الارهابي وذات النقاب
ام غايب
وَأَفجَعُ الناسِ مَن وَلّى حَبائِبُهُ
وَلا عِناقٌ وَلا ضَمٌّ وَلا قُبَلُ!
فلك-نصدمت كتله شنووو منو راح من بالي هذا الي جان واكف مدري شيصير من ميمونه
حسين-تعرفي لان هاي مو اول مره اشوفه
واسمع عنه الاولئ جانت من اخذتج قبل لتجيبين من بيت خالتج اكثر من مره اجه من بعيد يباوع علئ البيت وهسه وكف كبالج ويحجي شنو هالصدفه
فلك-انصدمت ....وتذكرت من وكعت الممه ...كتله تقصد هذا الي مااعرف شيصير من زوج ميمونه .....لحظه بتعجب ....حسين انت جنت موجود جانت ايدي ترجف مااعرف ليش ......فجأه جتني هالرجفه .......وكلبي مدري شصار بي ......جيت انت هناك لان انت بوكتهه كتلي راح اجي
حسين-المكالمه طولت وانتي راح تدخلينه بغير طرق واني اريد اطلع من ارجع نسولف
فلك-كبل سده ....توترت واني اتذكر واكول شيقصد وهذا شكو يراقبني الحقير ....ومنو هو وحسين اخ حسين بقيت اروح واجي منا ومنا وساعه اكعد واباوع عل وكت ثلث الساعه يالله سمعت السياره مالته وكفت
طلعت بسرعه يم الباب جنت متوتره ...لان طول الوقت اتذكر شكد انطيت من نفسي وانذليت حتى بس يرضى ....هو ....وهيه كلامه نرفزني كلشي اتحمل بس يشكك باخلاقي مااتحمل ابد
بعده بباب المطبخ فتحه ....اني كبل صرت كباله نزع مناظره
....وراد يبوسني .من خدي ...بسته لزمت نفسي شفت مو وكته هسه يكلبهه عليه لان جاي من الشغل
دخلت للهول باس علي ....جان نايم ....ودار عليه
حسين-سلامج بارد ووجهج مو طبيعي ....بس لا
فلك.بس لا ....بس لا شنووووو حسين بس لا بالغت من تشكك بيه
او ابالغ .....باوعلي بنظره حاده ورفع حاجبه ...
حسين-تتشاقين اكيد
فلك-اتشاااقه ....لا مااتشاقه اني كلشي اسمح بي بس تشكك بيه لا
حسين-ااااااااااااني مشككت بيج شنو هاللغوه
فلك-من تجي وتضم روحك تراقب بيه
حسين-شنووووووو اضمً روحي شنو اشكك شنوووو توني واصل وتفتحين الموضوع
فلك-شككت وافتح الموضوع لان وجعني كلش وجنت موجود لان انت كلت راح اجي
حسين-مموجود بس ابو رعد كلي واحد مثل الاستفزج سألته عن اوصافه
وصفلي هذا الي اني شايفه قبل
فلك_وين شايفه اذا اني اول مره اشوووووفه
حسين-مو اول مره
فلك-باوعت بصدمه ....شلون مو اول مره
حسين-اول مره بباب بيت خالتج
فلك-حسسسين انت شدتحجي ...انت تشك بيه حسين موووووو
حسين-لو اشك بيج مقدار واحد بالميه انهيج ....وامحيج من الوجود ومااخليلج اثر يبين
فلك-باوعت بحديه ....تمحيني ....شنو حسين ...احسك دتنوه الشي بكلامك مثل التنذرني ....اني فلك حسين ....الي مستحيل تخون ....وتسوي شي غلط وتغضب رب العالمين ....اني اخاف الله مو مااخونك لان تمحيني
حسين-فلك شنو داعي هالكلام ....والحديه ....تعرفين مااقبل
فلك-حسين تشكك بيه وتكلي شنو داعي هالكلام ....كلشي اتحمل بس تشكك بيه مااتحمل
حسين-ليش مكلتيلي او جبتيلي طارررررري اعرف ماعندج شي بس اريدج واضحه بكلشي
فلك-اوضح بكلشي ...وليش اكلك بي وهو شي عابر طبيعي وكعت الممه انطاني ممه علي شنو الشي الصارحتى اكلك بي...وبذيج المره عباله ميمونه صاحهه باسمي يدورون عليهه اظاهر هذا المريض جان يدور عليهه
حسين كافي كافي اني بعد مااتحمل تعرف شكد خسرت علمودك علمود ارضيك ....
حسين-خسررررتي ....شنو الخسرتي فلك
فلك-نفسي ....نفسي اكو اكثر من خسارة النفس ....شخصيتي ...كيان فلك ...كمت ادور على فلك ...ماالهه اي وجود ... فلك تعرف شنو فلك جانت
حسين-فلك
فلك-نزلت دموعي ....ومخليته يكمل كتله ...خليتي احجي ...خليني
بسببك خسرت راحة بالي ...نوم ماانام اهاف تحرمني من ابني ....وعقلي مشوش ....لان عايشه ويه انسان غامض ساعه يحبني وساعه ميباوعلي واني باقيه على مزاجه
حسين-فلك بديتي تتجاوزين ...سدي السالفه افضل باوعي وين درتي المسأله الاي محور
فلك-احجي ...وتسمعني اذا تحبني ....انت مو تكول احبج ...وين حبك وانت تضوج تسمع الي بدددداخلي
حسين-فلك كاااافي
فلك-موو كافي شتريد تسوي سووي بس احجي الي مأذيني بعد مااكدر مااتحمل اسكت ....مااتحمل ....احجي بحديه ودموعي تنزل ... احس طاقتي خلصت فجأه
تعبت واني انتظر منك حب ....حبك بس ال ورود ...منو كال ال ورود تزوجك ....منوكللهه وهسه صارت تخيرك بيني وبينهه ولتكول اشتريتج ....اكدر اشتكي عليكم ...شنو اني طماطه لو قطعه ملابس تشتريني ..
حسين-لا انتي تخبلتي رسمي ...فلك انهي المهزله هاي بسرعه ولتتمادين
فلك-بطل تحجي وياي هيج ....بطل
مااعرف جانت لحظة انفجار بدون توقف....انطلق اللعنان المشاعري ....وصارت هيه تتحكم بلساني ....بعد فتره من الصبر والعطاءعلى حساب النفس ..
سحبني من ايدي ....فلك كاااافي شنو ورود شنو خسرتني ....انتي شكاعد تحجين ااااااش بعد لتحجين لتحجيييييين ابد ولا حررررررف ....افضل شي اطلع اني واخلص لان انتي مووووو طبيعيه اليوم حتى اذاااااااا جان مضغوط عليج فمااقبل بهيج اسلووووووب ....شوكت تفهمين وتعرفين تحجين
فلك-اعررررف احجي بس لان ميعجبك ....الحجي
حسين-لااااااااا انتِ اليووووووم كلش وضعج مو طبيعي
عاف ايدي بحديه اني سكتت بس هو بقه داير وجهه مفهمت ليش .....فجأه كلشي تغيررررر اول مره اشوف حسين بهذا الوضع بركااااان
كام يصيح خرررررررره بهيج حيااااااة مابيهه راحه
وفلش كلشي كباله جانت اكو طبله يم القنفه صغيره شالهه وكسرهه هيه والبيهه اني اخترررعت فزيت صرخت ....وركضت على علي شلته ودخلت الغرفة ورود ....وبقه يفلش ويصيح اني نهارت اعصابي
اول مره هيج انهار الدرجة ذبيت علي ....من ايدي ...عل جربايه وسديت اذني وارجف ....واكول تعبت ...تعبت ودكيت على وجهي ورجعت لزمت ركبتي ....اختنكت ...وهو هم هدأ مدري طلع صارت هدوء ... علي جان كاعد مدري شلون مخترع بس ساكت بجه شويه خليتله ملهيه لان اني بعز توتري بصوت مختنك احجي
كمت اباوع علي وعيوني احسهه تحركني من البجي مدري مخرمشه روحي ....وهو يباوعلي ويبتسم .....ابتسمت ودنكت بسته ....وكمت اللعب بشعره ..شويه وكام يبجي يريد ممه والممه بره
مااعرف اجذب اذا اكول مخفت مو علمود شي بس مااتحمل بعد يع .....بعد ما حجيت احس رغم البجي والمشكله الي صارت وبعد راح تصير اكبر بس حمل انزاح من صدري .....فرغت الي احس بي بداخلي ....يزعل او ميزعل ...بعد مااتحمل عله صوت علي .....اضطريت اطلع واصلا هدوء بالنص ساعه مبين مموجود اول مفتحت الباب الكزاز بوجهي .....هاجم البيت هجم ممبقي شي اول مطلعت لكيته كاعد يدخن فزيت لا ارداي عبالي طالع ....ودنكت ورحت للمطبخ بسرعه .....سويتله ممه ال علي ورجعت للغرفه هو على نفس الكعده
شلت علي بحضني ....وانطيته الممه ....مقبل ياخذهه لان بارده متعود دافيه مايله للحراره ... كمت رحت للمطبخ بدون مااباوع ..
دفيتهه مثل ميحبهه علي من رجعت واني بعدني اريد ادخل كلي
حسين-من تكمليله رضاعه تعالي
فلك-باوعت علي جان هادئ تقريبا رجع الهدوئه ...الي متعوده علي ..
سكتت بس أشرت براسي بمعنى اي
رضعته رضعته ل علي بقه هو يلعب ....خليتله اللعابه ....جان يكلب ويلزمهن ورحتطلعت لكيته متمدد عل قنفه دار عليه مبين لان سمع الباب نفتح ونسد مال غرفه
حسين-علي نام
فلك-لا ديلعب رأسا مد ايده مثل ليكلي الزم ايده ...باوعت علي
غمض تك عين وياهه هزة راس خفيفه ...تعبر عن يكلي انطيني ايدج
بقيت اباوع تقربت اكثر علي ....من صرت قريبه هو لزم ايدي وسحبني علي
فلك.ردت اسحب نفسي ...سحبني علي ونومني بصفه وحضني
حسين-مو قصدي اخوفكم ابد ولا اشكك بيج بس جنت مضغوط كلش
اول مره بحياتي كلهه هيج اسوي
فلك-بجيت لا ارادياً ....مااعرف هالانسان حضنه ينطيني الامان
حتى بعز ضوجتي منه وحقدي علي ....قبل وهسه ....ملجئي حضنه ....من يحضني احس نفسي بأمان ....مااعرف سبب هالاحساس. يمكن لهذا السبب تنازلت عن هواي نقاط بفلك .....
حضنه بالنسبه الي مثل حضن الاب البنته هيج اني من جنت صغيره اذا صاح بيه بابا اشمر روحي على حضنه وابجي بحضنه ....يمكن حسين لان لمست بي ا الخوف عليه ولان اعرف مستحيل يأذيني لان جان يكدر يأذيني
اكثر من مره ومكدر .....يمكن لان بوكت الخسرت بابا الي جان شبه ميت حضني واني مجنت اعرف حضن الامان شنو
بقيت ابجي بحضنه ....وهو حاضني قوي ويبوس بيه من راسي
حسين-فلك ....بعده توه ديحجي دك موبايله ....طلعه من جيبه ....وكال هسه جاي طلعت من البيت توني
-ماشي ماشي
بقيت مغمضه وهو حاضني
حسين-فلك ....والله مااعرف شكلج بس عذريني هاي الفتره
فلك-غمضت عيني اقوه باسني من راسي وكام كعد بقيت متمدده وهو يباوع عليه ....ورجع باوع عل اغراض وابتسم وكال
حسين-مو بس انتي تفلشين غراض من تضوجين ورفع حاجبه
فلك-بس اني شلتهن من كسرتهن
حسين-مشوار ساعه واجي اشيلهن بعد شتريدين .
فلك-ودنك عليه وراد يبوسني بعدت وجهي ....رجع بيده ثبته ..
حسين-تره انت هم غلطانه ...بس اني زودتهه شويه
فلك-رجع دك موبايله لمحت مكتوب حذيفه
حسين هذا الي مرررض اختي ...الله لا ينطي مووو
حسين-اي ....عندي موعد ويا لان اكو شراكه بيني وبين فوزي وفوزي ماكو
نريد نتفق عليهه وكام
كمت بعد مطلع رتبت وشلت ونظفت الي فلشه انكسر ظهري من طلع العصر بالسته لحد ال١٠اني اشتغل ....وعلي يضوجني اجه بيومهه وهم حاول يراضيني ....اني احلى شي واغرب اني زعلانه ونايمه على صدره
ثاني يوم طلع الصبح بدون ميكعدني ...اتصل عليه جنت بالحمام من طلعت شفت ٣مكالمات خابرته
حسين-وينج بقه بالي يمج
فلك-جنت اسبح
حسين-مو زودتيهه شويه كافي حبي ....ميسوه الموضوع
فلك-ليش مشاعري متسوه عندك ليش مااهمك
اخذ حسره مثل ذيج عاليه ومسموعه
فلك-هم حسره
حسين-اريدج الي وبس ....هذا كل ما بالموضوع ....وحسراتي المعاجباتج هنه كلهن علمود منوو
فلك:شلون...ليش حسراتك عليه...ابتسمت كتله ليش تجذب عليه اطمئن على الاقل اني بس الك..حسراتي ......واطمئن احبك حتى بدون متكلي هلكلام وتجذب عليه ...ليش مااعرف ...ليش احبك حسين
حسين:يشهد الله ولايوم جذبت عليج بمشاعر...شوف وين اني خابرت ووين وصلنه بسرعه ..
فلك:شسوي غير انت
حسين:جهزيلي نفسج احس مشتاقلج هواي...مشتاق احظنج ومحتاج حظنج اني هالمره ....ومشتاق اتمعن بتفاصيل جسمج
فلك:حسين...وسكتت،اليوم انت مو طبيعي
ههههههه وضحكت لان خجلت ما اعرف ليش...كانما اول مره يحجي وياي هيج سد الخط بعد ما خجلني بالكلام ...صوته جان بي احتياج ....مااعرف اذا اكدر اسد هالفجوه
-جهزت نفسي لبست ثوب نوم ستن اسود وفتحت شعري ومكيجت مكياج خفيف بس بعدين نزلت ردت اطلعله ملابس من الكنتور...شفت على الميز مكياج
فتحته لكيت حمره ماروني خليتهه حسيت الحمره غيرت ملامح وجهي كلهه
نزعت الروب لان جنت لابسه روب اسود هو ويه الثوب سيت كامل جابه الي حسين قبل اسبوع بس ملابسته بعدني حسيت الحمره الماروني ويه الثوب صهرت شخصيه ثانيه غير شخصيتي ....حسيتهه انطت رونق قسوه العيوني ...وجانت توحي الانثى الكامله قويه ابتسمت انتي قويه...تحملت كلشي بالحياه وراح اتحمل و اواجه واعيش وابقه ابتسم
لهنا وكافي ...خفت على روحي شكاعد احجي اني...غمضت عيني...وتذكرت ذاك اليوم الاسود ..الي مااكدر امحي من الذاكره والي هو وصلني الهذا عمري بقوه ....رغم شغلنا وخدمتنا وشوفتنه الاشكال الشغلات بس واجهنه بقوه غيري عل شافته توصل مرحله من الانحراف وتستسلم والفضل كله ...الذاك اليوم رغم سواده بس هو خلاني قويه وخلاني اعيش لهاي اللحظه...ومتحمله قويه بحيث شفت الي هد حيل
ابويه يوم الشافه الي هو رجال ومتحمله بس شنو كسران ووكعة ابويه
خسر صحته ومو بس صحته صار ميت جسد بس عايش بالروح خسر لا يكدر يكوم ولا يفتح ولا يحرك ايده...جنت واعيه ومو صغيره...ضعفت وكلبي توجع بينت قويه
بعد مشفت ابويه انهد الجبل وامي بين على كلمة ابني من نطقهه ابويه بصوت يرجف هم وكعت .......وميمونه تخاف تتقرب قويت كلبي...ومات بذيج اللحظه من شفت راس اخويه مفصول عن جسده بلا ذنب بس لان ناس حقوده زرعت الطائفه
دك موبايلي واني مدمعه عيوني ....مااعرف على شنو
جاوبت(نور عيني) ها حبيبي
حسين:راح اوصل محتاجه شي
فلك:انت
حسين:شنو هاي انوب انت
فلك:اريدك انت وبس
حسين:اموت عليج
اريده احتاجيته ...اريد اضم روحي بحضنه ....وانسى كلشي ....
فلك_ شويه واچه همزين جان علي نايم... سويتله ممه للاحتياط هو ميگعد هيج وقت بس گلت خاف يگعد بقيت انتظره بالغرفه مالتي... الچربايه ام نفر بعدها بس من ينام يمي مااضايق لان اني احب قربه... سمعت صوته لان چان يخابر وعدلت نفسي باوعت بالمرايا فتح الباب وهو يحچي و نظراته تتغزل بيه... واني خجلت بس بقيت اباوع علي سد الباب وهو يسولف صار گبالي
حسين_ هاهي لا... لا. مو مشكلة هو چنى على نفسة... ديلله بعدين نسولف عندي شي مهم هسة وهو مومهم حتى اضيع وقت علي خوب اضيعه ويه الأهم... وابتسم سد الخط وبقه يباوع عليه
انتي يوميه حلوا بس اليوم احلى... وسحبني من الشياله الي بيدي علية حتنگطع وگبل باسني... وباوع على رجلي وكال
حسين- اااهوووو هم نسيت الهديه ....صار كم مره انساهه ....هذا الحجل احلى من ذاك جان خرز سود ناعمه اكثر من سره
چان چريء كلش هو من البدايه... عمره... ومكانته وفلوسه مبين مباقيه وحدا ممسويه علاقه ويا كلشي حلو چان حياتي صافيه جان بيومها ناسي الشغلة الي جايبها الي بالمكتب كال.. انقهرت بيومها لان چنت متشوقه اعرفها... وماكو ماچابها...
ثاني يوم چابها جان حچل يخبل گلي ماأحب الذهب چان چبتلج ذهب... بس لتخافين هذا هم غالي
فلك_ اني عندي واحد بس غالي وهو انت والباقي كلشي رخيص حتى إذا غالي بالفلوس
من چنت أگله هيج يتقرب اكثر مني ومرات من يچي ضايج اعرف مراح يتقبل حتى السلام ابتعد عنه إلى أن يهدء
الي عرفته من مكالمت ورود متقبل ترجع... وهو يحجي وياها ويحاول يقنعها وهية متقبل والي عرفته وقتها قبل لتسافر هيفاء بلحظات زينه وزوجها او كالت بس زينه هم سافرت فتفاجئت... انقهرت بيومها على سفر هيفاء... اعرف ليش قررت تسافر...بس مگلت لحسين الي حار وهو يسألها ويگلها ليش بس هيا تگله هناك أفضل الي... بس عرفت زوجها هناك... سمعتها من تحچي ويا اللعابه وهم اخذتها وياهه... يمكن تحبه بعدهي... بس شلون وهو سوى شي ميتسولف ابد
وراهه هدئة اتصلت بميمونه گالت بعد يومين تفتح الخياطات مال عمليه... اجت أبالي اخابر خاله... لان ميمونه گالت البارحه مخابره عليهه ومفهمت من ميمونه وين رايحه خاله...
اتصلت عليها... گالت تروح ويه حملدار الزيارات گالت باجر نطلع وقاسم راح اليوم للنچف يم بيت خالي عمار بس بالأسم خال المهم گعدت الاعب علي من أچه حسين چان منايم بعدين كل شويه يتصل طلعت ورود تعبانه مريضه وهو مقهور
مااعرف ليش ورود هيج اول وتالي بالعكس هي عافته يمكن تعرف ميگدر بدونهه
...........
ميمونه_ بعد ما طلع خضر عصبي واختفه .......اجه بس لو مجاي بهالوقت للمستشفى جان حسبو فلوس علينه
بس بعدا عصبي
... گومني وساعدني طبيعي ......بس ميباوع بعيوني مثل قبل حتى من اتوجع ميباوعلي وگعدني على كرسي متحرك ونزلني هو و واحد من المستشفى... إلى أن وصلت للسياره مال التكسي... صعد يمي ورى وگلي اتمدد واخلي راسي على رجله... نمت طول الوقت اباوع عليه وهو ولا يمه ويمكن يفكر هواي... لذلك ميباوعلي... وشوارعهم مو مثل العراق وهو هم يمشي بطيء... وصلنا حاجزلنا فندق... مبين مرهم كلشي او احد يعرف لان جان مو كلش تمام الفندق لان مزوره اني فأضطر بهذا الفندق... اول مدخلنا باوعت... مارتاحيت يمكن تعلمت على المستشفى ونظافتها بين عليه گبل چاوب من ورى خشمه.
خضر_ مضطرين هنا لان الولد دبر هذا الفندق متفقين ويا أأمن شي ألنا ونزع تشيرته ودخل للحمام حتى ماخلاني على الچربايه انام عدل مشيت على كيف وهو طلع رئساً... لزم ايدي گبل باوعت عليه
ميمونه_ خضر مراح تسمع
خضر_ اسمع شسمع ميمونه شنوا الي اسمعه ليش كلما ابدي وياج من جديد انخذل ليش كلما اصدگج ترچعين تخليني أشك بيچ ليش ميمونه
ميمونه_ حقك. حقك خضر والله حقك من اول مگتلك بيهن تندمت بس مگدرت أتراجع وخفت خفت اخسر اخر ايامي وياك وتبتعد عني... ردت اگعد نزل روحه عليه لان متعوده من اگعد حتى قبل لااسوي عمليه بأخر ايام ألزم رگبته بأيدي الاثنين واسند روحي عليه واگعد شبگتبه قوي وغمضت عيني حيل
خضر لتسوي بيا هيج
خضر_ شمسوي اني... الي يسمعج لازم مسدس عليج كلش طبيعي... وضعي بقيته على نفس الوضع خمس ايام... فتحت الخيوط ومكان العمليه زين لان خضر كلش اهتم بأدق التفاصيل... الي تخصني وتخص العمليه رغم ماهو زعلان مني وابد ميسمحلي حتى اعتذر شگد هو حنين ومبين على عينه بس من يضوج او يزعل صعب اصالحه من جديد...
يوميا اتصل بفلك وتتصل عليه... چان موبايله يمي... انقطع الاتصال يمكن فلك من يمها مجنت اعرف الرمز عبالي انغلق چان موبايل أحدث من موبايلاتنا الاخذهن هو واصلاً مبين مشتري ورايا لان ماشايفته عندا بس باوعت مسدود...
گلبت بي مااعرفله بس واضح رحت على الرسائل گلت خلي اشوف سوالفه شعندا ماعندا ماكو شي كلشي ملگيت رحت للصور باوعت كل الصور اكثرهن صوري ابتسمت ناقلهن وحتى مقاطع بيهن اغاني فتحت اغنيه
اجيتك من بعد غربه
وكبل سديته ....بسرعه لان خفت من الصوت يبين واصلا سمعت الدوش انسد بتوتر طفيته وخليته بصفي بمكانه الي ينام بي
جنت اعرف يجبني بس هم حبيته هل شي من شفته جانت اكثر صوري من اني نايمه ومريضه
وحده بيهه اني ويا نايمه على صدره ماخذهه صفح هو رغم مو كلش واضحه بس حبيتهه....
فتح الباب طلع من الحمام كبل باوع عليه ركز لان ابتسم اجه نام بصفي بعد ماطفه لكلوب وتمدد ولزم موبايله درت وجهي علي ...خضر مراح تسمعني
خضر:ماكو شي اسمعه بعد كوه جبرت روحي وانسه ذاك الموضوت واتعايش ويا...رجعتيلي انوب بحذيفه ودار وجهه عليه بس فهميني عوفج من حذيفه زربان شلون كدرتي تجذبين عليه وانتي تباوعين بعيني
فلك:اتصل عليه حسين اليوم من دون الايام كل شويه يخابر على علي يسأل ورجع من وكت تفاجئت بعدين كال ساعه وارجع كتله مو تعب عليك
حسين:لا مو تعب قابل وين اني اشتاقيتلكم واجيت كعد عله القنفه بيده علي ..يباوع علي بلهفه كعدت بصفه مبتسمه جايبتله جاي لان جايب غده ويا
فلك:هنياله بيك(خلت الجاي على الطبله وجرني ونومني على صدرن وباسني من عيوني
حسين:اليوم عيونج اول مفتحت عيني هيه بعيوني لا انتي ولا علي..رجع باستي
كام بوقتهه بدل ملابسه وكلي نصعد للغرفه صعدنا اني ويا ونومت علي ونمنه اني ويا
فزينه على صوت موبايل سمعته من رد بخوف مبين شخص صار بي شي كتله من كام بسرعه شكو حبيبي خوما ميمونه صار بيهه شي كبل هيه اجتي على بالي
حسين:لا فوزي يكولون مغتالي بباب بيته ...هنا اني كبل كلبي وجعني رغم ماعرفه كمت بسرعه جهزتله الملابس بس مسبح بسرعه طلع ٣ ايام ملتهي قليل يجي اخر شي اتصل عليه جان طالع....كال راح اوصل للبيت تحتاجين شي جانت تقريباً ب١بليل
وصيته لى كم شغله قبل لا اسد الخط كلي
حسين:فلوكه ماعرف ليش صرتي كبال عيني بالثوب الاسود والحمره الي جنتي حاطتهه وها هل مره صدك جايبلج شي مو مجرد احجي ......انطي الج باليد
فلك:يعني مجنت جايب
حسين-تريدين الصدك
فلك-اي
حسين-ذاك اليوم مجنت جايبه من نسيته اصلا ....جنت طالع وخطر ببالي اجيبلج حجل تخايلته على رجلج وكتلج ...وصارت عندي شغله ووراهه نسيت ....بس هالمره لا جايبلج شغله متأكد راح تحبيهه هواي ..
وتأكدي مراح ازعل
فلك-باستغراب وابتسامه ....هو شنو الي مراح تزعل منه
حسين-من تشوفيهه راح تعرفين
فلك-الفضول كام يصيح
حسين-مبقه شي ويسكت فضولج
فلك-ماشي راح اروح اجهز نفسي
حسين-مو تبقين علي عل جربايه ليوكع
فلك-لا نام علي حبيبي باع الساعه بيش
حسين-شغله عندي
فلك-اخ يا شغلاتك الميخلصن
جهزت نفسي لبست نفس الثوب ونفس الحمره نزلت خليتهه ......وصعدت تعطرت .....كعدت ساعه ساعتين ماكو اتصل مغلق ....بده القلق عليه ...وكلبي انقبض ...الحد ما سمعت صوت الباب انفتح ....اخذت نفس وركضت عل مرايه ارتب نفسي شعري حسيته مخربط توني طلعت الحمره جان يختلف لونهه باوعت عل باب انهلطت كبل صرخت
مااعرف اشرح شعوري خوف على صدمه على تفكير شحيصير ....على حسين وين ....لزموني وتوجهو على ابني فجأه الغرفه صارت بيهه اشخاص غرب ...وملثمين بالسبعه واني وابني بيدهم باوعت شالو ابني .....صرخت ابببني فدوه ...ردت اروحله جرني اللازمني جان كلش ضخم ....ويد حلكي بيده بقت بس عيوني فاتحتهن بكل وسعهن
اااابني اباوع وبكلبي احجيهه ...لان صوتي مينسمع مثل الخرسه ...واحد اجه بحديه كال
-اذا تتحركين ابنج نكتله هسه هدئي ...احسن الج والابنج
باوعتله بتوسل ...ميأذون ابني ....هجمو الغرفه هجم ....مااعرف على شنو يدورون ....ورجع دخل واحد ...هم ملثم ....يعني الموجودين مو بس ذولي الي بالغرفه ....أييست من الحياة ...مااعرف شيصير غير بس الخوف متملك كلبي خايفه اشوف ابني مثل مشف اخويه
هنا عرفت ان گلب الام والاب ....يختلف ....مابي قوة وضعف ....من قطعه من روحك وظهرك تطلع
تشوفه بعيونك يموت وانت مابيدك شي ولازم تتأقلم
هزيت راسي كاني جنت احجي بصوت عالي ويسمعوني بس بداخلي بس الا مكدرت اكتمهه بداخلي
فجأه سمعت صوت حسين
حسين-لتلزززمووووووووهه عوفوهم حسابكم وياي اني لتلزموهه
ورجع وجه الكامره هلى علي الي فز يبجي
سمعته من يكول بانكسار ....مالهم ذنب ...عوفوهم
ا...بنك الي انحرمت منه سنين شنو رأيك نكتله كبالك
حسين-عووف ابني الي تريده شنووووووووو كتلك ماادري
باوعت بخوف انهيار مو طبيعي مااكدر اعبر عنه رجع وجه الكامرا عليه
-ذوقك حلو يعرف المصلحه ويختار اليريحه بس عقلك لا .....متشيكه ومجهزه روحهه ....شنو رأيك اخذ حصتي وورايه الشباب مااتوقع واحد منهم يكدر يقاومهه وخاصه الاسود والحجل .....وتقرب
اني كمت اباوع بخوف حسين يمكن يشوفني بالكامرا ....بس اني بس اسمع صوته
حسين-عووووفههه ....عوووووووووووفهه صوته جان عالي الدرجة انبح اكو غرفه بيهه فراشات اسحب اميز الي علي الفراش حتلكه الي تريده حسيت صوته
-
من سمعت صوته بالبدايه حسيت بالامان بس استوعبت هو بعيد وميكدر كلشي يسوي رجع خله المسدس بوجه علي الدنيا سودت صرت قويه بحيث كدرت احرك روحي من هذا واصيح وهو ساد حلكي لزمني ثاني فجأه سمعت صوت الطلقه ....متحملت عطت وفتحت عيني ....وكلشي كمت مااشوف ولا احس
فتحت عيني .....على صوت ....الباب ......كبل عيني راحت عل جربايه مال علي ....ماكو.....
يتبع
تصميم somaa_2 للاحداث المستقبليه ♥️
تابعو بيجنا على الفيس بوك الرابط راح اخلي بحسابي جوه الاسم
حتنزل الناقله زهراء ام ايهم مقدمه للقصة صرخات غير مسموعه الجزء الثالث والحساب الجديد بالواتباد باجر انزله الكم بعد متدون القصص الباقيه حكاية زمزم وصرخات 💔