ورد__ مشفت غير امي وكعت من كرسيها ركضت اني ورانيه شلناها عمه شيماء كعدت بصفها
حاولنه نصحيها فكت عيونه لازمه كلبها متت من
الرعب تهمس صدك يمه مهيدي
دنيت يم رجليها ادلك وعيوني عليها احس
جسمي يرجف خالتي ماتت قهر
اتلمس رجليه ميتات وجها شحب عيونه
بسرعه بيضن شفايفه يابسات تنود براسه
غمض عيوني بقهر نزل دموعي رفعت راسي
كانو ماكو سكف الكل مو يمي مااسمع شي
كلبي يحجي ربي رحمتك ولطفك مااعرف شلون
ادعي بداخلي بس يخليه النه جسمي يرجف
الخبر بكد مامفرح بكد ماا خلانه بدوامه جدي
اكثر واحد يحمدالله ويشكره على النعمه الوصلتلنه
حياتي ماشي شي واحد متغير نظرات أمين ولهفته
الواضحه بعيونه شفت روحي لازم ابتعد ماريده
يتأمل على الفراغ شكد اوهسه بلبنيه الوياهم
واشجعه يخطي هيج خطوه لو مجرد صداقه
احتمال من يحاجيه كلبه يتغير لكن الاكي الرفض
منه
كل خميس يروح ويه ايسر لو ويه عمي ماجد ياخذه
للمقبره يزورون مهداوي ويرجعون
ممنقطعين بين فتره وفتره النسوان وحد يرحن
رغم امي مرات تذكر ومرات تروح لغير عالم
اصعب موقف من شافت القبر وتحجي وياا عباله
ابويه وتعاتبه وتشكيله من وكاحت مهدي رجعت ١٠
ليوره
داتخربط وضعي وروحي الطافره كارها
كلشي من اباوع امي ساعه تذكرني وايام
تنساني حرت بيه مثل الطفل اوكل واحفظ
وانيم وهي رايحه منتهيه ساعات اصفن وين
تاليتي ابجي بقهر شفت من حياتي لاأب
لا اخ لا حبيبي كلهم اخذهم الموت
ايام مرت مره بس المصبرني رانيه وياي
وياي ناطل نشتغل سوه بلشت تخيط
سوتلي دشداشه وطلعت فيت من القهر
اسمن وهي مكيفه بروحها كونها كامت
تعرف تفصل ودك الدشداشه
بيبي انطتها ثلث قطع واكفه فوك راسها
سويهن ام الزخمه مااريدن من ذني مالاتجن
بس دكم لو خياط بسيط لتحطيلي صدر
رانيه بيبي شلون تبين خياط
_مالج شغل مو هاي خياطتي شحلاتهن
رانيه ياا دشوفيه كلشي محاطه
_وانه اريد هيج مالج لزوم خيطي
رانيه كوه تلزم روحه وتخيطلها على
اعصابها
لليل جفاني النوم واكعد احير وين اروح
الكل نايمين الساعه بلوحده
طلعت للمطبخ افتر شربت مي مليت
خليت ورديت للهول صار مقابيلي
الدرج صعدت بله تردد
وكفت يم غرفت مهداوي شي بداخلي
نعصر كلبي ويا روحي تروح من يطر
كل ذكره منه
فتحت الباب الضلام يعم ارجائها
عفت الباب مفتوح دخل الضوه
جاي من حمام الهول
لمى تركت كلشي على وضعه وصلت يم
ميز المرايه تلمست صورتهم عرسان
مهداوي بقاطه الاسود بضحكته المزينه
وجها بروحه العفويه
كعدت منتجيه نزلن دموعي شنو الخلاك
تتركنا وتروح مافكرة بحال امي حتى
فقدة عقلها حبيب اختك
دنكت انحب عصرت روحي خنكتني شحطت
اكح لحد مااهدئت سمعت صوته يصيح منو
هنا مااكدر ارد شفت ضله
رفعت راسي خنس من شافني تقرب
واني بهاي حالتي
حجه بصوت ناصي ويتلفت مستغرب
وضعيتي شسوين هنا
لميت رجليه رفعت الصوره تغيرت ملامحه
وجهي يبجي عيوني مغوركه شاف الصوره
سكت كعد بصفي ضليت مدنكه والرجفه اخذتني
والبجي وجسمي يختض مهضومه على فقدانه
مااعرف شكد مر الوقت واني على نحيبي
وهوه ساكت يسمع صوتي وعينه على الفراغ
تعبت عيوني حسيتهن قفلن بدون ادراك بدون
معرفه مسبقه روحي راخيه حسيت اريد أمان
ميلت راسي على جتفه بسرعه التفت مااشوفه
حسيت بلوفت ركبته مكان بالي غير
شخص استند عليه انسان يحس بلأمر بي
غمضت عيني وجسمي انمله بندت من التعب
غفيت طول يله حسيت بي رفع راسي مد ايده
حاوط كتفي راسي صار على صدره
اجاني شعور الانتماء جنبي انسان يفيض
بلحب يغطيني بنضراته الحانيه
كلشي بي يكلي اريدج لكن نفسيتي
وحياتي خلتني اتغاضى انحي عني
ايده تتحسس وجهي عيوني يمسح
دموعي غطت خدي ابهامه ناعم بنعومت
بشرتي
نمت محاسه بنفسي غطيت كأنو ناسيه
الراحه ولكيتها
طول اليل ايده تتجول على راسي افز وارجع
اغفه هدئة وغطيت بنوم عميق
لحد محسيت احد يندسني كوه فتحت عيوني
بعدني ممستوعبه شفت رانيا وجها بوجهي
رجعت غمضت
هزتني حيل اكعدي باوعت اشوفها ثنين حوليت
تضحك شنو حوليتي
غمضت وفتحت شفته واحد ضلت واكفه
لحد مكمت كالت اليكول حولت مو حوليت
فركت وجهي شمدريني
_انزلي وياي حيكعدون لشوفج بيبي فوك
كمت نزلت وياها صدك وره ربع ساعه سمعت
صوتهم
التهيت تنضيف ويه رانيه ومرت عمي للعصر ندك
الباب الولد طالعين بس جدي وعمي ماجد بلحديقه
كاعدين
اشوف من شباك المطبخ طبت وحده مبوشه
وراها وحده ركزت هاي لمياء
طلعت بسرعه لمى رفعت البوشيه حضنتها
سلمت على لمياء طببتهن
عمتي شيماء رحبيت بيهن وبيبي دخلت
كالت هلا يمه زارتنه البركه
كامت لمياء ولمى بوسنها
بيبي حضنت لمى وعيونه مغرغره طلعت اقدم مي
رانيه تعدنتي وراحت للهول اسمعها تسلم
ساعتين مرن كاعده مكابلتهن اريد اشبع
شوف لمى اخيتي عشنه هواي ايام سوه
بطنها عاليه الضعف ماخذ من شكلها
جر الحديث لنقطه جاي تاخذ غراضها
امي كاعده ومستوعبه كلشي يصير
كامن صعدن دااروح وراهن جرتني رانيه
_وين موليه ثنين يلمن غراض انتي شكو
غير وياها اشوف شيحتاجن
_مالج شغل اكعدي واسكتي
شكو هاي شبيج غير بنات خالتي
_ندري بس ميصير ياخذن راحتهن
صدك كعدت وسكتت ماكو وره ساعات نزلت
لمى وراها لمياء اباوع اربع جنط دبل تسحل بيهن
وحده وره لاخ لحد موصلتهن للكاع
لمى باوعت لعمتي شيماء وكالت خاله عود اودي
اخويا انطو بقية الغراض
بيبي كاعده وراي على التخم نبت شنو حبوبه ماخذه كل غراضج
لمى.. اي بيبي بعد منا لمن اجيب هواي كلت هسه مدام
متعبانه من الحمل كلت اجنعهن
بيبي... شنو ضلين هناك يم اهلج
لمى... لعد وين اروح
دنكت بيبي وبيده العوجيه تنهدت بحسره عدالنا تردين يمنه ويه البنيات
لمياء... لا حجيه مترهم بعد يم امي هم تخدمها تعرفين بيه يوم تصحه وعشره بلفراش
كتله لمى شعدج يم اهلج هاي غرفتج واني موجوده
وخالتي اصلاً يمها مرت رضوان
لمى... ميصير لا اخويا يقبل ولا اني اقبل
سكتت راحو وكلبي يتكطع كعدت بلمطبخ
مر شريط ايام العرس البيت جبير مساحته
٤٠٠ وبنائه ٣٠٠ الباقي حديقه وكراج
استوعب العوائل كلها رفم كبره انمله شي
تعدل بروحها شي واكفه تتمكيج شي تلبس
عبيهن شي واكفه سولف منتضرين الزفه
اني الوحيده حايره شلون اطلع بدون ميشوفوني
فستاني بي ضيق وكل شويه اجره بلكت يعرض
على كد العبره شال مجرد شامرته على راسي
ماأريد تخرب التسريحه صاحو يله اجن السيارات
واشوفهن مثل النمل كله تدافع ويردن يصعدن
مكيفات زفه وركص واغاني اجواء منعيشها
يوميه نستغل الفرصه
كلعت من بينهن لحد مصعدت مااعرف ياسياره
المهم محد من عمامي لمحني صارت كعدتي بصف الجامه اليم الباب ثاني مقعد
جنطه بيدي فتحتها طلعت التلفون دااشوف شكد
بي شحن علمود التصوير لا زين مملي
اباوع والشال لازمته اغطي بي وجعي من اليعبرون
عمي باقر يصعد بيهن ويسويلهن اماكن
يعبر من يمي ادير وجهي لو اغشي روحي
صايره لخه ضعت ومكيفه واضحك صعد السايق
كيفت سدينه الباب منتضرين سيارت مهداوي تحرك
بوكته امين انطا سيارته هوه يسوقها
مكيفه بروحي اضحك واسولف ويه البنات
محسيت غير جامتي تندك التفتت أمين
ارتبكت ميباوع الجامه مفتوحه كال انزلي
خانم ضليت لا اخذ ولا انطي خزرني لبسي
ردائج
يارداء حرت شكله
هسه انزل اجيب رداء
لحد اليوم اذكر شلون باوعلي اول مره
اخاف منه
نتر شتنزلين على المكياج على الفستان
طب لعمتي شيماء بلبيت هي وبيبي ضلن
اجه بيده الرداء اخذته وخر على صفحه
كل شويه عينه عليه موخر لحد مالبستها
كل تفصيله بذاكرتي مرت الايام امام
عيني
مر يومين صاحتني بيبي تعالي سلمي على
اخوج مااعرف شلون وصلت من الهفه
لازمه التلفون اباوع هذا مو ماهر العيون مغوركه
الوجه ضعفان لحيته طولانه شعره شاده اليوره
اعتب وهوه يهز براسه ابجي وعيونه تغورك
دمع يدير الكامره يمسح دموعه عود بدون مندري
مدامه يسولف الجكاره بحلكه كلهم سأل عنهم
لكن السؤال الوحيده احسه يريد يسأله
هوه رنيم ميكدر خجلن منيمنه ومستصعب
السؤال هوه العاف
ميدري رنيم مو بحاله بتها ماخذه كل حيلها
لليل بعد العشه وهوست المطبخ اني ورانيه
وكفنه لملمنا وعزلنه
امين مرات يطلع هوه وايسر يلعبون بلتارتان
بس اليوم ايسر بره بلباب يم جماعته
الساعه ب١١ بليل جدي بغرفته نايمين عمي
ماجد هم طب يستراح ويمه عمه شيماء
رانيه بلغرفه تنوم بجهالها وتتمدد على الجهاز
ومرات تستغل نومهم تفصل
فضل ورقيه ميخلوها تحير شلون تكعدهم
هذا اليجر المكص وهذا الي يعت القماش
كاعده بلهول ضايجه مطفيه الضوه ومطلعه
فلم مندمجه
اسمع صوته يحجي مشافني فات للهول بدون ميدير
السويج بيده يحجي يلعب بي مركز بلتلفون
صايره بضهره عرفت بنيه الويا يتفق وياها
على المعدات ويبتسم محاس بروحه صوته عالي
وصل للدرج ضل واكف
دار نصف استدار ضحك لا دكتوره البضاعه
اجت من دبي توصا تعرفين عليها حقوق ولان
المستشفى اهليه
_اي اي مثل متفضلتي رئيس الاطباء دكتور......
هوه تكفل عنده اوراق مرخوصه
_جيد هوه على الاتفاق وياي ابن عمي
واطباء جدد بس تخلص الدوره يباشرون
مشه للمغسله يم الدرج عليه مرايه انشاف
بس الضوه يمها
سده وحطه بجيبه غسل وجها فرحان كمل نكت ايديه
انتبهت لابس بنطرون حبري قالب على جسمه
وفوكا قميص مقلم ليكاتله ويه بشرته ونضاراته
الطبيه ملامحه توحي بمجال عمله
احسه نضيف زياده يعني ميخلي لحيه وشوارب
بليوم ٣مرات يسبح ملابسه مره يلبسهن ويشمرهن
عمه شيماء شكد تتعب بس منه متتململ ودكول
مابيه حيل شوكت ميكله يوم ملابس دكله نضيفات
صعدتهن فوك بغرفتك
رغم هذا اشوفه بوقت فراغه لو كاعد ميخلي
غرفته هوسه يرتب يعزل
منقطع عني انقطعت اتصالاتنه ضل المسج
بينه اني اتفقده بيوم الميودي وهوه مرات
يوديلي صوره عود اقره اعوفه يكمل مرات
ميتركني لحد ميخلص يتصل افصله عود
كاعده نضل نتراسل يحجيلي هواي
ميخلي سالفه ميذكره جماعته البنات
المرضه مواقف وياهم صير يجي يكتهن
وصل بيه حفظتهم اسعد مصطفى احمد
واني استمع بلبصمه يدري مااكدر احجي
غرفته وحده ماخذ راحته تقاربنه اضعاف
بس بقه الفراغ بكلبي منمله شكد مااحسه
قريب بكد مااعرف مشاعري اله صديق
اعرف بي ينتضر اشاره لكن اني بيه وما اغلق
نفسي يعرف بس ساكت اصفن بي مناقصه شي
شنو البيه ماعند غيري الويا
ارتب واحله وطاغيات بلأنوثه وفوكها من مستوا
العلمي اني خلك وحده عاشت بساطه حبت بعفويه
حلمت تلبس الابيض ويا الكلبه دك اله
كدر بذكائه يشيل شكو حاجز بس مااكدر يعبر
للحاجز الاكبر هوه كلبي لا اني الاكدر اتقبله
ولا هوه اليكدر يعوف
_التفت كال جنيه بس عيونج مبينه
تعال باوع فلم يفوتك اذكر جان لجاكي
وستوه نازل
_كعد مسافه عني يباوع اووو شايفه
تره جديده وين شايفه
_البارحه الأعاده هاي
حباب لتخربه اكمله ولتحجي شي
_هههه مو صاحبه ينكتل
لا لا أمين تخربه واعوفه والله نفسي تنسد منه
سكت ضل يباوع وياي لحد مخلص التفتت مخلي ايديه وره راسه غافي
يمي مي لعب الشيطان بعقلي مديت اصابعي بلكلاص
تقربت انكث مي بوجها فزز باوعلي
فرك وجها واني ضامه ضحكتي مااعرف وحدي
_كال موصاحيه خبله انتي
مدري عجبني شكلك وانت نايم
بسرعه باوعلي ساكت تلعثمت اقصد عجبني افززك
_لو غيرج جان غطيت راسه بلمي صعد
يثاوب
لحد مااجه يوم بعد مرور اسبوع طبتلي رانيه
بلصاله انضفها وانكت البردات كالت اجتنه زياره
بيدي المكناسه ورافعه ثوبي صدك منو الياخذنه
_كالت أمين
هااا لانوب هم يطلعله شغل مثل قبل وعدنه وضربنه بوري
_ماادري بعد هوه ونخوته باوعي وداد راح احضر الجهال اسبحهم وابدللهم ماريد يخبصوني ومالحك
تعالي شنو شوكت الروحه
_العصر
لا صدك شلحك وراي شغل كومه
_شعندج هوه كنس ومسح
دشوفي الزوالي منكعتهن
_موصعبه هسه اسرهن عود من نرجع نغسلهن
خرب هسه امج تحجي بس اعوفهن
_اني احاجيه بس كملي بسرعه ماضل وكت
صدك كملت كلشي بساعه وعمه شيماء تصيح شوراجن
تتراكضن بس نكلها زياره متخلينه اذا ممكملين شغل
مدري شعجب ماكلولها جهزت روحي رانيه جهالها
يطافرون عدهم طلعه
رانيه كالت شوفي مو كتلج ميتأخر حتى مانزل منتضرنه
بره باوعت للساعه ب٥ العصر
طلعت رانيه لابسه عباته بيبي وامها وامي بلهول
ملتمات
عمتي شيماء كالت على خير وين رايحات
رانيه نبت اريد اشتري ملابس للجهال
عمتي شيماء.. ومنو الياخذجن
رانيه... امين منتضرني بره يوصلنه ونرجع بتكسي
بيبي... كالت جيبلي جواريب ضخان
رانيه ...اي بيبي تدللين
طلعنه واني بالي جذبت رانيه ليش مكالت رايحين
للكاظم (عليه السلام)
وصلنه وزرنه أمين كال نروح مطعم لو ناكل ونرجع هنا بلضريح
رانيه كالت هنا نكعد عود من نرجع على طريقنه نشتري
لفات وناكل
كعدنه فضل ورقيه يلعبون مكيفين
لزمت كتاب الزياره زرت بلنيابه عن
مهداوي وهديته اله
رانيه تباوع بعيونه كامت كالت اروح ازور
مره لاخ فضل اخذه وياي بس رقيه يمكم
لاتيه عينكم عليها
كتله روحي اني الزمها جرت فضل بيده لزمته
وفات للأمام أمين مسافة نص متر عني رقيه
بصفي كاعده تلعب بجواريبها وتجرجر بيهن
عيوني على الناس التطب وتطلع
التفتت اجت عيني بعينه يباوعلي
ابتسمت ملامحه متغيرت حسيته
متوتر مااعرف بوكتها نضرته بيها معنى
غير البالي
_كال وداد ممكن تتقربين
شنو ليش
_صوتي ميوصل لضلين سألين تقربي
كعدت بصفه اشبار تفصلنه شويه دار وجها
بحضني رقو
_تعرفين ليش اجينه هنا
استغربت غير نزور
_اي وبعد
ماادري
_تنهد مدنك وايده على رجليه اني مثل مااني
أمين الي حصل كلشي من لاشي قبل لا ابدي م
مااريد تاخذين الامور وتفسريها مثل متردين شوفي
وجهة نضري وشنو غايتي والج مطلق التفكير
هزيت راسي مركزه وعندي فضول اعرف
_هذا المكان اله معنى بكلبي اني رجال عملي
وكلشي احللها وفق نطاق الطبيعي بس بيئتي
اله تأثير وأمن بهواي امور
بيوم الي انطيتج وكفت بوجه جدي وعمامي كتلهم
التريده تاخذه لحد يدخل كان اول شروطهم شنو
اليجره عليج مسؤليتي محد يوكفلج لو تعرضتي
الاذيه وكتلهم تم
عبالهم فرحان واني ازف كلبي لغيري مرت عليه ليالي
ماانام اداوم واني مضايك الراحه شي بيه افقده
شكد كلبي انعصر واني اذكر كتلج خلي يمشي
بيدي ازفج احساس عشته امر من المر
افتر بشوارع بغداد اريد ارتاح اعصابي تشنج
مو اسلوبي اكسر واعصب ماارتاح غير لما
ادخل هنا شنو السر
اشوف الكل يدعي وينخه واني الوحيد فاقد
هلأحساس ماكلت ولا دعيت بس طلبت تطلعين
من هذا ويأشر على كلبه عيوني تجول عليه
رغم هدوئه لكن كلامه يطلع بحركه ميباوعلي
_مااريد احجي اطلب عطفج غايتي توصلج
مشاعري وشعانيت
التفتلي بنضره كل الحب اليحمله بيها كال اني
امام باب من ابواب الرحمه وكدامه البيني وبينج
الله والكاظم واني الي اطلبج من كلبي الج
تقبلين ونعيش على حبه الله اكون ممنون منهم
اعيشج بليرضيهم ومااحاجه احجيلج انطيني
كلبج اكتفي وعندي بلدنيا كلها
سنه واني صابر اريدج تتعودين عليه وكدرت
اتخطه كل البيناتنه مااضغط عليج اخذي وقتج
منا لسبوع فكري بنفسج وبيه اني
صبري خلص مااكدر اشوفج كدامي ومااحضنج
مااتحمل اشاقيج بدون مااشيلج
مدنكه متت بدمي رغم اعصابي بدة ترجف ختمها وهو
عينه للقبه نطق كلمات للأن ترن بأذني ومناسيتهن
بلحرف الواحد همس ابو الجوادين مطالب منك كبل
وطالبها الي مره على سنة نبيك وشريعة وليك
احسيت روحي فورت مكدرت ارفع راسي تمنيت
بس نرجع احة رانيه عرفت اتفاق بينهم
طول الطريق ساكته كل مره يباوعلي من المرايه
اليوم عينه على الطريق تحسه شايل هموم
الدنيا واني مطايقه روحي
بس وصلنه نزلت وشايله رقيه لوما نايما اشمرها
على امها رانيه طبت وفضل هم نايم شايله
امين ثكيل خلا بفراشه وطلع
تباوعلي من جوه الجوه متكدر تسأل مترددا خليت ولفيت راسي مطيتها ضهري
ورد __ لمتهم متنمل بيومها سوو كهوه واحد من الولد كام وزع صاح لوحده منهن تاخذ توزعلنه
بينت عادتهم وتربياتهم عمامهم بلنص توسطين وداير مدايرهم الولد
من عادتهم الحجاب على الراس ماكو ابن عمي
مثل اخوي نصيت راسهم امام المره وحجيهم
الرزن يجبر المقابل يخضع لحترام بيئتهم
خالتي تسولف ويه النسوان وهاجر طايره تضحك وتنصي يمهن يسبسن ويضحكن نسمة الهوى تضرب
بوجوهنه بين البساتين ريحة الشجر والخضار يطخ
بلخشم الاضويه مرتفعه تبين داير مدايري
نهاد بين سوالف يتفقدني بنضره ابتسم يرجع
ينتبهلهم مااعرف سبب حرصه واني بوسطهم
اشكالهم بيه طابع البستان والزرع الواحد يحسهم
صلبين وخشنين اغلب بناتهم سمارهم بحمار
حلوات انتبهت وراثتهم العيون مجرورات بوسع
خشمهم موالم الوجه الوحيده هاجر ونهاد بشرتهم حنطيه بياض لان خالتي من بغداد
لهذا هاجر رغم حقارتها بس بيها ترافه ضليت ساكته
لحد مكعدت يمي وحده يطلع عمرها بعمر رانيه
هاا خيه عافنج الحبابات
ابتسمت لا عادي
_شلونج امورج
الحمدالله بخير
_ماتعاريفين
لا صغراً بيج
_حكج مره وحيده شاوفنه انه مرت حميد ابن عم نهاد قاسم
هاا اهلاً كلبي
_بلمهلي حبيبتي شفتج وحيدج كلت اجي يمج
نتلها
لان مايعرفوني البنات
_ابتسمت لا حبيبه هنه لسانات وينكط عسل لليحبنه
يخلنج تموتين على عشرتهن بس مداشه بالهن لهذا
عايفاتج
ضحكت عادي يمعوده هنه يومين وراجعين
_اكلج صدك مباركتلج بلمبارك عل حمل اني حميد كلي منتضرته ياخذني الدكتورتي وكلت اجيج
واباركلج
ههه فدوه العينج متقصرين
كضينه الساعتين صدك اتونست رغم خجلي بس
احساس المه والضحك والسوالف كبل من يحجوها
وكلهم يشاركون بلحديث تنسيك وبيوهمها حسيت
بغربتي مومنهم وبيهم
رابين بيت واحد ناس تعرف عن ناس صغيرهم
تحسه شخصيته مبنيه وعنده عقليه اكبر من عمره
لل1 عماهم اسحبو واحد وره الثاني وياهم نسوانهم الولد اطشرو البنات طبن يفرشن ضلينه اني وزوجت
حميد
ضل حميد ونهاد واحد اخو حميد اسمه محمود
اني واخالتي كمنه طبينه زوجت حميد ويانه شايله ابنه عمره 3سنين
كالت حضرنالكم غرفه الج والعمتي وهاجر يمكم البنيات فرشن اجت هاجر تباوع لمها تقربت همست بذنها
خالتي خزرتها شكلنه شلغيت بلسياره هاا
بسرعه سدت حلك امها بيدها هاي هيه بس اسحكتي
ليسمعنج البنات
وانتي هيج مستحيه منهم مامستحيه من نفسج
تركضين وراهن ركض جلاب ماعندج كرامه
انطمري يمي وسكتي
هاجر سكتت بس ميته من اباوعلها عيونه دمعت
مااعرف اجيت اقنع خالتي بعدين كلت شعليه
شمعرفني بيهن لازم اكو شي خلتها متنام يمهن
مددت حسيت بدفره شلعت صرتي مديت ايدي
شجاج ماما
خالتي غفت بس حطت راسها وهاجر ضوه
تلفونها مبين ضليت اتكلب مااجاني نوم
سحبت الجهاز وديتله كاعد
دقايق رد اي حبيبي
مجايني نوم
_لأن متغير مكانج
لا تعرفني وين مااحط راسي انام
_اجي يمج
لا عيب ليشوفوك
_مابيه شي بيت جدي كلبي قابل غريب
ماادري لوحده من البنات كاعده وتلمحك
_صاحبج بت الأوادم شكو بيه اصبري اشوف حميد
نام وجايج
سده ضليت منتضرته احساسي وبكلبي خوف من جيتنه مااعرف ليش افكاري جيب وتودي
ولهناك ذكرت طليقته بت عمها كعدت
هاي اني شلون انسه التفتت الهاجر
همست لتكعد خالتي اكلج طليقة نهاد بت عمج
قاسم لو جاسم
باوعت معاجبه جاسم ليش سألين
هيج هيج رجعت نمت وايديه جوه راسي طابكتهن
هاي شلون سالفه مااكدر اسال اسمها شنو
من عهد زعلتي يمه وشكد حجينه ودققت على
سبب طلاقه رغم كان صادق وياي
بس اسمها طار مني اعرفه لزمت كلبي
اني شلون انسه هل نسوه بت عمه وجان فرد
بيت وشالو احجي ويه نفسي شلون ورد
تمنعي من بيت جده وعمامه لابد يلتقون
صدفه بعرس بفاتحه بعزومه تخفي منهم
هاجس الخوف تملكني القلق زاد عندي
حتى بزه بصدري صارة عندي
وين يله طب التلفون بيده يضوي خافت
حار يتلفت وجها على وجهي ابتسم
من شافني هاجر مغطيه راسها متبين كاعده
حاولت اخفي توتري دنيت ذب دشداشته
منادرهم سفنج وعريضه تمدد بصفي
همس يعبه رجال شطولني مثل الحرامي
اجي الحرمتي مد ايده خليت راس عليها
وجوهنا متقابله نفسنا واحد زوجي والانسان
التملكني رغم حدة لساني وقوة شخصيتي
الزرعها جدي بس يمه اكون مسلوبت الأراده
تملكني بكل جوانبي تعامله واسلوبه فرض
شخصيته عليه عرفني حدود قوتي وين
تكون علمني وين اكون انثى وين اكون
ورد حفيدة حجي رشيد
همست مبتسمه كتلك لتجي
_افا مرتي مستاحشه المكان واعوفه تعرفيني
ماارد طلب محتاج
اممم وانت كل محتاج تلبي
_شلون يابه نركضله بيدينه ونكون برسم الخدمه
عوجت حلكي اممم بعد عنتر بن شداد منو يلحكك
دناني عليه اخذني بحضنه عاصرني مكزكز هههه
يعنترج ام حلك
نمنه محجينه هواي للفجر كام صله ورجع للصاله كملت نومتي
كعدنه الصبح من وكت متعوده على نهاد اكعده
اسويله ريوك للدوام
خالتي مدده شاده راسها
_كالت ارجعي نامي شمكعدج
لا عيب كاعدين واني نايمه
_كله مجطله ب9 يكعدن
عدالي من وكت
_لا يمه مو عوايد كبل ويه طكت الجدر تلكيهن محزمات
ماكلت لا رجعت غفيت
4ايام بلضبط واجه الماكان بلحسبان
لليوم اذكر خيوط تنفك امامي
شك بده يتوغل بدواخلي
.......يتبع
مساء الخير
بدون مقدمات القريب مني يعرف الامر بي
حاولت أكتب مرات وصلت بيه ابلع حبوب
بأدماً في سبيل يروح يفك كم ساعه ويرجع
متانيه تخلص الاربعينيه واراجع طبيب
كل الكتبته هذا عبر الايام الفاتت
تحملوني
بس هذا الاكدر اكوله
متابعه ممتعه🌼