حوريتي الجزء الثاني

حوريتي 🌹2

الحلقه الرابعه ( حلقات خاصه)

(( حوريتي))

مر ست سنين...ابطالناا حبهم لبعض بيكبر..بالرغم من مرور الوقت عليهم وكل واحد بقا لي حياه زوجيه مستقره نوعا ما..اكيد مش احسن حاجه بس لو ف مشاكل بيعدوها سوا..طلماا فيه بينهم حب..تفاهم..وود ورحمه كل حاجه بعد كده سهله وبيتخطوها..والاهم انهم عيله..بيسانده بعض ف اي وقت وف اي مشكله...بالرغم من انو جميلاتناا دلوقت امهات..الا انو جمالهم مقلش..بالعكس ده زاد..مسبوش مشاكل الحياه الزوجيه والاولاد وشغل البيت وشغلهم يأثر ع شكلهم وجمالهم..بيحاولوا يعدلوا بين كل حاجه ع قد م يقدروا..

كارما واسر خلفوا البنت اللي كان نفسهم فيهاا...رنا.. ودلوقتي هي اربع سنين..بالاضافه لمالك..اللي دايماا قاعدد ف بيت فهد ومسك..خناقه مع بيلا مستمر بسبب حور..حور اللي خدت ملامح كتير من امهاا وجدتها حور الكبيره..حتي مالك الصغير واخد كتير من ملامح جده...طول الوقت مع مسك..بتعلموا هو وبيلا اللي هي اتعلمته زمان بس بدرجه اعلي..بس مشاكسات مالك وبيلا مش بتنتهي ابدا..وده مسلي نوعا ما...هو بيحب حور وحور كمان بتحبه بس العنيده بيلا مش عايزه حد يشاركها ف اختهاا وخصوصاً لو مالك..بتكرهه لسبب محدش يعرفه...

اما كارما واسر فهما مستمتعين بخناقتهم دي..وف نفس الوقت بيحاولوا الموضوع ميوصلش معاهم لحاجه اكبر..وهكذا فهد ومسك..

مسك اللي متغيرتش لثانيه..بالعكس جنونها بيزيد ف كل حاجه...لسه هي ومالك متفقين ع تربيه بيلا رغم اعتراض فهد ع ده..بس الواضح انو بيلا حابه للموضوع جدا..بس الحمدلله طلعتله حور..حور وهي حور فعلا..هاديه..ناعمه..رقيقه..هي كل حاجه عكس بيلا ومسك..فهد مبسوط بيها جدا انما مسك مضايقه من كده..مش عايزه بنتها تكون ضعيفه من وجهه نظرها..ومالك كان عكس م توقعوا فرح جدآ بصفاتها دي..لانهاا بتفكره بحوره..وبقا شايف فيها حبيبته من اول وجديد بس وهي بتكبر قدامه...حابب حب مالك الصغير ليهاا..حابب حبهم لبعض.. ودايما بيقول "دي قصه مالك وحور بتتعاد تاني بس المره دي مفهاش فراق ولا وجع القصه الاولي"

شذي وياسين دلوقت عندهم يوسف 7سنين..هو اهم حاجه ف حياتهم..دليل حبهم..رابط بيقوي علاقتهم اكتر..ومش بس علاقه امه وابوه بل علاقه العيلتين كمان..

كنزي وعدي...واااه من كنزي...اينعم عقلت شويه بس التؤام بيجننوهاا اكتر...مبقتش مهوسه بسباق الخيل زي الاول..عرفت انه فيه اولويات..بس دي لسه هوايتها..كل م يجيلها وقت هي وعدي بيتسابقوا...وبيعيدوا ذكرياتهم من الاول..

مروان وفرح..ورز..روز قطعه من الجنه...بريئه زي امها بالظبط..فيها ملاامح فرح كلها بس ع اصغر..ودي حاجه محسسه مروان بسعاده كبيره..حاسس انو بيربي حبيبته ع ايده من الاول وجديد...حاسس انو بيخلق عالم جديد مع مراته وبنته...بالرغم خوف فرح الكبير عليه بسبب المهمات الل بيطلعها بس دايما بتحس بفخر انها متجوزه ظابط..بيحارب الشر..وبيرجعلهاا كل مره وهو منتصر..

فدوه وساجد..ومازن...مازن الل جيه قوي علاقتهم اكتر..مبقاش فيه شك بينهم من يوم م خلفت..نضجت زي م بيقولوا..او هي فعلا دي هواجس الحمل...مازن قوي علاقتهم اكتر...خلاهاا ترمي كل الذكريات اللي مكنش فيها ساجد وتخلق ذكريات جديده مع حبيبها ونسخه مصغره منه...

اماا عز...خلص دراسته.. والمفروض انو كبر وعقل..بس ف الواقع هو اصغر من اطفال الل ف العيله كلهمم...بيصاحبهمم ويتعامل معاهمم كأنهم من سنه او هو من سنهم..مش عايز يقتنع انو التفاهه المبالغ فيهاا دي مش لسنه او مش ف كل الاوقااات..بس سيبكوا انتو من الكلاام العميق دهه هو مفيش احسن من التفاهه وعز هيفصل كده والل مش عاجبه ميقراش الروايه😹🙂

هديل عارفهه انه بيحبهاا وهي كمان متنكرش انها معجبه بيه..بس هيي مش عايزاه كدهه...عايزاه ناضج عن كدهه...عايزاه عاقل شويه...بيعرف يتعامل مع المواقف الجد بطريقه اعقل شويه..مش كل حاجه عنده واخدها بمنطق التفاهه وعبيلو واديلو..فكرت انو لما يتخرج هيبقا اعقل عشان هو مسك الشركه مع اسر وكارما... بس بالعكس فضل زي م هو..وهي حالياً بتشتغل تحت التدريب عشان دراستهاا..وللاسف هو الل بيدربهاا..

****

واقفه عند سلم المدرسه ولا كأن عندهاا حصه...شويه وجاتلها حور وهي عماله تعيط

ييلا بقلق
_ ف اي بتعيطي ليه...حد كلمك..

بصت لزينه لما لقت حور مش بترد وبتعيط بس
_ زينه ف اي..اتكلمي..حد عملكوا حاجه

زينه بخوف
_ اصل...اصل مالك.. مالك بيتخانق مع واد ف سنه سته ومالك بيجيب دم..

ابتسمت بسخريه وربعت ايديها ع صدرها وقالت بشماته
_ هئ الحلو بيضرب..اومال فين التمريمات بتاعت ماما..سيبه يمكن يفتكرها ويفتكر معاهاا انو بيلا مفيش احسن منها

حور بعياط
_ لا ي بيلا وحياتي..تعالي شوفيه.. عشاني انا...الولد ضخم جدا..وبيضربه..ده..ده يينزل دم..

قلبها رق لما شافت منظر اختها ومسكت ايديهم
_ يلا اهو نعمل فيه خير برضو..

راحوا عند الخناقه ووقفتهم بعيد وقربت هي من الولد اللي بيضرب مالك وزقته بعيد عنه وقع ع ضهره

مالك قام ومسح الدم اللي ف وشه وقالها بغضب
_ بيلا ابعدي نتي..متدخليش

بصتله بسخريه وهي بتشمر كم التيشيرت بتاعها وبتقرب ع الواد الل باصصلها بخوف ، ومين ميعرفش بيلا وممكن تعمل اي ف اي حد يزعلها او يزعل حد من قريبها

=اسكت انت ي سبع البرومبه..انا هتصرف..لما اشوف الشحت ده ييمد ايده ع حد تبعي ازاي

قربت من الولد وفضلت تضرب فيه وزينه وحور واقفين بعيد بيعيطوا ومالك

*****

قاعدد ع مكتبه بيكلم بنت ع اللاب توب ومبتسم...خبطت هديل ودخلت وهو لسه بيكلم البنت ومش واخد باله منها .. فضلت باصه عليهه بغيظ

ضحك للبنت وقال بمرح
_ ههه ي حبيبتي والله م كنت اعرف..يعنيي ناا لو كنت اعرف كنت هسيبك كدهه..

البنت لوت شفايفها بسخريه
_ حتي لو عارف كنت هتعمل اي يعنيي

غمزلها بمرح
_ لااا كتيير يعمري..

قاطعته هديل وهي بتضرب رجليها ف الارض بغضب
_ لو حضرتك خلصت قله ادب..احب اقولك انو ده مكان شغل..

بصلها وبعدين بص للبنت بهدوء
_ هكلمك تاني سلاام..

رجع بصلهاا ورجع لورا براحه
_ امم كنتي بتقولي اي بقا..

هديل بغيره وتوتر
_ ك..كنت ..كنت بقول انو ده مكان شغل..مش مكان مسخره

رفع حاجبه
_ بجد؟! مكنتش اعرف... شكرا ع المعلومه..بس لعلمك ده اللاب توب بتاعيي يعني اعمل عليه الل نا عايزه

قربت منه وحطت الورق الل ف ايديها ع المكتب وقالت بغيظ
_ لا ده لاب توب يخص الشغل..يعنيي المفروض تستقبل عليه ايميلات وهكذا.. مش للبنات خالص ع فكرة

ابتسم ابتسامه جانبيه
_ طب م اهو دي ايميلات برضو..بس ايي مقولكيش..ايميلات متعبه اوي..هيييح..

تاففت بخنقه
_ طب ايي.. اخرج..

اتعدل بسرعه وقال بجديه مصطنعه
_ تخرجي ازاي يعني.. احناا جايين نشتغل ي هانم مش نهزر..موظفين اخر زمن..هاتي الملف ده

عقدت حواجبها باستغراب واديتله الملف ، فضل دقايق باصص فيه وف الاخر بصلها بإحراج
_ احم..حلو اوي

_ هو اي الل حلو

_ الشغل..

رفعت حاجبها
_ شغل اي..الملف لسه مخلصش اصلاا..

شهق بدهشه وقال بغضب
_ ولماا هو مخلصش جايباه ليه..ولا هو اي هبل وخلااص

قامت وقفت وقالت باندفاع
_ حضرتك نا مالي..انت الل المفروض تخلصه

بلع ريقه بتوتر
_ هاا

_ بقول لحضرتك نت الل المفروض تخلصه..ده ملف المناقصه الاخيره

عز ببلاهه
_ هاا..

تاففت بنفاذ صبر
_ عز ركز ي باباا

عض شفايفهه باحراج
_ بصراحه ناا مش فاهمم حاجه ف الملف ده..

برقت بدهشه
_ يعني اي مش فاهم حاجه

حاول يلاقي كلام يقوله بس مش عارف يقول حاجه ، قاطعهم صوت رنين فونه ، رد
_ الو..

ردت عليه زينه بعياط
_ عمو عز الحق بيلا بتتخانق..وطلعت عند المدير..

قام بسرعه وقال بلهفه
_ طب نا جاي حالاا..اقفلي نتي وروحي ع فصلك

هديل باستغراب
_ عز ف اي..

بس هو مشي بسرعه ومدهاش اي اهتمام وراح للمدرسه

***

_ ازاي يعني مش هتيجي معاياا عرض الازياء..

فهد اتنهد بملل
_ قولتلك عندي مهمه ي مسك..مش هعرف..اعذرينيي

دخلت وراه الاوضه بعصبيه
_ ازاي يعني متكنش معايا ف يوم زي ده.. ده نا هعرض ف باريس..لاول مره هعرض تصاميمي ف باريس..يعني بلد الموضه نفسها..دي نقله ف حياتي

نام ع السرير وحط ع المخده ع دماغه وقال بملل
_ مسك اتهدي ونبي..نا لو جيت معاكي هتبقا النقله دي ف حياتي انا..بس ساعتهاا هتضر شغلي

شدت المخده من ع دماغه وقالت بغضب
_ ماليش دعوه..نت كل حاجه شغلك شغلك..مش عشان انت..

قاطعها بحده
_ مسكككك وبعدين..اخرجيي يلاا عايز انام..عندي زفت شغل بكره..

_ ونبي تنام اي..احناا لسه الصبح ي بيه..ولا صح م حضرتك جاي الصبح..زي كل يوم يعني

اتعدل وبصلها بهدوء
_ انجزي كده وبلاش محاضره كل يوم دي.. وقولي عايزه اي

ربعت ايديها ع صدرها بغيظ وردت
_ عايزه أطلق

رد بصدمه
_ نعم يختي..مسمعش منك الكلمه دي تاني فاهمه

_يلهوي اخيرا قولتها.. عارف نا حاسه بشموخ كده..الل هو نت مش فارق معايا..بس انت فارق يعني ..بس ف الافلاام بيرفعوا راسهم لفوق كده..

_ لا حطي ايدك ف وسطك وبصي للسقف

_كده ؟!

_بالظبط..قولي بقا كده

_ فهد طلقني

_ اقسم بالله قمر

_ يقلبي ده نت الل قمر ..هروح اعملك الغدا بقا

راحت لحد باب الاوضه وبعدين افتكرت انه مزعلها وانها مبتعرفش تعمل اكل اصلا فرجعت تاني

_قوم ي بيه انت بتضحك علياا ..فكرني غبيه وهنسي كده عادي

_ اوووف ف ايي تانيي بس..مش الموضوع خلص خلاص

_ لا طبعا مخلصش..انت بتضحك عليا وبتخوني..خلاص من النهارده محمد محي ومصطفى كامل و مناديل..نا اتخان 

هز راسه كذا مره بدهشة من تحاليلها للموقف
_ خيانه اي يبنتي

_ احم سوري..المواضيع اختطلت ع بعض..المهم مش موضوعنا د...ااه

شدهاا وقعدهاا ع حجره وحرك صوابعه ف شعرهاا بحنان
_ امم موضوع ايي بقااا

بلعت ريقهاا بتوتر من موقفها
_ احم..موضوغ.. موضوع اي..

ابتسم بخبث
_ الل كنتي بتتكلمي عنه من شويه

مسك بتخدر
_ هاا.. موضوع..بقولك اي..اوعي كده ونا..ونا هعرف اقول كل حاجه

دفن راسه ف رقبتها وباسها برقه خلت جسمها يقشعر ، همس
_ امم ناا عجبنيي كده..قولي ..لو عايزه تقولي حاجه قولي ونتي كده

بلعت ريقهاا بتوتر
_ هاا..ابعد بس ي فهد.. اصل..

_ الولاد ف المدرسه صح

هزت راسها وهمست
_ اهاا

اتنفس براحه
_ حلو..تعاليي نتكلم بلغه تانيه بقاا

****

دخل عز المدرسه ودخل مكتب  المدير لقي بيلا واقفه وجمبها مالك المتعور وقدامها واقف ولد وجمبه ولي امره

دخل عز وبصله المدير وقال بغضب
_ كويس انو حضرتك جيت..شايف اللي بيلا عملته ف الولد..حضرتك كده ميصحش خالص

عز قرب من بيلا وهمس
_ ف ايي

هسمت
_ اتصرف..

قام وقف وبص للمدير
_ ممكن اعرف اي الل حصل

اتكلم والد الطفل بغضب
_ البنت دي ضربت ابني.. ضربته اي دي بوظت وشه خالص..نا الل مجنني ازاي طفله 8 سنين تعمل كده ف ولد واكبر منها..دي التربيه ..

قاطعته بيلا بغضب
_ حضرتك متتكلمش عن تربيتي..ع اساس انو ابن حضرتك متربي كويس..لو كان مت..

قاطعها عز بغضب
_ بيلااا اسكتي نتي..وانت كمان ملكش حق تتكلم معاها كدهه..انت مش شايف ابن خالتها متعور ازاي..يعنيي اكيد فيه سبب لكل ده.. مش ابنك بس الل متصاب ع فكره..احكيلنا ي بيلا اي الل حصل

غمزلها ف اخر كلامه وفهمت قصده ، بدأت تمثل المسكنه
_ اهئ اهئ اهئ.. شايف ي عز بيزعقلي ازاي..نا يتزعقلي كده.. ده نا نسمه المدرسه كلهاا ..

قاطعها المدير باستنكار
_ نسمه اي يختي ؟!

بصتله بتمرد
_ نسمه المدرسه عندك مانع..المهم يعنيي حضرتك شايف انو ده وش بنت تعمل كده ف حد..ده نا مبعرفش اهش دبانه حتي

المدير بهدوء
_ اومال يعني ابني هيتبلي عليكي

بيلا بتمثيل
_ طبعاً.. وبعدين بالعقل كده ي يستا..احم اقصد ي مستر..بالعقل كده ده شكل واحده تضرب حد.. وخصوصاً ده..نت مش شايف فرق الحجم ولا اي

عز ابتسم بخبث
_ اومال اي الل حصل

كان هيتكلم مالك بس قاطعته هي
_ حضرتك نا كنت قاعده براجع عشان كان عندي امتحان وكده..وفجأه ونا قاعده ف امان الله الاقي اختي جايه عليا وبتعيط وبتقولي انو مالك ف حد بيضربه..روحت اشوف ف اي لقيت الولد ده ماسك مالك وعادمه العافيه خالص.. قصدي مقطعه يعني.. قصدي..بص بيتخانقوا وكده..المهم انا أدخلت عشان احوش بينهم ..لقيت الولد زقني حضرتك ومسكني من شعري ف نا طبيعي زقيته..كرد فعل مني يعني..وهو حضره الل حصله.. لكن انا اعمل كده..ده نا ملاك

عز بصلها بنظره موحيه وبص للمدير
_ سمعت حضرتك.. بدل م تتهموا بنات الناس شوفوا الاول عيالكوا بتعمل اي.. ودلوقتي عن اذنك هاخد الولاد

خد بيلا ومالك معاه وراحوا ع العربيه وقال لبيلا بغضب
_ مشكله تاني نتي وهو..

بيلا ببرود
_ متقولش نتي وهو..نا لو عليا مكنتش هساعده ولا حاجه..كنت عايزه اشوف سبع البرمبه هيتصرف ازاي..هئ وللاسف معرفش يعمل حاجه ولولاياا نا كان زما..

قاطعها مالك بحده
_ اخرسي نتي..نتي اللي كبرتي الخناقه اصلا ..

قاطعهم عز
_ اخرسوا انتو الاتنين..وانتي ي بيلا نا هقول لابوكي ع فكره

بيلا بتوتر
_ هاا..لا بابا اي..الا بابا

_ لا هقوله م اهو مينفعش كده

ابتسمت بخبث وهمست
_ بقا كده..طب قولوا..وساعتها شوف مين الل هيخليك تشقط بنات ومش بس كدا هقول لجده حمزه ع كل حاجه كمان

حط ايده ع بؤها وابتسم ببلاهه
_ هه يخربيت خفه دمك..ده نا بهزر..يلا بقاا اركبوا

ركبول وهو اتحرك بالعربيه وهي طول الطريق بصاله بتحدي

*****

بعد يومين.. سافرت مسك باريس عشان عرض الازياء وفهد طول الوقت ف المكتب عشان المهمه بتاعته وحور وبيلا راحوا قصر الحلاني

جريت بيلا ع عز وحضنته بفرحه
_ هقعد معاك يستااا هيييي

ابتسم وشالها ع كتفه
_ اهاا تعالي بقا عايزك ف حاجه مهمه

وقفته ناريمان
_مش هتروحوا ف حته..خلي العيال يتغدوا الاول..هو مين الل جابكوا ي بيلا

بيلا: ده الحرس اللي جابوناا

مالك: يعني فهد مش قادر يجيبكوا هو..لما اشوفه بس..ازاي ينزلكوا مع الحرس بس

نور: خلاص بقا الل حصل..تعالوا يلا عشان تاكلوا

حور همست لجدها: جدو..نا عايزه مالك..ممكن تكلم عمو اسر يجيبه يقعد معانا

باسها ع خدها: من عينيا ي قلبي

بيلا: انتو بتتكلموا ف اي هاا

حور بتوتر: ها لا ولا حاجه

****

قعدوا ف الجنينه بعد م خلصوا الاكل...الكل قاعدين مع بعض..اللي بيهزر واللي بيلعب..انماا عز وبيلا قاعدين لوحدهم بيخططوا لبلوه من بلاويهم

سابت حور اللعبه الل ف ايديها وراحت لجدها وهمست بغيظ
_ اي ي جدو..مالك مجاش كل ده ليه..

مالك: هه اهو جاي هناك اهو

اول م شافته عينيها لمعت بفرحه وجريت عليه وحضنته

بيلا بغيظ
_ شايف الملزق بيحضن اختي ازاي..طب نا هوري..

مسكها من دراعها منعها تتحرك
_ خدي هنا بس..سيبي العيال بقا ..نا عايزك ف حوار

بصتله بغيظ
_ قول وانجز عشان مش هسي..

قاطعها رن فون عز فبصلها وقال
_ اهو بنجيب سيره القط حيه ينط

_ ف اي..مين

_بصي خدي ردي ع البنت دي وحوري عليها كده

_ مش فاهمه..ليه يعنيي

_ اصل بصراحه ناا عايز افركش معاهاا..ولسه متخانقين من. شويه وعايز..

قاطعته
_ عايز تفكسلها يعني..هات

خدت الفون منه وردت وسمعت صوت البنت
_ الو..عز حبيبي..سوري والله ن...

قاطعته بيلا
_عز وحبيبي اي...بقا دي الامانه الل امنتك عليها..الواد تعبان

_ بيلا..عز حبيبي..ماله..اديني اكلمه

_تكلميه اي ..تكلميه اي بقولك جاله سرطان حاد ف الدوره الدمويه او نقلوه ع المستشفي وهو دلوقت ف العنايه وياتلحقهاا ويامتلحقهاش ويأما فريش يأماا بلااش ...سلااام عشان هنحضر العزا

قفلت ف وشهاا وبصت لعز اللي واقع ع الارض من كتر الضحك
_ ههه عجبتك؟!

قال وهو بيضحك
_ ي شيخه ده نا ماسكك نفسي بالعافيهه ههههه

_ خد موبايلك كده لماا اشوف الملزق ده

_ يختاااااي

(( نا اخر حته دي فصلتني🙂😹))

Emy💗