بقلم " فاطمة الدليمي" 💙
ليس حُب الشخص بكثرة رؤيته..
هُناك شخص أستوطنَ قلبي ..
رغم أن لا لقاءُ بيننا...
.............................
حسين : عجل هيجي طلعتي مثل المهرة البرية الجامحةة..بس انة الج يهالة الما روضتج ع ايدي ما اتسمه حسين .
احمد: هاا يابه وين صافن ، هيلة واخذتهة بعد عليش هلصفنات..
حسين: ههههه لايول ماصافن بس جاي افكر بموضوع.انتَ شبيك مبين ضايج ، خيرك.
احمد: آخ آخ يكَلبي.
حسين: يول صار بيهة آخة تعال هين فهمني شسالفة.
احمد: والله ما ادري منين ابدي ...، صدك حسين سؤال.
حسين : ابدي منين مابديت . اي جواب.
احمد: ليش الحب من طرف واحد حيل صعب صعب .ويعلوا للكَلب رغم كَصر الكلمة وضيم المعنى.
حسين: يول احجي منو الي اخذتة لكليبك وعلتوا..
احمد: اوف...اوف موبس علتوا ، شعوطتوا شعواط..هذه وحدة تشتغل وياي بالمختبر تصير كَرايبوا لعمار .صارلي فترة مراقبهة ومن حجيت وياها رفضتني ..
حسين : ول ول يول هو هذا الكَلب وما يهوى بس نكول ااخير فيما اختاره الله..مو من نصيبك بعدين انتَ شينقصك ورفضتك...صدك هي كردية مو .
احمد: تكول انتَ مو مناسب الية لان ما اكدر اتقلم ويا اطباعكم وعاداتكم ...واني بالي مواصفات لشريك حياتي ..اي اكراد عرب..
حسين: ول ول عود دور مواصفات ..زين هنة كَرايبوا لعمار مو مامحجبات..
احمد: لاهذه بيهن محجبة ،ول يابة شلكيتني اخذلي وحدة كل امة محمد شايفة عطوبهة شينهاي .....
اسمهة إيفين.
حسين: ول يابة الحب والعشق والهيام..
احمد: يول ما عرفتك درينة ماخذ نازك الملائكة شبساع صرت سيبويه وصرت تعرف معاني الاسماء .
حسين: ههههه يول شلكيتني ما واصل ترة انه همين خريج علوم كيمياء واعرف .
احمد : هههههه نسيت الالكترونات
عبالي بس المحقق شارلوك هونز ، يلة اكوم اريحوا لكلبي شوية ..
تدري شون انعل ابو عكَلي لابو كَلبي لابو حتة الحب ..
حسين:: ههههههه يول ع كيفك شوية اخذلك فاصل،، بشرفك هساع العكَل شدخلوا.
احمد: يول هو كل الدخل منو ..هو الي يخترعوا للحب ويكوم بكيفوا يصور ويتخيل ويعيشنة ويا
بالخيال ..خطية الكَلب طلع فقير ...اروح انام احسلي.
حسين: عجل روح لان تبين هذه مشاعر تالي الليل ، ما من وراهة بس التعب.
................
حسين ؛: ماصدكَت يجي يوم الاحد عبالك الوكَت مايمشي، احس نفسي مخبوص ما اعرف شسوي ..بدلت ورحت للجامعة من وكت علمود اشوف قزومتي ..ول يابة هذا الحب يخربط احوالوا للواحد ويتيه اعلوموا .
هالة: ماصدكت اجة الدوام، حتة اخلص من امي والاء استلمني نصايح ودروس لاتسوين هيج وسوي هيج
مثل كل ام واخت عدهن خبرة ، واول ما دخلت الجامعة واشوف العينتين منتظرني مقابيل القسم.من شافني اجة يمشي باتجاهي.
حسين: بقيت منتظرهة مقابيل القسم ، واشوفهة اجتي ..ول يابةة جنهة العافية ..ااخدود متفحة والوجه مليان حيوية ونشاط .بودي اظمهة بكَلبي ومحد. يشوفهة ...صباح الخير شلون الحلو اليوم .
هالة: هلا صباح النور زينة وانتَ شلونك..
حسين: انه اذا يومية اصبح بهل وجه الحلو ونضوك شوية من هل الخدود اكيد اصير بخير وسعادة ..
هالة: ياكاع انشكي وابلعيني ع هلكلام .. ما اعرف يمكن لان اول مرة واحد يحجي وياي هيجي . امتلكني شعور الخجل ع الارتباك .. كلهن انجمعن ..حتة الكلام ضاع مني ....ان شاء الله دوم السعادة .
حسين: ول يابة ،، تبين خجلت حتة عيونهة ما رفعتهن ..اتقصدت احجي وياها هيجي مااريدهة تضل باردة ... يدوم اعزاز كلبج ..ونهّز بعرسج
هالة: ههه عليش متشوق هلكد اجوز انتَ هاز قبل ..
حسين: يولي شنو قصدج بقبل شايفتني راكَوص..
هالة : لاوالله مو هذا قصدي اقصد انتَ متزوج قبل واكيد عايش اجواء العرس . فهمتني غلط.. خاني التعبير .
حسين : امممم فهمت قصدج ، ان شاء الله بعد ميخونج التعبير .بالايام الجاية تفهميني زين وافهمج .يلة مع السلامة بعدين اشوفج لاتتاخرين..
هالة: سلم وراح بقيت ادردم ويا نفسي يبو يببن ضاج ،، جفصاتي المشهودة الة هسة يطلعن..يربي اني ما اكرهة ولا احبة ما اعرف شنو مشاعري اتجاهة .
.هو دايعاملني معاملة كلش زينة . اعوذوا بالله من الشيطان كلة منه يلعب بعقلي من ورة الانفجار ..
اما اني شعندي وياه ..كامل مكمل كلها تتمناه.. .
حسين: فرحت لان حجيت وياها وسلامهة احسن من قبل بس يفرحة ماتمت .صح ضجت بس ما زعلت منهة انطيتهة حقهة متعرف شلون صار عرسي الاول ..الايام بيناتنة الما خليتج .مو بس تحبيني تحبينوا لخيالي هم.
..........
نور : صباحووو هذا مو نفسة الرجال شكو ليش جنتي تحجين وياه شعندة وياج.
هالة: يافتاح يا صباح يا عليم يا رزاق ،سلمي سلام براسة خير بعدين استجوبي.
نور: بعدين بعدين اسلم هسة احجي .
هالة: اي نفسة وصار خطيبي لاتسالين شلون وليش وشوكت ..
نور: يربي شنو هلخبر من الصبح صاعقة ولا دا اصدك.
هالة: بعد هاي تبقى يمج اذا صدكتي اولا ..يلة امشي راح نتاخر ع المحاضرة .
نور: هو اني عقلي بعد يستلم شئ .
......
حسين: ياهلة بيوسف شوكَت وصلتوا.
احمد : يول وانه شنو طنطل واكَف وماكو سلام الية.
حسين: هههههههه الف سلام وهلة ومرحبا باحمد وهساع رضيت ..يول انتَ شوكت تكَبر..
احمد: بعد اريد .....لا مارضيت..ادري شايفني مصاصتي بحلكَي وتريدني اكبر .يلة انه رايح تأخرت ...حرامات عبالي ابقى ع كَلبك وين متروح ..فيمالاه.
حسين: هه الله وياك ..اي يابة يوسف شلونك ..ماكل شئ لا
.
يوسف : لا كلشي ماماكل .
حسين: عجل امشينة نروح ع هالة ناخذهة ويانا نأكل سوا.
يوسف : صدك بابا ، يلة امشي نروح بسرعة ..
حسين: ههههه يول صاير لوتي .
هالة : بعد ماخلصنا محاضرة طلعنا اني ونور من القاعة وشفنا يوسف وحسين ،واكفين ينتظروني من شافني يوسف اجة يركض علية .
يوسف: هلوو شونج مشتاقلج كومة كومة
هالة : حنيت نفسي صرت بمستواه وبوستة ،، يربي شكد محبوب .وصدك تصرفاتة طفولية يفتح ايدية من يكلي احبج كومة ....حبيبي واني هم احبك كومة كومة.
يوسف : امشي نروح ناكل كلنا لان جوعان هواي.
هالة: لهسة ما ماكل
.
يوسف : لا ننتظرج اني وبابا.
هالة: لعد يلة امشوا ، صدك نور تعالي ويانا.
نور: لا ما اروح انتوا روحوا...نسيت اباركلكم ع الخطوبة المفاجئة الف الف مبروك.
حسين : تسلمين الله يبارك بيج خيتي .
هالة : يحجي ويباوع علية ..سويت نفسي ملتهية ويا يوسف .
حسين: رحنة تلاثتنة للكافيتريا .كعدتوا ليوسف بصفهة لزك وتحجي ويا وانه عايفيني ع صفحة .بهل الاثناء شفت حنين موظفة بالاستعلامات اجتي
باتجاهنا ...يبوو هساع هاي وكتهة تجي .بعد شيفكهة ..تظل دور سوالف .
حنين: هلوو حسوني شلونك ، مبروك كَالوا خاطب ..والله فرحتلك ..بس زعلانة منك وين حلوان خطوبتك.
حسين : الله يبارك بيج اي خطبت. اباوع ع هالة تريد تنفجر الة شوية اكلت حنين اكل بعيونهة وحلاتهة حنين ماسلمت عليهة ..انة اعلمج يهالة ..جنج ع حلوان هساع اجيبلكم اطيب شئ .انتِ شلونج صار فترة ما شايفج ...
حنين: زوينة شايلة نفسي ' يعني صدُك لاحظتوا غيابي ...صارت عندي ظروف واخذت اجازة.
يلة اني اترخص منك كمل اكل عافيات ع كَلبك.
حسين : الله وياج. يابه ..يمكن لوباقية خمس دقايق اخرة ما اضمن سلامتهة.
هالة: يلةةحبيبي يوسف انطيني بوسة لان راح اروح.
يوسف : لا حبابة ابقي بعد شوية .
هالة: لا حبيبي اخاف اسوي ازعاج ع اصدقاء ابوك من يجون يباركون ..وهمين نور تنتظرني .
حسين: لا يابة عادي ازعاجيش ابقي .
يوسف: باجر تجين
هالة : لاحبيبي باجر ما اداوم عود تعال الثلاثاء .
حسين: شيصير للكون لو انة بمكانوا ليوسف وهذه البوسات وحبي وحبيبي الية .
هالة: سمعتة شكال بس هيجي حبيت اضوجة تحجي وياي ..
حسين: لايابة احجي ويا نفسي ،، يلة روحي الله وياج..
.......
نور: هاا شو ماطولتي ،، شبساع اكلتوا.
هالة: امشي لخاطر الله .. هو الاكل طلع من خشمي .
نور : اسم الله ليش شكو..تبينين ضايجة .
هالة: مو بس ضايجة فاير دمي ، من جنا كَاعدين وحدة مليقة جتي سلمت ع حسين ، ومكشرة الاسنون وتتمضحك ولا تكول عيب ، لو اكو صخام الطام كَاعدة يمة ..انوب ماسلمت علية ..
نور: علكَيفج عيني بعدج بسم الله اجوز زميلتة .
هالة: آمنتُ بالله زميلتة ، ليش ما سلمت علية وبس تتموع والحلوة تكلة حسوني ... هسة دريت هو شاب حلو .بس موهيجي .يسون. اذا بقيت يومية اشوف هيجي شكول يمكن انجلط..
نور:: ههههههههه ليش انتِ متكليلة حسوني ..شوفي حبي اذا هو يحبج وانتِ تارسة عينة لو الف وحدة مثلهة تجي مايباوع عليهة .. هو اختارج االج من بينهن كلهن ..فهمتي..
هالة: اي فهمتي ..يلةة امشي نروح..
افكر بيني وبين نفسي زين اني عليش ضجت منها ..شني هل المشاعر المخربطة المسيطرة علي ..
مدري اريدة مدري ما اريدة ....قطع تفكيري صوت اشعار مالت رسالة ..
كاتبلي ..《 لتغارين هو انه مالج شنهي هذني
يرحن فدوة لخيالج 》 .
لا ارادياً ابتسمت ع الشعر ..تاليتي راح اتخبل من ورة اشعارة .
نور : احم احم خير شكو ..لما توكم جنتوا سوا ..
هالة: هههه ..هو يمكن اني طلعت متزوجة شاعر ..
نور : مافهمت شنو !!
هالة:: مو يمج الموضوع امشي..
...............
😘انتظروني 💙💙بالبارت 😘😘القادم ⚘❤❤