سووو سوو سو نكملووو⬅️⬅️
عند ياسمين 👈👈
كانو قاعدين برا يسناو كاش خبر عليها .. كي خرجت الطبيبة راحو كامل يجارااو ليه🚶♀️🚶♂️🚶♀️
نعيمة: اهئ اهئ وشراهي بنتي وشصرالها😭😭
مراد: دكتورة وشبيها😞😞
الطبيبة: شكون لقاها؟وين لقيتوها ؟
اسماء: حنا لقيناها عند الدروج طايحة
الطبيبة: هه دوكا راهي مليحة تجاوزت مرحلة الخطر يعني تفتحت فراسها وخيطناها وفالسكانار مصراتلها حى حاجة لداخل دوك نسناو تفطن و نشوفو كيفااه
ايوب: والجنين راهو مليح
الطبيبة: ايه مصرالو والو الحمد الله و قولولها تحادر هاد اليامات
اسماء: الحمد الله نقدرو ندخلو نشوفوها
الطبيبة: ايه ننقلوها برك لغرفة وادخلو بالواحد
مراد: داكور يعطيك الصحة
الطبيبة: بلامزية... وراحت
معرفو يبكو على بنتهم ولا يفرحوو عالخبرر تاع الجووف💖💖💖😭
وسيلة: اسماء كان علابالك بلي ياسمين راهي اونسانت
اسماء: ايه ماما كانت حتخليهالكم سوربرايز اما شفتي واش صرا المهم الحمدلله🙏
⬅️⬅️ ودووكا نرووحو عند ادم كيما قلنا فالبارت ليفاات دخل لهاديك الدار وراح للصالون قاعد يطل بلعقل شاف كنزة واحمد تماا
كنزة: اهئ اهئ درت كامل واش تحب خليني نشوف اميرة دوكا 3ايام مشفتهاش😭😭
احمد: علاه كملتي واش عطيتلك كي ترجعي علاقتك معاهم كيما كانت ويولو يوثقو فيك باش ديريلي كيما سرين تما نخمم نخليك تشوفيها
كنزة: حرام عليك سرين دخلت للحبس بسبتك خربتلنا حياتنا علاه هكا علاه واش درنالك
احمد: ههه وراكي تسقسي ادم علاجالو تحااوزت وداك مني انا لي كنت نحبك نرمالمون نحبيني انا ماشي هو .. وسرين مسكينة علابالي كانت تحبني ستعملتها😏😏
كنزة: وتزيد تهدر اهئ اهئ ادم نحبو ومزلت نحبو سمعت ..
ادم كان يسمع ويشوف اما مفاهم فيها والووو😯😯
ناض احمد حكم سرين مشعرها
احمد: تزيدي تعاودي هاد الهدرة نقطعك يا جدك درت كلش باش تولي تحبيني ملي كنا صغار عشقت فيك باش تروح تحبي هداك الكلب 😑😑😏
كنزة طبعاتو: اطلقني اهى اهئ ولي يحب يخطف ويهدد بتصاور معندهم حتى معنى باش تخليني نسرق وختي واش ذنبها ياك سرقت بعدت على ادم علاه قاعد تبع فيا وعاودت خطفتنا
احمد: ههه حسابتلك معلاباليش بلي كي وليتي لفرنسا باش تحكي لادم مزيا اميرة كي تلاقات بادم فلبحر متعرفوش مقالتلو والو😏😏
هنا دخل ادم يصفق 👏: ايييه يا سي احمد لعبتك لعبتها مليح بصح قربت نهايتك
كنزة :😳😳 واش جابك ادم دوك يقتلك
احمد: مرحباا اااه يا ادم جيتني برجلييك ... وجبد الكااابوووس😱
كنزة: اهئ اهئ علاه جييت علاه
ادم: علاه محكيتيليش كلش
احمد: ايي ايييي ماشي وقت تتمعشقو هنا عندي هيا تشااو تشااو سي ادم وتيرا علييه
طاح ادم فالارض وكنزة راحت تجري لييه تنوح وتسيي تنوض فيه😭😭
راح احمد باش يبعدها عليه هنا يدخل سامي وراح مور احمد وحط الكابوس فراسو
سامي: تزغد راسك نطرطقهولك😏😠
احمد😡😰
هنا ناض ادم : قلتلك نهايتك قربت ايا الحبس ينادي😏
كنزة كي شافتو ناش سوطات عليه عنقاتوو وتبكي بالشهقة هو بعدها عليه قعدها وعطالها الماء
.....⬅️ ادم كان عيط لسامي كي سمع الهدرة تاعهم وهو ولؤي كانو فليزونفيرو عيطو للدعم وجاو عطاولو لادم هادوك السترات مضادة للرصاص➡️ .....
المهم جاو داو احمد وهو يلعن ويسب جنونو خرجو😡😡
كنزة: ادم اميرة اهى اهئ معلاباليش وين خباها😭😭
ادم خزر فسامي
سامي: ايه لؤي راو دا واحد من كلابو هادوك لي كانو يعسو الدار يورولو وين خباوها قالي شويا ويلحقو
كنزة: داكوور صحاا صحاا😭😭
ادم: احكيلي كامل واش صرااا .. علاه سرقتي وعلاه وعلاه😯
👈👈حكاتلو بلي نهار راحو خرجو دارو كي ولات لدار سرين عيطتلها خطفتها مع احمد وصوروها تصاور🚫🚫 ولاو يهددوها بيهم علابيها اضطرت تسرق احمد قاللها باش يبعدها على ادم زعما ينتقم وكي راحت برا لبلاد مع ختها تاني مخطاهاش كي ولات باش تقول لادم فاقلها وعاود خطفهم ودوكا كي سرين دخلت للحبس ملقاش كاش يسرق التصاميم ويفسدلهم الخدمة حب يستعملها هي👉👉
غيير كملت الهدرة دخل لؤي يجري لي جاب اميرة شافتها كنزة ناضت تعنق وتبوس فيها ولؤي راح يجري عند ادم
لؤي: ادم واش راك دير هنا ياسمين...
ادم قلبو تزير وعينيه تحلو: وشبيها ياسمين 😰😳
لؤي: معلابالكش راهي فالسبيطار قلتلي تسنيم دوكا
لؤي مكملش الهدرة كي ادم كان طار يجري ركب فطونوبيلتو وقلع ميت بالخلعة🙂😰
كنزة*باين يحبها يموت عليها😞*
لؤي: معليه تجوزو معانا نديو الافادة تاعكم
كنزة: وي بيانسور
راحو هادوك يكملو خدمتهم
⬅️⬅️فالسبيطار::::
كانو اسماء وايوب واقفين وحدهم
اسماء: افف ايوب عيطت لادم
ايوب: من صبااح وانا نعيط مكاش ميرفدش
اسماء: افف زعما وين رااه
دار ايوب ويشوفو طالع فالدروج فالربعة قريب جابها على راسو مهموش المهم يشوفها💖💖.. شاف ايوب راح يجري ليه
ادم: وينراهي واش صرا
شرلو ايوب عالبيت هو زدم يجري كانت قدامها نعيمة قاعدة وياسو فعالم اخر مزال مفطنتش .. الباقي كاين لي راحو للدار وكاين لي هبطو للكافيتيريا☕☕
دخل ادم راح ديراكت ليها شدلها يدها وبدا يبكي حالتها كانت تشف صفرة كي حبة قارص.. نعيمة كانت خرجت
ادم: واش صرا ياسمين موضي خليتك لباس بيك سمحيلي بلاك زعفتك سمحيلي😭😭
دخلو اسماء وايوب
ادم: واش صرا .. كيفاه راهي .. علاه مفطنتش
ايوب: معلابالناش رحنا لقيناها مرمية عند الدروج *ادم تفكر كي طبعها بصح قال اوااه لالا *
اسماء: خيطوها من راسها وملقاو والو لداخل الحد الان راهي مليحة هي ووليدكم .. رام يسناو تفطن
ادم مخو حبس عند كلمة وليدك معرف يفرح باسك حيولي اب💖💖 ولا يبكي على ياسمين لي مزال مفطنتش: ياسمين راهي اونسانت😳😳😯
اسماء: لي يجي يسقسينس ايييه مبروووك ليووم كانت رايحة تقوولك اما شفت واش صرا... حقا وين كنت🤔
ادم: هيا نخرجو برا نحكيلكم... خرجوو حكالهم ادم كامل واش صرا
اسماء: سما ماشي مازن .. المهم الحمد الله تهنياا منهم
ايوب: وكنزة وين راهي اميرة
اسماء: ونتا واش دخلك😑😑
ادم:والله معلابالي خليتهم مع سامي ولؤي
جاو الباقي قعدو شويا وبعتهم ادم لداار قالهم هو يقعد معاها جازت الليلة وهو يسناها تفطن اما والو
غدمنداك صباح ناض ادم لقا ياسمين راقدة
ادم: افف ياسمين افطني علابالي راكي زعفانة مني على واش قلت علابالي غلطت نوضي😥
ا كان حاكملها يدها كي جا ينوض زيرتلو عليها تخلع😳 ناض يجري عيط للطبيبة جاو يجاراو فحصوها وهو خرجووه
الطبيبة: راهي فطنت الحمد الله مصرالها والو متضغطوش عليها خلوها تريح
دخل ادم عندها حكم يدها هي نحاتهالو محبتش مامبا تشوف فيه
ادم: الحمدالله فطنتي قريب هبلت ووليدنا تاني راهو بخير وسمحيلي عالهدرة
ياسمين 😶 لارد
ادم: وشبيك .. بصح واش صرالك
ياسمين هنا تفكرت كي طبعها وراح دموعها هبطو 😭😭: علاجالك منسمحلكش قريب خسرت وليدي كون كشما صرالو نتا طبعتني ورحت تجري تحوس عليها انا تشك فيا انا ياسمين لي حباتك وعشقاتك درت كلش علاجالك تزوجنا صفقة و كشفتلك سرين ومازن باش تقولي انا رايحة نسرق وندير وكذبت على والدياا علاجالك خطرات منقدرش نخزر فوجههم مالخرطي لي راني خرطاتو غير فخااطرك وطرطقت بالبكاا😭😭😭
ادم حس بتانيب الضمير شغل كامل واش دارتلو وكذبت على والديها هو باش رجعلها شك فيها و قريب قتل جدها 😞😭حس روحو حمار رخيس
****:زواجكم صفقة😳😳😳😱
🚫🚫🚫🚫نحبسوو هنا ... ههه راني زدت هداا خفت تموتولي بلوحددة هنااا🤣🤣🤣... سوووو متنستتتوش راايكم حبيبااتي😘😘😘... تشاااو🤗🤗