تمر الأيام بين مد وجزر
ملتهية بين دراستي والمناوشات الي ماتخلص بيني وبين آصف الي صار عندة حافز يحتويني بشكل أو ثاني
أو يثبت نفسة بشكل صح او خطأ
واليوم خميس العصر نروح نشتري النيشان لشمة
الي احس نفسي فرحانة راح تجي يمنة
الجمعة نروح ندزة وتصير خطبة رسمية
ما رادو مشية اكتفو بروحة جدو وعمو وآصف
ونطوهم الموافقة بالأرتباط
دعاء.الساعة ب 3 نطلع نجيب النيشان
البنات تجن ويانة تختارن على ذوقجن للبنية
وطلعنة اني وماما وعمة والبنات
وصلنة عمو سلمان للسوكـ وراح
بقينة نفتر إلى أن وكعت عيني على فستان
بيجي بينصل ردانات شيفون وفتحة طويلة
بي شغل قليل ذهبي يجنن
حور.عمة هذا أخذي للعروس
باوعتلة وعجبهم رحنة عاملنة علي ب56
اخذنا إلها
وبعد اختارو ثنين فساتين راقيات
ثنين صايات ثنين أحذية ثنين جنط قاط لونة زهري
عباية ومصلاية وسيت ابيض يجنن
وتراكات وملابس بيت ثانية وعطور
رحنة للذهب أخذو تخم ب3 ملايين ونص
المهم جهازها صار ب4 وربع كولة حلو
حتى الشمعة خذتها عمة
دعاء.نطيها بيدها بعد 3
مي.اي كافي احنة تقريباً جهزناهة
كعدنة بمطعم تعشينة بفلوس المهر ههه
وعمة اخذتلنا كول وحدة سيت حذاء وجنطة
كولنة اختارينة ذهبي كعب عالي جانو راقيات
خلصنة ورجعنة للبيت جهزنة ملابس شمة
بجنطة سفر كبيرة اشتريناها من السوك بيضة مال عرايس وبيها شريط وردي
دعاء.يوم الألك أصوفي حبيبي
وافرح بيك يابة شأسوي بعرسك
ارقة جهاز أجيبة لعروستك الحلوة من ارقى مكان
أخلي العالم تسولف بي
آصف.بس كون تبطل عناد ووكاحة
دعاء. أسكت عروستك بنتي اني
ماقبل تحجي عليها
ضحك آصف وعيونهم تباوعلي لهيت نفسي عن نضراتهم
واني اشيل بشعري وأحط ورة أذني
دعاء.خجلتوها عمي لتباوعون عليها
شوو حور رفعي راسج
أمين.حور هم تزوج
دعاء.اي جا ليش ماتزوج
أمين.ممم عرفت منو هي تحب واحد
وكف كلبي وكولهم باوعولي
خو آصف عيونة طلعت ليكدام
حسان.تحب من
أمين . تحب احمد ياسين اللاعب
كولهم سكتو وصارو يضحكون علي
وهو الخبيث يضحك وياهم
آصف سكت وعكد حواجبة
سحبت نفسي ورحت للغرفة
دخل وراية آصف باوعتلة
حور.ها
آصف.وجعا
حور.شبيك اكو شي
آصف.اي اكو
حور.شنوو
آصف.سمعتي من ساع اخوج شكال؟
حور.عادي يعني وحدة يحجي
آصف.هاا وحدة
حور.ي
بقة يخزرني وصام أيدة حيل
طبك الباب وطلع
اصلا هذا امين الحقير مرة كاعد يشوف اللأعبين
مطلع لعبة ويباوع طلع هذا اللاعب
كلي تحبي بدون اهتمام كوتلة اي
نوب يشد وياي
ثاني يوم اجن خوات عمة ثنين
حتى يروحن ويانة للنيشان
وياهن بناتهن 3 ، ثنين بالجامعة وحدة بالسادس
فاطمة وعلا تركني وبقن وياهن
طبعي كولش اغار عليهن احسهن خواتي
صح اني كعدت يمهن بس يحجن بيناتهن
ومماخذات راحتهن لأن بقيت يمهن
لمن شفتهن هيج صعدت الغرفتي
لمن طلعت سمعت كالن اييي
وحلا كالت لفاطمة سدي الباب
كعدت بغرفتي طلعت فستان سمائي
باف من البداية للأخير وايدة منقوش بيهن ورد ماروني
جهزت شال ماروني وحذاء كعب ماروني وبوك ماروني
اندكت الباب ودخل مصطفى
مصطفى.تكول بيبي خل تنزل تساعدهن بالمطبخ
حور.اي هسة جيت
نزلت وبيبي كاعدة اشرتلي اجي
وصلت يمها لزمت اصبعي لوتة
حور.شبيج بيبي كسرتي اصبعي
فاطمة.اني اعلمج تتخنسين بغرفتج خاف يطيح ماعون وتغسلينة امشي اريدج ماطلعين من المطبخ ابد امششي
هدت اصبعي مسحت دموعي وحركتة شوية شوية لأن يوجعني
رحت للمطبخ نضفتة غسلت المواعين
وهي بالصالة اشرتلي على الحديقة
طلعت نضفتها وسقيتها ورجعت كعدت بالمطبخ
فتحت باب غرفة عمة دعاء وطلعن البنات يضحكن
كعدن بالصالة وحلا اجت شربت مي
حلا.ليش كاعدة هنا ولج كومي يمنة
حور.لا هنا مرتاحة أحسن
حلا.امداج شوفي حارة تسمط
حور.لا زين الجو
باوعت لبيبي خزرتني حتى لا اجي يمهم دنكت
ماما انتبهت عليها وجها صار احمر
مي.كومي روحي لغرفتج
دعاء.شعندج كاعدة بالحر ماتكوليلي
مي.سمعتي لو لا جاي اكول روحي لغرفتج
حور.بيبي متقبل
مي.كوليلها ماما دزتني انضف فوك يلا
صدوك اول ماصعدت صاحت بية وين اني شكلت
حلا.ماما دزتني انضف فوك
فاطمة.رجعي للمطبخ
مي.يلا حور صعدي نضفي
صاحت ماما من المطبخ
بيبي ضااجت كلبت وجهة
صعدت لغرفتي طلعت فوني العب بي
وفتحت اغاني رطبت بشرتي وجسمي
بعدين دخلت للحمام
طلعت لبست تراك نيلي ستن عريض
شسورت شعري وسويتة كعكة
اذن صليت وخلصت
صبغت اضافري ماروني حطيت عطر ونزلت
ساعدتهم بالصب ونقل الأكل
كعدنة على سفرة وحدة ناكل
باوعت البنات صارن سطرة وحدة وماكو مكان
رحت كعدت بين ماما واخواني
رفعت راسي شفت بيبي خازرتني
دنكت ومارفعت راسي بس مرة وحدة
جانت تضحك وياهم بس باوعتلها خزرتني
خلصنة غدة غسلنة المواعين سوة
صارت الساعة ب 2 صبينة جاي شربو
وكالو بالأربعة نطلع لبيت البنية
بقيت كاعدة العب بتلفوني ل 3 وربع
كمت بدلت وحطيت واقي وكحل ومورد
لبست الشال جواريبي والحذاء العالي والبوك
أخذت عباة راس لأن ميقبلون نطلع بفستان الوان
لو صاية سودة لو جبة أو فستان اسود
نزلت جانو مبدلين وكاعدين
جدو وعمو سلمان طالعين
دعاء. فدوة بنيتي جنها كيكة تلهث لهث
خجلت من وصف عمة
والبنات عجبهم تنسيق ملابسي وفستاني
قسم بسيارة قصي
وقسم بسيارة آصف
سيارة قصي ركبو الكبار بس بيبي ما راحت
تكول مالها خلك وهوسة للعقد تروح
وسيارة آصف على أساس احنة نركب بيها
طلعن البنات واخواني واني وياهن
صاحتلي بيبي
فاطمة.حوور
آصف.روحي شوفي بيبيتج شتريد
حور.اي رايحة تانوني
بس عبرت المطبخ نطبكت الباب رجعت
حور.آصف ليش سديتة هسة اجي
دفعني حيل ردت اوكع
استغربت لزمتني بيبي من زندي
فاطمة.يلا روحو
طلع هو يمشي ببرود طاحت دمعتي
ليش عافوني
باوعت فتح باب السيارة للبنات ويضحك وياهن
انضربت على خشمي باوعت بيبي ضربتني
حور.ها بيبي
جرت شالي طيحتة وطاحت دموعي
حور.بيبي شسويت اني
ضربتني بالعكازة مالتها على رجلي
صرخت ورجعت يم الحايط
حور.ليش بيبي هاي توجع ليش
ضربتني مرة ثانية وثالثة بثنين اديها بقوتها
حور.برووح بابا عوفيني بيبي
فرفحت بجي لأزمة عوجيتها واتوسل
وهي ضخمة وسمينة
عافتني وكالت كووومي
كمت وكفت ضربتني على ضهري احسة نكسر
فاطمة.اني النسوان يكولن ليش ماتحترمج
اني فاطم تعرفيني منوو ولج
جرتني من شعري
حور.اسفة بيبي اسفة
فاطمة.يلا روحي لغرفتج امشششي
نزعت الكعب لأن رجلية انتهن
رحت لغرفتي مابجيت بعد
رجعت لنفس تراكي لبستة
مسحت وجهي بكلنس مائي
توترت لمن شفت ماما تصلت
مي.الوو
حور.ها ماما وياج
مي.طبن البنات كالن بقت هناك ليش وينج
حور.بقيت يم بيبي مابية شي
مي.متأكدة
حور.اي ماما
مي.هسة جاية اني ماعرفج قابل صوتج باجية
حور.ماما لترجعين عيب ماكو شي
سدتة من عندي أباوع خدي وخشمي صايرات حمر من الضربة
سمعت صوت سيارة شفت آصف نزل
فتح الباب ودخل صارت هدوء
تقريباً عشر دقايق وسمعتة صاحلي من الصالة الجوة
آصف.حووور
_لج قندررة نززلي
نزلت واشوفة دخل لغرفة بيبي
دخلت هو يحجي وياها
رفع راسة من شافني اجيت
لزمني من شعري
دنك راسي على أيد بيبي
آصف.بوسيها
بست أيدها
هي كالت عوفها كافي
أحس نفسي بغربة وعلى ساعة يكتلوني
ونضراتهم علية عبالك عدوتهم
كاعدة يمهم خايفة روحي تلوب أريد ماما
كام اصف كفخني على راسي حييل دخت
بيبي ساكتة ما مانعت ابد
دفرني بخاصرتي بقيت ساكتة لأن اشرلي اسكت
والوجع نهش روحي بقيت اتكلب ايدي على راسي واباوعلهم بيبي تباوعلي وساكتة
رفع أيدة وجابها بنص وجهي نشكت شفتي وطلع دم
من خشمي وحلكي طفرت يم بيبي
حضنتها ولفيت أيدي على ركبتها
حور.بيبي احميني
حضنتني وكالتلة كافي عوفها
كعدت يمها على السرير ابجي بخنيكـ
هو واكف على راسي
طبت ماما للغرفة الوجه أحمر شالها متخربط
لأزمة اخواني بأيدها
شافتني شهكت
رحت حضنتها هي عيونها نترست دموع
حطتني وراها وهجمت على آصف
تفلت على الكاع جوة رجلة ودفعتة من صدرة
مي.ولك ولية انذااال الله اكبررر
تخبل من ماما هيج سوت
ضرب المرايا بوكس كسر المزهرية
مي.ياخسارة الشارب بيك
شسوتلكم بتي هااا
عمة انتي مو دزيتيها تنضف المطبخ
نضفتة لو لا
دزيتها تنضف الحديقة نضفتها
ليش تكوليها أبقي بالمطبخ خدامة بتي لو لأن يتيمة
البنات كاعدات يحجن بيناهن ويضحكن وبتي تحبسيها بالمطبخ لاتقبلين تطلع لغرفتها لاتقبلين تطلع للصالة
بيا كتاب منزل شرعج
آصف.عسما تكتلها انتي ماتحجين
مي.انجب لك اني من الصبح اكدر أخذهم واطلع
المحاكم وياي ابوهم ميت الحضانة لأمهم
بس اني ردتلهم سند حزام ضهر
بس تتفرعنون عليهم لا أكوم الدنيا وماكعدها
آصف.ههه ضحكتيني والله وتجاوزجج هذا ما انسا ابد
مي.لاعبالك من تغلط اسكتلك لمن تضربها
اكول ابن عمها وماعدها اخ جبير ولا أب يحاسبها
خلي على راسها لأن البنية يرادلها متابعة
بس تأذيها ضلم اكل لحمك لو مو مر لو زهر أكلة
طلعتنة رحنة لغرفتها اخواني ضايجين يبوسوني
طلعتلها ضربات بيبي حطت كطن لخشمي مسحت وجهي
حطت راسي على صدرها شمت شعري حضنتني حيل
اخواني قفلو الباب واجو نامو يمنة
__نايمين فزينة على دكة الباب القوية
طلعت ماما شافت عمة دعاء اجت يمنةة
بقت ماما تسولفلها شسوو بية
دعاء. شحجي وشكول منو خلة وليدي هيج غيرها
مو سوتة حجر هاي الرادعها عمي الله يحفظه
بعد عينة تكلبهم علينة
باوعت علية باست راسي حضنتني حيل
دعاء.الله يكسر أيدة
مي.لا اسم الله
طلعن من الغرفة بقيت اني واخواني حضنت اموني حيل
وعيني على الباب
منتضرة حلا وفاطمة يجون يكولون ليش ما أجيتي
الحفلة مو حلوة بدونج
بس ابد ما اجن بس اسمع ضحكهن وي بنات خالتهن
يعني جذب ميحبني مثل ما اني احبهن
غمضت عيوني ورجعت نمت
كعدت على صوت ماما وهي جايبة اكل
دخلت للغرفة جايبة العشة
بالكوة أكلت لكمتين شفتي مورمة وتحركني
حور.هاي هي شبعت
مي.مااكلتي شي اكلي ماما
حور.شفتي موتتني مااكدر
باوعت بالمرايا صفحة خدي بيها زراك
شفتي مورمة حيل وصاير جواها مثل الدم
طلعت اغسل همة بعدهم يتعشون بالصالة
صار كدامي آصف
مر من يمي باوعلي وصعد لغرفتة
رحت اغسل وجهي بيبي فاطمة واكفة تغسل
طاحت عوجيتها رادت دنك ماكدرت كالت ياعلي يبني
دنكت انطيتهيا بأيدها باوعتلي قربت أيدها لخدي تلزمة
رجعت ليورة هي طلعت
غسلت ورجعت لغرفة ماما
حور.ماما خلي انزل كنتوري يمج
ابقة هنا انام بحضنج دووم
مي.حتى اني هيج كلت باجر الصبح نزل غراضج
ونفضي الغرفة الفوك منو يريدها خل ياخذها
الصبح كعدت ب 9 خوات عمة رايحات لبيتهن من الصبح موديهن آصف
تريكنة وخلصنة كعدو اخواني وبدينة نزل الملابس
لعاباتي دبدوبي ميز المرايا مالتي صغير هم نزلنا
عمة دعاء كالت لا ليش
ماما كالت هي تريد يمي
نزل قصي صبح علينة
قصي.اريد ريوك
مي.هسة اسويلك احلى ريوك حتى بعدين تنزل كنتور حور لغرفتي تريد تجي يمي بعد
قصي.هااا حور تعوفين غرفتج شعجب
مي.يمي أحسن
قصي.ما دام هيج أروح افكة ونزل الخشب
حتى ورة الريوك اشدة واطلع
ماما راحت تسوي ريوك هو صعد واني واخواني وراة
فك براغي الكنتور وهو فارغ وصغير
نزلنة الخشب هو راح يتريك
بقينة الأخشاب بالصالة هو راح يتريك
دخل آصف كال السلام عليكم
سويت نفسي مشغولة ماما ماردت
بس البقية ردو
طلع من المطبخ شاف الأخشاب رجع
آصف.شنوو هاي يوم
دعاء.حور تركت الغرفة نقلت غراضها وكنتورها بغرفة امها
آصف . شنو
دعاء.مو ستوني كلت
آصف.ماكوو هيج حجي
ضرب على الميز بأيدة 3 مرات بقوة
صيح ودمارات ركبتة بينت
_تبقين بغرفتج ورجليج فوك راسج
هسة صاعد أشد الكنتور صعدي غراضج يلا
مي.مو بكيفك بنتي تنام يمي رجاءاً لتدخل مشاكل ماريد
دعاء.شعليك انتة آصف
وين ماتريد تنام تنام
آصف . مو بكيفها تبقةة فوك بغرفتها جاي اكول
طلع جدو على صوت صياح آصف.
حسان.شكو خير يارب
مي.حور تريد تنقل أغراضها بغرفتي
حسان.ويعني
آصف.تبقة بغرفتها ماتنزل
حسان.وانت شعليك
آصف.جددي
حسان.حور ليش جدو تنزلين
كعدت ماما سولفتلة شسوو بية البارحة
جدو ضل يصيح وآصف معاند ويشيل روحة ويركعها
حقة هناك جان مسويني جيس ملاكمة
شوكت ماعجبة يجي يضرب
شد قصي الكنتور وآصف جرني من أيدي
راد يضربني لأن تركت غرفتي
جدو دفعة كسر المواعين الي ع السنك وطلع
رتبت غرفة ماما خليت دبدوبي يمي حضنتة
والبقية ماما فرغتلهن خانة من الكنتور مالتها
كعدت أقرة باجر امتحان إسلامية عندي
قريت من ال 10لـ 12
بعدين طلعت صليت وتغديت وآصف ماكو
شبعانة نوم فما نمت الضهر بقيت أقرة
صارت الساعة بالخمسة العصر
خلصت المادة بقن بس المعاني مال صورتين
طلعنة العصر نشرب جاي
دخل آصف للبيت سلم وباوعلي
آصف.تعاي حور احاجيج
حور.ماريد
صيح علية كووومي
حسان . شوفي شيريد
كمت جر ايدي وطلعنة بالحديقة
وكفنة كدامة لزم وجهي ويباوع لعيوني بحزن
آصف.حوريتي رجعي لغرفتج
حور.ما أرجع
آصف.منو بنيتي الي افكدها حضرت لو لا
اطب لغرفتها مثل المداهمة
حتى اعرف لأزمة الموبايل لو تقرة
زين منو باليل اشوفها متغطية لو مكشفة
نايمة لو سهرانة واجبرها تنام حتى لا تتعب عيونها
هااا
يلا حبيتي باباتي انتي رجعي لغرفتج
وعيونج بعد ما أذيج ابد يلا حبيبي
روحي كولي اريد أرجع لغرفتي يلا
حور.ابددد ما ارجع لو تذبحني
لزمني من شعري بسرعة تغير
منساع وين يحجي وهسة وين
آصف.رجعي لغرفتج لا اسكمج سكم والله
أمس حاضنتلي أمين ونايمة موو اني اعلمج
هسة تروحين تكولين أرجع لغرفتي لا اشعلج شعل قندرة
دفعتة ورجعت كعدت يم ماما
اشرلي بعيونة حتى اكوللهم اريد أرجع لغرفتي
اشرتلة لا
سوالي بأيدة بسيطة
رفس الطبلة وصعد مثل العاصفة