جذبني فمك البني

مقدمة + مشاهد

صناعة الوحش هو من صناعة الانسان

حب _ طلب _ رهن _ اصطياد

تراهنت لكني خسرت ، اولاً حبي ثم نفسي

حولت الحبيب الى صياد مترقب لحظة اقتضاضه لفريسته..

بسبب تنفيد الرهن يتحول هذا الصياد الى وحش كاسر
يقضي مع الفريسة ست ايام وسبع ليالي ، يشبع منها حد الارتواء ، لكن اشباعه يشبه الوحوش البرية ..

من بعدها انطلقت الغزالة هاربة وفرت مفزعه عندما وجدته نهاية الطريق ، وقفت منهمكة لاعنه الحظ..

متذمرة بقول يا لسوء حضي كيف وجدني ..

حملني على كتفهُ الفولاذي ، واعادني الى سجنه الحديدي ، مزق ثيابي نصفين ، اكل من جسدي حد الارتواء ، احتسى الخمر ، سبع كؤوس متتالية ..

ابتهج قلبه ، انطفئ قلبي
اشبع شهوته، امات نفسي .

اكمل احتسائه للخمر ثم عاد ليدفن رأسه في رقبتي
مرر شعره المجعد على جسدي ...

كان بريئا انا التي تلاعبت به
انا غيرته انا حطمته ..

سمعت صوته يتنهد بخشونه ، خفت ان يعيد الكرة بدأ جسدي يرتعش خوفآ منه الى ان هدأ وعاد الى النوم..

اكثر نموذج عنيف بالكراهيه ، هو هذا الانسان المغدور الذي احب بصدق ، تحول الى شخص ظالم وخارج عن الطريق لايرحم وغير انساني في عنفه ، يستمد قوته ويعيد انكساراته من الاَلام ..

يصبح ذو دوافع قوية للانتقام مصمم على حماية نفسه
ويستهتر بمشاعر الغادر...

المحب المتسلط
صاحب الذاكره القوية ،
اناني ، يستمع ولا يتكلم .
متسلط مقتحم ...

كان وحيدا فأصبح حزب وعشيرة ودولة ..

قال لي حين رآني مجددا .

_ اهلا بكِ في دولتي القمعية ...

تمر علينا لحظات تكون عابرة حينها لكن عندما تمضي بنا عجلة الزمن مسرعة نتمنى ان تتوقف وتعود بنا الى المحطة السابقة من العمر ..

لو كان بيدي الامر لعدتُ لتلك اللحظة التي تركت يدك فيها ، انهياراتك ، بكائك ، تعلقك ، حبك لي ، كلها كانت صادقه ، لكني انا ....... اه

كيف لي بأعادتك الى احضاني ماذا افعل لكي تسامحني على حماقاتي ، اصابني الغرور واحببتُ نفسي لدرجه كنت مستلذة في بكائك ليلا على فراقي ..

كيف لي ان اكفر عن ذنب اقترفته عنوةً عنك ،

اتسامحني يا حبيبي عن خطأي

اتكف عن لومي كلما رأيتني ..

اتحن يوما لي ..

متى تستبدل نظرات كرهك لي بالحب العارم الذي اغمرتني بهُ ...

متى نعود كما كنا ، وكيف يعود الروج البني يأثر بك
لدرجه ارى ثغرك يرتجف ....
انفاسك تلتهب ..
وعيناك تلتقط لي صورآ لتحتفظ بها في ذاكرتك ...
فتفول لي ، عند رحلتي الى عملي الشاق والمتعب ، استرجع صوركِ في ذاكرتي فيستعيد نشاطي واعمل بجهد وثبات ....

_____________

مشاهد
_ يصير اتذوق ..

_ شنو ؟؟

باوعتله بمكر اني اعرف شنو يقصد بس استغبيت ..

_ احم ، هذا شنو طعمه .

يحجي ويأشر بعيونه على شفتي .

سكتت مجاوبته ..

_ اجرب ؟؟

_ انت متشوف نفسك هواي تماديت

_ وانتي متحسين بروحج هواي مأذيتني هالايام ..
ليش تخلين من هذا اللون ليش مو جننتيني ...

_________

انتي شلوووووووووووووون هيج تسوين بيه
مخفتي مني ..

يحجي ويهز بيه حيل ..

________

طلبك مرفوض

___________

شنو ناويه تسوين

_ اهدمه

لج ليش مو يحبج حد الجنون يعني شتسوين مثلا؟؟

_ اخسرة كلشي واولها اعصابه..

_مفهمت عليج تره دوختيني ..

_ بعدين تفهمين.
_______________________

هاي شنو ولج عفتج صغيره شلون هيج كبرتي ..

_ عمو هو منو يضل على حاله كلنا نكبر .

_ مممم بس والله تعجبت ..

هسه اللي يشوفك صارلك سنين هو انت مصارلك اربع سنوات من سافرت .

_ اي بس جنتي صغيرة

_ لتنسى البنيه بسرعه تكبر .

_ واني عجزت مو بالله ..

_ لا بعدك شاب عين الله عليك .شكد عمرك هسه .

_ نهاية الثلاثين .

_ بعدك عمو هههههه ..

_ ها زين هههههه..

_____

_ عمو وكعت بمصيبه وبس انت تكدر تحلها الي ..

______

كم مرة كتلج هذا اللون لتخليه جننتيني ..

_______

انت كل عقلك ؟؟؟؟

_______

تراهنت عليه لو اني لو هو ..

________

كل المواقف تجي ابالي واتحطم ازيد ، اريده اريد ريحته تخبلت عليه وهو نفس الجفاء نفس البرود القاتل
سبحان الله شلون اتحول من كتله نار واحاسيس
الى ابرد من الثلج ...

بسببي صار هذا الشي وصارت شغلات اكبر خلته يبتعد عني ويقرر يبتعد للأبد، لكن......

و اني الي اسبابي حياتي كانت ابد مو سهله تعرضت لهواي طعنات انخذلت من اقرب الناس لهذا تحولت من انسانة عفويه الى متصنعه ، ومن مسامحه الى صلبه القلب ومن طيبه الى قاسية ...
_______/

الساعة الثانية عشر مساءا
بتوقيت مدينه بغداد

المكان العمل ...

اسمع زميلتي بالعمل تصيح سيلين..التفتت الها حاجيتها وبيدي الغراض كاعد ارتب بيهن ..

سيلين : هاا نسرين ..

نسرين : باعي خابرني رامي راح يجي ياخذني واستأذنت من ابو الشغل ، بس كلي لازم تكملين جرد القوائم واني تأخرت حبابه تكمليهن انتي حتى انطيه خبر ..

سيلين: ماشي جيبي ..

نسرين: حبيبتي مردودة ..

دزتلي بوسه بالهوى ولوحت بيدها ..ابتسمت وخليت القوائم على صفحه ورجعت اكمل شغلي، خلصت ورة ساعه عمل متواصل كعدت على الكرسي وبلشت بالقوائم ، كمت اسجل كل شخص زار المكان واشترى منه وكم مرة خلال هذا الاسبوع ، شنو الغرض من هالشي ماعرف بس الاوامر مال مدير الشغل هيج يريد واحنه نشتغل بسكته ممنوع لا اسئله ولا استفسارات ..

بلشت الاسم اللي مكرر مرتين اشطبه ..

ضليت اشتغل بيهن مده نصف ساعة الى ان وصلت للأسم اللي خلاني ارجف خوف ورهبة وحب كلهن بنفس الوقت ..قريت اسمه والله هذا اسمه الثلاثي

ادهم يوسف عمران ..

خليت ايدي على حلكي مصدومة دموعي كامت تجري بللت الورق ، رجعت اريد اقره يايوم جاي لهنا وبأي وقت ، انصدمت هذا الاسبوع ، معقولة يعني صدفة لو ؟؟؟؟؟

عززة اذا يعرف اني اداوم هنا معناها انتهيت خلص راحت عليه ..

كملت جرد الاسماء بسرعة ومشفت اسمه بعد بس مرة .رحت سلمتهن وطلعت امشي سريع وصلت للكراج صعدت بسيارتي وانطلقت للبيت ، وصلت طبكت السياره يم باب العمارة الساكنه بيها ، بأحد مناطق بغداد ..

نزلت فتحت الباب الورة اخذت الصمون اللي جبته بطريقي، اني اشتري وجبة كبيرة كل ٣ ايام سوه حتى ما اضطر انزل كل يوم واشتري وحتى مسواكي اسبوعي ...

صعدت الدرج واني ادور بالجنطة على المفتاح مال شقتي ، لكيته كملت الدرج وصلت باب الشقة توني اريد ادخل المفتاح بالباب حسيت بشي مو طبيعي حركه غريبة وراية التفتت بسرعة شخص خطف ونزل الدرج بس مشفته منو تقربت من المكان الي جان واكف بيه واشتم العطر بده العطر ينتشر بالمكان ، عطر شامته بكثرة ، هو والله هو وكعت الجنطة من ايدي وعلاكة الصمون ، وعيوني تفتر تدور عليه ، غمضت عيوني بقوة ونصيت اخذت الغراض من الكاع فتحت الباب وايدي ترتعش دخلت وسديت الباب كمت اتنفس سريع حسيت بلحظه كلبي راح يوكف خليت الصمون بالمطبخ وركضت للحمام كمت انزع ملابسي واشمرها بشكل عشوائي منا ومنا بدون وعي ماعرف شنو دا اسوي من هول الصدمه دخلت جوه المي وعيوني كامت تجري من وحدها ، اريد المي يطهرني من ذنبوي اللي سويتها ، شلون اذا طلع هو وشلون اندل بيتي معقوله كل هاي صدف مستحيل ، زين خاف اني متوهمه ، لا لا شلون هذا عطره هو الوحيد الي يستعمل هذا العطر وابد ميغيره جان يشتريه من الخارج ويجيب هواي منه ..

هل عاد ؟؟

اعاده الشوق
ام عاد لينتقم ...
________

هذه الروايه بحيل الله انشرها بعد علاقات زائفة ..

النشر يكون حسب الظروف واني ابلغكم شوكت ..

وياريت يكون التفاعل بمستوى القصة ...

من الان والى ذلك الوقت
اتمنى لكم دوام الصحة ..