انثى 💜 ملائكيه
اخطاء لايُمحيها الزمن
جوري.... بعد فتره شفت علي جاي يضحك ... خيرر ضحكني وياك...
علي ...حبيبتي اخذت سياره تكسي ..
جوري...رمشت عيوني متفاجئة ...شنوو منيلك فلوووس حته تشتري سياره...
علي.. تمام احجيلج بس بيناتنه ..
جوري ... طبعاً يايوم اني حاجيه وكايله لاحد..
علي.... محمود ابن عمها الامي تعرفي مو....
جوري.. اي اعرفه شبي...
علي.... باعي صارلي فتره امشي ويا وكام يسالني وين جاي تشتغل وصار شي عندك لو بعد كتله حالياً كاعد بدون شغل وبعد مصار شي..كال ليش متشتغل وكمت احجيله من جنت اشتغل ويه زوج زينب وحجيتله بعد وضعنه وحالنه..اشو هذا شال ونطاني 38ورقه وكال اشتريلك سايبه واشتغل بيهه اتفاجات من نطاني كلت ارجعليها بس مقببل....
جوري... مشاءلله هيج عنده هاي لفلوس ولاشي هو شنو شغله...
علي... اعله من ضابط مدري شنو رتبته..
جوري... مشاءلله الله يبعثله ويبعثلنه بس عيب رجعلهيا....
علي... والله توسلت بي من درجعهن يكلي ماكو فرق بيناتنه عود شوكت ميصير عندك رجعهن...
جوري.. خطيه الله يجازي بلخير ...اني صدك هواي فرحت علي من راح يشتغل صحيح تكسي شغله متعجبني افكر راح يصعدون ويا نسوان ويباوعله لو افكر شلون يسدد ديون سياره يرادلها ملايين صار علي يشتغل بسياره نوب كل يوم وثاني مسوي حادث ومدعوم مره اجه وهو سياره ومتفلشه وني بلزايد كمت اقللق عليه واخاف حته بجي ابجي
وكل ميصير عطل بسياره ياخذ فلوس شغله ويذبهن ع سياره.....
.. مرت الايام وصار موعد عرس مروه قررو يسون العرس وبنفس اليوم يجي ياخذها و سكاتي لان جدهم مصار اله سنه من متوفي بعدهم احزانه فـ حته ماعزمو احد بس كرابتنه ومعدودين....
شفت زينب وتبارك وهبه لبسن فساتين واني هم لبست فستان لونه ماروني والحذاء العالي فضي اخذته واحنه بلبيت سوينه شعرنه والمكياج ماطلعنه للصالون بس مروه راحت ومريم وياها علمود تساعدها بشيلة البدله من شي....
..مروه رادتت تسويله مفاجأه لزوجها عيد ميلادها كالتله لعلي جيبلنه كيكه فـ رحنه اني ويا بسياره ورحنه للخاصكي اخذنه كيك ورجعنه للعصر تقريب بل 4 طلعنه كلنه بلحديقه وناخذ صور ويه مروه وره نص ساعه واجوي اهل العريس اخذوها واني ع سريع صعدت لغرفتي بدلت لبست فستان وردي مستور...
علي ...جوري يلا وينج دنروح للزفه وياهم...
جوري... فـ اني بسرعه حته مكياج عفته من نزلت مريم ضلت تباوعلي صفح وتعوج بحلكها.... عوع هاي شبيها.. مهتميت الها رحت وره علي حته هو مشافني راح ركب بلكيه ويه زوج عمتي ندى جان الكل ويانه عماتي وبناتهم ونسوان العمام....
...اول مجاي اطلع الباب صار بوجهي اخوها صديقتها لـ مروه بمجرد بس شفته نزلت راسي خجلت لحد ماوصلت للسياره وركبت والكل التم وطلعنه طلعنه للكراده وطول طريق اغاني ونصفك ونضحك وصلنه للشقه دخلنه ودعنه مروه وهي ضلت توصيني ع عمتي ديربالج عليها ولاتعوفيها ومدري شنو...
من رجعنه للببت شفنه عمتي عيونها حمر شكد باجيه ع مروه بعد گلب ام...
.. بعد سبوع سمعنه مروه سافرت ليران والحمدلله تكول الله عوضني برجال بذهب هواي سمعتها تمدح بزوجها يعني ع حجيها مرتاحه ويا....
...مر شهر ع روحتي للدكتوره واجه يوم الموعد رجعت للقاح وللابر بس هلمره كالتلي دكتوره انو صوج من زوجج عنده ضعف نسبته جداً ضعيفه حته مقبلت انو اسوي لقاح بس سويتليا ع الله بعد دفعت فلوسه..وكالتلي لازم يروح للدكتور يسوي فحوصات من تحاليل وسونرات فـ كتله وهو راح ومسولف محمود وناصحه يروح ع دكتور بلكراده...
.. علي رحت بذاك اليوم سويت فحوصات وتحاليل وهنا دكتور صدمني...
دكتور...ابني انته عندك دوالي تعال باجر نحددلك موعد العمليه...
علي....ضليت صافن عليه هذا شكاعد يخرط شنو دوالي شنو عمليه دوخني طلعت منه وكتله محمود هيج وهيج سالفه يمعود...
محمد....علي تريد تتاكد انو عندك دوالي وله لا سوي سونر راح يبين..
علي.....تنهدت بتعب... والله مادري الله كريم ....
جوري ..علي رجعلي للبيت اشوفه حاير مدري شبي قلقت وضعه ميطمن... شبيك عيني ...
علي... رحت للدكتور وهيج كلي ...
جوري...شهگت وفتحت عيوني ....مجان عايزه بس هاي.... صدك بلحظتها اختنكت وكمت ابجي وهو ضاج وكام من يمي وني بقيت اشهك وبجي مابيدي شي اسوي غير بس دعاء رحت توضيت وتجهت للصلا صلاة الحاجه وطلبت من رب العالمين انو كون علي ميحتاجله عمليه شكد بجيت وبقيت اشكيله ربي بس هو يسمعني شنو بيه
علي لثاني يوم رحت ع غير دكتور سويت سونر ...
دكتور... كلشي مابيك حته نسبه جيده..
علي..دكتور يعني حته علاج ميحتاجلي انشاءلله.
دكتور...دكتور لاميحتاج اوضاعك كلش تمام....
علي طلعت من دكتور الف الحمدالله.
جوري.....اني كاعده وجان يجي علي ..
علي...هلا حبي. وبستها بخدها...
جوري...انتبهتله فرحان وگفت ..ها حياتي ..
علي...الحمدالله طلع كلشي مابيه وماحتاج حته علاج...
جوري...شبگته بفرحه ... الحمدالله هم الله يعاين حالنه الف شكر لله ...
....مرت الايام ..
.. كاعده الضهر تقريب جانت ساعه 2 اتصفح بلفيس اجتني رساله من شخص الاسم بنيه والصوره مخليه طفله من نت كاتبلي هلو جوري عضيت شفتي امم منو هاذ فتحته ودخلت ع صفحته معرفت منو بس فكرت هاي احد يعرفني خلي اجاوب كلت ...هلاوات منوو....
...بسرعه رد... ياهلا مو ممهم تعرفين منو واني حابه اسلم عليج في.
.... رديت ليش مو مهم وحابه تسلمين ع عيني راسي بس غير نعرف منو...
....شوي ورجعت تكتب... علاوي يخبش ويا سمايل يغمز...
.. اني نطيت من مكاني و اتفاجات بلرد شنو علاوي يخبش هاي شكاعده تلغي كتلها احجي منو انتي بس بداخلي اغلي...
..كاالت . هاي شبيج داكلج بارحه علاوي جان يمي. .
....يابه اني قريت هاي رساله لو نجننيت عقل مضل براسي فقدت وصرت ارجف معقوووله يارربي لا علي مستحيل يسويهه صارت افكاري تودي وجيب..نوب ضلت دزلي وتسولف بـ علي وكأنو تعرفه اله اشوي اكسر موبايل...
ضليت بلغرفه اروح واجي منا ياربي شصرف نوب متقبل تكول منو ...
.. نزلت جوه ردتت بس احد احجيله لان مدعرف شسوي شفت مروه كاعده وحدها بغرفتها بذاك اليوم اجت يمنه خطار بس شفتها ركضت عليها كعدت يمها وحجيتالها كل سالفه اخذت مني موبايل وكامت تقره بلرسايل واستلمتني رزايل من هاي ناشفه..
مروة ...بعصبيه .....بابااا انتي شكو جاااوبين ع شخص متعرفي صوج منج انتي ثوله شوكت تكبرين وتعقلين وتعرفين تتصرفين ...
جوري...وانتي وانتي ضلت تعد عليه..
مروة.... ولانوبه تشكين بااخويه انو هو يخونج اذا ماعندج ثقه بي شكو ضاله ويا جوري تره انتي كل الي جاي تسوي غلط في غلط ماشفتج فديوم جنتي ع صح.....
جوري ... اني هنا ساكته مجاوبتها شي غير بس دموعي تنزل عود ردتت احد احجيله لبگلبي اريد واحد يفهمني ماكو كمت من يمها واني حيل مقهوره وروحي طالعه ومنه تفكير موتني وشياطين تتراگص على جرحي محبيت طريقة كلامها وياي دومها تعصب وتحجي بانفعال ماتحجي بهدوء وهي بنت عمتي....
.. علي جان بشغل ماردت احجيله لان اكول خاف هم يتعارك وياي مثل اخته لان حته اني ماعرف هذا ولد لو بنت نوب هو راح يشك بيه ....
گعدت وايدي على حنجي صفنت هزيت راسي بألم مستحيل اسكت ممسويه شي غلط بلعكس راح اكوله واحجيله ماريد اعدم بعد ثقته بيه اي يجي وكلشي راح اكله وماضم عليه هوو الي محذرني من اول متزوجنه جان يكلي جووري لاتضمين شي عليه اي شي يخصنه واذا فد يوم عرفت بيج ضامه شي عليه متلومين اله نفسج كلامه بقه ترجيه بذني....
...فلهذا قررت اصراحه اجيت فتحت موبايلي دخلت ع محادثه نوب ماسحتهه خرب هاي شلون سالفه من خوفي وثولاني حذفت كلشي اله مروه من قرت رسايل وشلون اني مجاوبه ابد مقبلت ع ردي ...
... وعلي اذا شاف كلامي اكيد مراح يسكت وراح يعصب عليه فلهذا حذفت ردت فعلي سريعه بقيت ساعتين اني خوف كاتلني وابجي شوكت تجي سعادة الحياتي شوكت ارتاح ليش مو مثل باقي البنات لااهل ولازوج وهسا اريد طفل يترس حضني ضليت بحسرته دموعي تنزل مثل شلال ماعرف شوكت توگف رفعت راسي من علي دخل الغرفه نوب بس شفته رحت حضنته وبجي ماعرف شسوي وماريد اشك بي واعرف هو ميسويها وهذا اكو من الي يريد يوكعنه بمشاكل حضنته قوي اريد احس الامان مثل طفله ارجع ماكو اهموم ولا مشاكل ولا وجع راس.....
...من شافني هيج اتفاجأ بادلني الحضن وحجه بحه ...
علي... شبيج حبيبتي صاير شي....
جوري ...بعدت عنه وامسح بدموعي وحجيت وشهگه بصدري... راح اكلك ع شي بس اوعدني مسويلي شي..
علي...عقدت حاجبي.. احجي شنو..
جوري... بالاول انطيني وعد انك مراح اتئذيني ولاتتعارك وياي حتلو جان شي غلط علاوي اني ماضم عليك شي لان انته كايلي وماريد اكسر بكلمتك...تقرب مني ولزمني من خدودي وهو مبتسم...
علي... احجي حبي ماسويلج شي دام متضمين عليه احجي ولاتخافين..
جوري....بلعت ريكي بخوف.... علي بس هو ماكو دليل ع هذا شي واني غبيه نسيت وحذفت رسايل من خوفي بس اجتني رساله من شخص ماعرفه كاتبلي هلاو جوري كلت اكيد يعرفني وجاوبت... قاطعني..
علي... ليش اني مو كايلج متجاوبين ع شخص متعرفي كااايلج لو مكايل.
جوري.....عدلت وكفتي ورجعت كذلتي وره اذاني ودنكت راسي لان اختنكت ماعرف شكله بعد.. ايي حبيبي يعني عبااالي يعرفني وعرفت انو هيه بنيه من الاسم وصوره ...
علي...عكدت حاجبي... منو يكول ابنيه قابل ميعرف يسوي حساب بنت لج بابا بهذا وكتج لاتثقين والموبايلات بيت بله..
جوري.....بس هاي بنيه اني متاكده نوب كاتبتلي علاوي يخبش وجان البارحه يمي...نزلت دموعي بحرگه متدري شصار بيه من قريت كلام....
علي...شنوو ونتي صدكتي موو هيج متثقين بيه هسه وين موبايلج شو اطينيا ...اخذته منها.... ليشش حذفتي رساايل ليشش مابقيتيهن...
جوري ...بأرتباك....هاا مادري كتلك من خوفي بس والله محجيت شي سالت منوو ميقبلون يكولون ...سكتت ورجع سالني ..
علي...شنو اسم الحساب ..
حوري...نطيت الاسم بحثه وطلع اول واحد دخل ع صفحه مابيها شي فقط صورة طفله وماعنده اصدقاء مشتركين غير بس اثنين اخذه موبايله وسجل حساب عنده...
علي...بعصبيه... اله اعرفه منو و اني اعلمه...
جوري... اني ماعرف ليش بهل لحظات عبالك رب العالمين رسملي شخص بالي هي مرت عمي زينه تذكرت كلامها من رحنه وياهم للنجف نفس كلامها بلموبايل عرفت هيه ماكو غيرها علي مدد بلفراش رحت يمه خليت راسي ع صدره وايده ع شعري وايده ثانيه لزم موبايل دخل ع صفحة لحساب وكام يراسله..
علي.. منو انته... شخص فتح رساله ومارد..علي رجعت كتبتله.... الغي منو انته..وهم شاف رساله ومارد..... لاترد بسس اعرررفك اعررفك وين طيررر مني ... شاف رساله بثواني سووه بلوك الي..ههههه شكددد جبان شفتيي....
جوري ... كام ينصحني ويكلي بعد لاتسويهه ومن هلحجي هزيت راسي بمعنى اي....
علي .. بله شو انطيني موبايلج خلي ارساله...
جوري... نوب اجه ع موبايلي وهم لكه مسويلي بلوك ..
علي... شكد سافل وجبان...
جوري... قفل موبايلاتنه وشمرهن ع صفحه وجه حضني حيل حجيت بهمس... علاوي تحبني...
علي... ولجج اموووت عليج واعششقج ولجج انتي النفس مالتي...
جوري.... شابكني حييل ويبوس بيه وضل يتغازل بيه بلحظتها نساني كلشي .... بس سالفه منسكت عليها علي لمن نزل مروه حجتله وعمتي طبكت ويه مروه واثنيهن تكابلن وكعدن ويه علي ويحجن عليه هيج مرتك وهيج مرتك واني فوك وداسمعهم بقيت ابجي....
... خابرت ع امي وسولفتلها هم حجت عليه تكلي كم مره كايتلج ابتعدي عن موبايل مابي غير بس مشاكل وهاي اكو من الي يريد يقهرج ويسويلج سالفه كاتلتهم الغيره لان علي يحبج عاد انتي صيري سبعه ماجاوب ع احد ماعرفه لو عسى يضل للصبح يراسلج ماااجاوب ياامي ....
..بقت تحجي ويايه شكدد نهيت الاتصال منها نوب اني من حركت كلبي وبجيي بقيت ادعي ع شخص الي راسلني من كل كلبي حسبي الله ونعم الوكيل ع هيج بششر حته رحمه ماعندهم بگلبهم ....
... فديوم رحت لاهلي اني وازهار واخوني كاعدين سوالف وضحك حسن يسسولفنه من يطلع وشلون بنات يباوعله وهو شايف روحه ع بنات وامي من تسمعه تكله كلشي يعجبك تحجي ضل اخرط وصفط ع خواتك امي مجانت تصدكه وتضحك ع سوالفه لان الي يسمعه يكول هذا شكد يحمه وينفخ بروحه بس هو يحجي الحقيقه ...
..طبعا حسسن هووواي يشبهني دمه محبوب ملامحه مثلي وعنده جاذبيه بس الفرق اني ويا بلعيون هو عيونه واسعه وبيها لون عسلي فاتح عنده ضخامه وطول عمره 17 وليشوفه حسباله 20 اكثر ..
..اجه ابويه طبعا اتفاجأت بجيته لان قليل نشوفه واصلا حته ميكعد يمنه بس يسلم ويطلع بس هلمره فاجئنه ...
ابو جوري... امشو اطلعكم بسياره نغير جو....
جوري...اني رمشت عيوني ممصدگه وازهار تباوعلي واني اباوعلها ورجع اباوع لـ حسن ومحمد يباوعلنه وامي واكفه مثلنه متفاجأه شعجب ابويه حجه ويانه ومن شوكت صار عنده احساس وفكر بينه مامصدكين هذا ابونه منين طلعت شمس منعرف بس صدك غير كلنه فرحنه لان راح نطلع ونلتم....
... بيبي بذاك اليوم جانت بيت عمي وبسس احنه العائله طلعنه سوه خابرت علي وكتله راح اطلع ويه اهلي وازهار كذلك نطت علم ل عمار وطلعنه بسياره رحنه لـ ابو نؤاس وللكراده فرفرنه صار المغرب ...
ابو جوري...بويه شنو تحبون اجيبلكم عششه سفري لو مطعم...
... محمد.. كبل نط من يمه ....لايابه جييلنه سفري ناكل بلسياره مابينه حيل ننزل ..
ام جوري...عكدت حاجبهه... انته اسكت بله ... لاعيني لو مطعم لو كيفك اذا سفري نكعد بمنتزهه وناكل شعنده باقين بسياره قابل كبل احنه طالعين ...
جوري... ابويه مجاوبهه شي لامي باوعلها لزهار وحجه...
ابو جوري.... انتي بويه شتكولين مطعم لو سفري ...
ازهار....ابتسمت ... شنو مجان يابه ولاتكلف نفسك هاي طلعتنه يكفي..
ابو جوري... لايابه تدللون ...
جوري ..اني حجيت بكلبي واني شنو طرطوره ميسالني لو حب بس ياخذ رئي ازهار نوب گلت يالله عادي ماكو فرق اني وله اختي عاد فر سياره ونزل يم مطعم راح ديجيب سفري وره وين يلا اجه جايب عشه لفات صاج وببسسي ازهار تحب بيتزا جايبلها رجعنه لشارع ابو نؤاس هناك اكو كعدات مكان هادء وحلو اكو عوائل محدوه مثلنه فارشين وكاعدين يتعشون ابويه يسولف ويضحك ويه ازهار واخوتي اله اني اشوفه مامهتملي ولايحجي ويايه كله يصيح ازهار وازهار ...
...حزت بخاطري حيل حته ماحس عندي اب مافديوم سال عليه وله فكدني بشي عبالك بس زوجوني هيج صار عكس ازهار تزوجت هو بعده يدورهه حته من اخذنه صور ينطيني الي موبايل ويخلي ازهار يمه واخوني واني اخذلهم صور مكلي تعاي ويانه حاولت مابين انو اني ضايجه لان احس نفسي اختنكت بس خلي يجي واحد يككلي بز ابجي....
...امي خطيه شافتني ماكلت شي اكلت بس نص لفه وعفتها ...
ام جوري.... ليش ماكملتي عشاج يمه احسج ضايجه...
جوري... عيوني تلالي بدموع ابتسمت وهزيت راسي... لا عادي بلعكس فرحانه ...بس امي تعرفني من شكلي ازهار واخوتي راحو يلعبون بلمراجيح والمزليكات ...
..ازهار ابد متكبر وتعقل احسهه مثل طفله متخلي شي بنفسها عجبها تركب مراجيح مخليهن للطفال واله ركبت واخوتي يضحكون عليها وكاعدين ويهزوها...
...بس اني لا من نوع استحي واتنجب نوب عالم تباوع اما هيه حتلو عالم تباوعلها متهتم عليها بنفسها تتونس وتضحك جانو وياها جهال راكبين مراجيح تضحك وياهم وسووي هييييييي وتصفكلهم .....
...اني وامي كاعدين ونباوعلها ونضحك خبله وربي ويجي ابويه ويصورها ويضحك عليها وهيه مكيفه شوي واجتها وحده يطلع عمرها عشرينات وشوي جسمها متروس ..
.. وكفتها لزهار وكالتلهه... اريد اركب مكانج... خطيه جان عبالها عادي لكبار يركبون بيهه وازهار كبل نزلت تبرعت..
ازهار .. اي تعاي..
جوري... بحيث من وكفت يمها ازهار كلشش ضعيفه وزنها 55 وعادي حاملتها المراجوحه والبنيه اجت تكعد بيها جان توكع هيه والمرجوحه عززه وهنا ضحك صار بفلسس خطيه حسيتها تفشلت وصارت حمره من خجل والكل تباوع هههه الموقف صااار خلنه صدك نضحك.....
يتبع ..
انثى 💜 ملائكيه
أخطاء لايُمحيها الزمن
لاتنسو التصويت