#وانكسر_قلبي
#بقلم:#منى_المجبري
#part8الاخير
(حقيقه)
_________________________
_لايك قبل ماتقرو و بعد القراءه رايكم في تعليق دعمكم ليا يهمني وديرو دعوه للاصدقاء💙
_______________________
رتاج" بِ عياط": اه ايي حي عليا عامر عامر
_فتح عامر اعيونه بٍ خوف
عامر: شن في كنك
رتاج "بِ الم": نبي نجيب شكله
عامر : اهدى بس توا لبسك العبايه وين الساكو الى ه تاخذيه معاك
رتاج "بِ دموع": قاعد في الدولاب وكلم ماما خايفه انا
عامر: متخفش حبيبتي انا معاك
رتاج "بِ عياط": عامرر بسرعه حاسه بِ ينزلل
_ لبسها عامر العبايه وشالها وخذا الساكو وطلعو للمستشفي
____________________
_ فتحت فوزيه اعيونها على صوت التلفون
فوزيه" بٍ نعاس": اللهم اجعله خير من يرن في ه الوقت
معتصم : ترا شوفي منو
_ رفعت فوزيه التلفون ولقاته عامر ردت والخوف سيطر عليها
عامر: الو عمتي
فوزيه "بِ استغراب": عامر خير ان شاءالله فيكم حاجه
عامر: انا قاعد في المستشفي توا خششو رتاج لِ غرفه الولاده تبي تجيب قلت نعطيك علم
فوزيه" بِ خوف": ربي يسهلها امرها هي مسافه الطريق ونجو
_ سكرت فوزيه الخط وقالت لِ معتصم ولبسو وطلعو لى المستشفي
________________________
_ طلعت نوال لقت اسماعيل مقعمز في البلكونه وهضا حاله من امس
نوال: اسماعيل تعال قعمز معايا كساد
اسماعيل: انتِ ازوجتيني وعارفه ان انا مغصوب ف ماتقعدش اديري في اجواء مش تمام
نوال" بِ دموع": يارب اتموت بيش تنساها يارب
اسماعيل "بِ عياط": تي خشششي جوااا خشى
🔥🔥🔥🔥🔥
_______________________
_ وبعد اعياط والواضح أن رتاج عانت في جبتها وتألمت واجد واخيرا سمعو صوت بيبي اختلط اعياط رتاج بِ عياطه💖
عامر "بِ ارتباك": صوت طفل جابت جابت
فوزيه:، يارب يطلعو صحتهم كويسه
معتصم: إن شاءالله خير
_ طلعت الممرضه وفي يدها البيبي
عامر: اصبري بنت ولا عيل
الممرضه: بنت مبروك ه نشيلها للحضانه مناعتها ضعيفه
عامر "بِ دموع": كيف كنها وامها شن صحتها
الممرضه: الموضوع مش مستاهل خوف نحطوها يومين او ثلاثه وتطلع بيش نحافظو على صحتها وآلام تعبت اشويا ونقطع عليها النفس من تعب الجياب بس حاليا الحمدالله ممتازه صحتها
_ مشت الممرضه وتريح "عامر" نسبيآ وراجو لين خيطو رتاج وصحصحت شويا وثاني يوم طلعت عند هلها
رتاج بِ" تعب": موده الباب يدق افتحي
موده : بهه
_رتاج.. فتحت موده الباب وخشت عليا آخر انسانه انتوقعها تجيني
رتاج بِ فرحه : غزاله مرحبتين
غزاله : مرحبتين بيك الحمدالله على سلامتك
رتاج: الله يسلمك تفضلى قعمزي موده كلمي امي
موده: في الحمام توا تجي
غزاله: ماتكلمي حد جايه نشوفك ونمشي
رتاج : كبر مقدارك كيف حال امك شن دايرين كنها ماجت
غزاله" بِ خبث": وين اتجي اول امس فرح اسماعيل على بنت عمي نوال والناس مزالو يجو ويمشو
رتاج "بِ صدمه وقهر ": اها مبروك عليه
غزاله : شفتي الدنيا متوقفش على حد ربي يسعدك ويسعده وتوا لازم نروح عشان الناس الى يجونا مع السلامه
_ رتاج .. طلعت غزاله وحسيت زي الموس انرشق في قلبي تكورت على روحي وفي يدي البنت وقعدت نبكي بِ صوت حسيت بِ نار الغيره ازوج نساني في لحظه سهيت على روحي وذكرت اني متزوجه وجبت بنت،و ان عندي راجل يموت فيا وحرام نفكر في غيره قعدت نستغفر ودموعي ينزلن خشت يسرا لقتني نبكي حكتلها الى صار وحضنتني وقعدت تقرا في قرأن 💔
______________________
"تسريع الاحداث، بعد مرور شهرين "
_ خشت رتاج وشافت عامر يلعب في "فرح"
رتاج بِ ضحكه : شنو هضا 24 ساعه معاها نغار هكي
عامر بِ حب: بطلى هبل في حد يغار من فرحه حياته
رتاج بِ ابتسامه: ربي يخليك لنا ويكمل علينا فرحتنا
عامر: يارب شن رايك نطلعو لِ هلى.
رتاج : ياريت نغيرو جو
عامر: هي حبيبتي البسي على السريع
_رتاج ..طلع عامر يسخن في السياره وخذيت فرح غيرلتلها وغيرت انا وشلتها وصبيت قدام المرايا وابتسمت واخيرا درت اسره متناسقه مر طيف اسماعيل في عقلي تعوذت من الشيطان واستغفرت ربي وطلعت ركبت في السياره ومشينه لِ حوش هله فتحت امه وسلمت عليا وعليه وخذت فرح وفرحت بِ جيتنا قعدنا العشيه عندهم وعلى المغرب مشينا لِ هلى
___________________
فوزيه"وهيا تلعب في فرح": به الى جيتو وين عامر كنه ماخش
رتاج : قاعد برا مع بابا توا كيف طلعنا من هله وقلت انمر عليكم يسور الدبه مجتش اليوم
فوزيه: ايوا فيكم الخير ديمه مري على عمتك وتغدي عندها مافيها شئ جبرت الخاطر اكويسه لا ماشيه لِ هل دارها اليوم
رتاج : إن شاءالله ونبي ندير اللمات معش صار
فوزيه: كان تسمعي كلامي ماديريهنش الناس يعيطو معاك راه
رتاج : والله ماني عارفه كل شئ واتي هوا
_ قطع حديثهم صوت تليفون رتاج وكان عامر الى يرن
عامر: حوريتي
رتاج: نعم
عامر: اطلعي بس فرح خليها عند عمتي
رتاج" بِ خوف": عليش صغيره البنت منقدرش انبيتها برا
عامر: حتى انا منقدرش بس نبي نمشي انا وياك للبحر انتمشو شويا الفتره الى فاتت حبس ومادهورنش من فرح حطيها توا عند عمتي ومع ال11 نجو نأخذوها
رتاج" بِ تفهم": به هي طالعه
_سكرت رتاج الخط وحكت لِ امها
فوزيه : خليها نلعبو عليها انا وباتك اشويا وعدي غيري جوك مع راجلك شويا
رتاج "بِ خوف": ماما رضعتها واتيه كان بكت عطيها لها متحولش الغطاء عليها راه تاخذ برد رد بالك منها لين نروح
فوزيه: كنك خايفه من كبرك ياحنه غيري انا متخفش بنتك امانه عندي ولد الولد اغلى من الولد راه يعني بنتك بالنسببه ليا اغلى منك
_ رتاج... ريحني كلام ماما وطلعت لقيت عامر راكب في السياره وجت عيني في عينه ابتسملى مشيتله وفتحت الباب وركبت وقعد يسوق
عامر : توجي
رتاج : اعيونها
عامر: نحبك
رتاج : نمو..
_ لحظه صمت شافت رتاج لِ عامر وشافلها عامر بِ خوف انطلقت السياره بِ سرعه كانت في عجله مفشوشه و معش قدر عامر يسيطر على السياره وفي نفس الوقت كان في بطاح وخش فيهم .....🔥 دارو حادث شنيع والتمو الناس وطلعو عامر ورتاج والشخص الى في البطاح
شخص١: طلعتو الى في الحادث شن وضعهم
شخص٢" بِ حزن": الرجاله الاثنين انتقلو لِ خالقهم اما الوليه شالوها مزال قلبها ينبض
شخص ١: لا حول ولا قوه الا بالله
🔥🔥🔥🔥
_________________________
#منى_المجبري
_________________________
_ كانت فوزيه مقعمزه جنب معتصم الى شاد فرح ويلعب فيها
فوزيه" بِ خوف": الساعه 12 توا طولو
معتصم : خليهم براحتهم
فوزيه : لكن رتاج مارنتش اطمنت على فرح بكل غريبه قلبي ناغزني
معتصم: وحدي الله ورني عليها اطمني
فوزيه : به
_خذت فوزيه التلفون ورنت على رتاج بس لا رد بعدها رنت على عامر ورد عليها شخص من المستشفي وقاللها الى صار وقلبتها اعياط وطلعو يجارو للمستشفي وقعدت موده مع فرح💔
"في المستشفي"
فوزيه" بِ عياط": بنتي بنتي وينها نبيها وينها
الدكتور: وحدي الله وادعيلها قاعده في العينايه ادعي تمر 24 ساعه لان بعدها ه تكون في حاله الامان بس توا حالتها خطره
_ طاحه فوزيه على الكرسي وقعدت تبكي ومعتصم دموعه نزلن وجعه عامر الى راح في عز شبابه ويدعي تطلع بنته ، قطع حاله الحزن خشت هند وامها
هند" بِ دموع" : وخيي وينه الحنين وينه كذب مامتش هوا وينه ياعمي
معتصم: ادعوله
نجاح "بِ عياط" : عده الغالى عده كان فرحان بِ بنته يا ناعليا ياقهرتي دنيتي ظلمت وووه عليا
_ طلع معتصم نجاح وهند ورن على خال عامر جاه خذاهن 💔
_______________________
_ اسماعيل: شفت جنبي لقيت نوال راقده بالنوم نضت خذيت تلفوني وحسيت روحي مرايف على رتاج فتحت التلفون ورنيت على غزاله هيا الوحيده الى تقدر تقولى شن آخر اخبارها
اسماعيل: الو
غزاله" بِ خوف" : اسماعيل في حاجه ران توا
اسماعيل" بِ تنهيده": مفش شئ مهم بس تفكيري في رتاج نبي نعرف شن صاير في حياتها معش قدرت ننساه هربت من بنغازي بيش ننساها مش قادر
غزاله" بِ دموع" : ادعيلها هيا محتاجه للدعاء توا
اسماعيل "بِ صدمه ": كيف كنها فهميني
غزاله: دارت حادث وراجلها توفي وهيا في العينايه بين الحياه والموت و
_ سكر اسماعيل الخط وناض وهوا يبكي نوض نوال وقعد يلبس بسرعه
اسماعيل: سيبي كل شئ عبايتك واطلعى
نوال "بِ خوف": شن في كنك
اسماعيل" بِ دموع": رتاج رتاج في العينايه وراجلها مات نبي نلحق عليها لازم تعيش يارب خوذني وماتخذها
_ نوال... نزلن دموعي مزال يفكر فيها وهوا يبكي عليها حسيت بِ نار في قلبي لو عاشت ه ياخذها عليا يارب تموت يارب ومايخرب حوشي يارب تموت🔥
_ طلع اسماعيل ولع السياره ونوال تجري وراه زي الهبله ركبت وطلع بِ سرعه جنونيه شور بنغازي 🔥🔥
__________________
"بعد ساعتين"
_ طلع الدكتور وشاف لِ معتصم الى حاضن فوزيه ويصبر فيها وهوا محتاج حد يصبره
فوزيه" بِ غصه": شن صار
الدكتور "بِ تاثر": ادعولها بالرحمه وربي يصبركم
_ مشى الدكتور وسيبهم مقدرش يشوفهم اكثر من هكي كان منظرهم يقهر
فوزيه "بِ عياط": وووه عليا لا يكذب وووه عليا بنتي صغيره مشافت من دنيا شئ بنتي جيبها ليا جيبها
معتصم" بِ دموع" : اللهم اجرنا على مصيبتنا يارب ارحمهم بِ رحمتك الواسعه والهمنا الصبر
فوزيه" بِ عياط": كانت حاسه بنيتي وصتني على بنتها وجت شافتني ووه عليا ياقهرتي فيها يا روحي عليك ياتوجي تعالى تعالى سلم بنتي بنتك لِ من سيبتيها تعالى كانت تحكيلى على اللمه تعالى تعالى ديريها تعالى ياروحي ياقطعه من قلبي شن ه يصبرني ووهه علياا عليا نار نار
_ وطاحت فوزيه من طولها وخذوها وضربولها ابره مهدى اعصاب وبعد ناضت ربي عطاها الصبر مشت للثلاجه وشافت رتاج باست راسها ووعدتها انها تحط فرح في عيونها شفتها ولاخر مره بعدين خذوها وطلعو بيها هيا وعامر للمقبره💔
_________________________
_خش اسماعيل لِ بنغازي وقرب من شبنه كان يبي يحط نوال عند هلها ويشوف رتاج بس رنه عليه غزاله
غزاله "بِ دموع ": وخيي راحت توجي راحت الحنونه ادعيلها سلم وخيي واصبر اصبر زي ماصبرت على فراقها
اسماعيل "بِ عياط ": تي لا مستحيل تبصرري قولى نبصر تي منقدرش كنت صابر لانها قاعده في الدنيا ومتريحه بس كيف نعيش وهيا مش عليها كيففف
غزاله" بِ دموع" : ربي يصبرنا وحد الله بس
_ سكرت غزاله الخط وزاد اسماعيل السرعه وهوا يبكي ومتجاهل خوف نوال وصل لِ حوش هلها نزلها على الباب وطلع لِ حوش هل رتاج لقاهم يعلقو في الخيمه خذاه تلفونه ورن على غزاله
اسماعيل بِ دموع : غزاله ماتت صاح ماتتت قلبي انكسر قلبي نار نار
غزاله: وسع بالك وادعيلها سلم خيي
اسماعيل : دفنوها ولا لا
غزاله : توا طلعو بيها للمقبره
_ سكر اسماعيل الخط وطلع للمقبره وهوا مصدوم مش مصدق قلبه رافض الى قاعد يصير اما عقله صدق💔
________________________
_اسماعيل ...خشيت المقبره لقيتهم طالعين قربت تجأه القبور ونا خايف يكون الى صدقه عقلى صاح نزلت قريت الاسماء " المرحومه رتاج المعتصم بالله " بكيت بِ حرقه نزلت بست اتراب قبرها وبكيت لين جفن الدموع بس قلبي ناره مازالت ما طفت بعدها شفت للقبر الى جنبها لقيته راجلها "عامر محمد " دعيتلهم بالرحمه ونضت ونا مهدود الحيل ركبت للسياره لقيتها ال 7 الصبح هما دفنوهم ال 5 على الفجر سحبني الوقت بدون ما نحس، وطلعت شور العزاء لقيت باتها جاء حضني وقعد يبكي
معتصم" بِ دموع" : سامحني سامحني ياولدي ويارب هيا تكون مسامحتني
اسماعيل" بِ دموع": انكسر قلبي مرتين ياعمي واعره نار نحس فيها نار
معتصم "بِ ندم": نسيت ان نهايتها موت حرمتها من الى تبيه كنت نبي مصلحتها ونسيت قلبها شن يبي يارب سامحني
اسماعيل" بِ صبر ": هضا نصيبنا يا عمي ربي يرحمها ويصبرنا عندي طلب ياريت ماتردني
معتصم : قول مارديتك إلا واجد باذن الله ه المره مانردك
اسماعيل "بألم": نبي نشوف بنتها او ولدها عرفت انها جابت بس ماعرفتش شن نبي نشوفه يا عمي
معتصم بِ كسره : جابت بنت وسمتها فرح ويارب تكون حياتها فرح اصبر شوي ونجيك تعال صبي عند الباب
اسماعيل: إن شاءالله
_ خش اسماعيل وطلعتله يسرا ودوبا باديه تصبر فقدت الخيه واعره كانت حاضنه فرح ودموعها نزلات
معتصم : يسرا جيبي فرح شويا
يسرا "بِ خوف" : عليش
معتصم: اسماعيل يبي يشوفها خليه يشوفها بالك يصبر قلبه
يسرا "بِ دموع": ياروحي عليهم هم الثلاثه حتى اسماعيل يعتبر بلا روح هاك وريها له بس غطيها راه تمرض
_ إسماعيل... طلعلى عمي وفي يده البنت مدها ليا خذيتها وحولت الغطاء من وجهها كانت في جمال رتاج لِ لحظه حسيت رتاج الله يرحمها بين ايديها بكيت وحضنتها بستها ابتسمت حسيت بِ قلبي انتعش رديت غطيتها وعطيتها لِ عمي ومر العزاء ومشت الحياه بس قلبي واقف في آخر محطه مع رتاج منسيتهش ولا لحظه كنت كل يوم نمشيلها ساعه في المقبره ونقرالها هيا وراجلها في قرأن وكل شهر نشوف في بنتها وكل مره نحسها رتاج كل مانشوفها انتريح هيا الفرحه الوحيده الى قعدتلى في الحياه 🔥🔥
"تمت والحمدالله "
_ اسفه على كميه الحزن الى في الروايه بس حبيت انوضحلكم شن هيا الحياه وشن مفهومها مهمها جريت مهما قلت وو مش ه يصير إلا الى كاتبه الله مش ه يصير "إلا قدرك" ونصيبك"🖤
_ متزعلووش روحكم وحققو احلامكم لان الحياه وحده ومش مستاهله الحقد ولا الزعل عيشوها بِ سعاده وراحه وكلو امركم لٍ لله لان كل شئ ربي كاتبه متزعلوش لما يريح منكم شئ لان ربي كاتبنا كل شئ و كل شئ بأجره 🖤
_ ياريت الاهل معش يفكرو في راحه بنتهم وبس ياريت يفكرو في مشاعرها واحاسيسها وميكونش نقطه ضعفها وهما الى يقووها ياريت وفي النهايه كل شئ" نصيب وقدر "🖤✍
_ مهما حبيتو ومهما قلتو الشخص هضا ه يكون حلالى وو مش ه تأخذو إلا نصيبكمم ربي ادري بالى يناسبكم معش تبكو بعد حد يسيبكم لان لو هوا لك وربي كاتبه من نصيبك مهما لف ودار ومرن السنين ه تاخذو بعضكم خلو ايمانكم بالله كبير وخلوها على الله وعيشو وانتو متريحين وديرو الخير وماتجرحو حد لان مش معروف اليوم مع بعضنا بس بكرا !؟🖤🔥
_وخوذوها عبره الجمال جمال القلب جمال الروح جمال الجوهر وليس جمال الشكل 🔥🖤
_ماتظلموش حد لان الظلم مش ساهل يخرب ابيوت ويقتل نفوس بريئه وارقدو مظلومين وماترقدوش ظالمين وحبو بعضكم وتمنو ل بعضكم الخير وصفو النيه وخلو قلوبكم بيض وماتحقدوش على حد لان نهايتنا كلنا الموت❤🔥
_بقلم :#الروائيه:#منى_المجبري
_ولنا لقاء في روايه جديده ،نحبكم💖رايكم