لن اُكسر

البارت التاسع عشر

لن اُكسر

البارت التاسع عشر
بقلم .. زينب الشمري zan_eb15

وگالولي
رايـدتــك
وگلتلهم لا

رادت عيوني
اشتاگت تشوف "البير"

بوشالة منهن چنت اضيع الـ متروس

الغيمة
تداين عبرتي من تحير

لا تستفز خاطركم بـ چلمة ( اخ )

الـ خانت ضحكتي
يخونها شگد تعبـير

گالوا صدگ
گتلهم بلا مضمون

بالملگة مامش خير يم الـ " ها خير؟ "

فشلانة ردت مثل فشلة صياد
فرغن چفوفة وتارس عيونه الطير

❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️

اجت ام صلاح وكالت بصووت مسموع ياا انتبهوو الولد لصوتها ضلو يباوعلنة اني كمت اكمزز كتلهاا تنتبهوو فضحتنة ..

اجة مراد كال .. شبيجن

ام مراد .. مابينة بس مَدين تكوول ازدحاام.

اتنفست بأريحية حمدلله ماانفضحت باوعلي وكال .. مو كللش خفيفية

انمغصت مرة ثاانية تلاحكتني درة مرة احمد اخو صلاح جانت واكفة ودرت بية كالت .. مَدين حبيبتي اخاف على جهالي ينجعصون تكعدين هناا يمهم نزور ونطلع وطبي انتي

ردت اطك ام صبعتين لو فشلة من الامام كمزت ام مراد .. اي اي خليها يم جهال احسن خطية ازدحام

خربها مراد .. لا شنو ضل هناا خطب اني وصلاح نضل يمهم ..

كالت درة .. لا انتو شمعرفكم بلجهال هيا مَدين تعرف سوي ممة مو مَدين

مَدين .. هاا اي اي اعررف

مراد .. روحو انتو واني ومًدين نضل من طلعون نطب نزور

عضيت شفتي بحركة اخخخخ شعدك هسة لطشت روح زور شدخلك بية (بكلبي)

ام مراد .. هاا يلة احنا ساعة ونطلع

درت وجهي للجهة الثانية ضربت كصتي بيدي بدون محد ينته درة ذبت جهالها ثنين حطتهم على زوالي كبال الامام وذبن الجنط والنعولة مراد كعد بلكاع اجت درة كالت .. ديري بالج ع جهالي دندن وغمزتلي ..

هزيت ايدي راح انحرم من زيارة ويطيح حضي بجهال ..

نزعت حذائي فتحت العباة اعدل البنطرون اجتني خزرة سريعة من مراد بلعت ريكي بسررعة وكعدت ..

مراد .. انتي شلوون بيج متوبين بابا احنة بنجف مو ناصرية لو بغداد لفي رروحج وكعدي عدل ..

باوعتلة صفح ودرت وجهي هوة شكوو يدخل مرتة اختة الله ياالله بجة ابن درة عمرة اشهر هيا مسويتلة الممة شلتة بحضني ارضعة وامسح ع وجهاا ..

〰️〰️〰️〰️〰️〰️〰️〰️〰️〰️〰️

مراد ..

من شفت مَدين تبجي لان ماعدها اهل شي بداخلي تحررك احس دمووعها حركتني حرك بوودي المس خدها وامسحهن اني بس مااكدر بوودي من اشووفها مقهورة احضنها احسها وحيدة ومالها غيري اني االازم اتكلف بكلشي يخصها هذا منغير الاشياء مشتركة بينا انولدت ماشافت امها واني انولدت ماشفت ابوية ثنينة فاقدين حنان الابوين ..

من رادتها درة تكعد يم جهالها ماحبيت تضل وحدها واكو جهال ضلليت كاعد يمها واترقبها بعيووني شلوون تلاعب الطفل وترضعة لا ارادي ابتسم لتصرفاتها وبرائتها بررغم كل الشافتة بحياتها ..

وتعذبت وانباعت وانطعنت من اقررب النااس الها وبقت صاابرة منتضرة رحمة الله وعطفة ولطفة بيهاا ..

بيهاا اشياء تميززها عن غيررها بعيدا عن جمالها اخلاقها وادبهاا وثكلهاا انتبه عليها بكل حديث لو سالفة لو ضحكة الكاها كاعدة بهدوئها قليل تشارك بلحديث وابتسماتها مرسومة على شفايفها دائما ..

رقيقة وحنوونة حييل عيووني تركض وراها بدون متنتبه وهيا مثل فراشة تتنقل بلبيت غيرتي متقبل تطلع للشارع بملابسها الة جبة وعباة مااكدر اخليها بمكان وحدهاا الة وعيني عليها يمكن داانعجب بيها وبتصرفتهاا خلت كلبي يدكلها بفهاوتها وبرائتها يجوز حبيتها وماادري برروحي ..

انعجبت بيها وهية جانت تنضف جررحي وتهتم بية وبمواعيد دواي وتحضرر ملاابسي..

ردت اجيس نبض كتلها .. تلوكلج الامومة

باوعتي وابتسمت بطرف شمتها .. عووذة ليش اسم الله

شديت حوواجبي .. ليش؟

ردت بلامبالاة .. مااريد اتزوج

للحضة تسلسل الشك لداخلي .. ليش متزوجين عدج شي

باوعتلي وهيا مصغرة عيونها .. شنو شنو عدي شي شتقصد؟

.. يعني ليش رافضة فكرة الزواج اكو شي تخاافين منا حتى متقبلين

رفعت سبابتها ..مراد رجاءً احترم نفسك ترة تغلط هوواي شنو قصدك يعني اخااف من شنوو

زاد غضبي اكثر .. شو  انتي متحترمين شنو تهددين

.. لا ماهدد بس شي يخصني مالك شغل انتة تدخل بي وماسمحلك بعد تجااوز علية مفهووم ..

انطتني ضهرها والطفل بحضنهاا ردت اصييح علليها بس منا وادم كورت ايدي بغضب من كلامها شكد لساانها طوويل وانطتني ضهرها ردت اكووم اكتلهاا لزمت روحي بلكووة ابن احمد بجة صللختة برراجدي اسكتة ..

هيا دارتلي بسررعة .. شبيك انتة اتخبلت ليش تضررب الطفل ..

سكتي لا افلشج انتي ويااا شالتة بتذمر وهبا دردم انطتني ضهرها وحضنة الطفل سكتة وهوة مستمر يبجي ..

طلعتلة لعبة و شمرها كامت ع حيلها شالتة واتمشت بي ..

خزرتها تكعد ولا عبالك يمها ضلت تفرفر بي والناس عيونهم عليها تخبلت كمت اتوجيت على العوجية خذت الطفل منها ماقبل يجيني ضل مجلب بيها ..

صكيت سنوني وحجيت .. روحي كعدي لضليت تفرفرين منا ومنا ..

مَدين بعناد .. من يسكت الطفل الخليتة يبجي عوود اكعد

كمشت ايدهاا حطيت عيني بعينها خزرتها قابلتني بنضررة حاادة صر على عناادها ..

نترت ايدي بسررعة وراحت كعدت شرربت مي سكتت الطفل وضل كاعد بحضنها رجعت لمكاني كعدت كبالها باوعتلي وجانت دمعتها بطرف عينهاا مسحتها كبل وصاارت تلهي نضررها بلفرراغ بعيدا عني واني كل نضري وتركيزي عليهاا ..

ضللينا كاعدين مثل الفار والبزون لحد ماطلعوو اجوو درة ركضت لجهالها ونوال تتبسم وصلاح اجاني من ورة يغمزز ..

كمت كتلهاا يلة كوومي خنزور كاامت يم نوال لبست حذائهاا ونوال كالت .. راح نروح نغسل ونجي

درة كالت اريد اغسل لجهالي اشرت لصلاح وياهن وتوجهت لعلي ابن ابي طالب (ع) ..

طبيت بكل خشووع وكفت على شباج ادعي الله يخديني للطريق الصحيح ويجفيني شر عبادة وبكتبلي كل البي خيرر ويعقلي الزعطوطة اليمي ويحفضلي امي ..

كعدت على المصلاية مااكدر اصلي اني وكاعد صلليت ركعتين زيارة وقرريت الزيارة بست الشباج وطلعت ..

لكيتهم كلهم كااعدين ردت اكلها زرتي سبقتني امي .. يللة يمة خنروح ورانا طريق بعد ..

كاموو كلهم حسيت بيها شي اليووم متغيررة ماادري شكوو المهم طلعناا ومَدين صعدت ويا امي وام صلاح مدري تعااند وياي بس ضجت من تصرفاتها طفوولية هاي ..

اتوجهنا للمقبرة وجنت اباوعلها من جاامة عيوونها تجرري بسكووت وتفررك بصدرهاا اختنكت لمنضررها ..

كتلها وين اخووانج كالت بمقبررة الشهداء..

اتوجهناا للمقبرة ونزلنا هيا اول وحدة تمشي وتتعثر نزلنا وياها اني وصلاح وامة ..

جانت تبااوع بحيررة دارتلي وكالت الكبور مبنية وجديدة وكثررانة ..

وكفت اباوع لاسمائهم كلتلي كرار وفقار وهيا صفنت بعدين طكتهاا ركضت صاارت بين كبرين والاسماء فقار وكرار كعدت وهياا شيل ترراب وشم منضررها يكطع الكبر واندهت بلبجي والنووح ..

راحت ام صلاح تسكتهاا جانت تبجي وتشكي ابتعدنا اني وصلاح على صفحة وكفت اشررب جكااير نص ساعة يالة بلكووة كامت من يمهم ..

صعدت وهيا بس صوت شهكاتها تطلع محد حجة وياها كالت ابووية بلفتحة الرابعة بمقبرة العشيرة ..

ماخليتها بنفسها وديتها ورجعت لنفس المنااحة بس من صددك بجتني وهيا تبجي وتحجي بحرركة ..

بعدين رحنا احناا لمقبرتنا زورت امي اهلها وكرايبها ورجعنا

الطريق كلة محد حجة بس صلاح يحجي ويسكت وحدة لحد ما وصلنا لكربلا نزلنا وكلمن شال غررض مال الغدا ..

شفتها دتسحول بسلة مبينة ثكيلة علليها رحت دا ريد اخذها منها ..

سحبتهاا الها وكالت .. ميحتاج اكدر اشيلها

ابتعدت منهاا بكل هدوء واني ضاغط على نفسي هاي هلطولها شيل خشمها علية وتعزز اني الها ..

مشينا وصلنا بين الحرمين كالو نتغدة يالة نزور كعدنا مدينا سفررة والنسوان صبن وكامت بكل طولها تنقل الاكل واني وراها اراقبهاا كوون محد يشووفها وهيا دنك ..

وزعنا بثواب ابوية و كعدنا ناكل بضحك صلااح ومَدين ماخلت لكمة بحلكهاا كاعدة تنقش ومدنكة راسها وكلساع ترفع ايدها تمسح عيونها وترجع ..

كملنا اكل ولمينا السفرة وشربنا جاي وكالو يلة النسوان كالن نروح لابو فاضل واحنا للحسين (ع ) كمنا كلنا وبقت امي ونوال يم الغراض يكملن وتاخذها ام صلاح زورهاا ..

توجهنا اني وصلاح واخوو للحسين جان ازدحاام ذكرت موبايلي بجيبي وازدحامات كاتلهم هسة جاي خنرجعة واجي وهما هم عافو موبايلاتهم ..

رجعت وشفت مَدين يم امي وكفت من بعيد شبيها هاي البنية مطب زوور اجة بالي العذر الشرعي كلت ماكوو غيرة ضحكت بداخلي مااعرف ليش ..

مشيت يمهم وهياا وجها صار اصفرر على احمرر انطيت الموبايل لامي ورجعت متوجه للحسين (ع) ...

〰️〰️〰️〰️〰️〰️〰️〰️〰️〰️〰️

مَدين..

ا

نغثيت من مراد حيل صررت ماطيق وجودة يشك بية صح ميعررفني عدل بس مو معناة كبل يشك ويكلي تخاافين عدج شي؟ نهضمت من حجاايتة حييل ودموعي بطررف عيني امسحهن ويررجعن بلعناد

رحنا للمقبرة وجنت حاايرة وين اخوواني الكبور مبنية وكثررانة تيهت وحررت بعدين لجحتهم من بعيدد ركضت وطلعتلهم كل الضيم والقهر العشتة والمعانات ..

انهديت من صددك ررايدة دوة لجروحي مالكية رايدة احد يعووض اهلي الراحوو ماعندي كعدت اعاتبهم من صدك بلكووة كومتني ام صلاح ورحت لبووية اخخ يابوية اخخ ..

المن عفتني المن خليتني لبن اخوك الباعني الناس ارحم منا المن عفتني وصررت مثلهمم
وهم رجعت وانهدديت بلبجي ..

صعدت ويا ام صلاح الطريق كلة انااشغ لحد ماسكتت وحدي وصلنا لكربلا وجانت نفسي مزدودة شبعت من البجي راحوو يزورن واني كلت للبنات اروح وياجن شوية نمشي وارجع وتروح بدالي نوال حتى محد يشك نفذت الخطة بخير و سلام بس الصاعقة جانت من اجة من بعيد تمنيت الكااع تنشك وتبلعني ..

ردت اختفي من الوجود وجهي انطعن عيووني حسيتهن دخنن من الفشللة اجة بكل برود حتى ماسأل نطة موبايل لامة ورراح واني شووية وابجي شي اكيد عررف ..

يررربي اطم رووحي والله لا رربي شكد غبررة اني لو رايحة وكاعدة باب الامام ومن يطلعن ارجع ولا هل فشلة ررربي اخخخخ ..

ام مراد .. هههههه يمة شبيج واذا درة قابل انتي اول وحدة تجيج شهررية

مَدين بحركة .. ضحكي خالة انتي شيهمج هسة اكيدد عررف بية خالة مو شغلة اول وحدة بس فشلة من ولد يعرف ببنية هيج ..

ام مراد .. هههه يمة غللسي لتهتمين ومراد ابني ثكيل ماعدة هااي سوالف ..

يرربي شحاجيهاا اكلهاا تفشلت ودرة بية تكلي لتهتمين اطم رووحي ..

ضللينا كااعدين الحجية سبح واني صاافنة شلوون راح اشووفة بعد اجن البنات ام صلاح خذت ام مراد بلكرسي المتحرك تزورهاا وكعدت يم البنات درة ونور ونوال كتلهن وهنااا ضلن يضحكن علية و نور ولا يمهة ..

〰️〰️〰️〰️〰️〰️〰️〰️〰️〰️〰️

نور 💔

رحنا نزور الامام علي والخنكة فوول عنددي كمشت شباجة واني اهززة كوون يخلصني ارريد اعيش اررتاح بدون ذل وعطف ارريد اعيش حيااة مستقيمة وردية اريد احقق احلامي كوومة شغلات بالي اريد اسوويهن ..

كوون اكدر اطلع من بيت مراد واعيش حيااتي والكة اليسااعدني ويخللصني من عطف مااريد احد يعطف عللية ويترحم ويكسب ثوواب بية ارريد اعيش بكررامتي وكيااني الخااص ...

انسان مرة وحدة يعيش بحياتة وبهل الدنيا ياا يعيش بكررامتة بدون ذل لوو يمووت احسلة واني اريد اعيش بكررامتي اذا مالكيتهاا امووت وخلص واليصير يصير اتحمل ذنب قتلي لنفسي ولا احد يحسسني اني ناقصة ..

كلامات ذاك الحقير لسة بأذني وهوة يكول انتي الخدامة كلماا احاول اغير نصرتي للحياة تجي هلكلمة بالي ويتجدد سمعها بأذاني تخليني اررفض رفض قااطع اضل هناا ..

بس محتاجة حل وأمن على نفسي واطلع ..

〰️〰️〰️〰️〰️〰️〰️〰️〰️〰️〰️

مَدين

اجو الشباب واني خااتلة منا ومنا احااول اضم روحي من مراد استحي احط عيني بعينة نسيت كل كلامة وركزت بلفشلة الصاارت هوة الحمدلله ماباوعلي ..

شلنا الاغراض ورحنا بلسياارة ردت اصعد ويا ام صلاح صااحلي صلاح اجي وياا ..لا اهناا احسن ..

عاند كال تعااي ويانا سيارتهم متكفي ماردت اتفشل اكثرر من شي الصارر رحت ويااهم ركبناا واني صررت ورة صلاح خااف مراد يشوفني من المرراية ..

جنا نمشي بسللام دك مووبايل صلاح وتبهذلت احووالة وصاار يصيح .. شلوون يطللع علللية كوومة جرائم وادلة شللون ..

وصار يغلط ويسب ويفشرر سدة وصااح بي صلاح .. لك شكوو احجي ..

كال .. العاار الكو... عدنان طاالع من السجن الكو... مطللعي النغوولة المااعدهم شررف تربيت كح.. شللون يطلعوو شلوون رراح اتخبل ..

صلاح .. شووف النغل شلوون.طللع هذا والله عدة حض

مراد .. لك ابن ال.. وسكت حص ايش هذا حض شنوو كوول رراشين القاضي ضبااط مطين فلووس نعل وطلعوو لو اكو خوونة وياانا جللب شلوون حرك دمي طللع ..

وصلنا للبيت نزلنا ومراد مانزل كال نروح للمركز نشووف هذا شلوون يطلع ..

طبينا للبيت المغربية سبحت ونمت تعبناا من طرريق كعددت ب الليل شفتها ب 10:30 الكل ناايم ..

رحت سوويت جااي صبيتاا وكعدت اشررب صاافنة حسيت بطكطة وكفت طب مرراد من باب صالة خررطت العاافية ذكررت الفشلة تلبكت وين اروح وين انطي وجهي ..

باوعلي بجموود وكاال صبيلي جاي ..

كمن بسررعة صبيتلة كعدد بلصالة وديتة الة كال .. اووكفي

درتلة وجهي بعد ماجنت اريد اطفر كال .. ليش دتشردين مني ..

ضعت بهدوومي .. هاا ليش اشرد لا مدا اشرد

.. خووش

غسلت كووبي وركضت للفرراش دفيت بلحلاف ونمت ..

〰️〰️〰️〰️〰️〰️〰️〰️〰️〰️〰️

مراد

رحت للمركز جنت ضاايج من خبرر السمعتة وارريد اتاكد طبيت للضابط كال .. والله للاسف كدر يطلع ضهررة قووي كدرو يطلعوو لتنسة هوة منتمي لاحزاب وراس جبير مستحيل يعووفو هيج ..

طلعت ليبرة اجرر هوة اختنكت حييل بلشهور اني كضيتهن اني وصلاح نشتغل بسررية ونسحب معلومات حتة نسجنة تالليها بهل بسااطة يطللع وشي اكيد يررجع لشغلة المعفن ..

خابررنا جماعتنا ورحنا للكهوة نزلتي اركيلة وكعدت احش وجاي وجكاير احرك بروحي وارجع ..

لحد ماوصلت البيت شربت جااي وهاي الذابحتني جانت جنها البخت من حسبت بروحي اكو مشااعر صوبها كلبت عللية اخخخخ شووكت تجي عدلة ويااي ..

〰️〰️〰️〰️〰️〰️〰️〰️〰️〰️〰️

نور

ايام ملل بملل + كأبة وخدمة حاوولت اشررد بس نجبيت وكعدت وين اروح سمعت ام صلاح تكول اكو مجمعات ترريد بنات يشتغلن ..

اني ماصدكت خذت العنوان وردت اشتغل وحاجيت ام مراد كالت لا مراد ميقبل وانتي امانة ومن هلكلام هما شنو ويتحكمون بياا مااعرف كررهت رووحي حييل فووك ضيم ..

بيووم جنت كاعدة صاافنة  اندكت الباب رحت بملل افتحهاا وياريتني مافتحتهاا عيووني تسعت وصحت بابا .. يتبع

طبعا كتبت البارت اطوول بس نمسح 😭😭

المهم كتبتة من جديد عذروني من تقصيرر وتابعو هلبنووتة user49436064

لتنسون التصويت + 10 تعليق

❤️❤️❤️