CHAPTER 29 - PRINCESS FROG
"Sino kayo?" tanong agad ni Rocco pagkapasok palang namin.
Anong ginawa niya kay Vincent?!
"Ikaw dapat ang tinatanong namin. Ano ang ginawa mo sa Prinsipe?" tanong ni Zac.
"Wala kayong pakialam," sagot ni Rocco. Inilapit niya ang kutsilyo sa leeg ni Vincent.
Vampire si Vincent diba? Bakit natalo siya ni Rocco?
"Kung ako sayo, susuko na ako. Apat kami, isa ka lang," sabi ni Brix.
"Kayang kaya ko kayong patayin," maangas na sabi ni Rocco. Napatingin siya sa akin. "Magtataka na sana ako kung bakit nalaman niyo na nandito ako. Pero mukhang may nagsabi na sa inyo. Hello, mahal na prinsesa."
*Kokak! Anong ginawa mo kay Vincent?! Kokak!*
Tumawa siya. "Nakalimutan kong sabihin sayo na hindi lang ako magnanakaw. May isa pa akong trabaho."
Isa pang trabaho?
"Anong sinasabi mo?" tanong ni Jared.
Nagkamalay na bigla si Vincent pero halatang naghihina siya. Doon ko lang napansin na may sugat siya aa tiyan.
"Isa siyang... Isa siyang hunter..." mahinang sabi ni Vincent. Hunter? Ano naman kung hunter siya?
"Vampire Hunter..." bulong ni Matt. "Yung kutsilyo niya. May lason ito na nakakapagpahina sa mga vampires."
"Tama. Ang kutsilyong ito ay may lason. Pinahiran ko ito ng dugo ng taong patay na. You see, nakakalason sa mga vampire ang tinatawag nilang dead man's blood," paliwanag ni Rocco bago ngumiti ng nakakaloko. "Isang tusok ko lang sa puso niya, mamamatay na siya agad."
*Kokak! Wag! Kokak!*
Nilabas na agad nina Matt yung mga swords nila. Nilapag muna nila ako sa isang lamesa. Please. Wala sanang masaktan.
"Subukan niyong lumapit," banta ni Rocco. "Isasaksak ko agad sa puso niya ang kutsilyo kapag lumapit kayo."
"Ano bang gusto mo?!" galit na tanong ni Matt.
"Simple lang. Gusto ko ang gusto ng lahat ng tao sa lugar namin," sagot ni Rocco. "Gusto namin ng pera. Ng pagkain. Ng gamot. Ilang taon na kaming naghihirap. Kasalanan ng mga vampire ang lahat ng nangyaring masama sa amin."
"Wala... kaming... kasalanan..." sabi ni Vincent. "Kayo ang tumatanggi sa mga tulong namin. Kayo ang lumalayo sa amin. Kayo ang sumisira sa mga sarili ninyo."
"Huwag kang magsalita!" sigaw sa kanya ni Rocco. "Pinatay ninyo ang mga magulang ko! Nabuhay kami ng mga kapatid ko nang walang mga magulang! Naghirap kami!"
"Pinatay namin sila dahil papatayin nila dapat kami! We were just protecting ourselves!"
"Shut up!" Sasaksakin na dapat ni Rocco si Vincent pero naudlot ito.
Mabilis ang mga nangyari. Nakita ko kung paano binato ni Matt yung sword niya. Nakita ko kung paano ito sumakto sa ulo ni Rocco. Nakita ko kung paano ito bumaon sa noo niya. Nakita ko kung paano namatay si Rocco.
Once again, nakakita nanaman ako ng dugo. At si Matt nanaman ang pumatay.
Binuhat nina Jared at Brix si Vincent at inihiga sa kama. Si Zac naman ay lumabas para ipaalam kay King Vladimir ang nangyari.
"Okay ka lang?" tanong sa akin ni Matt.
*Kokak! Oo. Kokak!*
"Kailangan na nating malaman kung paano ka maibabalik sa dati. Ang weird kasing kausapin ka kasi palaka ka. Mukha akong baliw dito na nakikipag-usap sa isang hayop." Dinedma ko nalang siya. Paano na ako makakabalik sa dati?! Wala na si Rocco. Wala na akong pag-asang makabalik sa dati.
Nagdatingan si King Vladimir, Ate Ruby at ang manggagamot nila. Lumapit bigla si Ate Ruby sa akin at binuhat ako.
"Siya ba 'to?" tanong ni Ate Ruby kay Matt. "Si Emerald ba 'to?"
Um-oo si Matt. Niyakap ako bigla ni Ate Ruby. Hindi ko maexplain kung paano niya ako nayakap basta ang alam ko ay niyakap niya ako.
"Paano siya maibabalik sa dati?" tanong ni Ate Ruby. "May alam ba kayong gamot?"
"Hindi ko po alam, Mahal na Reyna," sagot ng manggagamot habang binabalot niya ng bandage yung sugat ni Vincent. "Isa po 'yang sumpa. At ang tanging lunas lang po niyan ay kung ano ang nakasaad sa sumpa."
"Paano ka ba naging ganyan?" tanong ni Ate Ruby. Kinuwento ko ulit ang lahat ng nang yari. Nakakapagod na magkwento nang magkwento ah?
"Kung ganon, kailangan may humalik sayo para maging tao ka muli," sabi ni Ate Ruby. Natahimik bigla sa kwarto.
Wala na nga yung 1st kiss ko, pati ba naman yung 2nd kiss ko?
"So, sino?" tanong ni Ate Ruby. Nagkatinginan yung mga lalaki.
*Kokak! Di ba pwedeng ikaw nalang, Ate, yung kumiss saken? Kokak!*
Kiniss ako ni ate sa noo pero walang nangyari. "Kailangan yata kasi ay opposite gender ang humalik sayo."
*Kokak! Ayokooo~ Kokak!*
"Arte mo."
"Si Vincent dapat ang humalik kay Emerald." Napatingin kami sa sinabi ni King Vladimir.
"Si Prince Vincent?"
"Oo, isa siyang prinsipe. Sa pagkakaintindi ko, isang prinsesa si Emerald at hinalikan niya yung palaka kaya nagkapalit sila. Para maging tao si Emerald, kailangan ay halikan siya ng isang prinsipe. Yun ang lunas sa sumpa," paliwanag ni King Vladimir.
"Pero paano kung maging palaka si Prince Vincent?" tanong ni Ate Ruby.
"Hindi siya magiging palaka dahil mga vampire kami. Someone with a curse cannot have another curse. May sumpa na kami. Sumpa ang tawag sa pagiging vampires namin. Vampire Curse. Kaya hindi magiging palaka si Vincent," sagot ni King Vladimir. Ang dami kong natututunan sa araw na 'to. Una, yung dead man's blood, tapos someone with a curse cannot have another curse, tapos sumpa pala ang pagiging vampire?
Tumingin sila sa akin. "Okay lang ba sayo, Emerald?" tanong ni Ate Ruby.
Wala naman akong choice eh. Ayoko namang forever na akong palaka. Bigla kong naalala na kapag naging tao na ako ulit... ibig sabihin ay...
*Kokak! Ano... kapag naging tao ako ulit ibig sabihin... wala akong damit. Kokak*
Nagkatinginan sila. Biglang naubo sina Brix at Jared kaya binatukan sila nina Matt at Zac.
BAKIT BA ANG MALAS MALAS KO?! KAILANGAN KO BA TALAGA MAGING PALAKA?
Nilagay nila ako sa kama. Lahat sila ay nakatingin sa akin at nasa harap ko si Vincent.
He smirked at me. "I've always wanted to kiss you. But not like this."
Yumuko siya at hinalikan ako sa noo. Pagkatapos ay kinumutan na agad ako ni Ate Ruby. I felt my body shake. Para akong natubo. Every part of my body is vibrating and expanding.
I miss being a human.
***
"Ingat ka sa pag-uwi ha?" Nginitian ko lang si Vincent.
"I hope this won't be the last time that you visit," pang-sampung beses na ulit ni Ate Ruby. "Pakisabi kanila Mama at sa mga kapatid natin na dumalaw sila soon ha?"
Nag-nod ako't kumaway na sa kanila. Nagsimula nang lumipad ang gryffins na nagbubuhat ng chariot namin. Finally, makakauwi na kami.
"Ako dapat yun eh," bulong ni Matt. Anong sinasabi nito? Bigla nalang bumubulong.
"Ang alin?" tanong ko.
Tinignan niya ako bago pumikit. "Wala. Nevermind."
Oh diba. Nababaliw nanaman siya.
Ipipikit ko na dapat ang mga mata ko para umidlip pero narinig kong nagpanic si Jared. Sila kasi ni Brix ang nagcocontrol sa mga gryffins. Ano nanaman ba ang nangyayari? Malas ba talaga ako at palaging may nangyayaring masama sa amin?!
"Bakit, Brix?" tanong ni Matt.
"Hindi namin macontrol yung mga gryffins!" sigaw ni Jared. "Sa ibang direction nila tayo dinadala!"
"Saan?" tanong ko.
"Sa light forest!"
______________________________________________________________________________