تنفجر
حور.عمة شكو بيها بما أن مقتنعين وكبار وواعين
بيناتهم طفلةة وعقد زواج اتقبلو الأمر
حجيت هذا الكلام ونضرات الشفقة بعيونهم أذتني
مو قصة احبة لا بس ماعرف شنو الي صار بية وشحسيت بوقتها
ماعرف يعني حسيت نفسي مستغربة وشعور ماعرفة ماحسيت هيج يكون آصف ولا عبالي هيج اشياء عدنة زواج السر
دعاء.وانتي
حور.اني شكو
تهربت بنضراتي وبالكوة حجيت
آصف.شنوو اني شكو
حور.يعني اني مابانية حياتي عليك
ولا على أساس وجودك صراحة
بالعكس هالشي رجعلي حريتي
آصف.روحي لغرفتج تغطي زين ونامي
حور.اي والله كايمة باي
دخلت للغرفة بجيت بجي بعمري ماباجيتة
كول ما اتخيل هاي زوجتة مدري شيصير بية يردون يزوجوني الة ؟ يعني اني ازوج اصف وهو عندة بيت وعائلة واجي اني اتزوجة ليش شناقصني شبية اني بعدني زغيرة أصلا
لفيت راسي ونمت واني اسمع الهوسة برة بفلس
كعدت العصر واني ميتة جوع غدة مامتغدية
نفس عادتهم مجتمعين بالصالة بس الوجوه مكلوبة
غلا كاعدة يم آصف وبحضنها بتها
عمة وماما والبنات بجهة
وشمة الفطيرة كاعدة يم غلا
رحت للمطبخ حميت الأكل مطبك دجاج
صبيت طلعت كاسة روبة ورحت كعدت
آصف.تعاي كعدي يمي
حور.بعد كعدت هنا
كام هو أجة يمي باسني براسي
وكعد يفلسلي الدجاج ويخلي
آصف.زعلانة
حور.اي
آصف.ماوضحتلهم بس هسة اوضحلج كلشي
حور.بعد شيفيد عرس سويت ومارحنالة
سوو عرس ثاني واشتريلي فستان الا اصاحبك
بينت مقدار برودي الكاذب اني متعلقة بي
والله رغم يأذيني بس هو أبوية الروحي
متعودة علي الي ألي وبس
آصف.حووووور
صاح بية وهمة أصلاً مارافعين عيونهم كاعدين يراقبون
والبرود الي عد غلا كارثي مهما يكون زوجها
آصف.عمة عقلي بتج
وخلي يكون بعلمج تخلصين خامس نعقد
مي.تموت وماتنول بنتي
آصف.سالفة جديدة
مي.والله سالفتك الجديدة
واني اخوي بالسويد طلب حور لأبنة سليم
اني كتلة محجوزة لإبن عمها
بما انك طلعت متزوج شكو بيها نوافق الولد طبيب
وجمال وأخلاق
ضحك وشمر صينيتي جرني من شعري
آصف .تدرين موووو ويمكن طلعين مخيلة علي
موو احجي لا اشنقج
دفعتة عمة دعاء عني وخلتني وراها
دعاء.من حقها شبيها شناقصها تزوجك وتنزل على ضرة
آصف.شناقصها تزووووجني
لج يووم تدرين شنوو معنى كلامج
دعاء.اي اعرف اكو الي احسن منك
وتزوجة
آصف.اموتها بيدي هسا والله
حور.والله اني متايهة الك
آصف.لج سكتووووهةة سكتوهةة
حور.الأكل مالتي ذبيتة ونعمة الله شوف رب العالمين شيسوي بيك
مي.امشي منا الغبرة احنة وين نحجي وهية وين
سلمان.كاااافي ماكو جبير عدكم
آصف ياخذ بت عمة والرجال الة حق
ياخذ ثنين وتلاثة وأربعة
بعدين مرتة قالعين رحمها
واحنة نريد خلف
حور. خل يزوج غيري
لو تردوني أداة أنجاب
آصف.هاي طلعت هيج بنضرج
مستعد أطلگها جااااي اكول انجبرت ازوجها
تفهمين لو مطي معشعش بدماغج
حور.والله بهالزمن البنية ماتنجبر موو عاد الولد
فاطمة.جدج زوجهيا بت صديقة
غلا.كافي تجريح حرام عليكم
مو بيدي خسرت رحمي حتى اتعير بي
دعاء. من سمج وحقدج خسرتي
سلمان.دعااء
غلا.والله اذا تحسين اكو خيانة لحور
فمو اني الي خنت سألي آصف ليش تزوجني
واذا اكو خيانة فمنة مو مني
هزتلي راسها واني باوعت على آصف بإستهزاء
شكد دكة ناقصة گلبي يوجعني أحس خلص انتهت حياتي اذا صدوك يزوجني وهو مزوجها
أقلها جان عندي احساس بالأمان اتجاهة
هسة شنو احساسي ؟؟؟
صعدت غلا لغرفة آصف اني هنا ماعرف شصار بية
طاحت دمعتي واني اشوفها تصعد الدرج
ماعرف شنو رغم جنت أعارض وارفض آصف
بس طول حياتي وهمة الي زرعو الفكرة بداخلي
انتي لآصف ويصير هيج فجأة ! وخصوصاً ادري مصرين ع الزواج يعني اني هذا مصيري وهيج اعيش ؟
شهكت وآصف انتبهلي صاح بيها
آصف.تعااااي لاتصعدين فوووك
انكبري بالديوان لو بغرفة حبوبتي
حور.والله ما ازوجك اني أعلمك
غلا.بنتك مريضةة أريد انيمها
هنا هوسة تبقة تتفزفز
اني بجيت لو انكلبت الدنيا يباوعلي ويحجي وياها
آصف.نززززلي كتلج
انعل ابهاتكم فرفحت روحها
وج بابا شبيج والله التردي اسوي
مي.شبيج ماما كافي شوو
حور . كولشي مابية شبيكم
بس والله على كص ركبتي ما ازوجة
ابقة هيج أحسن
غلا نزلت راحت لغرفة بيبي واني رحت
طبكت الباب ونمت بفراشي عمة گلبت الدنيا
يبوو ويبوووو
لوقت العشة والبيت نكلب
عمي وعماتي وخالات آصف
اجن من كول حدب وصوب
يردون يعرفون الخبر صح لولا
واذا صح يشوفون العروسة
خايفة انجبر ويزوجني
حلفت بساعتها اموت نفسي وأخلص
نفتحت الباب غمضت عيوني
انقفلت طبكت حواجبي يمكن ماما
آصف.حوريتي
بقيت ساكتة ومغمضة عيوني
اجة شال راسي
كعد وخلا بحضنة يلعب بشعري ويحجي
آصف.قبل سنتين جنت رايح وي جدي
نزور صديقة رجال جبير على فراش الموت
لمن رحنالة شكثر ما جان بيتة واسع
بس ميت مابي روح
لزم ايد جدي وكالة وحيدتي
لاعم لاخال ولا واحد يأمن گلبي بي غيرك
ساعتي خلصت وشكد بقة منها مايجاوز يوم
ذمة بركبتك ضمها تحت جناحك
حجة جدي وكالة بأمانتي الرجال ماكال زوجها لأبنك
صعبة على كل رجال يعرض بتة
وصل رسالتة لجدي بس مو بالمباشر
مر شهر وجدي كل اسبوع يروحلة
آخر مرة رحنالة جان بالمستشفى
وضعة خطر
بالمستشفى وجدي عقدلي عليها
تخيلي وياي شلون جان حالي
وربج حوريتي باباتي انجبرت
حتى تعاركت ويا وعليت صوتي علي
غضب علية وكال گلبي وربي ماراضين عليك
كالي بس اعقد عليها لا اكثر ولا اقل
وحور تبقة الك غلا جان عدها خبر وتعرف
هي بنية رزنة ثكيلة وقوية
هم جانت مجبورة بس حبتني بعدين
الشي الوحيد الي غلطت بي لمن تقربتلها
والج الحق تلوميني علي لأن صار بإرادتي
بس لتخليني اقسة عليج وأذيج
بطلي عناد وكلمة ماريدك ماشي
عيوني وروحي وگلبي كلي الج
تردين اطلكها بس كولي اي اكلج تم
اصلاً جان طلكتها من زمان
بس حور الصغيرة مريضة عدها فتحتين بالقلب
يلا بابا شو باوعيلي
فتحي عيونج هواي جاي ترمشين
انتي كاعدة شو
حور.وخر اكرهك
آصف. اني احبج
وخرت راسي من حضنة نطيتة ضهري
شكد سهل الكلام عليك