عشك أبن الغربية

بارت 7

بقلم " فاطمة الدليمي " 💙

.تلومني الدنيا إذا احببتهُ
كأنني ..أنا خلقتُ الحب واخترعته..
كأنني أنا على خدودِ الوردِ قد رسمته ..
كأنني أنا الذي كالقمر الجميل في السماء قد علقته..

......................................

حسين: ابوهة واخوانها استقبلونا احسن استقبال، كلش خوش ناس اهل هلة ومرحبا..قدمولنا كَهوة بس الشيخ ماقبل يشربهة.

الشيخ عزام: ابو محمد كَهوتك ما اشربهة .الة تنطيني الموافقة وماتردني .. وانه اول مرة ادخلوا لبيتك..

فاطمة::((ما اعرف ليش من كتبت هذا المقطع تذكرت هذه الاغنية.....خطابة .خطابة جيناكم خطابة ردنة االكرب منكم شرع الله وكتابه كَهوتكم مشروبة بالعزِ مديورا......النا طلب عدكم جينا نخاطب بتكم..ههههههه)))).😅😅😁

ابو محمد : شيخ اشرب كَهوتك وان شاء الله محد يردك والي تأمر بي يصير .

الشيخ عزام : كَفوو منك تربات شيوخ ومضايف.

ابومحمد : كَفوك الطيب يشيخ نتعلم منكم .

الشيخ عزام: والله يا ابو محمد احنة جايكم هين لفعل خير ومتعنين عليكم من الانبار ....ورايدين كَربكم ...نخطب ايد بتكم المصونة لابنا حسين ..

ابو محمد: والله يشيخ اتشرف بيكم لو علية كَبع وأخذ ..بس بالنهاية الرأي رأي البنية .

الشيخ عزام : انه كَدام الله وكَدام الكل اتكفلوا لحسين .وهذه كلمة شيخ اخذهة مني ..وشيصير انه المسؤال .عنوا ، بعد هذا ابن حجي ميثم الله يرحموا راية وعلم كلها تعرفوا ..وتحلف بحياتوا ، انه كايلوا لحسين لو عندي بنت انطيهياه وبعد ما اسأل عليهة..
اسألوا لشيخ عاصي ،

الشيخ عاصي : بالله العظيم يا ابو محمد انه ويا كل كلمة كالهة الشيخ عزام..واتمنى وما ترد هلوجوه الطيبة ..وهساع شاورلنا البنية ،

ابو محمد : انطونة عطوة يومين ونردلكم الخبر ..وان شاء الله ميصير غير كل خير .. واليوم ماطلعون الة تتعشون ..

الشيخ عزام: ول هي الكَعدة وياكم متنمل بس اعذرنة و عشاك اعتبروا صاير .منكدر نبقى ورانة طريق طويل وطلعة الليل موزينة. . غير مرة اذا الله راد .. وهساع نترخص منكم ..

ابو محمد: الله وياكم توصلون بالسلامة ..بس هذه اخر مرة تطلعون هيجي .مرة الجاية غداكم يمي..

...................
ام حسين: ول يمةة مبارك عليك البنية حيل عجبتني ودشت عكَلي بس حسيتهة ضايجة ...

حسين : الله يبارك بيج حجية ، اجوز تستحي منج وهي هم ثكَيلة مو من بنيات هلوكت..

احمد: أيابة هجم بيتوا للنجر يأخذلوا وحدة ثكيلة .

حسين: يول انتَ شايفني النهار كَلوا مكَظي افتر ورة البنات لو.............. لاتخليني افتحوا لحلكي عيب حظك بالحجية هين خلني فرحان.

احمد: ههههههه الله يديم الفرحة.يابه
..........................

ام محمد : حجي شلون شفتة للولد ، عجبك لا.

ابو محمد : هو مبين خوش ولد مايعيبة شئ ، بس طلع عندة ولد ، ومرتة ميتة ... اني لو علية ما انطي لان بعيدين ، بس شيخ عزام وشيخ عاصي تكفلوا وهواي مدحوا بي ، وحتة ميحتاج اسال علية بعد ، نشوف رأي هالة بالاخير قرارهة الاهم.

ام محمد: هي بعد قسمة ونصيب ، حتة امة هم خوش مرة وتعجب ...

هالة: كَاعدة بالغرفة ، والتفكير موتني بحسين ، ما اعرف شنو راح تكون نهايتي ويا.

ام محمد: يمة جيت اخذ قرارج النهائي ، فكري زين ، ترة هذه عشرة عمر كامل ،مو يوم ويومين ، وهوطلع عندة ولد..

هالة: اي يمة فكرت واتخذت قراري موافقة .. ادري عندة ولد .

ام محمد: متاكدة نرجع خبر موافقتج ، بعد ماكو تراجع.

هااة : اي متاكدة .
.......................
حسين: كَاعد افكر بيهة ومنتظر ع نار شوكت يرجعونا خبر ، يربي قزمة وخربطتوا لحالي ..بهل الاثناء امي اتصلت...

ام حسين : هااا يمة شلونك يول ابشرك عود ام محمد خابرت وهم موافقين ..

حسين: ول يمةة الله يبشرج بالجنة ، عجل انطيهم خبر يوم الجمعة نروحلهم.نخطب ونعقد مهر سيد

ام حسين: ول يمة شنلحك ، يعني بعد يومين ،

حسين : نلحك نلحك ،نسويهة عائلية وخواتي هساع اخابرهن خل يجن.

ام حسين: هذا هو مثل ماتشوفوا عجل ان شريد .اريدك ترتاح ..يلة مع السلامة .
..........................................

بعد يومين ...

حسين: يول احمد يلة فظنة انة العريس وكملت .

احمد: يول ماتكلي عليش مستعجل اولوا وتالي تزوج .ول خالي هاي شطالع بطلاك ما اخليك تروح هنوب يحسدونك وهذا الجمال يروح..

حسين: هههه يول راح نتاخر بسك عاد ،
هو انتَ اتزوج بالاول بعدين احلف بالطلاك .
بطل سوالفك..

علا، هيا: يابه اليوم اخونا شطالع جنوا واحد تركي كلللللللللللووووووش
.
**وهاي فرحتنة التمام الي فرحت كل العمام.**
**وهاي فرحتنة الجبيرة الي ركَصت كل ولد العشيرة.**.الف الف مبروك اخونة الزود.

حسين: هههههههه الله يبارك بيجن يبعد معاليجي ..
. يلة امشوا اتوزعوا ا .ع السيارات.
الطريق كلوا احمد وامي وعلا وهيا فاتحين اغاني ..ويصفكون اجواء كلش حلوة. لحد ماوصلناهم.

احمد: يولات شذابحاتنة بالاتراك ترة العراقين هم حلوين هساع انه مو اشكَر ..
عفية بنوات تموت ع الغريب .حبن ولد ديرتجن .

علا : لاعيني همه جمالهم رباني ..

احمد: ايابه واحنه شنو ،امشي اصعد امشي ام الرباني .

........

هالة: اليوم الخطبة وما اعرف شلون افسر وضعي بين القبول والرفض ..رحنا للصالون اني والاء .كلشي اختاريتة بسيط من التسريحة والمكياج..حتة الفستان هم نازك كلش لونة بنك ..صدك البساطة احلى بهواي من الفخفخة ..سوينا الحفلة عائلية بس اهلي واهلة.

الاء: وصلوا وصلوا اروح استقبلهم..

هالة: دخلن امة وخواتة ومرت اخو ...بس اربع نسوان ..الشيخ عقدلنا مهر واتفقوا ع كلشي ..

حسين : ول يابة كَاعد ع نار ما مصدك شوكت نكمل واشوفهة ، ..دخلت جوة وخواتي سطرني بالهلاهل .
يابة قزومتي شطالعة اليوم جنهة اميرة ..شلتوا لحالي..
تكَربت كَعدت بسدها سوينا كل سوالف الخطوبة من اكل ولبس ذهب ، لوبيد اعرس اليوم شيصبرني شهرين ما اعرف شون لبستهة الحلقة ايدهة بس ترجف وباردة ثلج...احسهة خايفة ام لسان ،، يلة بعدين تتعود علية ...مبروك صرتي مريتي ..

هالة: حيل توتر من كعد يمني .يمكن لان زاواجنه صار جبر ....الله يبارك بيك .

ترخصنا منهم ورجعنا واتفقنا العرس يصير بعد شهرين اللوتية شارطة الة تكمل امتحانات..

هالة : بعد ما راحوا من عدنة رحت بدلت ونمت .
النوم صديقي الوحيد من اكون ضايجة ..بليل وصلني مسج ع واتس اب مكتوب بي ...

❤ ♡♡ وشكُثر عُكبج تعدن ما شفتهن .
الله حلل اربعة وانتِ اربعتهن♡♡.❤
قريتة ومارديت.

حسين : راسلتهة بليل دزيتلهة بيت شعر قرتة وماردت
💬•ماتردين .

هالة: عرفتة حسين بس كلت خل العب باعصابة شوية.
🗨•منو حضرتك ، غلطان بالرقم

حسين: 💬▪︎ لا ما غلطان يعني ما عرفتيني.

هالة : 🗨▪︎لا ماعرفتك قابل عندي علم الغيب.

حسين:💬▪︎نتعرف ليش لا انة حسين زوججججججججج

وهساع عرفتيني

هالة: عود ماكد ع كلمة زوجج الة اطلع روحك..

•🗨 اي عرفتك بس منين جبت رقمي

حسين💬▪︎ عجل هساع صار الرقم سالفتنة ،، كلشي اعرف عنج ، يصعبني اجيبوا لرقمج.

هالة▪︎🗨 عاد بهذه انتَ الصادك. يوسف شلونة ما شفتة اليوم.

حسين: 💬• يهنيالوا ليوسف يسالوا عنه . وانه صار ساعة احجي محد سالني ،، يابة زين بس ينتظرج بفارغ الصبر شوكت تجين يموا .....وتغمرينوا بدلالج .

هالة:•🗨 حجية كلة مقصود ، بس ثولت نفسي .امم االله كريم .

حسين💬▪︎ يولي شبيج متحجين ...هو حجي وبلاش .

هالة•🗨• شحجي .

حسين💬• امم بكيفج المهم لاتخنسين.. اليوم طالعة حلوة قزومتي ..

هالة: 🗨 شكراً ، هواي طويلات عليش مااخذت وحدة منهن ..

حسين: هههه نعله ع بليسج كَصيرة والسانها شطولة
دزيتلهة بيت شعر . .

💬
.كَصيره وكل الطويلات يرحلج نذر،،،....

انه طويل واعشك الزقجه وأريدنهه صدك مريتي ...

هالة:🗨 هه طلعت نزار القباني ...

حسين: 💬اي يابه واعشك بلقيس ....صدك انتِ شنو معنى اسمج ..

هالة🗨معناه الدائرة الساطعة التي تظهر حول القمر في السماء

حسين 💬اسم ع مسمى كلش حلوو اسمج وشكلج كلشئ بيج حلوو

حسين 💬يولي نمتي وينج .

هالة🗨لا كاعدة... هذا من ذوقق

حسين : 💬 اكيد ذوقي ماكو منه بعد ....مو اختارج

هالة 🗨 عود واثق ..يله تصبح ع خير .

حسين💬 هههه مو بس واثق ومتأكَد .
وانتِ بخير يابه ..انتظرج الاحد ..

هالة: 🗨تمام .

.......

هالة: بعد مانهيت الدردشة ويا بقيت بس افكر ..يعني هو بكل الاحوال راح يتزوجني ..واذا ابقى هيجي ميبسة راسي .
.يخليني غصبن ماعلي يمه علمود يوسف ..ويروح يتزوج مو بس وحدة يمكن تلاثة يطبق الشرع براسي واني الي آكلهة .

.وبالاخير لااحضه برجيلهه ولابسيد علي ..

همة الزلم مثل خيمت البدو يومية تعشكَ مكَان ..

هو اني ما اكَرهة ولا ضارني بشئ غير جبرني ع الزواج منه.... يمكن اني تسرعت من بسرعة رديته وما تفاهمنة
او هو جان اسلوبه غلط ويا ..

يربي اهديني ع الطريق الصحيح ..اوف اوف ..

.............................

💙❤انتظروني🕊🕊 بالبارت 😘🌹القادم 💙❤