الأحد لمن داومت رجعت بسيارة آصف
لأن وكف وصاح لو اني الي اوديها لو تكعد بالبيت
ماما رضخت لأن تعرف يبطلني
ويكدر يحرك جدو وعمو بأيدة مثل الدمى
هاي جانت مقولتها الشهيرة
صعدت اني واخواني وصلو لمدرستهم
بقيت اني ويا مشة شوية بعدين وكف سيارتة
آصف.اشتاقيتيلي
حور.لا
آصف.كذبتي
حور. ليش اشتاقلك
انزعج وجر جنطتي ورجع دفعني
انلزك راسي بالجامة ساق السيارة
نزلني يم مدرستي والغضب يشع بعيونة
نزلت للمدرسة وبالدرس الثاني
اجت صديقتي هدى تركض
هدى.وج حووور تعالي شوفي
حور.شكو
هدى.فلوس جايبة وياج
حور.عندي 10
دوم ماما تخليلي مبلغ خاف يصير شي
أو احتاج فلوس غير اليومية
هدى .طلعيها بسرعة
اخذتها من الجنطة
جرتني من أيدي واني مجذبت خبر
ركضت وراها وكفنة يم الحانوت
حور.شكو جبتيني هنا
هدى.تعاي تعاي
رحت وأشوف بنات الخامس والسادس
حتى المتوسطة ملتمات عليها تبيع مكياج
هدى.ترتراااا
حور.وهسة اني شأسوي
هدى.اشتري مكياج هذا كلة ماركة ماركة
جان مكياجها كولة سمر كيك
حمرة سحرية رميل
وهي تكول ماركة
حور.وج هذا حتى ع الكوبي ماينحسب
هدى.امداج تعاي تعاي
اشتريت حمرة سحرية لأن اني أصلاً أحبها
تستعملها عمة دعاء اخذت ثنين
هدى.وج هذا سمر كيكة صح رخيص
بس وحق الله الخلقنة يخبل
تعاي وج اشتري منة لعرس ابن عمج
حور.لا ماريد
هدى.حلفت بشواربي ازينهن إذا ماشتريتي
حور.ولي انتي وشواربج
هدى.وج انتي بشرتج قشطة وصافية
هسة الباودر يطلعج شي عجيب
حور.عجيب بعينج
اشتريت سمر كيك ويا الأسفنجة مالتة
واخذتلي فرشة مال وجه بألف
هدى.صارن بثمانية
بعد عندج ألفين
وحطت أيد ع خصرها والثانية
على عقلها عود تفكر
هدى.الألفين البقن الي
اشتري بيهن حمرة سحرية بخمسمية
والف فرجة لوجهي
وخمسمية عصير الي والج
حور.ماشي
بعد عمري شكد أحبها
حقيقة ينطبق عليها مسمى من أهل الله
اخذتهن بعلاكة وردية صغيرة
وام الحانوت سمرة صاايرة ميكب أرتست
أخذت علاكتي ضميتها بالجنطة
اول مرة بحياتي اشتري مكياج
صح احنة نخلي مورد وكحل
بس ناخذهم من عمة دعاء بالختلة
همة جانو بسيطين ورخاص
بس فرحتي شكبرها وديت لجنطتي بوسة بالهوى
رجعت للبيت شمرت جنطتي بالصالة
ورحت بدلت طلعت اتغدة
وسيدة على السرير شمرت نفسي ونمت
واسمع ماما ترزل بأخواني ومدري منو حصل راشدي ابو الطكة صوتة يرن
ردت اكوم واني اسمع صوت أموني يبجي
بس غلبني التعب والنعاس ونمت
كعدت العصر شبعانة نوم
غسلت ومشطت شعري وطلعت
كولهم ملتمين بالصالة كالعادة
سلمت وكعدت منتضرة يصبولي جاي
باوعت البنات يفردشن بجنطتي
متعودات يومية اجيبلهن حاجات
نسيت وراحت من بالي سالفة المكياج
لحد ما رفعن العلاكة وطشرنها بالكاع م
وطاح المكياج واحد ورة الثاني
صدى صوتهن خلة الكول ينتبه
انخطف لون وجهي
وأباوع البنات حاولن يضمنهن بس آصف صاح بيهن
تشكلت نضراتهن على آصف
ماعرف شنو الصار بالضبط بس انجريت من شعري
واكلت راشدي وضربة الثانية على أدية الي احمي بيهن وجهي
بهتت وماعرف منوو سحبني من آصف
باوعت قصي يجر بية من أيدة
قصي. خل نفتهم ميلها اووكف
آصف.بت ال..وسكت ماغلط
منين جبتيهن هسة احركج بانزين ونفط
واشعل ساسج منين جبتي هذا منييين
حور.من الحانوت والله من الحانوت
قصي.يعني مالتج
حور.والله مالتي اشتريتة
صديقتي كلتلي
حجيت هيج وهو رجع جرني من رجلي
لزم شعري ويهز براسي شعري تكطع
دعاء.كاافي عوفها ماتت كافيي
حسان . شتسوين بالمكياج
بجيت وحاجيتة بتوسل
حور.والله ماردت اشتري بس صديقتي كلتلي
والله جدو مو قصدي خلي يعوف شعري
آصف.تكولولي ارفع ايدك عنها
عوفها ماعليك بيها
ولكم مغصغصها تغصغص الا جايبها للطريق
الوكحة اليوم اموتج والله اكطع منج لحم
حور.ماما ماما لتعوفيني
دفعني للمطبخ وسد الباب
جان يباوع لعيون ماما بأنتصار
وهية سكتت عبالك مسوية غلطة لاتغتفر
كعدت بين الكاونتر والطباخ
لميت جسمي وهو اجة كعد كدامي
آصف.شو طلعيلي خدج
حور.عليك الله لا حباب
آصف.صارلج اسبوع ماكلة خرة
ومتغيرة خل اقندرج هسا ترجعين
نفس قبل واحسن
حور.والله بعد مااعيدها
آصف. شنو بالضبط الي ماتعيدينة
حور.أي شي
آصف.انتي استهترتي فد مرة
باجر أروح للمدرسة شوفي ولج
راح أسأل واتأكد المكياج الجايبتة
من المدرسة لوو طالعة ومشتريتة
وع الله يطلع ماخذتة من برة
حتى اسكطج تسكط
حور.والله من المدرسة والله
آصف.نشوف
شو باوعيلي
من شفتة هدئ امنت وباوعتلة
رفعت راسي
رفع أيدة وضربني بنص وجهي
بجيت وضميت وجهي بأيدي
حور.حباب كافي
آصف. طلعي وجهج
حور.حرام عليك كافي
جدوووو مامااا
آصف.يلا كومي
حور.تريد تضربني
آصف.كووومي
كمت وكفت ارمش بعيوني حيل
خاف يضربني بس فتح الباب وطلعت
وكفت ورة ماما
راح هو أخذ المكياج يكلب بي
يشيل ويركع
من شافني اباوعلة شمرني بالحمرة
طاحت وراية اجتي حلا اخذتها بسرعة
وضمتها
حلا.لتخافين هاي مامكسورة تفيدنة
حور.ولي شبعت دك ياتفيدنة
دخلت لغرفة ماما رادت تضربني وبطلت
مي.اني اعلمج ادب سز يومية بعد ماكو
ضلي هيج تتحسرين على بطل المي
اااااخ منج مو بنية نقمة
حور.هسة شسويت اني
مي.اشش صوت مااسمعلج ادب سز
ع حضهن هذني منو يستخدهن جايبتهن مكيفة وتركضين ضامتهن ليكول بايكتهن بوكة
طاحظج وحظ اخلاقج الزفرة
دخلن البنات للغرفة
حلا.شبيهن عمة ذني المعاجباتكم
مو نموت الف موتة ونبوك الة نحصلهن
فاطمة.اي والله
امي دور وجها ناخذ مورد
نركض ورة بيبي ع الكحلة
مي.عفية عفية شو وخرن خل أطلع
طلعت ماما وحلا سحبت الحمرة باوعتلها اجت باستني
حلا.عاشت ايدج
لتخافين عندي فلوس نطيج وجيبيلنة
حور.حتى اخوج المخبل يكطعني
فاطمة.اشش خررب يومج لايسمع
حور.سدي الباب سدي الباب
وكفن كدام المراية حطن حمرة
عيونهن سهت عليها
حلا.لاتحطين هواااي تخلص
فاطمة.هسة شمخلية هي شوية
حور.اني هم أخلي
فاطمة.تعاي
خليت حمرة وعيوني حمر من البجي
خدودي بيهن آثار أصابع شعري مكفش
ببساطة صايرة فلم
حلا.يلا نطلع للحديقة
طلعنة وماما تخزر بية عمة دعاء تضحك
كعدت واردد بداخلي توبة اذا عدتها
دخل آصف ضميت نفسي ورة فاطمة
آصف.طلعي طلعي الوكحة شفتج
طلعت من وراها وكعدت عادي
هو اجة يمنة فاطمة وحلا سكتن
آصف. باجر أجيج ب10 تنزلين ماشي
حور.خطية حرام توكف بوجه شغلها
آصف.اكفخج لو لا شتكولين
هاا
حور.والله مااشتكي عليها لو تكطعني
آصف.اكلي قنادر لج
والخلقج وسواج اسحك راسج
وجسمج اكسرة عضم عضم
سكتت جرني من شعري
آصف.فاهمة لو لا
حور.بس حرام
دفعني وكام ابو الردهات تحلفلي اني اعلمج
للعشة جدو زعلان بعدة ع القديم
البنية بس من تزوج لرجلها تحط مكياج
يعني ماكو بنية تحب تشوف نفسها حلوة
وشكلها مناقصة شي يعني بس للرجال
انتضرتهم يطلعون ورحت يمة تلوكتلة
وبعد عمري بسرعة رضة
ثاني يوم من داومت حيل خايفة
لايجي للمدرسة والعاملة ينقطع رزقها
خطية هي أرملة وعدها 6 جهال
اول ماشفت هدى رحت عليها
حور.تعالي ام المشاكل اليوم اكطعج
أطلع بسطة البارحة بيج
هدى.شكو شكو
حور.البارحة اهلي لزمو المكياج
واليوم ابن عمي راح يجي للمدرسة
هدى.الحلو الصاك ابو قمازة
حور.اي ويريد يشتكي عليج
هدى.عادي والله عادي خلي يشتكي
شيسوي يسوي الا منو بسطج
حور.من وراج البارحة ندكيت
والمكياج تكسر
هدى.منو غير تكول
حور.قاصف عاصف آصف
منو يعني غيرة
هدى.يلبيه تستاهلين
شكو مشترية مكياج مو عيب بعدج طفلةة
وينج وين هالسوالف الماصخة دنتبهي الدراستج
حور.امداج
هدى.المكرود الجنتل
حركتي دمة وعلة صوتة بسببج
حور.بس شوية وخري
لأن راح الكطج بعضة اتوبج واخليج تحجين بنغلاديشي
هدى.لا دخيلج كلشي ولا هاي تايبة منج اني
حور.جري عدل لعد عيوني انتي
هدى.جارة جارة
مر الوقت وما اجة للمدرسة
شكد فرحت بيومها
رجعت للبيت صليت تغديت ونمت
واخواني يلحون ع ماما يردون تلفونات
مصطفى.احنة ليش ماعندة موبايلات وحوري عدها
مي.بعدكم صغار
أمين.عمرنة 10 مو صغار
حور.بيبي اطفال ليش تلحون
أمين.ماما هي عمرها 17 واحنة 10
يعني مو هواي
لعبتلهم حواجبي بخباثة
حور.7 شووون مو هواي
أمين.هسة شلون
مي.روحو ماكو
مصطفى.مامااااا
مي.وجع وسم تعال اخذلك راشدي فد مرة
ادب سز ولي منا
طلعو وطبكوو الباب
حور.ماما خطي.. مخلتني اكمل صاحت بية
مي.ماناسية سالفتج انخمدي يلااا
سكتت ونمت لا انعلس
العصر تجي يمنة شمة
بدلت تراك اسود
شلت شعري ذيل حصان
حطيت حمرة ومورد شوية وطلعت
اجتي وسلمت على عمو وجدو باست أيدهم
حتى بيبي فاطمة باست أيدها
بس عمة وبيبي يباوعن بنص عين وتكبر
لاحظت قصي صارم بشكل فضيع وياها
لدرجة يأشرلها وهي بسرعة تنفذ
وماعرف شلون تفهم علي
يعني ضحكت هو خزرها خطية ارتبكت
وجهة صار أصفر وابتسمتلة
معقولة هيج مخوفها
كاعدين ونسولف ونضحك
دخل آصف هي بسرعة لبست عبايتها
سلمت علي بأحترام ومدنكة
باوعلي وحرك أيدة تعاي
سويت نفسي مامنتبها صاح
آصف.حووور
حور.هاا
آصف.كومي
كمت ورا صعد لغرفتة
دخل لزمني من ايدي
آصف.انتي ماتوبين
حور.ليش شسويت
آصف. شنو هالخرة الي بوجهج
اشعل روحج قندررة
حور.نصي صوتك عيب البنية جوة
ضربني راشدي دفعتة شلت المكينة شمرتها علي
مشط شعرة مزهرية ريمونت شنو اجة بأيدي هفيتة بي
حور.الله لاينطيك راح تخبلني
ضرب ضرب مو خدامة عندك
والله اذا مديت ايدك بعد
الدنيا اكلبها على راسك
آصف.خرة بأبوج
جرني من شعري نضرب راسي بتاج السرير دفعتة حيل
فلتت أيدي ورحت أركض للحمام
قفلت الباب وكعدت
آصف.فتحي الباب
حور.مافتح
آصف.فتحي
حور.لو تموت مافتح
يلا عوفني
آصف.الزمج لو لا
ضلي هنا محبوسة
سكتت ماجاوبتة انتضرت ربع ساعة حسيت
صار هدوء
طلعت مالكيتة
ركضت لغرفة ماما وقفلت الباب
بقيت أقرة لحد الساعة 9
طلعت اساعدهم بالعشة
تفاجأت بشمة بعدها عدنة
شمة.وينج اختفيتي
حور.والله آسفة بس جنت اقرة
شمة.حبيبتي الله يوفقج
حور.تسلمين
شمة.ياصف هسة انتي
حور.خامس علمي
شمة.قصي هم يدرسج
حور. اي بس من تجين يمنةة
بعد انتي تدرسيني
شمة.ان شاء الله حبي
تعشينة سوة خلصنة أخذها قصي لبيتهم
آصف مموجود تفاجأت لأن هو كول وجبة يحضر
حلا.صدك شو آصف ماكوو
حسان.راح العصر عندة شغلة ببغداد
تفاجأنة ماعدا جدو وعمو وبيبي فاطمة
كأنو عندهم عادي
.........
رجاءاً صوتو لأنو دا اكتب واتعب
وأول قصة أنشرها
صح بعدها مشاهداتها قليلة
بس الي يقرأها خلي ينطي تصويت