لن اُكسر

البارت العشرون

لن اُكسر

البارت العشرون
بقلم .. زينب الشمري

على درب الـــمشاعر راح احـــط صــبات ...
واكــتب ( مــغــلــقة لــ أســباب امنية ) ...
واحط حـــول الكَلب اسلاك يابو اســلاك ...
واكتب ( مــــا يــــحـــب ) و هاي هيــــة ...
منو اليسوة اضـــحي ليـــابـــشر ياناس ...

آنـي بـــ هالـــســـوالف بعـــد مـــعليـــة ...
اعيش لنفسي احسن كافي خل ارتاح ...
لأن مـــوتـــوني شـــوفو شـــصـــار بية ...
ياهو الـــي احــبة و كَلت خوش انسان ...
يـــطـــلع مـــو حـــبيبي و مـــو الـــيــــة ...
احس كَلبي وية روحي هواي مقهورين ...
آنـي الـــعـــذبتـــهم مـــو خـــطـــية ؟؟؟ ...
روحي الـسهر ذلهة ونست حتى النوم ...
و كَلـــبي وية الـــحزن مـــاخذهة يومية ...
بس هـسة انتهت ! راح اكَلب الموضوع ...
و اغــير كــــل حــياتي و مـــية بالمـــية ...
وداعــــآ ياحـــزن مـــحــروس الله ويــاك ...
خل افـــرح متـــــت مـــليت شـــنـهية

❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️

بيووم جنت كاعدة صاافنة اندكت الباب رحت بملل افتحهاا وياريتني مافتحتهاا عيووني تسعت وصحت بابا ..

اصعب المواقف هيا التجمعك بعد طعنات ومدة طوويلة تحيرر شسووي تنزل بلمعااتب سد الباب متدري تنفجر بوجوهم ..

حاوولت اتصنع القوة بس دمووعي خانتني جنت محملة علليهم بس من شفت انحناء ابووية و الدمعة تلالي بعينة تعااطفت وياا كبل حنيتلة ولو هوة مو حنين ..

فتحلي ايدة يريد يحضني جرريت نفس امنع نفسي ارجعلهم هما تبرو مني ونسوني يعني انتهة كلشي بينا ..

رجع ايدة بخيبة امل وكال .. بوية نويرة مشتاكلج تعااي لية يبعدج ابووج

مسحت دمعتي بغرور .. هه مشتاقلي؟ هوة انتة يايوم حسيتني اني بتك حتى تشتاكلي؟ ووشعدك جايني شنو ترريدني اشتغل بملاهي بعد ..

اتنهد وكال .. لا يبووج مو هيج رايدج انتي ينتي وصلة مني وثقي بالله اخووج من طردج جنت ماادري وراج شكد دورت وهسة لكيتلج انتي بنتي الغاالية شلوون افرط بيج صح قسيت عليج بعض المرات بس هذا ميعني اكرهج بلعكس اني احبج انتي بنتي عمرة الضفر ما طلع من لحم ..

فتحت عيووني داريد اصدك الكلام عوود صدك اليحجي هذا ابووية مستحيل متعوودة على سب وشتم وكلما جان يحجي وياي يفشر هسة شكلبة؟

جاوبتة بحدة .. بس اني مااعتبرك ابووية اني اكرهك واكرهكم كلكم بعتووني لعدنان نذل وماسألتوو عني شغلتووني كل شي وجان عدك نغولة غيرري ماصدكت اخلص منكم هسة طلعولي ..

رد بحزن .. لا يبووج غلطة وتندمت عليهاا جنت غلطاان حييل من سوويت بيج هيج

جاوبتة بستهزاء ..الله يالله من سوويت كللشي هسة جاي متندم وهسة جاي شترريد

.. اي متندم كوومة وامج تبجي علليج رايدتج وانا جاي متعني ارريدج تررحين وياي

طكيتهاا ضحكة من صددمة .. هههههههه لحضة لحضة اني لسة مامستوعبة جيتك هاي وتمثيل دور الاب الصالح تكلي امي تبجي علية هههاي

.. بووية نورية كسرري شرر وتعااي وياي ثقي بالله كلنا متندمين ع الصار وياااج و اخوانج عقلو وبطلو سكرر وعربدة احناا مو مثل قبل يا بنيتي ..

.. ههههه والله العظيم لو اشووف بعيووني الاسمهم اخواني بطلوو شررب وعربدة هم ماصدك

.. كتلج بووية بطلوو واهتدو واحنا جاي نحاول نصلح اغلاطنا رجعنا علاقتنا بلناس وصارت تحبنا واخوانج بطلوو واشتغلو عمالة تعااي وياي ونعلي الشيطان شعدج هناا بلة شسووين ..

.. كاعدة و مرتاحة اشتغل بفللوسي ولا ارجعلكم

.. شتشتغلين خدامة اقل شي يعيروج ويرحموج بجم هلفلس

غرغرت بعيني ماتحملت طبكت الباب بوجهااا وكعد بلكااع هوة حجة من ورة الباب .. باجر للصبح جااي اخذج ..

اليووم كوومة بي صدماات اكثر من اهلي باعوني لعدنان ابوية يشهر بذنب ويريدني ارجعلة واخواني يشتغلون وبطلو سوالفهم وامي تحس بية وتبجي وابوية نزلت دمعتة علية مااصدك والله اهلي ينعدلون مستحيل جنت اشبهم بذيل الجلب اكول عمرة ماينعدل واهلي هيج وهسة جاييني يصلحوون ذنبهم مااصدك والله ..

ضلليت بصرراع وتعب من تفكيرر بين قلبي وعقلي قلبي يحن مو بيدي مشاعري صح اكول اكرهم ومارجعلهم بس مشاعري مو بيدي لابد اكو موقف حلوو الهم ولو واحد يشفعلهم ..

وعقلي يكلي لا ترجعين المن للباعوج وماسألو عنج جذب ميردوج بس يوكف السؤال عد ليش اجووني وشلوون درو بية وشنو سبب الخلاهم يحسون بذنب؟ ؟؟

كمت وبوجهي للغرفة صاحتلي مَدين كالت منو بلباب غلست صررت جوة الفرراش مدثررة شهر الثالث ودنيا بعدهي باردة ..

اجت مَدين كتلها طلعي مااريد احد عافتني وطلعت ..باجر يجيني ماروح اي ماروح شعدي رايحة وكفت بعيني دمعات ابوية لا شكلة صدك مامعقولة يبجي جذب اذا جذب منين جاب دمووع شي اكيد حسوو بذنب وانهدوو للطريق الصحيج وديحاولون يصلحون غلطهم واجااني هسة ابووية ..

لحضة اني دعيت الامام علي والحسين والعباس (عليهم السلام) من كل كلب ونية اطلع مناا واخلص من العطف والذل معقولة طريقة خلاصي ارجع لبووية ..

اوووو اعووف ناس كلها وارجعلهم مستحيل الشفتة وتعذبتة هوواي ماريد ماريد انكسررت هوواي منهم ماريدهم نخرر راسي من تفكير بين اي ولا اخرر شي تعبت ونمت ..

〰️〰️〰️〰️〰️〰️〰️〰️〰️〰️〰️

مَدين

كلما اشووف مراد اطفرر لو بلمطبخ لو بلغرفة حتى هووة حس بس شسوويلة متفشلة والله من ذاك اليووم ونوبة على حضي صاامغ بلبيت ميطلع ..

بيووم مندمجة اغسل مااعين وساارحة بأفكارري ماادري بدنيا طشت لو رشت حسيت ايد على جتفي نززيت بسررعة طفرر من عندي الماعون انكسر لزكت بلكاونتر واني ابلع بريكي ..

.. شبيج وثول غير تنتبهين صارلي سااعة اصيحج وين عقلج

.. بلمطبخ ااا شسمة بهاي راسي

.. اي مبين كللش سوويلي جاي بس خلي ثكيل

دار وجها حطيت ايدي ع كلبي من هبطة والله خرعني شلت الماعون كلة مااي وكزاز شلتة وانجرحت بطن ايدي نترتة بسرعة بلسنك وفتحت مي احسة دك بلعضم مال ايدي ..

حطيت فوكة مااي طبعا مااعرف شعدة الكزار وياي دائما انجرح منة لو هوة شاد وياي لو غباء مني ..

المي طب بجرح كمت ادك برجللي بلكااع اخخخخ اجة مراد كال .. شبيج

كاامشة ايدي اعصرها احاول اوكف دم .. ماابية

اتقررب مني شااف دم كال .. هااي بيمن تعورتي

.. سخبت ايدي كتلة بلمااعون

رجع سحب ايدي بقوة .. غير تنتبهين جر كلينس حطها عليها كال .. انتضري هسة جاي

كعدت اضغط عليها اجة هوة ويا كطنة معقمة حطها على جرح ولفها باندج جاان يتلمس ايدي وكلبي يرركع ..

كملها وكام شال الماعون من سنك حطة بسلة الزبل كال لتفتحيهاا لمن طيب ..

كمت سويتلة الجاي وخذتة الة .. ليش سويتي وايدج؟

.. عدي وحدة ثانية

خذا وهوة مدنك ماشال راسة رجعت للمطبخ لميت الماعين بمكانهن ورحت يم ام مراد بغرفتهة كعدت جانت تسبح خابرتها ام صلاح وكعدن يستاغبن بلناس بعدين يكولن استغفر الله مالنا دخل بيهم حجية بعد ايش بعد ماسويتيهم لافات كص ..

سوالفهن ملل بملل طلعت شفت مرراد ماكو طبت نور وصعدت للدرج تشهك من بجي سألتها شبيج مترد صعدت وراها كالت عووفيني وطلعي طلعت سديت الباب شسويلها هلييام هيا نفسية و تخرط بلحجي مدري شتكوول ..

شفت غررفة مرراد ضلمة يعني طاالع طكني الفضوول اروح اشووفها ..

تمشيت للغرفة فتحت الباب على كيف جان ماهوة فتحت الضوة وجانت هادئة الفرراش يحث على نووم والغرفة تشتهي تكعد بيها ملابسة منثورة على الطابورية رحت شلتهن جان ماليهن العطر خذلتني ايدي وشالتهن وقربتهن لخشمي يرربي مدري ليش من اشووفة ادوده تتخربط اوضااعي لسة متحسسة من فشلتة ..

يبووي من اذكر اتمنة الكاع تنشك وتبلعني رجعت لواقعي لا يالله هسة اني شسووي بغررفتة ردت اطلع فتحت الباب صاار بوجهي وايدة على مقبض الباب الخاولي ملفوف على خصرة وشعرة يكطر ماادري يمكن ميدري هذا شتا ..

خرطت العافية من صدك وكفت بتلكئ وحيررة هسة شيكوول علية شسووي بغرفتة لا يالله ..

جانت عيونة مركزة بعيوني الشاردة منا ومنا بلحضة حسيت انتهت حياتي دفعني ليجوة وبحركة سرريعة سد الباب ودفعني على الحاايط ..

ضل مركز بعيووني بذوبان قررب خشمة لركبتي وايدة تسلل لخصرري نفس سررع ثبتت ادية على صدرة احااول امنعة ..

همست من بين شفايفي الترجف .. مرراد شبيك

حجة بكل ذوبان .. اخخخخ بوية

استجمعت طااقتي ودفعتة حييل رجع ليورة وفرك وجها بتوتر ايدي على كلبي والثانية على الباب اريد اشررد ..

.. انسي الصار

من دون مالتفتلة طلعت وركض للغرفة قفلتهة كعدت بلكاع نور ناايمة واني اهيس كلبي هاهية راح يطلع انتهيت اني ..

يرربي شلوون هيج صاار عززة كمشني لو باقيين شووية شصاار طردت الافكارر من عقلي وكلت اني الغبرة شكوو رحت صووجي اني وثوول الثولني نشالله لا حض ولا دباارة ..

بعدد لو امووت مااراوي خللقتي والله ..💔

〰️〰️〰️〰️〰️〰️〰️〰️〰️〰️〰️

مراد ..

وجود مَدين بلبيت ميخليني اسيطر على نفسي حبهاا تسلسل بداخلي واني مامنتبه شلوون حبيتها بس الاعرفة وجودها يمي يشفع لحبها بداخلي ..

جنت اتخبل من كعدت البيت هسة صررت ارفض الطلعة وياهم واكعد اكابلهاا احب اكل من ايدهاا احب اهتماهما بأبسط الاشياء من تضحك لو تبتسم رصعاتها تسلب عقلي تحرك كلبي ثبت عيووني على شووفها وصفاء بشرتها وترافتهاا ..

مالكة رووحي غيرر طاايح بحبها وغرركان ومنتهي من تعورت بلكزاز لفيت ايدها وادينا طخ بعض وداخلي يختض كعددت اشررب جاي من ايدهاا وانا حااير بروحي شلوون بهلسرعة حبيتهة وشلوون راح اصارحهاا ..

رحت سبحت وطلعت ابدل بلغرفة لكيتها بوجهي اني من اشوفها بلبيت استغفر الشيطان نوبة وحدنة وبغرفة شيطاني اقوةة مني سحبتها وحصرتها بلحاايط واني اتنفس انفااسها ما هامني ليش هيا بلغرفة لا جاان بالي اصاارحها ..

واعترفلها بمشاعري المدفونة واحضن شفايفها بس اخخخخ دفعتني وطلعت واني اكلها انسي الصاار وافرك بوجهي شلوون سويت هيج خررب حضي ..

بدلت وطلعت مريت لصلاح خذتة وياي ورحنا ع نهر ..

صلاح .. ابو يعكووب شبيك هموم الدنيا شايلها على راسك جنها صينية توزيعة

مراد .. اخخخخخ ولك اخخخخخ

صلاح .. ايباه صاارت بيها اخخخخخخ احجي احجي بعد اخووك

مراد .. احبها

صلاح .. منهيا؟ ؟؟

مراد .. هياااا

صلاح .. مًدين؟

التفتتلة مستغررب .. شدراك

صلاح .. ههههههه شدراك هيج شغلات متعبر علية

مراد .. شعرفك

صلاح .. من اجت البنية لبيتكم واني حسيت لان انتة كاعد بلبيت وهيا مكابلتك شي اكيد راح تحبها وعيونك مشووف غيرها وخصوصا من احم تصاوبت وتبدلك الضماد بلغرفة الله اليستر شصااير ..

مراد .. لك انجب هوة مناك كمت احبهاا

صلاح ..شوف شكتلك شلووني هسة بتحليل الشخصيات والحبنجيات

مراد .. نعاال

〰️〰️〰️〰️〰️〰️〰️〰️〰️〰️〰️

نور 💔

كعدت ثااني يووم والخنكة ذاابحتني الم بصددري خاايفة من القرار الراح اتخذة صح لو غلط ارجعلهم بس ماضامتتهم ابقى اضل طوول عمري تحت رحمتهم ..

شعور متضارب بين ذنب بوجودي هناا والقسوة من اروحلهم ..

صح اريد اغير نفسي واطور من ذاتي بس مااتوقع هما اهلي الراح يكدرون ولا وجودي هناا لازم اروح لمكان بعيدد عن النااس كلها ارتااح من مشاكلهم احقق احلامي بسهولة اكونلي عائلة ..

نزلت صبحت عليهم وساعدت مًدين بريوك كعدت اكل و ياها من دون نفس ..

مَدين .. نور حبيبتي شبيج ليش هليام مو ع بعضج صااير شي

نور .. هاا لا هيج ضاايجة

مَدين .. كل هذا لان ضاايجة حتى ام مراد تسئل عليج تكوول وينها شبيها اجت ام صلاح هم رادت تشوفج .. نور لصيرين نفسية يعني اني متعودة على ضحكج وشقاج هسة ابد ..

نور ذبيت الخبزة من ايدي وكتلها .. مال نفس ..

كمت غسلت الحمامات وكنست الاستقبال طب مراد صار بوجهي .. نور

كتلة هاا .. تعااي عندي مووضوع وياج

رجعنا للاستقبال كتلة .. كوول

اتنهد وكال .. ابوج اجة

درت وجهي .. ادري امي هم اجة

.. اجة ليش ماكتيلي

.. مو مهم اجة وراح

.. نور سالفو ثانية اذا صارت مثل هييج مضميهاا علية مفهووم

هزيتلة برراسي كال .. يريدج ترجعين ويا شتردين انتي وانا ماجبرج هاي حياتج وبكيفج شتردين انتي ..

باوعتلة .. مادري

.. شنو المادري غير تقررين شووفي هوة ابوج اجة وحجة بكل ادب واخلاق ماتوقع رجع لسوالفة القديمة يجورز تغيرو اهلج نطيهم فررصة

.. مراد اهلي واعرفهم مستحيل ينعدلون

.. انطيهم فررصة كتلج لان شكلهم متغيرين اني لو مااشوف تغير بعيوني هم مااخليج ترجعيلهم ..

.. وهسة شنو تريدني ارجع

.. لا بس داوجهج لطريق صح اهلج احسن من غيرهم وكتلج مبينين متغيرين اني ماجبرج تردين تكعدين هناا بيج خير ودللي تردين اهلج مامنعج ..

هزيتلة برراسي وطلعت رحت للغرفة .. ماسيطر على عيووني كلما اريد اقوةة واوجه عيووني التخررب ام السالفة ويخذلني ويبجن عالنات استسلامهن للامر الواقع ..

حسيت مراد يريد يطلعني وهوة يقنع بية اروحلهم هاهية ماريد اصير ثكيلة اكثر عليهم ..

بدوون تفكيرر لميت ملابسي وحطيتهن بجنطة وعدلت نفسي ولفيت حجابي وكفت بلباب ..

هاهية راح ارجعلهم وانطيهم فرصة عسى ولعل اتأدبو نزلت صارت بوجهي مَدين تلكتني ..

.. ها ولج هااي وين رايحة

.. لاهلي

.. شنوو يا اهل ذوولة

.. شنو يا اهل اهلي امي وابوية واخواني

.. شلوون هيج لحضة هما مو مارادوج

.. يردوني يردوني ذبيت الجنطة من ايدي وتقربت يمها حضنتهاا وهيا صافنة مصدومة بوستها ورحت لام مراد جان عدها خبر بلموضوع سلمت عليها وطلعت ..

رحت لمراد كال .. براحتج هسة اخابرهم ..

بين مايخابرهم ويجوون رحت لبيت ام صلاح سلمت عليهن وهناا ضلن مصفنات مستغربات طلعت صاار برجهي صلاح ..

صلاح .. اكول البيت منور اليووم

نور .. باهلة منور صلاح اني راح اروح

صلاح .. وين للبيت

نور .. لا ارجع لاهلي

صلاح .. ياا ليش وشلون ترجعيلهم نسيتي شسوو بيج

نور .. مانسيت بس اجا ابوية واعتذر وكال اتغيرنا واني مااريد ابقى اكثر

صلاح .. ليش ضجتي من شي

نور .. لا ولله الله شاهد حبيتكم بس بعد هاي

صلاح .. تمام براحتج لاتكطعين بينا

نور .. نشالله ..

وصلني للبيت طلع مراد كال هذا راتبج مال شهر اخذتة منا وشلت جنطتي اجة ابوية بسيارة تكسي ..

سلم عليهم وخذاني ورحنا ..

〰️〰️〰️〰️〰️〰️〰️〰️〰️〰️〰️

مَدين

جانت روحة نور صدمة الية بسرعة راحت حتى مالحكت اشبع منها..

جانت مونستي نشتغل سوة ناكل سوة حسيتها اختي يشهد الله حييتها ..

بس بعد راحت وفرغ للبيت كعدت يم ام مراد كالت .. هيا عدها اهل خليها ترجع احسن الها ربج مينسة عبدة ..

رحت حضرت الغدا طب مراد كعد على طاولة كال .. چاي

من دون ماباوعلة احس نفسي شايلة علية لان حصرني بلغرفة ..سويتة وديتة الة حطيتة ع طاولة كمش ايدي بسرعة .. شبيج ضايجة

نترتها بقوة .. مابية شي رحت اشووف الجدر اجة وراي انتجة على الحايط ..

يشررب جاي ويباوعلي .. لا شكلج ضايجة احجي شبيج سولفي

دكيت الجفجير بقووة بلكدر وكتلة .. مابية شي

هز راسة بتفهم وطلع ..

〰️〰️〰️〰️〰️〰️〰️〰️〰️〰️〰️

مراد

ردت اكسر الحاجز الصار بينا اني ومَدين بسبب غبائي بس شكلها معاندة وضايجة سوتلنا الغدا وطفرت ماكلت ويانا وهذا الشي يعصبني اكثر منهاا ..

بودي اكمشها واعترفلها واكلهاا هاهية انتي ملكي الي وبس اني احبج واطلعلها كل مشااعري المكبوتة بداخلي

رحت لصلاح ادري يضل يصنف علية بس مخنوك ماعدي غيرة اشكيلة ..

كال عدي خطة .. اليوم بليل اخذ نوال ودرة وانتة جيب مَدين نروح للمنصور واخلي امي يم امك وهناك اخليلكم جو رومانسي تتونسون واحجزلكم شقة وراها ..

ركعتة علابي بسررعة .. لك انتة شكد لسانك زفرر الخطة حلوة بس اخير شي شيلها

صلاح .. اي تخلصها بيتكم مو الة شقة

كمت اريد اسحلة طفر لبيتهم وسد الباب ركضت ورة اريد الزمة قفلها ويضحك ..

صلاح .. ب 7:30 جاهزين اني والبنات خبر حبيبت الكلب

ضحكت على سوالفة ورجعت للبيت شفت مَدين برة تسقي الزرعات شافتني انطتني ضهرها شلعت جد جدي ..

تقرربت يمها بهدوء .. مَدين حضري روحج ب7 نطلع

دارتلي .. وين

.. للمنصور اني وصلاح والبنات

.. مالي خلك

.. هوة لان مالج خلك وضايجة راح نطلع

.. وخالتي

.. يمها ام صلاح لتخافين عليها

.. ب 7 الكاج جاهزة

طبيت ليجوة كعدت يم امي بعدين رحت نمت وسبحت رحت جبت عشا من برة لامي وام صلاح ...

صارت ب 7 او عشرة نزلت المصيوبة بجينز اسود وبلوز وترواكة كلة اسود شوية لبسها للفخذ حسيتة قصير ..

.. ماعدج شي بعد اطول

.. وين بعد هذا شطولة

بين المقنع ولا كتلها يلة امشي طلعنا ورحنا كلنا بسيارتي وصلاح عالك اغاني ويهز والبنات يضحكن ماعدها هيا كاعدة وتبتسم برصعاتها الشلن حاالي ارريد اكمشهن وابووسهن اخخخ ..

وصلنا للمنصور نزلنا نوال ودرة يفترن بلمولات وراحت وياهن مَدين واني وصلاح بلكووفي نركل ..

صلاح .. يلة ابو يعكوب امشي اخذها روح لحديقة مطعم وصيرر بطل واعترفلها

مراد .. لا بهلسرعة مو هسة

صلاح باوع منا ومنا وكال .. لتخليني افشر منا وادم على شنو اني طلعت درة ونوال غير علمودك وتعترف لمَدين لو ترجع علية السالفة لو يجي نور المالكي ماطلعهن ..

مراد .. انجب كتلك مو بهلسرعة على كيف

صلاح .. ولك شمنتضر كلي هاي وانتو راح تصيرون وحدكم صير رجال وعترفلها ..

مراد .. رجال غصبنا ما عليك وهسة اشوفك ..

كمت خذت الموبايل والمحفضة والسويج طلعت افتر بلمول ادورهن لكيتهن بمحل مكياجات وعطور صحتلها من بعيد ماانتبهت تقربت اكثر اشرتلها اجت ..

كالت .. ها

كتلها تعاي عندي موضوع ويااج مشيت وهياا وراي نزلنا جووة كعدنا بمطعم طلبت عصير حطيتة كبالها وكتلها .. مَدين شرايج بية

مَدين .. من اي ناحية

مراد .. من كلشي

مَدين .. رجال محترم ثكيل اخلاقك عالية

مراد .. لا اقصد نضرتج تجاهي يعني ( كمشت ايدها)  تحبيني مثل ما اني احبج....

〰️〰️〰️〰️〰️〰️〰️〰️〰️〰️〰️

نور

جنا نمشي بلتكسي ابوية ليكدام واني ورة ابوية كلة لشارع فلسطين وتوجهنا ..

باوعت لبوية من المراية شعدنا بشارع فلسطين باوعلي وكال .. عندي شغل

ماهتميت بس كللبي يدك واطرافي نملت وصلنا لشارع فلسطين نزلنا يم بيت كال نزلي نزلت واني اسئل شعدنا هنا ..

اشرلي .. ماكو شي بيت صديقي عازمني ع غدا ..

دك الباب طلع ولد سلم علية ابوية طبينا ليجوة كعدنا بلصالة انفتحت الباب و اني كمززت واشاهكت بااوعت لبووية بنضرة عتاب رفعت سبابتي بعتني مرة مااقبلها مرتين .. يتبع

شلوني اليوم قفلتين 💔 عيوني التنزيل راح اسوي بين يوم ويوم علمود اطول الاحداث واخلص الرواية بسررعة لان بعد 10 محرم مااكدر اكتب عندي ضروف بعدلها كم بارت وانهيها ..

لتنسون التصويت + 10 تعليق

😘😘