بارتي جديد و احداث جديدة 😍😍😍
------------------------
انطوان يدنق فيها تقولها ملاك مجيش شطر من جسمو ضخم صغيورة لحمها طري هو في بالو راح تدخل مدلة غنية من لباب تتعجرف بصح لعكس اول مرة تخيب توقعاتو صابها طفلة صغيورة لعبة كثرمن ما هي انسانة كان حاب يكلها بعينيه زادت عليه كي عتاذرتلو و هبطت راسها حشمانة كلي هو استاذ و هي تلميذتو قالها : جابلي ربي مهوش رتح يخرج عالم الاعمال على صغيورة كيفك اكي متاكدة من قرارك
مودة : هههه متخدععكش المظاهر انطوان
انطوان هي قالت اسمو و هو هام فيها بصح مامنش بلي حركت وحدة كيفو مشاعرو من المستحيل يحب صغيرة كيفها هههه ضحك على روحو .... راح ولى دار يدنق لبرة من بيروه مكتف يديه و نسى وجودها
راحت مشات ليه بعد معيطتلو بزاف حارت كيفاه ناض و نساها بصح قالت بلاك مقلق و عندو ظروف
قدمت ليه و حكمتلو كتفو محسش... زادت حكمت يدو قاتلو سمحلي انطوان لقلقتك و خذيت بزاف من وقتك اني رايحة للإدارة مسيو انطوان شكرا على وقتك
انطوان مسمعهاش كيكانت تعيط و لا حتى كي حكمت يدو حس برك بهديك ليد صغيرة ناعمة كي تحطت على يدو كلي راهي تتىجى في جلدو لخشن يرق ذاب في نعومتها و كلماتها لتللت لوذنيه خاصة اسمو حس بيها دايرة و طلقت يدو لولات باردة تقلق راح دورها ليه و حط يديه على خصرها و دزها للحيط ظهرها تقسم يشوف في ملامح البراءة فيها بعد 7 سنين هاهي اول مرة تلمس جلدو وحدة بنعومتها و براءتها تنهد في روحو نسى احساس انو تلمسك امراة و لا تحكم يدك لمشاعر حياو في قلبو قالها و هو يلتمس في خصلات شعرها : ثاني درس بمانو حابة تكوني سيدة اعمال لازم تلبسي كيفهم متلبسيش حوايج لبنات صغار... ثالث درس كونك مرأة اعمال لازم تكوني قوية الشخصية... رابع درس لازم تكوني قوية الجسم بهذا الجسم معندك وين تروحي بعيد مودة... خامس درس متسمحي لحتى راجل يتقرب منك هكا... وطلقها
مودة خرجت تجري قربو ليها خدرها اول مرة يمسها رجل اول مرة يهدر معاها راجل لانو هي كانو عندها زملاءها برك واحد مكان مقرب منها من الجنس الآخر
اليوم برك كانت البدايات المرات الاولى محتلة للحظة هي اول مرة يمسها راجل و هو اول مرة بعد 7 سنين سمسو الجنس الطيف
قدر مودة اليوم جمعها مع يد خشنة كبيرة تحطت على خصرها جمعها مع راجل مهوش اي راجل ضخم متبتنش قدامو القوة شاعلة من عينيه عطلها خمس دروس لكن واش قصدو بدىس الخامس ؟!؟ تنهدت ركبت طنابيلها و هي خارجة خبطت في...
تلقاو لعينين هي و اياد
مودة بزربة : سمحلي و راحت تجري ركبت طنابيلها
اياد كانت هذي اول مرة يشوف طفلة ببراءتها سحراتو بقى غير يدنق فيها حركت حاجة فيه تفكر حبيبتو حزن. 💔💔💔 سقم وجهو وخش سجل اسمو و خرج
كل هذا صرى تحت عينين لوحش لحس بتملك اول ما شفها و اول ملمساتو ميقدرش يخليها لغيروا 😔
بنسبة لمودة لصرى ليوم خلاها تقرر تتبدل لانو عالم لبيزنس مهوش راح يرحم طفلة ببراعتها راحت لاول نادي رياضي لقاتو في google mup سجلت فيه و عيطت لياسمين
ياسمين : و اخيرا يا حيوان نسيتي صحبتك طول كون منزدمش عليك منتلقاوش
مودة : كون علبالي راح ديري هذو المقدمات اكل منعيطش ... لمهم واش راكي ليوم سجلتي ؟!؟
ياسمين : ياس بيبي و اني خارجة جوزي ليا
مودة: اوكي هاني وجدي روحك لازم نروح نشري حوايج لغدوة
ياسمين : يووووووو صح انتي مودة مالفة كون متشريلكش طاطا جومانة و لا تسيف عليك متروحيش...
مودة : لخلصتي خليني نسوق
يايمين; بابا راهيتقلبلي في صرف لكلبة هكدا ربيتك كوني شرسة عجبتيني ليوم بصح ضك نتفاهمو على سبب تجديد
مودة : باي و كوبات....
ضحكت ههههه ضك تهبل ياسمين بصح عجبتني روحي ليوم لازم نكون هكا دنيا مترحمش
ياسمين من امتى زمن تغير مالفة انا لي نكوبي لكلبة هدي فحالة ليوم عليا كي جي نحطلها سودها في لودها تفو كلبة تمشي و تسب حتان شافت طفلة تضحك عليها
تبان كي مودة عاقلة بصح مش ياسمين لجوز
ياسمين : غير لخير شفتي كلون قدامك
تغريد : لالا سمحيلي خسارة زين هاذا اكل يكون كلون حسيت بالانتماء كي شفت وحدة تمشي و تهدر واحدها كيفي في جامعة كيما هذي من صباح و انا غير نشوف في وحد لاشكال تقول حايين لبار
ياسمي : ههههه اول مرة تجوز لوحد معليش اي بون جورني ازرابي كاين لغاشي راهو حمام لداخل تزيدي شوي تباتي هنا و ضحكت...
تغريد : صحا معليش انشاء الله منباتش برك هههه مدت يدها انا تغريد
ياسمين صافحتها : معاك ياسمين اونبرسون
تغريد هههه هيا خليني نروح لنبات كيما قلتي اني سير نزيدو نتلقاو في فرصة خرى لجمعنا لقدر
ياسمين باي تغريد و مشات شوي شافت سيلرة مودة ركبت
مودة من ليوم لول بعتيني
ياسمين : هههه شكون يبدل زين كيفك احبي لمهم ليوم نعاودلك تربيا هكضا يا كلبة دارت دنيا وليتي تكوبي عليا
مودة : بلعي يا هم خليني نوفر شوي طاقة لباقي ليوم
و راحو لسوق تفكرت هدرتو مخلات طالون مشراتوش مخلات والو شرات كلش باه تبان كيما قال في لاخير معاه حق...
وصلت ياسمين و روحت بعد مخلصتلها عشا 😂😂😂
__-------_------------_------_------_--------__
هذا واش قدرت نكتب حاليا و حطينوا ناقص على جال القارئين فقط نتمنى تتفاعلوا شوي على الاقل يطلعوا المعنويات باه نكملها شكرا