ACKNOWLEDGEMENT & FAQs
Hi! Hi! Hi!
Sa wakas naman po, ano, at tapos na ang UNLABELED: Alone In Baguio [BAGUIO SERIES #1]. HAHAHAHAH Ang saya saya saya!!! Super love ko ang story na ito talaga. I like this personally for some reasons.
Anyway, I am here to thank everyone who supported Unlabeled. Especially for the people who supported this story since its first version na nanatili pa rin ngayon sa revised version at tinapos. Thank you! Sobra!
Originally, wala talagang Travis, pero may book two sana itong Unlabeled. Hindi sana sa Unlabeled si Travis, eh. Dapat ay sa Unwaivered siya. Hahaha! The original story ended when Gian and Mary talked on the bus station. 'Yong pauwi na ng Zambales si Mary.
Hindi ko ipinakita ang Baguio escapade ni Mary, intentionally, kasi nga, doon sana iikot ang Unwaivered. Pero masiyado akong nag-enjoy na isulat ang Unloved at Unmended, na umabot sila ng 50 chapters. It wasn't my intention to let the story goes that long. Nag-enjoy talaga kasi ako. Hahaha.
And since this is a series, mas okay maging uniform sa word count, number of chapters, at sa theme, right??? So, ayun. Instead of doing another story for Travis and Mary, idinugtong ko na lang sila sa story ni Gian...
...which, I think, is a better choice! Kasi, feeling ko naman ay okay ang naging kinalabasan... 'di ba? Or sa tingin ko lang? HAHAHAHAH!
Basta happy ako sa desisyon ko. ❤️
Regarding sa Unchosen na originally ay may 20 chapters lang, tapos ko nap o ang 50 chapters ng Unchosen sa aking drafts. Iyon na po ang susunod kong ipo-post ngayong tapos na ang Unlabeled. Hihe >:D<
Thank you talaga! Sobra! Hindi ko expected na ganito ang makukuha kong support sa paggawa ng revised and extended version ng Unlabeled. Akala ko nga ay naumay na kayo kasi last year (September 2019 noong p-in-ost ko ang pinaka unang unang unang version, na thesis type yung book hahaha!) tapos binura ko at inulit. Dinugtungan. Pinost ang final noong December, 'yong book version na binebenta ko rin before kaso naubos na. No reprint na. Iyon 'yung story na sinulat ni Mary sa Baguio.
Salamat sa mga nagvo-vote, comments, nag-a-add sa library, tapos mga humabol na bumili ng hard copy ng original plot huhuhu. Thank you talaga! Sobra sobra! Hindi naman ako sikat pero grabe kayo mag-support. Thank you talaga! ❤️ Alam kong hindi kayo kasing-dami ng iba pero sapat na sapat na kayo sa akin. Hindi ako nagha-hangad ng sobra kasi feeling ko talaga, hindi ko deserved.
Hindi naman ako kasing-galing ng mga sikat na author d'yan. I just write what I want to write and do some research kung kinakailangan. But you still support me despite everything. So, thank you... so much. Hindi aabot nang ganito ang Baguio Series, kung walang sumusuporta.
Salamat po. Sobra.
Hindi ko na kayo maiisa-isa, alam ko namang kilala niyo na ang mga sarili niyo. HAHAHA.
But I would like to grab this opportunity to give special thank you speech for PolengApart. She's the one who pushed the trial print of Baguio Series, and we're currently planning and doing something for that. Tumutulong siya sa akin and she's currently editing Unlabeled. Huhuhu. Thank you talaga, beh. SOBRA. What you're doing for me is more than I deserved, I believe. Salamat sa paniniwala at sa suporta. Ang suwerte ko talaga sa 'yo. Huhu.
Basta salamat sa lahat! Salamat sa lahat ng sumuporta sa kabuuan ng Baguio Series, especially sa mga patuloy na sumuporta ng Unlabeled kahit na nabasa na naman na nila ang original plot. HAHAHA. Thank you talaga! Walang mapaglagyan ang saya ko dahil sa suportang natanggap ko dito sa Unlabeled. Iba, eh. Huhu :"< ❤️
-
Anyway, there are questions I received regarding the characters, 'no? I'll explain these briefly.
Mary. Ang gulo niya.
- Yes, magulo siya. Kahit sarili nga niya ay hindi niya naiintindihan. Saka na lang niya naintindihan ang lahat ng nararamdaman niya noong matapos na siyang mag-desisyon. Every. Time. Ang dami naman pong clues sa part na ito. HAHAHA
Bakit pinalayas niya si Travis? Bakit niya ginhost si Travis? Mahal naman niya, ah?
Sa unang beses, here's the explanion.
- Nabibilisan siya. Kagagaling lang ni Travis sa breakup, tapos sasabihin na nitong mahal niya siya? Kahit ako ay magdududa. Pero nangyayari ito sa totoong buhay. Explained po ang part na ito.
- Kagagaling niya lang din sa heartbreak from Gian. Hindi niya kaya ng panibagong gano'n. Hindi dependent sa lovelife si Mary. Ilang taon ngang single bago makilala si Gian, 'di ba?
- Feeling ko na-explain ko na ito...
- Natatakot siyang baka tama siya, na overwhelmed nga siya. Hindi rin naman siya umasa na hahanapin talaga siya ni Travis nang bongga. Ayaw niya talaga kahit na nagkagusto siya kay Travis noon. Kasi ang pagkagusto ni Mary that time ay hindi enough, for her, para sumugal ulit. Napaka-fragile ng personality niya. Natural lang na matakot.
Sa ikalawang beses, here's the explanation naman.
- Nabibilisan pa rin siya. Si Travis na ang nagdesisyon na maging sila. Hindi maano ni Mary 'yong oras, pakiramdam niya ay sobrang bilis pa rin. Kahit kinikilig siya, natatakot siya sa tuwing sinasabi ni Travis na he wants to settle with her, na, sigurado na siya kay Mary, sobra. Hindi niya kaya 'yong gano'n kabilis.
- Pinaalis niya si Travis kasi nakikita ni Mary na any time ay kayang talikuran ni Travis ang buhay nito para sa kan'ya, para samahan siyang manirahan sa Zambales at iwanan ang buhay sa Manila. Ayaw niya nang gano'n.
- Mahal ni Mary si Travis, pero noong nagdesisyon siya, pakiramdam niya ay hindi enough 'yon to think about settling. She lived her life doubting herself... everything about her. Tapos biglang may sobrang sigurado sa kan'ya? Naninibago siya.
- And... it was I, the author, who's deciding for Mary. Sarili ko kasi ang inspirasiyon ko sa ugali ni Mary. Ugali lang, ha? So, kung magdedesisyon si Mary, ganoon ang magiging desisyon ko. May ilang desisyon si Mary sa story nila ni Travis na nagawa ko na talaga sa totoong buhay. HAHAHAH. Kung hindi niyo maintindihan si Mary, most likely hindi niyo rin ako maiintindihan HAHAHAHAH
Mary has been a doubter and a perfect pessimistic all her life. Lagi siyang kinakain ng negativity at insecurities niya. Kung mataas ang self-confidence niyo, most likely, hindi niyo talaga maiintindihan si Mary. :"<
Si Gian. Bakit hindi siya nagsabing aalis? Bakit? Anong rason? Hindi pa rin kasi sapat 'yong nabasa ko.
- I am writing Gian's story. Baka sakaling masagot ko.
- Pero sa tingin niya kasi ay masiyadong fragile si Mary. Natatakot talaga siyang makita na masasaktan si Mary kapag sinabi niyang ayaw na niya. Nasabi na ito.
- Pakiramdam niya walang pakialam sa kan'ya si Mary dahil never nagtanong tungkol sa kan'ya. Even the personal information, hindi nagtanong si Mary. Akala ni Gian, gusto ni Mary ang spoon feeding chorva. More explanation sa story niya pero limited people lang ang puwedeng makabasa.
- STILL NOT A REASON TO GHOST SOMEONE
- And yes, may babae. Out of frustration din. Nasa Unchosen ang pahapyaw. Pero nasa Unrecognized ang buong istorya.
- UNRECOGNIZED WILL NEVER BE POSTED ON WATTPAD.
Treat iyon for everyone who supported the whole Baguio Series (at baka gumawa ako ng trial print ng isang set no'n. My friend is editing it now, though.)
- Kung gusto niyong malaman kung challenged or interested lang si Gian kay Mary, hindi ko puwedeng sabihin dito. Pasensiya na.
Si Travis. Mayaman. Bakit nag-transient lang? Anong nagustuhan niya kay Mary at bakit ganoon na lang siya ka-deads na deads HAHAHAHAH
- Gusto niya 'yong homey ang pakiramdam ng titirhan niya. At ayon nga. Hindi niya planado na mag-transient. Na-feel niya lang na mas kailangan niya iyon kaysa sa hotel lang. Mas homey nga naman kasi kapag transient, guys.
- Natuwa siya sa basket full of strawberries, wala pa nagbigay sa kan'ya no'n ever. Kagagaling niya lang sa breakup, pakiramdam niya ay may nag-welcome sa kan'ya. Then nalaman niya nga na si Mary ang nagbigay sa kan'ya no'n. Mag-isa rin, tulad niya.
Si Mary kay Gian. Bakit ba ayaw niya ng label?!?!?! At bakit pinapamukha niya kay Gian na wala silang karapatan shits?!?!?!
- Traumatic past. Parang na-harass siya ng ex niya, 'di ba? Tapos niloko lang siya sa huli. Ayaw na niya nang ganoon. Nakwento na ito.
- Nag-hold on si Mary sa promises ni Gian na dito lang ako hindi ako fucking aalis. Ikaw man ang pangakuan ng kung anu-anong bagay, at iparamdam sa iyong espesyal ka, natural na aasa ka.
- Pinapamukha niya kasi gusto niyang baliin ni Gian 'yung statement niya, na hindi sa lahat ng oras ay a-agree si Gian sa kan'ya, especially sa ganoon. Tsaka hindi niya naiintindihan pa ang ganoon. Noon lang naman pumasok sa ganoon si Mary. Bago ang sitwasiyon na iyon sa kan'ya. Akala niya less sakit kapag wala label.
- Gusto rin ni Mary 'yong nagkukusa si Gian. Ayun.
Archie. Bakit ganoon siya ka-protective kay Mary? May gusto ba siya kay Mary?
- Mag-best friend. Nakita ni Archie ang struggles ni Mary sa ex-boyfriend.
- Fragile si Mary. Total opposite sila. Parang ipinangako niya sa sarili niyang po-protektahan niya si Mary sa lahat, pero hahayaan sa kung saan masaya.
- Walang gusto si Archie kay Mary. Ano ba kayo? Very siblings lang sila. Hindi ba uso sa inyo ang friendship ng boy and girl na wholesome??? Hahahaha!
- Also, Mary helped Archie sa college life nila. Always groupmates, partner sa schoolworks. Tumutulong siya kay Mary sa abot ng makakaya niya but Mary did a lot for him.
- Archie is that man who you'll keep in your life forever, kahit na kaibigan lang. Kasi Archie is a keeper. Super. Walang sinasanto iyan basta naagrabyado ang kaibigan niya.
- Protective talaga si Archie. Natural sa kan'ya 'yon.
Si Mary kay Archie. Very dependent talaga siya kay Archie? May gusto pa rin ba siya kay Archie?
- Parang lahat naman ng soft girl ay dependent sa kanilang best friend, because, I am. Tulad ng sinabi ko sa simula ay very inspired sa akin ang ugali ni Mary.
- Noong first year college si Mary ay natuwa siya kay Archie dahil ipinagtanggol siya nito sa isang classmate na nang-aaway sa kan'ya dahil sa business plan nila. Doon naging attracted si Mary kay Archie. Naging close. And then she realized that, her feelings are not allowed for someone like Archie. Kinalimutan na lang niya at ibinaling sa iba. Nag-jowa. Nawala ang feelings kay Archie nang tuluyan kasi mas gusto niya ang friendship kaysa sa unrequited feelings niya.
- Ayun, ano pa ba? HAHAHAH
Kung may tanong pa, pa-comment na lang. Add ko rito tapos mention ko kayo. The questions above are based from direct messages I received on Twitter, private messages on Facebook and Wattpad, also comments, nag-base din ako. Inilagay ko na rin dito ang tanong ng friends ko na nasagot ko naman na sa kanila para lang sa kaalaman niyo rin. ~
Maraming maraming salamat po ulit! Sana po ay patuloy niyong suportahan ang mga susunod ko pang stories na gagawin! Promise po at gagawin ko ang lahat, mabigyan lang kayo ng iba't-ibang timpla ng story.
And sana po ay suportahan niyo rin ang ibang stories ko under Baguio Series! I promise po that the stories are different with each other, like someone said.
Ayun lang po, at thank you so much talaga!
Archie, Gian, Travis and Mary are finally signing off. Sana po ay na-enjoy niyo ang journey ni Mary. Hehe. God bless po. Lablab. ❤️
-mari. 🌻