قبل كلشي الكلام والتجاوز غير مسموح به
البارت القادم راح انزللكم الاوراق ممنقوله نصوص بخط اليد شنو رأيكم
وتكعدون تكتبون انتووووو وتسوفون شكد تستغرق وقت عدا الخط وبعض الكلمات الي ممفهومه ....تعرفون ادمونات كروب سترونك
المشرفات واني يوميه نكعد نكتب البارت سوه ....مو بس اني
احنه عدنا مسؤليات الورقه الي هيه تقريبا ٣٠٠كلمه اكثر شي نص ساعه اذا الخط واضح
تعرفون اني يوميه اكعد شسوي لان خط المرحومه مو اي وحده تفهمه اني كل شويه اتوقف يم حدث واتصل بصديقتهه لو بت عمه
تعرفون ذاك اليوم ٤اوراق ممرسوله لو ممنتبهه جان تغيرت الاحداث كلهه
سالفة النقل اصعب من الكتابه ....لو كاتبتهه بسرعه اكملهه وتتذكروني بقسوة محب
التصويت والتفاعل ....التزمو بيهن حتى نتجشع نكمل الكم باقي قصص الكاتبه ام غايب احنه والادمونات
اليوم سوينه غلاف الصرخات غير مسموعه الاحداث نار والغلاف صار نار هم 😑✂️✂️✂️
النجمه والتفاعل ✂️✂️✂️✂️😒👌🏻والله اذا مااشوفهن الي تكول وين البارت بلوك
الارهابي وذات النقاب
ام غايب
أخاف الفقدان كثيراً
أنا على وشك الخسارة.
ولكن أي خساره ..؟
خسارة من هم أقرب الى روحي وقلبي
خسارة اجزاء من جسدي.
أني أعاني من أكثر جزء قادر على قتلي
أني أعاني من قلبي.
الخوف تملك كل خلية في جسدي
سيطر على روحي وتملكني.
أنظر الى من. ؟
واحاول اخماد أي نار.
بين روحي وقلبي
أنا أضيع. بيني وبينهم روحي تحترق.
بقلم. shahad ALbiaty@
باوعت علي ماكو علي ماكوو.........ضوضاء رغم عدم وجود أحد بس احس ....كلشي موطبيعي كمت وكفت علئ حيلي وعيوني فاتحتهن بكل وسعهن .......
أريد استوعب الي صار.......اني بحلم لو شنو....... اسمع صوت بجية علي ترن بالبيت بس هوه ماكوو كبالي .....
بقيت واكفه بنفس المكان خليت أيدي علئ أذني اباوع علئ جربايه علي فارغه ......والي كبالهه ...الي جان لازم علي ابني
لأول مره استيعابي يصير بطيئ .....واكفه ليش ماعرف اسمع صوت علي لو مات علي سمعت صوت الطلقه جنت بين أيديهم هيج كمت استرجع النطق حسيت نفسي خايفه كلش أخاف اطلع من الباب واصير مثل هيفاء مجرد خيال ....أخاف ابني مات صدك حسيت
نفسي تايهه موجوده بمكان مو نفس المكان الجنت عايشه بي ..صح الحيطان نفسهن والأثاث بس يخوف ..
بي ضوضاء مو طبيعي علئ نفس الوكفه صار الموقف من جديد بعيني نزلت دموعي وصحت فجاه مثل الوعيت واستوعبت ( يمه إبني ) هيه عيطه وهيه ركضه علئ صوته الي يرج البيت رج ......
طلعت من الغرفه ماكو ..... بس هوه صوته هاذا ابني تاء اسمع صوته كمت اركض علئ اتجاه صوته نزلت جوه الصوت واباوع والكاه مفرفح من البجي واكع من الدرج ... او جوه همه مخلي مااعرف نزلت بسرعه عثرت بالدرج ردت انجبح علئ وجهي ... شلته مثل الي روحه تريد تطلع .... من البجي ودموعه وخشمه شلته بالهفه... وخوف وصحت بصوت عالي وبحركه يمه حبيبي ابني يمه ابني شبكته وابجي وأسكت بي واهزه.... حياتي اشش.. اش ياروحي اني هنا يمه اسم الله خليت أيدي علئ راسه حسيت مي وخرت أيدي راسا وعطت وكبل باوعت عليه يبجي ...يمه يمه ابني يمه ....يمه وين انطي وجهي ركضت واني شايلته ردت اطلع أروح الحك ابني قبل ليصيرله شي ركضت وصلت للباب تذكرت اني بسيت النوم..... ماعرف شصار وشلون طلعوا وشنو كلو لحسين
بعد الصدمه وبعد الدم شفته من علي راح من بالي .....كل همي صار انقذ ابني رجعت اركض ابجي وعيني علئ علي احاول اطلع شي البسه من كنتور ورود ....لكيت غرفتها مهجومه كل الملابس بالكاع والاغراض والمكياج
عباره عن دمار الغرفه ..... دورت بسرعه لكيت جبة بلا وعي لبستهه وشال رغم بيهه كصر بس ردت بس أخذ ابني بسرعه .... لفيت الشال بسرعه وطلعت اركض ودموعي تجري .....فتحت باب الشارع ظلمه وعلي يبجي وصوته يبين عليه التعب باوعت وين انطي وجهي وين أروح
من يا اتجاه اطلع ......وابني كاعد يروح من أيدي ..... ماعرف أحد هنا ليش ماكو أحد طالع . .... ماعرف الساعه بيش كلشي نمسح من عقلي كلشي راح ماعدا ابني راح يموت ركضت دكيت الباب حيل علي تعب نام علئ جتفي بعدني كاعد ادك الباب مااحس إلا الشارع انمله سيارات بالخمسه والباب مال الجيران انفتح باوعت من الخمسه الي جايين زوج زينه مملتقيه بيه بالمباشر بس اعرفه جنت اشوفه من جانت غرفتي تطل علئ الحديقه والشارع.......اجتني تركض ورود ...... شكلهه مثل المخبله
ورود .. حسين وين
فلك... ابني راح يموت فدوه ساعديني
ورود ... حسين وووين
فلك ما أدري .... ماادري دخلو ملثمين و اتصلوا ماعرف شيردون منه ودلاهم هنا تذكرت الطلقه الي سمعته آخر ...صفنت بوجوهم وباوعت علئ ابني مفروض علئ
متو هسه أصرخ علئ منو اتوجع وهمه اثنينهم روحي باوعت... زوج زينه واكف كبالي ... ورود تسأل ومتكطع حسين وين وشصار .... احجي باوعت علئ زوج زينه كتله ... ابني راح يموت وكع من الدرج متعور اخذه مني كبل وكلي وين متعور هواي ناس مااعرفهم فتح لايت الموبايل.....
شاف راسه واني اباوع عليه جان قليل الدم كلش وشويه متعور بس زوج زينه كال لازم ناخذه للمستشفئ
ورود وين مودي ...اتصل احجيلي شصار ..... باوعت كومه زلم بالشارع ومن ضمنهم شرطه ماعرف فجاه انكلبت الدنيا ....عفتهه تحجي وكلت لزوج زينه ابني راح يموت
ورود ... ميموت مابيه شي حسين وين وشصار .... بهل الحظه اجه واحد كال المكافحه متقبل نتقرب من سيارته
ورود ... وين سيارته هيه وشصار راح اتخبل أريد أحد يجاوبني جاوبوني حسين وين .... انتي شنو متحجين شصار
فلك بانهيار ابني راح يموت ابني .. ابني تعرفين شنو أبني طفل توه يزحف علئ بطنه يوكع من الدرج تعرفين من ابني علي السلاح تعرفين حسين ماكو ويمكن كتلو تعرفين اني ماكاعد اعرف حته اوكف او اكعد أو شسوي شيردون مني ماعرف كلشي .....كل الي اعرفه اني انتهيت جريت ابني من زوج زينه وطلعت كبل لحكني هوه ...... رياض اوكفي ... اوكفي وين رايحه بابا
فلك .... راويني التي
رياض .... امشي اني هسه اوديج
فلك هسه ... هسه أريد اشوف ابني شبيه احجي وابجي بحركه ابني بحظني وحسين ماكو .....واني خايفه عقلي كلي ضايعه ....
حلم او
كابوس مخيف مااحس نفسي لحد الآن صاحيه منه .....أخذني زوج زينه للمستشفئ طلع وكال طبيعي الدكتور ....يمكن جنت اعرف طبيعي بس الي ماعرفه شسوي خايفه ما اريد اصدك الي صار ولااريد استوعب باوعت علئ زوج زينه مااعرفه قبل بس حسيته إنسان زين .....
رياض ... ام علي شصار احجيلي بالضبط حتئ نعرف نتصرف
فلك ... كتلوو يمكن كتلوو وكمت ابجي بصوت عالي كتلووووو
رياض_ وين انتي وين جنتي
فلك_ باوعت علي بصدمه... اني جنت مو طبيعيه اكو بركان نار بداخلي اكو وجع مااكدر اوصفه ماكو كلمه توفي ومااگدر اعبر عنه حتى لا تطلع صرحه... ولا قابليه استوعب كل الي اعرفه الخوف الي بگلبي كلش چبير
رياض_فلك باوعي عليه انتي مو طبيعيه اني اعرف انتي شنوا مستحيل الج ايد
فلك_ بشنوا بأستغراب وملامح صدمه
رياض_ مااعرف بس انتي مگاعد تجمعين اكو شي ضامته احچي تره حتى إذا تسكتين يومين يبين وينكشف
فلك_شتكشف... شتكشف...شتريد تگول ليش اني فاهمه شي حتى اگلك بي
رياض_شصار
فلك_ الي صار فجأه انفتح الباب عبالي حسين وانفتح باب غرفتي لگيت نفسي واني بيد ملثمين... ملثمين وراهه صوت حسين وين ماعرف وين وين مااعرف وراهه ضعت... ضعت مااعرف شديصير ورجلي وين... وابني واگع من الدرج ليش صار وشلون... احچي بصوت عالي انهاريت... رجلي كتلو يمكن هاي عرفت الي صار... راح يرجع حسين... حسين يرجع... وين راح رجلي
رياض_ اهدئي... اهدئي... إن شاء الله يرجع... لان ماكو أثر للچثه السياره وفارغه
فلك_ سمعت صوت طلقه
رياض_ ماكو شي ان شاء الله
فلك_ عندي امل جان الطلقه مواله رجعنه للبيت واول مدخلت گابلتني ورود... احچيلي الصار... احچي متحجين... وين رحتي رادو ياخذون اقوالج وين رحتي
فلك_ دخلت علي الغرفه... وطلعت سمعتها تحجي ويا زوج زينه تگله گتله عوف هاي الشغلة عوفهه ميسمع مني
ماتحملت اوگف وابقى اسمع... جنت لحد قبل لحظات مو طبيعيه ومگاعد استوعب... واحاول أگول حلم كابوس لان ايد ميستوعب عقلي بلحظه يدخلون ملثمين وزوجي بيدهم بس سمعت كلامها معناها الي صار حقيقه كتلوا بعد مااخذو الي يردوا
رحت عليها... چنتي تعرفين وعفتي وچايه تهدديني وتريدين تعرفين الي صار... گامت على حيلها وعيونها مورمه
ورود_ انتي شنوا من بشر
فلك_ منوا اني... اني شنوا من بشر ودگيت على وچهي حسين مات حسين مات تعرفين شنوا مات ظربوا طلقه احچيها والطم هيا نصدمت وعاطت حسين مات ماات وگامت تخرمش بوجهه وتدگ على صدرها ورياض لزمها
رياض_ خاله ممتأكدين حتى هيا مجرد سامعه صوت الطلقه مالج علاقه بيها
فلك_ وين چان رجلي يشتغل وبشنوا متورط
ورود_ بصوت مخنوگ... مات لولا حسين جاوبيني وگامت تعيط بعلوا صوتها اني امنع نفسي كلشي اسوي ماافاول عليه حسين ميعوفنه... حسين مو چبان مراح يستسلم الهم حسين حبيبي ميموت ويعوف ابنه الي حلم بي سنين... عفتها تصرخ تلطم وصعدت فوگ رحت ادور موبايلي واتصل عليه... هسة يرد ويگول راچع... والي صار انتهى لو كابوس ويصحيني منه توني صعدت وصاحوني ياخذون أقوالي احس حيلي مهدود
شويه مستعجله واني انزل من كد الرجفه الي بجسمي ردت اوكع ما اتحمل اوكف عليها كعدت ع الدرج بجيت و كمت اتوسل برب العالمين لتحرمني يربي ابو بيتي لتوجعني بي اخذت كل اهلي بقي الي اعتبرته اهلي ما استحمل والله موته
طلع رياض من الاستقبال الاساس الباب مفتوح لان اسمع صوت كلي يلا ام علي نزلي كوه كومت روحي سندت روحي ع المحجر و كل درجه انزلها اكول ياربي رجعلي سندي
..................
ميمونه_ فتحت خياطاتي...والدكتور گال لازم تبقين اقل شي 20 يوم
لازم يتأكدون من وضعي وابقه تحت المراقبه خاف تطلع سلبيات العمليه الصعبه... خضر ميحچي وياي ابد احس انهارت اعصابي... انتبهت فلك يومين مامتصله عليه وكل مااريد اتصل ألگاه مغلق... وخضر ميحچي وياي گبل ارجع موبايله...حسيت مختنگه كلش... لدرجه اتمنى اصرخ بچيت ماتحملت حتى تمددت على الچربايه هو چان گاعد يگلب بموبايله
گمت ابچي مگدرت امنع نفسي هم توني طالعه من العمليه وهم وجع عندي وهو ميحس اعرفه وهي فقط يضغطني... لاأرادياً طلعت الشهگه مني وگبل خليت ايدي على حلگي وغطيت نفسي بالبطانية چان فاتح مقطع مااعرف مسلسل مدري شنوا فجأه سده وسكت واني بقيت حابسه بچيتي بالبطانية... شويه وگال
خضر_موچوعه... اكو شي يوچعج حتى انطيج مسكن.
ميمونه_ سحبت البطانيه اكثر وخنگت بچيتي مااريد صوتي يطلع مااتحمل بعد اسلوبه استفزازي واني مختنگه فجأه خله ايده على زندي
خضر_ ميمونه شبيج مو احجي وياج غير افتهم شبيچ شنوا وجعج غير افتهم بقيت مچلبه بالبطانية وماجاوب
خضر_ مااريد اسحبها منج خاف العمليه او شي ثاني يأذيج غير افتهم شكوا
ميمونه_وخرتها... گتله مابيه اي شي ماكو شي يوجعني
خضر_هبطتيني عبالي عمليتج... استغفر الله
ميمونه_صدمني جوابه ولا توقعته الهاي الدرجه گبل گتله فلك بالي يمها واني ماعندي موبايل وضاله بمنيتك
خضر_منيتي... ليش شوكت منيت عليج اني شوا بس تگولين اريد اخابر گبل انطيه الج... شنوا هلكلمه على اي اساس تحجيهه
ميمونه_ درت وجهي عليه... تعرف على شنوا متندمه
خضر_ باعي ميمونه اذا حچيتي هاي الكلمه الي ببالي اضربج على حلگج والله وتخسريني بعد أكثر ولا عبالج اعوفج لا أيسي مااعوفج من الاخير اجيبهه الج طلگتج مرا بعد مااسويها وديري بالج تغلطين
او تسوين شي اشوفج شي مشايفته
ميمونه :- باوعت عليه بصدمه انت اي واحد بيهم هاا من عرفتك لليوم بشخصيه شكل
خضر :- شنو قصدج ما عندي شخصيه
ميمونه :- ساعه تحبني و تغركني بالحب و الخوف يبين ع عيونك عبالي اعرفك من عينك طلعت متوهمه امداني يوم السويت عمليه و رحعت بيدي للضيم اكثر شي متندمه عليه بحياتي كلها
خضر :- تندمي منا لباجر براحتج
ميمونه :- سويت روحك تحبني و تموت بدوني
خضر :- محد يموت بدون احد
ميمونه :- باوعت عليه معقوله كتله انت و سكتت
خضر :- اني شنو ميمونه لج شو انتي صلفه سالفتج الي مسويتها متسولف و فوكاها انتي الي تتأفأفين اربعه و غشرين ساعه
ميمونه :- شوكت تأفأفت خضر شوكت تعبت اني غلطت ما والله عاقبني ما يكفي كلت هذا هو راح اموت و اخلص طلعلتي ليش ليش فهمني
خضر:- لان احبج لان ما اتحمل اشوفج تموتين بس لو تموتين مراح اسامحج ع هاي عملتج ميمونه و اعديها الج ابد ابد لتتوقعين لج اني تنطيني من فلوس الساقط لج اني لح تعرفين ذني الفلوس شنو معناها معناها اني بايعح لان صارت بجيبي
ميمونه :- شفتك ما عندك
خضر :- شعليج عندي و ما عندي رجال لو مو رجال واجبي اجيب فلوس شعليح تدخلين و تجيبيلي من هذا الساقط ميموننننه
ميمونه:- باوعت عليه ما اعرف شحجي شيكول حقه
خضر :- احجي وياي ميمونه احجي جاوبي شلون تسويها بيه شلون هذا دماغج استوعب يسوي هيج بقه يباوع عليه و دار وجهه عني و تغطه اني هم انطيته ظهري و كمت ابجي و خانكه روحي جوه البطانيه
فلك /
مرت يومين اخذوا اقوالي بالبيت و رجعت دونتهم بالمكافحة يومين ماكو خبر عنه
كاعده و ابني بحضني الوب اخاف اصدك الي الناس اتكول
كتلو و اباوع بعيون ورود الي هم تلوب معافت البيت تكول راح يرجع هالكلمة تنطيني الامل ساعه ابجي ساعه اروح الصوره و ساعه احضن علي و ابحي حالي حال التطلك و مو موعد ولادتها
موبايلي ملكيته اظاهر ماخذي اريد اخابره اريد اسمع صوته ولا خليت لكمك بحلكي من ذاك اليوم لحد ما اندكت الباب
جنت توني اخلي علي برحايه ابو بغرفة ورود توني كاعد اغطي علي سحب البطانيه و نزلت دمعتي
يا نور عيني يا روحي ارجع. ارحع والله بدونك ضايعة ارةع حسين و لتعوفني
بذنيح اليومين المرن عرفت شغل حسين و عرفت حسين تابع لحزب من الأحزاب و مو بس هو ويا فوزي و صفوا و اول واحد جان فوزي لو حسين عرف لحظه وحده ميبقه بالعراق حته اذا يعوفني
اول مغطيته سمعت صرخك ورود رنت البيت رن احس الجدران اتحركت منها كبل خليت ايدي ع كلبي خبر موتك يا حسين هذا
طلعت اركض لا اراديا صرحت من استوعبت من شفت القميص الحان لابسه و بي دم لطمت ع وجهي و كابلت ورود اخذت القميص منها شوي الطرف لزمته اباوع عليه و اصرخ يعني راح حسين يعني مات و الطم ملخت روحي
حسين انطاني اهم شي و اكثر شي محتاجته الامان جنت احس بالامان بوجوده ما اكدر ما اكدر لك حسين ما اكدر بدونك والله و دنكت لك حسين علي المن راح تعوفه مو جنت كاتل نفسك علي
ورود:جان نعيهه مؤلم لدرجه اصرخ وانهار ...بالبجي ما اعرف ابجي على حبيبي وزوجي وابو ابني...احبه
احبه حب ماله اي حدود...اشوف الدنيا بعيونه...رغم كلشي..رغم سبب زواجنا..بس جان افضل من الف زواج اختياري وتقليدي اليوم وللمره الثانيه اخسر ابويه جان ابويه حسين وحبيبي
سكتت احاول اصدك بقيت اباوع على قميصه..مشكك..وكله دم يعني هذا هو...رحت حسين..رحت صدك
باوعت على ورود مجانت تحجي كلام تبجي بين صوت بجيتها مثل اللحن
اشد انواع اللحن الحزين الي يعمل معاني الحب وفقدان وعتب وذكريات
جان صوت بجيتها يشرح ويترجم الكلمات
جان اخرها مثل التحجي عن الحرمان بطريقتهه واني اباوع عليها سحبت القميص مني ورفعته وحضنته وغمضت عينهه دموعها تنزل شلالات
حسيت اني سبب حرمانهه..اني سرقت اخر لحظات تجمعهم اخر اياملسنين كفاح متواصله
حب...تضحيه هذا جان ترجمه لحن صوت ونينهه
فجأه صارت عاصفه صراخ بعلو الصوت بحجي حركه كلبهه وبعدها كلمات
ورود:مرتين مرتين خلفت الوعد حسين مرتين ياروحي مرتين خلفت الوعد
وينك مو تعرف روحي معلكه بيك حسين ولك حبيبي حبيبي
تحجي بحركه من تكول اسمه والقميص شابكته
مو ردت طفل لك حسين عفتك بحضن غيري علمود تكحله
علمود تكحل عينك بابنك
مو جنت تكلي اريد ازوجه بيدي وينك وينك مو هذا ابنك
عفته يتيم حتى اني من كالت هاي الكلمه بجيت...بنفس نبرتهه هم عاليه فجأه كامت ادك على وجهه حيل وتصرخ
ما احس الا بده صوتهه يخف وجهه باهت وعيونهه مثل التكلب...تقربت عليهه..ردت الزمها ملحكت وكعت
عطت لحكولي...لحكو...ورود...ورود...اجه رياض يركض
وكعت...وادري جانت تصرخ...شالهه رياض..صاح جيبي شي اللبسهه
جانت دشداشتهه مشككه ركضت جبت دشداشه لكيت علي غاص بالبجي كلي رياض لبسيهه بسرعه
لبستهه بسرعه...قميص حسين بالكاع شلته وعلي يبجي
فلك:ابجي ابجي يا روحي صرت يتيم ابوك راح حبيبي وخلانه
رحت سويت ممه اله...ورجعت نومته بحضني شويه وكامن نسوان ما اعرفهن يجن يبجن ويصرخن
لمحت وحده ام زوج زينه بعدهه وحده تشبهه ورود بس مو دكتوره انتصار اظاهر ثانيه
دخلت للغرفه...يم علي والقميص بيدي مو كتلي بعيونك البسلك الثوب لبسته حسين
وانتظرتك نعست وانت ماكو اني انتظر مو كتلي هالمره جايبلج هديه
طلعت هديتك تعوفني حسين روحي...كلي جذب وتعال احضني وابجي...فجأه سمعت صراخ فز علي مخروع
بجه كمت علي اسم الله اسم الله حبيبي وسديت اذانه....وراهه سمعت من البجي وحده تبجي وتحجي
متحملت بدونه كبل لحكته
عرفت ورود ماتت كلبي ورم من الصدمه
"""""""""""""""
ميمونه:بالي يم فلك متتصل...جنت كاعده توني من النوم مختنكه...هو جان يخابر واحد من الولد من كلامه بس معرفت منو
كمت...مكلت صباح الخير اني هم اخذ موقف منه ومن سوالفه شسويله كلت بعد كم مره اعتذرت احجي بداخلي كلنما احجي ويه
كأنما احجي ويه احد
رجعت كعدت على الجربايه...اجه كبالي
خضر:ليش مكلتي صباح الخير شنو معناهه
ميمونه:انت مطايقني على شنو اكول...هسه بس نرجع للعراق اخلصك مني
خضر-اني شكتلج البارحه
ميمونه-خضررر اني تعبانه ...رجعتنا تعرف اليا مربع
خضر-انتي ...بجذذذذبج الي ميخلص متخلينه نمشي خطوه
ميمونه:ني اول مره اغلط بحقك خضر ...كل الي أذاك أذاني اكثر لان جنت مظلومه بي وماعندي دليل واعرف روحي شريفه ومحد لازمني غيرك ...هذا الغلط الوحيد الغلطته بحياتي
خضر_يعني اااني غلطه ...رحم الله والديج
ميمونه-الغلط خليتك تلزم ايدي مو انت ...كااافي تحاربني نفسيا ...لان اني نفسيتي تعبانه ....معايزه ...اله تريدني اسمر روحي من البلكونه ....كااافي خضرررر
اني غبيه ...غبيه والله ...شعليه اني
خضر-هذاااااا الي من البدايه اكلج بي حتى متغلطين وترجعين تغلطين
ميمونه-واغلاطك ...واغلاطك خضر وياي الي عجزي ...واحتياجي خلاني مااشوفهن وانساهن ...وهنه يوجعن بكلبي بكل لحظه ....اني وحد موووو
منو طلكني وعافني ال عمي ....واني جنت مهزومه وجايبه عار الاهلي يعني احتمال جبير لو مو عامر الساقط
جان اني مذبوحه
اني حتى غلطي الغلطته ....هو افكر بيك وسويته
بقه يباوع عليه ....وساكت
خضر-شتريدين ميمونه ...شي جرح رجولتي اتقبله ....شتريدين اجذب عليج ...اني مااكدر اجذب عليج واكلج احبج واحضنج راخليج بصدري واني شايل عليج ...اني هيج ميمونه ....مااكدر اجذب بمشاعري .وأشر على كلبه وكال الهنا هو هنا بلسانه يقصد
ميمونه-يعني متطيق وجودي ...هو كاعد اكلك
خضر-ميموووووووونه مو هيج قصدي
ميمونه-فززني من صيح بحيث عيني بين عليهه
لتصيح خضر لتصيح ...لتصيح ....كاااافي
خضر-الي يسمعج يكول شايل سلاحي ....عليج
ومو طبيعي ...اكعد اكلج صباح الخير تتوجعين اسألج ...دوه اذا مموجود اسألج واذا موجود انطيج
وجلبتي لتصيح لتصيح كانما وحده مضطهده منعول سلفه سلفاهه
اااااني تعبانه ...تعبانه ....متفهم انت متفهم ابد
خضر-افهمج واعرف
ميمونه-لو تفهمني وتحبني ....جان مفروض تعرف اني شكد محتاجتك ....درت وجهي وتمددت ...كافي خضر ....مااكدر احجي بعد ولتعتبره اتجاوز او مااحترم او اقلل لان كلش نفسيتي تعبت ومااكدر اتقبل شي ....واالله
خضر-تريكي .......وراهه نامي شكد متريدين
ميمونه-انطيني موبايلك فلك ماكو ...متصلت عليك
خضر-لا ..طلع اسم فلك وانطاني الموبايل ...وراح للحمام ...دكيت مغلق ...كلبي قبضني ....وين راحت يا ربي صحت ال خضر حخابرررر خاله لان مااحصل
دكيت على خاله متجاوب ...ياربي شكو قلقت طلع خضر
ميمونه-عندك رقم حسين زوج فلك
خضر-لا
مو مره خابرت
خضر-والله ماادري وين تلكي كومه ارقام داكه عليه
ليش هالقلق مًوبايلهه تلكي طافي
ميمونه-صار كم يوم هيه جانت متطول هيج ومغلق فوكاهه
ميمونه-بقيت قلقه ...عليهه ....ابد مرتاحيت ...وخضر هم مطلع ابد .....طلع شويه ورجع رأسا....واول مدخل دك موبايله باوعت رأسا طلع اني صفنت ليش طلع ...
شويه ودخل كبل وكفت
ميمونه-فلك بيهه شي موووو
خضر-لا يابه شنو القصه يعني كل واخد مغلق بي شي
ميمونه-ليش طلعت تخابر بره ....احجي عليك الله كلي اذا بيهه شي
خضر-وروح ابويه الاتصال مو يم فلك ...شبيج ميمونه
وعافني ....كعدت ...وينج فلك حبيبتي ...ليش اختفيتي كلبي لاعبني عليج
والله مو فلك ...ميمونه لتخافين ...وبعدين اذا الباجر مبينت اخابرلج واحد من الولد يروحلهم
ميمونه-خليهم يروحون
خضر-صدك تحجين ...بأي صفه لان نغلق الموبايل مشكله بينهه وبين رجلهه واخذ الموبايل يجوز
موبايلهه عطل
باوعت علي ....ودرت وجهي
خضر-كومي اكلي
ميمونه-ماريد
خضر-العلااج
ميمونه-مااااااريد مااااريد كلبي محترك على اختي وانت مضوجني اذا مو على فلك ليش تخابر بره اله تطلع مو داىما تحجي ويه ولد عمك كبالي
خضر-شنو قصدج
ميمونه-شوكت نرجع للعراق بعد مااتحمل
بقه ساكت ويباوع عليه واني اباوع ....موتني مدري شبي حركه مستفزه احسهه من يبقه يباوع كمت اوخر عيني ولا اراديا ارجعهه
ميمونه-ليش تباوعلي هيج ...مااحس اله فتح الرمز وشمر الموبايل عل جربايه
خضر-هاي مره الثانيه ميمونه ....تشوفين شي ممشوفه الج ابد ....ازهكج بحياتج ...نفسج اخليج متطيقيهه اذا تشكين بيه ....لان اني مااسويهه ...ومو بس هيج اني مااخاف حتى اجاوب بره ....شغله بيني وبين ابن عمي خاصه .....طلعت بره ...فهمتي
شوفي المكالمه وباعي مدتهه
ميمونه-اني مكلت
خضر-شوفي ميمونه ولتعيديهه
ميمونه-خضر كااافي كااااااااااااااافي لتعاملني هيج شلت المخده وشمرتهه بالكاع وهو محرك ساكن
باوعت يباوع يبتسم .....بس ابتسامه خفيفه
واني حتى توجعت اعصاب صرت نار وهو بارد لا كانما
فجأه على نفس الابتسامه ....تقرب ....باوعت علي
خضر-ام تك وتك شوكت تبطلين سوالفج ....تره اني كلج حافضج حتى حركاتج خطواتج
ميمونه-وشنو يعني شنو مناسبة الملام شقصدك
تقرب اكثر ....وشبكني ...كتله وخر
خضر-اااش اهدئي حبيبتي اهدئي
ميمونه-خضر
حضني ....واني ممرتاحه مدري شبي كام يهمسلي ...اهدأ
واحبج ومن هالسوالف ....رفع وجعي لان هو اطول مني بهواي
خضر-شايفه هالعيون ....ادوخ بيهن واذوب والله ...ومااتحمل ينزل دمع منهن
ميمونه-ابتسمت بخجل
خضر-خوب من تخجلين يصير بيهن لمعه ....تزيد من رونقهن
ميمونه-ضميت روحي بحضنه ....وغمضت عيني ....محتاجته ومختنكه وهو يشيل من همي بمجرد نظرة خوف عليه
خضر-صدكتي ...هسه ....كل الي بيج والتوتر والضوجه بس لان مااحضنج ..
ميمونه-انصدمت ....كلشي توقعت منه بس يسوي هيج بيه ابد متوقعته حضني وسمعني كلام بس حتى يثبت
رأسا وخرت
شصدكت خضر ....وباوعت علي .بحديه
خضر-شنوووووو ميمونه
انت شكتلي كتلي صدكتي كل البيج التوتر والضوجه لان مااحضنج يعني حضنت علمود شنو علمود تثبت الي توتري ...ماكو داعي تثبت ....لان اني واضحه وكتلك مو بلساني باشياء انت محسيتهن اني ضايجه لان انت بعيد عني
خضر-ميموووونه باعي وين وديتينه شلون تفسرين يعني تتوقعين اني هيج اسوي انتي مخبله والله افضل شي اطلع اني لان وجودنا كهرباء ومي صايرين
وطلع مااعرف نيته صادقه مدري اني اخذت غير شي بعقلي
................
فلك-مااتت ورود وجابو تابوتهه للبيت ...كالو وصيتهه تطلع من بيتهه هيه وحسين عيني تدور تابوت
حسين ....اباوع وابجي عليهم اثنينهم ...شكد واحد بحب الثاني الدرجة مطولت ورا ....اخواتهه ذبن احم واني بوسط الهوسه غطيت وجهي ...ليش مجابو تابوت حسين كلت يجوز ممدخلي اريد اسألهم يجوز ميدخلو يم النسوان واني اريد اشوفه ....من طلعت باب الهول صار بوجهي ادريس مستحيل مااتذكره حتى شكله نفسه
بس هو معرفني وراهه شفت زوج زينه ....هو هم من شافني تقرب عليه
رياض-ليش طالعه هنا مو زلم
فلك-وين التابوت مال حسين
رياض-حسين ملكيناله اثر
فلك-شلووووو ن يعني ودكيت على صدري شلون وين
وين جثة حسين كالو ماكو بس ملابسه لكوهن مشمورات قريب عل شركه مالته
هنا تخبلت شهكت ...يعني شنووووو يعني حسين وكمت ادك والطم وهو يسكت بيه ...الناس منا اهدي
شعرج طلع ....وعدل حجابي
تخبلت ....رحت كعت ابجي حتى جثه اله ماكو ....راح حبيبي ...حسين حبيبي ...شلون هيج ....حتى مكان ازورك بي واسولفلك الي بكلبي ماكو
اخذو ورود بليل طلعو علمود يلحكون يدفنوهه ويرجعون الصبح ....ابد منمت من يوم الي اختفه حسين مغمضت عين الي
ومن الصبح رجعو واكو كم مره وولد بره موجودين
الحد مااحه رياض صاحني كلي اريد احجي وياج
دخلت بالاستقبال ....طبك الباب تفاجئت وانصدمت ....جان حيلي مهدود باوعت علي بحديه من طبك الباب
رياض-علمود الصوت ....باعي ام علي انتي من ريحة عمي ....حسين وورود بمقام اب وام الي ....وانتي امانه منه ....لتخافين اني موجود وسند الكم ان شاء الله
جانت بيده كارتونه ....باوعت عليهه
رياض-هاي اغراضه الي جانن بالسياره
كلبي وجعني حيل انطاهن الي اباوع وابجي دموعي ما اتلاحكهن
متحملت ماافتحهه ....اول مفتحتهه صارت عيني على علبه ....كعدت بالكاع رأساً ...حيلي انهد ....مباوعت ال رياض طلع لا ....جنت اريد اعرف شنو الهديه فتحتهه سلسله فضه لان هو ميحب الذهب ..... تنفتح مثل الكتاب واخلي بيهه صورتين مفروض عوفته ليش كلي اختياري مو اجباري وماازعل
خليتهه على كلبي وكمت ابجي بحركه
وراهه كمت اطلع اغراضه محفظته فتحتهه بيهه صورة علي بستهه ....وحلقه
وعليك محابس رجالي واوراق من ضمنهن ظرف مكتوب وصيتي
ايدي كامت ترجف
اعرف انتي اول وحده راح تقريهه ماكو داعي اوثقهه لان اعرف من راح تقريهه راح ارتاح واطمئن
ورود انتي اجمل شي صار بحياتي ....شكد ما جنت اعاني من حرماني من الطفل. بس صدكيني ....انتي الحرمان الحقيقي بالنسبه الي
صار عندي طفل علي وراح اعوفه متأكد وانتي هم تعرفين الخطوره الي دخلت بيهه بدون قصد
تعرفين لو ما فلك وعلي ....ماعندي اي مانع ولا اخاف ولا انقهر ....لان يضيعون ....بس الي مطمني هو وجودج
اعرف مراح تبهذليهم
ورود حبيبتي اسف لان خذلتج ...ومالي حق اطلب منج بس ماعندي غيرج الجئ اله واني مطمئن ....فلك وعلي امانه بركبتج ... الى ان تلكه الطريق الصحيح الي ترتاح بي احميهه ....وصيري عادله حتى ميتأذون ....تعرفين العيون انتي اكثر وحده تعرف .
فلك فقيره وطيبه ونظيفه مثلج الله رزقني بنعم وهيه اول نعمه انتي وبعدين ببنيه فقيره يتيمه بت حلال
اعرف مراح تعوفيهم بمجرد تقرين الرساله
احبج وروده شريكة دربي واسراري وعيوني وظهري انتي مره معدله انثى بالمظهر بس وكفاتج وكفاة زلم
وخلصت الرساله احسهه ناقصه بيهه شي لان اكو كم حرف بنهايه مكطومه ممبين بس احسه صاعد كانما كلمه مكتوبه لزمت الكلاده اكو اغراض بعد هواي ولبستهه بركبتي جنت تعبانه هلكانه عيوني توجعني هم من البجي وهم لان منايمه وعلي هم مو من عادته ميكعد يرضع .....رحت كبل للمطبخ سويتله ممه دافيه زياده
واخذتهه اسحل بروحي سحل وشايله الكارتونه جنت نايمه بمكان حسين يم ورود ....وعلي عل جربايه ....
فتحت الباب ....باوعت ماكو ابني عل جربايه
تقربت اكثر وكعت الممه والمارتونه من ايدي
وعطت اااااااابني يمه ابني وووووين طلعت مثل المخبله اصيح كامن من عيطتي النسوان هنه عجايز جانن نايمات
اااابني وين .....مشفتي ....
يمه نايمه ....رحت صعدت فوك ...ماكو كلت يجوز احد صعده ....ابني ....ابني وين كمت ادور مثل النخبله حتى جوه الجربايه .....الاابني عل جربايه ووووووين ابني
دخل رياض ....شكووووووو شصاير
فلك-علي ...علي ابني مشفته
رياض-شنو مشفته
فلك-دميت على وجهي ....اااااااااااااابني ابني .....يمه ابني وينك ....علي يمه وينك ....ابني
-تهدي بالرحمن خاف باجر واحد ماخذه
منو موجود بس انتووووو رياض اسأل الولد بس شجاب الولد جوه ودكيت على وجهي
كمت ادور بجسمي على كل الموجودين اباوع بعيونهم ....رجعت ردت ارفع الجربايه واصيح علي ....ولك يمه علي ابجي خل اسمع صوتك ....ااابني
طلع رياض يركض ....طلعت رحت للحمام ادور بكل الييت دورت واصيح ابني
الحد ما ايست ردت اطلع للشارع ...رياض دخلني
لك ااااايني ابني ....يمه ابني عفته نايم ...ولك ابني
حيلي انهد ...ابني ....ابني ....ابني
سحبني حيل وطلك الباب وراد يشبكني
دفعته ابني .....لك ابني وكمت الطم واكمز. اريد ابني منو اخذ ابني منووووووو ملخت شعري
اهدي اهدي ....هسه بس خليني اشوف دربي اهدي موجود اني
فلك-اااانت منووووو منو كال مو انت اخذت ابني ....منو كال ...كلكم كلكم كلكم احس نفسي ضاق رجلي ووراهه ابني متحملت ....وكعت حسيت بالوكعه لان حيلي انهد بالبدايه ومتحملت اوكف على رجلي
فتحت عيني بحضن مره عجوز ....كبل كعدت باوعت رياض عل قنفه ويدخن وخال ايده على راسه والمره رادت تمنعني تكلي لتوكعين من طولج يمه
كمت ابني لكيتووووو واباوع عليهم وبس مره موجوده
ااااااابني ووووين صيحت جااااوب ابني وين رحت علي ودنكت المستووووا
ااابني وووين فهمني ابني وكمت اضرب بجتفه وين ابني انت خطفته مووووووو انت
رياض-كاااااافي اني شكو اني رغم تهديدهم هسه اذا ابلغ وهم بلغت ....شعليه اني تحملت هواي اني اذا باقي فباقي علمود عمي حسين
ابنج نفسهم اخذووووو الي دخلو
شلون اخذو شلون اني جنت موجوده
ابنج من البارحه بليل يمهم
باوعت مصدومه ....شنووووو ابني ....لا ابني اني اصلا منايمه
لا نايمه ....من البارحه كالو بجوز نمتي ومتدرين بروحج من التعب حتى اذا كاعده
ليش بلغت عليهم لعدددد ليش يكتلون ابني ...شيريدون انطيهم ....بس خل يعوفون ابني فدوه
فدوه رجعلي ابني ....شيريدون مو انطاهم الي يريدو
احجي وياي وكمت اكطع بشعري
حيكتلوووون ابني ....ولج يمه لحكيني
رياض-هدئي هدئي ....خليني اتصرف ... الي راح اسوي حدز صديقي يبلغ ميعرفو
فلك-لا فدوه لا لابلغ يذبحون ابني ..
رياض-مو بكيفج بقيهه عليهه لتخافين
وطلع موبايله ...رحت للمطبخ بسرعه وجبت سجينه
اموووووتك اموتك اذا تبلغ يذذذذبحوننن ابني تعرف شنوووو يذبحوووووو شيريدون ...عسى ماروحي وحجيتهه بانكسار ....عسى ما يشلون كلبي بس ينطونيا اانطي الاختي يمهه ابقي
مااكدر اموت والله بدونه
رياض-لا حول الله ....لازم توقعين على ورقه شنو الورقه مااعرف ....
فلك-اوووقع على كلشي بس يرجعولي ابني
وراهه كال رياض لازم اروح ويا .. صعدت بالسياره كعدت وره والحجيه كدام روحي تريد تطلع ....مااتحمل بعد
ابني صوت بجيته بأذني لمسة ايده رفعت ايدي تخايلت ايدي تتلمس ايده بجيت بصوت عالي
بلله ذبحووو ابني ....خاف يذبحوووو وااله اموت
-كولي يا الله يمه ....الله يرجعه الج سالم ....هاي الاحزاب خطيره ...الله ينتقم منهم لا رجال ماخذو ودور مرته ماتت كولي حسبي الله وذبي حمولج علي ماعندج غيره هسه
فلك-بصوت مسموع وبجي وياهه ياالله يارب يارب يارب ماريد شي بس ابني
بقيت الثاني يوم يم بيت رياض هو وامه عزلت روحي بغرفه ابجي .....الحد مااجه دك الباب رياض وكال لازم نطلع
وين
شوفني رساله ومأكدين بس اني اروح
خليني اروح ....بسرعه ....ابني هناك
محجه شي بس يستغفر الطريق كله واني كاعده على حيلي حتى منتجيت ولابسه نقابي
واريد اوصل بس ...اخر شي وكفت السياره باوعت شارع ترابي ومابي سيارات نزلي هنا ....اوكفي ....فلك ديربالج ذولي مو سهلين لو مخليتنه مبلغين
لا لا لا فدوه لا ماريد ابلغ اريد ابني وروح انت فدوه ...مالك دخل بيه ...مقصرت ابد. ذمه بركبتك لتبلغ يكتلون ابني اوقعلهم اني اكلك عل فلوس ماريد فدوه كلشي ماريد بس ابني ونزلت
بقيت واكفه ....احس نفسي تايهه وضايعه بالفعل مو احساس بسرعه اجتي سياره بس راح رياض
ونزلو منهه ملثمين اثنين شكد بالبدايه خفت شكد ماهسه بس اريد اوصل الابني ....مفكرت بشي غير اوصل الابني
دخلوني ببيت ...وهمه مغطين راسي يمكن حتى مااندل
وحتى بداخل البيت ملثمين ....اريد بس اسمع صوت بجيته حتى ارتاح
فلك-واحد منهم اجاني وكف كبالي
سمعي .....تريدين ابنج
فلك-اي اي ...فدوه اريده والله بعدني ممكمله
اش لتلغين زايد جاوبي على كد السؤال
سكتت كمت اباوع بس
نرجعلج ابنج اكو شرط قبل الشرط الاساسي الي هو تعرفي توقعين ....وانتي مو مجبره ابد ....اختياري اقصد عل اتفاقيه مال توقيع توقعين ابنج يرجع متوقعين ينذبح ووصل وصل
لا فدووووه لااااا وابجي
اااااش اسمعي كتلج لتحجين زايد وتدوخيني
اوقع بس اكلك اوقع والله بس لتأذون ابني
وقبل التوقيع هم اذا منفذتي هذا الطلب اعتبري ابنج تعرفين شنسوي لو اعيد
لا فدوه اعرف والله ....شتريدون اسوي بس عوفو ابني طفل والله طفل صغير والله ممسوين شي
شلون تريد ......استغفر الله لتحجين باعي من الاخير هاي الغرفه .....تدخليهه ....تلبسين الموجود ....وتمكيجين ومتضايقين سيدي .....هذا بس يأجر كبل بنفس اللحظه يذبحون ابنج ....نصيحتي الج سوي الي يطلبه او خل اكلج شيريد حتى متتأذين
غمضت عيني ابجي ....يريد شرفي مني ....مقابل ابني
يرجعه الي ....اصعب اختبار ....واصعب اختيار
لو شرفي لو ابني ينذبح كدامي
ليش هيج حسين ....ليش هيج سويت بيه .....باوعت بيأس
هااااااا تدخلين للغرفه لو لا
باوعت على الغرفه ....الاثنين ....الاثنين مااكدر بدونهم
شلون انطي شرفي ....وشلون اضحي بأبني
كمزني صوته العالي
اااااااحجي شبيج تره تعبتيني ودوختيني تدخلين للغرفه لوووووووو لاااااااااااااا
............يتبع
😭😭😭😭😭😭😭😭😭😭
💙💙💙💙💙صعب صعب صعب
لو بمكانهه شتسوووون 😭
✂️✂️✂️✂️✂️✂️