لن اكسر
البارت الرابع والعشرون
بقلم.. زينب الشمري
في الحيـاة لم أجد احد يفهمني ،
او يشرح مافي خاطري ،، وحين احزن لا احد يشعر بي ؟ لم اجد يد دائمه تمسح دمعي ،، لڪني وجدت ( الله) قبل ان انطق بشيء يعرف امري ،قبل ان اشتڪي اجد ان في بلائي وحزني لطف خفي !! وحين ابڪي اعلم اني لا اهون عليه ابداً ♥💭
❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️
ام مراد .. بعد انتو متتأمنون لازم نشوفلكم جارة اني وراي حسن عاقبة باجر الله يحاسبني كلساع حابس البنية بلمطبخ متستحي
مراد .. ههههه انشالله عمرج طوويل يمة لاتكولين هيج هيا بس لو الله يهديها ونزوج والله ارتاح
دنكت راسي بخجل من مراد ومستحية من ام مراد خاف عبالهم اني صحت لمراد بس والله نيتي شريفة صحتلة علمود يشيل الصينية لا اكثر ولا اقل
ام مراد .. مَدين ماما كوليلي موافقة على مراد لتستحين خلينا نعقد الكم وبعدين لكل حادث حديث جوابيني
احتريت من الخجل والله مستحية شكوللها
كالت.. يمة لويش مستحية احجي اي يو لا
رفعت راسي باوعت لمراد يبتسمون كلهم الي وين انطي وجهي اني موافقة أتزوج بس يوكفون اهلي بعيني مااريد ازوج وسنتهم ماطالعة وكلبي لسة عدهم باوعت لخالتي وكتلها .. يمة اني ما اريد ازوج هسة تدرين سنة اهلي لسة ماطالعة
ام مراد .. حبيبة عقد شيخ وبعدين براحتكم شوكوت متردون الهاشمي موجود وافرحلكم
وترة يمة اني ادري بأبني مو راحة يضل يتغزل بيج ويذب حجي ترة كلة حررام خليكم بلحلال احسنلكم
مراد.. لا يمة لا ما توقعتها منج اني مراد تكولين عن مو راحة
ام مراد .. واني صادكة عند ربي عبالك مااشوفك عينك على البنية كلما طب وتطلع بس منا وجاي اذا متعقدون اوكفلكم هنا ( أشرت على بلعومها ) عظم بلزردوم
باوعلي مراد وكال .. شتكولين نعقد اليوم أمي شكلها ناوية النا نية گشرة
ام مراد.. اكعدلكم والله تزوجون لو ارحل مراد لبيت اهلي اخليك يم خوالك البنية امانة اعتبرها عندي
كلهم باوعلي منتضرين إجابتي اوافق لو لا فركت ايدي بخجل وهمست اي ..
ام مراد .. صلوات على محمد وأخيرًا
كمز مراد باس راس امة مامصدك من الفرحة وكال .. اليوم احلا يووم هم لكيت نور وهم غمز
تلاشت كل فرحتي وابتسامتي الى علامة استفهام لكيتها ؟؟؟؟
ليش نور وين جانت ؟؟ غير عد اهلها واجت شوفنا
باوعتلها شكوو اشرتلي بعدين اتفهمت الوضع وكمت للمطبخ غسلت وجهي بمي بارد كمت اكمزز حيل بارد حتى اصحصح اجت نور وراية شايلة صينية كمشتهة من ايدها.. ولج تعااي شنو لكيتها شكو وين جنتي مو عد اهلج
نور.. ههههه عد اهلي ( هزت ايدها ) جنت عد عدنان
من صدمة فتحت حلكي .. شنوووو ؟؟؟؟؟ لاااا لااا مااصدك
نور .. والله شبيج
مَدين.. لحظة شلون يعني مو رحتي ويا ابوج خذاج ويا
نور .. اووووف سالفة طوويلة تعاي خلنكعد والله حييل تعبانة ونعسانة ومدمرة نفسيًا وجسديًا
باوعتلها باستغراب عدنان ؟ تعبانة ؟ سالفة طويلة ؟؟ شسالفة أحس نفسي صرت مثل الأطرش بلزفة واني منا مامرستة عدل وعيوني ملزكات بلكوة فاتحتهن
غسلت الاماعين بسرعة بس اريد اكعد مراد طلع وام مراد وصلها مراد لام صلاح بقينا بس اني ونور جريتها من ايدها تعااي لج سولفيلي كللشي مافهمت
نور .. والله نعسانة بس حيوانة مااكدر اضم عليج شي شووفي ......... حجيتلها كللشي ماعدا حادثة الاغتصاب خفت اكللها وبنفس الوقت احسة سر خاص بية مااريد اكول لاحد علية وهيا جانت مصدومة وحلكها مانسد فاتحتة وصاافنة تدعي على عدنان وتسب وتغلط علية بعدين اني قفلت كالت البيت نضيف وام مراد تتاخر يمكن يم ام صلاح خناام احسلنة
رحنا لغرفتنا باوعتلي بشفقة وكالت تعاي رحت يمها حضنتني ونمنا سووة
...............................................٠.........٠...........
صلاح
طبيت للبيت واستلمتني امي تكوول قرن ماشايفتني صح هيا تغلط علية وسووي بيا بس تحبني حييل عبن الولد الصغير اني المدلل 😉
سوتلي ريوك اكلت وستلمتني إسالة ولازم اجاوب عليهن كلهن واني مكضيها اي واي وجنت بلحلة وكذا ......
بلكوة خلصت نفسي من النك مال النسوان شكد اتخبل من يلطشن ويسئلن اكره الزواج من وراهن والله
رحت لغرفتي شفت مخدة تكوول صيحلي هجمت على الفرراش ونمت بسررعة غفيت
سمعت صوت موبايلي غلست مايية اشيل وراسي بس الموبايل كلساع يدك كمت بتذمر واني اسب واغلط بليتصل شفتة مراد اول مافتحتة .. خررا بيك نايم مطمور منخمد طاب بلحلم العاشر مرتاح شكوو دك شكوو مشتاقلي امس كلة مكابل خلقتك شعدك ويااي هاا شعدك
مراد .. تاكل نعل لو اجي اوكلك بيدي حيووان كووم جنك حبلة تتطرح وين ماجنت بسرعة بدل وتعااال لل....
صلاح .. مو التنسة تعبتني مابية حييل وياك كيلو دهين وبقلاوة شبيك يوول شعدي اجيك
مراد .. راح اجيك ومحمد تعااال بسرعة نروح لل... اريدك وياي واحد يتوسط للثاني علمود بسررعة يتحاكم هلثوور خاايف يسويلة لعبة ويكدر يطلع ميتأمن مثل ذيج المرة
صلاح .. من يوم العرفتك بي اني ماشايف الخير دوومك مطيح حضي وساحلني وراك جاايك اسبح وابدل
مراد .. بساااع مو تتأخر ربع ساعة او الكاك كبالي
سديتة منة دائما اوقاتة من يدك لو نايم لو اكل او اكثر شي اتخبل اذا واحد زعجني بيهن بس مجبور اتحملة
كمت سبحت وبدلت نزلت لكيت امة كتلها .. اخخخخ منة ابنج اربعة وعشرين ساعة ساحلني ورة ميكول مطمور ناايم مالة خلك ماعدة ذرة احساس
ام مراد .. هههههه يمة غير انتو اخوان واحد للثاني تررة هوة يحبك والله يعتبرك اخوو
صلاح .. شلوون محبة طيحت حضي وكعدني من احلامي شلوون حللم جنت يم برجل ايفل اطك سيلفي بس خرربة ابنج حتى ماشفت الصورة انحفظت يو لا
دك موبايلي هوة .. شووفي شووفي حتى سالفتي يكطعهاا
طلعت برة احجي .. اجيتك اجيت بلطرريق
مراد .. بسررعة لينتهي الدوام
ركبت السيارة ورحتلة لكيتة واكف برة يعارك ذبان وجها رحتلة بسرعة بدون لا كلام ولا سلام طبينة انا جووة حاجينة بعض المعارف الي الهم شوية سلطة وشرحنالهم شنو سالفة عدنان لازم بسرعة يتحاكم حتى ميكدر يسوي شي وعينهم ضل علية
كالو اسبوع ويتحاكم لان عدنة كوومة قضاية منكدر نتغاضى عنها وهوة بهل الاسبوع ينسلك شووية
اجة المحامي مالتة مدري منين جاي شايف نفسه ومغرور ويحجي بتك عين هزيت ايدي علية وطلعنا مراد كال بس اريد اشوفة من بعيد امشي نروحلة
ماعراضتة حجاينهم قبلووو كاعد بزنزانة مفردة ووضلمة الوصخ كالتها جان لابس اسود وهوة اجلح بس كرعتة تلالي مدنك
رفع راسة شافنة احتدت ملامحة بغضب اجة بسرعة كبيرة وكف كبالنا مايفصلنا غير الباب والشباج الي عيونة طالعة منة كال .. جلاب انذال تردون دمررني موو اني الكم
مراد باستهزاء .. ههه اطيح حضك مو بس ادمرك علمود تعرف بعد ويأمن تندك
عدنان .. عبالكم ماا اوصلكم هه والله لخليكم جوة التراب ماطلع عدنان
صلاح .. خاااب كمم هوة انتة لو اعدام لو مؤبد حير بروحك بعدين اندك وياانا
عدنان .. علمود ذيج الكح.. مووو لادفعكم الثمن غالي
مديت ايدي من الشباج اريد املخة النذل رجع ليورة خااف كال .. كلتلكم يوو لا
مراد بنضرة تسأل .. شتكول ؟؟
عدنان .. هه الكح .. الي خاليها بيتكم بيت ليل واهلها باعوها الي لان عاهرة ورادو يخلصوون منها باعوليها وكالو للناس ماتت بس اويلي جبتها يومين ريحتني على اخر شي لو مخليها اسبوع وعض شفتة
زمجرت بغضب .. لك كلللب حقيرر نور اشررف منك ومن الخلفك زمااال كو...
مراد ركع بلباب قووي يريد يفتحهاا هوة ابو كرعة يضحك كال .. مامتأكدين مني اتاكدو بنفسكم وغمزز
هيا هاي الساتريها بت ليل هم جبتو سمعة لروحكم من وراها وهم راح اكتلكم اني بسبب عملتكم ويااي
صااح مراد .. اكل .... ***** ***** *****
كمشتة اهدي واني كاااب نار من سمعتة بس مااريد اطيح مراد بمشاكل بسبب عصبيتة الزايدة جرريتة بلكوة طلعتة كاال .. بسررعة للبيت اريد اشووف نور
اني هم من سمعتة بعد ما اثق باكبر واحد تسللت الشكوك لداخلي تجاه نور ماعندي ثقة بيها لان مااعرفها كللشي عنها بلظبط
طلعنا رحنا بسيارتي عفت سيارتة مااكدر اخلي يسووق وهوة ماشايف كدامة سقت بسررعة وصلنا للفرع قفلت البيبان صح جنت عصبي حيل بس اني متفهم شوية اخذ وانطي بلسالفة مو مثل مراد
.. مراد روح لبيتنا اني احجيها وافتهم السالفة انتة عصبيتك الزايدة دمر كللشي
.. ماا اسوي شي بس احاجيها
.. مراد كتلك اني احجيها لو ضل بلسيارة لو تروح البيت
مارد عفتة ونزلت دكيت الباب ماكوو جانت ساعة ب٢ الظهر رجعت دكيتهاا حييل طلعتلي نور تفرك بعيونها
.. نور اريد احجيج حسيتها بهتت تلكئت وكالت .. هاا شنحجي
.. مو بلباب خنوكف بلطارمة
سوتلي مجال فتت حطيت ادية ورة ضهري.. نور راح اسئلج جاوبيني بكل صراحة بدون لف ودوران
هزت براسها اي .. من جنتي يم عدنان شسوالج
ضلت صاافنة بدقيقة يالة كالت .. ماسوة بس حبسني بيتة
.. اي من حبسج شسووة
فركت اديها بتوتر مما خلي شكوكي تزود .. ماسوة شي شبيك
.. نور احجي الصدك لتخليني اشك بيج اهلج ليش باعوج ؟؟ وعدنان شسوالج ؟؟ ترة مراد برة صااير اعصااب ميشوف دربة
غرغرت بعيونها الدمعة وكعدت على السدندانة دنكت بسرعة ثنيت ركبتي الها كمشت ايدها بقووة واني صاك على سنوني .. شنووو يعني الكالة عدنان صح نوور لتخبليني نوور احجي
كمشت ايدي بتوسل .. والله هوة اعتدة علية واغتصبني حاولت ادفعة بس ماكدرت صارت تشهك بلبجي
فركت وجهي عرركت وماريد اقسى عليها كمشت اديها الحانت مغطية عيونها نزلتهن ليجوة .. فهميني شلوون يعني شووكت
تحجي وتبجي كالت.. من اول ماباعوني اهلي علمود يسترون السم اليشربوة حاول يعتدي علية بس جنت الم دنيا علية استفزة اخلي يكتلني يمووتني بلنطاق ولا ينتهك شررفي حااول اكثر من مرة بس جنت افلت لان اكو بنات ولد ويانة انتة جنت موجود وتدري
بس هسة من العارات باعوني مرة ثانية دنكت راسها ورجعت اديها لوجها تغطي ومتطلع غير شهكاتها ضليت اباوعلها شسوي هسة اطردها مالها احد ابقيها ماادري
وخرت اديها وكالت .. والله دافعت عن نفسي بس مااكدرت جان اقوة مني وبلييت بس اني ويا مااكدرررت كمشت ايدي بتوسل عفية صلاح اترجاك ماريد احد يعررف دخيلك ماريد احد يعررف حباب حتى مراد خلي سر بيني وبينك اتررجاك
كسرت خااطري دموعها وتوسلاتها وكمشتها لايدي مااكدر اجذبها لان اني جنت موجود وفعلا شاهد على عدنان من جان يحاول يغتصب البنات منهن اليشردن ومنهن اليروحن ضحاية بس مامركز بلضبط ويا نور شجان يسوي وياها واني متأكد من عدنان جذذاب اگشر
رفعتها من السندانة كتلها .. لتخافين سرج بير يمي السالفة دكيتلها على صدري بحزم محد راح يدري وانتي لاتكولين لاي واحد مفهوم
هززت راسها بتفهم وهية تمسح دموعها عفتها ردت اطلع كالت .. صلااح ماراح انسالك هلوكفة
ماجاوبتهة طلعت لكيت مراد على الرصيف يحش جكاير كعدت بصفة جريتها منه وخليتها بين شفايفي اسحب واحاول اخمد نار البداخلي كال .. شكالت
.. جذذاب ذاك حقير نذل شريفة البنية
وكف بسررعة وكال .. والله افني اليوم من الوجود
كمشتة بسرعة .. مراد اهدي شبيك عووفة توصخ ايدك بي وصوجنة احنا صدكنا بي واتهمنة البنية زور متدري بي هية هااي اول جذبة الة بعد جم يووم ويتحاكم ونخلص منة عووفة يولي
مراد .. لك اكبر كو... شفتة بحياتي هوة عدنان اخخخخخ بس لو اكدر اكمشة لشرب من دمة والله العظيم
صلاح .. اهدي يمعود يولي بعد كم يوم يتحاسب بلدنيا والاخرة الله ينتقم منه هاي البنية طلعت شريفة عوفة جلاب تنبح وتسكت وحدهي
بلكوة هدأتة اتأكدت منة راح لبيتهم ورجعت لبيتنا طبيت مالي خلك كلشي اتمددت على الفراش وايدي جوة راسي افكر بنور شلوون بيها وعدتها احفظ سرها وماكول لحد واني عند وعدي ماكول لاي بشر بس وراها زواج ومستقبل شلوون هم متفض السالفة ويتهمون البنية بشرفها وتصير علج بحلوك اليسوة والميسوة هيا منا اهلها سمعتهم تخبل انوبة هاي سالفة لا هاي هية لازم اشوفلي حل
انقلبت للجهة الثانية شلوون ادبرلي واحد اتفق ويا ازوجهيا واخليهم كم شهر ويطلكون بس متسوة السالفة تصير اضرب مطلقة بمجتمعنا الزبالة بس مطلقة ولا عاهرة والله
اخليها يم الله هوة اليحلهااا تفررج نشالله التوتر والقلق كتلني مااعرف شسووي لابية انام ولا الكة حل لهل المصيبة
شفتها ساعة اربعة ونص كمت بدلت ملابسي ونزلت كعدت يم امي صحت نووال چاي بعدين ذكرت عزمتهم على العشاء
.. يمة صدك اليوم عازم بيت مراد على العشا كلهم هما والبنات بيضيها
.. ياا ولك ابن نعالة ماحجيت من الصبح بعد ساعة على الصلاة شلحك كووم جيب من برة
.. سووي هنا يمج نووال الجرجربة ودرة ماعدي فلووس
.. دوومك تتشجى جنك ارملة وعدها خمس جهال وين راتبك متكلي ضاامة ابو فليس ام مراد صاحبتي لو احطلها ثومة وخبزة متحجي انتة حيرر بصاحبك
.. لا يمة ما مرجية منج احنا بيت ابو احمد وصلاح عشانا ثوم وخبزة وين اكرام الضيف بحبحيها يا يمة يللة عاد
.. كتلك مالحك اسووي اذا اسوي ب ٧ اكمل وب ٧ تلكي الناس قافلة بابها ونايمة هذا شتا مو صيف محد كلك صير نادر واعززم افتح جييك
.. كلتيني بگشوري امري لله
طلعت واجتني نوال الجاي غلست وطلعت رحت للمطعم جبت اربع دجاجات شوي ومقبلات وبيتزا اشتهيتها رجعت للبيت كتلهن رتبنهن
طلعت لاستقبال خابرت مراد جان نايم كتلة كووم كووم يمعود صار العشا كال هسة جاي ..
.......................................................................
نور
بعد ما انجبرت وحجيت لصلاح عن الشي الاعتبرتة سر مااكولة لاي بشرر بس من توصل يطعنون بية ويتهموني بدون سبب لازم ادافع عن نفسي واكول هوة العتدة مو بأرادتي الصار طبيت للبيت شفت مَدين بلمطبخ ماشفتني وخالتي ستوها جاية من ام صلاح بغرفتها طفررت للغرفة انهديت بلبجي
مووجوعة حييل من كللشي حتى الردت استند بيهم بجذبة صغيرة اتهمنوني وين انطي وجهي من هلدنيا وين اوولي واروح ادفن روحي مو والله متت واني على قيد الحياه ماتت كل مشاعر والاحساس بكلبي انتهيت مجرد بس جسد صررت انطعنت هوواي انغدرت هوواي والله مابية حتى من ردت امووت الله عاند وياي وماخذاني
حضنت المخدة ودفنت وجهي بيهاا اختنكت حييل صعدت للسطح اشتم هوة واعاتب ربي ليش ماخذاني من ذاك اليوم ولا هلحيرة بنفسي هسة حتى من اكول محد يصدكني يكولون جذابة تستشرف براسنة ومحد يرحم اخخخ يربي اخخخخخ
انتجيت على الحايط وصافنة على السمة حسيت بخيال فوك راسي باوعتلة مراد كمت بسررعة مسحت دموعي وباوعتلة
.. ها مراد
.. شبيج ليش كاعدة هناا
.. لا مابية بس اختنكت شووية
.. زين للتمرضين نزلي الهوة بارد
نزل خفت منة لا يحجي بلموضوع واخورها وتخوني دموعي واخرط الاول والتالي مثل ماحجيت لصلاح بس حمدلله ماكال
جرريت نفس عميق يهدء الضجيج البداخلي ورويحتي الملجومة ونزلت اختنكت من مود الكآبة والخنكة والوحدة الكاعدة بيها ورحت يم مَدين جانت تحضر الجاي غمزتلها .. يي عيني الله ربج تحضرين لحبيب الكلب عفتج يومين كبلتي من وراي لو اعوفج اسبوع الكة ابنج بحضنج
مَدين.. ههههه شسالفة وين التسع شهور ولج لخالتي هذا
نور .. لتخافين مراد ذيب يختصرهن بيومين
حطت ايدها على حلكها .. عززة ولج لسانج صاير شطولة ادبسز ضربتني على كتفي عفتج يومين اتهيلكتي
نور .. اتهيلكت ولا اممووح هههههههه يلة يلة عيني تستحين صاايرة ولج من شفتج جان لسانج شطولة جنج لسان دلالة هسة خنستي شوو
مَدين.. لا بس بلعركات اطلعة ضامتة للعازة ماريد استهلك طاقة
نور .. خووش سووين والله وياج كووب جاي خية
رحت يم ام مراد الضاهر مراد حاجيلهة كلشي لان احسها متعاطفة حيل وباي وكلساع وكالت ارتاحي ما ارتاحي واني ماصدكت كلساع انبطح
جابت مَدين الجاي كعدنا نشرب ونسولف امور عادية بساعة نزل مراد وعيونة مركزة على مَدين وهيا مامقصرة فدوة شلون يخبلون صدك لايكين لبعض هية فطيرة وحبابة وهوة خوش رجال ينشد الظهر بي
كال جاي مَدين طفرت بسرعة وام مراد كالت.. شوكت تعقدون
مراد .. باجر
اجت مَدين تباوع بلوجوه كالتلها خالتي .. يمة حضري روحج باجر نروح للكاظمية نزور الجوادين (ع) ونعقدلكم شيخ
تلاشت صفنتها الى خدود حمر ودنكت حطت الجاي كبالة وشردت للمطبخ ضحكت خالتي ومراد مبتسم لحكتهاا صربتها بخفة .. ها ولج شو استحيتي
.. لعد شترديني اسووي اركص
.. هههه لا عمي ضلي مستحية اشرفلنا يلة باجر هههه الله ربج
ضربتني بخفة .. ههههه انشالله يوم الج واهوسلج بعرسج
حضنتها بسررعة بوستهاا الله يسعدج نشالله يعمرري مهناية يوم الترسين البيت كلة مزعطة
.. يا اسم الله ليش اتخبلت مثل الاجانب واحد
.. ام مراد ناويتلج نية كشرة تريد فرووخ فرروخ
ضربتني .. الكبرر فروخ
ضحكنا اجة مراد من وراي عيونة تتامل مَدين بحب كال .. معزومين على العشا يم صلاح يلة نروح
خضيت الكوابة مال الجاي ولبست صاية على ملابس ونزلت ومدين لبست عباية اسلامية والحجية لفت شيلتها طلعنا كلنا سدينا باب الصالة ومراد يدفع العربانة مال امة ورحنا لبيت صلاح هوة استقبلنا وفتح باب البيت
من شفتة دنكت بسرعة ماعرف مستحية منة من عرف الصار رديت السلام بهمس نفسي ماسمعتها حتة هوة يمكن ماسمع طبينا يم البنات سلمنا وكفنا نحضر وياهن كالن مو غربة نكعد كلنا سووة
فعلا مدينا السفرة ونقلنا الاكل وكعد ابوهم يم امهم يسلم على ام مراد وسلم علينا جان ستوة جاي من برة بس اخوهم صدف اشوفة كلة بلشغل زوج درة
بدة الكل ياكل بهدوء ماعدا صلاح ومراد يسولفون ويشاقون بعدين ام مراد كالت باجر نعقد لمدين ولمراد الكل تفاجئ بلقرار سريع هذا بس فرحولهم
ومدين بصفي حسيتها غركت بهدومها من المستحة تحاول تخفي نفسها وضم روحها وراي واني اجامل بدالها واسحلها من وراي
كملنا العشا وغسل ماعين وشرب جاي وكلمن خذالة زاوية ام مراد و صلاح ميملن من السوالف والشباب وآحنا البنات وحد مجاميع مجاميع صايرين
سوالف عادية مامنتبهة واني اخذ وانطي بلكلام وادير وجهي صدت عيني بعين صلاح ركز بعيوني واني قابلتة نفس النظرة بعدين انتبهت لنفسي ودرت وجهي احاول اكوون طبيعية بعد هلنظرة الزلزلت شي بداخلي
مَدين
بعد قرارهم السريع بلعقد باجر جنت كلش فرحانة وحاسة الحض راح يكعد وياي من صدك هلمرة وازوج الانسان الي هوة مصدر ثقتي واماني وسندي وحبيبي بهالدنيا وبهلسرعة لكن فرحتي ناقصة نقصة جبيرة اتمنيت اخواني يمي حزت بخاطري يطلب ايدي من احد مو هيج كبل لو عدي اخوان وابو جان اجاهم من الباب وطلب ايدي
بس المن يجي يخطبني من المگبرة والمشية شهداء اتذكرت مواقفهم وياي وحنيت الهم لضحكهم لسالفتهم وبجيت اجت نور شافتني تفاجئت اجت حضنتني تواسيني بان الجاي احسن من الراح
وتصبرني كالت باجر عقدج بدال متفرحين جيبين الهم والنكد ضلت تشاقيني ضحكت على سوالفها جابت حب وكعدنا نكرز ونسولف وحدنا لان ام مراد نايمة ومراد بغرفتة من يشوفنة وحدنا ميجي يمنا الة عدة شغلة
نمنا بعد سهرة طويلة كعدنا من صبح تريكنا وبدلنا ورحنا للامام ماقبلو يطببونة الى عباية راس انطونة منهم ودخلنا زرنا واني ادفع بام مراد كملنا صلاة وزيارة ودعيت بلموفقية لحياتي الجديدة والراحة
طلعنا ومراد يضحكلي طبينا بغرفة بيها شيخ ومكتب كعدنا وصار يتمم اجراءات العقد لحد ما صرنا بلشرع زوجين خفت حييل مااعرف ليش بس متوترة كملنا ومراد كمش ايدي ونور كدامنة تدفع بام مراد واحنا وراهم
مراد .. مامصدك صوتي حلالي ودي اكمشج هسة اموتج من بووس
مَدين.. يااا عيب شديت على ايدة من نااس بس صل يتغزل واني ابتسم طبينا للسوك واشترالي تراك وردة حمرة وانطة خمسة وعشرين الف لنور وامة اشترن كم غرض تغدينا بمطعم ورجعنا للبيت والطريق كلة اغاني رومانسية
وصلنا للبيت امة كالت .. شووف مراد صارت هسة حلالك والنظر حلال بس يمة لا يغرك الشيطان على ابو حلالي والي كلشي بوكتة حلوو
مراد .. يمة شسالفة زعطوط كبالج شوو مدري شونج يمة صايرة تربيتج اني
ام مراد.. اي يمة الشيطان شاطر
تايهة بين الوجوه ميستحون شلون هيج يطوها طك بطك طفرت للغرفة بدلت واتمددت بسررعة وخذتني احلامي الوردية
صلاح
نور وسالفتها مدتروح من بالي مااكدر مااقكر بيها وبشغلتها لازم الكالها حل بس مااعرف شسوي حااير حيرة الله لايحيرها لعبدة
ركزت بعيونها من اجتنة شفت كمية البرائة لبعيونها هيجت مشاعر الغيره عندي لازم احافظ عليها وماكو حل غير ......يتبع
لتنسون التصويت + ١٠ تعليق
اشكر كل الي سئلو عن ابن عمي الحمدلله مابي شي تعدة مرحلة الخطر بفضل الله ودعائكم
بسبب الحاحكم واهتمامكم بلقصة ماراح اختصرها ولو ظروفي هوواي بس لخاطركم راح اطولها بعد ❤️