هلووو شلونكم ❤️
البارت راح يكون تعريفي راح تتعرفون بي على الشخصيات 🔥
ملاحظة : البارت يحتوي على الفاظ بذيئه من هسه الي ميعجبه
يعوفها وهم هيج الفاظهم دانقله مثل مامذكور
احبكم كوماات ❤️
واستمتعوا بقراءة البارت
____________________
النسمة
الما تحرّك كاغد من تفوت
تمر بية
وتطيّح من شبابي ورود
____________________
#قسوة_شاجور
#للكاتبة_اسيل ✍🏻
بغداد زيونة ساعه 7:00صباحاً
واكفه كدام المرايه واني احط حمره كملت ضليت اباوع بامرايه اتأمل ملامحي الهادئه والطفوليه ماحب اخلي مكياج اهوايه اكتفي بس باقلم حمره ترابي احس يخرب شكلي والبرائه الوجه تروح القيت نظره على ملابسي كانت بنطرون جنز وتيشرت ابيض وحذاء رياضي ابيض وجنطه سوده اخذت المشط عدلت بي شعري سرحته وعفته مفتوح فتحت الجنطه مالتي اتأكد من التليفون والباج مالتي اليوم اول يوم الي بالجامعه مرحله اولى صيدله نزلت صبحت على ماما وبابا كاعدين يتريكون
ام رحيق :تعاي ماما تريكي مضل وقت
رحيق: ماشتهي والله ماما متوتره ومعدتي توجعني بوعتلي بقلق دتحجي بابا سبقها وكال
ابو رحيق:على شنو بابا متوتره مثلها مثل المدرسه لتتوترين ولتخافين تعاي اكلي حتى لدوخين كعدت اكل شربت بس چاي واكلت نص لفه جبن كمل بابا وماما هم كامو يغسلون كملت اني هم اخذ بابا السويج وكال يله يابه طلعنه اني وبابا وماما فتح بابا الباب وطلع السياره وراه ماما طلعت سيارتها وسديته الباب طلعنه بالسياره ماما راحت للمدرسه وطلعنه للجامعه بابا مشغل اذكار الصبح وصلنه طبب بابا السياره ونزلنه الكليه جانت چبيره وبيها اهوايه طلاب لزم بابا ايدي وكال
ابو رحيق : اسمعي بابا لتخافين ولتخلين خوفج يسيطر عليج بابا وشوفي طلاب مثلج شلون فرحانين صيري مثلهم وحاولي تتعرفين على صديقات بنات اوادم واذا شخص مرتاحيتي اله اتركي ماشي بابا
هزيت راسي بمعنى مفهوم باسني من راسي وكال يله انطلقي عافني وراح بابا معيد بالجامعه الي اداوم بيها
ضليت امشي واباوع على الطلاب شفت مجموعه مال بنات رحت الهن اسئلهن على القاعات سلمت عليهن وكلت بدون زحمه وين قاعات مرحله اولى صيدلة كالت وحده منهن تعاي ويانه احنه هم مرحله اولى رحت وياهن طبينه بممر كله قاعات فتنه بوحده منهن القاعه جانت ملينه طلاب جانو واكفين الطلاب يتعارفون فتت ورحت شفت كرسي فارغ كعدت عليه كاعده واباوع عليهم شون يضحكون ويشاقون كلت بكلبي شوكت لحكتو تتعارفون وصوت ضحك البنات عالي ظليت كاعده اجتي بنيه كعدت بصفي جانت لابسه عبايه مال راس سلمت عليه رديت السلام كالت اول يوم مو كلت الها اي اول يوم كالت اسمي زينب وانتي كلت الها اسمي رحيق كالت عاشت الاسامي اسمج مثلج حلو كلت الها شكراً وانتي هم حلوه كالت عادي انصير صديقات كلت الها اي عادي تمام كالت اني داومت الاربعاء بس مجان اكو طلاب اهوايه بس شكم مجموعه وكالو تعالو الاحد دوام رسمي ضلينه ساكتين ونباوع للطلاب دخل طالب كال اجه الدكتور حميد كل الطلاب كعدو جنت اني كاعده يم الشبابيك بالسره الاول اني وزينب والشباب كعدو بالاخير طب الاستاذ وكفنه كلنه سلم علينه وكال استريحو كعدنه كال ماشاء الله اعداد اهوايه كال اليوم ان شاء الله مناخذ شي فقط نتعارف ضل يعرف نفسه وبيا ماده ياخذنه وبعدها كال كل طالب يعرفنه عن نفسه ويكول اسمه وشكد طلع معدل واول شي اني كمت باوع عليه وكال شنو اسمج كمت وكفت وكلت اسمي رحيق تاج الدين ومعدلي ٩٧ واعشار كال حلو احسنتي وبعدها كل طالب كام وعرف اسمه ومعدله كلمنه كلنه خلصت المحاظره وطلع الاستاذ كلت ال زينب كومي نطلع كالت يله طلعنه نفتر كالت امشي للسنتر نشتري شي دنمشي اني وياها دكت عليه ماما
ام رحيق: ها حبيبتي شلونج ضل بالي يمج خما بيج شي
كلت لا ماما كلشي مابيه وهسه طلعنه من المحاظره ودنروح للسنتر اني وبنيه اتعرفت عليها هسه كالت اكلي شي متريكتي انتي كلت تمام سدته وطبينه للسنتر جان هوسه ضلينه ندور على مكان اني وزينب لكينه وكعدنه كالت تاكلين شي كلت الها بس اريد عصير وبسكت كالت كومي وصي واني ابقى كاعده كلت الها تستحين كالت والله استحي كتلها ضلي كاعده واني اروح اطلب ضحكت كتلها لضلين جبانه صيري جريئه كمت وصيت اكل الها والي جابتلي البسكت والعصير اكلنه وكملنه وطلعنه رحنه للقاعه ودخلت دكتوره هم اتعرفت علينه وطلعت ماخذه اي محاظره بس اتعارفنه كملنه دكيت على بابا كلت كملت كال انتظري يم البوابه اني وبابا بالكليه محد يعرف اني بته كال ماريد يكولون بزود ابوها دخلت او واسطه هذا تعبج وكفت يم البوابه ضليت انتظر بابا كعدت على المسطبه اجه بابا وصعدت يمه ضل يسئلني شنو صار وياي اليوم واني اجاوب
وصلنه للبيت ماما فتحت باب ودخلنه بوست ماما وكالت صعدي بدلي وغسلي دنتغده صعدت فوك طبيت سبحت جان شهر العاشر الجو مو كلش حار طلعت لبست تراكسود ومشطت وشلت شعري كبه ونزلت طبيت للمطبخ ساعدت ماما بابا جان ديصلي صبينه الاكل على الميز ونتظر بابا يجي حتى ناكل ماما تطبخ باليل يوميه اجه بابا وبدينه نتغده ماكو صوت بس صوت الخواشيك كملنه كمت صبيت جاي ماما جانت مسويته بس صبيته ال بابا وماما عزلت المواعين كمت داساعدها كالت روحي ارتاحي كلت الها داساعدج كالت روحي نامي ماما عيونج الحلوه طفت بوست خدها وصعدت فوك سديت البرده الغرفه صارت ضلمه خليت راسي على المخده ونمت محسيت بعد
اني الوحيده ال اهلي ماما خلفتني وهي شويه كبيره بالعمر بس الصوج مو بماما بابا جان ميكدر يخلف ماما معافته ضلت وياه وبابا ضل على العلاج وضل سنين اهوايه يعالج وحتى سافر بس ماكو نتيجه ايسو ماما كالت عوف كل شي نفسيتك تعبت وبعد ١٥ سنه يله ماما صارت حامل بيه وصرت اني وبعد مصار شي ربيت وسط عائله هادئه محبه للخير بسيطه ويخافون الله على الرغم من اني الوحيده الهم بس ربوني وعلموني من الصغر الصح من الغلط ودللوني بحدود بابا عنده ٣ اخون هو المرتبه الثاني بيهم عمي الجبير عنده ولد اثنين وبنيه وكلهم خريجين وعمي الثاني عنده ولد وبنيه هم خريجين اغلب ولد عمي وبنات عمي عمي الجبير ابنه حسام دكتور باطنيه والثاني محامي وبنته دكتوره اسنان وعمي الثاني ابنه محلل وبنته صيدلانيه اهل بابا كلهم واصلين ماما ماعدها احد بس اخ واحد ومسافر للسويد عايش هناك اني طبعي مو انطوائي بس ويه اهل بابا شويه استحي حتى صديقات بالمدرسه مجنت اثق ب اي وحده واني جنت اصلاً بالمدرسه مكضيتها دراسه وبيت عمامي كلمن ملتهي بحياته ومشغول ولد عمي كلهم مزوجين اني اصغر وحده بيهم
علاقتنه بيهم حلوه انحبهم ويحبونه وخاصه اني يعتبرونه مثل الطفله لان اصغر وحده نلتقي بس بالعطل لان الكل دوام ومشغول اني وماما علاقتنه مو ام وبتها لاصديقات كلشي احجي ال ماما كلشي ماضم عليها حتى اقل التفاصيل الصغيره اكول الها كعدت على بوسات بخدي فتحت عيني شفت بابا كال كومي بابا البيت خالي وتاخرتي وكل ساع اكول ال امج كعديها تكول خل ترتاح كمت حظنته وبسته بجتفه كلت اله جنت تعبانه بابا ومحسيت على نفسي كال كومي غسلي كمت غسلت ونزلنه بوست ماما كالت صح النوم كالت تعاي ساعديني نسوي بيتزا كمت اساعدها ابرش الجبن واحط الزيتون اني مع الاسف كلشي ماعرف اطبخ حتى ماعرف انظف غرفتي ماما البيت كله عليها متخليني كلشي اسوي دخلنه البيتزا للفرن وطلعنه كعدنه يم بابا ضليت اسولف الهم شون مر اليوم وسئلت بابا على الدكاتره وهو يكلي شنو اطباعهم دك الفرن طلعت ماما البيتزا وخلتها تبرد وقطعتها اكلنه ماما صبت الجاي وراها غسلت ماما الماعين لان اني كلشي ماعرف اسوي ضليت كاعده يم بابا اسولف ويه خابر عمي ابو حسام يسئل بابا عليه وشون جان يومي الاول بعدها اخذت التليفون من بابا وحجيت ويه عمو سلمت على عمو وسديته خابر عمو ابو مصطفى هم يسئل عليه علاقتي بعمامي كلش حلوه احسهم شون الطفله اول يوم دوام الها بالمدرسه ضلينه كاعدين وبعدها صعدت فوك حضرت ملابسي الي راح البسهن كعدت اتفرج بالتليفون وبعدها طفيته ونمت كعدت على صوت المنبه ساعه ٦ ونص طبيت سبحت طلعت نشفت شعري وبدلت ونزلت جوه اتريكنه وطلعنه وصلنه للكليه نزلت ضليت ادور على زينب شفتها كاعده قريب يم القاعه رحت سلمت عليها كالت ماخذت رقمج اخذت الرقم وبعدها طبينه للقاعه طب الدكتور وبدت المحاظره جانت الماده كلش صعوبه بيها وكله بالانكليزي واجهت صعوبه بيها كملت المحاظره وطلعنه اندارت عليه زينب كالت افتهمتي شي كلت الها اي شكم كلمه كالت اني ولا طكه طبينه للسنتر كعدنه ناكل وبعدها طلعنه وبدت محاظره وره الثانيه تعبت حيل خابرت بابا
انتظرت بابا يم البوابه اجه صعدت ويه هلو بابا
ابو رحيق:خير اشو مو على بعضج والدمعه بعينج احد مسمعج شي
كتله بابا اليوم دخلونه دكاتره وشرحو النه بس كلشي مفهمت كله انكليزي مالحك حتى اترجم وكمت ابجي واحس نفسي مراح اكدر انجح احس موكده اني
ابو رحيق: وانتي تبجين لان مدتفتهمين لعد اني وين رحت الشي الي متفهمي اني اشرحلج وامج تعرف انكليزي وتساعدج على شنو هل بجي اني مو كتلج خلي دمعتج عزيزه لا على كلشي تبجين
كتله يعني هذا مو سبب ميستحق ابجي عليه مد ايده مسح دموعي كال لشيلين هم اني يمج بسته من زنده كلت الله لا يحرمني منكم كال امين ولا يحرمني منج ومن الغاليه وصلنه للبيت ماما توصل قبلنه لان مدرسه قريبه علينه ويطلعون من وكت صعدت سبحت ونزلت اتغدينه كلت ال ماما بس انام ساعتين وكعديني حتى اقره كالت ماشي صعدت بس خليت راسي ونمت حسيت على ماما تكعديني كمت غسلت وكعدت اقره والكلمات الي اعرفها اترجمها قريت شنو انطونه اليوم بقت شكم ورقه مفهمت نزلت على بابا ديصلي المغرب وماما هم دتصلي انتظرتهم يكملون تقبل الله رحت على بابا كتله بابا هذني مفهمتهن
ابو رحيق : جيبي المناظر مالتي
رحيق :رحت جبتهن وانطتهيا بده يشرحلي ويفهمني وعاد عليه المواد اليوم الي اخذناهن
ابو رحيق : يوميه اقري المحاظرات لان يسون كوزات يوميه ويمتحنون بالمحاظرات السابقه
رحيق :كملت كلشي صعدت فوك حظرت غراضي خابرتني زينب
زينب: هلوو ولج رحيق قريتي
رحيق : اي هستوني كملت
زينب : لج اني مدافهم شي وحاطه التليفون اترجم الكلمات واقره
رحيق : باجر اني اشرحلج شنو انتي ممفتهمته
زينب: تمام لعد الي ماعرفه اعوفه عليج
رحيق: ادللي سديته منها نزلت جوه وتعشينه بعدها صعدت فوك اتفرجت شويه بتليفون وبعدها نمت داومت ثاني يوم كعدت انتظر زينب تجي حتى اشرح الها قبل لتبدي المحاظره خابرت عليه
زينب: هلو كلبي صباح الخير وين كاعده دادور عليج
رحيق: صباحو عمري كاعده يم بالحديقه القريبه من القاعات انتظرج
زينب:اجيت
رحيق : شفتها اجتي سلمت عليها وكعدت اشرح الها لان بعد نص ساعه تبدي المحاظره ضليت اشرح الها واترجم الها الكلمات
رحيق : هاافتهمتي اذا مفتهمتي حتى اعيده
زينب: عاشت ايدج والله افتهمت منج اكثر من الدكتور
رحيق: زينب انتبهي دائما اقري المحاظرات اليوميه لان احتمال يسون كوزات يوميه مفاجئه حتى احنه مستعدين منتوتر تمام يله كومي راح تبدي المحاظره بعد خمس دقايق
زينب : يله نمشي
رحيق : دخلنه للقاعه كعدنه بالسره الثاني لان الكراسي الكدام محجوزه اني ماحب اكعد ليوره لان الطلاب بس يحششون ويسولفون بدت المحاظره وشويه كمت افتهم واعرف شنو يكول الاستاذ كمل الاستاذ وطلعنه رحنه للستنر وكعدنه ناكل وخلص اليوم رجعت ويه بابا للبيت هيج مشت حياتي طبيعيه روتين اجه الشتاء اكثر شي احبه واحب الملابس الشتويه بدلت ونزلت تريكنه وطلعنه وصلت للكليه زينب بعدها ماكو خابرت عليه كالت تعاي اني يم الباب رحت عليها لكيتها واكفه يم ولد لابس ملابس عسكريه زينب كالتلي انو اخوانها اثنين ولد عمها ضباط وصلت يمها سلمت عليها وعرفت هذا اخوها كلت الها خير شبيج اشو اخوج وياج كالت داخذ اجازه لان اسبوع الخ مادوم كلت الها وين تروحين وتعوفيني بس شويه بصوت مسموع بس خليت ايدي على حلكي رفعت راسي شفت اخوها يباوع وعاكد حاجبه بسرعه نزلت راسي استحيت
زينب : دنروح للنجف بيبتي شويه مريضه ويمكن راح تموت
رحيق : الله يشافيها
راحت هي واخوها ضليت كاعده اني وحدي اراجع المحاظرات شفتها طلعت كمت كلت ها اخذتي اجازه
زينب : اي اخذت ان شاء الله الاسبوع الجاي اداوم
رحيق : حبابه لتتاخرين عليه شتعرفيني ماعندي صديقي غيرج
زينب : ان شاء الله احاول وانتي لصادقين غيري اموتج والله
رحيق : ضحكت وكلت اطمني ماصادق غيرج وراح اسجلج المحاظرات حتى تقريهن بوستني وراحت كملت اليوم عادي وحدي لان وحدي حتى للسنتر مرحت كملت خابرت بابا ورجعنه للبيت وسجلت المحاظرات ال زينب خابرتها كالت احنه بالنجف راحو البيت جدها عائله زينب ساده كلش محافظين زينب ابن عمها خاطبها بس ديكون نفسه وبين هي متكمل الكليه تكول احنه ماعدنه اختلاط بالولد حتى كرايبنه بس السلام بيناتنه ثاني يوم كعدت وداومت عادي خابرتني زينب كالت بيبتي اتوفت خطيه جانت تبجي اخذت من خاطرها وسديته التهيت اقره وامتحانات جانت عدنه واسجل المحاظرات ال زينب مر اسبوع واليوم تخلص اجازه زينب كعدت قريب البوابه الكليه شفتها اجتي بسياره اخوها الجابها ذاك اليوم كدر يفوت بسيارته لان ضابط نزلت من السياره ورحت عليها جانت تعبانه ولابسه شال اسود انقهرت عليها رحت عليها بوستها باوعت على اخوها شفته ديباوع عليه وخازرني سلمت زينب على اخوها ومشينه للقاعه طبينه للقاعه وبدت المحاظرات وحده وره الثانيه كملنه كلشي وانطيت المحاظرات الي سجلتهن الها كملنه وكعدنه بالمكتبه المحاظره الاخيره جان الدكتور طالع وبديت اشرح الها المحاظرات بس جانت كلش تعبانه
رحيق : زينب اذا مابيج حيل خليها غير يوم اشرح الج
زينب : اي والله حيل تعبانه واليوم ماحس افتهمت شي لان اتاخرت على المواد
رحيق : اني يمج واساعدج لشيلين هم
زينب : حيل تعبنه بالفاتحه وناس اهواي اجتي من المحافظات يعرفون جدي ابوي وامي بقو اهناك اجينه بس اني وامير واخويه سجاد ومرته
رحيق : شكلج حيل تعبان وعبالك مريضه
زينب : هو مبين راح اتمرض لان غسلنه الجدوره بالحديقه الخلفيه وهوه بارد
رحيق : دتحجي زينب اخوها دك عليها دياخذها بوستني وراحت خابرت بابا كالي كملت تعاي يله للبوابه رحت وصعدت
وثاني يوم داومت وزينب ماكو دكيت عليها مجاوب طبيت المحاظره وطلعت رجعت دكيت بالدكه الاخير يله جاوبت صوتها بلكوه ينسمع كالت مريضه مكدرت اداوم كالت اجه امير اخذلي اجازه بلكوه قبلو يله انطوني لما امير لان مصار اهوايه من اخذت
رحيق : لعد راح تبدي الامتحانات الفصل الاول وانتي المحاظرات الداخله بالامتحان مقريتيهن شون
زينب : لعد تعاي يمي والله ماكو احد بس اني ومرت اخويه بالبيت اهلي الاسبوع الجاي يجون
رحيق : اكول ال اهلي اذا قبلو اجيج والله
زينب : انتظرج
رحيق : رجعت للبيت وكلت ال اهلي كالو اخاف ولد ابيتهم اهلي اني سولفت الهم على زينب كلشي ماضم عليهم
ابو رحيق: تعرفين العنوان حتى اخذج من وكت وترجعين من وكت
رحيق: لا بابا نسيت اكول الها على العنوان خلي اخابرها خابرت زينب كالت احنه ساكنين بالكاظميه قرب......
كلت البابا كل يله بدلي اخذج صعدت بدلت لبست تنوره جوزي الحد الركبه وتيشرت ابو الركبه اوف وايت وبوت ويا ورفعت شعري ذيل حصان وجنطه واخذت الملازم لكيت بابا مشغل السياره ينتظرني صعدت ويا وصلنه للكاظميه معرفت يا بيت خابرتها دلتني وصلت الهم نزلت وبابا ضل واكف دكيت الجرص فتح الباب اخوها بس مو ذاك الي يوصلها بسرعه دنج راسه وكال تفضلي خيتي
طبيت لكيت وحده واكفه اباب المطبخ كالت تعاي حبيبه عرفتها مرت اخوها بوستني وكالت تعاي تفضلي طبيت للبيت ماشاء الله شكبره ورحيته كلها بخور اخذت من خاطرها وطببتنه الغرفه شفت زينب دتمشط وصلتني للغرفه وراحت رحت حظنت زينب كالت وخري يولي تنعدين كلت الها افتقدتج يولي شكد حلوه انتي بدون شال
زينب : لعد اعوف الحجاب ياخيه غير يذبحوني
رحيق : الحجاب مو مقياس للبنيه
زينب : اي صح جنت ماخذه نظره على السافرات بس من شفتج وعرفتج تغيرت نظرتي
رحيق : طبت مرت اخوها ام سجاد جابت عصير وكيك كلت الها ليش زحمتي نفسج كالت الف عافيه قابل انه شخليت اكلنه اني وزينب وبديت اشرح الها المواد صارت ساعه ٧ مرت اخوها جابت العشه كلت والله ماكدر داروح بابا على جيه كالت ونخليج تطلعين بدون عشه وانتي اول جيه الج النه
زينب : اكلي يولي لزعلين ام مرتضى
رحيق : اكلت شويه خابرني بابا كال يله طلعي وصلت
زينب : اني اجازتي تخلص الخميس تعاي يوميه حبابه
رحيق : ان شاء الله
طلعت صار بوجهي اخوها امير كال سياره بره بالباب الكم
زينب : اي هذا ابو رحيق
رحيق: يله عمري بيباي طلعت للكراج دافتح الباب اخوها كال اوكفي يابه اني افتحها وخرت على صفحه فتح الباب وطلعت بابا جان نازل من السياره امير سلم عليه وصعدت بلسياره وطلعنه وصلت للبيت ماما ضايجه رحت بستها كتلها شبيج حبيبتي
ام رحيق: اربع ساعات يم صديقتج مكلتي هاي امي وحدها تضوج
رحيق: اسفه والله بس زينب حيل مريضه وراح اصير الامتحانات وهي اخر محاظرات ماكو بس هذا الاسبوع تحمليني بست ايدها
ثاني داومت ومن رجعت بس اتغديت وبدلت واخذني بابا خطيه هو تعبان بس ميكول شي وصلت البيتهم يالله مرت اخوها فدوه حبابه واخلاق عبالك تعرفيني من وقت طويل طلعت زينب جانت حالته شويه احسن وبديت اشرح الها حاولت اكمل من وكت علمود ماما خطيه ومااضل على العشه مثل البارحه لان ماما وبابا ممتعشين من ورايه بس زينب مو بسهوله تفتهم اضل اعيد عليها يله وام سجاد كل ساع جايبه حاجه وتقدم سمعت صوت اخوانها كملت الها داخابر بابا كالت ابد مطلعين ضلي على العشه كلت والله وماكدر اهلي والله ممتعشين لان اني مموجوده
زينب: ياخطيه شكد متعلقين بيج هاي اشون اذا تزوجين
رحيق: يمعوده اخر تفكيري الزواج والارتباط ممستعده بعدني
ربع ساعه وخابرني بابا كمت طلعت من الغرفه جان باب الاستقبال مفتوح وكاعد كدامي اخوها امير بس شافني كام من مكانه كال وين يابه ضلو على العشه جان يحجي بصيغه جمع كلت هو بس اني ليش يجمع
رحيق: تسلم ماكدر والله
زينب: يمعود اهلها ممتعشين البارحه لان مماكله وياهم
رحيق : شكد عيب هسه اله تكله هيج تفشلت وطلعت
هز راسه وطلع كدامي فتح الباب وسلم على بابا وتشكر منه وكاله دنتعبكم ويانه
ابو رحيق : لا ابني قابل شمسوين وهي مثل اختها ومابيها شي اساعدها
رحيق : ترخص بابا منه وطلعنه
____________________________________________
الساعة بال 03:00 ليلاً
عيسى : محمود راح اوصل البضاعه
خلي رزاق يروح بالسيارة الثانية لازم نسلمها قبل وكت
محمود: هسه اكول ل رزاق يجي وياكم انتبه زين ترى عيون عليكم ماريد اي غلطه ترى تعرف اذا صارت غلطه شيسوي بينه شاجور
عيسى : اي ادري حتى وصيت الشباب هل مره ينتبهون
محمود: يالله شباب حطو البضاعه بسرعه انتبهوا زين من تحطوها ماريد اغلاط الي يرتكب غلط يحسب نفسه راح لجهنم يالله تحركوا ماضل وكت
عيسى : شكد فاهي انت متكولي
رزاق: يمعود نعسان شبيكم كعدتوني ماخذتو عبدو وياكم لو اله انيي
محمود: ضربته علابيه ولك روح غسل وجهك لا اجي اعدلكيا واخليك تصحصح
عيسى : يمعود عوفه زعطوط هسه يصحصح روح غسل رزاق ترى هل مره محد ينقذك من ايد محمود
محممود: هااا كملتوا يالله خفو ايدكم شكد فاهين عبدو اتأكد من السيارات مقفولة البيبان ترى ذوله اغبياء ينسون
عبدو: اتأكدت ليظل بالك هههه راح تاخذون رزاق بلكت تترزقون على وجهه
رزاق : اي الله يرزقكم فلوس حرام تهي بهي
عبدو: هو انت تشتغل بالحرام حتى حرام يضل اسمك رزاق غيره
عيسى : هو نسمي بعد تمبل
رزاق: يالله عساس شلونكم كل واحد بيكم يذب روحه مثل المطي
عيسى: كو... منو المطي
عبدو: دعوفه يمعود شكم مره كتلك الزم لسانك ابن الك...امشي يالله اركب بالسيارة
رزاق: يبتلي الواحد يحجي كلمه وياهم
محمود: الووو اي هسه تحركت السيارة ليضل بالك اي وين انت هسه
هاا وصلت اي منتظريك
عبدو: خلي اسويلنا جاي حتى نصحصح
البارحة شربنه اهواي
محمود: اي كوم سويلنا
عبدو : يمعود لتفكر هسه يوصلون البضاعه
محمود: مو هل مره مراقبين وخاف يلزموهم وانت تعرف شاجور
بعد
عبدو : مو دزيت جماعه يحموهم بعد شكو خايف
محمود : ماا ارتاح لحد ميسلمون البضاعه
عبدو : رايح اسوي جاي
رزاق : يمعوده شبيك حاطنه اغاني حزينه شغل ساجده خلي نردح وياها
عيسى : رزاق اكعد راحه لا افعصك اهنا
رزاق : اهووو هو شكلت كتلك غير عن الحزين مو راح ابجي وياها
عيسى : لو ماطريق اعرف اصرف وياك
ابن الكـ...
رزاق: هسه امي شعليها
عيسى : هي لو ماا كـ... متجيب عار مثلك
رزاق : رحمه الله والديك فعلاً لوماكـ..
عيسى : لتترحم لناس عارات
رزاق: اطيني بطل بلنكو من يمك
عيسى : رزاااااق هسه مو وكت البلنكو مالتك ابو العرك
رزاق: اهوو اغاني حزينه ومتريد نشرب
والله يالله شلون عيشه
عيسى : الووو هاا شاجور اي وصلنه نص الطريق لا كلشي ماكو ليضل بالك
شاجور: دربالك على رزاق ترى هذا زعطوط ليسويلنه مشاكل
عيسى : لتخاف اني موجود ميسوي شي
رزاق : فدوه حط ساجده
عيسى : تموت على الكـ.. هاك هاي ساجده
رزاق : اي هسه تمام نكدر نفتح عيونه
ضليت اغني وياها واردح والشباب يضحكون شوي بلنكو بس كمعه
عيسى : راح ادفنك اهنااا ومحد يلكه جثتك
رزاق : سكتت يمعود
عيسى : تحظرو شباب راح نوصل كلمن ياخذ سلاحه خابرو الجماعه الي نسلمهم البضاعه وكفت سيارة بيكم دبل قماره
نزلت اني و الولد رزاق انت ضل اهنا
رزاق: ليش عود تنزلهم ومتنزلني
عيسى : لزمته حيل من جتفه وكتله بعصبيه من اكوووووول تبقى تبقى فتهمت هذا امر شاجور رحت يمهم حجيت وياهم اشرت للجماعه وسلموني الفلوس كعدت احسب بيهن
نسر : شنو تحسب ورانه
عيسى : الاحتياط واجب استاذ نسر مووو
نسر: على راحتك
عيسى : خابرت شاجور اي سلموني المبلغ اي حسبته طبعاً
اي هسه راجعين هذوه ...كتلهم اي هسه تمام تكدرون تتوكلون
اشرت للولد ينزلون البضاعه وبدت عمليت النقل وراها رجعنه بالطريق وكفت سيارتين كبالنه وبدو يرمون علينه احنه هم كمنه نرمي عليهم روح مناك لك رزاق لتروح اهناك ابن القـ... مو داكلك لتروح روح انت الحكه بسرعه ليصير بي شي
رزاق: تقربت من يمهم وضربت اثنين منهم داضرب الثالث وتصاوبت بجتفي
عيسى : رحت لحكته لهل ارعن جريته حيل وصارت الطلقه بجتفه نقلناه للسيارة بعد ماصوبناهم وحركنه السيارة بسرعه
شاجور : ليش الولد ميجاوووبون
محمود: اني هم دادك عليهم ماكو
شاجور : شمرت الموبايل حيل انكسر
محمود : داوكف لتستعجل خلي نشوف اذا ماجاوي منى لفد ساعه نتصرف
شاجور : اذا مااجوي منى لفد ساعه تشاهد على روحك فتهمت
محمود: مفهوم
شاجور : عبرت الساعه وماكو الولد كوموا حظرو اسلحتكم
خلي نروح دنطلع جان يطبون الولد وعيسى لازم رزاق وذاك كله دم رحت صحت ابو قتيبه هذا مضمد يشتغل عدنه اجه بسرعه كال وخرو نيمه على المده وبده يطلع الطلقه من ايده وهذا بس يعيط جنه صوت الكـ..
عيسى : يله يمعود هي طلقه بس تعيط خبصتنه محد كالك ذب روحك
محمود: جريت عيسى على صفحه انيييي مو كتلك دربالك عليه لتخلي يتهور
عيسى : يمعود غير هجمن علينه سيارتين بدو يرمون بس انداريت لكيت صاير يمهم ويرمي عليهم وانت تدري هذا رزاق مخبل
محمود: دشوف شاجور شراح يسوي بينه
ابو قتيبه : كوم مابيك شي
رزاق: شنو مابيه مو هستوك طلعت الطلقه
شاجور: خزرته
رزاق: اي مابيه شي اصلاً مثل الحصان اني شو وخرو
شاجور : تعال وين رايح عبالك تطفر بدون متتحاسب تعال الحكني
للمصنع
رزاق: عيسى افزعلي يمعود
عيسى : شلي دخل
شاجور: عطتتت بي مو كتلك امشششششششي
رزاق: طفرت بسرعه تفضل شاجور
شاجور: اني شكتلك
رزاق: خرطتهن كلهن بسرعه كلت بعد متلزم سلاح وسحبته مني واني خمطته من عبدو يضمه جوه المخده ومن سكر اخذته من جوه المخده وضميته بسطالي حتى محد يحس بي ومن هجمو الجماعه خو مااكعد مثل الطفل يبجي لا طبعاً كمت جيتت عليهم وكتلت اثنين بس هذا الثالث ابن الكـ... كوم اضربني بجتفي ولا اني افجر دماغه
شاجور : اكتفيت بروح ل جاسم
رزاق: لا شاجور كلشي ولا جاسم بعد مااصرف بكيفي
شاجور : كلمه وحده وكلتها تقربت منه وضغطت حيل على جرحه
رزاق: اااااخ رايح رايح بس هدني كاعد اتأذه
شاجور :اشرت بيدي بمعنى روح
عيسى : اويلي هاي شمسوي بيك هههههه
الولد: هههههههههههه
رزاق: دطيريو كاعد يضحكون يجي يوم واضحك عليكم
ابو قتيبه تعال ارجع خيط الجرح مو احتركت امي
محمود: شكالك شاجور
رزاق : احجي وياه راح يدزني ل جاسم وانت تدري شنو جاسم
محمود: لزمته من اذنه جريتها حيل تستاهل مو نبهتك انيييي
رزاق: حطو طلقه براسي وفضوها شبيكم ويايه يابه مريض مريض
شنو اني بنار جهنم وكاعد تحاسبوني
محمود: امشي كوم لك
عيسى : عود سلملي على جسومي
رزاق: اي اخطبه الك شنو رئيك امداك يااعااار عفتهم وطلعت
وصلت لبيت جاسم شكد نكس هذا الكـ... هسه يبدي جنه عجيز
يدردم وصوت الكـحـ.. يجوعر
شاجور: رزاق جايلك اتصرف وياه
جاسم : شاجور انت تأمر واحنه نفذ راح اخلي يمشي على الصراط المستقيم طب رزاق
رزاق: هههههه جاسم لو تدري شكد مشتاقلك حتى بالحلم كمت تجيلي
كثر ماحبك
جاسم : ضربته حيل على جتفه واني هم اشتاقيتلك اهلاً وسهلاً بيك
ضيفو شباب
رزاق: لا لا كلشي ماريد مشكور
جاسم : نبدي
رزاق: شتبدي فدوه لكلبك شوف الجرح بعده مطايب
جاسم : مشكلتك مو مشكلتي
رزاق : ابن الخـ..
جاسم : ابدي شناو 100 مره
رزاق : صدوك تحجي وين اكدر وايدي مضروبه
جاسم : جريته حيل من ملابسه وعطت بيي من اكووووول شناو شناووو
رزاق : فتهمتتت ميحتاج تعيط نزلت اسوي شناو بالكوه حتى الخيوط رجعن انفتحن ودم كام ينكط كون يصير بيك عقم ياجاسم ومتخلف
وتنقرض ليش تنقرض الدينصورات وانت مانقرضت بمكانها وصلت
60 بالكوه عيني كامت تغوش نمت بالكاع واجه جاسم يتمضحك
جاسم : هااا تعبت
رزاق: جاب مي بارد ثلج وذبه عليه وجان شتا
اششششه يمعود شبيييييييك
جاسم : اسسس صوتك ابن القنـ...
رزاق : لتغلطططط
جاسم : اخذو شباب عيدو تربايته يعلي صوته على اسياده
رزاق : دكل خره عبالك تخوفني اسيادي ترى بس شاجور لتشوف نفسك وخرو اني اندل طريقي طبيت لغرفه ضلمه وجانت ريحتها
خايسه تكتل كتل وسد الباب عليه هاي من اعصي كلام شاجور يدزني اهنا اعقل وراها ارجع ولا اتوب وراها طب ولد جايب ماعيين وصخات كومه كال اغسلهن كلهن نريدهن يلمعن باوعتله وكتله بعصبيه مو اني الميري مالتكم ومادري هاي شنو جديده مال غسل الماعين
جاسم : اسمع صوت
رزاق : لا اسمع رن استكاين جااا وين الجاي
جاسم : حضرتك تنكت
رزاق : لا ابول على روحي شنو هاي اني حرمه واغسل ماعين
جاسم : هاي اوامر من شاجور
رزاق : اذا من شاجور انفذهن بس اذا منك اخليك انت تغسلهن
جاسم : طالع لسانك
رزاق : لا ضامه بحلكي شوفه
جاسم : عطت بالولد روح جيبله بعد ماعين ولتجيبوله اكل مفهوم خلي يومين بدون اكل بلكت يحترم نفسه
رزاق : شلون اكل تافل بي الشيطان
جاسم : سد الباب عليه اي ضوه ميفوتله
رزاق : وشلون اغسلهن كالولك خفاش بس باليل اشوف
جاسم : ضحكت بسخريه يمكن
رزاق : لو ماشاجور افرغ المسدس براسه ابو كرش جنه مره حامل بشهر التاسع مادري شوكت يجيب كعدت اغسل بيهن ايدي احسه خدرت نزعت التيشرت وشكيته ولفيتها بي وبديت اشتغل اكو فتحه مره حفرت الحايط يدخل بيها ضوه جنت حاط عليها طابوكه حتى متبين وخرتها حتى يدخل ضوه كملتهن وراها اتمددت بالكاع والكاع وصخه شسوي بعدني هستوني مغمض عيني اجتلي دفره بخاصرتي كمت
موجر نار منه الجرح يأذيني مانتبهت منو واكف وكتله ابن القنـ...
باوعت عدل لكيت العيون تجدح نار .....
•••••••••••••••••••••••••••••••••••••••••••••••
اضافه للناقله ZahraaEsam
اي شي يصير تلكو عدها
تغشيش 😂👌🏻ادري بيكم تحبون الغش
اتمنى عجبكم🔥
#Aseel ✍🏻