في عقيدة الشرف جميعنا يهود

27

في عقيدة الشرف جـميعنا يهود...
البارت -27-..
الكاتبة "اطياف راحلة"

رد يا حمام العصر بهتت سما عيوني
زعلان وي الهوى بتابوت راضوني

وتابوتي يندل هلي
لو تيهت ماخاف
وعصريه الجدم ردتني وحدهه

نرش بيبانك ومن نكعد بسدهه
نسكي الكاع سندانه هلا وعصفور

والسدره الغفت نرجع نكعدهه
نصيح ونختنگ جي صدى الصوت تراب

نلبد بالهدوم شما نفك كنتور
وتصيح امنه بينه ونرجع نسدهه
حطب نشعل عمرنه ندلي المتيهين

خذتهم ريح جذبه وتيه الدخان
وراضينه المشو بس احنه زعلانين #زعلانين

""
رتيل...

-اباذر ترئ نفس جذبت عليك هذني بناتك والقران ...!!

هـو باوعـلي عقد حاجـبة :
-شنو بناتي؟

-اي بناتـك انت من عفته هيه حبلت منـك

باوعلي بنظـرة حادة :
-كلتلي بنات حسن شنو سالفة

-جذابة ياااحسن هيه اصلا مازوجت غيرك

راح يمشـي سريع كمت اركض وره صاح -لييييش اجذب عليييييه لعد ؟؟؟؟

هو سـريع مالحك عليه شغل سيارة بسرعة صعدت باوعتله ابتسمت :
-يعني مصدكه بدون تحليل

ضـرب علئ الاستيرن بكل قوه : اليوم الـه احرك البيت علئ رااااسه
سببببببع سنووووووات تحرمني من بنااااااااتي

هو مجاوبني لف السيارة ومشيه سريع حيل خفت من سرعتة ... وصلنة للبيت بقه يدك بي بكل قوته صحت اوكـف ... انفتح الباب جانت لابسه نص ردان اسـود وبرمودة سودة وخالـه شال علئ ركـبته وكفت وره الباب بسرعـة صاحت منوو؟؟

اني دخلت اباذر كبـل دخل ورايـة صاح نفسسسسس "وعيـونه مشتعلات من وره الغضب احسـه راح يسوي جريمة "...

كلـبي دك بخوف شسويت اني من مصيبة صخام الصخمني ...
هو اتقرب عليـه جـره من شعره صاح بـوجه شلون ماااااادكليلي
لييييييييييش اجذبين علييييييه هنه بناااتي؟؟؟؟؟

هـيـه حاولت ادفعـه بس هـو حيـل لازمـة رحـت اتقربت ردت اصير بنصهـم
لزمت شعـره صحت عوووفه شبيييك هو هييج اباااذر

هـو مجاوبني بس يباوع عليـه وهيـه صافنة دارت عيونـه عليه وعلئ اباذر كالت شتحجي انت يابناتـك؟؟؟؟

همس بغضب : كاااااااافييي جذذذذب عرفت هـنه بنااااتي ليشششش
هيج اسـوين؟؟

هـيه باوعتله انصدمت كالت بحسافة : لاااااا رتيل انتِ تغدريني ليش
شسويـتلج؟؟؟

هـو هـو شد عليـه وجره من شعـره راح فتح السيارة طلعت حجيت بصوت ناصي "اباااااااااذر راح تفضحنه بلمنطقة بس خلي تلبس ملابس قمصلة ..."

هيه الدمعة تلالي بعيونة كالت ماسويتلج شي ماذيتج بيوم رتيل
جنت معتبرتج ااااختي!!!!!

اتندمـت بلحظتة ردت اسحبه بس اباذر قوي صعده بلسيارة وراح حرك سريع ...رحت ركضت دكيت باب طلعلي معتز كتله اخووووك اخذ نفس فدوه خاف يسويله شييي ...

سد الباب وباوعلي كال بلا مبالاه شكو شمسويـة هيه ؟؟

- باوع اني حجيتله الحقيقة ومادري بي ارعـن
" طلعت غادة كـالت رررتيـل الحكي رهف دكول متت " ...

رحـت ركضت شفـته مصخـنة جسمة نـار دخـل معتز دنـك خله ايده علئ كصتـه
كـال جيبي شـراب مال درجه حراره ...

- ماعدنـه هسه اروح اجيب واجي ابقة يمـه معتز لا تعوفه

-اوكفي عدنه بلبيت هسه اجيبلج واجي صيدليه بعيده هنا ...

راح هو اني نزعتـه البدي سـويتله كمادات غسلتله هيه بس ترجـف لعد نفس ليش مخابرتني ... ابتسمتله رهوفه شبيج ؟؟

- رتيل بطني توجعني

- اكلتي هواي مووو

- لا بردانـة ..

اجـه معتز شافـه بدون بدي انـدار ضحكت استحئ كمت اخـذت الدوه منه شربته ولبسته كتله انداار بدلتله كعد علئ قنفـة يباوعله بنظرات خوف ومد ايده لكصتـه ...

"حجيت بكلبي هم تخاف وتحس هاي بنت اخوك "

غادة حاضنه رهف نامت بصفه ويسولفون بهمس اشـرت لـ معتز كتله
-تعال للمطبخ شويه

هـو كام عدل البدي قميص نيلي وبنطرون كابوي ...وشعره مرفوع ...وساعتة فضية وداخل بـحذائة بيجي حتئ الحزام بيجي ...

راح رحـت وراه سديت بـاب المطبخ حـتئ البنات ميسمعـون ...جريت كرسي وكعدت رفعـت شعري سويته كـباية هـو جـان عاقـد حاجبة ويباوعلـي صفـح ...كـتله شوووف معتز ..

هـو باوعلي عدل بس نظراتـه حـادة رفـع حاجبة :
-شبـاوع عليمـن ؟؟

-خابـر اخـوك خلي يـرجع نفس حبـاب طلعه وهيه لابس نص ردان حـرام عليه
حتئ مخلاه تلبس شي فـوك ملابسة ..

حجـه بستـفهام -بس ابـاذر ميسوي هيـج شي اكـو شي؟؟

هزيت راسي" بـ اي " : انـي كتـله الحقيقة بس اتـندمت ..

هـو صغر عيـنه ورفـع حاجبة اتقرب علـئ ميز ورجع ظهـره ليوره :
-ياحقيقة؟؟؟

-بنـات نفس هـنه بناته.

ابتسم: بنـات منووو؟؟

-اباذر

هـو وكف: شتحجين

-اكعـد لاتوكف

صاح بصوت عالي بغضب: شكعدددد شنووو بنتاته فهميني

-اي اخوك شمره بلشارع وهيـه حبلت منه غير ازوجـه

-شلون؟

-شنوووو شلون شبيك غير ازوجته وحبلت

-ثووووولة لاتخليني اسبببببج

-شبيك معتز اكعد خلي افهمك هيه البنية بيوم عرسهم شمره بلباب وبعد ما سال عليه حتئ ماطلكه خابرنه عليكم طلع ولد كال ازوج وبعد سكتنه ...

ضرب علئ ميز بقوه وباوعـلي اتقرب :
-ليشششششش تضمون ومنو كلج ازوووج هو مامزوج
شلون تروح وهيه ماخـذة قطعه من عدنه ولله طبه طوووب فوك صلافتة حتئ لو يكتله

وكفت ورفعـت اصبعي بوجه:
-انت مو مال احد يحجي وياك اول شي هاي مو بناتك مالك دخل بيهم ثاني شي ماسمحلك تحجي علئ نفس بكلممممة وحده اخوك الحقير الشمره مافكر هيه بدون ملااااابس كلتله اغتصبني وماصدكة

-وانتِ ليش اصدكييين جذابة هيـه

-اذ كتلك اختـك نايمة ويـه واحد اصدك؟؟؟؟

ماحسيـت الـه علئ ضربـه بخدي حرارة حسيـت صارت قوي خليت ايدي علئ خدي تجـوي بـاوعلي ولزمـني من عكسـي وقربنـي اله:
-انهيج وللـه ااااااذ جبتي طاري اختـييييي..

-ااااي لو تخاوفون هيج علئ بنات العالم جان الدنيا بخيـر حرام عليك تتهمه لعد وانت ماتعرف شـي عليه

-غيـر اهله جانو منطيـه حررية زايدة تبقئ ساعتين بلبيت ويه ولد وحدهم

- وانت اصـدك بكلام النـاس تـرئ انـي اربعة وعشريـن ساعة ويه الولد
وجنت ادخل بيوت الديانة واتحاسب وياهـم تدري مره حتئ ملهئ دخلت
ميصير تحكم انت ..

صـاح : دقيييييقة "عصرني من عكسي وخلـه ايده علئ حنجـي بقـوه "
-ووويـن داخلة ملهئ!!؟

-اي انجبرت

-اخ اللـه لو داري بيج وحق العباس الـه ادميييج

-عوفنـي شبيك شعليك بيـه حيـر بغدورة

-غدورة منو هاي بله؟؟

-خطيبـتك قابل منيـه

-وعلـي ناسيـه ذكرتيني بيـه اروح اوصلـه لبيت اهلـه عود افتهم السالفة من اباذر لاتخافين علئ نفس ياذي روحه ومايذيه

احـس نار اشتعلت بيه يعني هيه بيتهم جااااانت كلت ودرت وجهي صفح:
-اذاه قبل هسه روح لحك قبل لاتزعل غدوووورة

حجه وهو يقلد صوتي :
- غدورة ماتزعـل عادي حتئ لو تبات عدنـه..

بـاوعتله فتحت عيني بصدمة :
-صدك ماتستحي تبات عدددكم ايباااا اللـه يرحم ايام ايدي ماتقبل تلزم تستحرم وهسـه عادي ..

-استغفر الله ربي واتوب اليك اللـه يصبرنـي علئ العقل العندج
"مد اصبعـه لراسي بقـه ياشر عليـه " اهنااااا شخااااالين جلاتين لو عقل؟؟؟

-معتز مو حرام وعيب عليك تدخل بيت بنية وحده؟

حجه بلا مبالاة -لا دخلت اشوف الطفلة وانتِ جبتيني للمطبخ

ابتسمت صفـح -ماتعرف دكووول مادخـل ؟؟

- رِتيل ليـش ازوجتـي شعجب ماتبنيتو طفل ربيتو اكـو انابيب ؟؟

مـديت ايدي خليت خصلة شعري النازلة وره اذاني :
- ماردت طفل

- ويـه عاقلـة جنتي؟

ابتسمت : اي عاقلة

بـادلني الابتـسامة : ارتاحيتي ويه حبيتي نسيتيني بسرعة ؟؟

-انت نسيتني؟؟؟؟

-اي عـادي مجرد ماضـي قديـم ومايرجـع بعد .

راح فتح الثلاجة شـرب مي جتفت ايـدي وباوعتله شو ماخذ راحتة كولش فـات من يمي فتح القراصة اخذه وراح ...

مافتهمت تصرفة ليش اخـذة شيسوي بيه طلعت سديت الباب قفلتة البنات نامو بقيت منتظرة نفس ياربي شوكت ترجع ولله قلقة خايفة حيل ...اخاف اياذية انـي شسوويت لو محاجية احسلي ...

انـدك البـاب قـوي طلعت فتـحته شفـت ...!!

""

نفس ..

-اباذر هذااا ابو بناتي حسن اعـرفك عليه ...!!!!

هـو اتفـاجئ انصدم بـاوعلي وبـاوعله وبسـرعة راح مشـه ...شغل سيارتة وحركة اجـتي غادة رحنه لبيت حسن امـه حيل حبابه سمينة وبيضه حلوه قـزمة دنكت سلمت عليه هيه باستني بخـدي وابتسمت "ادخلي حبيبتي البيت بيتج "

نزعت حذاء رهف وحسن نزع غـادة دخلنـة جـوه استحيت بقيت مدنگـة ماعرفـه من قبـل وانـي مو اجتماعيـة ماعرف اجامل ...

رفعـت راسي شفت حسن لابس بنطرون اسـود وقميص زيتوني هـو حلو
عنده لحيـة وعيونه كبار سـود بـاوعلي صفن عليـه دنكت خجلت سمعت ضحكه امـه رفعت راسي شفته تباوعلي ابتسمتله ...

كالت انتِ شدرسين؟

-طب عـام مرحلـة رابعـة

-ياتخصص نـاوية؟

-القلب...

-حلو اللـه يوفقج حسن اتوسلت بـي يكمل دراسة مارضـه دخل تمريض ...

-اي حلو تمريض ...

كامت اسوي اكـل طلعت موبايلي بقيت اكلب بي من توتر لان حسن يباوع عليه

حسـن صح يباوع عليه وادري يحبنـي بس الوحيـد الي ارتاحلـه وماخاف مـنه ابـد ...هشام جنت اضـوج مـنه هم اخاف ، اباذر استحـي منه مـرات ، بس صفوان اكـره ، ثـائر نظراتـة جنت اكـرهم ...

قطـع الـصمت البيـنه كـال نفـس داومتي بلجامعة؟؟

-لااا ولله بعدنـي

رفع حاجبة -نفـس ليش عرفتـيني علئ رجال اني ابو البنات؟؟؟

-هـذا اباذر حسن

حجه مثل مصدوم -هو هذااا الحيوان ماتوقعتة

دخلت امـه قطعت حديثنة ...كمت اودي اكـل جبت الماوعون بي برياني ردت ادنك حسـن صاح اوكفـي اخذه مني خلـه بلسفره ابتسمتله ورحت اجيب وانطي اله ...رحت للمطبخ ردت اخذ الخبز امـه ابتسمت وكـالت
-تـرئ حيل يحبج هـووو

بسرعة طلعت ردت اعثر اوكع من الخجل...بس اني ماعتقد اكـدر احب مـن جديد قلبي انقفل من زمـان ...

كملنة غـده رجعنة للبيت لبست برمودة لان احتريت رهـف شافتني وعاندت اله تلبس صيفي لبسته وراحـت تلعب بلطرمة التهيت انظف بلمطبـخ دخلتلي تـرجف كـالت مامااا حيل بردانة

رحـت اتقربتله لزمت ايده ثلـج بسرعة سديت الباب وجبت بطانية واتراكسود شتوي لبسته حضنـته بردت انـي هم ...اجتـي غادة ضـربتني وراحت تباوع كارتون بـاوعتله ابتسمت تعاالي غادة لحضني

-مااااجي روحي ابقي بس يم رهف انتِ مااتحبيني

-لج ولله بردانـة ماكدر اطلع من بطانية تعالـي دفيني

-مااااجي انتِ تحضنين بس رهف ماريدج ابقي بردانة

سمـعت الباب انـدك بقـوة خفـت بسرعة خليت شال علئ صدري وركضت فتحته من الصدمة مال باب حتئ ماعرفت البس شي

كفت وره البـاب صحت منوو ... دخلت رتيل بـاوعتله انصدمت ليش هيج ادكـة ردت احجـي بس شفت اباذر دخـل وعيونـة كلـه غضب بلعت ريكـي خفت بس لا عـرف لااا ياللـه ..!!!

شفـته مثل الاسد الهايـج ..!! ، اجـه كبل لزمـني من شعـري
من جاب طاري البنـات عرفت دره كـلبي دك بخوف احس ريكـي نشف بـاوعت لـ رِتيل ماكوو غيره ، وغير حسن ، وصفوان يعررف الحقيقة انصدمت!!!
لاا يالله ولله مثل اختـي معتبرتة ليش هيج تغدريني شسويتله.!!!!

صحت بندامة" لاااااا رتيل انتِ تغدريني ليش شسويـتلج؟؟؟"

ماجنت مهتمه لـ اباذر بكـد رتيل انييي شسويتله ووهيج اجازينـي تدري بيـه ماريده يعرف …ماحسيت بس يجرنـي من شعـري صعدنـي بلسيارة دمعت عيني  حاولت ادفعـة ماكدرت لو عنـدي ااهل جان ماكدر هيج يطلعني من البيت!!

شفـت وكـف كبال شقق وكف السيارة واندار عليه همس بغضب اااانزلي

رفعت جتفي -: مااااا ما انزل شتريد مني عيب عليك اجيبني للشقة لوو استغليت ماااعندي  اهل انت مالك حق تدخل وهذني بناتي بسس

لزم ايـدي ونزلنـي قفل السيارة ومشاني قـوي ويـه …قبل سنوات هم لزمت ايدي بس ظننت راح نعيش مرتاحين وجهالنه انت تشيلهم …بس هسه من اذكر جان هذا حلمي اغم نفسي الف مره ..!!

شفت فتح باب الشقـة وشمرني حيل صاح لج ليييش اضمين بناااات عليه علئ اقـل جان كتيلي

حجيت بعصبية :
-جان هم شمرتني لو تاخذ البنات وتشمرني

صرخ بخيبة امل :
-لالا نفسس اني مو لهل درجه حيـوان اني بوكته عفتج جنت عصبي انغدرت بيج خدعتيني انتِ ماكووو رجال يرضاهه

ابتسمت صفـح:
-هسه تريد اصدكك لو جايتك حااامل جان ماشمرتني ؟

-نفس ماشمرررج اني مو ماعندي رحمة قابل اكرهج حتئ بعد سوايتج كلبي مامل منج بعده يحبـج

-اي اني هم جنت احبك بس ماحصلت من هذااا الشي بس الحطااام !!

-ليش ماجبتي ااالبنات ليس حرمتيني منهم

دمعـت عيني:
-هذني بس بناتي

تقرب مني دنك صار بمستواية :
-لج بعدج تعاااااندين كليلي افرغ مسدس براااسج اذ مااااحرمتج منهم ياااانفس

صحت بخوف :
-مالك حق تحرمني اباااذر انت تجذب علئ نفسسك وتريد تصدقه هذني بناتي بس الي اني ربيتهم ، اني التعبت مو ااانت ، انـي من الوجـع من جنت حامل ابقة اضرب بروحي واعض بـ ايدي حتئ حررك حركت ااايدي موووو انت …

-ليش ماجيتيني وكلتي فهميني

- حاولت أكثر من مرة أن أبتدي  من جديد واحاول اتصل بيك اكولك صااار عندك بنات لو اني حامل  ، بعد كل خيبة أمل .. بعد كل محنة وكل طردة . جنت أحاول لخاطرهم اخلي للجرح ملح بس تدري كل ماتصل شيكولولي ابااااذر مزووووج ..!!!

-منو يكلج ياجذاب هذااا كمتي اجذبين نفسسس جنتي صريحة
شغيرج جنت مربيج ابد ماتجذبين عليه !!

-تدري شنووو شعوري هسه احس نفسي ابد ماعرفك اختطلت عليه بين  مشاعري وعقلي بس كوله علااامات استفهاااام منوووو انت تذكر انت مربيني ماااجذب بهذيج ليله ليش ماصدكتني لعد؟؟

-نفسس شسووي ماكدر اصدك شلون اب يعتدي علئ بنتة شلووون لج هوو يموت عليج اذ تتمرضين يتمرض عليج حتئ بجي يبجي عليج مامرتاح اني لاعبالج ازوجت لو تعينت ارتاحيت بيوم

-ليش مرتاحيت مو حققت حلمك وصرت طيار وازوجت عرسك حلوو ،انت ماصدكت بلبداية قابل اترجه متك اتصدك هسه

-نفسس مامرتاح ليله بدوونج شنو فايدة الحلم بعد اذ القلب مات جـنت ماكدر انـام تعود اخذ مسكنات حتئ  انـام اريد اقتل الشخص يله ارتاح 

-ياشخص؟

-الوياج

صرخـت بصدمه بقيت اضرب علئ صدرة بقوه :
-وياااااايه ابااااذر لك بعددددك مصدك ماسلمت نفسي للللغيرك لك ليش هيج اجيتك مثل الزجاجة بس انت شمرررتنـي وللـه اباذر اذ طلبت المسامحه مني لو الله هو يكلي سامحي ماسامحك !!!!

لزم ايـدي بقوة :
-ماريدج اسامحيني اريد اعرف الشخص جنت افكر كل يوم معقلة حبنا كله جذبة

-حببك جذذذبة جااان انت البعتني اكثر شي انقهر عليه هو جبت اثنين بنات منك ماتستحقهم انت لو بنات شارع افتخر بيهم

ضـربني راشدي حسيت انطبعت ايده بخدي شي حار ماهتميت كعدت علئ حيل ومديت رجلي رجعت ظهري ليورة صحت
-راح تنددم

هـو باوعلي بغضب ركزت بملامحة عن الشخص الي اكرهه بس ما لكيتة لكيت بس احبـه بس حقدي اضعاف الحب …

-البنات بـ اسم منوو ؟

-صفوان

ضحك :
-شحجي هسسسه هذيج الليله دكولين اغتصبني ومسجلة بنات باااسمه
لو مجذبة غير جذبة جان صدكت بوكته لو كايلة هشااام

-انت معودني ماجذب ليش ماصدك؟؟

-لان ماكو اب يسويه ماكوووو

-بس هو مو ابوية زوج امي !!!!

.
.
.
.
يتبع …

تفاعلكم زفت لا تلوموني علئ النشر متسون واهس ولله
يعني ينحسبون الي يتفاعلون قليلين …
اذ يبقة هيج احاول اختصر الاحداث وانهي القصة…

احبكـم 💔